ત્રિસુપર્ણમ્

(તૈ-આ-10-38ઃ40)
ઓ-મ્બ્રહ્મ॑મેતુ॒ મામ્ । મધુ॑મેતુ॒ મામ્ ।
બ્રહ્મ॑મે॒વ મધુ॑મેતુ॒ મામ્ ।
યાસ્તે॑ સોમ પ્ર॒જા વ॒થ્સો-ઽભિ॒ સો અ॒હમ્ ।
દુષ્ષ્વ॑પ્ન॒હન્દુ॑રુષ્વ॒હ ।
યાસ્તે॑ સોમ પ્રા॒ણાગ્ંસ્તાઞ્જુ॑હોમિ ।
ત્રિસુ॑પર્ણ॒મયા॑ચિત-મ્બ્રાહ્મ॒ણાય॑ દદ્યાત્ ।
બ્ર॒હ્મ॒હ॒ત્યાં-વાઁ એ॒તે ઘ્ન॑ન્તિ ।
યે બ્રા᳚હ્મ॒ણાસ્ત્રિસુ॑પર્ણ॒-મ્પઠ॑ન્તિ ।
તે સોમ॒-મ્પ્રાપ્નુ॑વન્તિ ।
આ॒સ॒હ॒સ્રાત્પ॒ઙ્ક્તિ-મ્પુન॑ન્તિ ।
ઓમ્ ॥ 1

બ્રહ્મ॑ મે॒ધયા᳚ ।
મધુ॑ મે॒ધયા᳚ ।
બ્રહ્મ॑મે॒વ મધુ॑ મે॒ધયા᳚ ।
અ॒દ્યા નો॑ દેવ સવિતઃ પ્ર॒જાવ॑ત્સાવી॒સ્સૌભ॑ગમ્ ।
પરા॑ દુ॒ષ્વપ્નિ॑યગ્ં સુવ ।
વિશ્વા॑નિ દેવ સવિતર્દુરિ॒તાનિ॒ પરા॑સુવ ।
યદ્ભ॒દ્ર-ન્તન્મ॒ આસુ॑વ ।
મધુ॒ વાતા॑ ઋતાય॒તે મધુ॑ ક્ષરન્તિ॒ સિન્ધ॑વઃ ।
માધ્વી᳚ર્નસ્સ॒ન્ત્વોષ॑ધીઃ ।
મધુ॒ નક્ત॑મુ॒તોષસિ॒ મધુ॑મ॒ત્પાર્થિ॑વ॒ગ્ં॒ રજઃ॑ ।
મધુ॒ દ્યૌર॑સ્તુ નઃ પિ॒તા ।
મધુ॑ માન્નો॒ વન॒સ્પતિ॒ર્મધુ॑માગ્ં અસ્તુ॒ સૂર્યઃ॑ ।
માધ્વી॒ર્ગાવો॑ ભવન્તુ નઃ ।
ય ઇ॒મ-ન્ત્રિસુ॑પર્ણ॒મયા॑ચિત-મ્બ્રાહ્મ॒ણાય॑ દદ્યાત્ ।
ભ્રૂ॒ણ॒હ॒ત્યાં-વાઁ એ॒તે ઘ્ન॑ન્તિ ।
યે બ્રા᳚હ્મ॒ણાસ્ત્રિસુ॑પર્ણ॒-મ્પઠ॑ન્તિ ।
તે સોમ॒-મ્પ્રાપ્નુ॑વન્તિ ।
આ॒સ॒હ॒સ્રાત્પ॒ઙ્ક્તિ-મ્પુન॑ન્તિ ।
ઓમ્ ॥ 2

બ્રહ્મ॑ મે॒ધવા᳚ ।
મધુ॑ મે॒ધવા᳚ ।
બ્રહ્મ॑મે॒વ મધુ॑ મે॒ધવા᳚ ।
બ્ર॒હ્મા દે॒વાના᳚-મ્પદ॒વીઃ ક॑વી॒નામૃષિ॒ર્વિપ્રા॑ણા-મ્મહિ॒ષો મૃ॒ગાણા᳚મ્ ।
શ્યે॒નો ગૃદ્ધ્રા॑ણા॒ગ્ં॒ સ્વધિ॑તિ॒ર્વના॑ના॒ગ્ં॒ સોમઃ॑ પ॒વિત્ર॒મત્યે॑તિ॒ રેભન્ન્॑ ।
હ॒ગ્ં॒સશ્શુ॑ચિ॒ષદ્વસુ॑રન્તરિક્ષ॒સદ્ધોતા॑ વેદિ॒ષદતિ॑થિર્દુરોણ॒સત્ ।
નૃ॒ષદ્વ॑ર॒સદૃ॑ત॒સદ્વ્યો॑મ॒સદ॒બ્જા ગો॒જા ઋ॑ત॒જા અ॑દ્રિ॒જા ઋ॒ત-મ્બૃ॒હત્ ।
ઋ॒ચે ત્વા॑ રુ॒ચે ત્વા॒ સમિત્સ્ર॑વન્તિ સ॒રિતો॒ ન ધેનાઃ᳚ ।
અ॒ન્તર્​હૃ॒દા મન॑સા પૂ॒યમા॑નાઃ ।
ઘૃ॒તસ્ય॒ ધારા॑ અ॒ભિચા॑કશીમિ ।
હિ॒ર॒ણ્યયો॑ વેત॒સો મદ્ધ્ય॑ આસામ્ ।
તસ્મિ᳚ન્​થ્સુપ॒ર્ણો મ॑ધુ॒કૃ-ત્કુ॑લા॒યી ભજ॑ન્નાસ્તે॒ મધુ॑ દે॒વતા᳚ભ્યઃ ।
તસ્યા॑સતે॒ હર॑યસ્સ॒પ્ત તીરે᳚ સ્વ॒ધા-ન્દુહા॑ના અ॒મૃત॑સ્ય॒ ધારા᳚મ્ ।
ય ઇ॒દ-ન્ત્રિસુ॑પર્ણ॒મયા॑ચિત-મ્બ્રાહ્મ॒ણાય॑ દદ્યાત્ ।
વી॒ર॒હ॒ત્યાં-વાઁ એ॒તે ઘ્નન્તિ ।
યે બ્રા᳚હ્મ॒ણાસ્ત્રિસુ॑પર્ણ॒-મ્પઠ॑ન્તિ ।
તે સોમ॒-મ્પ્રાપ્નુ॑વન્તિ ।
આ॒સ॒હ॒સ્રાત્પ॒ઙ્ક્તિ-મ્પુન॑ન્તિ ।
ઓમ્ ॥ 3
ૐ શાન્તિ॒-શ્શાન્તિ॒-શ્શાન્તિઃ॑ ॥