സരസ്വതീ സഹസ്ര നാമ സ്തോത്രമ്

ശ്രീമച്ചന്ദനചര്ചിതോജ്ജ്വലവപുഃ ശുക്ലാമ്ബരാ മല്ലികാ-
മാലാലാലിത കുന്തലാ പ്രവിലസന്മുക്താവലീശോഭനാ ।
സര്വജ്ഞാനനിധാനപുസ്തകധരാ രുദ്രാക്ഷമാലാങ്കിതാ
വാഗ്ദേവീ വദനാമ്ബുജേ വസതു മേ ത്രൈലോക്യമാതാ ശുഭാ ॥
ശ്രീ നാരദ ഉവാച–
ഭഗവന്പരമേശാന സര്വലോകൈകനായക ।
കഥം സരസ്വതീ സാക്ഷാത്പ്രസന്നാ പരമേഷ്ഠിനഃ ॥ 2 ॥

കഥം ദേവ്യാ മഹാവാണ്യാസ്സതത്പ്രാപ സുദുര്ലഭമ് ।
ഏതന്മേ വദ തത്ത്വേന മഹായോഗീശ്വര പ്രഭോ ॥ 3 ॥

ശ്രീ സനത്കുമാര ഉവാച–
സാധു പൃഷ്ടം ത്വയാ ബ്രഹ്മന് ഗുഹ്യാദ്ഗുഹ്യമനുത്തമമ് ।
മയാനുഗോപിതം യത്നാദിദാനീം സത്പ്രകാശ്യതേ ॥ 4 ॥

പുരാ പിതാമഹം ദൃഷ്ട്വാ ജഗത്സ്ഥാവരജങ്ഗമമ് ।
നിര്വികാരം നിരാഭാസം സ്തമ്ഭീഭൂതമചേതസമ് ॥ 5 ॥

സൃഷ്ട്വാ ത്രൈലോക്യമഖിലം വാഗഭാവാത്തഥാവിധമ് ।
ആധിക്യാഭാവതഃ സ്വസ്യ പരമേഷ്ഠീ ജഗദ്ഗുരുഃ ॥ 6 ॥

ദിവ്യവര്ഷായുതം തേന തപോ ദുഷ്കരമുത്തമമ് ।
തതഃ കദാചിത്സഞ്ജാതാ വാണീ സര്വാര്ഥശോഭിതാ ॥ 7 ॥

അഹമസ്മി മഹാവിദ്യാ സര്വവാചാമധീശ്വരീ ।
മമ നാമ്നാം സഹസ്രം തു ഉപദേക്ഷ്യാമ്യനുത്തമമ് ॥ 8 ॥

അനേന സംസ്തുതാ നിത്യം പത്നീ തവ ഭവാമ്യഹമ് ।
ത്വയാ സൃഷ്ടം ജഗത്സര്വം വാണീയുക്തം ഭവിഷ്യതി ॥ 9 ॥

ഇദം രഹസ്യം പരമം മമ നാമസഹസ്രകമ് ।
സര്വപാപൌഘശമനം മഹാസാരസ്വതപ്രദമ് ॥ 10 ॥

മഹാകവിത്വദം ലോകേ വാഗീശത്വപ്രദായകമ് ।
ത്വം വാ പരഃ പുമാന്യസ്തു സ്തവേനാഽനേന തോഷയേത് ॥ 11 ॥

തസ്യാഹം കിങ്കരീ സാക്ഷാദ്ഭവിഷ്യാമി ന സംശയഃ ।
ഇത്യുക്ത്വാന്തര്ദധേ വാണീ തദാരഭ്യ പിതാമഹഃ ॥ 12 ॥

സ്തുത്വാ സ്തോത്രേണ ദിവ്യേന തത്പതിത്വമവാപ്തവാന് ।
വാണീയുക്തം ജഗത്സര്വം തദാരഭ്യാഽഭവന്മുനേ ॥ 13 ॥

തത്തേഹം സമ്പ്രവക്ഷ്യാമി ശൃണു യത്നേന നാരദ ।
സാവധാനമനാ ഭൂത്വാ ക്ഷണം ശുദ്ധോ മുനീശ്വരഃ ॥ 14 ॥
[ ഐം വദ വദ വാഗ്വാദിനീ സ്വാഹാ ]
വാഗ്വാണീ വരദാ വന്ദ്യാ വരാരോഹാ വരപ്രദാ ।
വൃത്തിര്വാഗീശ്വരീ വാര്താ വരാ വാഗീശവല്ലഭാ ॥ 1 ॥
വിശ്വേശ്വരീ വിശ്വവന്ദ്യാ വിശ്വേശപ്രിയകാരിണീ ।
വാഗ്വാദിനീ ച വാഗ്ദേവീ വൃദ്ധിദാ വൃദ്ധികാരിണീ ॥ 2 ॥
വൃദ്ധിര്വൃദ്ധാ വിഷഘ്നീ ച വൃഷ്ടിര്വൃഷ്ടിപ്രദായിനീ ।
വിശ്വാരാധ്യാ വിശ്വമാതാ വിശ്വധാത്രീ വിനായകാ ॥ 3 ॥
വിശ്വശക്തിര്വിശ്വസാരാ വിശ്വാ വിശ്വവിഭാവരീ ।
വേദാന്തവേദിനീ വേദ്യാ വിത്താ വേദത്രയാത്മികാ ॥ 4 ॥
വേദജ്ഞാ വേദജനനീ വിശ്വാ വിശ്വവിഭാവരീ ।
വരേണ്യാ വാങ്മയീ വൃദ്ധാ വിശിഷ്ടപ്രിയകാരിണീ ॥ 5 ॥
വിശ്വതോവദനാ വ്യാപ്താ വ്യാപിനീ വ്യാപകാത്മികാ ।
വ്യാലഘ്നീ വ്യാലഭൂഷാങ്ഗീ വിരജാ വേദനായികാ ॥ 6 ॥
വേദവേദാന്തസംവേദ്യാ വേദാന്തജ്ഞാനരൂപിണീ ।
വിഭാവരീ ച വിക്രാന്താ വിശ്വാമിത്രാ വിധിപ്രിയാ ॥ 7 ॥
വരിഷ്ഠാ വിപ്രകൃഷ്ടാ ച വിപ്രവര്യപ്രപൂജിതാ ।
വേദരൂപാ വേദമയീ വേദമൂര്തിശ്ച വല്ലഭാ ॥ 8 ॥
[ ഓം ഹ്രീം ഗുരുരൂപേ മാം ഗൃഹ്ണ ഗൃഹ്ണ ഐം വദ വദ വാഗ്വാദിനീ സ്വാഹാ ]
ഗൌരീ ഗുണവതീ ഗോപ്യാ ഗന്ധര്വനഗരപ്രിയാ ।
ഗുണമാതാ ഗുണാന്തസ്ഥാ ഗുരുരൂപാ ഗുരുപ്രിയാ ॥ 9 ॥ [ ഗുഹാന്തസ്ഥാ ]
ഗുരുവിദ്യാ ഗാനതുഷ്ടാ ഗായകപ്രിയകാരിണീ । [ ഗിരിവിദ്യാ ]
ഗായത്രീ ഗിരീശാരാധ്യാ ഗീര്ഗിരീശപ്രിയങ്കരീ ॥ 10 ॥
ഗിരിജ്ഞാ ജ്ഞാനവിദ്യാ ച ഗിരിരൂപാ ഗിരീശ്വരീ ।
ഗീര്മാതാ ഗണസംസ്തുത്യാ ഗണനീയഗുണാന്വിതാ ॥ 11 ॥
ഗൂഢരൂപാ ഗുഹാ ഗോപ്യാ ഗോരൂപാ ഗൌര്ഗുണാത്മികാ ।
ഗുര്വീ ഗുര്വമ്ബികാ ഗുഹ്യാ ഗേയജാ ഗൃഹനാശിനീ ॥ 12 ॥
ഗൃഹിണീ ഗൃഹദോഷഘ്നീ ഗവഘ്നീ ഗുരുവത്സലാ ।
ഗൃഹാത്മികാ ഗൃഹാരാധ്യാ ഗൃഹബാധാവിനാശിനീ ॥ 13 ॥
ഗങ്ഗാ ഗിരിസുതാ ഗമ്യാ ഗജയാനാ ഗുഹസ്തുതാ ।
ഗരുഡാസനസംസേവ്യാ ഗോമതീ ഗുണശാലിനീ ॥ 14 ॥
[ ഓം ഐം നമഃ ശാരദേ ശ്രീം ശുദ്ധേ നമഃ ശാരദേ വം ഐം വദ വദ വാഗ്വാദിനീ സ്വാഹാ ]
ശാരദാ ശാശ്വതീ ശൈവീ ശാങ്കരീ ശങ്കരാത്മികാ ।
ശ്രീശ്ശര്വാണീ ശതഘ്നീ ച ശരച്ചന്ദ്രനിഭാനനാ ॥ 15 ॥
ശര്മിഷ്ഠാ ശമനഘ്നീ ച ശതസാഹസ്രരൂപിണീ ।
ശിവാ ശമ്ഭുപ്രിയാ ശ്രദ്ധാ ശ്രുതിരൂപാ ശ്രുതിപ്രിയാ ॥ 16 ॥
ശുചിഷ്മതീ ശര്മകരീ ശുദ്ധിദാ ശുദ്ധിരൂപിണീ ।
ശിവാ ശിവങ്കരീ ശുദ്ധാ ശിവാരാധ്യാ ശിവാത്മികാ ॥ 17 ॥
ശ്രീമതീ ശ്രീമയീ ശ്രാവ്യാ ശ്രുതിഃ ശ്രവണഗോചരാ ।
ശാന്തിശ്ശാന്തികരീ ശാന്താ ശാന്താചാരപ്രിയങ്കരീ ॥ 18 ॥
ശീലലഭ്യാ ശീലവതീ ശ്രീമാതാ ശുഭകാരിണീ ।
ശുഭവാണീ ശുദ്ധവിദ്യാ ശുദ്ധചിത്തപ്രപൂജിതാ ॥ 19 ॥
ശ്രീകരീ ശ്രുതപാപഘ്നീ ശുഭാക്ഷീ ശുചിവല്ലഭാ ।
ശിവേതരഘ്നീ ശബരീ ശ്രവണീയഗുണാന്വിതാ ॥ 20 ॥ [ശര്വരീ]
ശാരീ ശിരീഷപുഷ്പാഭാ ശമനിഷ്ഠാ ശമാത്മികാ ।
ശമാന്വിതാ ശമാരാധ്യാ ശിതികണ്ഠപ്രപൂജിതാ ॥ 21 ॥
ശുദ്ധിഃ ശുദ്ധികരീ ശ്രേഷ്ഠാ ശ്രുതാനന്താ ശുഭാവഹാ ।
സരസ്വതീ ച സര്വജ്ഞാ സര്വസിദ്ധിപ്രദായിനീ ॥ 22 ॥
[ ഓം ഐം വദ വദ വാഗ്വാദിനീ സ്വാഹാ ]
സരസ്വതീ ച സാവിത്രീ സന്ധ്യാ സര്വേപ്സിതപ്രദാ ।
സര്വാര്തിഘ്നീ സര്വമയീ സര്വവിദ്യാപ്രദായിനീ ॥ 23 ॥
സര്വേശ്വരീ സര്വപുണ്യാ സര്ഗസ്ഥിത്യന്തകാരിണീ ।
സര്വാരാധ്യാ സര്വമാതാ സര്വദേവനിഷേവിതാ ॥ 24 ॥
സര്വൈശ്വര്യപ്രദാ സത്യാ സതീ സത്വഗുണാശ്രയാ ।
സര്വക്രമപദാകാരാ സര്വദോഷനിഷൂദിനീ ॥ 25 ॥ [ സ്വരക്രമപദാകാരാ ]
സഹസ്രാക്ഷീ സഹസ്രാസ്യാ സഹസ്രപദസംയുതാ ।
സഹസ്രഹസ്താ സാഹസ്രഗുണാലങ്കൃതവിഗ്രഹാ ॥ 26 ॥
സഹസ്രശീര്ഷാ സദ്രൂപാ സ്വധാ സ്വാഹാ സുധാമയീ ।
ഷഡ്ഗ്രന്ഥിഭേദിനീ സേവ്യാ സര്വലോകൈകപൂജിതാ ॥ 27 ॥
സ്തുത്യാ സ്തുതിമയീ സാധ്യാ സവിതൃപ്രിയകാരിണീ ।
സംശയച്ഛേദിനീ സാങ്ഖ്യവേദ്യാ സങ്ഖ്യാ സദീശ്വരീ ॥ 28 ॥
സിദ്ധിദാ സിദ്ധസമ്പൂജ്യാ സര്വസിദ്ധിപ്രദായിനീ ।
സര്വജ്ഞാ സര്വശക്തിശ്ച സര്വസമ്പത്പ്രദായിനീ ॥ 29 ॥
സര്വാഽശുഭഘ്നീ സുഖദാ സുഖസംവിത്സ്വരൂപിണീ ।
സര്വസമ്ഭാഷണീ സര്വജഗത്സമ്മോഹിനീ തഥാ ॥ 30 ॥ [ സര്വസമ്ഭീഷണീ ]
സര്വപ്രിയങ്കരീ സര്വശുഭദാ സര്വമങ്ഗലാ ।
സര്വമന്ത്രമയീ സര്വതീര്ഥപുണ്യഫലപ്രദാ ॥ 31 ॥
സര്വപുണ്യമയീ സര്വവ്യാധിഘ്നീ സര്വകാമദാ ।
സര്വവിഘ്നഹരീ സര്വവന്ദിതാ സര്വമങ്ഗലാ ॥ 32 ॥
സര്വമന്ത്രകരീ സര്വലക്ഷ്മീഃ സര്വഗുണാന്വിതാ ।
സര്വാനന്ദമയീ സര്വജ്ഞാനദാ സത്യനായികാ ॥ 33 ॥
സര്വജ്ഞാനമയീ സര്വരാജ്യദാ സര്വമുക്തിദാ ।
സുപ്രഭാ സര്വദാ സര്വാ സര്വലോകവശങ്കരീ ॥ 34 ॥
സുഭഗാ സുന്ദരീ സിദ്ധാ സിദ്ധാമ്ബാ സിദ്ധമാതൃകാ ।
സിദ്ധമാതാ സിദ്ധവിദ്യാ സിദ്ധേശീ സിദ്ധരൂപിണീ ॥ 35 ॥
സുരൂപിണീ സുഖമയീ സേവകപ്രിയകാരിണീ ।
സ്വാമിനീ സര്വദാ സേവ്യാ സ്ഥൂലസൂക്ഷ്മാപരാമ്ബികാ ॥ 36 ॥
സാരരൂപാ സരോരൂപാ സത്യഭൂതാ സമാശ്രയാ ।
സിതാഽസിതാ സരോജാക്ഷീ സരോജാസനവല്ലഭാ ॥ 37 ॥
സരോരുഹാഭാ സര്വാങ്ഗീ സുരേന്ദ്രാദിപ്രപൂജിതാ ।
[ ഓം ഹ്രീം ഐം മഹാസരസ്വതി സാരസ്വതപ്രദേ ഐം വദ വദ വാഗ്വാദിനീ സ്വാഹാ ]
മഹാദേവീ മഹേശാനീ മഹാസാരസ്വതപ്രദാ ॥ 38 ॥
മഹാസരസ്വതീ മുക്താ മുക്തിദാ മോഹനാശിനീ । [ മലനാശിനീ ]
മഹേശ്വരീ മഹാനന്ദാ മഹാമന്ത്രമയീ മഹീ ॥ 39 ॥
മഹാലക്ഷ്മീര്മഹാവിദ്യാ മാതാ മന്ദരവാസിനീ ।
മന്ത്രഗമ്യാ മന്ത്രമാതാ മഹാമന്ത്രഫലപ്രദാ ॥ 40 ॥
മഹാമുക്തിര്മഹാനിത്യാ മഹാസിദ്ധിപ്രദായിനീ ।
മഹാസിദ്ധാ മഹാമാതാ മഹദാകാരസംയുതാ ॥ 41 ॥
മഹീ മഹേശ്വരീ മൂര്തിര്മോക്ഷദാ മണിഭൂഷണാ ।
മേനകാ മാനിനീ മാന്യാ മൃത്യുഘ്നീ മേരുരൂപിണീ ॥ 42 ॥
മദിരാക്ഷീ മദാവാസാ മഖരൂപാ മഖേശ്വരീ । [ മഹേശ്വരീ ]
മഹാമോഹാ മഹാമായാ മാതൄണാം മൂര്ധ്നിസംസ്ഥിതാ ॥ 43 ॥
മഹാപുണ്യാ മുദാവാസാ മഹാസമ്പത്പ്രദായിനീ ।
മണിപൂരൈകനിലയാ മധുരൂപാ മദോത്കടാ ॥ 44 ॥ [ മഹോത്കടാ ]
മഹാസൂക്ഷ്മാ മഹാശാന്താ മഹാശാന്തിപ്രദായിനീ ।
മുനിസ്തുതാ മോഹഹന്ത്രീ മാധവീ മാധവപ്രിയാ ॥ 45 ॥
മാ മഹാദേവസംസ്തുത്യാ മഹിഷീഗണപൂജിതാ ।
മൃഷ്ടാന്നദാ ച മാഹേന്ദ്രീ മഹേന്ദ്രപദദായിനീ ॥ 46 ॥
മതിര്മതിപ്രദാ മേധാ മര്ത്യലോകനിവാസിനീ ।
മുഖ്യാ മഹാനിവാസാ ച മഹാഭാഗ്യജനാശ്രിതാ ॥ 47 ॥
മഹിലാ മഹിമാ മൃത്യുഹാരീ മേധാപ്രദായിനീ ।
മേധ്യാ മഹാവേഗവതീ മഹാമോക്ഷഫലപ്രദാ ॥ 48 ॥
മഹാപ്രഭാഭാ മഹതീ മഹാദേവപ്രിയങ്കരീ ।
മഹാപോഷാ മഹര്ഥിശ്ച മുക്താഹാരവിഭൂഷണാ ॥ 49 ॥ [ മഹര്ദ്ധിശ്ച ]
മാണിക്യഭൂഷണാ മന്ത്രാ മുഖ്യചന്ദ്രാര്ധശേഖരാ ।
മനോരൂപാ മനശ്ശുദ്ധിഃ മനശ്ശുദ്ധിപ്രദായിനീ ॥ 50 ॥
മഹാകാരുണ്യസമ്പൂര്ണാ മനോനമനവന്ദിതാ ।
മഹാപാതകജാലഘ്നീ മുക്തിദാ മുക്തഭൂഷണാ ॥ 51 ॥
മനോന്മനീ മഹാസ്ഥൂലാ മഹാക്രതുഫലപ്രദാ ।
മഹാപുണ്യഫലപ്രാപ്യാ മായാത്രിപുരനാശിനീ ॥ 52 ॥
മഹാനസാ മഹാമേധാ മഹാമോദാ മഹേശ്വരീ ।
മാലാധരീ മഹോപായാ മഹാതീര്ഥഫലപ്രദാ ॥ 53 ॥
മഹാമങ്ഗലസമ്പൂര്ണാ മഹാദാരിദ്ര്യനാശിനീ ।
മഹാമഖാ മഹാമേഘാ മഹാകാലീ മഹാപ്രിയാ ॥ 54 ॥
മഹാഭൂഷാ മഹാദേഹാ മഹാരാജ്ഞീ മുദാലയാ ।
[ ഓം ഹ്രീം ഐം നമോ ഭഗവതി ഐം വദ വദ വാഗ്വാദിനീ സ്വാഹാ ]
ഭൂരിദാ ഭാഗ്യദാ ഭോഗ്യാ ഭോഗ്യദാ ഭോഗദായിനീ ॥ 55 ॥
ഭവാനീ ഭൂതിദാ ഭൂതിഃ ഭൂമിര്ഭൂമിസുനായികാ ।
ഭൂതധാത്രീ ഭയഹരീ ഭക്തസാരസ്വതപ്രദാ ॥ 56 ॥
ഭുക്തിര്ഭുക്തിപ്രദാ ഭോക്ത്രീ ഭക്തിര്ഭക്തിപ്രദായിനീ । [ഭേകീ]
ഭക്തസായുജ്യദാ ഭക്തസ്വര്ഗദാ ഭക്തരാജ്യദാ ॥ 57 ॥
ഭാഗീരഥീ ഭവാരാധ്യാ ഭാഗ്യാസജ്ജനപൂജിതാ ।
ഭവസ്തുത്യാ ഭാനുമതീ ഭവസാഗരതാരിണീ ॥ 58 ॥
ഭൂതിര്ഭൂഷാ ച ഭൂതേശീ ഭാലലോചനപൂജിതാ । [ ഫാലലോചനപൂജിതാ ]
ഭൂതാ ഭവ്യാ ഭവിഷ്യാ ച ഭവവിദ്യാ ഭവാത്മികാ ॥ 59 ॥
ബാധാപഹാരിണീ ബന്ധുരൂപാ ഭുവനപൂജിതാ ।
ഭവഘ്നീ ഭക്തിലഭ്യാ ച ഭക്തരക്ഷണതത്പരാ ॥ 60 ॥
ഭക്താര്തിശമനീ ഭാഗ്യാ ഭോഗദാനകൃതോദ്യമാ ।
ഭുജങ്ഗഭൂഷണാ ഭീമാ ഭീമാക്ഷീ ഭീമരൂപിണീ ॥ 61 ॥
ഭാവിനീ ഭ്രാതൃരൂപാ ച ഭാരതീ ഭവനായികാ ।
ഭാഷാ ഭാഷാവതീ ഭീഷ്മാ ഭൈരവീ ഭൈരവപ്രിയാ ॥ 62 ॥
ഭൂതിര്ഭാസിതസര്വാങ്ഗീ ഭൂതിദാ ഭൂതിനായികാ ।
ഭാസ്വതീ ഭഗമാലാ ച ഭിക്ഷാദാനകൃതോദ്യമാ ॥ 63 ॥
ഭിക്ഷുരൂപാ ഭക്തികരീ ഭക്തലക്ഷ്മീപ്രദായിനീ ।
ഭ്രാന്തിഘ്നാ ഭ്രാന്തിരൂപാ ച ഭൂതിദാ ഭൂതികാരിണീ ॥ 64 ॥
ഭിക്ഷണീയാ ഭിക്ഷുമാതാ ഭാഗ്യവദ്ദൃഷ്ടിഗോചരാ ।
ഭോഗവതീ ഭോഗരൂപാ ഭോഗമോക്ഷഫലപ്രദാ ॥ 65 ॥
ഭോഗശ്രാന്താ ഭാഗ്യവതീ ഭക്താഘൌഘവിനാശിനീ ।
[ ഓം ഐം ക്ലീം സൌഃ ബാലേ ബ്രാഹ്മീ ബ്രഹ്മപത്നീ ഐം വദ വദ വാഗ്വാദിനീ സ്വാഹാ ]
ബ്രാഹ്മീ ബ്രഹ്മസ്വരൂപാ ച ബൃഹതീ ബ്രഹ്മവല്ലഭാ ॥ 66 ॥
ബ്രഹ്മദാ ബ്രഹ്മമാതാ ച ബ്രഹ്മാണീ ബ്രഹ്മദായിനീ ।
ബ്രഹ്മേശീ ബ്രഹ്മസംസ്തുത്യാ ബ്രഹ്മവേദ്യാ ബുധപ്രിയാ ॥ 67 ॥
ബാലേന്ദുശേഖരാ ബാലാ ബലിപൂജാകരപ്രിയാ ।
ബലദാ ബിന്ദുരൂപാ ച ബാലസൂര്യസമപ്രഭാ ॥ 68 ॥
ബ്രഹ്മരൂപാ ബ്രഹ്മമയീ ബ്രധ്നമണ്ഡലമധ്യഗാ ।
ബ്രഹ്മാണീ ബുദ്ധിദാ ബുദ്ധിര്ബുദ്ധിരൂപാ ബുധേശ്വരീ ॥ 69 ॥
ബന്ധക്ഷയകരീ ബാധാനാശിനീ ബന്ധുരൂപിണീ ।
ബിന്ദ്വാലയാ ബിന്ദുഭൂഷാ ബിന്ദുനാദസമന്വിതാ ॥ 70 ॥
ബീജരൂപാ ബീജമാതാ ബ്രഹ്മണ്യാ ബ്രഹ്മകാരിണീ ।
ബഹുരൂപാ ബലവതീ ബ്രഹ്മജ്ഞാ ബ്രഹ്മചാരിണീ ॥ 71 ॥ [ബ്രഹ്മജാ]
ബ്രഹ്മസ്തുത്യാ ബ്രഹ്മവിദ്യാ ബ്രഹ്മാണ്ഡാധിപവല്ലഭാ ।
ബ്രഹ്മേശവിഷ്ണുരൂപാ ച ബ്രഹ്മവിഷ്ണ്വീശസംസ്ഥിതാ ॥ 72 ॥
ബുദ്ധിരൂപാ ബുധേശാനീ ബന്ധീ ബന്ധവിമോചനീ ।
[ ഓം ഹ്രീം ഐം അം ആം ഇം ഈം ഉം ഊം ഋം ൠം ~ലും ~ലൂം ഏം ഐം ഓം ഔം കം ഖം ഗം ഘം ങം ചം ഛം ജം ഝം ഞം ടം ഠം ഡം ഢം ണം തം ഥം ദം ധം നം പം ഫം ബം ഭം മം യം രം ലം വം ശം ഷം സം ഹം ലം ക്ഷം അക്ഷമാലേ അക്ഷരമാലികാ സമലങ്കൃതേ വദ വദ വാഗ്വാദിനീ സ്വാഹാ ]
അക്ഷമാലാഽക്ഷരാകാരാഽക്ഷരാഽക്ഷരഫലപ്രദാ ॥ 73 ॥
അനന്താഽനന്ദസുഖദാഽനന്തചന്ദ്രനിഭാനനാ ।
അനന്തമഹിമാഽഘോരാനന്തഗമ്ഭീരസമ്മിതാ ॥ 74 ॥
അദൃഷ്ടാഽദൃഷ്ടദാഽനന്താദൃഷ്ടഭാഗ്യഫലപ്രദാ । [ ദൃഷ്ടിദാ ]
അരുന്ധത്യവ്യയീനാഥാഽനേകസദ്ഗുണസംയുതാ ॥ 75 ॥
അനേകഭൂഷണാഽദൃശ്യാഽനേകലേഖനിഷേവിതാ ।
അനന്താഽനന്തസുഖദാഽഘോരാഽഘോരസ്വരൂപിണീ ॥ 76 ॥
അശേഷദേവതാരൂപാഽമൃതരൂപാഽമൃതേശ്വരീ ।
അനവദ്യാഽനേകഹസ്താഽനേകമാണിക്യഭൂഷണാ ॥ 77 ॥
അനേകവിഘ്നസംഹര്ത്രീ ത്വനേകാഭരണാന്വിതാ ।
അവിദ്യാജ്ഞാനസംഹര്ത്രീ ഹ്യവിദ്യാജാലനാശിനീ ॥ 78 ॥
അഭിരൂപാനവദ്യാങ്ഗീ ഹ്യപ്രതര്ക്യഗതിപ്രദാ ।
അകലങ്കരൂപിണീ ച ഹ്യനുഗ്രഹപരായണാ ॥ 79 ॥
അമ്ബരസ്ഥാഽമ്ബരമയാഽമ്ബരമാലാഽമ്ബുജേക്ഷണാ ।
അമ്ബികാഽബ്ജകരാഽബ്ജസ്ഥാഽംശുമത്യഽംശുശതാന്വിതാ ॥ 80 ॥
അമ്ബുജാഽനവരാഽഖണ്ഡാഽമ്ബുജാസനമഹാപ്രിയാ ।
അജരാഽമരസംസേവ്യാഽജരസേവിതപദ്യുഗാ ॥ 81 ॥
അതുലാര്ഥപ്രദാഽര്ഥൈക്യാഽത്യുദാരാത്വഭയാന്വിതാ ।
അനാഥവത്സലാഽനന്തപ്രിയാഽനന്തേപ്സിതപ്രദാ ॥ 82 ॥
അമ്ബുജാക്ഷ്യമ്ബുരൂപാഽമ്ബുജാതോദ്ഭവമഹാപ്രിയാ ।
അഖണ്ഡാ ത്വമരസ്തുത്യാഽമരനായകപൂജിതാ ॥ 83 ॥
അജേയാ ത്വജസങ്കാശാഽജ്ഞാനനാശിന്യഭീഷ്ടദാ ।
അക്താഘനേന ചാഽസ്ത്രേശീ ഹ്യലക്ഷ്മീനാശിനീ തഥാ ॥ 84 ॥
അനന്തസാരാഽനന്തശ്രീരനന്തവിധിപൂജിതാ ।
അഭീഷ്ടാമര്ത്യസമ്പൂജ്യാ ഹ്യസ്തോദയവിവര്ജിതാ ॥ 85 ॥
ആസ്തികസ്വാന്തനിലയാഽസ്ത്രരൂപാഽസ്ത്രവതീ തഥാ ।
അസ്ഖലത്യസ്ഖലദ്രൂപാഽസ്ഖലദ്വിദ്യാപ്രദായിനീ ॥ 86 ॥
അസ്ഖലത്സിദ്ധിദാഽഽനന്ദാഽമ്ബുജാതാഽഽമരനായികാ ।
അമേയാഽശേഷപാപഘ്ന്യക്ഷയസാരസ്വതപ്രദാ ॥ 87 ॥
[ ഓം ജ്യാം ഹ്രീം ജയ ജയ ജഗന്മാതഃ ഐം വദ വദ വാഗ്വാദിനീ സ്വാഹാ ]
ജയാ ജയന്തീ ജയദാ ജന്മകര്മവിവര്ജിതാ ।
ജഗത്പ്രിയാ ജഗന്മാതാ ജഗദീശ്വരവല്ലഭാ ॥ 88 ॥
ജാതിര്ജയാ ജിതാമിത്രാ ജപ്യാ ജപനകാരിണീ ।
ജീവനീ ജീവനിലയാ ജീവാഖ്യാ ജീവധാരിണീ ॥ 89 ॥
ജാഹ്നവീ ജ്യാ ജപവതീ ജാതിരൂപാ ജയപ്രദാ ।
ജനാര്ദനപ്രിയകരീ ജോഷനീയാ ജഗത്സ്ഥിതാ ॥ 90 ॥
ജഗജ്ജ്യേഷ്ഠാ ജഗന്മായാ ജീവനത്രാണകാരിണീ ।
ജീവാതുലതികാ ജീവജന്മീ ജന്മനിബര്ഹണീ ॥ 91 ॥
ജാഡ്യവിധ്വംസനകരീ ജഗദ്യോനിര്ജയാത്മികാ ।
ജഗദാനന്ദജനനീ ജമ്ബൂശ്ച ജലജേക്ഷണാ ॥ 92 ॥
ജയന്തീ ജങ്ഗപൂഗഘ്നീ ജനിതജ്ഞാനവിഗ്രഹാ ।
ജടാ ജടാവതീ ജപ്യാ ജപകര്തൃപ്രിയങ്കരീ ॥ 93 ॥
ജപകൃത്പാപസംഹര്ത്രീ ജപകൃത്ഫലദായിനീ ।
ജപാപുഷ്പസമപ്രഖ്യാ ജപാകുസുമധാരിണീ ॥ 94 ॥
ജനനീ ജന്മരഹിതാ ജ്യോതിര്വൃത്യഭിദായിനീ ।
ജടാജൂടനചന്ദ്രാര്ധാ ജഗത്സൃഷ്ടികരീ തഥാ ॥ 95 ॥
ജഗത്ത്രാണകരീ ജാഡ്യധ്വംസകര്ത്രീ ജയേശ്വരീ ।
ജഗദ്ബീജാ ജയാവാസാ ജന്മഭൂര്ജന്മനാശിനീ ॥ 96 ॥
ജന്മാന്ത്യരഹിതാ ജൈത്രീ ജഗദ്യോനിര്ജപാത്മികാ ।
ജയലക്ഷണസമ്പൂര്ണാ ജയദാനകൃതോദ്യമാ ॥ 97 ॥
ജമ്ഭരാദ്യാദിസംസ്തുത്യാ ജമ്ഭാരിഫലദായിനീ ।
ജഗത്ത്രയഹിതാ ജ്യേഷ്ഠാ ജഗത്ത്രയവശങ്കരീ ॥ 98 ॥
ജഗത്ത്രയാമ്ബാ ജഗതീ ജ്വാലാ ജ്വാലിതലോചനാ ।
ജ്വാലിനീ ജ്വലനാഭാസാ ജ്വലന്തീ ജ്വലനാത്മികാ ॥ 99 ॥
ജിതാരാതിസുരസ്തുത്യാ ജിതക്രോധാ ജിതേന്ദ്രിയാ ।
ജരാമരണശൂന്യാ ച ജനിത്രീ ജന്മനാശിനീ ॥ 100 ॥
ജലജാഭാ ജലമയീ ജലജാസനവല്ലഭാ ।
ജലജസ്ഥാ ജപാരാധ്യാ ജനമങ്ഗലകാരിണീ ॥ 101 ॥
[ ഐം ക്ലീം സൌഃ കല്യാണീ കാമധാരിണീ വദ വദ വാഗ്വാദിനീ സ്വാഹാ ]
കാമിനീ കാമരൂപാ ച കാമ്യാ കാമ്യപ്രദായിനീ । [ കാമപ്രദായിനീ ]
കമൌലീ കാമദാ കര്ത്രീ ക്രതുകര്മഫലപ്രദാ ॥ 102 ॥
കൃതഘ്നഘ്നീ ക്രിയാരൂപാ കാര്യകാരണരൂപിണീ ।
കഞ്ജാക്ഷീ കരുണാരൂപാ കേവലാമരസേവിതാ ॥ 103 ॥
കല്യാണകാരിണീ കാന്താ കാന്തിദാ കാന്തിരൂപിണീ ।
കമലാ കമലാവാസാ കമലോത്പലമാലിനീ ॥ 104 ॥
കുമുദ്വതീ ച കല്യാണീ കാന്തിഃ കാമേശവല്ലഭാ । [ കാന്താ ]
കാമേശ്വരീ കമലിനീ കാമദാ കാമബന്ധിനീ ॥ 105 ॥
കാമധേനുഃ കാഞ്ചനാക്ഷീ കാഞ്ചനാഭാ കലാനിധിഃ ।
ക്രിയാ കീര്തികരീ കീര്തിഃ ക്രതുശ്രേഷ്ഠാ കൃതേശ്വരീ ॥ 106 ॥
ക്രതുസര്വക്രിയാസ്തുത്യാ ക്രതുകൃത്പ്രിയകാരിണീ ।
ക്ലേശനാശകരീ കര്ത്രീ കര്മദാ കര്മബന്ധിനീ ॥ 107 ॥
കര്മബന്ധഹരീ കൃഷ്ടാ ക്ലമഘ്നീ കഞ്ജലോചനാ ।
കന്ദര്പജനനീ കാന്താ കരുണാ കരുണാവതീ ॥ 108 ॥
ക്ലീങ്കാരിണീ കൃപാകാരാ കൃപാസിന്ധുഃ കൃപാവതീ ।
കരുണാര്ദ്രാ കീര്തികരീ കല്മഷഘ്നീ ക്രിയാകരീ ॥ 109 ॥
ക്രിയാശക്തിഃ കാമരൂപാ കമലോത്പലഗന്ധിനീ ।
കലാ കലാവതീ കൂര്മീ കൂടസ്ഥാ കഞ്ജസംസ്ഥിതാ ॥ 110 ॥
കാലികാ കല്മഷഘ്നീ ച കമനീയജടാന്വിതാ ।
കരപദ്മാ കരാഭീഷ്ടപ്രദാ ക്രതുഫലപ്രദാ ॥ 111 ॥
കൌശികീ കോശദാ കാവ്യാ കര്ത്രീ കോശേശ്വരീ കൃശാ । [ കന്യാ ]
കൂര്മയാനാ കല്പലതാ കാലകൂടവിനാശിനീ ॥ 112 ॥
കല്പോദ്യാനവതീ കല്പവനസ്ഥാ കല്പകാരിണീ ।
കദമ്ബകുസുമാഭാസാ കദമ്ബകുസുമപ്രിയാ ॥ 113 ॥
കദമ്ബോദ്യാനമധ്യസ്ഥാ കീര്തിദാ കീര്തിഭൂഷണാ ।
കുലമാതാ കുലാവാസാ കുലാചാരപ്രിയങ്കരീ ॥ 114 ॥
കുലനാഥാ കാമകലാ കലാനാഥാ കലേശ്വരീ ।
കുന്ദമന്ദാരപുഷ്പാഭാ കപര്ദസ്ഥിതചന്ദ്രികാ ॥ 115 ॥
കവിത്വദാ കാമ്യമാതാ കവിമാതാ കലാപ്രദാ । [കാവ്യമാതാ]
[ ഓം സൌഃ ക്ലീം ഐം തതോ വദ വദ വാഗ്വാദിനീ സ്വാഹാ ]
തരുണീ തരുണീതാതാ താരാധിപസമാനനാ ॥ 116 ॥
തൃപ്തിസ്തൃപ്തിപ്രദാ തര്ക്യാ തപനീ താപിനീ തഥാ ।
തര്പണീ തീര്ഥരൂപാ ച ത്രിപദാ ത്രിദശേശ്വരീ ॥ 117 ॥ [ ത്രിദശാ ]
ത്രിദിവേശീ ത്രിജനനീ ത്രിമാതാ ത്ര്യമ്ബകേശ്വരീ ।
ത്രിപുരാ ത്രിപുരേശാനീ ത്ര്യമ്ബകാ ത്രിപുരാമ്ബികാ ॥ 118 ॥
ത്രിപുരശ്രീസ്ത്രയീരൂപാ ത്രയീവേദ്യാ ത്രയീശ്വരീ ।
ത്രയ്യന്തവേദിനീ താമ്രാ താപത്രിതയഹാരിണീ ॥ 119 ॥
തമാലസദൃശീ ത്രാതാ തരുണാദിത്യസന്നിഭാ ।
ത്രൈലോക്യവ്യാപിനീ തൃപ്താ തൃപ്തികൃത്തത്ത്വരൂപിണീ ॥ 120 ॥
തുര്യാ ത്രൈലോക്യസംസ്തുത്യാ ത്രിഗുണാ ത്രിഗുണേശ്വരീ ।
ത്രിപുരഘ്നീ ത്രിമാതാ ച ത്ര്യമ്ബകാ ത്രിഗുണാന്വിതാ ॥ 121 ॥
തൃഷ്ണാച്ഛേദകരീ തൃപ്താ തീക്ഷ്ണാ തീക്ഷ്ണസ്വരൂപിണീ ।
തുലാ തുലാദിരഹിതാ തത്തദ്ബ്രഹ്മസ്വരൂപിണീ ॥ 122 ॥
ത്രാണകര്ത്രീ ത്രിപാപഘ്നീ ത്രിദശാ ത്രിദശാന്വിതാ ।
തഥ്യാ ത്രിശക്തിസ്ത്രിപദാ തുര്യാ ത്രൈലോക്യസുന്ദരീ ॥ 123 ॥
തേജസ്കരീ ത്രിമൂര്ത്യാദ്യാ തേജോരൂപാ ത്രിധാമതാ ।
ത്രിചക്രകര്ത്രീ ത്രിഭഗാ തുര്യാതീതഫലപ്രദാ ॥ 124 ॥
തേജസ്വിനീ താപഹാരീ താപോപപ്ലവനാശിനീ ।
തേജോഗര്ഭാ തപസ്സാരാ ത്രിപുരാരിപ്രിയങ്കരീ ॥ 125 ॥
തന്വീ താപസസന്തുഷ്ടാ തപനാങ്ഗജഭീതിനുത് ।
ത്രിലോചനാ ത്രിമാര്ഗാ ച തൃതീയാ ത്രിദശസ്തുതാ ॥ 126 ॥
ത്രിസുന്ദരീ ത്രിപഥഗാ തുരീയപദദായിനീ ।
[ ഓം ഹ്രീം ശ്രീം ക്ലീം ഐം നമശ്ശുദ്ധഫലദേ ഐം വദ വദ വാഗ്വാദിനീ സ്വാഹാ ]
ശുഭാ ശുഭാവതീ ശാന്താ ശാന്തിദാ ശുഭദായിനീ ॥ 127 ॥
ശീതലാ ശൂലിനീ ശീതാ ശ്രീമതീ ച ശുഭാന്വിതാ ।
[ ഓം ഐം യാം യീം യൂം യൈം യൌം യഃ ഐം വദ വദ വാഗ്വാദിനീ സ്വാഹാ ]
യോഗസിദ്ധിപ്രദാ യോഗ്യാ യജ്ഞേനപരിപൂരിതാ ॥ 128 ॥
യജ്ഞാ യജ്ഞമയീ യക്ഷീ യക്ഷിണീ യക്ഷിവല്ലഭാ ।
യജ്ഞപ്രിയാ യജ്ഞപൂജ്യാ യജ്ഞതുഷ്ടാ യമസ്തുതാ ॥ 129 ॥
യാമിനീയപ്രഭാ യാമ്യാ യജനീയാ യശസ്കരീ ।
യജ്ഞകര്ത്രീ യജ്ഞരൂപാ യശോദാ യജ്ഞസംസ്തുതാ ॥ 130 ॥
യജ്ഞേശീ യജ്ഞഫലദാ യോഗയോനിര്യജുസ്സ്തുതാ ।
യമിസേവ്യാ യമാരാധ്യാ യമിപൂജ്യാ യമീശ്വരീ ॥ 131 ॥
യോഗിനീ യോഗരൂപാ ച യോഗകര്തൃപ്രിയങ്കരീ ।
യോഗയുക്താ യോഗമയീ യോഗയോഗീശ്വരാമ്ബികാ ॥ 132 ॥
യോഗജ്ഞാനമയീ യോനിര്യമാദ്യഷ്ടാങ്ഗയോഗതാ ।
യന്ത്രിതാഘൌഘസംഹാരാ യമലോകനിവാരിണീ ॥ 133 ॥
യഷ്ടിവ്യഷ്ടീശസംസ്തുത്യാ യമാദ്യഷ്ടാങ്ഗയോഗയുക് ।
യോഗീശ്വരീ യോഗമാതാ യോഗസിദ്ധാ ച യോഗദാ ॥ 134 ॥
യോഗാരൂഢാ യോഗമയീ യോഗരൂപാ യവീയസീ ।
യന്ത്രരൂപാ ച യന്ത്രസ്ഥാ യന്ത്രപൂജ്യാ ച യന്ത്രികാ ॥ 135 ॥ [ യന്ത്രിതാ ]
യുഗകര്ത്രീ യുഗമയീ യുഗധര്മവിവര്ജിതാ ।
യമുനാ യാമിനീ യാമ്യാ യമുനാജലമധ്യഗാ ॥ 136 ॥ [ യമിനീ ]
യാതായാതപ്രശമനീ യാതനാനാന്നികൃന്തനീ ।
യോഗാവാസാ യോഗിവന്ദ്യാ യത്തച്ഛബ്ദസ്വരൂപിണീ ॥ 137 ॥
യോഗക്ഷേമമയീ യന്ത്രാ യാവദക്ഷരമാതൃകാ ।
യാവത്പദമയീ യാവച്ഛബ്ദരൂപാ യഥേശ്വരീ ॥ 138 ॥
യത്തദീയാ യക്ഷവന്ദ്യാ യദ്വിദ്യാ യതിസംസ്തുതാ ।
യാവദ്വിദ്യാമയീ യാവദ്വിദ്യാബൃന്ദസുവന്ദിതാ ॥ 139 ॥
യോഗിഹൃത്പദ്മനിലയാ യോഗിവര്യപ്രിയങ്കരീ ।
യോഗിവന്ദ്യാ യോഗിമാതാ യോഗീശഫലദായിനീ ॥ 140 ॥
യക്ഷവന്ദ്യാ യക്ഷപൂജ്യാ യക്ഷരാജസുപൂജിതാ ।
യജ്ഞരൂപാ യജ്ഞതുഷ്ടാ യായജൂകസ്വരൂപിണീ ॥ 141 ॥
യന്ത്രാരാധ്യാ യന്ത്രമധ്യാ യന്ത്രകര്തൃപ്രിയങ്കരീ ।
യന്ത്രാരൂഢാ യന്ത്രപൂജ്യാ യോഗിധ്യാനപരായണാ ॥ 142 ॥
യജനീയാ യമസ്തുത്യാ യോഗയുക്താ യശസ്കരീ ।
യോഗബദ്ധാ യതിസ്തുത്യാ യോഗജ്ഞാ യോഗനായകീ ॥ 143 ॥
യോഗിജ്ഞാനപ്രദാ യക്ഷീ യമബാധാവിനാശിനീ ।
യോഗികാമ്യപ്രദാത്രീ ച യോഗിമോക്ഷപ്രദായിനീ ॥ 144 ॥
ഫലശ്രുതിഃ