નૃસિંહં હૃદ્યે ધ્યાત્વાઽસ્તૌષીદ્ધરિં સમાહિતઃ ।
નમો દેવાધિદેવાય સત્ત્વવિલીનમૂર્તયે ॥ ૮૧ ॥
નમો દેવાધિદેવાય સત્ત્વવિલીનમૂર્તયે ॥ ૮૧ ॥
બ્રહ્માદયો બિભ્યતિ યદ્રૂપાત્તદ્રૂપિણે નમઃ ।
ઘનાઽભિજનસૌન્દર્યતપઃશ્રુતબલાદિભિઃ ॥ ૮૨ ॥
ઘનાઽભિજનસૌન્દર્યતપઃશ્રુતબલાદિભિઃ ॥ ૮૨ ॥
સમૃદ્ધિવાક્પટુતાભિશ્ચાઽતુષ્યતે તે નમો નમઃ ।
તવાઽઙ્ઘ્રિવિમુખો વિપ્રો યમૈશ્ચ નિયમૈર્યુતઃ ॥ ૮૩ ॥
તવાઽઙ્ઘ્રિવિમુખો વિપ્રો યમૈશ્ચ નિયમૈર્યુતઃ ॥ ૮૩ ॥
ભક્તશ્વાદાત્ કનીયાન્સ ભક્તહૃષ્ટાય તે નમઃ ।
માનહીનાય દીનાય તુષ્યતે તે નમો નમઃ ॥ ૮૪ ॥
માનહીનાય દીનાય તુષ્યતે તે નમો નમઃ ॥ ૮૪ ॥
ભક્તિમાર્ગાશ્રિતસૌખ્યકર્ત્રે તે હરયે નમઃ ।
રક્ષાવિભૂતિસમ્પત્સુસૌખ્યદાત્રે પુનર્નમઃ ॥ ૮૫ ॥
રક્ષાવિભૂતિસમ્પત્સુસૌખ્યદાત્રે પુનર્નમઃ ॥ ૮૫ ॥
બ્રહ્માદયોઽપિ દેવાશ્ચ શાન્તદર્શનકાઙ્ક્ષિણઃ ।
સ્તુવન્તિ ત્વાં પરાત્માનં શાન્તરૂપં તતઃ કુરુ ॥ ૮૬ ॥
સ્તુવન્તિ ત્વાં પરાત્માનં શાન્તરૂપં તતઃ કુરુ ॥ ૮૬ ॥
નાઽહં બિભેમિ દેવેશ ક્રૂરાન્નૃસિંહરૂપણાત્ ।
બિભેમિ કામરોષાદેસ્તતો રક્ષાં વિધેહિ મે ॥ ૮૭ ॥
બિભેમિ કામરોષાદેસ્તતો રક્ષાં વિધેહિ મે ॥ ૮૭ ॥
અસુરાદ્રક્ષણાં તત્તુ દેહસ્ય રક્ષણં કૃતમ્ ।
તદ્વૈ મે રક્ષણં નાસ્તિ તસ્માન્મદ્રક્ષણં કુરુ ॥ ૮૮ ॥
તદ્વૈ મે રક્ષણં નાસ્તિ તસ્માન્મદ્રક્ષણં કુરુ ॥ ૮૮ ॥
ક્લેશકર્મવિપાકાદેરજાયા બન્ધનાત્ ખલુ ।
રક્ષણં કુરુ વિશ્વેશ તન્મતં રક્ષણં ભવેત્ ॥ ૮૯ ॥
રક્ષણં કુરુ વિશ્વેશ તન્મતં રક્ષણં ભવેત્ ॥ ૮૯ ॥
ઈહાઃ પુત્રકલત્રાદેર્ધનૈશ્વર્યાદિવસ્ત્યતેઃ ।
કદાપિ નૈવ પૂર્યન્તે તાભ્યો મે રક્ષણં કુરુ ॥ ૯૦ ॥
કદાપિ નૈવ પૂર્યન્તે તાભ્યો મે રક્ષણં કુરુ ॥ ૯૦ ॥
દૈત્યેન્દ્રસ્ય મયા દૃષ્ટાઃ સમૃદ્ધયસ્તા ન રક્ષિકાઃ ।
ઐશ્વર્યાણિ મયા દૃષ્ટાન્યેતાન્યવન્તિ નૈવ હિ ॥ ૯૧ ॥
ઐશ્વર્યાણિ મયા દૃષ્ટાન્યેતાન્યવન્તિ નૈવ હિ ॥ ૯૧ ॥
સિદ્ધયશ્ચાપિ દેવાનાં રક્ષાં કુર્વન્તિ નૈવ ચ ।
ભક્તાનાં ત્વં રક્ષણાય બહુરૂપી ભવસ્યથ ॥ ૯૨ ॥
ભક્તાનાં ત્વં રક્ષણાય બહુરૂપી ભવસ્યથ ॥ ૯૨ ॥
ઉદ્ધારયસિ વિશ્વાત્મન્ તથોદ્ધારં ચ મે કુરુ ।
રાજ્યં તુ બન્ધનં પ્રોક્તં પાપં પાપતરં મહત્ ॥ ૯૩ ॥
રાજ્યં તુ બન્ધનં પ્રોક્તં પાપં પાપતરં મહત્ ॥ ૯૩ ॥
યત્સતાં સેવને વિઘ્નં માનસત્તાદિદૂષણૈઃ ।
દીનત્વે તપ આસ્થાય વાઞ્છન્તિ કામનામયાન્ ॥ ૯૪ ॥
દીનત્વે તપ આસ્થાય વાઞ્છન્તિ કામનામયાન્ ॥ ૯૪ ॥
ભોગાનાસાદ્ય પશ્ચાત્ત્વાં વિસ્મરન્તીતિ કિલ્બિષમ્ ।
તતો દેવાધિદેવત્વં દારાસત્તાધનાદિષુ ॥ ૯૫ ॥
તતો દેવાધિદેવત્વં દારાસત્તાધનાદિષુ ॥ ૯૫ ॥
મા યોગં મે દેહિ નાથ દેહિ ત્વચ્ચરણામ્બુજે ।
તવ દાસસ્ય દાસાનાં મધ્યે યોગં પ્રદેહિ મે ॥ ૯૬ ॥
તવ દાસસ્ય દાસાનાં મધ્યે યોગં પ્રદેહિ મે ॥ ૯૬ ॥
ઇમે દેવાસ્તવ રૂપં સૌમ્યં કાઙ્ક્ષન્તિ દર્શને ।
તસ્માત્સૌમ્યં સુખદં વૈ રૂપં દર્શય માધવ ॥ ૯૭ ॥
તસ્માત્સૌમ્યં સુખદં વૈ રૂપં દર્શય માધવ ॥ ૯૭ ॥
ઇત્યર્થિતઃ સ ભગવાન્ તેજસ્તદતિભીષણમ્ ।
રોષાન્વિતં તુ સંહૃત્ય બભૂવ સુખદર્શનઃ ॥ ૯૮ ॥
રોષાન્વિતં તુ સંહૃત્ય બભૂવ સુખદર્શનઃ ॥ ૯૮ ॥
શરત્કોટીન્દુસઙ્કાશઃ પુણ્ડરીકનિભેક્ષણઃ ।
સુધામયસટાપુઞ્જવિદ્યુત્કોટિનિભપ્રભઃ ॥ ૯૯ ॥
સુધામયસટાપુઞ્જવિદ્યુત્કોટિનિભપ્રભઃ ॥ ૯૯ ॥
સદ્રત્નાઢ્યકટકકેયૂરોર્મિકાદિભૂષિતઃ ।
શઙ્ખચક્રગૃહીતાભ્યામુદ્બાહુભ્યાં વિરાજિતઃ ॥ ૧૦૦ ॥
શઙ્ખચક્રગૃહીતાભ્યામુદ્બાહુભ્યાં વિરાજિતઃ ॥ ૧૦૦ ॥
વરદાઽભયહસ્તાભ્યામિતરાભ્યાં સુશોભિતઃ ।
શ્રીવત્સકૌસ્તુભોરસ્કો વનમાલાવિભૂષિતઃ ॥ ૧૦૧ ॥
શ્રીવત્સકૌસ્તુભોરસ્કો વનમાલાવિભૂષિતઃ ॥ ૧૦૧ ॥
કુણ્ડલહારરશનામણિસ્વર્ણવિરાજિતઃ ।
સવ્યાઙ્કસ્થશ્રિયા યુક્તોઽભવત્તદા નૃકેસરી ॥ ૧૦૨ ॥
સવ્યાઙ્કસ્થશ્રિયા યુક્તોઽભવત્તદા નૃકેસરી ॥ ૧૦૨ ॥
લક્ષ્મીનૃસિંહં તં દૃષ્ટ્વા દેવતાઃ સમહર્ષયઃ ।
આનન્દાશ્રુજલૈઃ સિક્ત્વા નમશ્ચક્રુર્નિરન્તરમ્ ॥ ૧૦૩ ॥
આનન્દાશ્રુજલૈઃ સિક્ત્વા નમશ્ચક્રુર્નિરન્તરમ્ ॥ ૧૦૩ ॥
ઇતિ શ્રીલક્ષ્મીનારાયણીયસંહિતાયાં પ્રથમે કૃતયુગસન્તાને ૧૪૦-અધ્યાયાન્તર્ગતં
પ્રહ્લાદકૃતં નૃસિંહસ્તોત્રં
પ્રહ્લાદકૃતં નૃસિંહસ્તોત્રં