ಶ್ರೀರಾಮಶ್ಲೋಕಪಞ್ಚರತ್ನಮ್
ಕಞ್ಜಾತಪತ್ರಾಯತಲೋಚನಾಯ ಕರ್ಣಾವತಂಸೋಜ್ಜ್ವಲಕುಣ್ಡಲಾಯ ।
ಕಾರುಣ್ಯಪಾತ್ರಾಯ ಸುವಂಶಜಾಯ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೧॥
ಕಾರುಣ್ಯಪಾತ್ರಾಯ ಸುವಂಶಜಾಯ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೧॥
ವಿದ್ಯುನ್ನಿಭಾಮ್ಭೋದಸುವಿಗ್ರಹಾಯ ವಿದ್ಯಾಧರೈಃ ಸಂಸ್ತುತಸದ್ಗುಣಾಯ ।
ವೀರಾವತಾರಾಯ ವಿರಾಧಹನ್ತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೨॥ (ವಿರೋಧಿಹರ್ತ್ರೇ)
ವೀರಾವತಾರಾಯ ವಿರಾಧಹನ್ತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೨॥ (ವಿರೋಧಿಹರ್ತ್ರೇ)
ಸಂಸಕ್ತದಿವ್ಯಾಯುಧಕಾರ್ಮುಕಾಯ ಸಮುದ್ರಗರ್ವಾಪಹರಾಯುಧಾಯ ।
ಸುಗ್ರೀವಮಿತ್ರಾಯ ಸುರಾರಿಹನ್ತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೩॥
ಸುಗ್ರೀವಮಿತ್ರಾಯ ಸುರಾರಿಹನ್ತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೩॥
ಪೀತಾಮ್ಬರಾಲಙ್ಕೃತಮಧ್ಯಕಾಯ ಪಿತಾಮಹೇನ್ದ್ರಾಮರವನ್ದಿತಾಯ ।
ಪಿತ್ರೇ ಸ್ವಭಕ್ತಸ್ಯ ಜನಸ್ಯ ಮಾತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೪॥
ಪಿತ್ರೇ ಸ್ವಭಕ್ತಸ್ಯ ಜನಸ್ಯ ಮಾತ್ರೇ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೪॥
ನಮೋ ನಮಸ್ತೇಽಖಿಲಪೂಜಿತಾಯ ನಮೋ ನಮಶ್ಚನ್ದ್ರನಿಭಾನನಾಯ । (ನಮಸ್ತೇನ್ದು)
ನಮೋ ನಮಸ್ತೇ ರಘುವಂಶಜಾಯ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೫॥
ನಮೋ ನಮಸ್ತೇ ರಘುವಂಶಜಾಯ ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ ॥ ೫॥
ಇಮಾನಿ ಪಞ್ಚರತ್ನಾನಿ ತ್ರಿಸನ್ಧ್ಯಂ ಯಃ ಪಠೇನ್ನರಃ ।
ಸರ್ವಪಾಪವಿನಿರ್ಮುಕ್ತಃ ಸ ಯಾತಿ ಪರಮಾಂ ಗತಿಮ್ ॥ ೬॥
ಸರ್ವಪಾಪವಿನಿರ್ಮುಕ್ತಃ ಸ ಯಾತಿ ಪರಮಾಂ ಗತಿಮ್ ॥ ೬॥
ಇತಿ ಶ್ರೀರಾಮಕರ್ಣಾಮೃತಾನ್ತರ್ಗತಂ ಶ್ರೀರಾಮಶ್ಲೋಕಪಞ್ಚರತ್ನಂ ಸಮ್ಪೂರ್ಣಮ್ ।