श्रीरामकवचम्
॥ श्रीमदानन्दरामायणे मनोहरकाण्डान्तर्गतं श्रीरामकवचम् ॥
॥ ॐ श्री रामाय तुभ्यं नमः ॥
अगस्तिरुवाच-
आजानुबाहुमरविन्ददळायताक्षमाजन्मशुद्धरसहासमुखप्रसादम् ।
श्यामं गृहीतशरचापमुदाररूपं रामं सराममभिराममनुस्मरामि ॥ १॥
आजानुबाहुमरविन्ददळायताक्षमाजन्मशुद्धरसहासमुखप्रसादम् ।
श्यामं गृहीतशरचापमुदाररूपं रामं सराममभिराममनुस्मरामि ॥ १॥
शृणु वक्ष्याम्यहं सर्वं सुतीक्ष्ण मुनिसत्तम ।
श्रीरामकवचं पुण्यं सर्वकामप्रदायकम् ॥ २॥
श्रीरामकवचं पुण्यं सर्वकामप्रदायकम् ॥ २॥
अद्वैतानन्दचैतन्यशुद्धसत्त्वैकलक्षणः ।
बहिरन्तः सुतीक्ष्णात्र रामचन्द्रः प्रकाशते ॥ ३॥
बहिरन्तः सुतीक्ष्णात्र रामचन्द्रः प्रकाशते ॥ ३॥
तत्त्वविद्यार्थिनो नित्यं रमन्ते चित्सुखात्मनि ।
इति रामपदेनासौ परब्रह्माभिधीयते ॥ ४॥
इति रामपदेनासौ परब्रह्माभिधीयते ॥ ४॥
जय रामेति यन्नाम कीर्तयन्नभिवर्णयेत् ।
सर्वपापैर्विनिर्मुक्तो याति विष्णोः परं पदम् ॥ ५॥
सर्वपापैर्विनिर्मुक्तो याति विष्णोः परं पदम् ॥ ५॥
श्रीरामेति परं मन्त्रं तदेव परमं पदम् ।
तदेव तारकं विद्धि जन्ममृत्युभयापहम् ।
श्रीरामेति वदन् ब्रह्मभावमाप्नोत्यसंशयम् ॥ ६॥
तदेव तारकं विद्धि जन्ममृत्युभयापहम् ।
श्रीरामेति वदन् ब्रह्मभावमाप्नोत्यसंशयम् ॥ ६॥
ॐ अस्य श्रीरामकवचस्य अगस्त्य ऋषिः । अनुष्टुप् छन्दः ।
सीतालक्ष्मणोपेतः श्रीरामचन्द्रो देवता ।
श्रीरामचन्द्रप्रसादसिद्ध्यर्थं जपे विनियोगः ॥
सीतालक्ष्मणोपेतः श्रीरामचन्द्रो देवता ।
श्रीरामचन्द्रप्रसादसिद्ध्यर्थं जपे विनियोगः ॥
अथ ध्यानं प्रवक्ष्यामि सर्वाभीष्टफलप्रदम् ।
नीलजीमूतसङ्काशं विद्युद्वर्णाम्बरावृतम् ॥ १॥
नीलजीमूतसङ्काशं विद्युद्वर्णाम्बरावृतम् ॥ १॥
कोमलाङ्गं विशालाक्षं युवानमतिसुन्दरम् ।
सीतासौमित्रिसहितं जटामकुटधारिणम् ॥ २॥
सीतासौमित्रिसहितं जटामकुटधारिणम् ॥ २॥
सासितूणधनुर्बाणपाणिं दानवमर्दनम् ।
यदा चोरभये राजभये शत्रुभये तथा ॥ ३॥
यदा चोरभये राजभये शत्रुभये तथा ॥ ३॥
ध्यात्वा रघुपतिं युद्धे कालानलसमप्रभम् ।
चीरकृष्णाजिनधरं भस्मोद्धूळितविग्रहम् ॥ ४॥
चीरकृष्णाजिनधरं भस्मोद्धूळितविग्रहम् ॥ ४॥
आकर्णाकृष्टसशरकोदण्डभुजमण्डितम् ।
रणे रिपून् रावणादीन् तीक्ष्णमार्गणवृष्टिभिः ॥ ५॥
रणे रिपून् रावणादीन् तीक्ष्णमार्गणवृष्टिभिः ॥ ५॥
संहरन्तं महावीरमुग्रमैन्द्ररथस्थितम् ।
लक्ष्मणाद्यैर्महावीरैर्वृतं हनुमदादिभिः ॥ ६॥
लक्ष्मणाद्यैर्महावीरैर्वृतं हनुमदादिभिः ॥ ६॥
सुग्रीवाद्यैर्माहावीरैः शैलवृक्षकरोद्यतैः ।
वेगात् करालहुङ्कारैः भुग्भुक्कारमहारवैः ॥ ७॥
वेगात् करालहुङ्कारैः भुग्भुक्कारमहारवैः ॥ ७॥
नदद्भिः परिवादद्भिः समरे रावणं प्रति ।
श्रीरामशत्रुसङ्घान्मे हन मर्दय घातय ॥ ८॥ (खादय)
श्रीरामशत्रुसङ्घान्मे हन मर्दय घातय ॥ ८॥ (खादय)
भूतप्रेतपिशाचादीन् श्रीरामाशु विनाशय ।
एवं ध्यात्वा जपेद्रामकवचं सिद्धिदायकम् ॥ ९॥
एवं ध्यात्वा जपेद्रामकवचं सिद्धिदायकम् ॥ ९॥
सुतीक्ष्ण वज्रकवचं शृणु वक्ष्याम्यहं शुभम् ।
श्रीरामः पातु मे मूर्ध्नि पूर्वे च रघुवंशजः ॥ १०॥
श्रीरामः पातु मे मूर्ध्नि पूर्वे च रघुवंशजः ॥ १०॥
दक्षिणे मे रघुवरः पश्चिमे पातु पावनः ।
उत्तरे मे रघुपतिः भालं दशरथात्मजः ॥ ११॥
उत्तरे मे रघुपतिः भालं दशरथात्मजः ॥ ११॥
भ्रुवोर्दूर्वादळश्यामः तयोर्मध्ये जनार्दनः ।
श्रोत्रं मे पातु राजेन्द्रो दृशौ राजीवलोचनः ॥ १२॥
श्रोत्रं मे पातु राजेन्द्रो दृशौ राजीवलोचनः ॥ १२॥
घ्राणं मे पातु राजर्षिः गण्डं मे जानकीपतिः ।
कर्णमूले खरध्वंसी भालं मे रघुवल्लभः ॥ १३॥
कर्णमूले खरध्वंसी भालं मे रघुवल्लभः ॥ १३॥
जिह्वां मे वाक्पतिः पातु दन्तावल्यौ रघूत्तमः ।
ओष्ठौ श्रीरामचन्द्रो मे मुखं पातु परात्परः ॥ १४॥
ओष्ठौ श्रीरामचन्द्रो मे मुखं पातु परात्परः ॥ १४॥
कण्ठं पातु जगद्वन्द्यः स्कन्धौ मे रावणान्तकः ।
धनुर्बाणधरः पातु भुजौ मे वालिमर्दनः ॥ १५॥
धनुर्बाणधरः पातु भुजौ मे वालिमर्दनः ॥ १५॥
सर्वाण्यङ्गुळिपर्वाणि हस्तौ मे राक्षसान्तकः ।
वक्षो मे पातु काकुत्स्थः पातु मे हृदयं हरिः ॥ १६॥
वक्षो मे पातु काकुत्स्थः पातु मे हृदयं हरिः ॥ १६॥
स्तनौ सीतापतिः पातु पार्श्वौ मे जगदीश्वरः ।
मध्यं मे पातु लक्ष्मीशो नाभिं मे रघुनायकः ॥ १७॥
मध्यं मे पातु लक्ष्मीशो नाभिं मे रघुनायकः ॥ १७॥
कौसल्येयः कटिं पातु पृष्ठं दुर्गतिनाशनः ।
गुह्यं पातु हृषीकेशः सक्थिनी सत्यविक्रमः ॥ १८॥
गुह्यं पातु हृषीकेशः सक्थिनी सत्यविक्रमः ॥ १८॥
ऊरू शार्ङ्गधरः पातु जानुनी हनुमत्प्रियः ।
जङ्घे पातु जगद्व्यापी पादौ मे ताटकान्तकः ॥ १९॥
जङ्घे पातु जगद्व्यापी पादौ मे ताटकान्तकः ॥ १९॥
सर्वाङ्गं पातु मे विष्णुः सर्वसन्धीननामयः ।
ज्ञानेन्द्रियाणि प्राणादीन् पातु मे मधुसूदनः ॥ २०॥
ज्ञानेन्द्रियाणि प्राणादीन् पातु मे मधुसूदनः ॥ २०॥
पातु श्रीरामभद्रो मे शब्दादीन् विषयानपि ।
द्विपदादीनि भूतानि मत्सम्बन्धीनि यानि च ॥ २१॥
द्विपदादीनि भूतानि मत्सम्बन्धीनि यानि च ॥ २१॥
जामदग्न्यमहादर्पदलनः पातु तानि मे ।
सौमित्रिपूर्वजः पातु वागादीनीन्द्रियाणि च ॥ २२॥
सौमित्रिपूर्वजः पातु वागादीनीन्द्रियाणि च ॥ २२॥
रोमाङ्कुराण्यशेषाणि पातु सुग्रीवराज्यदः ।
वाङ्मनोबुद्ध्यहङ्कारैः ज्ञानाज्ञानकृतानि च ॥ २३॥
वाङ्मनोबुद्ध्यहङ्कारैः ज्ञानाज्ञानकृतानि च ॥ २३॥
जन्मान्तरकृतानीह पापानि विविधानि च ।
तानि सर्वाणि दग्ध्वाऽऽशु हरकोदण्डखण्डनः ॥ २४॥
तानि सर्वाणि दग्ध्वाऽऽशु हरकोदण्डखण्डनः ॥ २४॥
पातु मां सर्वतो रामः शार्ङ्गबाणधरः सदा ।
इति श्रीरामचन्द्रस्य कवचं वज्रसम्मितम् ॥ २५॥
इति श्रीरामचन्द्रस्य कवचं वज्रसम्मितम् ॥ २५॥
गुह्याद्गुह्यतमं दिव्यं सुतीक्ष्ण मुनिसत्तम ।
यः पठेत् शृणुयाद्वापि श्रावयेद्वा समाहितः ॥ २६॥
यः पठेत् शृणुयाद्वापि श्रावयेद्वा समाहितः ॥ २६॥
स याति परमं स्थानं रामचन्द्रप्रसादतः ।
महापातकयुक्तो वा गोघ्नो वा भ्रूणहा तथा ॥ २७॥
महापातकयुक्तो वा गोघ्नो वा भ्रूणहा तथा ॥ २७॥
श्रीरामचन्द्रकवचपठनात् सिद्धिमाप्नुयात् । (शुद्धिमाप्नुयात्)
ब्रह्महत्यादिभिः पापैर्मुच्यते नात्र संशयः ॥ २८॥
ब्रह्महत्यादिभिः पापैर्मुच्यते नात्र संशयः ॥ २८॥
इति श्रीशतकोटिरामचरितान्तर्गते श्रीमदानन्दरामायणे
वाल्मिकीये मनोहरकाण्डे त्रयोदशसर्गान्तर्गतं श्रीरामकवचं
सम्पूर्णम् ॥
वाल्मिकीये मनोहरकाण्डे त्रयोदशसर्गान्तर्गतं श्रीरामकवचं
सम्पूर्णम् ॥
हनुमत्-लक्ष्मण-सीता-राम-भरत-शत्रुघ्न
षट् कवचानि पठनीयम् ।
षट् कवचानि पठितुं अशक्तश्चेत्
हनुमत्-लक्ष्मण-सीता-राम –
अथवा हनुमत्-सीता-राम
अथवा हनुमत्-राम / सीता-राम कवचानि ।
अथवा श्रीरामकवचमेव पठनीयम् ॥
षट् कवचानि पठनीयम् ।
षट् कवचानि पठितुं अशक्तश्चेत्
हनुमत्-लक्ष्मण-सीता-राम –
अथवा हनुमत्-सीता-राम
अथवा हनुमत्-राम / सीता-राम कवचानि ।
अथवा श्रीरामकवचमेव पठनीयम् ॥