ശ്രീ സുബ്രഹ്മണ്യ കവച സ്തോത്രമ്

അസ്യ ശ്രീസുബ്രഹ്മണ്യകവചസ്തോത്രമഹാമന്ത്രസ്യ, ബ്രഹ്മാ ഋഷിഃ, അനുഷ്ടുപ്ഛന്ദഃ, ശ്രീസുബ്രഹ്മണ്യോ ദേവതാ, ഓം നമ ഇതി ബീജം, ഭഗവത ഇതി ശക്തിഃ, സുബ്രഹ്മണ്യായേതി കീലകം, ശ്രീസുബ്രഹ്മണ്യ പ്രസാദസിദ്ധ്യര്ഥേ ജപേ വിനിയോഗഃ ॥
കരന്യാസഃ –
ഓം സാം അങ്ഗുഷ്ഠാഭ്യാം നമഃ ।
ഓം സീം തര്ജനീഭ്യാം നമഃ ।
ഓം സൂം മധ്യമാഭ്യാം നമഃ ।
ഓം സൈം അനാമികാഭ്യാം നമഃ ।
ഓം സൌം കനിഷ്ഠികാഭ്യാം നമഃ ।
ഓം സഃ കരതലകരപൃഷ്ഠാഭ്യാം നമഃ ॥
അങ്ഗന്യാസഃ –
ഓം സാം ഹൃദയായ നമഃ ।
ഓം സീം ശിരസേ സ്വാഹാ ।
ഓം സൂം ശിഖായൈ വഷട് ।
ഓം സൈം കവചായ ഹുമ് ।
ഓം സൌം നേത്രത്രയായ വൌഷട് ।
ഓം സഃ അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബന്ധഃ ॥
ധ്യാനമ് ।
സിന്ദൂരാരുണമിന്ദുകാന്തിവദനം കേയൂരഹാരാദിഭിഃ
ദിവ്യൈരാഭരണൈര്വിഭൂഷിതതനും സ്വര്ഗാദിസൌഖ്യപ്രദമ് ।
അമ്ഭോജാഭയശക്തികുക്കുടധരം രക്താങ്ഗരാഗോജ്ജ്വലം
സുബ്രഹ്മണ്യമുപാസ്മഹേ പ്രണമതാം സര്വാര്ഥസിദ്ധിപ്രദമ് ॥ [ഭീതിപ്രണാശോദ്യതമ്]
ലമിത്യാദി പഞ്ചപൂജാ ।
ഓം ലം പൃഥിവ്യാത്മനേ സുബ്രഹ്മണ്യായ ഗന്ധം സമര്പയാമി ।
ഓം ഹം ആകാശാത്മനേ സുബ്രഹ്മണ്യായ പുഷ്പാണി സമര്പയാമി ।
ഓം യം വായ്വാത്മനേ സുബ്രഹ്മണ്യായ ധൂപമാഘ്രാപയാമി ।
ഓം രം അഗ്ന്യാത്മനേ സുബ്രഹ്മണ്യായ ദീപം ദര്ശയാമി ।
ഓം വം അമൃതാത്മനേ സുബ്രഹ്മണ്യായ സ്വാദന്നം നിവേദയാമി ।
ഓം സം സര്വാത്മനേ സുബ്രഹ്മണ്യായ സര്വോപചാരാന് സമര്പയാമി ।
കവചമ് ।
സുബ്രഹ്മണ്യോഽഗ്രതഃ പാതു സേനാനീഃ പാതു പൃഷ്ഠതഃ ।
ഗുഹോ മാം ദക്ഷിണേ പാതു വഹ്നിജഃ പാതു വാമതഃ ॥ 1 ॥

ശിരഃ പാതു മഹാസേനഃ സ്കന്ദോ രക്ഷേല്ലലാടകമ് ।
നേത്രേ മേ ദ്വാദശാക്ഷശ്ച ശ്രോത്രേ രക്ഷതു വിശ്വഭൃത് ॥ 2 ॥

മുഖം മേ ഷണ്മുഖഃ പാതു നാസികാം ശങ്കരാത്മജഃ ।
ഓഷ്ഠൌ വല്ലീപതിഃ പാതു ജിഹ്വാം പാതു ഷഡാനനഃ ॥ 3 ॥

ദേവസേനാപതിര്ദന്താന് ചിബുകം ബഹുലോദ്ഭവഃ ।
കണ്ഠം താരകജിത്പാതു ബാഹൂ ദ്വാദശബാഹുകഃ ॥ 4 ॥

ഹസ്തൌ ശക്തിധരഃ പാതു വക്ഷഃ പാതു ശരോദ്ഭവഃ ।
ഹൃദയം വഹ്നിഭൂഃ പാതു കുക്ഷിം പാത്വമ്ബികാസുതഃ ॥ 5 ॥

നാഭിം ശമ്ഭുസുതഃ പാതു കടിം പാതു ഹരാത്മജഃ ।
ഊരൂ പാതു ഗജാരൂഢോ ജാനൂ മേ ജാഹ്നവീസുതഃ ॥ 6 ॥

ജങ്ഘേ വിശാഖോ മേ പാതു പാദൌ മേ ശിഖിവാഹനഃ ।
സര്വാണ്യങ്ഗാനി ഭൂതേശഃ സര്വധാതൂംശ്ച പാവകിഃ ॥ 7 ॥

സന്ധ്യാകാലേ നിശീഥിന്യാം ദിവാ പ്രാതര്ജലേഽഗ്നിഷു ।
ദുര്ഗമേ ച മഹാരണ്യേ രാജദ്വാരേ മഹാഭയേ ॥ 8 ॥

തുമുലേ രണ്യമധ്യേ ച സര്വദുഷ്ടമൃഗാദിഷു ।
ചോരാദിസാധ്വസേഽഭേദ്യേ ജ്വരാദിവ്യാധിപീഡനേ ॥ 9 ॥

ദുഷ്ടഗ്രഹാദിഭീതൌ ച ദുര്നിമിത്താദിഭീഷണേ ।
അസ്ത്രശസ്ത്രനിപാതേ ച പാതു മാം ക്രൌഞ്ചരന്ധ്രകൃത് ॥ 10 ॥

യഃ സുബ്രഹ്മണ്യകവചം ഇഷ്ടസിദ്ധിപ്രദം പഠേത് ।
തസ്യ താപത്രയം നാസ്തി സത്യം സത്യം വദാമ്യഹമ് ॥ 11 ॥

ധര്മാര്ഥീ ലഭതേ ധര്മമര്ഥാര്ഥീ ചാര്ഥമാപ്നുയാത് ।
കാമാര്ഥീ ലഭതേ കാമം മോക്ഷാര്ഥീ മോക്ഷമാപ്നുയാത് ॥ 12 ॥

യത്ര യത്ര ജപേദ്ഭക്ത്യാ തത്ര സന്നിഹിതോ ഗുഹഃ ।
പൂജാപ്രതിഷ്ഠാകാലേ ച ജപകാലേ പഠേദിദമ് ॥ 13 ॥

തേഷാമേവ ഫലാവാപ്തിഃ മഹാപാതകനാശനമ് ।
യഃ പഠേച്ഛൃണുയാദ്ഭക്ത്യാ നിത്യം ദേവസ്യ സന്നിധൌ ।
സര്വാന്കാമാനിഹ പ്രാപ്യ സോഽന്തേ സ്കന്ദപുരം വ്രജേത് ॥ 14 ॥
ഉത്തരന്യാസഃ ॥
കരന്യാസഃ –
ഓം സാം അങ്ഗുഷ്ഠാഭ്യാം നമഃ ।
ഓം സീം തര്ജനീഭ്യാം നമഃ ।
ഓം സൂം മധ്യമാഭ്യാം നമഃ ।
ഓം സൈം അനാമികാഭ്യാം നമഃ ।
ഓം സൌം കനിഷ്ഠികാഭ്യാം നമഃ ।
ഓം സഃ കരതലകരപൃഷ്ഠാഭ്യാം നമഃ ॥
അങ്ഗന്യാസഃ –
ഓം സാം ഹൃദയായ നമഃ ।
ഓം സീം ശിരസേ സ്വാഹാ ।
ഓം സൂം ശിഖായൈ വഷട് ।
ഓം സൈം കവചായ ഹുമ് ।
ഓം സൌം നേത്രത്രയായ വൌഷട് ।
ഓം സഃ അസ്ത്രായ ഫട് ।
ഭൂര്ഭുവസ്സുവരോമിതി ദിഗ്വിമോകഃ ॥