॥ পঞ্চমঃ সর্গঃ ॥
॥ সাকাঙ্ক্ষপুণ্ডরীকাক্ষঃ ॥
অহমিহ নিবসামি যাহি রাধাং অনুনয মদ্বচনেন চানযেথাঃ ।
ইতি মধুরিপুণা সখী নিযুক্তা স্বযমিদমেত্য পুনর্জগাদ রাধাম্ ॥ 31 ॥
॥ গীতং 10 ॥
বহতি মলযসমীরে মদনমুপনিধায ।
স্ফুটতি কুসুমনিকরে বিরহিহৃদযদলনায ॥
তব বিরহে বনমালী সখি সীদতি ॥ 1 ॥
দহতি শিশিরমযূখে মরণমনুকরোতি ।
পততি মদনবিশিখে বিলপতি বিকলতরোঽতি ॥ 2 ॥
ধ্বনতি মধুপসমূহে শ্রবণমপিদধাতি ।
মনসি চলিতবিরহে নিশি নিশি রুজমুপযাতি ॥ 3 ॥
বসতি বিপিনবিতানে ত্যজতি ললিতধাম ।
লুঠতি ধরণিশযনে বহু বিলপতি তব নাম ॥ 4 ॥
রণতি পিকসমবাযে প্রতিদিশমনুযাতি ।
হসতি মনুজনিচযে বিরহমপলপতি নেতি ॥ 5 ॥
স্ফুরতি কলরবরাবে স্মরতি মণিতমেব।
তবরতিসুখবিভবে গণযতি সুগুণমতীব ॥ 6 ॥
ত্বদভিধশুভদমাসং বদতি নরি শৃণোতি ।
তমপি জপতি সরসং যুবতিষু ন রতিমুপৈতি ॥ 7 ॥
ভণতি কবিজযদেবে বিরহবিলসিতেন ।
মনসি রভসবিভবে হরিরুদযতু সুকৃতেন ॥ 8 ॥
পূর্বং যত্র সমং ত্বযা রতিপতেরাসাদিতঃ সিদ্ধয-স্তস্মিন্নেব নিকুঞ্জমন্মথমহাতীর্থে পুনর্মাধবঃ ।
ধ্যাযংস্ত্বামনিশং জপন্নপি তবৈবালাপমন্ত্রাবলীং ভূযস্ত্বত্কুচকুম্ভনির্ভরপরীরম্ভামৃতং বাঞ্ছতি ॥ 32 ॥
॥ গীতং 11 ॥
রতিসুখসারে গতমভিসারে মদনমনোহরবেশম্ ।
ন কুরু নিতম্বিনি গমনবিলম্বনমনুসর তং হৃদযেশম্ ॥
ধীরসমীরে যমুনাতীরে বসতি বনে বনমালী ॥ 1 ॥
নাম সমেতং কৃতসঙ্কেতং বাদযতে মৃদুবেণুম্ ।
বহু মনুতে ননু তে তনুসঙ্গতপবনচলিতমপি রেণুম্ ॥ 2 ॥
পততি পতত্রে বিচলতি পত্রে শঙ্কিতভবদুপযানম্ ।
রচযতি শযনং সচকিতনযনং পশ্যতি তব পন্থানম্ ॥ 3 ॥
মুখরমধীরং ত্যজ মঞ্জীরং রিপুমিব কেলিষুলোলম্ ।
চল সখি কুঞ্জং সতিমিরপুঞ্জং শীলয নীলনিচোলম্ ॥ 4 ॥
উরসি মুরারেরুপহিতহারে ঘন ইব তরলবলাকে ।
তটিদিব পীতে রতিবিপরীতে রাজসি সুকৃতবিপাকে ॥ 5 ॥
বিগলিতবসনং পরিহৃতরসনং ঘটয জঘনমপিধানম্ ।
কিসলযশযনে পঙ্কজনযনে নিধিমিব হর্ষনিদানম্ ॥ 6 ॥
হরিরভিমানী রজনিরিদানীমিযমপি যাতি বিরামম্ ।
কুরু মম বচনং সত্বররচনং পূরয মধুরিপুকামম্ ॥ 7 ॥
শ্রীজযদেবে কৃতহরিসেবে ভণতি পরমরমণীযম্ ।
প্রমুদিতহৃদযং হরিমতিসদযং নমত সুকৃতকমনীযম্ ॥ 8 ॥
বিকিরতি মুহুঃ শ্বাসান্দিশঃ পুরো মুহুরীক্ষতে প্রবিশতি মুহুঃ কুঞ্জং গুঞ্জন্মুহুর্বহু তাম্যতি ।
রচযতি মুহুঃ শয্যাং পর্যাকুলং মুহুরীক্ষতে মদনকদনক্লান্তঃ কান্তে প্রিযস্তব বর্ততে ॥ 33 ॥
ত্বদ্বাম্যেন সমং সমগ্রমধুনা তিগ্মাংশুরস্তং গতো গোবিন্দস্য মনোরথেন চ সমং প্রাপ্তং তমঃ সান্দ্রতাম্ ।
কোকানাং করুণস্বনেন সদৃশী দীর্ঘা মদভ্যর্থনা তন্মুগ্ধে বিফলং বিলম্বনমসৌ রম্যোঽভিসারক্ষণঃ ॥ 34 ॥
আশ্লেষাদনু চুম্বনাদনু নখোল্লেখাদনু স্বান্তজ-প্রোদ্বোধাদনু সম্ভ্রমাদনু রতারম্ভাদনু প্রীতযোঃ ।
অন্যার্থং গতযোর্ভ্রমান্মিলিতযোঃ সম্ভাষণৈর্জানতো-র্দম্পত্যোরিহ কো ন কো ন তমসি ব্রীডাবিমিশ্রো রসঃ ॥ 35 ॥
সভযচকিতং বিন্যস্যন্তীং দৃশৌ তিমিরে পথি প্রতিতরু মুহুঃ স্থিত্বা মন্দং পদানি বিতন্বতীম্ ।
কথমপি রহঃ প্রাপ্তামঙ্গৈরনঙ্গতরঙ্গিভিঃ সুমুখি সুভগঃ পশ্যন্স ত্বামুপৈতু কৃতার্থতাম্ ॥ 36 ॥
রাধামুগ্ধমুখারবিন্দমধুপস্ত্রৈলোক্যমৌলিস্থলী নেপথ্যোচিতনীলরত্নমবনীভারাবতারান্তকঃ।
স্বচ্ছন্দং ব্রজসুব্দরীজনমনস্তোষপ্রদোষোদযঃ কংসধ্বংসনধূমকেতুরবতু ত্বাং দেবকীনন্দনঃ॥ 36 + 1 ॥
অহমিহ নিবসামি যাহি রাধাং অনুনয মদ্বচনেন চানযেথাঃ ।
ইতি মধুরিপুণা সখী নিযুক্তা স্বযমিদমেত্য পুনর্জগাদ রাধাম্ ॥ 31 ॥
॥ গীতং 10 ॥
বহতি মলযসমীরে মদনমুপনিধায ।
স্ফুটতি কুসুমনিকরে বিরহিহৃদযদলনায ॥
তব বিরহে বনমালী সখি সীদতি ॥ 1 ॥
দহতি শিশিরমযূখে মরণমনুকরোতি ।
পততি মদনবিশিখে বিলপতি বিকলতরোঽতি ॥ 2 ॥
ধ্বনতি মধুপসমূহে শ্রবণমপিদধাতি ।
মনসি চলিতবিরহে নিশি নিশি রুজমুপযাতি ॥ 3 ॥
বসতি বিপিনবিতানে ত্যজতি ললিতধাম ।
লুঠতি ধরণিশযনে বহু বিলপতি তব নাম ॥ 4 ॥
রণতি পিকসমবাযে প্রতিদিশমনুযাতি ।
হসতি মনুজনিচযে বিরহমপলপতি নেতি ॥ 5 ॥
স্ফুরতি কলরবরাবে স্মরতি মণিতমেব।
তবরতিসুখবিভবে গণযতি সুগুণমতীব ॥ 6 ॥
ত্বদভিধশুভদমাসং বদতি নরি শৃণোতি ।
তমপি জপতি সরসং যুবতিষু ন রতিমুপৈতি ॥ 7 ॥
ভণতি কবিজযদেবে বিরহবিলসিতেন ।
মনসি রভসবিভবে হরিরুদযতু সুকৃতেন ॥ 8 ॥
পূর্বং যত্র সমং ত্বযা রতিপতেরাসাদিতঃ সিদ্ধয-স্তস্মিন্নেব নিকুঞ্জমন্মথমহাতীর্থে পুনর্মাধবঃ ।
ধ্যাযংস্ত্বামনিশং জপন্নপি তবৈবালাপমন্ত্রাবলীং ভূযস্ত্বত্কুচকুম্ভনির্ভরপরীরম্ভামৃতং বাঞ্ছতি ॥ 32 ॥
॥ গীতং 11 ॥
রতিসুখসারে গতমভিসারে মদনমনোহরবেশম্ ।
ন কুরু নিতম্বিনি গমনবিলম্বনমনুসর তং হৃদযেশম্ ॥
ধীরসমীরে যমুনাতীরে বসতি বনে বনমালী ॥ 1 ॥
নাম সমেতং কৃতসঙ্কেতং বাদযতে মৃদুবেণুম্ ।
বহু মনুতে ননু তে তনুসঙ্গতপবনচলিতমপি রেণুম্ ॥ 2 ॥
পততি পতত্রে বিচলতি পত্রে শঙ্কিতভবদুপযানম্ ।
রচযতি শযনং সচকিতনযনং পশ্যতি তব পন্থানম্ ॥ 3 ॥
মুখরমধীরং ত্যজ মঞ্জীরং রিপুমিব কেলিষুলোলম্ ।
চল সখি কুঞ্জং সতিমিরপুঞ্জং শীলয নীলনিচোলম্ ॥ 4 ॥
উরসি মুরারেরুপহিতহারে ঘন ইব তরলবলাকে ।
তটিদিব পীতে রতিবিপরীতে রাজসি সুকৃতবিপাকে ॥ 5 ॥
বিগলিতবসনং পরিহৃতরসনং ঘটয জঘনমপিধানম্ ।
কিসলযশযনে পঙ্কজনযনে নিধিমিব হর্ষনিদানম্ ॥ 6 ॥
হরিরভিমানী রজনিরিদানীমিযমপি যাতি বিরামম্ ।
কুরু মম বচনং সত্বররচনং পূরয মধুরিপুকামম্ ॥ 7 ॥
শ্রীজযদেবে কৃতহরিসেবে ভণতি পরমরমণীযম্ ।
প্রমুদিতহৃদযং হরিমতিসদযং নমত সুকৃতকমনীযম্ ॥ 8 ॥
বিকিরতি মুহুঃ শ্বাসান্দিশঃ পুরো মুহুরীক্ষতে প্রবিশতি মুহুঃ কুঞ্জং গুঞ্জন্মুহুর্বহু তাম্যতি ।
রচযতি মুহুঃ শয্যাং পর্যাকুলং মুহুরীক্ষতে মদনকদনক্লান্তঃ কান্তে প্রিযস্তব বর্ততে ॥ 33 ॥
ত্বদ্বাম্যেন সমং সমগ্রমধুনা তিগ্মাংশুরস্তং গতো গোবিন্দস্য মনোরথেন চ সমং প্রাপ্তং তমঃ সান্দ্রতাম্ ।
কোকানাং করুণস্বনেন সদৃশী দীর্ঘা মদভ্যর্থনা তন্মুগ্ধে বিফলং বিলম্বনমসৌ রম্যোঽভিসারক্ষণঃ ॥ 34 ॥
আশ্লেষাদনু চুম্বনাদনু নখোল্লেখাদনু স্বান্তজ-প্রোদ্বোধাদনু সম্ভ্রমাদনু রতারম্ভাদনু প্রীতযোঃ ।
অন্যার্থং গতযোর্ভ্রমান্মিলিতযোঃ সম্ভাষণৈর্জানতো-র্দম্পত্যোরিহ কো ন কো ন তমসি ব্রীডাবিমিশ্রো রসঃ ॥ 35 ॥
সভযচকিতং বিন্যস্যন্তীং দৃশৌ তিমিরে পথি প্রতিতরু মুহুঃ স্থিত্বা মন্দং পদানি বিতন্বতীম্ ।
কথমপি রহঃ প্রাপ্তামঙ্গৈরনঙ্গতরঙ্গিভিঃ সুমুখি সুভগঃ পশ্যন্স ত্বামুপৈতু কৃতার্থতাম্ ॥ 36 ॥
রাধামুগ্ধমুখারবিন্দমধুপস্ত্রৈলোক্যমৌলিস্থলী নেপথ্যোচিতনীলরত্নমবনীভারাবতারান্তকঃ।
স্বচ্ছন্দং ব্রজসুব্দরীজনমনস্তোষপ্রদোষোদযঃ কংসধ্বংসনধূমকেতুরবতু ত্বাং দেবকীনন্দনঃ॥ 36 + 1 ॥
॥ ইতি শ্রীগীতগোবিন্দেঽভিসারিকবর্ণনে সাকাঙ্ক্ষপুণ্ডরীকাক্ষো নাম পঞ্চমঃ সর্গঃ ॥