സദാ ബാലരൂപാഽപി വിഘ്നാദ്രിഹന്ത്രീ
മഹാദന്തിവക്ത്രാഽപി പഞ്ചാസ്യമാന്യാ ।
വിധീന്ദ്രാദിമൃഗ്യാ ഗണേശാഭിധാ മേ
വിധത്താം ശ്രിയം കാഽപി കല്യാണമൂര്തിഃ ॥ 1 ॥
മഹാദന്തിവക്ത്രാഽപി പഞ്ചാസ്യമാന്യാ ।
വിധീന്ദ്രാദിമൃഗ്യാ ഗണേശാഭിധാ മേ
വിധത്താം ശ്രിയം കാഽപി കല്യാണമൂര്തിഃ ॥ 1 ॥
ന ജാനാമി ശബ്ദം ന ജാനാമി ചാര്ഥം
ന ജാനാമി പദ്യം ന ജാനാമി ഗദ്യമ് ।
ചിദേകാ ഷഡാസ്യാ ഹൃദി ദ്യോതതേ മേ
മുഖാന്നിഃസരന്തേ ഗിരശ്ചാപി ചിത്രമ് ॥ 2 ॥
ന ജാനാമി പദ്യം ന ജാനാമി ഗദ്യമ് ।
ചിദേകാ ഷഡാസ്യാ ഹൃദി ദ്യോതതേ മേ
മുഖാന്നിഃസരന്തേ ഗിരശ്ചാപി ചിത്രമ് ॥ 2 ॥
മയൂരാധിരൂഢം മഹാവാക്യഗൂഢം
മനോഹാരിദേഹം മഹച്ചിത്തഗേഹമ് ।
മഹീദേവദേവം മഹാവേദഭാവം
മഹാദേവബാലം ഭജേ ലോകപാലമ് ॥ 3 ॥
മനോഹാരിദേഹം മഹച്ചിത്തഗേഹമ് ।
മഹീദേവദേവം മഹാവേദഭാവം
മഹാദേവബാലം ഭജേ ലോകപാലമ് ॥ 3 ॥
യദാ സന്നിധാനം ഗതാ മാനവാ മേ
ഭവാമ്ഭോധിപാരം ഗതാസ്തേ തദൈവ ।
ഇതി വ്യഞ്ജയന്സിന്ധുതീരേ യ ആസ്തേ
തമീഡേ പവിത്രം പരാശക്തിപുത്രമ് ॥ 4 ॥
ഭവാമ്ഭോധിപാരം ഗതാസ്തേ തദൈവ ।
ഇതി വ്യഞ്ജയന്സിന്ധുതീരേ യ ആസ്തേ
തമീഡേ പവിത്രം പരാശക്തിപുത്രമ് ॥ 4 ॥
യഥാബ്ധേസ്തരങ്ഗാ ലയം യാന്തി തുങ്ഗാ-
സ്തഥൈവാപദഃ സന്നിധൌ സേവതാം മേ ।
ഇതീവോര്മിപങ്ക്തീര്നൃണാം ദര്ശയന്തം
സദാ ഭാവയേ ഹൃത്സരോജേ ഗുഹം തമ് ॥ 5 ॥
സ്തഥൈവാപദഃ സന്നിധൌ സേവതാം മേ ।
ഇതീവോര്മിപങ്ക്തീര്നൃണാം ദര്ശയന്തം
സദാ ഭാവയേ ഹൃത്സരോജേ ഗുഹം തമ് ॥ 5 ॥
ഗിരൌ മന്നിവാസേ നരാ യേഽധിരൂഢാ-
സ്തദാ പര്വതേ രാജതേ തേഽധിരൂഢാഃ ।
ഇതീവ ബ്രുവന്ഗന്ധശൈലാധിരൂഢഃ
സ ദേവോ മുദേ മേ സദാ ഷണ്മുഖോഽസ്തു ॥ 6 ॥
സ്തദാ പര്വതേ രാജതേ തേഽധിരൂഢാഃ ।
ഇതീവ ബ്രുവന്ഗന്ധശൈലാധിരൂഢഃ
സ ദേവോ മുദേ മേ സദാ ഷണ്മുഖോഽസ്തു ॥ 6 ॥
മഹാമ്ഭോധിതീരേ മഹാപാപചോരേ
മുനീന്ദ്രാനുകൂലേ സുഗന്ധാഖ്യശൈലേ ।
ഗുഹായാം വസന്തം സ്വഭാസാ ലസന്തം
ജനാര്തിം ഹരന്തം ശ്രയാമോ ഗുഹം തമ് ॥ 7 ॥
മുനീന്ദ്രാനുകൂലേ സുഗന്ധാഖ്യശൈലേ ।
ഗുഹായാം വസന്തം സ്വഭാസാ ലസന്തം
ജനാര്തിം ഹരന്തം ശ്രയാമോ ഗുഹം തമ് ॥ 7 ॥
ലസത്സ്വര്ണഗേഹേ നൃണാം കാമദോഹേ
സുമസ്തോമസഞ്ഛന്നമാണിക്യമഞ്ചേ ।
സമുദ്യത്സഹസ്രാര്കതുല്യപ്രകാശം
സദാ ഭാവയേ കാര്തികേയം സുരേശമ് ॥ 8 ॥
സുമസ്തോമസഞ്ഛന്നമാണിക്യമഞ്ചേ ।
സമുദ്യത്സഹസ്രാര്കതുല്യപ്രകാശം
സദാ ഭാവയേ കാര്തികേയം സുരേശമ് ॥ 8 ॥
രണഥംസകേ മഞ്ജുലേഽത്യന്തശോണേ
മനോഹാരിലാവണ്യപീയൂഷപൂര്ണേ ।
മനഃഷട്പദോ മേ ഭവക്ലേശതപ്തഃ
സദാ മോദതാം സ്കന്ദ തേ പാദപദ്മേ ॥ 9 ॥
മനോഹാരിലാവണ്യപീയൂഷപൂര്ണേ ।
മനഃഷട്പദോ മേ ഭവക്ലേശതപ്തഃ
സദാ മോദതാം സ്കന്ദ തേ പാദപദ്മേ ॥ 9 ॥
സുവര്ണാഭദിവ്യാമ്ബരൈര്ഭാസമാനാം
ക്വണത്കിങ്കിണീമേഖലാശോഭമാനാമ് ।
ലസദ്ധേമപട്ടേന വിദ്യോതമാനം
കടിം ഭാവയേ സ്കന്ദ തേ ദീപ്യമാനാമ് ॥ 10 ॥
ക്വണത്കിങ്കിണീമേഖലാശോഭമാനാമ് ।
ലസദ്ധേമപട്ടേന വിദ്യോതമാനം
കടിം ഭാവയേ സ്കന്ദ തേ ദീപ്യമാനാമ് ॥ 10 ॥
പുലിന്ദേശകന്യാഘനാഭോഗതുങ്ഗ-
സ്തനാലിങ്ഗനാസക്തകാശ്മീരരാഗമ് ।
നമസ്യാമ്യഹം താരകാരേ തവോരഃ
സ്വഭക്താവനേ സര്വദാ സാനുരാഗമ് ॥ 11 ॥
സ്തനാലിങ്ഗനാസക്തകാശ്മീരരാഗമ് ।
നമസ്യാമ്യഹം താരകാരേ തവോരഃ
സ്വഭക്താവനേ സര്വദാ സാനുരാഗമ് ॥ 11 ॥
വിധൌ ക്ലൃപ്തദണ്ഡാന്സ്വലീലാധൃതാണ്ഡാ-
ന്നിരസ്തേഭശുണ്ഡാന്ദ്വിഷത്കാലദണ്ഡാന് ।
ഹതേന്ദ്രാരിഷണ്ഡാന്ജഗത്രാണശൌണ്ഡാ-
ന്സദാ തേ പ്രചണ്ഡാന്ശ്രയേ ബാഹുദണ്ഡാന് ॥ 12 ॥
ന്നിരസ്തേഭശുണ്ഡാന്ദ്വിഷത്കാലദണ്ഡാന് ।
ഹതേന്ദ്രാരിഷണ്ഡാന്ജഗത്രാണശൌണ്ഡാ-
ന്സദാ തേ പ്രചണ്ഡാന്ശ്രയേ ബാഹുദണ്ഡാന് ॥ 12 ॥
സദാ ശാരദാഃ ഷണ്മൃഗാങ്കാ യദി സ്യുഃ
സമുദ്യന്ത ഏവ സ്ഥിതാശ്ചേത്സമന്താത് ।
സദാ പൂര്ണബിമ്ബാഃ കലങ്കൈശ്ച ഹീനാ-
സ്തദാ ത്വന്മുഖാനാം ബ്രുവേ സ്കന്ദ സാമ്യമ് ॥ 13 ॥
സമുദ്യന്ത ഏവ സ്ഥിതാശ്ചേത്സമന്താത് ।
സദാ പൂര്ണബിമ്ബാഃ കലങ്കൈശ്ച ഹീനാ-
സ്തദാ ത്വന്മുഖാനാം ബ്രുവേ സ്കന്ദ സാമ്യമ് ॥ 13 ॥
സ്ഫുരന്മന്ദഹാസൈഃ സഹംസാനി ചഞ്ച-
ത്കടാക്ഷാവലീഭൃങ്ഗസങ്ഘോജ്ജ്വലാനി ।
സുധാസ്യന്ദിബിമ്ബാധരാണീശസൂനോ
തവാലോകയേ ഷണ്മുഖാമ്ഭോരുഹാണി ॥ 14 ॥
ത്കടാക്ഷാവലീഭൃങ്ഗസങ്ഘോജ്ജ്വലാനി ।
സുധാസ്യന്ദിബിമ്ബാധരാണീശസൂനോ
തവാലോകയേ ഷണ്മുഖാമ്ഭോരുഹാണി ॥ 14 ॥
വിശാലേഷു കര്ണാന്തദീര്ഘേഷ്വജസ്രം
ദയാസ്യന്ദിഷു ദ്വാദശസ്വീക്ഷണേഷു ।
മയീഷത്കടാക്ഷഃ സകൃത്പാതിതശ്ചേ-
ദ്ഭവേത്തേ ദയാശീല കാ നാമ ഹാനിഃ ॥ 15 ॥
ദയാസ്യന്ദിഷു ദ്വാദശസ്വീക്ഷണേഷു ।
മയീഷത്കടാക്ഷഃ സകൃത്പാതിതശ്ചേ-
ദ്ഭവേത്തേ ദയാശീല കാ നാമ ഹാനിഃ ॥ 15 ॥
സുതാങ്ഗോദ്ഭവോ മേഽസി ജീവേതി ഷഡ്ധാ
ജപന്മന്ത്രമീശോ മുദാ ജിഘ്രതേ യാന് ।
ജഗദ്ഭാരഭൃദ്ഭ്യോ ജഗന്നാഥ തേഭ്യഃ
കിരീടോജ്ജ്വലേഭ്യോ നമോ മസ്തകേഭ്യഃ ॥ 16 ॥
ജപന്മന്ത്രമീശോ മുദാ ജിഘ്രതേ യാന് ।
ജഗദ്ഭാരഭൃദ്ഭ്യോ ജഗന്നാഥ തേഭ്യഃ
കിരീടോജ്ജ്വലേഭ്യോ നമോ മസ്തകേഭ്യഃ ॥ 16 ॥
സ്ഫുരദ്രത്നകേയൂരഹാരാഭിരാമ-
ശ്ചലത്കുണ്ഡലശ്രീലസദ്ഗണ്ഡഭാഗഃ ।
കടൌ പീതവാസാഃ കരേ ചാരുശക്തിഃ
പുരസ്താന്മമാസ്താം പുരാരേസ്തനൂജഃ ॥ 17 ॥
ശ്ചലത്കുണ്ഡലശ്രീലസദ്ഗണ്ഡഭാഗഃ ।
കടൌ പീതവാസാഃ കരേ ചാരുശക്തിഃ
പുരസ്താന്മമാസ്താം പുരാരേസ്തനൂജഃ ॥ 17 ॥
ഇഹായാഹി വത്സേതി ഹസ്താന്പ്രസാര്യാ-
ഹ്വയത്യാദരാച്ഛങ്കരേ മാതുരങ്കാത് ।
സമുത്പത്യ താതം ശ്രയന്തം കുമാരം
ഹരാശ്ലിഷ്ടഗാത്രം ഭജേ ബാലമൂര്തിമ് ॥ 18 ॥
ഹ്വയത്യാദരാച്ഛങ്കരേ മാതുരങ്കാത് ।
സമുത്പത്യ താതം ശ്രയന്തം കുമാരം
ഹരാശ്ലിഷ്ടഗാത്രം ഭജേ ബാലമൂര്തിമ് ॥ 18 ॥
കുമാരേശസൂനോ ഗുഹ സ്കന്ദ സേനാ-
പതേ ശക്തിപാണേ മയൂരാധിരൂഢ ।
പുലിന്ദാത്മജാകാന്ത ഭക്താര്തിഹാരിന്
പ്രഭോ താരകാരേ സദാ രക്ഷ മാം ത്വമ് ॥ 19 ॥
പതേ ശക്തിപാണേ മയൂരാധിരൂഢ ।
പുലിന്ദാത്മജാകാന്ത ഭക്താര്തിഹാരിന്
പ്രഭോ താരകാരേ സദാ രക്ഷ മാം ത്വമ് ॥ 19 ॥
പ്രശാന്തേന്ദ്രിയേ നഷ്ടസഞ്ജ്ഞേ വിചേഷ്ടേ
കഫോദ്ഗാരിവക്ത്രേ ഭയോത്കമ്പിഗാത്രേ ।
പ്രയാണോന്മുഖേ മയ്യനാഥേ തദാനീം
ദ്രുതം മേ ദയാലോ ഭവാഗ്രേ ഗുഹ ത്വമ് ॥ 20 ॥
കഫോദ്ഗാരിവക്ത്രേ ഭയോത്കമ്പിഗാത്രേ ।
പ്രയാണോന്മുഖേ മയ്യനാഥേ തദാനീം
ദ്രുതം മേ ദയാലോ ഭവാഗ്രേ ഗുഹ ത്വമ് ॥ 20 ॥
കൃതാന്തസ്യ ദൂതേഷു ചണ്ഡേഷു കോപാ-
ദ്ദഹച്ഛിന്ദ്ധി ഭിന്ദ്ധീതി മാം തര്ജയത്സു ।
മയൂരം സമാരുഹ്യ മാ ഭൈരിതി ത്വം
പുരഃ ശക്തിപാണിര്മമായാഹി ശീഘ്രമ് ॥ 21 ॥
ദ്ദഹച്ഛിന്ദ്ധി ഭിന്ദ്ധീതി മാം തര്ജയത്സു ।
മയൂരം സമാരുഹ്യ മാ ഭൈരിതി ത്വം
പുരഃ ശക്തിപാണിര്മമായാഹി ശീഘ്രമ് ॥ 21 ॥
പ്രണമ്യാസകൃത്പാദയോസ്തേ പതിത്വാ
പ്രസാദ്യ പ്രഭോ പ്രാര്ഥയേഽനേകവാരമ് ।
ന വക്തും ക്ഷമോഽഹം തദാനീം കൃപാബ്ധേ
ന കാര്യാന്തകാലേ മനാഗപ്യുപേക്ഷാ ॥ 22 ॥
പ്രസാദ്യ പ്രഭോ പ്രാര്ഥയേഽനേകവാരമ് ।
ന വക്തും ക്ഷമോഽഹം തദാനീം കൃപാബ്ധേ
ന കാര്യാന്തകാലേ മനാഗപ്യുപേക്ഷാ ॥ 22 ॥
സഹസ്രാണ്ഡഭോക്താ ത്വയാ ശൂരനാമാ
ഹതസ്താരകഃ സിംഹവക്ത്രശ്ച ദൈത്യഃ ।
മമാന്തര്ഹൃദിസ്ഥം മനഃക്ലേശമേകം
ന ഹംസി പ്രഭോ കിം കരോമി ക്വ യാമി ॥ 23 ॥
ഹതസ്താരകഃ സിംഹവക്ത്രശ്ച ദൈത്യഃ ।
മമാന്തര്ഹൃദിസ്ഥം മനഃക്ലേശമേകം
ന ഹംസി പ്രഭോ കിം കരോമി ക്വ യാമി ॥ 23 ॥
അഹം സര്വദാ ദുഃഖഭാരാവസന്നോ
ഭവാന്ദീനബന്ധുസ്ത്വദന്യം ന യാചേ ।
ഭവദ്ഭക്തിരോധം സദാ ക്ലൃപ്തബാധം
മമാധിം ദ്രുതം നാശയോമാസുത ത്വമ് ॥ 24 ॥
ഭവാന്ദീനബന്ധുസ്ത്വദന്യം ന യാചേ ।
ഭവദ്ഭക്തിരോധം സദാ ക്ലൃപ്തബാധം
മമാധിം ദ്രുതം നാശയോമാസുത ത്വമ് ॥ 24 ॥
അപസ്മാരകുഷ്ടക്ഷയാര്ശഃ പ്രമേഹ-
ജ്വരോന്മാദഗുല്മാദിരോഗാ മഹാന്തഃ ।
പിശാചാശ്ച സര്വേ ഭവത്പത്രഭൂതിം
വിലോക്യ ക്ഷണാത്താരകാരേ ദ്രവന്തേ ॥ 25 ॥
ജ്വരോന്മാദഗുല്മാദിരോഗാ മഹാന്തഃ ।
പിശാചാശ്ച സര്വേ ഭവത്പത്രഭൂതിം
വിലോക്യ ക്ഷണാത്താരകാരേ ദ്രവന്തേ ॥ 25 ॥
ദൃശി സ്കന്ദമൂര്തിഃ ശ്രുതൌ സ്കന്ദകീര്തി-
ര്മുഖേ മേ പവിത്രം സദാ തച്ചരിത്രമ് ।
കരേ തസ്യ കൃത്യം വപുസ്തസ്യ ഭൃത്യം
ഗുഹേ സന്തു ലീനാ മമാശേഷഭാവാഃ ॥ 26 ॥
ര്മുഖേ മേ പവിത്രം സദാ തച്ചരിത്രമ് ।
കരേ തസ്യ കൃത്യം വപുസ്തസ്യ ഭൃത്യം
ഗുഹേ സന്തു ലീനാ മമാശേഷഭാവാഃ ॥ 26 ॥
മുനീനാമുതാഹോ നൃണാം ഭക്തിഭാജാ-
മഭീഷ്ടപ്രദാഃ സന്തി സര്വത്ര ദേവാഃ ।
നൃണാമന്ത്യജാനാമപി സ്വാര്ഥദാനേ
ഗുഹാദ്ദേവമന്യം ന ജാനേ ന ജാനേ ॥ 27 ॥
മഭീഷ്ടപ്രദാഃ സന്തി സര്വത്ര ദേവാഃ ।
നൃണാമന്ത്യജാനാമപി സ്വാര്ഥദാനേ
ഗുഹാദ്ദേവമന്യം ന ജാനേ ന ജാനേ ॥ 27 ॥
കലത്രം സുതാ ബന്ധുവര്ഗഃ പശുര്വാ
നരോ വാഥ നാരീ ഗൃഹേ യേ മദീയാഃ ।
യജന്തോ നമന്തഃ സ്തുവന്തോ ഭവന്തം
സ്മരന്തശ്ച തേ സന്തു സര്വേ കുമാര ॥ 28 ॥
നരോ വാഥ നാരീ ഗൃഹേ യേ മദീയാഃ ।
യജന്തോ നമന്തഃ സ്തുവന്തോ ഭവന്തം
സ്മരന്തശ്ച തേ സന്തു സര്വേ കുമാര ॥ 28 ॥
മൃഗാഃ പക്ഷിണോ ദംശകാ യേ ച ദുഷ്ടാ-
സ്തഥാ വ്യാധയോ ബാധകാ യേ മദങ്ഗേ ।
ഭവച്ഛക്തിതീക്ഷ്ണാഗ്രഭിന്നാഃ സുദൂരേ
വിനശ്യന്തു തേ ചൂര്ണിതക്രൌഞ്ചശൈല ॥ 29 ॥
സ്തഥാ വ്യാധയോ ബാധകാ യേ മദങ്ഗേ ।
ഭവച്ഛക്തിതീക്ഷ്ണാഗ്രഭിന്നാഃ സുദൂരേ
വിനശ്യന്തു തേ ചൂര്ണിതക്രൌഞ്ചശൈല ॥ 29 ॥
ജനിത്രീ പിതാ ച സ്വപുത്രാപരാധം
സഹേതേ ന കിം ദേവസേനാധിനാഥ ।
അഹം ചാതിബാലോ ഭവാന് ലോകതാതഃ
ക്ഷമസ്വാപരാധം സമസ്തം മഹേശ ॥ 30 ॥
സഹേതേ ന കിം ദേവസേനാധിനാഥ ।
അഹം ചാതിബാലോ ഭവാന് ലോകതാതഃ
ക്ഷമസ്വാപരാധം സമസ്തം മഹേശ ॥ 30 ॥
നമഃ കേകിനേ ശക്തയേ ചാപി തുഭ്യം
നമശ്ഛാഗ തുഭ്യം നമഃ കുക്കുടായ ।
നമഃ സിന്ധവേ സിന്ധുദേശായ തുഭ്യം
പുനഃ സ്കന്ദമൂര്തേ നമസ്തേ നമോഽസ്തു ॥ 31 ॥
നമശ്ഛാഗ തുഭ്യം നമഃ കുക്കുടായ ।
നമഃ സിന്ധവേ സിന്ധുദേശായ തുഭ്യം
പുനഃ സ്കന്ദമൂര്തേ നമസ്തേ നമോഽസ്തു ॥ 31 ॥
ജയാനന്ദഭൂമം ജയാപാരധാമം
ജയാമോഘകീര്തേ ജയാനന്ദമൂര്തേ ।
ജയാനന്ദസിന്ധോ ജയാശേഷബന്ധോ
ജയ ത്വം സദാ മുക്തിദാനേശസൂനോ ॥ 32 ॥
ജയാമോഘകീര്തേ ജയാനന്ദമൂര്തേ ।
ജയാനന്ദസിന്ധോ ജയാശേഷബന്ധോ
ജയ ത്വം സദാ മുക്തിദാനേശസൂനോ ॥ 32 ॥
ഭുജങ്ഗാഖ്യവൃത്തേന ക്ലൃപ്തം സ്തവം യഃ
പഠേദ്ഭക്തിയുക്തോ ഗുഹം സമ്പ്രണമ്യ ।
സ പുത്രാന്കലത്രം ധനം ദീര്ഘമായു-
ര്ലഭേത്സ്കന്ദസായുജ്യമന്തേ നരഃ സഃ ॥ 33 ॥
പഠേദ്ഭക്തിയുക്തോ ഗുഹം സമ്പ്രണമ്യ ।
സ പുത്രാന്കലത്രം ധനം ദീര്ഘമായു-
ര്ലഭേത്സ്കന്ദസായുജ്യമന്തേ നരഃ സഃ ॥ 33 ॥