What is Mangalya Stavah in Odia?

Read Mangalya Stavah in Odia script — full lyrics with English meaning and transliteration. The Mangalya Stavah is a sacred hymn found within the Vamana Purana, primarily dedicated to Lord Vishnu, the preserver of the universe. This stotra is traditionally chanted to invoke auspiciousness and remove obstacles before commencing any significant task. It serves as a powerful spiritual remedy for nullifying the negative effects of bad dreams and warding off inauspicious omens. By reciting this hymn, a devotee invites the protective grace of Lord Vishnu, ensuring that all endeavors reach a successful conclusion while bestowing peace, prosperity, and spiritual harmony upon the practitioner.

Which deity is Mangalya Stavah in Odia dedicated to?

Mangalya Stavah in Odia is a Sanskrit hymn dedicated to Lord Vishnu.

Who composed Mangalya Stavah in Odia?

Mangalya Stavah in Odia is traditionally attributed to From Vamana Purana.

Mangalya Stavah in Odia - Sanskrit Text & Transliteration

ଦାଲ୍ଭ୍ଯଃ

କାର୍ଯାରମ୍ଭେଷୁ ସର୍ଵେଷୁ ଦୁଃସ୍ଵପ୍ନେଷୁ ଚ ସତ୍ତମ ।
ଅମାଙ୍ଗଲ୍ଯେଷୁ ଦୃଷ୍ଟେଷୁ ଯଜ୍ଜପ୍ତଵ୍ଯଂ ତଦୁଚ୍ଯତାମ୍ ॥ 1 ॥

ଯେନାରମ୍ଭାଶ୍ଚ ସିଦ୍ଧ୍ଯନ୍ତି ଦୁଃସ୍ଵପ୍ନଶ୍ଚୋପଶାମ୍ଯତି ।
ଅମଙ୍ଗଲାନାଂ ଦୃଷ୍ଟାନାଂ ପରିହାରଶ୍ଚ ଜାଯତେ ॥ 2 ॥

ଶ୍ରୀ ପୁଲସ୍ତ୍ଯଃ:
ଜନାର୍ଦନଂ ଭୂତପତିଂ ଜଗଦ୍ଗୁରୁଂ ସ୍ମରନ୍ ମନୁଷ୍ଯଃ ସତତଂ ମହାମୁନେ ।
ଦୁଷ୍ଟାନ୍ଯଶେଷଣ୍ଯପହନ୍ତି ସାଧଯତି ଅଶେଷକାର୍ଯାଣି ଚ ଯାନ୍ଯଭୀପ୍ସତି ॥ 3 ॥

ଶୃଣୁଷ୍ଵ ଚାନ୍ଯତ୍ ଗଦତୋ ମମାଖିଲଂ ଵଦାମି ଯତ୍ ତେ ଦ୍ଵିଜଵର୍ଯ! ମଙ୍ଗଲମ୍ ।
ସର୍ଵାର୍ଥସିଦ୍ଧିଂ ପ୍ରଦଦାତି ଯତ୍ ସଦା ନିହନ୍ତ୍ଯ୍ଶେଷାଣି ଚ ପାତକାନି ॥ 4 ॥

ପ୍ରତିଷ୍ଟିତଂ ଯତ୍ର ଜଗଚ୍ଚରାଚରଂ ଜଗତ୍ତ୍ରଯେ ଯୋ ଜଗତଶ୍ଚ ହେତୁଃ ।
ଜଗଚ୍ଚ ପାତ୍ଯତ୍ତି ଚ ଯଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 5 ॥

ଵ୍ଯୋମାମ୍ବୁଵାଯ୍ଵଗ୍ନିମହୀସ୍ଵରୂପୈଃ ଵିସ୍ତାରଵାନ୍ ଯୋଽଣୁତରୋଽଣୁଭାଵାତ୍ ।
ଅସ୍ଥୂଲସୂକ୍ଷ୍ମଃ ସତତଂ ପରେଶ୍ଵରୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 6 ॥

ଯସ୍ମାତ୍ ପରସ୍ମାତ୍ ପୁରୁଷାଦନନ୍ତାତ୍ ଅନାଦିମଧ୍ଯାଦଧିକଂ ନ କିଞ୍ଚିତ୍ ।
ସ ହେତୁହେତୁଃ ପରମେଶ୍ଵରେଶ୍ଵରଃ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 7 ॥

ହିରଣ୍ଯଗର୍ଭାଚ୍ଯୁତରୁଦ୍ରରୂପୀ ସୃଜତ୍ଯଶେଷଂ ପରିପାତି ହନ୍ତି ।
ଗୁଣାଗ୍ରଣୀର୍ଯୋ ଭଗଵାନ୍ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 8 ॥

ପରଃ ସୁରାଣାଂ ପରମୋଽସୁରାଣାଂ ପରୋ ଯତୀନାଂ ପରମୋ ମୁନୀନାମ୍ ।
ପରଃ ସମସ୍ତସ୍ଯ ଚ ଯଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 9 ॥

ଧ୍ଯାତୋ ମୁନୀନାମପକଲ୍ମଷୈର୍ଯୋ ଦଦାତି ମୁକ୍ତିଂ ପରମେଶ୍ଵରେଶ୍ଵରଃ ।
ମନୋଭିରାମଃ ପୁରୁଷଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 10 ॥

ସୁରେନ୍ଦ୍ରଵୈଵସ୍ଵତଵିତ୍ତପାମ୍ବୁପସ୍ଵରୂପରୂପୀ ପରିପାତି ଯୋ ଜଗତ୍ ।
ସ ଶୁଦ୍ଧଶୁଦ୍ଧଃ ପରମେଶ୍ଵରେଶ୍ଵରୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 11 ॥

ଯନ୍ନାମସଙ୍କୀର୍ତନତୋ ଵିମୁଚ୍ଯତେ ହ୍ଯନେକଜନ୍ମାର୍ଜିତପାପସଞ୍ଚଯାତ୍ ।
ପାପେନ୍ଧନାଗ୍ନିଃ ସ ସଦୈଵ ନିର୍ମଲୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 12 ॥

ଯେନୋଦ୍ଧୃତେଯଂ ଧରଣୀ ରସାତଲାତ୍ ଅଶେଷସୃଷ୍ଟିସ୍ଥିତିକାରଣାଦିକମ୍ ।
ବିଭର୍ତି ଵିଶ୍ଵଂ ଜଗତଃ ସ ମୂଲଂ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 13 ॥

ପାଦେଷୁ ଵେଦା ଜଠରେ ଚରାଚରଂ ରୋମସ୍ଵଶେଷା ମୁନଯୋ ମୁଖେ ମଖାଃ ।
ଯସ୍ଯେଶ୍ଵରେଶସ୍ଯ ସ ସର୍ଵଦା ପ୍ରଭୁଃ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 14 ॥

ସମସ୍ତ ଯଜ୍ଞାଙ୍ଗମଯଂ ଵପୁଃ ପ୍ରଭୋଃ ଯସ୍ଯାଙ୍ଗମୀଶେଶ୍ଵରସଂସ୍ତୁତସ୍ଯ ।
ଵରାହରୂପୀ ଭଗଵାନ୍ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 15 ॥

ଵିକ୍ଷୋଭ୍ଯ ସର୍ଵୋଦଧିତୋଯସମ୍ଭଵଂ ଦଧାର ଧାତ୍ରୀଂ ଜଗତଶ୍ଚ ଯୋ ଭୁଵମ୍ ।
ଯଜ୍ଞେଶ୍ଵରୋ ଯଜ୍ଞପୁମାନ୍ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 16 ॥

ପାତାଲମୂଲେଶ୍ଵରଭୋଗିସଂହତୋ ଵିନ୍ଯସ୍ଯ ପାଦୌ ପୃତିଵୀଂ ଚ ବିଭ୍ରତଃ ।
ଯସ୍ଯୋପମାନଂ ନ ବଭୂଵ ସୋଽଚ୍ଯୁତୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 17 ॥

ସଘର୍ଘରଂ ଯସ୍ଯ ଚ ବୃଂହିତଂ ମୁହୁଃ ସନନ୍ଦନାଦ୍ଯୈର୍ଜନଲୋକସଂଶ୍ରିତୈଃ ।
ଶ୍ରୁତଂ ଜଯେତ୍ଯୁକ୍ତିପରୈଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 18 ॥

ଏକାର୍ଣଵାଦ୍ ଯସ୍ଯ ମହୀଯସୌ ମହୀଂ ଆଦାଯ ଵେଗେନ ଖମୁତ୍ପତିଷ୍ଯତଃ ।
ନତଂ ଵପୁର୍ଯୋଗିଵରୈଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 19 ॥

ହତୋ ହିରଣ୍ଯାକ୍ଷମହାସୁରଃ ପୁରା ପୁରାଣପୁଂସା ପରମେଣ ଯେନ ।
ଵରାହରୂପଃ ସ ପତିଃ ପ୍ରଜାପତିଃ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 20 ॥

ଦଂଷ୍ଟ୍ରାକରାଲଂ ସୁରଭୀତିନାଶକଂ କୃତଂ ଵପୁର୍ଦିଵ୍ଯନୃସିଂହରୂପିଣା ।
ତ୍ରାତୁଂ ଜଗତ୍ ଯେନ ସ ସର୍ଵଦା ପ୍ରଭୁଃ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 21 ॥

ଦୈତ୍ଯେନ୍ଦ୍ରଵକ୍ଷଃସ୍ଥଲଦାରଦାରୁଣୈଃ
କରେରୁହୈର୍ଯଃ କ୍ରକଚାନୁକାରିଭିଃ ।
ଵିଚ୍ଛେଦ ଲୋକସ୍ଯ ଭଯାନି ସୋଽଚ୍ଯୁତୋ
ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 22 ॥

ଦନ୍ତାନ୍ତଦୀପ୍ତଦ୍ଯୁତିନିର୍ମଲାନି ଯଃ ଚକାର ସର୍ଵାଣି ଦିଶାଂ ମୁଖାନି ।
ନିନାଦଵିତ୍ରାସିତଦାନଵୋ ହ୍ଯସୌ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 23 ॥

ଯନ୍ନାମସଙ୍କୀର୍ତନତୋ ମହାଭଯାତ୍ ଵିମୋକ୍ଷମାପ୍ନୋତି ନ ସଂଶଯଂ ନରଃ ।
ସ ସର୍ଵଲୋକାର୍ତିହରୋ ନୃକେସରୀ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 24 ॥

ସଟାକରାଲଭ୍ରମଣାନିଲାହତାଃ ସ୍ଫୁଟନ୍ତି ଯସ୍ଯାମ୍ବୁଧରାଃ ସମନ୍ତତଃ ।
ସ ଦିଵ୍ଯସିଂହଃ ସ୍ଫୁରିତାନଲେକ୍ଷଣୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 25 ॥

ଯଦୀକ୍ଷଣଜ୍ଯୋତିଷି ରଶ୍ମିମଣ୍ଡଲଂ ପ୍ରଲୀନମୀଷନ୍ନ ରରାଜ ଭାସ୍ଵତଃ ।
କୁତଃ ଶଶାଙ୍କସ୍ଯ ସ ଦିଵ୍ଯରୂପଧୃକ୍ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 26 ॥

ଅଶେଷଦେଵେଶନରେଶ୍ଵରେଶ୍ଵରୈଃ ସଦା ସ୍ତୁତଂ ଯଚ୍ଚରିତଂ ମହାଦ୍ଭୁତମ୍ ।
ସ ସର୍ଵଲୋକାର୍ତିହରୋ ମହାହରିଃ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 27 ॥

ଦ୍ରଵନ୍ତି ଦୈତ୍ଯାଃ ପ୍ରଣମନ୍ତି ଦେଵତାଃ ନଶ୍ଯନ୍ତି ରକ୍ଷାଂସି ଅପଯାନ୍ତି ଚାରଯଃ ।
ଯତ୍କୀର୍ତନାତ୍ ସୋଽଦ୍ଭୁତରୂପକେସରୀ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 28 ॥

ଋକ୍ପାଵିତଂ ଯୋ ଯଜୁଷା ହି ଶ୍ରୀମତ୍ ସାମଧ୍ଵନିଧ୍ଵସ୍ତସମସ୍ତପାତକମ୍ ।
ଚକ୍ରେ ଜଗତ୍ ଵାମନକଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 29 ॥

ଯତ୍ପାଦଵିନ୍ଯାସପଵିତ୍ରତାଂ ମହୀ ଯଯୌ ଵିଯଚ୍ଚର୍ଗ୍ଯଜୁଷାମୁଦୀରଣାତ୍ ।
ସ ଵାମନୋ ଦିଵ୍ଯଶରୀରରୂପଦୃଂ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 30 ॥

ଯସ୍ମିନ୍ ପ୍ରଯାତେଽସୁରଭୂଭୃତୋଽଧ୍ଵରାତ୍ ନନାମ ଖେଦାଦଵନିଃ ସସାଗରା ।
ସ ଵାମନଃ ସର୍ଵଜଗନ୍ମଯଃ ସଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 31 ॥

ମହାଦ୍ଭୁତେ ଦୈତ୍ଯପତେର୍ମହାଧ୍ଵରେ ଯସ୍ମିନ୍ ପ୍ରଵିଷ୍ଟେ କ୍ଷୁଭିତଂ ମହାସୁରୈଃ ।
ସ ଵାମନୋଽନ୍ତସ୍ଥିତସପ୍ତଲୋକଧୃଂ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 32 ॥

ସଙ୍ଘୈଃ ସୁରାଣାଂ ଦିଵି ଭୂତଲସ୍ଥିତୈଃ ତଥା ମନୁଷ୍ଯୈର୍ଗଗନେ ଚ ଖେଚରୈଃ ।
ସ୍ତୁତଃ କ୍ରମାଦ୍ ଯଃ ପ୍ରଚ୍ଚାର ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 33 ॥

କ୍ରାନ୍ତ୍ଵା ଧରିତ୍ରୀଂ ଗଗନଂ ତଥା ଦିଵଂ ମରୁତ୍ପତେର୍ଯଃ ପ୍ରଦଦୌ ତ୍ରିଵିଷ୍ଟପମ୍ ।
ସ ଦେଵଦେଵୋ ଭୁଵନେଶ୍ଵରେଶ୍ଵରୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 34 ॥

ଅନୁଗ୍ରହଂ ଚାପି ବଲେରନୁତ୍ତ୍ମଂ ଚକାର ଯଶ୍ଚେନ୍ଦ୍ରପଦୋପମଂ କ୍ଷଣାତ୍ ।
ସୁରାଂଶ୍ଚ ଯଜ୍ଞାଂଶଭୁଜଃ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 35 ॥

ରସାତଲାଦ୍ ଯେନ ପୁରା ସମାହୃତାଃ ସମସ୍ତଵେଦା ଜଲଚାରରିରୂପିଣା ।
ସ କୈଟଭାରିମଧୁହାଽମ୍ବୁଶାଯୀ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 36 ॥

ନିଃକ୍ଷତ୍ରିଯଂ ଯଶ୍ଚ ଚକାର ମେଦିନୀଂ ଅନେକଶୋ ବାହୁଵନଂ ତଥାଽଚ୍ଛିନତ୍ ।
ଯଃ କାର୍ତଵୀର୍ଯସ୍ଯ ସ ଭାର୍ଗଵୋତ୍ତମୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 37 ॥

ନିହତ୍ଯ ଯୋ ଵାଲିନମୁଗ୍ରଵିକ୍ରମଂ
ନିବଦ୍ଧ୍ଯ ସେତୁଂ ଜଲଧୌ ଦଶାନନମ୍ ।
ଜଘାନ ଚାନ୍ଯାନ୍ ରଜନୀଚରାନ୍ ଅସୌ
ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 38 ॥

ଚିକ୍ଷେପ ବାଲଃ ଶକଟଂ, ବଭଞ୍ଜ ଯୋ ଯମାର୍ଜୁନଂ, କଂସମରିଂ ଜଘାନ ଚ ।
ମମର୍ଦ ଚାଣୂରମୁଖାନ୍ ସ ସର୍ଵଦା ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 39 ॥

ପ୍ରାତଃ ସହସ୍ରାଂଶୁମରୀଚିନିର୍ମଲଂ କରେଣ ବିଭ୍ରତ୍ ଭଗଵାନ୍ ସୁଦର୍ଶନମ୍ ।
କୌମୋଦକୀ ଚାପି ଗଦାମନନ୍ତୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 40 ॥

ହିମେନ୍ଦୁକୁନ୍ଦସ୍ଫଟିକାଭନିର୍ମଲଂ ମୁଖାନିଲାପୂରିତମୀଶ୍ଵରେଶ୍ଵରଃ ।
ମଧ୍ଯାହ୍ନକାଲେଽପି ସ ଶନ୍ଖମୁଦ୍ଵହନ୍ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 41 ॥

ତଥାପରାହ୍ଣେ ପ୍ରଵିକାସି ପଙ୍କଜଂ ଵକ୍ଷସ୍ଥଲେନ ଶ୍ରିଯମୁଦ୍ଵହନ୍ ହରିଃ ।
ଵିସ୍ତାରିପଦ୍ମାଯତପତ୍ରଲୋଚନୋ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 42 ॥

ସର୍ଵେଷୁ କାଲେଷୁ ସମସ୍ତଦେଶେଷୁ ଅଶେଷକାର୍ଯେଷୁ ତଥେଶ୍ଵରେଶ୍ଵରଃ ।
ସର୍ଵୈଃ ସ୍ଵରୂପୈର୍ଭଗଵାନ୍ ଅନାଦିମାନ୍ ମମାସ୍ତୁ ମାଙ୍ଗଲ୍ଯଵିଵୃଦ୍ଧଯେ ହରିଃ ॥ 43 ॥

ଏତତ୍ ପଠନ୍ ଦାଲ୍ଭ୍ଯ ସମସ୍ତପାପୈଃ
ଵିମୁଚ୍ଯତେ ଵିଷ୍ଣୁପରୋ ମନୁଷ୍ଯଃ ।
ସିଦ୍ଧ୍ଯନ୍ତି କାର୍ଯାଣି ତଥାଽସ୍ଯ ସର୍ଵାନ୍
ଅର୍ଥାନଵାପ୍ନୋତି ଯଥେଚ୍ଛତେ ତାନ୍ ॥ 44 ॥

ଦୁଃସ୍ଵପ୍ନଃ ପ୍ରଶମମୁପୈତି ପଠ୍ଯମାନେ
ସ୍ତୋତ୍ରେଽସ୍ମିନ୍ ଶ୍ରଵଣଵିଧୌ ସଦୋଦ୍ଯତସ୍ଯ ।
ପ୍ରାରମ୍ଭୋ ଦ୍ରୁତମୁପଯାତି ସିଦ୍ଧିମୀଶଃ
ପାପାନି କ୍ଷପଯତି ଚାସ୍ଯ ଦେଵଦେଵଃ ॥ 45 ॥

ମାଙ୍ଗଲ୍ଯଂ ପରମପଦଂ ସଦାଽର୍ଥସିଦ୍ଧିଂ
ନିର୍ଵିଘ୍ନାମଧିକଫଲାଂ ଶ୍ରିଯଂ ଦଦାତି ।
କିଂ ଲୋକେ ତଦିହ ପରତ୍ର ଚାପି ପୁଂସାଂ
ଯଦ୍ଵିଷ୍ଣୁପ୍ରଵଣଧିଯାଂ ନ ଦାଲ୍ଭ୍ଯ! ସାଧ୍ଯମ୍ ॥ 46 ॥

ଦେଵେନ୍ଦ୍ରସ୍ତ୍ରିଭୁଵନମର୍ଥମେକପିଙ୍ଗଃ
ସଂସିଦ୍ଧିଂ ତ୍ରିଭୁଵନଗାଂ ଚ କାର୍ତଵୀର୍ଯଃ ।
ଵୈଦେହଃ ପରମପଦଂ ପ୍ରସାଦ୍ଯ ଵିଷ୍ଣୁଂ
ସମ୍ପ୍ରାପ୍ତାଃ ସକଲଫଲପ୍ରଦୋ ହି ଵିଷ୍ଣୁଃ ॥ 47 ॥

ସର୍ଵାରମ୍ଭେଷୁ ଦାଲ୍ଭ୍ଯୈତଦ୍ ଦୁଃସ୍ଵପ୍ନେଷୁ ଚ ପଣ୍ଡିତଃ ।
ଜପେଦେକମନା ଵିଷ୍ଣୌ ତଥାଽମଙ୍ଗଲ୍ଯଦର୍ଶନେ ॥ 48 ॥

ଶମଂ ପ୍ରଯାନ୍ତି ଦୁଷ୍ଟାନି ଗ୍ରହପୀଡାଶ୍ଚ ଦାରୁଣାଃ ।
କର୍ମାରମ୍ଭାଶ୍ଚ ସିଦ୍ଧ୍ଯନ୍ତି ପୁଣ୍ଯମାପ୍ନୋତି ଚୋତ୍ତମମ୍ ॥ 49 ॥

ହରିର୍ଦଦାତି ଭଦ୍ରାଣି ମଙ୍ଗଲ୍ଯସ୍ତୁତିସଂସ୍ତୁତଃ ।
କରୋତ୍ଯଖିଲରୂପୈସ୍ତୁ ରକ୍ଷାମକ୍ଷତଶକ୍ତିଭୃତ୍ ॥ 50 ॥
॥ ଶ୍ରୀଵିଷ୍ଣୁଧର୍ମୋତ୍ତରାନ୍ତର୍ଗତଃ ମାଙ୍ଗଲ୍ଯସ୍ତଵଃ

ସମ୍ପୂର୍ଣଃ ॥

ମାଙ୍ଗଲ୍ଯ ସ୍ତଵଃ

ଦାଲ୍ଭ୍ଯଃ

Explore More

ଦାଲ୍ଭ୍ଯଃ

More Vishnu Stotras

Explore More