What is Paniniya Shiksha in Bengali?

Read Paniniya Shiksha in Bengali script — full lyrics with English meaning and transliteration. Paniniya Shiksha is a foundational Vedanga text attributed to the great grammarian Panini. It serves as a guide for the precise pronunciation of Vedic sounds, invoking Lord Shiva as the source of the fourteen Maheshvara Sutras. Beyond linguistic mastery, the text holds profound spiritual significance as it aligns human speech with cosmic vibrations. Chanting these verses helps practitioners refine their faculty of speech, achieve clarity in Vedic recitation, and gain the blessings of Lord Shiva for intellectual illumination and linguistic excellence, ultimately leading to a harmonious alignment with the rhythmic order of the Vedas.

Which deity is Paniniya Shiksha in Bengali dedicated to?

Paniniya Shiksha in Bengali is a Sanskrit hymn dedicated to Lord Shiva.

Who composed Paniniya Shiksha in Bengali?

Paniniya Shiksha in Bengali is traditionally attributed to Panini.

Paniniya Shiksha in Bengali - Sanskrit Text & Transliteration

অথ শিক্ষাং প্রবক্ষ্যামি পাণিনীযং মতং যথা ।

শাস্ত্রানুপূর্বং তদ্বিদ্যাদ্যথোক্তং লোকবেদযোঃ ॥ 1॥

প্রসিদ্ধমপি শব্দার্থমবিজ্ঞাতমবুদ্ধিভিঃ ।
পুনর্ব্যক্তীকরিষ্যামি বাচ উচ্চারণে বিধিম্ ॥ 2॥

ত্রিষষ্টিশ্চতুঃষষ্টির্বা বর্ণাঃ শম্ভুমতে মতাঃ ।
প্রাকৃতে সংস্কৃতে চাপি স্বযং প্রোক্তাঃ স্বযম্ভুবা ॥ 3॥

স্বরাবিংশতিরেকশ্চ স্পর্শানাং পঞ্চবিংশতিঃ ।
যাদযশ্চ স্মৃতা হ্যষ্টৌ চত্বারশ্চ যমাঃ স্মৃতাঃ ॥ 4॥

অনুস্বারো বিসর্গশ্চ ক পৌ চাপি পরাশ্রিতৌ ।
দুস্পৃষ্টশ্চেতি বিজ্ঞেযো ৡকারঃ প্লুত এব চ ॥ 5॥

আত্মা বুদ্ধ্যা সমেত্যার্থান্মনোযুঙ্ক্তে বিবক্ষযা ।
মনঃ কাযাগ্নিমাহন্তি স প্রেরযতি মারুতম্ ॥ 6॥

মারুস্তূরসিচরন্মন্দ্রং জনযতি স্বরম্ ।
প্রাতঃসবনযোগং তং ছন্দোগাযত্রমাশ্রিতম্ ॥ 7॥

কণ্ঠেমাধ্যন্দিনযুগং মধ্যমং ত্রৈষ্টুভানুগম্ ।
তারং তার্তীযসবনং শীর্ষণ্যং জাগতানুগতম্ ॥ 8॥

সোদীর্ণো মূর্ধ্ন্যভিহতোবক্রমাপদ্য মারুতঃ ।
বর্ণাঞ্জনযতেতেষাং বিভাগঃ পঞ্চধা স্মৃতঃ ॥ 9॥

স্বরতঃ কালতঃ স্থানাত্ প্রযত্নানুপ্রদানতঃ ।
ইতি বর্ণবিদঃ প্রাহুর্নিপুণং তন্নিবোধত ॥ 10॥

উদাত্তশ্চানুদাত্তশ্চ স্বরিতশ্চ স্বরাস্ত্রযঃ ।
হ্রস্বো দীর্ঘঃ প্লুত ইতি কালতো নিযমা অচি ॥ 11॥

উদাত্তে নিষাদগান্ধারাবনুদাত্ত ঋষভধৈবতৌ ।
স্বরিতপ্রভবা হ্যেতে ষড্জমধ্যমপঞ্চমাঃ ॥ 12॥

অষ্টৌস্থানানি বর্ণানামুরঃ কণ্ঠঃ শিরস্তথা ।
জিহ্বামূলং চ দন্তাশ্চ নাসিকোষ্ঠৌচ তালু চ ॥ 13॥

ওভাবশ্চ বিবৃত্তিশ্চ শষসা রেফ এব চ ।
জিহ্বামূলমুপধ্মা চ গতিরষ্টবিধোষ্মণঃ ॥ 14॥

যদ্যোভাবপ্রসন্ধানমুকারাদি পরং পদম্ ।
স্বরান্তং তাদৃশং বিদ্যাদ্যদন্যদ্ব্যক্তমূষ্মণঃ ॥ 15॥

হকারং পঞ্চমৈর্যুক্তমন্তঃস্থাভিশ্চ সংযুতম্ ।
উরস্যং তং বিজানীযাত্কণ্ঠ্যমাহুরসংযুতম্ ॥ 16॥

কণ্ঠ্যাবহাবিচুযশাস্তালব্যা ওষ্ঠজাবুপূ ।
স্যুর্মূর্ধন্যা ঋটুরষা দন্ত্যা ঌতুলসাঃ স্মৃতাঃ ॥ 17॥

জিহ্বামূলে তু কুঃ প্রোক্তো দন্ত্যোষ্ঠ্যো বঃ স্মৃতো বুধৈঃ ।
এঐ তু কণ্ঠতালব্যা ওঔ কণ্ঠোষ্ঠজৌ স্মৃতৌ ॥ 18॥

অর্ধমাত্রা তু কণ্ঠ্যস্য একারৈকারযোর্ভবেত্ ।
ওকারৌকারযোর্মাত্রা তযোর্বিবৃতসংবৃতম্ ॥ 19॥

সংবৃতং মাত্রিকং জ্ঞেযং বিবৃতং তু দ্বিমাত্রিকম্ ।
ঘোষা বা সংবৃতাঃ সর্বে অঘোষা বিবৃতাঃ স্মৃতাঃ ॥ 20॥

স্বরাণামূষ্মণাং চৈব বিবৃতং করণং স্মৃতম্ ।
তেভ্যোঽপি বিবৃতাবেঙৌ তাভ্যামৈচৌ তথৈব চ ॥ 21॥

অনুস্বারযমানাং চ নাসিকা স্থানমুচ্যতে ।
অযোগবাহা বিজ্ঞেযা আশ্রযস্থানভাগিনঃ ॥ 22॥

অলাবুবীণানির্ঘোষো দন্ত্যমূল্যস্বরানুগঃ ।
অনুস্বারস্তু কর্তব্যো নিত্যং হ্রোঃ শষসেষু চ ॥ 23॥

অনুস্বারে বিবৃত্ত্যাং তু বিরামে চাক্ষরদ্বযে ।
দ্বিরোষ্ঠ্যৌ তু বিগৃহ্ণীযাদ্যত্রোকারবকারযোঃ ॥ 24॥

ব্যাঘ্রী যথা হরেত্পুত্রান্দংষ্ট্রাভ্যাং ন চ পীডযেত্ ।
ভীতা পতনভেদাভ্যাং তদ্বদ্বর্ণান্প্রযোজযেত্ ॥ 25॥

যথা সৌরাষ্ট্রিকা নারী তক্রঁ ইত্যভিভাষতে ।
এবং রঙ্গাঃ প্রযোক্তব্যাঃ খে অরাঁ ইব খেদযা ॥ 26॥

রঙ্গবর্ণং প্রযুঞ্জীরন্নো গ্রসেত্পূর্বমক্ষরম্ ।
দীর্ঘস্বরং প্রযুঞ্জীযাত্পশ্চান্নাসিক্যমাচরেত্ ॥ 27॥

হৃদযে চৈকমাত্রস্ত্বর্দ্ধমাত্রস্তু মূর্দ্ধনি ।
নাসিকাযাং তথার্দ্ধং চ রঙ্গস্যৈবং দ্বিমাত্রতা ॥ 28॥

হৃদযাদুত্করে তিষ্ঠন্কাংস্যেন সমনুস্বরন্ ।
মার্দবং চ দ্বিমাত্রং চ জঘন্বাঁ ইতি নিদর্শনম্ ॥ 29॥

মধ্যে তু কম্পযেত্কম্পমুভৌ পার্শ্বৌ সমৌ ভবেত্ ।
সরঙ্গং কম্পযেত্কম্পং রথীবেতি নিদর্শনম্ ॥ 30॥

এবং বর্ণাঃ প্রযোক্তব্যা নাব্যক্তা ন চ পীডিতাঃ ।
সম্যগ্বর্ণপ্রযোগেণ ব্রহ্মলোকে মহীযতে ॥ 31॥

গীতী শীঘ্রী শিরঃকম্পী তথা লিখিতপাঠকঃ ।
অনর্থজ্ঞোঽল্পকণ্ঠশ্চ ষডেতে পাঠকাধমাঃ ॥ 32॥

মাধুর্যমক্ষরব্যক্তিঃ পদচ্ছেদস্তু সুস্বরঃ ।
ধৈর্যং লযসমর্থং চ ষডেতে পাঠকা গুণাঃ ॥ 33॥

শঙ্কিতং ভীতিমুদ্ঘৃষ্টমব্যক্তমনুনাসিকম্ ।
কাকস্বরং শিরসিগং তথা স্থানবিবজির্তম্ ॥ 34॥

উপাংশুদষ্টং ত্বরিতং নিরস্তং বিলম্বিতং গদ্গদিতং প্রগীতম্ ।
নিষ্পীডিতং গ্রস্তপদাক্ষরং চ বদেন্ন দীনং ন তু সানুনাস্যম্ ॥ 35॥

প্রাতঃ পঠেন্নিত্যমুরঃস্থিতেন স্বরেণ শার্দূলরুতোপমেন ।
মধ্যন্দিনে কণ্ঠগতেন চৈব চক্রাহ্বসঙ্কূজিতসন্নিভেন ॥ 36॥

তারং তু বিদ্যাত্সবনং তৃতীযং শিরোগতং তচ্চ সদা প্রযোজ্যম্ ।
মযূরহংসান্যভৃতস্বরাণাং তুল্যেন নাদেন শিরঃস্থিতেন ॥ 37॥

অচোঽস্পৃষ্টা যণস্ত্বীষন্নেমস্পৃষ্টাঃ শলঃ স্মৃতাঃ ।
শেষাঃ স্পৃষ্টা হলঃ প্রোক্তা নিবোধানুপ্রদানতঃ ॥ 38॥

ঞমোনুনাসিকা ন হ্রৌ নাদিনো হঝষঃ স্মৃতাঃ ।
ঈষন্নাদা যণো জশঃ শ্বাসিনস্তু খফাদযঃ ॥ 39॥

ঈষচ্ছ্বাসাংশ্চরো বিদ্যাদ্গোর্ধামৈতত্প্রচক্ষতে ।
দাক্ষীপুত্রপাণিনিনা যেনেদং ব্যাপিতং ভুবি ॥ 40॥

ছন্দঃ পাদৌ তু বেদস্য হস্তৌ কল্পোঽথ পঠ্যতে ।
জ্যোতিষামযনং চক্ষুর্নিরুক্তং শ্রোত্রমুচ্যতে ॥ 41॥

শিক্ষা ঘ্রাণং তু বেদস্য মুখং ব্যাকরণং স্মৃতম্ ।
তস্মাত্সাঙ্গমধীত্যৈব ব্রহ্মলোকে মহীযতে ॥ 42॥

উদাত্তমাখ্যাতি বৃষোঽঙ্গুলীনাং প্রদেশিনীমূলনিবিষ্টমূর্ধা ।
উপান্তমধ্যে স্বরিতং দ্রুতং চ কনিষ্ঠকাযামনুদাত্তমেব ॥ 43॥

উদাত্তং প্রদেশিনীং বিদ্যাত্প্রচযং মধ্যতোঽঙ্গুলিম্ ।
নিহতং তু কনিষ্ঠিক্যাং স্বরিতোপকনিষ্ঠিকাম্ ॥ 44॥

অন্তোদাত্তমাদ্যুদাত্তমুদাত্তমনুদাত্তং নীচস্বরিতম্ ।
মধ্যোদাত্তং স্বরিতং দ্ব্যুদাত্তং ত্র্যুদাত্তমিতি নবপদশয্যা ॥ 45॥

অগ্নিঃ সোমঃ প্র বো বীর্যং হবিষাং স্বর্বৃহস্পতিরিন্দ্রাবৃহস্পতী ।
অগ্নিরিত্যন্তোদাত্তং সোম ইত্যাদ্যুদাত্তম্ ।
প্রেত্যুদাত্তং ব ইত্যনুদাত্তং বীর্যং নীচস্বরিতম্ ॥ 46॥

হবিষাং মধ্যোদাত্তং স্বরিতি স্বরিতম্ ।
বৃহস্পতিরিতি দ্ব্যুদাত্তমিন্দ্রাবৃহস্পতী ইতি ত্র্যুদাত্তম্ ॥ 47॥

অনুদাত্তো হৃদি জ্ঞেযো মূর্ধ্ন্যুদাত্ত উদাহৃতঃ ।
স্বরিতঃ কর্ণমূলীযঃ সর্বাস্যে প্রচযঃ স্মৃতঃ ॥ 48॥

চাষস্তু বদতে মাত্রাং দ্বিমাত্রং চৈব বাযসঃ ।
শিখী রৌতি ত্রিমাত্রং তু নকুলস্ত্বর্ধমাত্রকম্ ॥ 49॥

কুতীর্থাদাগতং দগ্ধমপবর্ণং চ ভক্ষিতম্ ।
ন তস্য পাঠে মোক্ষোঽস্তি পাপাহেরিব কিল্বিষাত্ ॥ 50॥

সুতীর্থাদগতং ব্যক্তং স্বাম্নায্যং সুব্যবস্থিতম্ ।
সুস্বরেণ সুবক্ত্রেণ প্রযুক্তং ব্রহ্ম রাজতে ॥ 51॥

মন্ত্রো হীনঃ স্বরতো বর্ণতো বা মিথ্যাপ্রযুক্তো ন তমর্থমাহ ।
স বাগ্বজ্রো যজমানং হিনস্তি যথেন্দ্রশত্রুঃ স্বরতোঽপরাধাত্ ॥
অনক্ষরং হতাযুষ্যং বিস্বরং ব্যাধিপীডিতম্ ।
অক্ষতা শস্ত্ররূপেণ বজ্রং পততি মস্তকে ॥ 53॥

হস্তহীনং তু যোঽধীতে স্বরবর্ণবিবর্জিতম্ ।
ঋগ্যজুঃসামভির্দগ্ধো বিযোনিমধিগচ্ছতি ॥ 54॥

হস্তেন বেদং যোঽধীতে স্বরবর্ণর্থসংযুতম্ ।
ঋগ্যজুঃসামভিঃ পূতো ব্রহ্মলোকে মহীযতে ॥ 55॥

শঙ্করঃ শাঙ্করীং প্রাদাদ্দাক্ষীপুত্রায ধীমতে ।
বাঙ্মযেভ্যঃ সমাহৃত্য দেবীং বাচমিতি স্থিতিঃ ॥ 56॥

যেনাক্ষরসমাম্নাযমধিগম্য মহেশ্বরাত্ ।
কৃত্স্নং ব্যাকরণং প্রোক্তং তস্মৈ পাণিনযে নমঃ ॥ 57॥

যেন ধৌতা গিরঃ পুংসাং বিমলৈঃ শব্দবারিভিঃ ।
তমশ্চাজ্ঞানজং ভিন্নং তস্মৈ পাণিনযে নমঃ ॥ 58॥

অজ্ঞানান্ধস্য লোকস্য জ্ঞানাঞ্জনশলাকযা ।
চক্ষুরুন্মীলিতং যেন তস্মৈ পাণিনযে নমঃ ॥ 59॥

ত্রিনযনমভিমুখনিঃসৃতামিমাং য ইহ পঠেত্প্রযতশ্চ সদা দ্বিজঃ ।
স ভবতি ধনধান্যপশুপুত্রকীর্তিমান্ অতুলং চ সুখং সমশ্নুতে দিবীতি দিবীতি ॥ 60॥

॥ ইতি বেদাঙ্গনাসিকা অথবা পাণিনীযশিক্ষা সমাপ্তা ॥

পাণিনীয শিক্ষা

অথ শিক্ষাং প্রবক্ষ্যামি পাণিনীযং মতং যথা ।

Explore More

অথ শিক্ষাং প্রবক্ষ্যামি পাণিনীযং মতং যথা ।

More Shiva Stotras

Explore More