શ્રી સુબ્રહ્મણ્ય કવચ સ્તોત્રમ્

અસ્ય શ્રીસુબ્રહ્મણ્યકવચસ્તોત્રમહામન્ત્રસ્ય, બ્રહ્મા ઋષિઃ, અનુષ્ટુપ્છન્દઃ, શ્રીસુબ્રહ્મણ્યો દેવતા, ૐ નમ ઇતિ બીજં, ભગવત ઇતિ શક્તિઃ, સુબ્રહ્મણ્યાયેતિ કીલકં, શ્રીસુબ્રહ્મણ્ય પ્રસાદસિદ્ધ્યર્થે જપે વિનિયોગઃ ॥
કરન્યાસઃ –
ૐ સાં અઙ્ગુષ્ઠાભ્યાં નમઃ ।
ૐ સીં તર્જનીભ્યાં નમઃ ।
ૐ સૂં મધ્યમાભ્યાં નમઃ ।
ૐ સૈં અનામિકાભ્યાં નમઃ ।
ૐ સૌં કનિષ્ઠિકાભ્યાં નમઃ ।
ૐ સઃ કરતલકરપૃષ્ઠાભ્યાં નમઃ ॥
અઙ્ગન્યાસઃ –
ૐ સાં હૃદયાય નમઃ ।
ૐ સીં શિરસે સ્વાહા ।
ૐ સૂં શિખાયૈ વષટ્ ।
ૐ સૈં કવચાય હુમ્ ।
ૐ સૌં નેત્રત્રયાય વૌષટ્ ।
ૐ સઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્બન્ધઃ ॥
ધ્યાનમ્ ।
સિન્દૂરારુણમિન્દુકાન્તિવદનં કેયૂરહારાદિભિઃ
દિવ્યૈરાભરણૈર્વિભૂષિતતનું સ્વર્ગાદિસૌખ્યપ્રદમ્ ।
અમ્ભોજાભયશક્તિકુક્કુટધરં રક્તાઙ્ગરાગોજ્જ્વલં
સુબ્રહ્મણ્યમુપાસ્મહે પ્રણમતાં સર્વાર્થસિદ્ધિપ્રદમ્ ॥ [ભીતિપ્રણાશોદ્યતમ્]
લમિત્યાદિ પઞ્ચપૂજા ।
ૐ લં પૃથિવ્યાત્મને સુબ્રહ્મણ્યાય ગન્ધં સમર્પયામિ ।
ૐ હં આકાશાત્મને સુબ્રહ્મણ્યાય પુષ્પાણિ સમર્પયામિ ।
ૐ યં વાય્વાત્મને સુબ્રહ્મણ્યાય ધૂપમાઘ્રાપયામિ ।
ૐ રં અગ્ન્યાત્મને સુબ્રહ્મણ્યાય દીપં દર્શયામિ ।
ૐ વં અમૃતાત્મને સુબ્રહ્મણ્યાય સ્વાદન્નં નિવેદયામિ ।
ૐ સં સર્વાત્મને સુબ્રહ્મણ્યાય સર્વોપચારાન્ સમર્પયામિ ।
કવચમ્ ।
સુબ્રહ્મણ્યોઽગ્રતઃ પાતુ સેનાનીઃ પાતુ પૃષ્ઠતઃ ।
ગુહો માં દક્ષિણે પાતુ વહ્નિજઃ પાતુ વામતઃ ॥ 1 ॥

શિરઃ પાતુ મહાસેનઃ સ્કન્દો રક્ષેલ્લલાટકમ્ ।
નેત્રે મે દ્વાદશાક્ષશ્ચ શ્રોત્રે રક્ષતુ વિશ્વભૃત્ ॥ 2 ॥

મુખં મે ષણ્મુખઃ પાતુ નાસિકાં શઙ્કરાત્મજઃ ।
ઓષ્ઠૌ વલ્લીપતિઃ પાતુ જિહ્વાં પાતુ ષડાનનઃ ॥ 3 ॥

દેવસેનાપતિર્દન્તાન્ ચિબુકં બહુલોદ્ભવઃ ।
કણ્ઠં તારકજિત્પાતુ બાહૂ દ્વાદશબાહુકઃ ॥ 4 ॥

હસ્તૌ શક્તિધરઃ પાતુ વક્ષઃ પાતુ શરોદ્ભવઃ ।
હૃદયં વહ્નિભૂઃ પાતુ કુક્ષિં પાત્વમ્બિકાસુતઃ ॥ 5 ॥

નાભિં શમ્ભુસુતઃ પાતુ કટિં પાતુ હરાત્મજઃ ।
ઊરૂ પાતુ ગજારૂઢો જાનૂ મે જાહ્નવીસુતઃ ॥ 6 ॥

જઙ્ઘે વિશાખો મે પાતુ પાદૌ મે શિખિવાહનઃ ।
સર્વાણ્યઙ્ગાનિ ભૂતેશઃ સર્વધાતૂંશ્ચ પાવકિઃ ॥ 7 ॥

સન્ધ્યાકાલે નિશીથિન્યાં દિવા પ્રાતર્જલેઽગ્નિષુ ।
દુર્ગમે ચ મહારણ્યે રાજદ્વારે મહાભયે ॥ 8 ॥

તુમુલે રણ્યમધ્યે ચ સર્વદુષ્ટમૃગાદિષુ ।
ચોરાદિસાધ્વસેઽભેદ્યે જ્વરાદિવ્યાધિપીડને ॥ 9 ॥

દુષ્ટગ્રહાદિભીતૌ ચ દુર્નિમિત્તાદિભીષણે ।
અસ્ત્રશસ્ત્રનિપાતે ચ પાતુ માં ક્રૌઞ્ચરન્ધ્રકૃત્ ॥ 10 ॥

યઃ સુબ્રહ્મણ્યકવચં ઇષ્ટસિદ્ધિપ્રદં પઠેત્ ।
તસ્ય તાપત્રયં નાસ્તિ સત્યં સત્યં વદામ્યહમ્ ॥ 11 ॥

ધર્માર્થી લભતે ધર્મમર્થાર્થી ચાર્થમાપ્નુયાત્ ।
કામાર્થી લભતે કામં મોક્ષાર્થી મોક્ષમાપ્નુયાત્ ॥ 12 ॥

યત્ર યત્ર જપેદ્ભક્ત્યા તત્ર સન્નિહિતો ગુહઃ ।
પૂજાપ્રતિષ્ઠાકાલે ચ જપકાલે પઠેદિદમ્ ॥ 13 ॥

તેષામેવ ફલાવાપ્તિઃ મહાપાતકનાશનમ્ ।
યઃ પઠેચ્છૃણુયાદ્ભક્ત્યા નિત્યં દેવસ્ય સન્નિધૌ ।
સર્વાન્કામાનિહ પ્રાપ્ય સોઽન્તે સ્કન્દપુરં વ્રજેત્ ॥ 14 ॥
ઉત્તરન્યાસઃ ॥
કરન્યાસઃ –
ૐ સાં અઙ્ગુષ્ઠાભ્યાં નમઃ ।
ૐ સીં તર્જનીભ્યાં નમઃ ।
ૐ સૂં મધ્યમાભ્યાં નમઃ ।
ૐ સૈં અનામિકાભ્યાં નમઃ ।
ૐ સૌં કનિષ્ઠિકાભ્યાં નમઃ ।
ૐ સઃ કરતલકરપૃષ્ઠાભ્યાં નમઃ ॥
અઙ્ગન્યાસઃ –
ૐ સાં હૃદયાય નમઃ ।
ૐ સીં શિરસે સ્વાહા ।
ૐ સૂં શિખાયૈ વષટ્ ।
ૐ સૈં કવચાય હુમ્ ।
ૐ સૌં નેત્રત્રયાય વૌષટ્ ।
ૐ સઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્વિમોકઃ ॥