॥ ചതുര്ഥഃ സര്ഗഃ ॥
॥ സ്നിഗ്ധമധുസൂദനഃ ॥
യമുനാതീരവാനീരനികുഞ്ജേ മന്ദമാസ്ഥിതമ് ।
പ്രാഹ പ്രേമഭരോദ്ഭ്രാന്തം മാധവം രാധികാസഖീ ॥ 25 ॥
॥ ഗീതം 8 ॥
നിന്ദതി ചന്ദനമിന്ദുകിരണമനു വിന്ദതി ഖേദമധീരമ് ।
വ്യാലനിലയമിലനേന ഗരലമിവ കലയതി മലയസമീരമ് ॥
സാ വിരഹേ തവ ദീനാ മാധവ മനസിജവിശിഖഭയാദിവ ഭാവനയാ ത്വയി ലീനാ ॥ 1 ॥
അവിരലനിപതിതമദനശരാദിവ ഭവദവനായ വിശാലമ് ।
സ്വഹൃദയര്മണീ വര്മ കരോതി സജലനലിനീദലജാലമ് ॥ 2 ॥
കുസുമവിശിഖശരതല്പമനല്പവിലാസകലാകമനീയമ് ।
വ്രതമിവ തവ പരിരമ്ഭസുഖായ കരോതി കുസുമശയനീയമ് ॥ 3 ॥
വഹതി ച ഗലിതവിലോചനജലഭരമാനനകമലമുദാരമ് ।
വിധുമിവ വികടവിധുന്തുദദന്തദലനഗലിതാമൃതധാരമ് ॥ 4 ॥
വിലിഖതി രഹസി കുരങ്ഗമദേന ഭവന്തമസമശരഭൂതമ് ।
പ്രണമതി മകരമധോ വിനിധായ കരേ ച ശരം നവചൂതമ് ॥ 5 ॥
പ്രതിപദമിദമപി നിഗതതി മാധവ തവ ചരണേ പതിതാഹമ് ।
ത്വയി വിമുഖേ മയി സപദി സുധാനിധിരപി തനുതേ തനുദാഹമ് ॥ 6 ॥
ധ്യാനലയേന പുരഃ പരികല്പ്യ ഭവന്തമതീവ ദുരാപമ് ।
വിലപതി ഹസതി വിഷീദതി രോദിതി ചഞ്ചതി മുഞ്ചതി താപമ് ॥ 7 ॥
ശ്രീജയദേവഭണിതമിദമധികം യദി മനസാ നടനീയമ് ।
ഹരിവിരഹാകുലബല്ലവയുവതിസഖീവചനം പഠനീയമ് ॥ 8 ॥
ആവാസോ വിപിനായതേ പ്രിയസഖീമാലാപി ജാലായതേ താപോഽപി ശ്വസിതേന ദാവദഹനജ്വാലാകലാപായതേ ।
സാപി ത്വദ്വിരഹേണ ഹന്ത ഹരിണീരൂപായതേ ഹാ കഥം കന്ദര്പോഽപി യമായതേ വിരചയഞ്ശാര്ദൂലവിക്രീഡിതമ് ॥ 26 ॥
॥ ഗീതം 9 ॥
സ്തനവിനിഹിതമപി ഹാരമുദാരമ് ।
സാ മനുതേ കൃശതനുരതിഭാരമ് ॥
രാധികാ വിരഹേ തവ കേശവ ॥ 1 ॥
സരസമസൃണമപി മലയജപങ്കമ് ।
പശ്യതി വിഷമിവ വപുഷി സശങ്കമ് ॥ 2 ॥
ശ്വസിതപവനമനുപമപരിണാഹമ് ।
മദനദഹനമിവ വഹതി സദാഹമ് ॥ 3 ॥
ദിശി ദിശി കിരതി സജലകണജാലമ് ।
നയനനലിനമിവ വിഗലിതനാലമ് ॥ 4 ॥
നയനവിഷയമപി കിസലയതല്പമ് ।
കലയതി വിഹിതഹുതാശവികല്പമ് ॥ 5 ॥
ത്യജതി ന പാണിതലേന കപോലമ് ।
ബാലശശിനമിവ സായമലോലമ് ॥ 6 ॥
ഹരിരിതി ഹരിരിതി ജപതി സകാമമ് ।
വിരഹവിഹിതമരണേന നികാമമ് ॥ 7 ॥
ശ്രീജയദേവഭണിതമിതി ഗീതമ് ।
സുഖയതു കേശവപദമുപുനീതമ് ॥ 8 ॥
സാ രോമാഞ്ചതി സീത്കരോതി വിലപത്യുത്ക്മ്പതേ താമ്യതി ധ്യായത്യുദ്ഭ്രമതി പ്രമീലതി പതത്യുദ്യാതി മൂര്ച്ഛത്യപി ।
ഏതാവത്യതനുജ്വരേ വരതനുര്ജീവേന്ന കിം തേ രസാത് സ്വര്വൈദ്യപ്രതിമ പ്രസീദസി യദി ത്യക്തോഽന്യഥാ നാന്തകഃ ॥ 27 ॥
സ്മരാതുരാം ദൈവതവൈദ്യഹൃദ്യ ത്വദങ്ഗസങ്ഗാമൃതമാത്രസാധ്യാമ് ।
വിമുക്തബാധാം കുരുഷേ ന രാധാ-മുപേന്ദ്ര വജ്രാദപി ദാരുണോഽസി ॥ 28 ॥
കന്ദര്പജ്വരസഞ്ജ്വരസ്തുരതനോരാശ്ചര്യമസ്യാശ്ചിരം ചേതശ്ചന്ദനചന്ദ്രമഃകമലിനീചിന്താസു സന്താമ്യതി ।
കിന്തു ക്ലാന്തിവശേന ശീതലതനും ത്വാമേകമേവ പ്രിയം ധ്യായന്തീ രഹസി സ്ഥിതാ കഥമപി ക്ഷീണാ ക്ഷണം പ്രാണിതി ॥ 29 ॥
ക്ഷണമപി വിരഹഃ പുരാ ന സേഹേ നയനനിമീലനഖിന്നയാ യയാ തേ ।
ശ്വസിതി കഥമസൌ രസാലശാഖാം ചിരവിരഹേണ വിലോക്യ പുഷ്പിതാഗ്രാമ് ॥ 30 ॥
യമുനാതീരവാനീരനികുഞ്ജേ മന്ദമാസ്ഥിതമ് ।
പ്രാഹ പ്രേമഭരോദ്ഭ്രാന്തം മാധവം രാധികാസഖീ ॥ 25 ॥
॥ ഗീതം 8 ॥
നിന്ദതി ചന്ദനമിന്ദുകിരണമനു വിന്ദതി ഖേദമധീരമ് ।
വ്യാലനിലയമിലനേന ഗരലമിവ കലയതി മലയസമീരമ് ॥
സാ വിരഹേ തവ ദീനാ മാധവ മനസിജവിശിഖഭയാദിവ ഭാവനയാ ത്വയി ലീനാ ॥ 1 ॥
അവിരലനിപതിതമദനശരാദിവ ഭവദവനായ വിശാലമ് ।
സ്വഹൃദയര്മണീ വര്മ കരോതി സജലനലിനീദലജാലമ് ॥ 2 ॥
കുസുമവിശിഖശരതല്പമനല്പവിലാസകലാകമനീയമ് ।
വ്രതമിവ തവ പരിരമ്ഭസുഖായ കരോതി കുസുമശയനീയമ് ॥ 3 ॥
വഹതി ച ഗലിതവിലോചനജലഭരമാനനകമലമുദാരമ് ।
വിധുമിവ വികടവിധുന്തുദദന്തദലനഗലിതാമൃതധാരമ് ॥ 4 ॥
വിലിഖതി രഹസി കുരങ്ഗമദേന ഭവന്തമസമശരഭൂതമ് ।
പ്രണമതി മകരമധോ വിനിധായ കരേ ച ശരം നവചൂതമ് ॥ 5 ॥
പ്രതിപദമിദമപി നിഗതതി മാധവ തവ ചരണേ പതിതാഹമ് ।
ത്വയി വിമുഖേ മയി സപദി സുധാനിധിരപി തനുതേ തനുദാഹമ് ॥ 6 ॥
ധ്യാനലയേന പുരഃ പരികല്പ്യ ഭവന്തമതീവ ദുരാപമ് ।
വിലപതി ഹസതി വിഷീദതി രോദിതി ചഞ്ചതി മുഞ്ചതി താപമ് ॥ 7 ॥
ശ്രീജയദേവഭണിതമിദമധികം യദി മനസാ നടനീയമ് ।
ഹരിവിരഹാകുലബല്ലവയുവതിസഖീവചനം പഠനീയമ് ॥ 8 ॥
ആവാസോ വിപിനായതേ പ്രിയസഖീമാലാപി ജാലായതേ താപോഽപി ശ്വസിതേന ദാവദഹനജ്വാലാകലാപായതേ ।
സാപി ത്വദ്വിരഹേണ ഹന്ത ഹരിണീരൂപായതേ ഹാ കഥം കന്ദര്പോഽപി യമായതേ വിരചയഞ്ശാര്ദൂലവിക്രീഡിതമ് ॥ 26 ॥
॥ ഗീതം 9 ॥
സ്തനവിനിഹിതമപി ഹാരമുദാരമ് ।
സാ മനുതേ കൃശതനുരതിഭാരമ് ॥
രാധികാ വിരഹേ തവ കേശവ ॥ 1 ॥
സരസമസൃണമപി മലയജപങ്കമ് ।
പശ്യതി വിഷമിവ വപുഷി സശങ്കമ് ॥ 2 ॥
ശ്വസിതപവനമനുപമപരിണാഹമ് ।
മദനദഹനമിവ വഹതി സദാഹമ് ॥ 3 ॥
ദിശി ദിശി കിരതി സജലകണജാലമ് ।
നയനനലിനമിവ വിഗലിതനാലമ് ॥ 4 ॥
നയനവിഷയമപി കിസലയതല്പമ് ।
കലയതി വിഹിതഹുതാശവികല്പമ് ॥ 5 ॥
ത്യജതി ന പാണിതലേന കപോലമ് ।
ബാലശശിനമിവ സായമലോലമ് ॥ 6 ॥
ഹരിരിതി ഹരിരിതി ജപതി സകാമമ് ।
വിരഹവിഹിതമരണേന നികാമമ് ॥ 7 ॥
ശ്രീജയദേവഭണിതമിതി ഗീതമ് ।
സുഖയതു കേശവപദമുപുനീതമ് ॥ 8 ॥
സാ രോമാഞ്ചതി സീത്കരോതി വിലപത്യുത്ക്മ്പതേ താമ്യതി ധ്യായത്യുദ്ഭ്രമതി പ്രമീലതി പതത്യുദ്യാതി മൂര്ച്ഛത്യപി ।
ഏതാവത്യതനുജ്വരേ വരതനുര്ജീവേന്ന കിം തേ രസാത് സ്വര്വൈദ്യപ്രതിമ പ്രസീദസി യദി ത്യക്തോഽന്യഥാ നാന്തകഃ ॥ 27 ॥
സ്മരാതുരാം ദൈവതവൈദ്യഹൃദ്യ ത്വദങ്ഗസങ്ഗാമൃതമാത്രസാധ്യാമ് ।
വിമുക്തബാധാം കുരുഷേ ന രാധാ-മുപേന്ദ്ര വജ്രാദപി ദാരുണോഽസി ॥ 28 ॥
കന്ദര്പജ്വരസഞ്ജ്വരസ്തുരതനോരാശ്ചര്യമസ്യാശ്ചിരം ചേതശ്ചന്ദനചന്ദ്രമഃകമലിനീചിന്താസു സന്താമ്യതി ।
കിന്തു ക്ലാന്തിവശേന ശീതലതനും ത്വാമേകമേവ പ്രിയം ധ്യായന്തീ രഹസി സ്ഥിതാ കഥമപി ക്ഷീണാ ക്ഷണം പ്രാണിതി ॥ 29 ॥
ക്ഷണമപി വിരഹഃ പുരാ ന സേഹേ നയനനിമീലനഖിന്നയാ യയാ തേ ।
ശ്വസിതി കഥമസൌ രസാലശാഖാം ചിരവിരഹേണ വിലോക്യ പുഷ്പിതാഗ്രാമ് ॥ 30 ॥
॥ ഇതി ഗീതഗോവിന്ദേ സ്നിഗ്ധമാധവോ നാമ ചതുര്ഥഃ സര്ഗഃ ॥