పార్వతీమానసస్తోత్రం చ శ్రీగణేశాయ నమః ।
కల్లోలోల్లసితామృతాబ్ధిలహరీమధ్యే విరాజన్మణిద్వీపే కల్పకవాటికాపరివృతే కాదమ్బవాట్యుజ్జ్వలే ।
రత్నస్తమ్భసహస్రనిర్మితసభామధ్యే విమానోత్తమే చిన్తారత్నవినిర్మితం జనని తే సిహ్మాసనం భావయే ॥ ౧॥
కల్లోలోల్లసితామృతాబ్ధిలహరీమధ్యే విరాజన్మణిద్వీపే కల్పకవాటికాపరివృతే కాదమ్బవాట్యుజ్జ్వలే ।
రత్నస్తమ్భసహస్రనిర్మితసభామధ్యే విమానోత్తమే చిన్తారత్నవినిర్మితం జనని తే సిహ్మాసనం భావయే ॥ ౧॥
ఏణాఙ్కానలభానుమణ్డలలసచ్ఛ్రీచక్రమధ్యే స్థితాం బాలార్కద్యుతిభాసురాం కరతలైః పాశాఙ్కుశౌ బిభ్రతీమ్ ।
చాపం బాణమపి ప్రసన్నవదనాం కౌసుమ్భవస్త్రాన్వితాం తాం త్వాం చన్ద్రకలావతమ్సమకుటాం చారుస్మితాం భావయే ॥ ౨॥
చాపం బాణమపి ప్రసన్నవదనాం కౌసుమ్భవస్త్రాన్వితాం తాం త్వాం చన్ద్రకలావతమ్సమకుటాం చారుస్మితాం భావయే ॥ ౨॥
ఈశనాదిపదం శివైకఫలదం రత్నాసనం తే శుభం (ఫలకం) పాద్యం కుఙ్కుమచన్దనాదిభరితైరర్ఘ్యం సరత్నాక్షతైః ।
శుద్ధైరాచమనీయకం తవ జలైర్భక్త్యా మయా కల్పితం కారుణ్యామృతవారిధే తదఖిలం సన్తుష్టయే కల్పతామ్ ॥ ౩॥
శుద్ధైరాచమనీయకం తవ జలైర్భక్త్యా మయా కల్పితం కారుణ్యామృతవారిధే తదఖిలం సన్తుష్టయే కల్పతామ్ ॥ ౩॥
లక్ష్యే యోగిజనస్య రక్షితజగజ్జాలే విశాలేక్షణే ప్రాలేయామ్బుపటీరకుఙ్కుమలసత్కర్పూరమిశ్రోదకైః ।
గోక్షీరైరపి నారికేలసలిలైః శుద్ధోదకైర్మన్త్రితైః స్నానం దేవి ధియా మయైతదఖిలం సన్తుష్టయే కల్పతామ్ ॥ ౪॥
గోక్షీరైరపి నారికేలసలిలైః శుద్ధోదకైర్మన్త్రితైః స్నానం దేవి ధియా మయైతదఖిలం సన్తుష్టయే కల్పతామ్ ॥ ౪॥
హ్రీఙ్కారాఙ్కితమన్త్రలక్షితతనో హేమాచలాత్సఞ్చితైః రత్నైరుజ్జ్వలముత్తరీయసహితం కౌసుమ్భవర్ణాంశుకమ్ ।
ముక్తాసన్తతియజ్ఞసూత్రమమలం సౌవర్ణతన్తూత్భవం దత్తం దేవి ధియా మయైతదఖిలం సన్తుష్టయే కల్పతామ్ ॥ ౫॥
ముక్తాసన్తతియజ్ఞసూత్రమమలం సౌవర్ణతన్తూత్భవం దత్తం దేవి ధియా మయైతదఖిలం సన్తుష్టయే కల్పతామ్ ॥ ౫॥
హమ్సైరప్యతిలోభనీయగమనే హారావలీముజ్జ్వలాం హిన్దోలద్యుతిహీరపూరితతరే హేమాఙ్గదేకఙ్కణే ।
మఞ్జీరౌ మణికుణ్డలే మకుటమప్యర్ధేన్దుచూడామణిం నాసామౌక్తికమఙ్గులీయకటకౌ కాఞ్చీమపి స్వీకురు ॥ ౬॥
మఞ్జీరౌ మణికుణ్డలే మకుటమప్యర్ధేన్దుచూడామణిం నాసామౌక్తికమఙ్గులీయకటకౌ కాఞ్చీమపి స్వీకురు ॥ ౬॥
సర్వాఙ్గే ఘనసారకుఙ్కుమఘనశ్రీగన్ధపఙ్కాఙ్కితం కస్తూరీతిలకఞ్చ ఫాలఫలకే గోరోచనాపత్రకమ్ ।
గణ్డాదర్శనమణ్డలే నయనయోర్దివ్యాఞ్జనం తేఽఞ్చితం కణ్ఠాబ్జే మృగనాభిపఙ్కమమలం త్వత్ప్రీతయే కల్పతామ్ ॥ ౭॥
గణ్డాదర్శనమణ్డలే నయనయోర్దివ్యాఞ్జనం తేఽఞ్చితం కణ్ఠాబ్జే మృగనాభిపఙ్కమమలం త్వత్ప్రీతయే కల్పతామ్ ॥ ౭॥
కల్హారోత్పలమల్లికామరువకైః సౌవర్ణపఙ్కేరుహైర్జాతీచమ్పకమాలతీవకులకైర్మన్దారకున్దాదిభిః ।
కేతక్యా కరవీరకైర్బహువిధైః కౢప్తాః స్రజో మాలికాః సఙ్కల్పేన సమర్పయామి వరదే సన్తుష్టయే గృహ్యతామ్ ॥ ౮॥
కేతక్యా కరవీరకైర్బహువిధైః కౢప్తాః స్రజో మాలికాః సఙ్కల్పేన సమర్పయామి వరదే సన్తుష్టయే గృహ్యతామ్ ॥ ౮॥
హన్తారం మదనస్య నన్దయసి యైరఙ్గైరనఙ్గోజ్జ్వలైర్యైర్భృఙ్గావలినీలకున్తలభరైర్బధ్నాసి తస్యాశయమ్ ।
తానీమాని తవామ్బ కోమలతరాణ్యామోదలీలా గృహాణ్యామోదాయ దశాఙ్గగుగ్గులుఘృతైర్ధూపైరహం ధూపయే ॥ ౯॥
తానీమాని తవామ్బ కోమలతరాణ్యామోదలీలా గృహాణ్యామోదాయ దశాఙ్గగుగ్గులుఘృతైర్ధూపైరహం ధూపయే ॥ ౯॥
లక్ష్మీముజ్జ్వలయామి రత్ననివహోత్భాస్వత్త్తరే మన్దిరే మాలారూపవిలమ్బితైర్మణిమయస్తమ్భేషు సమ్భావితైః ।
చిత్రైర్హాటకపుత్రికాకరధృతైఃగవ్యైర్ఘృతైర్వర్ధితైర్దివ్యైర్దీపగణైర్ధియా గిరిసుతే సన్తుష్టయే కల్పతామ్ ॥ ౧౦॥
చిత్రైర్హాటకపుత్రికాకరధృతైఃగవ్యైర్ఘృతైర్వర్ధితైర్దివ్యైర్దీపగణైర్ధియా గిరిసుతే సన్తుష్టయే కల్పతామ్ ॥ ౧౦॥
హ్రీఙ్కారేశ్వరి తప్తహాటకకృతైః స్థాలీసహస్రైర్భృతం దివ్యాన్నం ఘృతసూపశాకభరితం చిత్రాన్నభేదం తథా ।
దుగ్ధాన్నం మధుశర్కరాదధియుతం మాణిక్యపాత్రే స్థితం మాషాపూపసహస్రమమ్బ సఫలం నైవేద్యమావేదయే ॥ ౧౧॥
దుగ్ధాన్నం మధుశర్కరాదధియుతం మాణిక్యపాత్రే స్థితం మాషాపూపసహస్రమమ్బ సఫలం నైవేద్యమావేదయే ॥ ౧౧॥
సచ్ఛాయైర్వరకేతకీదలరుచా తామ్బూలవల్లీదలైః పూగైర్భూరిగుణైః సుగన్ధిమధురైః కర్పూరఖణ్డోజ్జ్వలైః ।
ముక్తాచూర్ణవిరాజితైర్బహువిధైర్వక్త్రామ్బుజామోదనైః పూర్ణా రత్నకలాచికా తవ ముదే న్యస్తా పురస్తాదుమే ॥ ౧౨॥
ముక్తాచూర్ణవిరాజితైర్బహువిధైర్వక్త్రామ్బుజామోదనైః పూర్ణా రత్నకలాచికా తవ ముదే న్యస్తా పురస్తాదుమే ॥ ౧౨॥
కన్యాభిః కమనీయకాన్తిభిరలఙ్కారామలారార్తికా పాత్రే మౌక్తికచిత్రపఙ్క్తివిలసద్కర్పూరదీపావలిః ।
(దీపాలిభిః) ఉతత్తత్తాలమృదఙ్గగీతసహితం నృత్యత్పదామ్భోరుహం మన్త్రారాధనపూర్వకం సువిహితం నీరాజనం గృహ్యతామ్ ॥ ౧౩॥
(దీపాలిభిః) ఉతత్తత్తాలమృదఙ్గగీతసహితం నృత్యత్పదామ్భోరుహం మన్త్రారాధనపూర్వకం సువిహితం నీరాజనం గృహ్యతామ్ ॥ ౧౩॥
లక్ష్మీర్మౌక్తికలక్షకల్పితసితచ్ఛత్రం తు ధత్తే రసాద్ఇన్ద్రాణీ చ రతిశ్చ చామరవరే ధత్తే స్వయం భారతీ ।
వీణామేణవిలోచనాః సుమనసాం నృత్యన్తి తద్రాగవద్భావైరాఙ్గికసాత్త్వికైః స్ఫుటరసం మాతస్తదాకర్ణ్యతామ్ ॥ ౧౪॥
వీణామేణవిలోచనాః సుమనసాం నృత్యన్తి తద్రాగవద్భావైరాఙ్గికసాత్త్వికైః స్ఫుటరసం మాతస్తదాకర్ణ్యతామ్ ॥ ౧౪॥
హ్రీఙ్కారత్రయసమ్పుటేన మనునోపాస్యే త్రయీమౌలిభిర్వాక్యైర్లక్ష్యతనో తవ స్తుతివిధౌ కో వా క్షమేతామ్బికే ।
సల్లాపాః స్తుతయః ప్రదక్షిణశతం సఞ్చార ఏవాస్తు తే సంవేశో నమసః సహస్రమఖిలం త్వత్ప్రీతయే కల్పతామ్ ॥ ౧౫॥
సల్లాపాః స్తుతయః ప్రదక్షిణశతం సఞ్చార ఏవాస్తు తే సంవేశో నమసః సహస్రమఖిలం త్వత్ప్రీతయే కల్పతామ్ ॥ ౧౫॥
శ్రీమన్త్రాక్షరమాలయా గిరిసుతాం యః పూజయేచ్చేతసా సన్ధ్యాసు ప్రతివాసరం సునియతస్తస్యామలం స్యాన్మనః ।
చిత్తామ్భోరుహమణ్డపే గిరిసుతా నృత్తం విధత్తేరసాద్వాణీ వక్త్రసరోరుహే జలధిజా గేహే జగన్మఙ్గలా ॥ ౧౬॥
చిత్తామ్భోరుహమణ్డపే గిరిసుతా నృత్తం విధత్తేరసాద్వాణీ వక్త్రసరోరుహే జలధిజా గేహే జగన్మఙ్గలా ॥ ౧౬॥
ఇతి గిరివరపుత్రీపాదరాజీవభూషా భువనమమలయన్తీ సూక్తిసౌరభ్యసారైః ।
శివపదమకరన్దస్యన్దినీయం నిబద్ధా మదయతు కవిభృఙ్గాన్మాతృకాపుష్పమాలా ॥ ౧౭॥
శివపదమకరన్దస్యన్దినీయం నిబద్ధా మదయతు కవిభృఙ్గాన్మాతృకాపుష్పమాలా ॥ ౧౭॥
ఇతి శ్రీమచ్ఛఙ్కరభగవత్పాదవిరచితః మన్త్రమాతృకాపుష్పమాలాస్తవః సమ్పూర్ణః ॥