pārvatīmānasastotraṃ ca śrīgaṇeśāya namaḥ |
kallolollasitāmṛtābdhilaharīmadhye virājanmaṇidvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame cintāratnavinirmitaṃ janani te sihmāsanaṃ bhāvaye || 1||
kallolollasitāmṛtābdhilaharīmadhye virājanmaṇidvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame cintāratnavinirmitaṃ janani te sihmāsanaṃ bhāvaye || 1||
eṇāṅkānalabhānumaṇḍalalasacchrīcakramadhye sthitāṃ bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ tāṃ tvāṃ candrakalāvatamsamakuṭāṃ cārusmitāṃ bhāvaye || 2||
cāpaṃ bāṇamapi prasannavadanāṃ kausumbhavastrānvitāṃ tāṃ tvāṃ candrakalāvatamsamakuṭāṃ cārusmitāṃ bhāvaye || 2||
īśanādipadaṃ śivaikaphaladaṃ ratnāsanaṃ te śubhaṃ (phalakaṃ) pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ kāruṇyāmṛtavāridhe tadakhilaṃ santuṣṭaye kalpatām || 3||
śuddhairācamanīyakaṃ tava jalairbhaktyā mayā kalpitaṃ kāruṇyāmṛtavāridhe tadakhilaṃ santuṣṭaye kalpatām || 3||
lakṣye yogijanasya rakṣitajagajjāle viśālekṣaṇe prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ snānaṃ devi dhiyā mayaitadakhilaṃ santuṣṭaye kalpatām || 4||
gokṣīrairapi nārikelasalilaiḥ śuddhodakairmantritaiḥ snānaṃ devi dhiyā mayaitadakhilaṃ santuṣṭaye kalpatām || 4||
hrīṅkārāṅkitamantralakṣitatano hemācalātsañcitaiḥ ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūtbhavaṃ dattaṃ devi dhiyā mayaitadakhilaṃ santuṣṭaye kalpatām || 5||
muktāsantatiyajñasūtramamalaṃ sauvarṇatantūtbhavaṃ dattaṃ devi dhiyā mayaitadakhilaṃ santuṣṭaye kalpatām || 5||
hamsairapyatilobhanīyagamane hārāvalīmujjvalāṃ hindoladyutihīrapūritatare hemāṅgadekaṅkaṇe |
mañjīrau maṇikuṇḍale makuṭamapyardhenducūḍāmaṇiṃ nāsāmauktikamaṅgulīyakaṭakau kāñcīmapi svīkuru || 6||
mañjīrau maṇikuṇḍale makuṭamapyardhenducūḍāmaṇiṃ nāsāmauktikamaṅgulīyakaṭakau kāñcīmapi svīkuru || 6||
sarvāṅge ghanasārakuṅkumaghanaśrīgandhapaṅkāṅkitaṃ kastūrītilakañca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ kaṇṭhābje mṛganābhipaṅkamamalaṃ tvatprītaye kalpatām || 7||
gaṇḍādarśanamaṇḍale nayanayordivyāñjanaṃ te'ñcitaṃ kaṇṭhābje mṛganābhipaṅkamamalaṃ tvatprītaye kalpatām || 7||
kalhārotpalamallikāmaruvakaiḥ sauvarṇapaṅkeruhairjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kḷptāḥ srajo mālikāḥ saṅkalpena samarpayāmi varade santuṣṭaye gṛhyatām || 8||
ketakyā karavīrakairbahuvidhaiḥ kḷptāḥ srajo mālikāḥ saṅkalpena samarpayāmi varade santuṣṭaye gṛhyatām || 8||
hantāraṃ madanasya nandayasi yairaṅgairanaṅgojjvalairyairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlā gṛhāṇyāmodāya daśāṅgaguggulughṛtairdhūpairahaṃ dhūpaye || 9||
tānīmāni tavāmba komalatarāṇyāmodalīlā gṛhāṇyāmodāya daśāṅgaguggulughṛtairdhūpairahaṃ dhūpaye || 9||
lakṣmīmujjvalayāmi ratnanivahotbhāsvatttare mandire mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtaiḥgavyairghṛtairvardhitairdivyairdīpagaṇairdhiyā girisute santuṣṭaye kalpatām || 10||
citrairhāṭakaputrikākaradhṛtaiḥgavyairghṛtairvardhitairdivyairdīpagaṇairdhiyā girisute santuṣṭaye kalpatām || 10||
hrīṅkāreśvari taptahāṭakakṛtaiḥ sthālīsahasrairbhṛtaṃ divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ māṣāpūpasahasramamba saphalaṃ naivedyamāvedaye || 11||
dugdhānnaṃ madhuśarkarādadhiyutaṃ māṇikyapātre sthitaṃ māṣāpūpasahasramamba saphalaṃ naivedyamāvedaye || 11||
sacchāyairvaraketakīdalarucā tāmbūlavallīdalaiḥ pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ pūrṇā ratnakalācikā tava mude nyastā purastādume || 12||
muktācūrṇavirājitairbahuvidhairvaktrāmbujāmodanaiḥ pūrṇā ratnakalācikā tava mude nyastā purastādume || 12||
kanyābhiḥ kamanīyakāntibhiralaṅkārāmalārārtikā pātre mauktikacitrapaṅktivilasadkarpūradīpāvaliḥ |
(dīpālibhiḥ) utattattālamṛdaṅgagītasahitaṃ nṛtyatpadāmbhoruhaṃ mantrārādhanapūrvakaṃ suvihitaṃ nīrājanaṃ gṛhyatām || 13||
(dīpālibhiḥ) utattattālamṛdaṅgagītasahitaṃ nṛtyatpadāmbhoruhaṃ mantrārādhanapūrvakaṃ suvihitaṃ nīrājanaṃ gṛhyatām || 13||
lakṣmīrmauktikalakṣakalpitasitacchatraṃ tu dhatte rasādindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgavadbhāvairāṅgikasāttvikaiḥ sphuṭarasaṃ mātastadākarṇyatām || 14||
vīṇāmeṇavilocanāḥ sumanasāṃ nṛtyanti tadrāgavadbhāvairāṅgikasāttvikaiḥ sphuṭarasaṃ mātastadākarṇyatām || 14||
hrīṅkāratrayasampuṭena manunopāsye trayīmaulibhirvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te saṃveśo namasaḥ sahasramakhilaṃ tvatprītaye kalpatām || 15||
sallāpāḥ stutayaḥ pradakṣiṇaśataṃ sañcāra evāstu te saṃveśo namasaḥ sahasramakhilaṃ tvatprītaye kalpatām || 15||
śrīmantrākṣaramālayā girisutāṃ yaḥ pūjayeccetasā sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇḍape girisutā nṛttaṃ vidhatterasādvāṇī vaktrasaroruhe jaladhijā gehe jaganmaṅgalā || 16||
cittāmbhoruhamaṇḍape girisutā nṛttaṃ vidhatterasādvāṇī vaktrasaroruhe jaladhijā gehe jaganmaṅgalā || 16||
iti girivaraputrīpādarājīvabhūṣā bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā madayatu kavibhṛṅgānmātṛkāpuṣpamālā || 17||
śivapadamakarandasyandinīyaṃ nibaddhā madayatu kavibhṛṅgānmātṛkāpuṣpamālā || 17||
iti śrīmacchaṅkarabhagavatpādaviracitaḥ mantramātṛkāpuṣpamālāstavaḥ sampūrṇaḥ ||