ତୈତ୍ତିରୀଯ ଉପନିଷଦ୍ - ଶୀକ୍ଷାଵଲ୍ଲୀ

ଇତି ପ୍ରଥମୋ-ଽନୁଵାକଃ ॥ ଶୀକ୍ଷାଂ-ଵ୍ଯାଁ᳚ଖ୍ଯାସ୍ଯା॒ମଃ । ଵର୍ଣ॒ସ୍ସ୍ଵରଃ । ମାତ୍ରା॒ ବଲମ୍ । ସାମ॑ ସନ୍ତା॒ନଃ । ଇତ୍ଯୁକ୍ତଶ୍ଶୀ᳚କ୍ଷାଧ୍ଯା॒ଯଃ ॥ 1 ॥ ଇତି ଦ୍ଵିତୀଯୋ-ଽନୁଵାକଃ ॥ ସ॒ହ ନୌ॒ ଯଶଃ । ସ॒ହ ନୌ ବ୍ର॑ହ୍ମଵ॒ର୍ଚସମ୍ । ଅଥାତସ୍ସଗ୍ଂହିତାଯା ଉପନିଷଦଂ-ଵ୍ଯାଁ᳚ଖ୍ଯାସ୍ଯା॒ମଃ । ପଞ୍ଚସ୍ଵଧିକ॑ରଣେ॒ଷୁ । ଅଧିଲୋକମଧିଜ୍ଯୌତିଷମଧିଵିଦ୍ଯମଧିପ୍ରଜ॑ମଧ୍ଯା॒ତ୍ମମ୍ । ତା ମହାସଗ୍ଂହିତା ଇ॑ତ୍ଯାଚ॒କ୍ଷତେ । ଅଥା॑ଧିଲୋ॒କମ୍ । ପୃଥିଵୀ ପୂ᳚ର୍ଵରୂ॒ପମ୍ । ଦ୍ଯୌରୁତ୍ତ॑ରରୂ॒ପମ୍ । ଆକା॑ଶସ୍ସ॒ନ୍ଧିଃ ॥ 1 ॥ ଵାଯୁ॑ସ୍ସନ୍ଧା॒ନମ୍ । ଇତ୍ଯ॑ଧିଲୋ॒କମ୍ । ଅଥା॑ଧିଜ୍ଯୌ॒ତିଷମ୍ । ଅଗ୍ନିଃ ପୂ᳚ର୍ଵରୂ॒ପମ୍ । ଆଦିତ୍ଯ ଉତ୍ତ॑ରରୂ॒ପମ୍ । ଆ॑ପସ୍ସ॒ନ୍ଧିଃ । ଵୈଦ୍ଯୁତ॑ସ୍ସନ୍ଧା॒ନମ୍ । ଇତ୍ଯ॑ଧିଜ୍ଯୌ॒ତିଷମ୍ । ଅଥା॑ଧିଵି॒ଦ୍ଯମ୍ । ଆଚାର୍ଯଃ ପୂ᳚ର୍ଵରୂ॒ପମ୍ ॥ 2 ॥ ଅନ୍ତେଵାସ୍ଯୁତ୍ତ॑ରରୂ॒ପମ୍ । ଵି॑ଦ୍ଯା ସ॒ନ୍ଧିଃ । ପ୍ରଵଚନଗ୍ଂ॑ ସନ୍ଧା॒ନମ୍ । ଇତ୍ଯ॑ଧିଵି॒ଦ୍ଯମ୍ । ଅଥାଧି॒ପ୍ରଜମ୍ । ମାତା ପୂ᳚ର୍ଵରୂ॒ପମ୍ । ପିତୋତ୍ତ॑ରରୂ॒ପମ୍ । ପ୍ର॑ଜା ସ॒ନ୍ଧିଃ । ପ୍ରଜନନଗ୍ଂ॑ ସନ୍ଧା॒ନମ୍ । ଇତ୍ଯଧି॒ପ୍ରଜମ୍ ॥ 3 ॥ ଅଥାଧ୍ଯା॒ତ୍ମମ୍ । ଅଧରା ହନୁଃ ପୂ᳚ର୍ଵରୂ॒ପମ୍ । ଉତ୍ତରା ହନୁରୁତ୍ତ॑ରରୂ॒ପମ୍ । ଵାକ୍ସ॒ନ୍ଧିଃ । ଜିହ୍ଵା॑ ସନ୍ଧା॒ନମ୍ । ଇତ୍ଯଧ୍ଯା॒ତ୍ମମ୍ । ଇତୀମା ମ॑ହାସ॒ଗ୍ଂ॒ହିତାଃ । ଯ ଏଵମେତା ମହାସଗ୍ଂହିତା ଵ୍ଯାଖ୍ଯା॑ତା ଵେ॒ଦ । ସନ୍ଧୀଯତେ ପ୍ରଜ॑ଯା ପ॒ଶୁଭିଃ । ବ୍ରହ୍ମଵର୍ଚସେନାନ୍ନାଦ୍ଯେନ ସୁଵର୍ଗ୍ଯେଣ॑ ଲୋକେ॒ନ ॥ 4 ॥ ଇତି ତୃତୀଯୋ-ଽନୁଵାକଃ ॥ ଯଶ୍ଛନ୍ଦ॑ସାମୃଷ॒ଭୋ ଵି॒ଶ୍ଵରୂ॑ପଃ । ଛନ୍ଦୋ॒ଭ୍ଯୋ-ଽଧ୍ଯ॒ମୃତା᳚ଥ୍ସ-ମ୍ବ॒ଭୂଵ॑ । ସ ମେନ୍ଦ୍ରୋ॑ ମେ॒ଧଯା᳚ ସ୍ପୃଣୋତୁ । ଅ॒ମୃତ॑ସ୍ଯ ଦେଵ॒ ଧାର॑ଣୋ ଭୂଯାସମ୍ । ଶରୀ॑ର-ମ୍ମେ॒ ଵିଚ॑ର୍​ଷଣମ୍ । ଜି॒ହ୍ଵା ମେ॒ ମଧୁ॑ମତ୍ତମା । କର୍ଣା᳚ଭ୍ଯା-ମ୍ଭୂରି॒ ଵିଶ୍ରୁ॑ଵମ୍ । ବ୍ରହ୍ମ॑ଣଃ କୋ॒ଶୋ॑-ଽସି ମେ॒ଧଯା-ଽପି॑ହିତଃ । ଶ୍ରୁ॒ତ-ମ୍ମେ॑ ଗୋପାଯ । ଆ॒ଵହ॑ନ୍ତୀ ଵିତନ୍ଵା॒ନା ॥ 1 ॥ କୁ॒ର୍ଵା॒ଣା ଚୀର॑ମା॒ତ୍ମନଃ॑ । ଵାସାଗ୍ଂ॑ସି॒ ମମ॒ ଗାଵ॑ଶ୍ଚ । ଅ॒ନ୍ନ॒ପା॒ନେ ଚ॑ ସର୍ଵ॒ଦା । ତତୋ॑ ମେ॒ ଶ୍ରିଯ॒ମାଵ॑ହ । ଲୋ॒ମ॒ଶା-ମ୍ପ॒ଶୁଭି॑ସ୍ସ॒ହ ସ୍ଵାହା᳚ । ଆମା॑ ଯନ୍ତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଵିମା॑-ଽଽଯନ୍ତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ପ୍ରମା॑-ଽଽଯନ୍ତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଦମା॑ଯନ୍ତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ । ଶମା॑ଯନ୍ତୁ ବ୍ରହ୍ମଚା॒ରିଣ॒ସ୍ସ୍ଵାହା᳚ ॥ 2 ॥ ଯଶୋ॒ ଜନେ॑-ଽସାନି॒ ସ୍ଵାହା᳚ । ଶ୍ରେଯା॒ନ୍ଵସ୍ଯ॑ସୋ-ଽସାନି॒ ସ୍ଵାହା᳚ । ତ-ନ୍ତ୍ଵା॑ ଭଗ॒ ପ୍ରଵି॑ଶାନି॒ ସ୍ଵାହା᳚ । ସ ମା॑ ଭଗ॒ ପ୍ରଵି॑ଶ॒ ସ୍ଵାହା᳚ । ତସ୍ମିନ୍᳚-ଥ୍ସ॒ହସ୍ର॑ଶାଖେ । ନିଭ॑ଗା॒ହ-ନ୍ତ୍ଵଯି॑ ମୃଜେ॒ ସ୍ଵାହା᳚ । ଯଥା-ଽଽପଃ॒ ପ୍ରଵ॑ତା॒-ଽଽଯନ୍ତି॑ । ଯଥା॒ ମାସା॑ ଅହର୍ଜ॒ରମ୍ । ଏ॒ଵ-ମ୍ମା-ମ୍ବ୍ର॑ହ୍ମଚା॒ରିଣଃ॑ । ଧାତ॒ରାଯ॑ନ୍ତୁ ସ॒ର୍ଵତ॒ସ୍ସ୍ଵାହା᳚ । ପ୍ର॒ତି॒ଵେ॒ଶୋ॑-ଽସି॒ ପ୍ରମା॑ଭାହି॒ ପ୍ରମା॑ପଦ୍ଯସ୍ଵ ॥ 3 ॥ ଇତି ଚତୁର୍ଥୋ-ଽନୁଵାକଃ ॥ ଭୂର୍ଭୁଵ॒ସ୍ସୁଵ॒ରିତି॒ ଵା ଏ॒ତାସ୍ତି॒ସ୍ରୋ ଵ୍ଯାହୃ॑ତଯଃ । ତାସା॑ମୁହସ୍ମୈ॒ ତା-ଞ୍ଚ॑ତୁ॒ର୍ଥୀମ୍ । ମାହା॑ଚମସ୍ଯଃ॒ ପ୍ରଵେ॑ଦଯତେ । ମହ॒ ଇତି॑ । ତଦ୍ବ୍ରହ୍ମ॑ । ସ ଆ॒ତ୍ମା । ଅଙ୍ଗା᳚ନ୍ଯ॒ନ୍ଯା ଦେ॒ଵତାଃ᳚ । ଭୂରିତି॒ ଵା ଅ॒ଯଂ-ଲୋଁ॒କଃ । ଭୁଵ॒ ଇତ୍ଯ॒ନ୍ତରି॑କ୍ଷମ୍ । ସୁଵ॒ରିତ୍ଯ॒ସୌ ଲୋ॒କଃ ॥ 1 ॥ ମହ॒ ଇତ୍ଯା॑ଦି॒ତ୍ଯଃ । ଆ॒ଦି॒ତ୍ଯେନ॒ ଵାଵ ସର୍ଵେ॑ ଲୋ॒କା ମହୀ॑ଯନ୍ତେ । ଭୂରିତି॒ ଵା ଅ॒ଗ୍ନିଃ । ଭୁଵ॒ ଇତି॑ ଵା॒ଯୁଃ । ସୁଵ॒ରିତ୍ଯା॑ଦି॒ତ୍ଯଃ । ମହ॒ ଇତି॑ ଚ॒ନ୍ଦ୍ରମାଃ᳚ । ଚ॒ନ୍ଦ୍ରମ॑ସା॒ ଵାଵ ସର୍ଵା॑ଣି॒ ଜ୍ଯୋତୀଗ୍ଂ॑ଷି॒ ମହୀ॑ଯନ୍ତେ । ଭୂରିତି॒ ଵା ଋଚଃ॑ । ଭୁଵ॒ ଇତି॒ ସାମା॑ନି । ସୁଵ॒ରିତି॒ ଯଜୂଗ୍ଂ॑ଷି ॥ 2 ॥ ମହ॒ ଇତି॒ ବ୍ରହ୍ମ॑ । ବ୍ରହ୍ମ॑ଣା॒ ଵାଵ ସର୍ଵେ॑ ଵେ॒ଦା ମହୀ॑ଯନ୍ତେ । ଭୂରିତି॒ ଵୈ ପ୍ରା॒ଣଃ । ଭୁଵ॒ ଇତ୍ଯ॑ପା॒ନଃ । ସୁଵ॒ରିତି॑ ଵ୍ଯା॒ନଃ । ମହ॒ ଇତ୍ଯନ୍ନମ୍᳚ । ଅନ୍ନେ॑ନ॒ ଵାଵ ସର୍ଵେ᳚ ପ୍ରା॒ଣା ମହୀ॑ଯନ୍ତେ । ତା ଵା ଏ॒ତାଶ୍ଚତ॑ସ୍ରଶ୍ଚତୁ॒ର୍ଧା । ଚତ॑ସ୍ରଶ୍ଚତସ୍ରୋ॒ ଵ୍ଯାହୃ॑ତଯଃ । ତା ଯୋ ଵେଦ॑ । ସ ଵେ॑ଦ॒ ବ୍ରହ୍ମ॑ । ସର୍ଵେ᳚-ଽସ୍ମୈ ଦେ॒ଵା ବ॒ଲିମାଵ॑ହନ୍ତି ॥ 3 ॥ ଇତି ପଞ୍ଚମୋ-ଽନୁଵାକଃ ॥ ସ ଯ ଏ॒ଷୋ᳚-ଽନ୍ତରହୃ॑ଦଯ ଆକା॒ଶଃ । ତସ୍ମି॑ନ୍ନ॒ଯ-ମ୍ପୁରୁ॑ଷୋ ମନୋ॒ମଯଃ॑ । ଅମୃ॑ତୋ ହିର॒ଣ୍ମଯଃ॑ । ଅନ୍ତ॑ରେଣ॒ ତାଲୁ॑କେ । ଯ ଏ॒ଷସ୍ତନ॑ ଇଵାଵ॒ଲମ୍ବ॑ତେ । ସେ᳚ନ୍ଦ୍ରଯୋ॒ନିଃ । ଯତ୍ରା॒ସୌ କେ॑ଶା॒ନ୍ତୋ ଵି॒ଵର୍ତ॑ତେ । ଵ୍ଯ॒ପୋହ୍ଯ॑ ଶୀର୍​ଷକପା॒ଲେ । ଭୂରିତ୍ଯ॒ଗ୍ନୌ ପ୍ରତି॑ତିଷ୍ଠତି । ଭୁଵ॒ ଇତି॑ ଵା॒ଯୌ ॥ 1 ॥ ସୁଵ॒ରିତ୍ଯା॑ଦି॒ତ୍ଯେ । ମହ॒ ଇତି॒ ବ୍ରହ୍ମ॑ଣି । ଆ॒ପ୍ନୋତି॒ ସ୍ଵାରା᳚ଜ୍ଯମ୍ । ଆ॒ପ୍ନୋତି॒ ମନ॑ସ॒ସ୍ପତିମ୍᳚ । ଵାକ୍ପ॑ତି॒ଶ୍ଚକ୍ଷୁ॑ଷ୍ପତିଃ । ଶ୍ରୋତ୍ର॑ପତିର୍ଵି॒ଜ୍ଞାନ॑ପତିଃ । ଏ॒ତତ୍ତତୋ॑ ଭଵତି । ଆ॒କା॒ଶଶ॑ରୀର॒-ମ୍ବ୍ରହ୍ମ॑ । ସ॒ତ୍ଯାତ୍ମ॑ ପ୍ରା॒ଣାରା॑ମ॒-ମ୍ମନ॑ ଆନନ୍ଦମ୍ । ଶାନ୍ତି॑ସମୃଦ୍ଧମ॒ମୃତମ୍᳚ । ଇତି॑ ପ୍ରାଚୀନ ଯୋ॒ଗ୍ଯୋପା᳚ସ୍ସ୍ଵ ॥ 2 ॥ ଇତି ଷଷ୍ଠୋ-ଽନୁଵାକଃ ॥ ପୃ॒ଥି॒ଵ୍ଯ॑ନ୍ତରି॑କ୍ଷ॒-ନ୍ଦ୍ଯୌର୍ଦିଶୋ॑-ଽଵାନ୍ତରଦି॒ଶାଃ । ଅ॒ଗ୍ନିର୍ଵା॒ଯୁରା॑ଦି॒ତ୍ଯଶ୍ଚ॒ନ୍ଦ୍ରମା॒ ନକ୍ଷ॑ତ୍ରାଣି । ଆପ॒ ଓଷ॑ଧଯୋ॒ ଵନ॒ସ୍ପତ॑ଯ ଆକା॒ଶ ଆ॒ତ୍ମା । ଇତ୍ଯ॑ଧିଭୂ॒ତମ୍ । ଅଥାଧ୍ଯା॒ତ୍ମମ୍ । ପ୍ରା॒ଣୋ ଵ୍ଯା॒ନୋ॑-ଽପା॒ନ ଉ॑ଦା॒ନସ୍ସ॑ମା॒ନଃ । ଚକ୍ଷୁ॒ଶ୍ଶ୍ରୋତ୍ର॒-ମ୍ମନୋ॒ ଵାକ୍ତ୍ଵକ୍ । ଚର୍ମ॑ମା॒ଗ୍ଂ॒ସଗ୍ଗ୍ ସ୍ନାଵାସ୍ଥି॑ ମ॒ଜ୍ଜା । ଏ॒ତଦ॑ଧିଵି॒ଧାଯ॒ ଋଷି॒ରଵୋ॑ଚତ୍ । ପାଙ୍କ୍ତଂ॒-ଵାଁ ଇ॒ଦଗ୍ଂ ସର୍ଵମ୍᳚ । ପାଙ୍କ୍ତେ॑ନୈ॒ଵ ପାଙ୍କ୍ତଗ୍ଗ୍॑ ସ୍ପୃଣୋ॒ତୀତି॑ ॥ 1 ॥ ଇତି ସପ୍ତମୋ-ଽନୁଵାକଃ ॥ ଓମିତି॒ ବ୍ରହ୍ମ॑ । ଓମିତୀ॒ଦଗ୍ଂ ସର୍ଵମ୍᳚ । ଓମିତ୍ଯେ॒ତଦ॑ନୁକୃତିର୍-ହ ସ୍ମ॒ ଵା ଅ॒ପ୍ଯୋ ଶ୍ରା॑ଵ॒ଯେତ୍ଯାଶ୍ରା॑ଵଯନ୍ତି । ଓମିତି॒ ସାମା॑ନି ଗାଯନ୍ତି । ଓଗ୍ଂ ଶୋମିତି॑ ଶ॒ସ୍ତ୍ରାଣି॑ ଶଗ୍ଂସନ୍ତି । ଓମିତ୍ଯ॑ଧ୍ଵ॒ର୍ଯୁଃ ପ୍ର॑ତିଗ॒ର-ମ୍ପ୍ରତି॑ଗୃଣାତି । ଓମିତି॒ ବ୍ରହ୍ମା॒ ପ୍ରସୌ॑ତି । ଓମିତ୍ଯ॑ଗ୍ନିହୋ॒ତ୍ରମନୁ॑ଜାନାତି । ଓମିତି॑ ବ୍ରାହ୍ମ॒ଣଃ ପ୍ର॑ଵ॒କ୍ଷ୍ଯନ୍ନା॑ହ॒ ବ୍ରହ୍ମୋପା᳚ପ୍ନଵା॒ନୀତି॑ । ବ୍ରହ୍ମୈ॒ଵୋପା᳚ପ୍ନୋତି ॥ 1 ॥ ଇତ୍ଯଷ୍ଟମୋ-ଽନୁଵାକଃ ॥ ଋତ-ଞ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ସତ୍ଯ-ଞ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ତପଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ଦମଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ଶମଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ଅଗ୍ନଯଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ଅଗ୍ନିହୋତ୍ର-ଞ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ଅତିଥଯଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ମାନୁଷ-ଞ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ପ୍ରଜା ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ପ୍ରଜନଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ପ୍ରଜାତିଶ୍ଚ ସ୍ଵାଧ୍ଯାଯପ୍ରଵ॑ଚନେ॒ ଚ । ସତ୍ଯମିତି ସତ୍ଯଵଚା॑ ରାଥୀ॒ତରଃ । ତପ ଇତି ତପୋନିତ୍ଯଃ ପୌ॑ରୁଶି॒ଷ୍ଟିଃ । ସ୍ଵାଧ୍ଯାଯପ୍ରଵଚନେ ଏଵେତି ନାକୋ॑ ମୌଦ୍ଗ॒ଲ୍ଯଃ । ତଦ୍ଧି ତପ॑ସ୍ତଦ୍ଧି॒ ତପଃ ॥ 1 ॥ ଇତି ନଵମୋ-ଽନୁଵାକଃ ॥ ଅ॒ହଂ-ଵୃଁ॒କ୍ଷସ୍ଯ॒ ରେରି॑ଵା । କୀ॒ର୍ତିଃ ପୃ॒ଷ୍ଠ-ଙ୍ଗି॒ରେରି॑ଵ । ଊ॒ର୍ଧ୍ଵପ॑ଵିତ୍ରୋ ଵା॒ଜିନୀ॑ଵ ସ୍ଵ॒ମୃତ॑ମସ୍ମି । ଦ୍ରଵି॑ଣ॒ଗ୍ଂ॒ ସଵ॑ର୍ଚସମ୍ । ସୁମେଧା ଅ॑ମୃତୋ॒କ୍ଷିତଃ । ଇତି ତ୍ରିଶଙ୍କୋର୍ଵେଦା॑ନୁଵ॒ଚନମ୍ ॥ 1 ॥ ଇତି ଦଶମୋ-ଽନୁଵାକଃ ॥ ଵେଦମନୂଚ୍ଯାଚାର୍ଯୋ-ଽନ୍ତେଵାସିନମ॑ନୁଶା॒ସ୍ତି । ସତ୍ଯଂ॒-ଵଁଦ । ଧର୍ମ॒-ଞ୍ଚର । ସ୍ଵାଧ୍ଯାଯା᳚ନ୍ମା ପ୍ର॒ମଦଃ । ଆଚାର୍ଯାଯ ପ୍ରିଯ-ନ୍ଧନମାହୃତ୍ଯ ପ୍ରଜାତନ୍ତୁ-ମ୍ମା ଵ୍ଯ॑ଵଚ୍ଛେ॒ତ୍ସୀଃ । ସତ୍ଯାନ୍ନ ପ୍ରମ॑ଦିତ॒ଵ୍ଯମ୍ । ଧର୍ମାନ୍ନ ପ୍ରମ॑ଦିତ॒ଵ୍ଯମ୍ । କୁଶଲାନ୍ନ ପ୍ରମ॑ଦିତ॒ଵ୍ଯମ୍ । ଭୂତ୍ଯୈ ନ ପ୍ରମ॑ଦିତ॒ଵ୍ଯମ୍ । ସ୍ଵାଧ୍ଯାଯପ୍ରଵଚନାଭ୍ଯା-ନ୍ନ ପ୍ରମ॑ଦିତ॒ଵ୍ଯମ୍ ॥ 1 ॥ ଦେଵପିତୃକାର୍ଯାଭ୍ଯା-ନ୍ନ ପ୍ରମ॑ଦିତ॒ଵ୍ଯମ୍ । ମାତୃ॑ଦେଵୋ॒ ଭଵ । ପିତୃ॑ଦେଵୋ॒ ଭଵ । ଆଚାର୍ଯ॑ଦେଵୋ॒ ଭଵ । ଅତିଥି॑ଦେଵୋ॒ ଭଵ । ଯାନ୍ଯନଵଦ୍ଯାନି॑ କର୍ମା॒ଣି । ତାନି ସେଵି॑ତଵ୍ଯା॒ନି । ନୋ ଇ॑ତରା॒ଣି । ଯାନ୍ଯସ୍ମାକଗ୍ଂ ସୁଚ॑ରିତା॒ନି । ତାନି ତ୍ଵଯୋ॑ପାସ୍ଯା॒ନି ॥ 2 ॥ ନୋ ଇ॑ତରା॒ଣି । ଯେ କେ ଚାରୁମଚ୍ଛ୍ରେଯାଗ୍ଂ॑ସୋ ବ୍ରା॒ହ୍ମଣାଃ । ତେଷା-ନ୍ତ୍ଵଯା-ଽଽସନେ ନ ପ୍ରଶ୍ଵ॑ସିତ॒ଵ୍ଯମ୍ । ଶ୍ରଦ୍ଧ॑ଯା ଦେ॒ଯମ୍ । ଅଶ୍ରଦ୍ଧ॑ଯା-ଽଦେ॒ଯମ୍ । ଶ୍ରି॑ଯା ଦେ॒ଯମ୍ । ହ୍ରି॑ଯା ଦେ॒ଯମ୍ । ଭି॑ଯା ଦେ॒ଯମ୍ । ସଂ​ଵିଁ॑ଦା ଦେ॒ଯମ୍ । ଅଥ ଯଦି ତେ କର୍ମଵିଚିକିତ୍ସା ଵା ଵୃତ୍ତଵିଚିକି॑ତ୍ସା ଵା॒ ସ୍ଯାତ୍ ॥ 3 ॥ ଯେ ତତ୍ର ବ୍ରାହ୍ମଣା᳚ସ୍ସମ୍ମ॒ର୍​ଶିନଃ । ଯୁକ୍ତା॑ ଆଯୁ॒କ୍ତାଃ । ଅଲୂକ୍ଷା॑ ଧର୍ମ॑କାମା॒ସ୍ସ୍ଯୁଃ । ଯଥା ତେ॑ ତତ୍ର॑ ଵର୍ତେ॒ରନ୍ନ୍ । ତଥା ତତ୍ର॑ ଵର୍ତେ॒ଥାଃ । ଅଥାଭ୍ଯା᳚ଖ୍ଯା॒ତେଷୁ । ଯେ ତତ୍ର ବ୍ରାହ୍ମଣା᳚ସ୍ସମ୍ମ॒ର୍​ଶିନଃ । ଯୁକ୍ତା॑ ଆଯୁ॒କ୍ତାଃ । ଅଲୂକ୍ଷା॑ ଧର୍ମକାମା॒ସ୍ସ୍ଯୁଃ । ଯଥା ତେ॑ ତେଷୁ॑ ଵର୍ତେ॒ରନ୍ନ୍ । ତଥା ତେଷୁ॑ ଵର୍ତେ॒ଥାଃ । ଏଷ॑ ଆଦେ॒ଶଃ । ଏଷ ଉ॑ପଦେ॒ଶଃ । ଏଷା ଵେ॑ଦୋପ॒ନିଷତ୍ । ଏତଦ॑ନୁଶା॒ସନମ୍ । ଏଵମୁପା॑ସିତ॒ଵ୍ଯମ୍ । ଏଵମୁ ଚୈତ॑ଦୁପା॒ସ୍ଯମ୍ ॥ 4 ॥ ଇତ୍ଯେକାଦଶୋ-ଽନୁଵାକଃ ॥ ଶ-ନ୍ନୋ॑ ମି॒ତ୍ରଶ୍ଶଂ-ଵଁରୁ॑ଣଃ । ଶ-ନ୍ନୋ॑ ଭଵତ୍ଵର୍ଯ॒ମା । ଶ-ନ୍ନ॒ ଇନ୍ଦ୍ରୋ॒ ବୃହ॒ସ୍ପତିଃ॑ । ଶ-ନ୍ନୋ॒ ଵିଷ୍ଣୁ॑ରୁରୁକ୍ର॒ମଃ । ନମୋ॒ ବ୍ରହ୍ମ॑ଣେ । ନମ॑ସ୍ତେ ଵାଯୋ । ତ୍ଵମେ॒ଵ ପ୍ର॒ତ୍ଯକ୍ଷ॒-ମ୍ବ୍ରହ୍ମା॑ସି । ତ୍ଵାମେ॒ଵ ପ୍ର॒ତ୍ଯକ୍ଷ॒-ମ୍ବ୍ରହ୍ମାଵା॑ଦିଷମ୍ । ଋ॒ତମ॑ଵାଦିଷମ୍ । ସ॒ତ୍ଯମ॑ଵାଦିଷମ୍ । ତନ୍ମାମା॑ଵୀତ୍ । ତଦ୍ଵ॒କ୍ତାର॑ମାଵୀତ୍ । ଆଵୀ॒ନ୍ମାମ୍ । ଆଵୀ᳚ଦ୍ଵ॒କ୍ତାରମ୍᳚ । ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥ 1 ॥ ଇତି ଦ୍ଵାଦଶୋ-ଽନୁଵାକଃ ॥ ॥ ହରିଃ॑ ଓମ୍ ॥ ॥ ଶ୍ରୀ କୃଷ୍ଣାର୍ପଣମସ୍ତୁ ॥