સરસ્વતી સહસ્ર નામ સ્તોત્રમ્

શ્રીમચ્ચન્દનચર્ચિતોજ્જ્વલવપુઃ શુક્લામ્બરા મલ્લિકા-
માલાલાલિત કુન્તલા પ્રવિલસન્મુક્તાવલીશોભના ।
સર્વજ્ઞાનનિધાનપુસ્તકધરા રુદ્રાક્ષમાલાઙ્કિતા
વાગ્દેવી વદનામ્બુજે વસતુ મે ત્રૈલોક્યમાતા શુભા ॥
શ્રી નારદ ઉવાચ–
ભગવન્પરમેશાન સર્વલોકૈકનાયક ।
કથં સરસ્વતી સાક્ષાત્પ્રસન્ના પરમેષ્ઠિનઃ ॥ 2 ॥

કથં દેવ્યા મહાવાણ્યાસ્સતત્પ્રાપ સુદુર્લભમ્ ।
એતન્મે વદ તત્ત્વેન મહાયોગીશ્વર પ્રભો ॥ 3 ॥

શ્રી સનત્કુમાર ઉવાચ–
સાધુ પૃષ્ટં ત્વયા બ્રહ્મન્ ગુહ્યાદ્ગુહ્યમનુત્તમમ્ ।
મયાનુગોપિતં યત્નાદિદાનીં સત્પ્રકાશ્યતે ॥ 4 ॥

પુરા પિતામહં દૃષ્ટ્વા જગત્સ્થાવરજઙ્ગમમ્ ।
નિર્વિકારં નિરાભાસં સ્તમ્ભીભૂતમચેતસમ્ ॥ 5 ॥

સૃષ્ટ્વા ત્રૈલોક્યમખિલં વાગભાવાત્તથાવિધમ્ ।
આધિક્યાભાવતઃ સ્વસ્ય પરમેષ્ઠી જગદ્ગુરુઃ ॥ 6 ॥

દિવ્યવર્ષાયુતં તેન તપો દુષ્કરમુત્તમમ્ ।
તતઃ કદાચિત્સઞ્જાતા વાણી સર્વાર્થશોભિતા ॥ 7 ॥

અહમસ્મિ મહાવિદ્યા સર્વવાચામધીશ્વરી ।
મમ નામ્નાં સહસ્રં તુ ઉપદેક્ષ્યામ્યનુત્તમમ્ ॥ 8 ॥

અનેન સંસ્તુતા નિત્યં પત્ની તવ ભવામ્યહમ્ ।
ત્વયા સૃષ્ટં જગત્સર્વં વાણીયુક્તં ભવિષ્યતિ ॥ 9 ॥

ઇદં રહસ્યં પરમં મમ નામસહસ્રકમ્ ।
સર્વપાપૌઘશમનં મહાસારસ્વતપ્રદમ્ ॥ 10 ॥

મહાકવિત્વદં લોકે વાગીશત્વપ્રદાયકમ્ ।
ત્વં વા પરઃ પુમાન્યસ્તુ સ્તવેનાઽનેન તોષયેત્ ॥ 11 ॥

તસ્યાહં કિઙ્કરી સાક્ષાદ્ભવિષ્યામિ ન સંશયઃ ।
ઇત્યુક્ત્વાન્તર્દધે વાણી તદારભ્ય પિતામહઃ ॥ 12 ॥

સ્તુત્વા સ્તોત્રેણ દિવ્યેન તત્પતિત્વમવાપ્તવાન્ ।
વાણીયુક્તં જગત્સર્વં તદારભ્યાઽભવન્મુને ॥ 13 ॥

તત્તેહં સમ્પ્રવક્ષ્યામિ શૃણુ યત્નેન નારદ ।
સાવધાનમના ભૂત્વા ક્ષણં શુદ્ધો મુનીશ્વરઃ ॥ 14 ॥
[ ઐં વદ વદ વાગ્વાદિની સ્વાહા ]
વાગ્વાણી વરદા વન્દ્યા વરારોહા વરપ્રદા ।
વૃત્તિર્વાગીશ્વરી વાર્તા વરા વાગીશવલ્લભા ॥ 1 ॥
વિશ્વેશ્વરી વિશ્વવન્દ્યા વિશ્વેશપ્રિયકારિણી ।
વાગ્વાદિની ચ વાગ્દેવી વૃદ્ધિદા વૃદ્ધિકારિણી ॥ 2 ॥
વૃદ્ધિર્વૃદ્ધા વિષઘ્ની ચ વૃષ્ટિર્વૃષ્ટિપ્રદાયિની ।
વિશ્વારાધ્યા વિશ્વમાતા વિશ્વધાત્રી વિનાયકા ॥ 3 ॥
વિશ્વશક્તિર્વિશ્વસારા વિશ્વા વિશ્વવિભાવરી ।
વેદાન્તવેદિની વેદ્યા વિત્તા વેદત્રયાત્મિકા ॥ 4 ॥
વેદજ્ઞા વેદજનની વિશ્વા વિશ્વવિભાવરી ।
વરેણ્યા વાઙ્મયી વૃદ્ધા વિશિષ્ટપ્રિયકારિણી ॥ 5 ॥
વિશ્વતોવદના વ્યાપ્તા વ્યાપિની વ્યાપકાત્મિકા ।
વ્યાલઘ્ની વ્યાલભૂષાઙ્ગી વિરજા વેદનાયિકા ॥ 6 ॥
વેદવેદાન્તસંવેદ્યા વેદાન્તજ્ઞાનરૂપિણી ।
વિભાવરી ચ વિક્રાન્તા વિશ્વામિત્રા વિધિપ્રિયા ॥ 7 ॥
વરિષ્ઠા વિપ્રકૃષ્ટા ચ વિપ્રવર્યપ્રપૂજિતા ।
વેદરૂપા વેદમયી વેદમૂર્તિશ્ચ વલ્લભા ॥ 8 ॥
[ ૐ હ્રીં ગુરુરૂપે માં ગૃહ્ણ ગૃહ્ણ ઐં વદ વદ વાગ્વાદિની સ્વાહા ]
ગૌરી ગુણવતી ગોપ્યા ગન્ધર્વનગરપ્રિયા ।
ગુણમાતા ગુણાન્તસ્થા ગુરુરૂપા ગુરુપ્રિયા ॥ 9 ॥ [ ગુહાન્તસ્થા ]
ગુરુવિદ્યા ગાનતુષ્ટા ગાયકપ્રિયકારિણી । [ ગિરિવિદ્યા ]
ગાયત્રી ગિરીશારાધ્યા ગીર્ગિરીશપ્રિયઙ્કરી ॥ 10 ॥
ગિરિજ્ઞા જ્ઞાનવિદ્યા ચ ગિરિરૂપા ગિરીશ્વરી ।
ગીર્માતા ગણસંસ્તુત્યા ગણનીયગુણાન્વિતા ॥ 11 ॥
ગૂઢરૂપા ગુહા ગોપ્યા ગોરૂપા ગૌર્ગુણાત્મિકા ।
ગુર્વી ગુર્વમ્બિકા ગુહ્યા ગેયજા ગૃહનાશિની ॥ 12 ॥
ગૃહિણી ગૃહદોષઘ્ની ગવઘ્ની ગુરુવત્સલા ।
ગૃહાત્મિકા ગૃહારાધ્યા ગૃહબાધાવિનાશિની ॥ 13 ॥
ગઙ્ગા ગિરિસુતા ગમ્યા ગજયાના ગુહસ્તુતા ।
ગરુડાસનસંસેવ્યા ગોમતી ગુણશાલિની ॥ 14 ॥
[ ૐ ઐં નમઃ શારદે શ્રીં શુદ્ધે નમઃ શારદે વં ઐં વદ વદ વાગ્વાદિની સ્વાહા ]
શારદા શાશ્વતી શૈવી શાઙ્કરી શઙ્કરાત્મિકા ।
શ્રીશ્શર્વાણી શતઘ્ની ચ શરચ્ચન્દ્રનિભાનના ॥ 15 ॥
શર્મિષ્ઠા શમનઘ્ની ચ શતસાહસ્રરૂપિણી ।
શિવા શમ્ભુપ્રિયા શ્રદ્ધા શ્રુતિરૂપા શ્રુતિપ્રિયા ॥ 16 ॥
શુચિષ્મતી શર્મકરી શુદ્ધિદા શુદ્ધિરૂપિણી ।
શિવા શિવઙ્કરી શુદ્ધા શિવારાધ્યા શિવાત્મિકા ॥ 17 ॥
શ્રીમતી શ્રીમયી શ્રાવ્યા શ્રુતિઃ શ્રવણગોચરા ।
શાન્તિશ્શાન્તિકરી શાન્તા શાન્તાચારપ્રિયઙ્કરી ॥ 18 ॥
શીલલભ્યા શીલવતી શ્રીમાતા શુભકારિણી ।
શુભવાણી શુદ્ધવિદ્યા શુદ્ધચિત્તપ્રપૂજિતા ॥ 19 ॥
શ્રીકરી શ્રુતપાપઘ્ની શુભાક્ષી શુચિવલ્લભા ।
શિવેતરઘ્ની શબરી શ્રવણીયગુણાન્વિતા ॥ 20 ॥ [શર્વરી]
શારી શિરીષપુષ્પાભા શમનિષ્ઠા શમાત્મિકા ।
શમાન્વિતા શમારાધ્યા શિતિકણ્ઠપ્રપૂજિતા ॥ 21 ॥
શુદ્ધિઃ શુદ્ધિકરી શ્રેષ્ઠા શ્રુતાનન્તા શુભાવહા ।
સરસ્વતી ચ સર્વજ્ઞા સર્વસિદ્ધિપ્રદાયિની ॥ 22 ॥
[ ૐ ઐં વદ વદ વાગ્વાદિની સ્વાહા ]
સરસ્વતી ચ સાવિત્રી સન્ધ્યા સર્વેપ્સિતપ્રદા ।
સર્વાર્તિઘ્ની સર્વમયી સર્વવિદ્યાપ્રદાયિની ॥ 23 ॥
સર્વેશ્વરી સર્વપુણ્યા સર્ગસ્થિત્યન્તકારિણી ।
સર્વારાધ્યા સર્વમાતા સર્વદેવનિષેવિતા ॥ 24 ॥
સર્વૈશ્વર્યપ્રદા સત્યા સતી સત્વગુણાશ્રયા ।
સર્વક્રમપદાકારા સર્વદોષનિષૂદિની ॥ 25 ॥ [ સ્વરક્રમપદાકારા ]
સહસ્રાક્ષી સહસ્રાસ્યા સહસ્રપદસંયુતા ।
સહસ્રહસ્તા સાહસ્રગુણાલઙ્કૃતવિગ્રહા ॥ 26 ॥
સહસ્રશીર્ષા સદ્રૂપા સ્વધા સ્વાહા સુધામયી ।
ષડ્ગ્રન્થિભેદિની સેવ્યા સર્વલોકૈકપૂજિતા ॥ 27 ॥
સ્તુત્યા સ્તુતિમયી સાધ્યા સવિતૃપ્રિયકારિણી ।
સંશયચ્છેદિની સાઙ્ખ્યવેદ્યા સઙ્ખ્યા સદીશ્વરી ॥ 28 ॥
સિદ્ધિદા સિદ્ધસમ્પૂજ્યા સર્વસિદ્ધિપ્રદાયિની ।
સર્વજ્ઞા સર્વશક્તિશ્ચ સર્વસમ્પત્પ્રદાયિની ॥ 29 ॥
સર્વાઽશુભઘ્ની સુખદા સુખસંવિત્સ્વરૂપિણી ।
સર્વસમ્ભાષણી સર્વજગત્સમ્મોહિની તથા ॥ 30 ॥ [ સર્વસમ્ભીષણી ]
સર્વપ્રિયઙ્કરી સર્વશુભદા સર્વમઙ્ગલા ।
સર્વમન્ત્રમયી સર્વતીર્થપુણ્યફલપ્રદા ॥ 31 ॥
સર્વપુણ્યમયી સર્વવ્યાધિઘ્ની સર્વકામદા ।
સર્વવિઘ્નહરી સર્વવન્દિતા સર્વમઙ્ગલા ॥ 32 ॥
સર્વમન્ત્રકરી સર્વલક્ષ્મીઃ સર્વગુણાન્વિતા ।
સર્વાનન્દમયી સર્વજ્ઞાનદા સત્યનાયિકા ॥ 33 ॥
સર્વજ્ઞાનમયી સર્વરાજ્યદા સર્વમુક્તિદા ।
સુપ્રભા સર્વદા સર્વા સર્વલોકવશઙ્કરી ॥ 34 ॥
સુભગા સુન્દરી સિદ્ધા સિદ્ધામ્બા સિદ્ધમાતૃકા ।
સિદ્ધમાતા સિદ્ધવિદ્યા સિદ્ધેશી સિદ્ધરૂપિણી ॥ 35 ॥
સુરૂપિણી સુખમયી સેવકપ્રિયકારિણી ।
સ્વામિની સર્વદા સેવ્યા સ્થૂલસૂક્ષ્માપરામ્બિકા ॥ 36 ॥
સારરૂપા સરોરૂપા સત્યભૂતા સમાશ્રયા ।
સિતાઽસિતા સરોજાક્ષી સરોજાસનવલ્લભા ॥ 37 ॥
સરોરુહાભા સર્વાઙ્ગી સુરેન્દ્રાદિપ્રપૂજિતા ।
[ ૐ હ્રીં ઐં મહાસરસ્વતિ સારસ્વતપ્રદે ઐં વદ વદ વાગ્વાદિની સ્વાહા ]
મહાદેવી મહેશાની મહાસારસ્વતપ્રદા ॥ 38 ॥
મહાસરસ્વતી મુક્તા મુક્તિદા મોહનાશિની । [ મલનાશિની ]
મહેશ્વરી મહાનન્દા મહામન્ત્રમયી મહી ॥ 39 ॥
મહાલક્ષ્મીર્મહાવિદ્યા માતા મન્દરવાસિની ।
મન્ત્રગમ્યા મન્ત્રમાતા મહામન્ત્રફલપ્રદા ॥ 40 ॥
મહામુક્તિર્મહાનિત્યા મહાસિદ્ધિપ્રદાયિની ।
મહાસિદ્ધા મહામાતા મહદાકારસંયુતા ॥ 41 ॥
મહી મહેશ્વરી મૂર્તિર્મોક્ષદા મણિભૂષણા ।
મેનકા માનિની માન્યા મૃત્યુઘ્ની મેરુરૂપિણી ॥ 42 ॥
મદિરાક્ષી મદાવાસા મખરૂપા મખેશ્વરી । [ મહેશ્વરી ]
મહામોહા મહામાયા માતૄણાં મૂર્ધ્નિસંસ્થિતા ॥ 43 ॥
મહાપુણ્યા મુદાવાસા મહાસમ્પત્પ્રદાયિની ।
મણિપૂરૈકનિલયા મધુરૂપા મદોત્કટા ॥ 44 ॥ [ મહોત્કટા ]
મહાસૂક્ષ્મા મહાશાન્તા મહાશાન્તિપ્રદાયિની ।
મુનિસ્તુતા મોહહન્ત્રી માધવી માધવપ્રિયા ॥ 45 ॥
મા મહાદેવસંસ્તુત્યા મહિષીગણપૂજિતા ।
મૃષ્ટાન્નદા ચ માહેન્દ્રી મહેન્દ્રપદદાયિની ॥ 46 ॥
મતિર્મતિપ્રદા મેધા મર્ત્યલોકનિવાસિની ।
મુખ્યા મહાનિવાસા ચ મહાભાગ્યજનાશ્રિતા ॥ 47 ॥
મહિલા મહિમા મૃત્યુહારી મેધાપ્રદાયિની ।
મેધ્યા મહાવેગવતી મહામોક્ષફલપ્રદા ॥ 48 ॥
મહાપ્રભાભા મહતી મહાદેવપ્રિયઙ્કરી ।
મહાપોષા મહર્થિશ્ચ મુક્તાહારવિભૂષણા ॥ 49 ॥ [ મહર્દ્ધિશ્ચ ]
માણિક્યભૂષણા મન્ત્રા મુખ્યચન્દ્રાર્ધશેખરા ।
મનોરૂપા મનશ્શુદ્ધિઃ મનશ્શુદ્ધિપ્રદાયિની ॥ 50 ॥
મહાકારુણ્યસમ્પૂર્ણા મનોનમનવન્દિતા ।
મહાપાતકજાલઘ્ની મુક્તિદા મુક્તભૂષણા ॥ 51 ॥
મનોન્મની મહાસ્થૂલા મહાક્રતુફલપ્રદા ।
મહાપુણ્યફલપ્રાપ્યા માયાત્રિપુરનાશિની ॥ 52 ॥
મહાનસા મહામેધા મહામોદા મહેશ્વરી ।
માલાધરી મહોપાયા મહાતીર્થફલપ્રદા ॥ 53 ॥
મહામઙ્ગલસમ્પૂર્ણા મહાદારિદ્ર્યનાશિની ।
મહામખા મહામેઘા મહાકાલી મહાપ્રિયા ॥ 54 ॥
મહાભૂષા મહાદેહા મહારાજ્ઞી મુદાલયા ।
[ ૐ હ્રીં ઐં નમો ભગવતિ ઐં વદ વદ વાગ્વાદિની સ્વાહા ]
ભૂરિદા ભાગ્યદા ભોગ્યા ભોગ્યદા ભોગદાયિની ॥ 55 ॥
ભવાની ભૂતિદા ભૂતિઃ ભૂમિર્ભૂમિસુનાયિકા ।
ભૂતધાત્રી ભયહરી ભક્તસારસ્વતપ્રદા ॥ 56 ॥
ભુક્તિર્ભુક્તિપ્રદા ભોક્ત્રી ભક્તિર્ભક્તિપ્રદાયિની । [ભેકી]
ભક્તસાયુજ્યદા ભક્તસ્વર્ગદા ભક્તરાજ્યદા ॥ 57 ॥
ભાગીરથી ભવારાધ્યા ભાગ્યાસજ્જનપૂજિતા ।
ભવસ્તુત્યા ભાનુમતી ભવસાગરતારિણી ॥ 58 ॥
ભૂતિર્ભૂષા ચ ભૂતેશી ભાલલોચનપૂજિતા । [ ફાલલોચનપૂજિતા ]
ભૂતા ભવ્યા ભવિષ્યા ચ ભવવિદ્યા ભવાત્મિકા ॥ 59 ॥
બાધાપહારિણી બન્ધુરૂપા ભુવનપૂજિતા ।
ભવઘ્ની ભક્તિલભ્યા ચ ભક્તરક્ષણતત્પરા ॥ 60 ॥
ભક્તાર્તિશમની ભાગ્યા ભોગદાનકૃતોદ્યમા ।
ભુજઙ્ગભૂષણા ભીમા ભીમાક્ષી ભીમરૂપિણી ॥ 61 ॥
ભાવિની ભ્રાતૃરૂપા ચ ભારતી ભવનાયિકા ।
ભાષા ભાષાવતી ભીષ્મા ભૈરવી ભૈરવપ્રિયા ॥ 62 ॥
ભૂતિર્ભાસિતસર્વાઙ્ગી ભૂતિદા ભૂતિનાયિકા ।
ભાસ્વતી ભગમાલા ચ ભિક્ષાદાનકૃતોદ્યમા ॥ 63 ॥
ભિક્ષુરૂપા ભક્તિકરી ભક્તલક્ષ્મીપ્રદાયિની ।
ભ્રાન્તિઘ્ના ભ્રાન્તિરૂપા ચ ભૂતિદા ભૂતિકારિણી ॥ 64 ॥
ભિક્ષણીયા ભિક્ષુમાતા ભાગ્યવદ્દૃષ્ટિગોચરા ।
ભોગવતી ભોગરૂપા ભોગમોક્ષફલપ્રદા ॥ 65 ॥
ભોગશ્રાન્તા ભાગ્યવતી ભક્તાઘૌઘવિનાશિની ।
[ ૐ ઐં ક્લીં સૌઃ બાલે બ્રાહ્મી બ્રહ્મપત્ની ઐં વદ વદ વાગ્વાદિની સ્વાહા ]
બ્રાહ્મી બ્રહ્મસ્વરૂપા ચ બૃહતી બ્રહ્મવલ્લભા ॥ 66 ॥
બ્રહ્મદા બ્રહ્મમાતા ચ બ્રહ્માણી બ્રહ્મદાયિની ।
બ્રહ્મેશી બ્રહ્મસંસ્તુત્યા બ્રહ્મવેદ્યા બુધપ્રિયા ॥ 67 ॥
બાલેન્દુશેખરા બાલા બલિપૂજાકરપ્રિયા ।
બલદા બિન્દુરૂપા ચ બાલસૂર્યસમપ્રભા ॥ 68 ॥
બ્રહ્મરૂપા બ્રહ્મમયી બ્રધ્નમણ્ડલમધ્યગા ।
બ્રહ્માણી બુદ્ધિદા બુદ્ધિર્બુદ્ધિરૂપા બુધેશ્વરી ॥ 69 ॥
બન્ધક્ષયકરી બાધાનાશિની બન્ધુરૂપિણી ।
બિન્દ્વાલયા બિન્દુભૂષા બિન્દુનાદસમન્વિતા ॥ 70 ॥
બીજરૂપા બીજમાતા બ્રહ્મણ્યા બ્રહ્મકારિણી ।
બહુરૂપા બલવતી બ્રહ્મજ્ઞા બ્રહ્મચારિણી ॥ 71 ॥ [બ્રહ્મજા]
બ્રહ્મસ્તુત્યા બ્રહ્મવિદ્યા બ્રહ્માણ્ડાધિપવલ્લભા ।
બ્રહ્મેશવિષ્ણુરૂપા ચ બ્રહ્મવિષ્ણ્વીશસંસ્થિતા ॥ 72 ॥
બુદ્ધિરૂપા બુધેશાની બન્ધી બન્ધવિમોચની ।
[ ૐ હ્રીં ઐં અં આં ઇં ઈં ઉં ઊં ઋં ૠં ~લું ~લૂં એં ઐં ૐ ઔં કં ખં ગં ઘં ઙં ચં છં જં ઝં ઞં ટં ઠં ડં ઢં ણં તં થં દં ધં નં પં ફં બં ભં મં યં રં લં વં શં ષં સં હં લં ક્ષં અક્ષમાલે અક્ષરમાલિકા સમલઙ્કૃતે વદ વદ વાગ્વાદિની સ્વાહા ]
અક્ષમાલાઽક્ષરાકારાઽક્ષરાઽક્ષરફલપ્રદા ॥ 73 ॥
અનન્તાઽનન્દસુખદાઽનન્તચન્દ્રનિભાનના ।
અનન્તમહિમાઽઘોરાનન્તગમ્ભીરસમ્મિતા ॥ 74 ॥
અદૃષ્ટાઽદૃષ્ટદાઽનન્તાદૃષ્ટભાગ્યફલપ્રદા । [ દૃષ્ટિદા ]
અરુન્ધત્યવ્યયીનાથાઽનેકસદ્ગુણસંયુતા ॥ 75 ॥
અનેકભૂષણાઽદૃશ્યાઽનેકલેખનિષેવિતા ।
અનન્તાઽનન્તસુખદાઽઘોરાઽઘોરસ્વરૂપિણી ॥ 76 ॥
અશેષદેવતારૂપાઽમૃતરૂપાઽમૃતેશ્વરી ।
અનવદ્યાઽનેકહસ્તાઽનેકમાણિક્યભૂષણા ॥ 77 ॥
અનેકવિઘ્નસંહર્ત્રી ત્વનેકાભરણાન્વિતા ।
અવિદ્યાજ્ઞાનસંહર્ત્રી હ્યવિદ્યાજાલનાશિની ॥ 78 ॥
અભિરૂપાનવદ્યાઙ્ગી હ્યપ્રતર્ક્યગતિપ્રદા ।
અકલઙ્કરૂપિણી ચ હ્યનુગ્રહપરાયણા ॥ 79 ॥
અમ્બરસ્થાઽમ્બરમયાઽમ્બરમાલાઽમ્બુજેક્ષણા ।
અમ્બિકાઽબ્જકરાઽબ્જસ્થાઽંશુમત્યઽંશુશતાન્વિતા ॥ 80 ॥
અમ્બુજાઽનવરાઽખણ્ડાઽમ્બુજાસનમહાપ્રિયા ।
અજરાઽમરસંસેવ્યાઽજરસેવિતપદ્યુગા ॥ 81 ॥
અતુલાર્થપ્રદાઽર્થૈક્યાઽત્યુદારાત્વભયાન્વિતા ।
અનાથવત્સલાઽનન્તપ્રિયાઽનન્તેપ્સિતપ્રદા ॥ 82 ॥
અમ્બુજાક્ષ્યમ્બુરૂપાઽમ્બુજાતોદ્ભવમહાપ્રિયા ।
અખણ્ડા ત્વમરસ્તુત્યાઽમરનાયકપૂજિતા ॥ 83 ॥
અજેયા ત્વજસઙ્કાશાઽજ્ઞાનનાશિન્યભીષ્ટદા ।
અક્તાઘનેન ચાઽસ્ત્રેશી હ્યલક્ષ્મીનાશિની તથા ॥ 84 ॥
અનન્તસારાઽનન્તશ્રીરનન્તવિધિપૂજિતા ।
અભીષ્ટામર્ત્યસમ્પૂજ્યા હ્યસ્તોદયવિવર્જિતા ॥ 85 ॥
આસ્તિકસ્વાન્તનિલયાઽસ્ત્રરૂપાઽસ્ત્રવતી તથા ।
અસ્ખલત્યસ્ખલદ્રૂપાઽસ્ખલદ્વિદ્યાપ્રદાયિની ॥ 86 ॥
અસ્ખલત્સિદ્ધિદાઽઽનન્દાઽમ્બુજાતાઽઽમરનાયિકા ।
અમેયાઽશેષપાપઘ્ન્યક્ષયસારસ્વતપ્રદા ॥ 87 ॥
[ ૐ જ્યાં હ્રીં જય જય જગન્માતઃ ઐં વદ વદ વાગ્વાદિની સ્વાહા ]
જયા જયન્તી જયદા જન્મકર્મવિવર્જિતા ।
જગત્પ્રિયા જગન્માતા જગદીશ્વરવલ્લભા ॥ 88 ॥
જાતિર્જયા જિતામિત્રા જપ્યા જપનકારિણી ।
જીવની જીવનિલયા જીવાખ્યા જીવધારિણી ॥ 89 ॥
જાહ્નવી જ્યા જપવતી જાતિરૂપા જયપ્રદા ।
જનાર્દનપ્રિયકરી જોષનીયા જગત્સ્થિતા ॥ 90 ॥
જગજ્જ્યેષ્ઠા જગન્માયા જીવનત્રાણકારિણી ।
જીવાતુલતિકા જીવજન્મી જન્મનિબર્હણી ॥ 91 ॥
જાડ્યવિધ્વંસનકરી જગદ્યોનિર્જયાત્મિકા ।
જગદાનન્દજનની જમ્બૂશ્ચ જલજેક્ષણા ॥ 92 ॥
જયન્તી જઙ્ગપૂગઘ્ની જનિતજ્ઞાનવિગ્રહા ।
જટા જટાવતી જપ્યા જપકર્તૃપ્રિયઙ્કરી ॥ 93 ॥
જપકૃત્પાપસંહર્ત્રી જપકૃત્ફલદાયિની ।
જપાપુષ્પસમપ્રખ્યા જપાકુસુમધારિણી ॥ 94 ॥
જનની જન્મરહિતા જ્યોતિર્વૃત્યભિદાયિની ।
જટાજૂટનચન્દ્રાર્ધા જગત્સૃષ્ટિકરી તથા ॥ 95 ॥
જગત્ત્રાણકરી જાડ્યધ્વંસકર્ત્રી જયેશ્વરી ।
જગદ્બીજા જયાવાસા જન્મભૂર્જન્મનાશિની ॥ 96 ॥
જન્માન્ત્યરહિતા જૈત્રી જગદ્યોનિર્જપાત્મિકા ।
જયલક્ષણસમ્પૂર્ણા જયદાનકૃતોદ્યમા ॥ 97 ॥
જમ્ભરાદ્યાદિસંસ્તુત્યા જમ્ભારિફલદાયિની ।
જગત્ત્રયહિતા જ્યેષ્ઠા જગત્ત્રયવશઙ્કરી ॥ 98 ॥
જગત્ત્રયામ્બા જગતી જ્વાલા જ્વાલિતલોચના ।
જ્વાલિની જ્વલનાભાસા જ્વલન્તી જ્વલનાત્મિકા ॥ 99 ॥
જિતારાતિસુરસ્તુત્યા જિતક્રોધા જિતેન્દ્રિયા ।
જરામરણશૂન્યા ચ જનિત્રી જન્મનાશિની ॥ 100 ॥
જલજાભા જલમયી જલજાસનવલ્લભા ।
જલજસ્થા જપારાધ્યા જનમઙ્ગલકારિણી ॥ 101 ॥
[ ઐં ક્લીં સૌઃ કલ્યાણી કામધારિણી વદ વદ વાગ્વાદિની સ્વાહા ]
કામિની કામરૂપા ચ કામ્યા કામ્યપ્રદાયિની । [ કામપ્રદાયિની ]
કમૌલી કામદા કર્ત્રી ક્રતુકર્મફલપ્રદા ॥ 102 ॥
કૃતઘ્નઘ્ની ક્રિયારૂપા કાર્યકારણરૂપિણી ।
કઞ્જાક્ષી કરુણારૂપા કેવલામરસેવિતા ॥ 103 ॥
કલ્યાણકારિણી કાન્તા કાન્તિદા કાન્તિરૂપિણી ।
કમલા કમલાવાસા કમલોત્પલમાલિની ॥ 104 ॥
કુમુદ્વતી ચ કલ્યાણી કાન્તિઃ કામેશવલ્લભા । [ કાન્તા ]
કામેશ્વરી કમલિની કામદા કામબન્ધિની ॥ 105 ॥
કામધેનુઃ કાઞ્ચનાક્ષી કાઞ્ચનાભા કલાનિધિઃ ।
ક્રિયા કીર્તિકરી કીર્તિઃ ક્રતુશ્રેષ્ઠા કૃતેશ્વરી ॥ 106 ॥
ક્રતુસર્વક્રિયાસ્તુત્યા ક્રતુકૃત્પ્રિયકારિણી ।
ક્લેશનાશકરી કર્ત્રી કર્મદા કર્મબન્ધિની ॥ 107 ॥
કર્મબન્ધહરી કૃષ્ટા ક્લમઘ્ની કઞ્જલોચના ।
કન્દર્પજનની કાન્તા કરુણા કરુણાવતી ॥ 108 ॥
ક્લીઙ્કારિણી કૃપાકારા કૃપાસિન્ધુઃ કૃપાવતી ।
કરુણાર્દ્રા કીર્તિકરી કલ્મષઘ્ની ક્રિયાકરી ॥ 109 ॥
ક્રિયાશક્તિઃ કામરૂપા કમલોત્પલગન્ધિની ।
કલા કલાવતી કૂર્મી કૂટસ્થા કઞ્જસંસ્થિતા ॥ 110 ॥
કાલિકા કલ્મષઘ્ની ચ કમનીયજટાન્વિતા ।
કરપદ્મા કરાભીષ્ટપ્રદા ક્રતુફલપ્રદા ॥ 111 ॥
કૌશિકી કોશદા કાવ્યા કર્ત્રી કોશેશ્વરી કૃશા । [ કન્યા ]
કૂર્મયાના કલ્પલતા કાલકૂટવિનાશિની ॥ 112 ॥
કલ્પોદ્યાનવતી કલ્પવનસ્થા કલ્પકારિણી ।
કદમ્બકુસુમાભાસા કદમ્બકુસુમપ્રિયા ॥ 113 ॥
કદમ્બોદ્યાનમધ્યસ્થા કીર્તિદા કીર્તિભૂષણા ।
કુલમાતા કુલાવાસા કુલાચારપ્રિયઙ્કરી ॥ 114 ॥
કુલનાથા કામકલા કલાનાથા કલેશ્વરી ।
કુન્દમન્દારપુષ્પાભા કપર્દસ્થિતચન્દ્રિકા ॥ 115 ॥
કવિત્વદા કામ્યમાતા કવિમાતા કલાપ્રદા । [કાવ્યમાતા]
[ ૐ સૌઃ ક્લીં ઐં તતો વદ વદ વાગ્વાદિની સ્વાહા ]
તરુણી તરુણીતાતા તારાધિપસમાનના ॥ 116 ॥
તૃપ્તિસ્તૃપ્તિપ્રદા તર્ક્યા તપની તાપિની તથા ।
તર્પણી તીર્થરૂપા ચ ત્રિપદા ત્રિદશેશ્વરી ॥ 117 ॥ [ ત્રિદશા ]
ત્રિદિવેશી ત્રિજનની ત્રિમાતા ત્ર્યમ્બકેશ્વરી ।
ત્રિપુરા ત્રિપુરેશાની ત્ર્યમ્બકા ત્રિપુરામ્બિકા ॥ 118 ॥
ત્રિપુરશ્રીસ્ત્રયીરૂપા ત્રયીવેદ્યા ત્રયીશ્વરી ।
ત્રય્યન્તવેદિની તામ્રા તાપત્રિતયહારિણી ॥ 119 ॥
તમાલસદૃશી ત્રાતા તરુણાદિત્યસન્નિભા ।
ત્રૈલોક્યવ્યાપિની તૃપ્તા તૃપ્તિકૃત્તત્ત્વરૂપિણી ॥ 120 ॥
તુર્યા ત્રૈલોક્યસંસ્તુત્યા ત્રિગુણા ત્રિગુણેશ્વરી ।
ત્રિપુરઘ્ની ત્રિમાતા ચ ત્ર્યમ્બકા ત્રિગુણાન્વિતા ॥ 121 ॥
તૃષ્ણાચ્છેદકરી તૃપ્તા તીક્ષ્ણા તીક્ષ્ણસ્વરૂપિણી ।
તુલા તુલાદિરહિતા તત્તદ્બ્રહ્મસ્વરૂપિણી ॥ 122 ॥
ત્રાણકર્ત્રી ત્રિપાપઘ્ની ત્રિદશા ત્રિદશાન્વિતા ।
તથ્યા ત્રિશક્તિસ્ત્રિપદા તુર્યા ત્રૈલોક્યસુન્દરી ॥ 123 ॥
તેજસ્કરી ત્રિમૂર્ત્યાદ્યા તેજોરૂપા ત્રિધામતા ।
ત્રિચક્રકર્ત્રી ત્રિભગા તુર્યાતીતફલપ્રદા ॥ 124 ॥
તેજસ્વિની તાપહારી તાપોપપ્લવનાશિની ।
તેજોગર્ભા તપસ્સારા ત્રિપુરારિપ્રિયઙ્કરી ॥ 125 ॥
તન્વી તાપસસન્તુષ્ટા તપનાઙ્ગજભીતિનુત્ ।
ત્રિલોચના ત્રિમાર્ગા ચ તૃતીયા ત્રિદશસ્તુતા ॥ 126 ॥
ત્રિસુન્દરી ત્રિપથગા તુરીયપદદાયિની ।
[ ૐ હ્રીં શ્રીં ક્લીં ઐં નમશ્શુદ્ધફલદે ઐં વદ વદ વાગ્વાદિની સ્વાહા ]
શુભા શુભાવતી શાન્તા શાન્તિદા શુભદાયિની ॥ 127 ॥
શીતલા શૂલિની શીતા શ્રીમતી ચ શુભાન્વિતા ।
[ ૐ ઐં યાં યીં યૂં યૈં યૌં યઃ ઐં વદ વદ વાગ્વાદિની સ્વાહા ]
યોગસિદ્ધિપ્રદા યોગ્યા યજ્ઞેનપરિપૂરિતા ॥ 128 ॥
યજ્ઞા યજ્ઞમયી યક્ષી યક્ષિણી યક્ષિવલ્લભા ।
યજ્ઞપ્રિયા યજ્ઞપૂજ્યા યજ્ઞતુષ્ટા યમસ્તુતા ॥ 129 ॥
યામિનીયપ્રભા યામ્યા યજનીયા યશસ્કરી ।
યજ્ઞકર્ત્રી યજ્ઞરૂપા યશોદા યજ્ઞસંસ્તુતા ॥ 130 ॥
યજ્ઞેશી યજ્ઞફલદા યોગયોનિર્યજુસ્સ્તુતા ।
યમિસેવ્યા યમારાધ્યા યમિપૂજ્યા યમીશ્વરી ॥ 131 ॥
યોગિની યોગરૂપા ચ યોગકર્તૃપ્રિયઙ્કરી ।
યોગયુક્તા યોગમયી યોગયોગીશ્વરામ્બિકા ॥ 132 ॥
યોગજ્ઞાનમયી યોનિર્યમાદ્યષ્ટાઙ્ગયોગતા ।
યન્ત્રિતાઘૌઘસંહારા યમલોકનિવારિણી ॥ 133 ॥
યષ્ટિવ્યષ્ટીશસંસ્તુત્યા યમાદ્યષ્ટાઙ્ગયોગયુક્ ।
યોગીશ્વરી યોગમાતા યોગસિદ્ધા ચ યોગદા ॥ 134 ॥
યોગારૂઢા યોગમયી યોગરૂપા યવીયસી ।
યન્ત્રરૂપા ચ યન્ત્રસ્થા યન્ત્રપૂજ્યા ચ યન્ત્રિકા ॥ 135 ॥ [ યન્ત્રિતા ]
યુગકર્ત્રી યુગમયી યુગધર્મવિવર્જિતા ।
યમુના યામિની યામ્યા યમુનાજલમધ્યગા ॥ 136 ॥ [ યમિની ]
યાતાયાતપ્રશમની યાતનાનાન્નિકૃન્તની ।
યોગાવાસા યોગિવન્દ્યા યત્તચ્છબ્દસ્વરૂપિણી ॥ 137 ॥
યોગક્ષેમમયી યન્ત્રા યાવદક્ષરમાતૃકા ।
યાવત્પદમયી યાવચ્છબ્દરૂપા યથેશ્વરી ॥ 138 ॥
યત્તદીયા યક્ષવન્દ્યા યદ્વિદ્યા યતિસંસ્તુતા ।
યાવદ્વિદ્યામયી યાવદ્વિદ્યાબૃન્દસુવન્દિતા ॥ 139 ॥
યોગિહૃત્પદ્મનિલયા યોગિવર્યપ્રિયઙ્કરી ।
યોગિવન્દ્યા યોગિમાતા યોગીશફલદાયિની ॥ 140 ॥
યક્ષવન્દ્યા યક્ષપૂજ્યા યક્ષરાજસુપૂજિતા ।
યજ્ઞરૂપા યજ્ઞતુષ્ટા યાયજૂકસ્વરૂપિણી ॥ 141 ॥
યન્ત્રારાધ્યા યન્ત્રમધ્યા યન્ત્રકર્તૃપ્રિયઙ્કરી ।
યન્ત્રારૂઢા યન્ત્રપૂજ્યા યોગિધ્યાનપરાયણા ॥ 142 ॥
યજનીયા યમસ્તુત્યા યોગયુક્તા યશસ્કરી ।
યોગબદ્ધા યતિસ્તુત્યા યોગજ્ઞા યોગનાયકી ॥ 143 ॥
યોગિજ્ઞાનપ્રદા યક્ષી યમબાધાવિનાશિની ।
યોગિકામ્યપ્રદાત્રી ચ યોગિમોક્ષપ્રદાયિની ॥ 144 ॥
ફલશ્રુતિઃ