പാര്വതീമാനസസ്തോത്രം ച ശ്രീഗണേശായ നമഃ ।
കല്ലോലോല്ലസിതാമൃതാബ്ധിലഹരീമധ്യേ വിരാജന്മണിദ്വീപേ കല്പകവാടികാപരിവൃതേ കാദമ്ബവാട്യുജ്ജ്വലേ ।
രത്നസ്തമ്ഭസഹസ്രനിര്മിതസഭാമധ്യേ വിമാനോത്തമേ ചിന്താരത്നവിനിര്മിതം ജനനി തേ സിഹ്മാസനം ഭാവയേ ॥ ൧॥
കല്ലോലോല്ലസിതാമൃതാബ്ധിലഹരീമധ്യേ വിരാജന്മണിദ്വീപേ കല്പകവാടികാപരിവൃതേ കാദമ്ബവാട്യുജ്ജ്വലേ ।
രത്നസ്തമ്ഭസഹസ്രനിര്മിതസഭാമധ്യേ വിമാനോത്തമേ ചിന്താരത്നവിനിര്മിതം ജനനി തേ സിഹ്മാസനം ഭാവയേ ॥ ൧॥
ഏണാങ്കാനലഭാനുമണ്ഡലലസച്ഛ്രീചക്രമധ്യേ സ്ഥിതാം ബാലാര്കദ്യുതിഭാസുരാം കരതലൈഃ പാശാങ്കുശൌ ബിഭ്രതീമ് ।
ചാപം ബാണമപി പ്രസന്നവദനാം കൌസുമ്ഭവസ്ത്രാന്വിതാം താം ത്വാം ചന്ദ്രകലാവതമ്സമകുടാം ചാരുസ്മിതാം ഭാവയേ ॥ ൨॥
ചാപം ബാണമപി പ്രസന്നവദനാം കൌസുമ്ഭവസ്ത്രാന്വിതാം താം ത്വാം ചന്ദ്രകലാവതമ്സമകുടാം ചാരുസ്മിതാം ഭാവയേ ॥ ൨॥
ഈശനാദിപദം ശിവൈകഫലദം രത്നാസനം തേ ശുഭം (ഫലകം) പാദ്യം കുങ്കുമചന്ദനാദിഭരിതൈരര്ഘ്യം സരത്നാക്ഷതൈഃ ।
ശുദ്ധൈരാചമനീയകം തവ ജലൈര്ഭക്ത്യാ മയാ കല്പിതം കാരുണ്യാമൃതവാരിധേ തദഖിലം സന്തുഷ്ടയേ കല്പതാമ് ॥ ൩॥
ശുദ്ധൈരാചമനീയകം തവ ജലൈര്ഭക്ത്യാ മയാ കല്പിതം കാരുണ്യാമൃതവാരിധേ തദഖിലം സന്തുഷ്ടയേ കല്പതാമ് ॥ ൩॥
ലക്ഷ്യേ യോഗിജനസ്യ രക്ഷിതജഗജ്ജാലേ വിശാലേക്ഷണേ പ്രാലേയാമ്ബുപടീരകുങ്കുമലസത്കര്പൂരമിശ്രോദകൈഃ ।
ഗോക്ഷീരൈരപി നാരികേലസലിലൈഃ ശുദ്ധോദകൈര്മന്ത്രിതൈഃ സ്നാനം ദേവി ധിയാ മയൈതദഖിലം സന്തുഷ്ടയേ കല്പതാമ് ॥ ൪॥
ഗോക്ഷീരൈരപി നാരികേലസലിലൈഃ ശുദ്ധോദകൈര്മന്ത്രിതൈഃ സ്നാനം ദേവി ധിയാ മയൈതദഖിലം സന്തുഷ്ടയേ കല്പതാമ് ॥ ൪॥
ഹ്രീങ്കാരാങ്കിതമന്ത്രലക്ഷിതതനോ ഹേമാചലാത്സഞ്ചിതൈഃ രത്നൈരുജ്ജ്വലമുത്തരീയസഹിതം കൌസുമ്ഭവര്ണാംശുകമ് ।
മുക്താസന്തതിയജ്ഞസൂത്രമമലം സൌവര്ണതന്തൂത്ഭവം ദത്തം ദേവി ധിയാ മയൈതദഖിലം സന്തുഷ്ടയേ കല്പതാമ് ॥ ൫॥
മുക്താസന്തതിയജ്ഞസൂത്രമമലം സൌവര്ണതന്തൂത്ഭവം ദത്തം ദേവി ധിയാ മയൈതദഖിലം സന്തുഷ്ടയേ കല്പതാമ് ॥ ൫॥
ഹമ്സൈരപ്യതിലോഭനീയഗമനേ ഹാരാവലീമുജ്ജ്വലാം ഹിന്ദോലദ്യുതിഹീരപൂരിതതരേ ഹേമാങ്ഗദേകങ്കണേ ।
മഞ്ജീരൌ മണികുണ്ഡലേ മകുടമപ്യര്ധേന്ദുചൂഡാമണിം നാസാമൌക്തികമങ്ഗുലീയകടകൌ കാഞ്ചീമപി സ്വീകുരു ॥ ൬॥
മഞ്ജീരൌ മണികുണ്ഡലേ മകുടമപ്യര്ധേന്ദുചൂഡാമണിം നാസാമൌക്തികമങ്ഗുലീയകടകൌ കാഞ്ചീമപി സ്വീകുരു ॥ ൬॥
സര്വാങ്ഗേ ഘനസാരകുങ്കുമഘനശ്രീഗന്ധപങ്കാങ്കിതം കസ്തൂരീതിലകഞ്ച ഫാലഫലകേ ഗോരോചനാപത്രകമ് ।
ഗണ്ഡാദര്ശനമണ്ഡലേ നയനയോര്ദിവ്യാഞ്ജനം തേഽഞ്ചിതം കണ്ഠാബ്ജേ മൃഗനാഭിപങ്കമമലം ത്വത്പ്രീതയേ കല്പതാമ് ॥ ൭॥
ഗണ്ഡാദര്ശനമണ്ഡലേ നയനയോര്ദിവ്യാഞ്ജനം തേഽഞ്ചിതം കണ്ഠാബ്ജേ മൃഗനാഭിപങ്കമമലം ത്വത്പ്രീതയേ കല്പതാമ് ॥ ൭॥
കല്ഹാരോത്പലമല്ലികാമരുവകൈഃ സൌവര്ണപങ്കേരുഹൈര്ജാതീചമ്പകമാലതീവകുലകൈര്മന്ദാരകുന്ദാദിഭിഃ ।
കേതക്യാ കരവീരകൈര്ബഹുവിധൈഃ കൢപ്താഃ സ്രജോ മാലികാഃ സങ്കല്പേന സമര്പയാമി വരദേ സന്തുഷ്ടയേ ഗൃഹ്യതാമ് ॥ ൮॥
കേതക്യാ കരവീരകൈര്ബഹുവിധൈഃ കൢപ്താഃ സ്രജോ മാലികാഃ സങ്കല്പേന സമര്പയാമി വരദേ സന്തുഷ്ടയേ ഗൃഹ്യതാമ് ॥ ൮॥
ഹന്താരം മദനസ്യ നന്ദയസി യൈരങ്ഗൈരനങ്ഗോജ്ജ്വലൈര്യൈര്ഭൃങ്ഗാവലിനീലകുന്തലഭരൈര്ബധ്നാസി തസ്യാശയമ് ।
താനീമാനി തവാമ്ബ കോമലതരാണ്യാമോദലീലാ ഗൃഹാണ്യാമോദായ ദശാങ്ഗഗുഗ്ഗുലുഘൃതൈര്ധൂപൈരഹം ധൂപയേ ॥ ൯॥
താനീമാനി തവാമ്ബ കോമലതരാണ്യാമോദലീലാ ഗൃഹാണ്യാമോദായ ദശാങ്ഗഗുഗ്ഗുലുഘൃതൈര്ധൂപൈരഹം ധൂപയേ ॥ ൯॥
ലക്ഷ്മീമുജ്ജ്വലയാമി രത്നനിവഹോത്ഭാസ്വത്ത്തരേ മന്ദിരേ മാലാരൂപവിലമ്ബിതൈര്മണിമയസ്തമ്ഭേഷു സമ്ഭാവിതൈഃ ।
ചിത്രൈര്ഹാടകപുത്രികാകരധൃതൈഃഗവ്യൈര്ഘൃതൈര്വര്ധിതൈര്ദിവ്യൈര്ദീപഗണൈര്ധിയാ ഗിരിസുതേ സന്തുഷ്ടയേ കല്പതാമ് ॥ ൧൦॥
ചിത്രൈര്ഹാടകപുത്രികാകരധൃതൈഃഗവ്യൈര്ഘൃതൈര്വര്ധിതൈര്ദിവ്യൈര്ദീപഗണൈര്ധിയാ ഗിരിസുതേ സന്തുഷ്ടയേ കല്പതാമ് ॥ ൧൦॥
ഹ്രീങ്കാരേശ്വരി തപ്തഹാടകകൃതൈഃ സ്ഥാലീസഹസ്രൈര്ഭൃതം ദിവ്യാന്നം ഘൃതസൂപശാകഭരിതം ചിത്രാന്നഭേദം തഥാ ।
ദുഗ്ധാന്നം മധുശര്കരാദധിയുതം മാണിക്യപാത്രേ സ്ഥിതം മാഷാപൂപസഹസ്രമമ്ബ സഫലം നൈവേദ്യമാവേദയേ ॥ ൧൧॥
ദുഗ്ധാന്നം മധുശര്കരാദധിയുതം മാണിക്യപാത്രേ സ്ഥിതം മാഷാപൂപസഹസ്രമമ്ബ സഫലം നൈവേദ്യമാവേദയേ ॥ ൧൧॥
സച്ഛായൈര്വരകേതകീദലരുചാ താമ്ബൂലവല്ലീദലൈഃ പൂഗൈര്ഭൂരിഗുണൈഃ സുഗന്ധിമധുരൈഃ കര്പൂരഖണ്ഡോജ്ജ്വലൈഃ ।
മുക്താചൂര്ണവിരാജിതൈര്ബഹുവിധൈര്വക്ത്രാമ്ബുജാമോദനൈഃ പൂര്ണാ രത്നകലാചികാ തവ മുദേ ന്യസ്താ പുരസ്താദുമേ ॥ ൧൨॥
മുക്താചൂര്ണവിരാജിതൈര്ബഹുവിധൈര്വക്ത്രാമ്ബുജാമോദനൈഃ പൂര്ണാ രത്നകലാചികാ തവ മുദേ ന്യസ്താ പുരസ്താദുമേ ॥ ൧൨॥
കന്യാഭിഃ കമനീയകാന്തിഭിരലങ്കാരാമലാരാര്തികാ പാത്രേ മൌക്തികചിത്രപങ്ക്തിവിലസദ്കര്പൂരദീപാവലിഃ ।
(ദീപാലിഭിഃ) ഉതത്തത്താലമൃദങ്ഗഗീതസഹിതം നൃത്യത്പദാമ്ഭോരുഹം മന്ത്രാരാധനപൂര്വകം സുവിഹിതം നീരാജനം ഗൃഹ്യതാമ് ॥ ൧൩॥
(ദീപാലിഭിഃ) ഉതത്തത്താലമൃദങ്ഗഗീതസഹിതം നൃത്യത്പദാമ്ഭോരുഹം മന്ത്രാരാധനപൂര്വകം സുവിഹിതം നീരാജനം ഗൃഹ്യതാമ് ॥ ൧൩॥
ലക്ഷ്മീര്മൌക്തികലക്ഷകല്പിതസിതച്ഛത്രം തു ധത്തേ രസാദ്ഇന്ദ്രാണീ ച രതിശ്ച ചാമരവരേ ധത്തേ സ്വയം ഭാരതീ ।
വീണാമേണവിലോചനാഃ സുമനസാം നൃത്യന്തി തദ്രാഗവദ്ഭാവൈരാങ്ഗികസാത്ത്വികൈഃ സ്ഫുടരസം മാതസ്തദാകര്ണ്യതാമ് ॥ ൧൪॥
വീണാമേണവിലോചനാഃ സുമനസാം നൃത്യന്തി തദ്രാഗവദ്ഭാവൈരാങ്ഗികസാത്ത്വികൈഃ സ്ഫുടരസം മാതസ്തദാകര്ണ്യതാമ് ॥ ൧൪॥
ഹ്രീങ്കാരത്രയസമ്പുടേന മനുനോപാസ്യേ ത്രയീമൌലിഭിര്വാക്യൈര്ലക്ഷ്യതനോ തവ സ്തുതിവിധൌ കോ വാ ക്ഷമേതാമ്ബികേ ।
സല്ലാപാഃ സ്തുതയഃ പ്രദക്ഷിണശതം സഞ്ചാര ഏവാസ്തു തേ സംവേശോ നമസഃ സഹസ്രമഖിലം ത്വത്പ്രീതയേ കല്പതാമ് ॥ ൧൫॥
സല്ലാപാഃ സ്തുതയഃ പ്രദക്ഷിണശതം സഞ്ചാര ഏവാസ്തു തേ സംവേശോ നമസഃ സഹസ്രമഖിലം ത്വത്പ്രീതയേ കല്പതാമ് ॥ ൧൫॥
ശ്രീമന്ത്രാക്ഷരമാലയാ ഗിരിസുതാം യഃ പൂജയേച്ചേതസാ സന്ധ്യാസു പ്രതിവാസരം സുനിയതസ്തസ്യാമലം സ്യാന്മനഃ ।
ചിത്താമ്ഭോരുഹമണ്ഡപേ ഗിരിസുതാ നൃത്തം വിധത്തേരസാദ്വാണീ വക്ത്രസരോരുഹേ ജലധിജാ ഗേഹേ ജഗന്മങ്ഗലാ ॥ ൧൬॥
ചിത്താമ്ഭോരുഹമണ്ഡപേ ഗിരിസുതാ നൃത്തം വിധത്തേരസാദ്വാണീ വക്ത്രസരോരുഹേ ജലധിജാ ഗേഹേ ജഗന്മങ്ഗലാ ॥ ൧൬॥
ഇതി ഗിരിവരപുത്രീപാദരാജീവഭൂഷാ ഭുവനമമലയന്തീ സൂക്തിസൌരഭ്യസാരൈഃ ।
ശിവപദമകരന്ദസ്യന്ദിനീയം നിബദ്ധാ മദയതു കവിഭൃങ്ഗാന്മാതൃകാപുഷ്പമാലാ ॥ ൧൭॥
ശിവപദമകരന്ദസ്യന്ദിനീയം നിബദ്ധാ മദയതു കവിഭൃങ്ഗാന്മാതൃകാപുഷ്പമാലാ ॥ ൧൭॥
ഇതി ശ്രീമച്ഛങ്കരഭഗവത്പാദവിരചിതഃ മന്ത്രമാതൃകാപുഷ്പമാലാസ്തവഃ സമ്പൂര്ണഃ ॥