വിമോഹിതോഽയം ജന ഈശ മായയാ
ത്വദീയയാ ത്വാം ച ഭജത്യനര്ഥദൃക് ।
സുഖായ ദുഃഖപ്രഭവേഷു സജ്ജതേ
ഗൃഹേഷു യോഷിത്പുരുഷശ്ച വഞ്ചിതഃ ॥ 1 ॥
ത്വദീയയാ ത്വാം ച ഭജത്യനര്ഥദൃക് ।
സുഖായ ദുഃഖപ്രഭവേഷു സജ്ജതേ
ഗൃഹേഷു യോഷിത്പുരുഷശ്ച വഞ്ചിതഃ ॥ 1 ॥
ലബ്ധ്വാ ജനോ ദുര്ലഭമത്ര മാനുഷം
കഥഞ്ചിദവ്യങ്ഗമയത്നതോഽനഘ ।
പാദാരവിന്ദം ന ഭജത്യസന്മതി-
ര്ഗൃഹാന്ധകൂപേ പതിതോ യഥാ പശുഃ ॥ 2 ॥
കഥഞ്ചിദവ്യങ്ഗമയത്നതോഽനഘ ।
പാദാരവിന്ദം ന ഭജത്യസന്മതി-
ര്ഗൃഹാന്ധകൂപേ പതിതോ യഥാ പശുഃ ॥ 2 ॥
മമൈഷ കാലോഽജിത നിഷ്ഫലോ ഗതോ
രാജ്യശ്രിയോന്നദ്ധമദസ്യ ഭൂപതേ ।
മര്ത്യാത്മബുദ്ധേഃ സുതദാരകോശഭൂ-
ഷ്വാസജ്ജമാനസ്യ ദുരന്തചിന്തയാ ॥ 3 ॥
രാജ്യശ്രിയോന്നദ്ധമദസ്യ ഭൂപതേ ।
മര്ത്യാത്മബുദ്ധേഃ സുതദാരകോശഭൂ-
ഷ്വാസജ്ജമാനസ്യ ദുരന്തചിന്തയാ ॥ 3 ॥
കലേവരേഽസ്മിന് ഘടകുഡ്യസന്നിഭേ
നിരൂഢമാനോ നരദേവ ഇത്യഹമ് ।
വൃതോ രഥേഭാശ്വപദാത്യനീകപൈര്ഗാം
പര്യടംസ്ത്വാഗണയന് സുദുര്മദഃ ॥ 4 ॥
നിരൂഢമാനോ നരദേവ ഇത്യഹമ് ।
വൃതോ രഥേഭാശ്വപദാത്യനീകപൈര്ഗാം
പര്യടംസ്ത്വാഗണയന് സുദുര്മദഃ ॥ 4 ॥
പ്രമത്തമുച്ചൈരിതി കൃത്യചിന്തയാ
പ്രഭുദ്ധലോഭം വിഷയേഷു ലാലസമ് ।
ത്വമപ്രമത്തഃ സഹസാഽഭിപദ്യസേ
ക്ഷുല്ലേലിഹാനോഽഹിരിവാഖുമന്തകഃ ॥ 5 ॥
പ്രഭുദ്ധലോഭം വിഷയേഷു ലാലസമ് ।
ത്വമപ്രമത്തഃ സഹസാഽഭിപദ്യസേ
ക്ഷുല്ലേലിഹാനോഽഹിരിവാഖുമന്തകഃ ॥ 5 ॥
പുരാ രഥൈര്ഹേമപരിഷ്കൃതൈശ്ചരന്
മതങ്ഗജൈര്വാ നരദേവസഞ്ജ്ഞിതഃ ।
സ ഏവ കാലേന ദുരത്യയേന തേ
കലേവരോ വിട്കൃമിഭസ്മസഞ്ജ്ഞിതഃ ॥ 6 ॥
മതങ്ഗജൈര്വാ നരദേവസഞ്ജ്ഞിതഃ ।
സ ഏവ കാലേന ദുരത്യയേന തേ
കലേവരോ വിട്കൃമിഭസ്മസഞ്ജ്ഞിതഃ ॥ 6 ॥
നിര്ജിത്യ ദിക്ചക്രമഭൂതവിഗ്രഹോ
വരാസനസ്ഥഃ സമരാജവന്ദിതഃ ।
ഗൃഹേഷു മൈഥുന്യസുഖേഷു യോഷിതാം
ക്രീഡാമൃഗ പൂരുഷ ഈശ നീയതേ ॥ 7 ॥
വരാസനസ്ഥഃ സമരാജവന്ദിതഃ ।
ഗൃഹേഷു മൈഥുന്യസുഖേഷു യോഷിതാം
ക്രീഡാമൃഗ പൂരുഷ ഈശ നീയതേ ॥ 7 ॥
കരോതി കര്മാണി തപഃസു നിഷ്ഠിതോ
നിവൃത്തഭോഗസ്തദപേക്ഷയാ ദദത് ।
പുനശ്ച ഭൂയേയമഹം സ്വരാഡിതി
പ്രബുദ്ധതര്ഷോ ന സുഖായ കല്പതേ ॥ 8 ॥
നിവൃത്തഭോഗസ്തദപേക്ഷയാ ദദത് ।
പുനശ്ച ഭൂയേയമഹം സ്വരാഡിതി
പ്രബുദ്ധതര്ഷോ ന സുഖായ കല്പതേ ॥ 8 ॥
ഭവാപവര്ഗോ ഭ്രമതോ യദാ ഭവേ-
ജ്ജനസ്യ തര്ഹ്യച്യുത സത്സമാഗമഃ ।
സത്സങ്ഗമോ യര്ഹി തദൈവ സദ്ഗതൌ
പരാവരേശേ ത്വയി ജായതേ മതിഃ ॥ 9 ॥
ജ്ജനസ്യ തര്ഹ്യച്യുത സത്സമാഗമഃ ।
സത്സങ്ഗമോ യര്ഹി തദൈവ സദ്ഗതൌ
പരാവരേശേ ത്വയി ജായതേ മതിഃ ॥ 9 ॥
മന്യേ മമാനുഗ്രഹ ഈശ തേ കൃതോ
രാജ്യാനുബന്ധാപഗമോ യദൃച്ഛയാ ।
യഃ പ്രാര്ഥ്യതേ സാധുഭിരേകചര്യയാ
വനം വിവിക്ഷദ്ഭിരഖണ്ഡഭൂമിപൈഃ ॥ 10 ॥
രാജ്യാനുബന്ധാപഗമോ യദൃച്ഛയാ ।
യഃ പ്രാര്ഥ്യതേ സാധുഭിരേകചര്യയാ
വനം വിവിക്ഷദ്ഭിരഖണ്ഡഭൂമിപൈഃ ॥ 10 ॥
ന കാമയേഽന്യം തവ പാദസേവനാദ്-
അകിഞ്ചനപ്രാര്ഥ്യതമാദ്വരം വിഭോ ।
ആരാധ്യ കസ്ത്വാം ഹ്യപവര്ഗദം ഹരേ
വൃണീത ആര്യോ വരമാത്മബന്ധനമ് ॥ 11 ॥
അകിഞ്ചനപ്രാര്ഥ്യതമാദ്വരം വിഭോ ।
ആരാധ്യ കസ്ത്വാം ഹ്യപവര്ഗദം ഹരേ
വൃണീത ആര്യോ വരമാത്മബന്ധനമ് ॥ 11 ॥
തസ്മാദ്വിസൃജ്യാശിഷ ഈശ സര്വതോ
രജസ്തമഃസത്ത്വഗുണാനുബന്ധനാഃ ।
നിരഞ്ജനം നിര്ഗുണമദ്വയം പരം
ത്വാം ജ്ഞപ്തിമാത്രം പുരുഷം വ്രജാമ്യഹമ് ॥ 12 ॥
രജസ്തമഃസത്ത്വഗുണാനുബന്ധനാഃ ।
നിരഞ്ജനം നിര്ഗുണമദ്വയം പരം
ത്വാം ജ്ഞപ്തിമാത്രം പുരുഷം വ്രജാമ്യഹമ് ॥ 12 ॥
ചിരമിഹ വൃജിനാര്തസ്തപ്യമാനോഽനുതാപൈഃ
അവിതൃഷഷഡമിത്രോ ലബ്ധശാന്തിഃ കഥഞ്ചിത് ।
ശരണദ സമുപേതസ്ത്വത്പദാബ്ജം പരാത്മന്
അഭയമമൃതമശോകം പാഹി മാഽപന്നമീശ ॥ 13 ॥
അവിതൃഷഷഡമിത്രോ ലബ്ധശാന്തിഃ കഥഞ്ചിത് ।
ശരണദ സമുപേതസ്ത്വത്പദാബ്ജം പരാത്മന്
അഭയമമൃതമശോകം പാഹി മാഽപന്നമീശ ॥ 13 ॥
ഇതി ശ്രീമദ്ഭാഗവതാന്തര്ഗതാ മുചുകുന്ദകൃതാ ശ്രീവിഷ്ണുസ്തുതിഃ സമാപ്താ ।