শ্রী রাম কবচম্

আজানুবাহুমরবিন্দদলাযতাক্ষ-
-মাজন্মশুদ্ধরসহাসমুখপ্রসাদম্ ।
শ্যামং গৃহীত শরচাপমুদাররূপং
রামং সরামমভিরামমনুস্মরামি ॥ 1 ॥
অস্য শ্রীরামকবচস্য অগস্ত্য ঋষিঃ অনুষ্টুপ্ ছন্দঃ সীতালক্ষ্মণোপেতঃ শ্রীরামচন্দ্রো দেবতা শ্রীরামচন্দ্রপ্রসাদসিদ্ধ্যর্থে জপে বিনিযোগঃ ।
অথ ধ্যানং
নীলজীমূতসঙ্কাশং বিদ্যুদ্বর্ণাম্বরাবৃতম্ ।
কোমলাঙ্গং বিশালাক্ষং যুবানমতিসুন্দরম্ ॥ 1 ॥
সীতাসৌমিত্রিসহিতং জটামুকুটধারিণম্ ।
সাসিতূণধনুর্বাণপাণিং দানবমর্দনম্ ॥ 2 ॥
যদা চোরভযে রাজভযে শত্রুভযে তথা ।
ধ্যাত্বা রঘুপতিং ক্রুদ্ধং কালানলসমপ্রভম্ ॥ 3 ॥
চীরকৃষ্ণাজিনধরং ভস্মোদ্ধূলিতবিগ্রহম্ ।
আকর্ণাকৃষ্টবিশিখকোদণ্ডভুজমণ্ডিতম্ ॥ 4 ॥
রণে রিপূন্ রাবণাদীংস্তীক্ষ্ণমার্গণবৃষ্টিভিঃ ।
সংহরন্তং মহাবীরমুগ্রমৈন্দ্ররথস্থিতম্ ॥ 5 ॥
লক্ষ্মণাদ্যৈর্মহাবীরৈর্বৃতং হনুমদাদিভিঃ ।
সুগ্রীবাদ্যৈর্মাহাবীরৈঃ শৈলবৃক্ষকরোদ্যতৈঃ ॥ 6 ॥
বেগাত্করালহুঙ্কারৈর্ভুভুক্কারমহারবৈঃ ।
নদদ্ভিঃ পরিবাদদ্ভিঃ সমরে রাবণং প্রতি ॥ 7 ॥
শ্রীরাম শত্রুসঙ্ঘান্মে হন মর্দয খাদয ।
ভূতপ্রেতপিশাচাদীন্ শ্রীরামাশু বিনাশয ॥ 8 ॥
এবং ধ্যাত্বা জপেদ্রামকবচং সিদ্ধিদাযকম্ ।
সুতীক্ষ্ণ বজ্রকবচং শৃণু বক্ষ্যাম্যনুত্তমম্ ॥ 9 ॥
অথ কবচম্
শ্রীরামঃ পাতু মে মূর্ধ্নি পূর্বে চ রঘুবংশজঃ ।
দক্ষিণে মে রঘুবরঃ পশ্চিমে পাতু পাবনঃ ॥ 10 ॥
উত্তরে মে রঘুপতির্ভালং দশরথাত্মজঃ ।
ভ্রুবোর্দূর্বাদলশ্যামস্তযোর্মধ্যে জনার্দনঃ ॥ 11 ॥
শ্রোত্রং মে পাতু রাজেন্দ্রো দৃশৌ রাজীবলোচনঃ ।
ঘ্রাণং মে পাতু রাজর্ষির্গণ্ডৌ মে জানকীপতিঃ ॥ 12 ॥
কর্ণমূলে খরধ্বংসী ভালং মে রঘুবল্লভঃ ।
জিহ্বাং মে বাক্পতিঃ পাতু দন্তপঙ্ক্তী রঘূত্তমঃ ॥ 13 ॥
ওষ্ঠৌ শ্রীরামচন্দ্রো মে মুখং পাতু পরাত্পরঃ ।
কণ্ঠং পাতু জগদ্বন্দ্যঃ স্কন্ধৌ মে রাবণান্তকঃ ॥ 14 ॥
ধনুর্বাণধরঃ পাতু ভুজৌ মে বালিমর্দনঃ ।
সর্বাণ্যঙ্গুলিপর্বাণি হস্তৌ মে রাক্ষসান্তকঃ ॥ 15 ॥
বক্ষো মে পাতু কাকুত্স্থঃ পাতু মে হৃদযং হরিঃ ।
স্তনৌ সীতাপতিঃ পাতু পার্শ্বং মে জগদীশ্বরঃ ॥ 16 ॥
মধ্যং মে পাতু লক্ষ্মীশো নাভিং মে রঘুনাযকঃ ।
কৌসল্যেযঃ কটী পাতু পৃষ্ঠং দুর্গতিনাশনঃ ॥ 17 ॥
গুহ্যং পাতু হৃষীকেশঃ সক্থিনী সত্যবিক্রমঃ ।
ঊরূ শার্ঙ্গধরঃ পাতু জানুনী হনুমত্প্রিযঃ ॥ 18 ॥
জঙ্ঘে পাতু জগদ্ব্যাপী পাদৌ মে তাটকান্তকঃ ।
সর্বাঙ্গং পাতু মে বিষ্ণুঃ সর্বসন্ধীননামযঃ ॥ 19 ॥
জ্ঞানেন্দ্রিযাণি প্রাণাদীন্ পাতু মে মধুসূদনঃ ।
পাতু শ্রীরামভদ্রো মে শব্দাদীন্বিষযানপি ॥ 20 ॥
দ্বিপদাদীনি ভূতানি মত্সম্বন্ধীনি যানি চ ।
জামদগ্ন্যমহাদর্পদলনঃ পাতু তানি মে ॥ 21 ॥
সৌমিত্রিপূর্বজঃ পাতু বাগাদীনীন্দ্রিযাণি চ ।
রোমাঙ্কুরাণ্যশেষাণি পাতু সুগ্রীবরাজ্যদঃ ॥ 22 ॥
বাঙ্মনোবুদ্ধ্যহঙ্কারৈর্জ্ঞানাজ্ঞানকৃতানি চ ।
জন্মান্তরকৃতানীহ পাপানি বিবিধানি চ ॥ 23 ॥
তানি সর্বাণি দগ্ধ্বাশু হরকোদণ্ডখণ্ডনঃ ।
পাতু মাং সর্বতো রামঃ শার্ঙ্গবাণধরঃ সদা ॥ 24 ॥