॥ শ্রী গণেশায নমঃ ॥
॥ শ্রীপরমাত্মনে নমঃ ॥
অথ কথা প্রারম্ভঃ । অথ প্রথমো-ঽধ্যাযঃ শ্রীব্যাস উবাচ ।
একদা নৈমিষারণ্যে ঋষয-শ্শৌনকাদযঃ ।
পপ্রচ্ছুর্মুনয-স্সর্বে সূত-ম্পৌরাণিক-ঙ্খলু ॥ 1॥
পপ্রচ্ছুর্মুনয-স্সর্বে সূত-ম্পৌরাণিক-ঙ্খলু ॥ 1॥
ঋষয ঊচুঃ ।
ব্রতেন তপসা কিং-বাঁ প্রাপ্যতে বাঞ্ছিত-ম্ফলম্ ।
তত্সর্বং শ্রোতুমিচ্ছামঃ কথযস্ব মহামুনে ॥ 2॥
ব্রতেন তপসা কিং-বাঁ প্রাপ্যতে বাঞ্ছিত-ম্ফলম্ ।
তত্সর্বং শ্রোতুমিচ্ছামঃ কথযস্ব মহামুনে ॥ 2॥
সূত উবাচ।
নারদেনৈব সম্পৃষ্টো ভগবান্ কমলাপতিঃ ।
সুরর্ষযে যথৈবাহ তচ্ছৃণুধ্বং সমাহিতাঃ ॥ 3॥
নারদেনৈব সম্পৃষ্টো ভগবান্ কমলাপতিঃ ।
সুরর্ষযে যথৈবাহ তচ্ছৃণুধ্বং সমাহিতাঃ ॥ 3॥
একদা নারদো যোগী পরানুগ্রহকাঙ্ক্ষযা ।
পর্যটন্ বিবিধা-ল্লোঁকা-ন্মর্ত্যলোকমুপাগতঃ ॥ 4॥
পর্যটন্ বিবিধা-ল্লোঁকা-ন্মর্ত্যলোকমুপাগতঃ ॥ 4॥
ততোদৃষ্ট্বা জনান্সর্বা-ন্নানাক্লেশসমন্বিতান্ ।
নানাযোনিসমুত্পন্নান্ ক্লিশ্যমানান্ স্বকর্মভিঃ ॥ 5॥
নানাযোনিসমুত্পন্নান্ ক্লিশ্যমানান্ স্বকর্মভিঃ ॥ 5॥
কেনোপাযেন চৈতেষা-ন্দুঃখনাশো ভবেদ্ ধ্রুবম্ ।
ইতি সঞ্চিন্ত্য মনসা বিষ্ণুলোক-ঙ্গতস্তদা ॥ 6॥
ইতি সঞ্চিন্ত্য মনসা বিষ্ণুলোক-ঙ্গতস্তদা ॥ 6॥
তত্র নারাযণ-ন্দেবং শুক্লবর্ণ-ঞ্চতুর্ভুজম্ ।
শঙ্খ-চক্র-গদা-পদ্ম-বনমালা-বিভূষিতম্ ॥ 7॥
শঙ্খ-চক্র-গদা-পদ্ম-বনমালা-বিভূষিতম্ ॥ 7॥
দৃষ্ট্বা ত-ন্দেবদেবেশং স্তোতুং সমুপচক্রমে ।
নারদ উবাচ।
নমো বাঙ্গমনসাতীতরূপাযানন্তশক্তযে ।
আদিমধ্যান্তহীনায নির্গুণায গুণাত্মনে ॥ 8॥
নারদ উবাচ।
নমো বাঙ্গমনসাতীতরূপাযানন্তশক্তযে ।
আদিমধ্যান্তহীনায নির্গুণায গুণাত্মনে ॥ 8॥
সর্বেষামাদিভূতায ভক্তানামার্তিনাশিনে ।
শ্রুত্বা স্তোত্র-ন্ততো বিষ্ণুর্নারদ-ম্প্রত্যভাষত ॥ 9॥
শ্রুত্বা স্তোত্র-ন্ততো বিষ্ণুর্নারদ-ম্প্রত্যভাষত ॥ 9॥
শ্রীভগবানুবাচ ।
কিমর্থমাগতো-ঽসি ত্ব-ঙ্কি-ন্তে মনসি বর্ততে ।
কথযস্ব মহাভাগ তত্সর্ব-ঙ্কথাযামি তে ॥ 10॥
কিমর্থমাগতো-ঽসি ত্ব-ঙ্কি-ন্তে মনসি বর্ততে ।
কথযস্ব মহাভাগ তত্সর্ব-ঙ্কথাযামি তে ॥ 10॥
নারদ উবাচ।
মর্ত্যলোকে জনা-স্সর্বে নানাক্লেশসমন্বিতাঃ ।
ননাযোনিসমুত্পন্নাঃ পচ্যন্তে পাপকর্মভিঃ ॥ 11॥
মর্ত্যলোকে জনা-স্সর্বে নানাক্লেশসমন্বিতাঃ ।
ননাযোনিসমুত্পন্নাঃ পচ্যন্তে পাপকর্মভিঃ ॥ 11॥
তত্কথং শমযেন্নাথ লঘূপাযেন তদ্বদ ।
শ্রোতুমিচ্ছামি তত্সর্ব-ঙ্কৃপাস্তি যদি তে মযি ॥ 12॥
শ্রোতুমিচ্ছামি তত্সর্ব-ঙ্কৃপাস্তি যদি তে মযি ॥ 12॥
শ্রীভগবানুবাচ ।
সাধু পৃষ্ট-ন্ত্বযা বত্স লোকানুগ্রহকাঙ্ক্ষযা ।
যত্কৃত্বা মুচ্যতে মোহ-ত্তচ্ছৃণুষ্ব বদামি তে ॥ 13॥
সাধু পৃষ্ট-ন্ত্বযা বত্স লোকানুগ্রহকাঙ্ক্ষযা ।
যত্কৃত্বা মুচ্যতে মোহ-ত্তচ্ছৃণুষ্ব বদামি তে ॥ 13॥
ব্রতমস্তি মহত্পুণ্যং স্বর্গে মর্ত্যে চ দুর্লভম্ ।
তব স্নেহান্মযা বত্স প্রকাশঃ ক্রিযতে-ঽধুনা ॥ 14॥
তব স্নেহান্মযা বত্স প্রকাশঃ ক্রিযতে-ঽধুনা ॥ 14॥
সত্যনারাযণস্যৈব ব্রতং সম্যগ্বিধানতঃ । (সত্যনারাযণস্যৈবং)
কৃত্বা সদ্য-স্সুখ-ম্ভুক্ত্বা পরত্র মোক্ষমাপ্নুযাত্ ।
তচ্ছ্রুত্বা ভগবদ্বাক্য-ন্নারদো মুনিরব্রবীত্ ॥ 15॥
কৃত্বা সদ্য-স্সুখ-ম্ভুক্ত্বা পরত্র মোক্ষমাপ্নুযাত্ ।
তচ্ছ্রুত্বা ভগবদ্বাক্য-ন্নারদো মুনিরব্রবীত্ ॥ 15॥
নারদ উবাচ।
কি-ম্ফল-ঙ্কিং-বিঁধান-ঞ্চ কৃত-ঙ্কেনৈব তদ্ ব্রতম্ ।
তত্সর্বং-বিঁস্তরাদ্ ব্রূহি কদা কার্যং-ব্রঁত-ম্প্রভো ॥ 16॥
কি-ম্ফল-ঙ্কিং-বিঁধান-ঞ্চ কৃত-ঙ্কেনৈব তদ্ ব্রতম্ ।
তত্সর্বং-বিঁস্তরাদ্ ব্রূহি কদা কার্যং-ব্রঁত-ম্প্রভো ॥ 16॥
(কার্যংহিতদ্ব্রতম্)
শ্রীভগবানুবাচ ।
দুঃখশোকাদিশমন-ন্ধনধান্যপ্রবর্ধনম্ ॥ 17॥
শ্রীভগবানুবাচ ।
দুঃখশোকাদিশমন-ন্ধনধান্যপ্রবর্ধনম্ ॥ 17॥
সৌভাগ্যসন্ততিকরং সর্বত্র বিজযপ্রদম্ ।
যস্মিন্ কস্মি-ন্দিনে মর্ত্যো ভক্তিশ্রদ্ধাসমন্বিতঃ ॥ 18॥
যস্মিন্ কস্মি-ন্দিনে মর্ত্যো ভক্তিশ্রদ্ধাসমন্বিতঃ ॥ 18॥
সত্যনারাযণ-ন্দেবং-যঁজেচ্চৈব নিশামুখে ।
ব্রাহ্মণৈর্বান্ধবৈশ্চৈব সহিতো ধর্মতত্পরঃ ॥ 19॥
ব্রাহ্মণৈর্বান্ধবৈশ্চৈব সহিতো ধর্মতত্পরঃ ॥ 19॥
নৈবেদ্য-ম্ভক্তিতো দদ্যা-থ্সপাদ-ম্ভক্ষ্যমুত্তমম্ ।
রম্ভাফল-ঙ্ঘৃত-ঙ্ক্ষীর-ঙ্গোধূমস্য চ চূর্ণকম্ ॥ 20॥
রম্ভাফল-ঙ্ঘৃত-ঙ্ক্ষীর-ঙ্গোধূমস্য চ চূর্ণকম্ ॥ 20॥
অভাবে শালিচূর্ণং-বাঁ শর্করা বা গুডস্তথা ।
সপাদং সর্বভক্ষ্যাণি চৈকীকৃত্য নিবেদযেত্ ॥ 21॥
সপাদং সর্বভক্ষ্যাণি চৈকীকৃত্য নিবেদযেত্ ॥ 21॥
বিপ্রায দক্ষিণা-ন্দদ্যা-ত্কথাং শ্রুত্বা জনৈ-স্সহ ।
ততশ্চ বন্ধুভি-স্সার্ধং-বিঁপ্রাংশ্চ প্রতিভোজযেত্ ॥ 22॥
ততশ্চ বন্ধুভি-স্সার্ধং-বিঁপ্রাংশ্চ প্রতিভোজযেত্ ॥ 22॥
প্রসাদ-ম্ভক্ষযেদ্ ভক্ত্যা নৃত্যগীতাদিক-ঞ্চরেত্ ।
ততশ্চ স্বগৃহ-ঙ্গচ্ছে-থ্সত্যনারাযণং স্মরন্ন্ ॥ 23॥
ততশ্চ স্বগৃহ-ঙ্গচ্ছে-থ্সত্যনারাযণং স্মরন্ন্ ॥ 23॥
এব-ঙ্কৃতে মনুষ্যাণাং-বাঁঞ্ছাসিদ্ধির্ভবেদ্ ধ্রুবম্ ।
বিশেষতঃ কলিযুগে লঘূপাযো-ঽস্তি ভূতলে ॥ 24॥
(লঘূপাযোস্তি)
॥
বিশেষতঃ কলিযুগে লঘূপাযো-ঽস্তি ভূতলে ॥ 24॥
(লঘূপাযোস্তি)
॥
ইতি শ্রীস্কান্দপুরাণে রেবাখণ্ডে শ্রীসত্যনারাযণ ব্রতকথাযা-ম্প্রথমো-ঽধ্যাযঃ ॥ 1 ॥
অথ দ্বিতীযো-ঽধ্যাযঃ
সূত উবাচ ।
অথান্য-থ্সম্প্রবক্ষ্যামি কৃতং-যেঁন পুরা দ্বিজাঃ ।
কশ্চি-ত্কাশীপুরে রম্যে হ্যাসীদ্বিপ্রো-ঽতিনির্ধনঃ ॥ 1॥ (হ্যাসীদ্বিপ্রোতিনির্ধনঃ)
ক্ষুত্তৃড্ভ্যাং-ব্যাঁকুলোভূত্বা নিত্য-ম্বভ্রাম ভূতলে ।
দুঃখিত-ম্ব্রাহ্মণ-ন্দৃষ্ট্বা ভগবা-ন্ব্রাহ্মণপ্রিযঃ ॥ 2॥
বৃদ্ধব্রাহ্মণ রূপস্ত-ম্পপ্রচ্ছ দ্বিজমাদরাত্ ।
কিমর্থ-ম্ভ্রমসে বিপ্র মহী-ন্নিত্যং সুদুঃখিতঃ ।
তত্সর্বং শ্রোতুমিচ্ছামি কথ্যতা-ন্দ্বিজ সত্তম ॥ 3॥
ব্রাহ্মণ উবাচ ।
ব্রাহ্মণো-ঽতি দরিদ্রো-ঽহ-ম্ভিক্ষার্থং-বৈঁ ভ্রমে মহীম্ ॥ 4॥ (ব্রাহ্মণোতি)
উপাযং-যঁদি জানাসি কৃপযা কথয প্রভো ।
বৃদ্ধব্রাহ্মণ উবাচ ।
সত্যনারাযণো বিষ্ণুর্বাঞ্ছিতার্থফলপ্রদঃ ॥ 5॥
তস্য ত্ব-ম্পূজনং-বিঁপ্র কুরুষ্ব ব্রতমুত্তমম । (ব্রতমুত্তমম্)
যত্কৃত্বা সর্বদুঃখেভ্যো মুক্তো ভবতি মানবঃ ॥ 6॥
বিধান-ঞ্চ ব্রতস্যাপি বিপ্রাযাভাষ্য যত্নতঃ ।
সত্যনারাযণো বৃদ্ধস্তত্রৈবান্তরধীযত ॥ 7॥
তদ্ ব্রতং সঙ্করিষ্যামি যদুক্ত-ম্ব্রাহ্মণেন বৈ ।
ইতি সঞ্চিন্ত্য বিপ্রো-ঽসৌ রাত্রৌ নিদ্রা ন লব্ধবান্ ॥ 8॥ (নিদ্রাং)
ততঃ প্রাত-স্সমুত্থায সত্যনারাযণব্রতম্ ।
করিষ্য ইতি সঙ্কল্প্য ভিক্ষার্থমগমদ্বিজঃ ॥ 9॥ (ভিক্ষার্থমগমদ্দ্বিজঃ)
তস্মিন্নেব দিনে বিপ্রঃ প্রচুর-ন্দ্রব্যমাপ্তবান্ ।
তেনৈব বন্ধুভি-স্সার্ধং সত্যস্যব্রতমাচরত্ ॥ 10॥
সর্বদুঃখবিনির্মুক্ত-স্সর্বসম্পত্সমন্বিতঃ ।
বভূব স দ্বিজশ্রেষ্ঠো ব্রতস্যাস্য প্রভাবতঃ ॥ 11॥
ততঃ প্রভৃতি কাল-ঞ্চ মাসি মাসি ব্রত-ঙ্কৃতম্ ।
এব-ন্নারাযণস্যেদং-ব্রঁত-ঙ্কৃত্বা দ্বিজোত্তমঃ ॥ 12॥
সর্বপাপবিনির্মুক্তো দুর্লভ-ম্মোক্ষমাপ্তবান্ ।
ব্রতমস্য যদা বিপ্র পৃথিব্যাং সঙ্করিষ্যতি ॥ 13॥ (বিপ্রাঃ)
তদৈব সর্বদুঃখ-ন্তু মনুজস্য বিনশ্যতি । (চ মনুজস্য)
এব-ন্নারাযণেনোক্ত-ন্নারদায মহাত্মনে ॥ 14॥
মযা তত্কথিতং-বিঁপ্রাঃ কিমন্য-ত্কথযামি বঃ ।
ঋষয ঊচুঃ ।
তস্মাদ্ বিপ্রাচ্ছ্রুত-ঙ্কেন পৃথিব্যা-ঞ্চরিত-ম্মুনে ।
তত্সর্বং শ্রোতুমিচ্ছাম-শ্শ্রদ্ধা-ঽস্মাক-ম্প্রজাযতে ॥ 15॥ (শ্রদ্ধাস্মাকং)
সূত উবাচ ।
শৃণুধ্ব-ম্মুনয-স্সর্বে ব্রতং-যেঁন কৃত-ম্ভুবি ।
একদা স দ্বিজবরো যথাবিভব বিস্তরৈঃ ॥ 16॥
বন্ধুভি-স্স্বজনৈ-স্সার্ধং-ব্রঁত-ঙ্কর্তুং সমুদ্যতঃ ।
এতস্মিন্নন্তরে কালে কাষ্ঠক্রেতা সমাগমত্ ॥ 17॥
বহিঃ কাষ্ঠ-ঞ্চ সংস্থাপ্য বিপ্রস্য গৃহমাযযৌ ।
তৃষ্ণাযা পীডিতাত্মা চ দৃষ্ট্বা বিপ্র-ঙ্কৃতং-ব্রঁতম্ ॥ 18॥ (কৃত)
প্রণিপত্য দ্বিজ-ম্প্রাহ কিমিদ-ঙ্ক্রিযতে ত্বযা ।
কৃতে কি-ম্ফলমাপ্নোতি বিস্তরাদ্ বদ মে প্রভো ॥ 19॥ (বিস্তারাদ্)
বিপ্র উবাচ ।
সত্যনারাযণেস্যেদং-ব্রঁতং সর্বেপ্সিতপ্রদম্ ।
তস্য প্রসাদান্মে সর্ব-ন্ধনধান্যাদিক-ম্মহত্ ॥ 20॥
তস্মাদেতদ্ ব্রত-ঞ্জ্ঞাত্বা কাষ্ঠক্রেতা-ঽতিহর্ষিতঃ ।
পপৌ জল-ম্প্রসাদ-ঞ্চ ভুক্ত্বা স নগরং-যঁযৌ ॥ 21॥
সত্যনারাযণ-ন্দেব-ম্মনসা ইত্যচিন্তযত্ ।
কাষ্ঠং-বিঁক্রযতো গ্রামে প্রাপ্যতে চাদ্য যদ্ ধনম্ ॥ 22॥ (প্রাপ্যতেমে-ঽদ্য)
তেনৈব সত্যদেবস্য করিষ্যে ব্রতমুত্তমম্ ।
ইতি সঞ্চিন্ত্য মনসা কাষ্ঠ-ন্ধৃত্বা তু মস্তকে ॥ 23॥
জগাম নগরে রম্যে ধনিনাং-যঁত্র সংস্থিতিঃ ।
তদ্দিনে কাষ্ঠমূল্য-ঞ্চ দ্বিগুণ-ম্প্রাপ্তবানসৌ ॥ 24॥
ততঃ প্রসন্নহৃদয-স্সুপক্ব-ঙ্কদলী ফলম্ ।
শর্করাঘৃতদুগ্ধ-ঞ্চ গোধূমস্য চ চূর্ণকম্ ॥ 25॥
কৃত্বৈকত্র সপাদ-ঞ্চ গৃহীত্বা স্বগৃহং-যঁযৌ ।
ততো বন্ধূন্ সমাহূয চকার বিধিনা ব্রতম্ ॥ 26॥
তদ্ ব্রতস্য প্রভাবেণ ধনপুত্রান্বিতো-ঽভবত্ । (ধনপুত্রান্বিতোভবত্)
ইহলোকে সুখ-ম্ভুক্ত্বা চান্তে সত্যপুরং-যঁযৌ ॥ 27॥
॥ ইতি শ্রীস্কান্দপুরাণে রেবাখণ্ডে শ্রীসত্যনারাযণ ব্রতকথাযা-ন্দ্বিতীযো-ঽধ্যাযঃ ॥ 2 ॥
অথ তৃতীযো-ঽধ্যাযঃ
সূত উবাচ ।
পুনরগ্রে প্রবক্ষ্যামি শৃণুধ্ব-ম্মুনি সত্তমাঃ ।
পুরা চোল্কামুখো নাম নৃপশ্চাসীন্মহামতিঃ ॥ 1॥
জিতেন্দ্রিয-স্সত্যবাদী যযৌ দেবালয-ম্প্রতি ।
দিনে দিনে ধন-ন্দত্ত্বা দ্বিজান্ সন্তোষয-থ্সুধীঃ ॥ 2॥
ভার্যা তস্য প্রমুগ্ধা চ সরোজবদনা সতী ।
ভদ্রশীলানদী তীরে সত্যস্যব্রতমাচরত্ ॥ 3॥
এতস্মিন্নন্তরে তত্র সাধুরেক-স্সমাগতঃ ।
বাণিজ্যার্থ-ম্বহুধনৈরনেকৈঃ পরিপূরিতঃ ॥ 4॥
নাবং সংস্থাপ্য তত্তীরে জগাম নৃপতি-ম্প্রতি ।
দৃষ্ট্বা স ব্রতিন-ম্ভূপ-ম্প্রপচ্ছ বিনযান্বিতঃ ॥ 5॥
সাধুরুবাচ ।
কিমিদ-ঙ্কুরুষে রাজ-ন্ভক্তিযুক্তেন চেতসা ।
প্রকাশ-ঙ্কুরু তত্সর্বং শ্রোতুমিচ্ছামি সাম্প্রতম্ ॥ 6॥
রাজোবাচ ।
পূজন-ঙ্ক্রিযতে সাধো বিষ্ণোরতুলতেজসঃ ।
ব্রত-ঞ্চ স্বজনৈ-স্সার্ধ-ম্পুত্রাদ্যাবাপ্তি কাম্যযা ॥ 7॥
ভূপস্য বচনং শ্রুত্বা সাধুঃ প্রোবাচ সাদরম্ ।
সর্ব-ঙ্কথয মে রাজন্ করিষ্যে-ঽহ-ন্তবোদিতম্ ॥ 8॥
মমাপি সন্ততির্নাস্তি হ্যেতস্মাজ্জাযতে ধ্রুবম্ ।
ততো নিবৃত্ত্য বাণিজ্যা-থ্সানন্দো গৃহমাগতঃ ॥ 9॥
ভার্যাযৈ কথিতং সর্বং-ব্রঁতং সন্ততি দাযকম্ ।
তদা ব্রত-ঙ্করিষ্যামি যদা মে সন্ততির্ভবেত্ ॥ 10॥
ইতি লীলাবতী-ম্প্রাহ পত্নীং সাধু-স্স সত্তমঃ ।
একস্মি-ন্দিবসে তস্য ভার্যা লীলাবতী সতী ॥ 11॥ (ভার্যাং)
ভর্তৃযুক্তানন্দচিত্তা-ঽভবদ্ ধর্মপরাযণা ।
র্গভিণী সা-ঽভব-ত্তস্য ভার্যা সত্যপ্রসাদতঃ ॥ 12॥ (সাভবত্)
দশমে মাসি বৈ তস্যাঃ কন্যারত্নমজাযত ।
দিনে দিনে সা ববৃধে শুক্লপক্ষে যথা শশী ॥ 13॥
নাম্না কলাবতী চেতি তন্নামকরণ-ঙ্কৃতম্ ।
ততো লীলাবতী প্রাহ স্বামিন-ম্মধুরং-বঁচঃ ॥ 14॥
ন করোষি কিমর্থং-বৈঁ পুরা সঙ্কল্পিতং-ব্রঁতম্ ।
সাধুরুবাচ ।
বিবাহ সমযে ত্বস্যাঃ করিষ্যামি ব্রত-ম্প্রিযে ॥ 15॥
ইতি ভার্যাং সমাশ্বাস্য জগাম নগর-ম্প্রতি ।
ততঃ কলাবতী কন্যা ববৃধে পিতৃবেশ্মনি ॥ 16॥
দৃষ্ট্বা কন্যা-ন্তত-স্সাধুর্নগরে সখিভি-স্সহ ।
মন্ত্রযিত্বা দ্রুত-ন্দূত-ম্প্রেষযামাস ধর্মবিত্ ॥ 17॥
বিবাহার্থ-ঞ্চ কন্যাযা বরং শ্রেষ্ঠং-বিঁচারয ।
তেনাজ্ঞপ্তশ্চ দূতো-ঽসৌ কাঞ্চন-ন্নগরং-যঁযৌ ॥ 18॥
তস্মাদেকং-বঁণিক্পুত্রং সমাদাযাগতো হি সঃ ।
দৃষ্ট্বা তু সুন্দর-ম্বালং-বঁণিক্পুত্র-ঙ্গুণান্বিতম্ ॥ 19॥
জ্ঞাতিভির্বন্ধুভি-স্সার্ধ-ম্পরিতুষ্টেন চেতসা ।
দত্তাবান্ সাধুপুত্রায কন্যাং-বিঁধিবিধানতঃ ॥ 20॥ (সাধুঃপুত্রায)
ততো-ঽভাগ্যবশা-ত্তেন বিস্মৃতং-ব্রঁতমুত্তমম্ । (ততোভাগ্যবশাত্)
বিবাহসমযে তস্যাস্তেন রুষ্টো ভব-ত্প্রভুঃ ॥ 21॥ (রুষ্টো-ঽভবত্)
ততঃ কালেন নিযতো নিজকর্ম বিশারদঃ ।
বাণিজ্যার্থ-ন্তত-শ্শীঘ্র-ঞ্জামাতৃ সহিতো বণিক্ ॥ 22॥
রত্নসারপুরে রম্যে গত্বা সিন্ধু সমীপতঃ ।
বাণিজ্যমকরো-থ্সাধুর্জামাত্রা শ্রীমতা সহ ॥ 23॥
তৌ গতৌ নগরে রম্যে চন্দ্রকেতোর্নৃপস্য চ । (নগরেতস্য)
এতস্মিন্নেব কালে তু সত্যনারাযণঃ প্রভুঃ ॥ 24॥
ভ্রষ্টপ্রতিজ্ঞমালোক্য শাপ-ন্তস্মৈ প্রদত্তবান্ ।
দারুণ-ঙ্কঠিন-ঞ্চাস্য মহদ্ দুঃখ-ম্ভবিষ্যতি ॥ 25॥
একস্মিন্দিবসে রাজ্ঞো ধনমাদায তস্করঃ ।
তত্রৈব চাগত শ্চৌরো বণিজৌ যত্র সংস্থিতৌ ॥ 26॥
তত্পশ্চাদ্ ধাবকা-ন্দূতা-ন্দৃষ্টবা ভীতেন চেতসা ।
ধনং সংস্থাপ্য তত্রৈব স তু শীঘ্রমলক্ষিতঃ ॥ 27॥
ততো দূতাস্সমাযাতা যত্রাস্তে সজ্জনো বণিক্ ।
দৃষ্ট্বা নৃপধন-ন্তত্র বদ্ধ্বা-ঽঽনীতৌ বণিক্সুতৌ ॥ 28॥ (বদ্ধ্বানীতৌ)
হর্ষেণ ধাবমানাশ্চ প্রোচুর্নৃপসমীপতঃ ।
তস্করৌ দ্বৌ সমানীতৌ বিলোক্যাজ্ঞাপয প্রভো ॥ 29॥
রাজ্ঞা-ঽঽজ্ঞপ্তাস্তত-শ্শীঘ্র-ন্দৃঢ-ম্বদ্ধ্বা তু তা বুভৌ ।
স্থাপিতৌ দ্বৌ মহাদুর্গে কারাগারে-ঽবিচারতঃ ॥ 30॥
মাযযা সত্যদেবস্য ন শ্রুত-ঙ্কৈস্তযোর্বচঃ ।
অতস্তযোর্ধনং রাজ্ঞা গৃহীত-ঞ্চন্দ্রকেতুনা ॥ 31॥
তচ্ছাপাচ্চ তযোর্গেহে ভার্যা চৈবাতি দুঃখিতা ।
চৌরেণাপহৃতং সর্ব-ঙ্গৃহে যচ্চ স্থিত-ন্ধনম্ ॥ 32॥
আধিব্যাধিসমাযুক্তা ক্ষুত্পিপাশাতি দুঃখিতা । (ক্ষুত্পিপাসাতি)
অন্নচিন্তাপরা ভূত্বা বভ্রাম চ গৃহে গৃহে ।
কলাবতী তু কন্যাপি বভ্রাম প্রতিবাসরম্ ॥ 33॥
একস্মি-ন্দিবসে যাতা ক্ষুধার্তা দ্বিজমন্দিরম্ । (দিবসে জাতা)
গত্বা-ঽপশ্যদ্ ব্রত-ন্তত্র সত্যনারাযণস্য চ ॥ 34॥ (গত্বাপশ্যদ্)
উপবিশ্য কথাং শ্রুত্বা বরং র্প্রাথিতবত্যপি ।
প্রসাদ ভক্ষণ-ঙ্কৃত্বা যযৌ রাত্রৌ গৃহ-ম্প্রতি ॥ 35॥
মাতা কলাবতী-ঙ্কন্যা-ঙ্কথযামাস প্রেমতঃ ।
পুত্রি রাত্রৌ স্থিতা কুত্র কি-ন্তে মনসি বর্ততে ॥ 36॥
কন্যা কলাবতী প্রাহ মাতর-ম্প্রতি সত্বরম্ ।
দ্বিজালযে ব্রত-ম্মাতর্দৃষ্টং-বাঁঞ্ছিতসিদ্ধিদম্ ॥ 37॥
তচ্ছ্রুত্বা কন্যকা বাক্যং-ব্রঁত-ঙ্কর্তুং সমুদ্যতা ।
সা মুদা তু বণিগ্ভার্যা সত্যনারাযণস্য চ ॥ 38॥
ব্রত-ঞ্চক্রে সৈব সাধ্বী বন্ধুভি-স্স্বজনৈ-স্সহ ।
ভর্তৃজামাতরৌ ক্ষিপ্রমাগচ্ছেতাং স্বমাশ্রমম্ ॥ 39॥
অপরাধ-ঞ্চ মে ভর্তুর্জামাতুঃ, ক্ষন্তুমর্হসি ।
ব্রতেনানেন তুষ্টো-ঽসৌ সত্যনারাযণঃ পুনঃ ॥ 40॥ (তুষ্টোসৌ)
দর্শযামাস স্বপ্নং হী চন্দ্রকেতু-ন্নৃপোত্তমম্ ।
বন্দিনৌ মোচয প্রাতর্বণিজৌ নৃপসত্তম ॥ 41॥
দেয-ন্ধন-ঞ্চ তত্সর্ব-ঙ্গৃহীতং-যঁ-ত্ত্বযা-ঽধুনা । (ত্বযাধুনা)
নো চে-ত্ত্বা-ন্নাশযিষ্যামি সরাজ্যধনপুত্রকম্ ॥ 42॥
এবমাভাষ্য রাজান-ন্ধ্যানগম্যো-ঽভব-ত্প্রভুঃ । (ধ্যানগম্যোভবত্)
ততঃ প্রভাতসমযে রাজা চ স্বজনৈ-স্সহ ॥ 43॥
উপবিশ্য সভামধ্যে প্রাহ স্বপ্ন-ঞ্জন-ম্প্রতি ।
বদ্ধৌ মহাজনৌ শীঘ্র-ম্মোচয দ্বৌ বণিক্সুতৌ ॥ 44॥
ইতি রাজ্ঞো বচ-শ্শ্রুত্বা মোচযিত্বা মহাজনৌ ।
সমানীয নৃপস্যাগ্রে প্রাহুস্তে বিনযান্বিতাঃ ॥ 45॥
আনীতৌ দ্বৌ বণিক্পুত্রৌ মুক্তৌ নিগডবন্ধনাত্ ।
ততো মহাজনৌ নত্বা চন্দ্রকেতু-ন্নৃপোত্তমম্ ॥ 46॥
স্মরন্তৌ পূর্ব বৃত্তান্ত-ন্নোচতুর্ভযবিহ্বলৌ ।
রাজা বণিক্সুতৌ বীক্ষ্য বচঃ প্রোবাচ সাদরম্ ॥ 47॥
দেবা-ত্প্রাপ্ত-ম্মহদ্দুঃখমিদানী-ন্নাস্তি বৈ ভযম্ ।
তদা নিগডসন্ত্যাগ-ঙ্ক্ষৌরকর্মাদ্যকারযত্ ॥ 48॥
বস্ত্রালঙ্কারক-ন্দত্ত্বা পরিতোষ্য নৃপশ্চ তৌ ।
পুরস্কৃত্য বণিক্পুত্রৌ বচসা-ঽতোষযদ্ ভৃশম্ ॥ 49॥ (বচসাতোষযদ্ভৃশম্)
পুরানীত-ন্তু যদ্ দ্রব্য-ন্দ্বিগুণীকৃত্য দত্তবান্ ।
প্রোবাচ চ ততো রাজা গচ্ছ সাধো নিজাশ্রমম্ ॥ 50॥ (প্রোবাচতৌ)
রাজান-ম্প্রণিপত্যাহ গন্তব্য-ন্ত্বত্প্রসাদতঃ ।
ইত্যুক্ত্বা তৌ মহাবৈশ্যৌ জগ্মতু-স্স্বগৃহ-ম্প্রতি ॥ 51॥ (মহাবৈশ্যো)
॥ ইতি শ্রীস্কান্দ পুরাণে রেবাখণ্ডে শ্রীসত্যনারাযণ ব্রতকথাযা-ন্তৃতীযো-ঽধ্যাযঃ ॥ 3 ॥
অথ চতুর্থো-ঽধ্যাযঃ
সূত উবাচ ।
যাত্রা-ন্তু কৃতবান্ সাধুর্মঙ্গলাযনপূর্বিকাম্ ।
ব্রাহ্মণেভ্যো ধন-ন্দত্ত্বা তদা তু নগরং-যঁযৌ ॥ 1॥
কিযদ্ দূরে গতে সাধো সত্যনারাযণঃ প্রভুঃ ।
জিজ্ঞাসা-ঙ্কৃতবান্ সাধৌ কিমস্তি তব নৌস্থিতম্ ॥ 2॥
ততো মহাজনৌ মত্তৌ হেলযা চ প্রহস্য বৈ । (মতৌ)
কথ-ম্পৃচ্ছসি ভো দণ্ডি-ন্মুদ্রা-ন্নেতু-ঙ্কিমিচ্ছসি ॥ 3॥
লতাপত্রাদিক-ঞ্চৈব বর্ততে তরণৌ মম ।
নিষ্ঠুর-ঞ্চ বচ-শ্শ্রুত্বা সত্য-ম্ভবতু তে বচঃ ॥ 4॥
এবমুক্ত্বা গত-শ্শীঘ্র-ন্দণ্ডী তস্য সমীপতঃ ।
কিযদ্ দূরে ততো গত্বা স্থিত-স্সিন্ধু সমীপতঃ ॥ 5॥
গতে দণ্ডিনি সাধুশ্চ কৃতনিত্যক্রিযস্তদা ।
উত্থিতা-ন্তরণী-ন্দৃষ্ট্বা বিস্ময-ম্পরমং-যঁযৌ ॥ 6॥
দৃষ্ট্বা লতাদিক-ঞ্চৈব মূর্চ্ছিতো ন্যপতদ্ ভুবি ।
লব্ধসঞ্জ্ঞো বণিক্পুত্রস্ততশ্চিন্তান্বিতো-ঽভবত্ ॥ 7॥ (বণিক্পুত্রস্ততশ্চিন্তান্বিতোভবত্)
তদা তু দুহিতুঃ কান্তো বচন-ঞ্চেদমব্রবীত্ ।
কিমর্থ-ঙ্ক্রিযতে শোক-শ্শাপো দত্তশ্চ দণ্ডিনা ॥ 8॥
শক্যতে তেন সর্বং হি কর্তু-ঞ্চাত্র ন সংশযঃ । (শক্যতেনে ন)
অতস্তচ্ছরণং-যাঁমো বাঞ্ছতার্থো ভবিষ্যতি ॥ 9॥ (বাঞ্ছিতার্থো)
জামাতুর্বচনং শ্রুত্বা তত্সকাশ-ঙ্গতস্তদা ।
দৃষ্ট্বা চ দণ্ডিন-ম্ভক্ত্যা নত্বা প্রোবাচ সাদরম্ ॥ 10॥
ক্ষমস্ব চাপরাধ-ম্মে যদুক্ত-ন্তব সন্নিধৌ ।
এব-ম্পুনঃ পুনর্নত্বা মহাশোকাকুলো-ঽভবত্ ॥ 11॥ (মহাশোকাকুলোভবত্)
প্রোবাচ বচন-ন্দণ্ডী বিলপন্তং-বিঁলোক্য চ ।
মা রোদী-শ্শৃণুমদ্বাক্য-ম্মম পূজাবহির্মুখঃ ॥ 12॥
মমাজ্ঞযা চ দুর্বুদ্ধে লব্ধ-ন্দুঃখ-ম্মুহুর্মুহুঃ ।
তচ্ছ্রুত্বা ভগবদ্বাক্যং স্তুতি-ঙ্কর্তুং সমুদ্যতঃ ॥ 13॥
সাধুরুবাচ ।
ত্বন্মাযামোহিতা-স্সর্বে ব্রহ্মাদ্যাস্ত্রিদিবৌকসঃ ।
ন জানন্তি গুণা-ন্রূপ-ন্তবাশ্চর্যমিদ-ম্প্রভো ॥ 14॥
মূঢো-ঽহ-ন্ত্বা-ঙ্কথ-ঞ্জানে মোহিতস্তবমাযযা । (মূঢোহং)
প্রসীদ পূজযিষ্যামি যথাবিভববিস্তরৈঃ ॥ 15॥
পুরা বিত্ত-ঞ্চ ত-থ্সর্ব-ন্ত্রাহি মাং শরণাগতম্ ।
শ্রুত্বা ভক্তিযুতং-বাঁক্য-ম্পরিতুষ্টো জনার্দনঃ ॥ 16॥
বর-ঞ্চ বাঞ্ছিত-ন্দত্ত্বা তত্রৈবান্তর্দধে হরিঃ ।
ততো নাবং সমারূহ্য দৃষ্ট্বা বিত্তপ্রপূরিতাম্ ॥ 17॥
কৃপযা সত্যদেবস্য সফলং-বাঁঞ্ছিত-ম্মম ।
ইত্যুক্ত্বা স্বজনৈ-স্সার্ধ-ম্পূজা-ঙ্কৃত্বা যথাবিধি ॥ 18॥
হর্ষেণ চাভব-ত্পূর্ণস্সত্যদেবপ্রসাদতঃ ।
নাবং সংযোঁজ্য যত্নেন স্বদেশগমন-ঙ্কৃতম্ ॥ 19॥
সাধুর্জামাতর-ম্প্রাহ পশ্য রত্নপুরী-ম্মম ।
দূত-ঞ্চ প্রেষযামাস নিজবিত্তস্য রক্ষকম্ ॥ 20॥
ততো-ঽসৌ নগর-ঙ্গত্বা সাধুভার্যাং-বিঁলোক্য চ । (দূতোসৌ)
প্রোবাচ বাঞ্ছিতং-বাঁক্য-ন্নত্বা বদ্ধাঞ্জলিস্তদা ॥ 21॥
নিকটে নগরস্যৈব জামাত্রা সহিতো বণিক্ ।
আগতো বন্ধুবর্গৈশ্চ বিত্তৈশ্চ বহুভির্যুতঃ ॥ 22॥
শ্রুত্বা দূতমুখাদ্বাক্য-ম্মহাহর্ষবতী সতী ।
সত্যপূজা-ন্ততঃ কৃত্বা প্রোবাচ তনুজা-ম্প্রতি ॥ 23॥
ব্রজামি শীঘ্রমাগচ্ছ সাধুসন্দর্শনায চ ।
ইতি মাতৃবচ-শ্শ্রুত্বা ব্রত-ঙ্কৃত্বা সমাপ্য চ ॥ 24॥
প্রসাদ-ঞ্চ পরিত্যজ্য গতা সা-ঽপি পতি-ম্প্রতি । (সাপি)
তেন রুষ্টা-স্সত্যদেবো ভর্তার-ন্তরণি-ন্তথা ॥ 25॥ (রুষ্টঃ, তরণীং)
সংহৃত্য চ ধনৈ-স্সার্ধ-ঞ্জলে তস্যাবমজ্জযত্ ।
ততঃ কলাবতী কন্যা ন বিলোক্য নিজ-ম্পতিম্ ॥ 26॥
শোকেন মহতা তত্র রুদন্তী চাপতদ্ ভুবি । (রুদতী)
দৃষ্ট্বা তথাবিধা-ন্নাব-ঙ্কন্যা-ঞ্চ বহুদুঃখিতাম্ ॥ 27॥
ভীতেন মনসা সাধুঃ কিমাশ্চর্যমিদ-ম্ভবেত্ ।
চিন্ত্যমানাশ্চ তে সর্বে বভূবুস্তরিবাহকাঃ ॥ 28॥
ততো লীলাবতী কন্যা-ন্দৃষ্ট্বা সা বিহ্বলা-ঽভবত্ ।
বিললাপাতিদুঃখেন ভর্তার-ঞ্চেদমব্রবীত ॥ 29॥
ইদানী-ন্নৌকযা সার্ধ-ঙ্কথং সো-ঽভূদলক্ষিতঃ ।
ন জানে কস্য দেবস্য হেলযা চৈব সা হৃতা ॥ 30॥
সত্যদেবস্য মাহাত্ম্য-ঞ্জ্ঞাতুং-বাঁ কেন শক্যতে ।
ইত্যুক্ত্বা বিললাপৈব ততশ্চ স্বজনৈ-স্সহ ॥ 31॥
ততো লীলাবতী কন্যা-ঙ্ক্রৌডে কৃত্বা রুরোদ হ ।
ততঃকলাবতী কন্যা নষ্টে স্বামিনি দুঃখিতা ॥ 32॥
গৃহীত্বা পাদুকে তস্যানুগতু-ঞ্চ মনোদধে । (পাদুকাং)
কন্যাযাশ্চরিত-ন্দৃষ্ট্বা সভার্য-স্সজ্জনো বণিক্ ॥ 33॥
অতিশোকেন সন্তপ্তশ্চিন্তযামাস ধর্মবিত্ ।
হৃতং-বাঁ সত্যদেবেন ভ্রান্তো-ঽহং সত্যমাযযা ॥ 34॥
সত্যপূজা-ঙ্করিষ্যামি যথাবিভববিস্তরৈঃ ।
ইতি সর্বান্ সমাহূয কথযিত্বা মনোরথম্ ॥ 35॥
নত্বা চ দণ্ডবদ্ ভূমৌ সত্যদেব-ম্পুনঃ পুনঃ ।
ততস্তুষ্ট-স্সত্যদেবো দীনানা-ম্পরিপালকঃ ॥ 36॥
জগাদ বচন-ঞ্চৈন-ঙ্কৃপযা ভক্তবত্সলঃ ।
ত্যক্ত্বা প্রসাদ-ন্তে কন্যা পতি-ন্দ্রষ্টুং সমাগতা ॥ 37॥
অতো-ঽদৃষ্টো-ঽভবত্তস্যাঃ কন্যকাযাঃ পতির্ধ্রুবম্ ।
গৃহ-ঙ্গত্বা প্রসাদ-ঞ্চ ভুক্ত্বা সা-ঽঽযাতি চেত্পুনঃ ॥ 38॥ (সাযাতি)
লব্ধভর্ত্রী সুতা সাধো ভবিষ্যতি ন সংশযঃ ।
কন্যকা তাদৃশং-বাঁক্যং শ্রুত্বা গগনমণ্ডলাত্ ॥ 39॥
ক্ষিপ্র-ন্তদা গৃহ-ঙ্গত্বা প্রসাদ-ঞ্চ বুভোজ সা ।
পশ্চা-থ্সা পুনরাগত্য দদর্শ স্বজন-ম্পতিম্ ॥ 40॥ (সাপশ্চাত্পুনরাগত্য, সজনং)
ততঃ কলাবতী কন্যা জগাদ পিতর-ম্প্রতি ।
ইদানী-ঞ্চ গৃহং-যাঁহি বিলম্ব-ঙ্কুরুষে কথম্ ॥ 41॥
তচ্ছ্রুত্বা কন্যকাবাক্যং সন্তুষ্টো-ঽভূদ্বণিক্সুতঃ ।
পূজনং সত্যদেবস্য কৃত্বা বিধিবিধানতঃ ॥ 42॥
ধনৈর্বন্ধুগণৈ-স্সার্ধ-ঞ্জগাম নিজমন্দিরম্ ।
পৌর্ণমাস্যা-ঞ্চ সঙ্ক্রান্তৌ কৃতবান্ সত্যস্য পূজনম্ ॥ 43॥ (সত্যপূজনম্)
ইহলোকে সুখ-ম্ভুক্ত্বা চান্তে সত্যপুরং-যঁযৌ ॥ 44॥
॥ ইতি শ্রীস্কান্দ পুরাণে রেবাখণ্ডে শ্রীসত্যনারাযণ ব্রতকথাযা-ঞ্চতুর্থো-ঽধ্যাযঃ ॥ 4 ॥
অথ পঞ্চমো-ঽধ্যাযঃ
সূত উবাচ ।
অথান্যচ্চ প্রবক্ষ্যামি শ্রুণুধ্ব-ম্মুনিসত্তমাঃ ।
আসী-ত্তুঙ্গধ্বজো রাজা প্রজাপালনতত্পরঃ ॥ 1॥
প্রসাদং সত্যদেবস্য ত্যক্ত্বা দুঃখমবাপ সঃ ।
একদা স বন-ঙ্গত্বা হত্বা বহুবিধা-ন্পশূন্ ॥ 2॥
আগত্য বটমূল-ঞ্চ দৃষ্ট্বা সত্যস্য পূজনম্ । (চাপশ্যত্)
গোপাঃ কুর্বন্তি সন্তুষ্টা ভক্তিযুক্তা-স্স বান্ধবাঃ ॥ 3॥
রাজা দৃষ্ট্বা তু দর্পেণ ন গতো ন ননাম সঃ ।
ততো গোপগণা-স্সর্বে প্রসাদ-ন্নৃপসন্নিধৌ ॥ 4॥
সংস্থাপ্য পুনরাগত্য ভুক্তত্বা সর্বে যথেপ্সিতম্ ।
ততঃ প্রসাদং সন্ত্যজ্য রাজা দুঃখমবাপ সঃ ॥ 5॥
তস্য পুত্রশত-ন্নষ্ট-ন্ধনধান্যাদিক-ঞ্চ যত্ ।
সত্যদেবেন তত্সর্ব-ন্নাশিত-ম্মম নিশ্চিতম্ ॥ 6॥
অতস্তত্রৈব গচ্ছামি যত্র দেবস্য পূজনম্ ।
মনসা তু বিনিশ্চিত্য যযৌ গোপালসন্নিধৌ ॥ 7॥
ততো-ঽসৌ সত্যদেবস্য পূজা-ঙ্গোপগণৈস্সহ ।
ভক্তিশ্রদ্ধান্বিতো ভূত্বা চকার বিধিনা নৃপঃ ॥ 8॥
সত্যদেবপ্রসাদেন ধনপুত্রান্বিতো-ঽভবত্ ।
ইহলোকে সুখ-ম্ভুক্তত্বা চান্তে সত্যপুরং-যঁযৌ ॥ 9॥
য ইদ-ঙ্কুরুতে সত্যব্রত-ম্পরমদুর্লভম্ ।
শৃণোতি চ কথা-ম্পুণ্যা-ম্ভক্তিযুক্তঃ ফলপ্রদাম্ ॥ 10॥
ধনধান্যাদিক-ন্তস্য ভবে-থ্সত্যপ্রসাদতঃ ।
দরিদ্রো লভতে বিত্ত-ম্বদ্ধো মুচ্যেত বন্ধনাত্ ॥ 11॥
ভীতো ভযা-ত্প্রমুচ্যেত সত্যমেব ন সংশযঃ ।
ঈপ্সিত-ঞ্চ ফল-ম্ভুক্ত্বা চান্তে সত্যপুরংব্রঁজেত্ ॥ 12॥
ইতি বঃ কথিতং-বিঁপ্রা-স্সত্যনারাযণব্রতম্ ।
য-ত্কৃত্বা সর্বদুঃখেভ্যো মুক্তো ভবতি মানবঃ ॥ 13॥
বিশেষতঃ কলিযুগে সত্যপূজা ফলপ্রদা ।
কেচি-ত্কালং-বঁদিষ্যন্তি সত্যমীশ-ন্তমেব চ ॥ 14॥
সত্যনারাযণ-ঙ্কেচি-থ্সত্যদেব-ন্তথাপরে ।
নানারূপধরো ভূত্বা সর্বেষামীপ্সিতপ্রদম্ ॥ 15॥ (সর্বেষামীপ্সিতপ্রদঃ)
ভবিষ্যতি কলৌ সত্যব্রতরূপী সনাতনঃ ।
শ্রীবিষ্ণুনা ধৃতং রূপং সর্বেষামীপ্সিতপ্রদম্ ॥ 16॥
য ইদ-ম্পঠতে নিত্যং শৃণোতি মুনিসত্তমাঃ ।
তস্য নশ্যন্তি পাপানি সত্যদেবপ্রসাদতঃ ॥ 17॥
ব্রতং-যৈঁস্তু কৃত-ম্পূর্বং সত্যনারাযণস্য চ ।
তেষা-ন্ত্বপরজন্মানি কথযামি মুনীশ্বরাঃ ॥ 18॥
শতানন্দোমহাপ্রাজ্ঞস্সুদামাব্রাহ্মণো হ্যভূত্ ।
তস্মিঞ্জন্মনি শ্রীকৃষ্ণ-ন্ধ্যাত্বা মোক্ষমবাপ হ ॥ 19॥
কাষ্ঠভারবহো ভিল্লো গুহরাজো বভূব হ ।
তস্মিঞ্জন্মনি শ্রীরামং সেব্য মোক্ষ-ঞ্জগাম বৈ ॥ 20॥
উল্কামুখো মহারাজো নৃপো দশরথো-ঽভবত্ ।
শ্রীরঙ্গনাথং সম্পূজ্য শ্রীবৈকুণ্ঠ-ন্তদাগমত্ ॥ 21॥ (শ্রীরামচন্দ্রসম্প্রাপ্য)
র্ধামিক-স্সত্যসন্ধশ্চ সাধুর্মোরধ্বজো-ঽভবত্ । (সাধুর্মোরধ্বজোভবত্)
দেহার্ধ-ঙ্ক্রকচৈশ্ছিত্ত্বা দত্বা মোক্ষমবাপ হ ॥ 22॥
তুঙ্গধ্বজো মহারাজ-স্স্বাযম্ভুবো-ঽভব-ত্কিল । (স্বাযম্ভূরভবত্)
সর্বা-ন্ভাগবতান্ কৃত্বা শ্রীবৈকুণ্ঠ-ন্তদা-ঽগমত্ ॥ 23॥ (কৃত্ত্বা, তদাগমত্)
ভূত্বা গোপাশ্চ তে সর্বে ব্রজমণ্ডলবাসিনঃ ।
নিহত্য রাক্ষসান্ সর্বা-ন্গোলোক-ন্তু তদা যযুঃ ॥ 24॥
॥ ইতি শ্রীস্কান্দপুরাণে রেবাখণ্ডে শ্রীসত্যনারাযণ ব্রতকথাযা-ম্পঞ্চমো-ঽধ্যাযঃ ॥ 5 ॥