ത്രിസുപര്ണമ്

(തൈ-ആ-10-38ഃ40)
ഓ-മ്ബ്രഹ്മ॑മേതു॒ മാമ് । മധു॑മേതു॒ മാമ് ।
ബ്രഹ്മ॑മേ॒വ മധു॑മേതു॒ മാമ് ।
യാസ്തേ॑ സോമ പ്ര॒ജാ വ॒ഥ്സോ-ഽഭി॒ സോ അ॒ഹമ് ।
ദുഷ്ഷ്വ॑പ്ന॒ഹന്ദു॑രുഷ്വ॒ഹ ।
യാസ്തേ॑ സോമ പ്രാ॒ണാഗ്ംസ്താഞ്ജു॑ഹോമി ।
ത്രിസു॑പര്ണ॒മയാ॑ചിത-മ്ബ്രാഹ്മ॒ണായ॑ ദദ്യാത് ।
ബ്ര॒ഹ്മ॒ഹ॒ത്യാം-വാഁ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാസ്ത്രിസു॑പര്ണ॒-മ്പഠ॑ന്തി ।
തേ സോമ॒-മ്പ്രാപ്നു॑വന്തി ।
ആ॒സ॒ഹ॒സ്രാത്പ॒ങ്ക്തി-മ്പുന॑ന്തി ।
ഓമ് ॥ 1

ബ്രഹ്മ॑ മേ॒ധയാ᳚ ।
മധു॑ മേ॒ധയാ᳚ ।
ബ്രഹ്മ॑മേ॒വ മധു॑ മേ॒ധയാ᳚ ।
അ॒ദ്യാ നോ॑ ദേവ സവിതഃ പ്ര॒ജാവ॑ത്സാവീ॒സ്സൌഭ॑ഗമ് ।
പരാ॑ ദു॒ഷ്വപ്നി॑യഗ്ം സുവ ।
വിശ്വാ॑നി ദേവ സവിതര്ദുരി॒താനി॒ പരാ॑സുവ ।
യദ്ഭ॒ദ്ര-ന്തന്മ॒ ആസു॑വ ।
മധു॒ വാതാ॑ ഋതായ॒തേ മധു॑ ക്ഷരന്തി॒ സിന്ധ॑വഃ ।
മാധ്വീ᳚ര്നസ്സ॒ന്ത്വോഷ॑ധീഃ ।
മധു॒ നക്ത॑മു॒തോഷസി॒ മധു॑മ॒ത്പാര്ഥി॑വ॒ഗ്ം॒ രജഃ॑ ।
മധു॒ ദ്യൌര॑സ്തു നഃ പി॒താ ।
മധു॑ മാന്നോ॒ വന॒സ്പതി॒ര്മധു॑മാഗ്ം അസ്തു॒ സൂര്യഃ॑ ।
മാധ്വീ॒ര്ഗാവോ॑ ഭവന്തു നഃ ।
യ ഇ॒മ-ന്ത്രിസു॑പര്ണ॒മയാ॑ചിത-മ്ബ്രാഹ്മ॒ണായ॑ ദദ്യാത് ।
ഭ്രൂ॒ണ॒ഹ॒ത്യാം-വാഁ ഏ॒തേ ഘ്ന॑ന്തി ।
യേ ബ്രാ᳚ഹ്മ॒ണാസ്ത്രിസു॑പര്ണ॒-മ്പഠ॑ന്തി ।
തേ സോമ॒-മ്പ്രാപ്നു॑വന്തി ।
ആ॒സ॒ഹ॒സ്രാത്പ॒ങ്ക്തി-മ്പുന॑ന്തി ।
ഓമ് ॥ 2

ബ്രഹ്മ॑ മേ॒ധവാ᳚ ।
മധു॑ മേ॒ധവാ᳚ ।
ബ്രഹ്മ॑മേ॒വ മധു॑ മേ॒ധവാ᳚ ।
ബ്ര॒ഹ്മാ ദേ॒വാനാ᳚-മ്പദ॒വീഃ ക॑വീ॒നാമൃഷി॒ര്വിപ്രാ॑ണാ-മ്മഹി॒ഷോ മൃ॒ഗാണാ᳚മ് ।
ശ്യേ॒നോ ഗൃദ്ധ്രാ॑ണാ॒ഗ്ം॒ സ്വധി॑തി॒ര്വനാ॑നാ॒ഗ്ം॒ സോമഃ॑ പ॒വിത്ര॒മത്യേ॑തി॒ രേഭന്ന്॑ ।
ഹ॒ഗ്ം॒സശ്ശു॑ചി॒ഷദ്വസു॑രന്തരിക്ഷ॒സദ്ധോതാ॑ വേദി॒ഷദതി॑ഥിര്ദുരോണ॒സത് ।
നൃ॒ഷദ്വ॑ര॒സദൃ॑ത॒സദ്വ്യോ॑മ॒സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒ത-മ്ബൃ॒ഹത് ।
ഋ॒ചേ ത്വാ॑ രു॒ചേ ത്വാ॒ സമിത്സ്ര॑വന്തി സ॒രിതോ॒ ന ധേനാഃ᳚ ।
അ॒ന്തര്​ഹൃ॒ദാ മന॑സാ പൂ॒യമാ॑നാഃ ।
ഘൃ॒തസ്യ॒ ധാരാ॑ അ॒ഭിചാ॑കശീമി ।
ഹി॒ര॒ണ്യയോ॑ വേത॒സോ മദ്ധ്യ॑ ആസാമ് ।
തസ്മി᳚ന്​ഥ്സുപ॒ര്ണോ മ॑ധു॒കൃ-ത്കു॑ലാ॒യീ ഭജ॑ന്നാസ്തേ॒ മധു॑ ദേ॒വതാ᳚ഭ്യഃ ।
തസ്യാ॑സതേ॒ ഹര॑യസ്സ॒പ്ത തീരേ᳚ സ്വ॒ധാ-ന്ദുഹാ॑നാ അ॒മൃത॑സ്യ॒ ധാരാ᳚മ് ।
യ ഇ॒ദ-ന്ത്രിസു॑പര്ണ॒മയാ॑ചിത-മ്ബ്രാഹ്മ॒ണായ॑ ദദ്യാത് ।
വീ॒ര॒ഹ॒ത്യാം-വാഁ ഏ॒തേ ഘ്നന്തി ।
യേ ബ്രാ᳚ഹ്മ॒ണാസ്ത്രിസു॑പര്ണ॒-മ്പഠ॑ന്തി ।
തേ സോമ॒-മ്പ്രാപ്നു॑വന്തി ।
ആ॒സ॒ഹ॒സ്രാത്പ॒ങ്ക്തി-മ്പുന॑ന്തി ।
ഓമ് ॥ 3
ഓം ശാന്തി॒-ശ്ശാന്തി॒-ശ്ശാന്തിഃ॑ ॥