অধ্যায 1
বল্লী 3
ঋত-ম্পিবন্তৌ সুকৃতস্য লোকে গুহা-ম্প্রবিষ্টৌ পরমে পরার্ধে।
ছাযাতপৌ ব্রহ্মবিদো বদন্তি পঞ্চাগ্নযো যে চ ত্রিণাচিকেতাঃ ॥1॥
ঋত-ম্পিবন্তৌ সুকৃতস্য লোকে গুহা-ম্প্রবিষ্টৌ পরমে পরার্ধে।
ছাযাতপৌ ব্রহ্মবিদো বদন্তি পঞ্চাগ্নযো যে চ ত্রিণাচিকেতাঃ ॥1॥
য-স্সেতুরীজানানামক্ষর-ম্ব্রহ্ম যত্পরম্।
অভয-ন্তিতীর্ষতা-ম্পার-ন্নাচিকেতং শকেমহি ॥2॥
অভয-ন্তিতীর্ষতা-ম্পার-ন্নাচিকেতং শকেমহি ॥2॥
আত্মানং রথিনং-বিঁদ্ধি শরীরং রথমেব তু।
বুদ্ধি-ন্তু সারথিং-বিঁদ্ধি মনঃ প্রগ্রহমেব চ ॥3॥
বুদ্ধি-ন্তু সারথিং-বিঁদ্ধি মনঃ প্রগ্রহমেব চ ॥3॥
ইন্দ্রিযাণি হযানাহুর্বিষযাংস্তেষু গোচরান্।
আত্মেন্দ্রিযমনোযুক্ত-ম্ভোক্তেত্যাহুর্মনীষিণঃ ॥4॥
আত্মেন্দ্রিযমনোযুক্ত-ম্ভোক্তেত্যাহুর্মনীষিণঃ ॥4॥
যস্ত্ববিজ্ঞানবান্ভবত্যযুক্তেন মনসা সদা।
তস্যেন্দ্রিযাণ্যবশ্যানি দুষ্টাশ্বা ইব সারথেঃ ॥5॥
তস্যেন্দ্রিযাণ্যবশ্যানি দুষ্টাশ্বা ইব সারথেঃ ॥5॥
যস্তু বিজ্ঞানবান্ভবতি যুক্তেন মনসা সদা।
তস্যেন্দ্রিযাণি বশ্যানি সদশ্বা ইব সারথেঃ ॥6॥
তস্যেন্দ্রিযাণি বশ্যানি সদশ্বা ইব সারথেঃ ॥6॥
যস্ত্ববিজ্ঞানবান্ভবত্যমনস্ক-স্সদা-ঽশুচিঃ।
ন স তত্পদমাপ্নোতি সংসার-ঞ্চাধিগচ্ছতি ॥7॥
ন স তত্পদমাপ্নোতি সংসার-ঞ্চাধিগচ্ছতি ॥7॥
যস্তু বিজ্ঞানবান্ভবতি সমনস্ক-স্সদা শুচিঃ।
স তু তত্পদমাপ্নোতি যস্মাদ্ ভূযো ন জাযতে ॥8॥
স তু তত্পদমাপ্নোতি যস্মাদ্ ভূযো ন জাযতে ॥8॥
বিজ্ঞানসারথির্যস্তু মনঃ প্রগ্রহবান্নরঃ।
সো-ঽধ্বনঃ পারমাপ্নোতি তদ্বিষ্ণোঃ পরম-ম্পদম্ ॥9॥
সো-ঽধ্বনঃ পারমাপ্নোতি তদ্বিষ্ণোঃ পরম-ম্পদম্ ॥9॥
ইন্দ্রিযেভ্যঃ পরা হ্যর্থা অর্থেভ্যশ্চ পর-ম্মনঃ।
মনসস্তু পরা বুদ্ধির্বুদ্ধেরাত্মা মহান্পরঃ ॥10॥
মনসস্তু পরা বুদ্ধির্বুদ্ধেরাত্মা মহান্পরঃ ॥10॥
মহতঃ পরমব্যক্তমব্যক্তাত্পুরুষঃ পরঃ।
পুরুষান্ন পর-ঙ্কিঞ্চিত্সা কাষ্ঠা সা পরা গতিঃ ॥11॥
পুরুষান্ন পর-ঙ্কিঞ্চিত্সা কাষ্ঠা সা পরা গতিঃ ॥11॥
এষ সর্বেষু ভূতেষু গূঢো-ঽঽত্মা ন প্রকাশতে।
দৃশ্যতে ত্বগ্র্যযা বুদ্ধ্যা সূক্ষ্মযা সূক্ষ্মদর্শিভিঃ ॥12॥
দৃশ্যতে ত্বগ্র্যযা বুদ্ধ্যা সূক্ষ্মযা সূক্ষ্মদর্শিভিঃ ॥12॥
যচ্ছেদ্বাঙ্মনসী প্রাজ্ঞস্তদ্যচ্ছেজ্জ্ঞান আত্মনি।
জ্ঞানমাত্মনি মহতি নিযচ্ছেত্তদ্যচ্ছেচ্ছান্ত আত্মনি ॥13॥
জ্ঞানমাত্মনি মহতি নিযচ্ছেত্তদ্যচ্ছেচ্ছান্ত আত্মনি ॥13॥
উত্তিষ্ঠত জাগ্রত প্রাপ্য বরান্নিবোধত।
ক্ষুরস্য ধারা নিশিতা দুরত্যযা দুর্গ-ম্পথস্তত্কবযো বদন্তি ॥14॥
ক্ষুরস্য ধারা নিশিতা দুরত্যযা দুর্গ-ম্পথস্তত্কবযো বদন্তি ॥14॥
অশব্দমস্পর্শমরূপমব্যয-ন্তথা-ঽরস-ন্নিত্যমগন্ধবচ্চ যত্।
অনাদ্যনন্ত-ম্মহতঃ পর-ন্ধ্রুব-ন্নিচায্য তন্মৃত্যুমুখা-ত্প্রমুচ্যতে ॥15॥
অনাদ্যনন্ত-ম্মহতঃ পর-ন্ধ্রুব-ন্নিচায্য তন্মৃত্যুমুখা-ত্প্রমুচ্যতে ॥15॥
নাচিকেতমুপাখ্যান-ম্মৃত্যুপ্রোক্তং সনাতনম্।
উক্ত্বা শ্রুত্বা চ মেধাবী ব্রহ্মলোকে মহীযতে ॥16॥
উক্ত্বা শ্রুত্বা চ মেধাবী ব্রহ্মলোকে মহীযতে ॥16॥
য ইম-ম্পরম-ঙ্গুহ্যং শ্রাবযেদ্ ব্রহ্মসংসদি।
প্রযত-শ্শ্রাদ্ধকালে বা তদানন্ত্যায কল্পতে।
তদানন্ত্যায কল্পত ইতি ॥17॥
প্রযত-শ্শ্রাদ্ধকালে বা তদানন্ত্যায কল্পতে।
তদানন্ত্যায কল্পত ইতি ॥17॥