॥ చతుర్థః సర్గః ॥
॥ స్నిగ్ధమధుసూదనః ॥
యమునాతీరవానీరనికుఞ్జే మన్దమాస్థితమ్ ।
ప్రాహ ప్రేమభరోద్భ్రాన్తం మాధవం రాధికాసఖీ ॥ 25 ॥
॥ గీతం 8 ॥
నిన్దతి చన్దనమిన్దుకిరణమను విన్దతి ఖేదమధీరమ్ ।
వ్యాలనిలయమిలనేన గరలమివ కలయతి మలయసమీరమ్ ॥
సా విరహే తవ దీనా మాధవ మనసిజవిశిఖభయాదివ భావనయా త్వయి లీనా ॥ 1 ॥
అవిరలనిపతితమదనశరాదివ భవదవనాయ విశాలమ్ ।
స్వహృదయర్మణీ వర్మ కరోతి సజలనలినీదలజాలమ్ ॥ 2 ॥
కుసుమవిశిఖశరతల్పమనల్పవిలాసకలాకమనీయమ్ ।
వ్రతమివ తవ పరిరమ్భసుఖాయ కరోతి కుసుమశయనీయమ్ ॥ 3 ॥
వహతి చ గలితవిలోచనజలభరమాననకమలముదారమ్ ।
విధుమివ వికటవిధున్తుదదన్తదలనగలితామృతధారమ్ ॥ 4 ॥
విలిఖతి రహసి కురఙ్గమదేన భవన్తమసమశరభూతమ్ ।
ప్రణమతి మకరమధో వినిధాయ కరే చ శరం నవచూతమ్ ॥ 5 ॥
ప్రతిపదమిదమపి నిగతతి మాధవ తవ చరణే పతితాహమ్ ।
త్వయి విముఖే మయి సపది సుధానిధిరపి తనుతే తనుదాహమ్ ॥ 6 ॥
ధ్యానలయేన పురః పరికల్ప్య భవన్తమతీవ దురాపమ్ ।
విలపతి హసతి విషీదతి రోదితి చఞ్చతి ముఞ్చతి తాపమ్ ॥ 7 ॥
శ్రీజయదేవభణితమిదమధికం యది మనసా నటనీయమ్ ।
హరివిరహాకులబల్లవయువతిసఖీవచనం పఠనీయమ్ ॥ 8 ॥
ఆవాసో విపినాయతే ప్రియసఖీమాలాపి జాలాయతే తాపోఽపి శ్వసితేన దావదహనజ్వాలాకలాపాయతే ।
సాపి త్వద్విరహేణ హన్త హరిణీరూపాయతే హా కథం కన్దర్పోఽపి యమాయతే విరచయఞ్శార్దూలవిక్రీడితమ్ ॥ 26 ॥
॥ గీతం 9 ॥
స్తనవినిహితమపి హారముదారమ్ ।
సా మనుతే కృశతనురతిభారమ్ ॥
రాధికా విరహే తవ కేశవ ॥ 1 ॥
సరసమసృణమపి మలయజపఙ్కమ్ ।
పశ్యతి విషమివ వపుషి సశఙ్కమ్ ॥ 2 ॥
శ్వసితపవనమనుపమపరిణాహమ్ ।
మదనదహనమివ వహతి సదాహమ్ ॥ 3 ॥
దిశి దిశి కిరతి సజలకణజాలమ్ ।
నయననలినమివ విగలితనాలమ్ ॥ 4 ॥
నయనవిషయమపి కిసలయతల్పమ్ ।
కలయతి విహితహుతాశవికల్పమ్ ॥ 5 ॥
త్యజతి న పాణితలేన కపోలమ్ ।
బాలశశినమివ సాయమలోలమ్ ॥ 6 ॥
హరిరితి హరిరితి జపతి సకామమ్ ।
విరహవిహితమరణేన నికామమ్ ॥ 7 ॥
శ్రీజయదేవభణితమితి గీతమ్ ।
సుఖయతు కేశవపదముపునీతమ్ ॥ 8 ॥
సా రోమాఞ్చతి సీత్కరోతి విలపత్యుత్క్మ్పతే తామ్యతి ధ్యాయత్యుద్భ్రమతి ప్రమీలతి పతత్యుద్యాతి మూర్చ్ఛత్యపి ।
ఏతావత్యతనుజ్వరే వరతనుర్జీవేన్న కిం తే రసాత్ స్వర్వైద్యప్రతిమ ప్రసీదసి యది త్యక్తోఽన్యథా నాన్తకః ॥ 27 ॥
స్మరాతురాం దైవతవైద్యహృద్య త్వదఙ్గసఙ్గామృతమాత్రసాధ్యామ్ ।
విముక్తబాధాం కురుషే న రాధా-ముపేన్ద్ర వజ్రాదపి దారుణోఽసి ॥ 28 ॥
కన్దర్పజ్వరసఞ్జ్వరస్తురతనోరాశ్చర్యమస్యాశ్చిరం చేతశ్చన్దనచన్ద్రమఃకమలినీచిన్తాసు సన్తామ్యతి ।
కిన్తు క్లాన్తివశేన శీతలతనుం త్వామేకమేవ ప్రియం ధ్యాయన్తీ రహసి స్థితా కథమపి క్షీణా క్షణం ప్రాణితి ॥ 29 ॥
క్షణమపి విరహః పురా న సేహే నయననిమీలనఖిన్నయా యయా తే ।
శ్వసితి కథమసౌ రసాలశాఖాం చిరవిరహేణ విలోక్య పుష్పితాగ్రామ్ ॥ 30 ॥
యమునాతీరవానీరనికుఞ్జే మన్దమాస్థితమ్ ।
ప్రాహ ప్రేమభరోద్భ్రాన్తం మాధవం రాధికాసఖీ ॥ 25 ॥
॥ గీతం 8 ॥
నిన్దతి చన్దనమిన్దుకిరణమను విన్దతి ఖేదమధీరమ్ ।
వ్యాలనిలయమిలనేన గరలమివ కలయతి మలయసమీరమ్ ॥
సా విరహే తవ దీనా మాధవ మనసిజవిశిఖభయాదివ భావనయా త్వయి లీనా ॥ 1 ॥
అవిరలనిపతితమదనశరాదివ భవదవనాయ విశాలమ్ ।
స్వహృదయర్మణీ వర్మ కరోతి సజలనలినీదలజాలమ్ ॥ 2 ॥
కుసుమవిశిఖశరతల్పమనల్పవిలాసకలాకమనీయమ్ ।
వ్రతమివ తవ పరిరమ్భసుఖాయ కరోతి కుసుమశయనీయమ్ ॥ 3 ॥
వహతి చ గలితవిలోచనజలభరమాననకమలముదారమ్ ।
విధుమివ వికటవిధున్తుదదన్తదలనగలితామృతధారమ్ ॥ 4 ॥
విలిఖతి రహసి కురఙ్గమదేన భవన్తమసమశరభూతమ్ ।
ప్రణమతి మకరమధో వినిధాయ కరే చ శరం నవచూతమ్ ॥ 5 ॥
ప్రతిపదమిదమపి నిగతతి మాధవ తవ చరణే పతితాహమ్ ।
త్వయి విముఖే మయి సపది సుధానిధిరపి తనుతే తనుదాహమ్ ॥ 6 ॥
ధ్యానలయేన పురః పరికల్ప్య భవన్తమతీవ దురాపమ్ ।
విలపతి హసతి విషీదతి రోదితి చఞ్చతి ముఞ్చతి తాపమ్ ॥ 7 ॥
శ్రీజయదేవభణితమిదమధికం యది మనసా నటనీయమ్ ।
హరివిరహాకులబల్లవయువతిసఖీవచనం పఠనీయమ్ ॥ 8 ॥
ఆవాసో విపినాయతే ప్రియసఖీమాలాపి జాలాయతే తాపోఽపి శ్వసితేన దావదహనజ్వాలాకలాపాయతే ।
సాపి త్వద్విరహేణ హన్త హరిణీరూపాయతే హా కథం కన్దర్పోఽపి యమాయతే విరచయఞ్శార్దూలవిక్రీడితమ్ ॥ 26 ॥
॥ గీతం 9 ॥
స్తనవినిహితమపి హారముదారమ్ ।
సా మనుతే కృశతనురతిభారమ్ ॥
రాధికా విరహే తవ కేశవ ॥ 1 ॥
సరసమసృణమపి మలయజపఙ్కమ్ ।
పశ్యతి విషమివ వపుషి సశఙ్కమ్ ॥ 2 ॥
శ్వసితపవనమనుపమపరిణాహమ్ ।
మదనదహనమివ వహతి సదాహమ్ ॥ 3 ॥
దిశి దిశి కిరతి సజలకణజాలమ్ ।
నయననలినమివ విగలితనాలమ్ ॥ 4 ॥
నయనవిషయమపి కిసలయతల్పమ్ ।
కలయతి విహితహుతాశవికల్పమ్ ॥ 5 ॥
త్యజతి న పాణితలేన కపోలమ్ ।
బాలశశినమివ సాయమలోలమ్ ॥ 6 ॥
హరిరితి హరిరితి జపతి సకామమ్ ।
విరహవిహితమరణేన నికామమ్ ॥ 7 ॥
శ్రీజయదేవభణితమితి గీతమ్ ।
సుఖయతు కేశవపదముపునీతమ్ ॥ 8 ॥
సా రోమాఞ్చతి సీత్కరోతి విలపత్యుత్క్మ్పతే తామ్యతి ధ్యాయత్యుద్భ్రమతి ప్రమీలతి పతత్యుద్యాతి మూర్చ్ఛత్యపి ।
ఏతావత్యతనుజ్వరే వరతనుర్జీవేన్న కిం తే రసాత్ స్వర్వైద్యప్రతిమ ప్రసీదసి యది త్యక్తోఽన్యథా నాన్తకః ॥ 27 ॥
స్మరాతురాం దైవతవైద్యహృద్య త్వదఙ్గసఙ్గామృతమాత్రసాధ్యామ్ ।
విముక్తబాధాం కురుషే న రాధా-ముపేన్ద్ర వజ్రాదపి దారుణోఽసి ॥ 28 ॥
కన్దర్పజ్వరసఞ్జ్వరస్తురతనోరాశ్చర్యమస్యాశ్చిరం చేతశ్చన్దనచన్ద్రమఃకమలినీచిన్తాసు సన్తామ్యతి ।
కిన్తు క్లాన్తివశేన శీతలతనుం త్వామేకమేవ ప్రియం ధ్యాయన్తీ రహసి స్థితా కథమపి క్షీణా క్షణం ప్రాణితి ॥ 29 ॥
క్షణమపి విరహః పురా న సేహే నయననిమీలనఖిన్నయా యయా తే ।
శ్వసితి కథమసౌ రసాలశాఖాం చిరవిరహేణ విలోక్య పుష్పితాగ్రామ్ ॥ 30 ॥
॥ ఇతి గీతగోవిన్దే స్నిగ్ధమాధవో నామ చతుర్థః సర్గః ॥