ഐന്ദ്രസ്യേവ ശരാസനസ്യ ദധതീ മധ്യേലലാടം പ്രഭാം
ശൌക്ലീം കാന്തിമനുഷ്ണഗോരിവ ശിരസ്യാതന്വതീ സര്വതഃ ।
ഏഷാസൌ ത്രിപുരാ ഹൃദി ദ്യുതിരിവോഷ്ണാംശോഃ സദാഹഃ സ്ഥിതാത്
ഛിന്ദ്യാന്നഃ സഹസാ പദൈസ്ത്രിഭിരഘം ജ്യോതിര്മയീ വാങ്മയീ ॥ 1 ॥
ശൌക്ലീം കാന്തിമനുഷ്ണഗോരിവ ശിരസ്യാതന്വതീ സര്വതഃ ।
ഏഷാസൌ ത്രിപുരാ ഹൃദി ദ്യുതിരിവോഷ്ണാംശോഃ സദാഹഃ സ്ഥിതാത്
ഛിന്ദ്യാന്നഃ സഹസാ പദൈസ്ത്രിഭിരഘം ജ്യോതിര്മയീ വാങ്മയീ ॥ 1 ॥
യാ മാത്രാ ത്രപുസീലതാതനുലസത്തന്തൂത്ഥിതിസ്പര്ധിനീ
വാഗ്ബീജേ പ്രഥമേ സ്ഥിതാ തവ സദാ താം മന്മഹേ തേ വയമ് ।
ശക്തിഃ കുണ്ഡലിനീതി വിശ്വജനനവ്യാപാരബദ്ധോദ്യമാഃ
ജ്ഞാത്വേത്ഥം ന പുനഃ സ്പൃശന്തി ജനനീഗര്ഭേഽര്ഭകത്വം നരാഃ ॥ 2 ॥
വാഗ്ബീജേ പ്രഥമേ സ്ഥിതാ തവ സദാ താം മന്മഹേ തേ വയമ് ।
ശക്തിഃ കുണ്ഡലിനീതി വിശ്വജനനവ്യാപാരബദ്ധോദ്യമാഃ
ജ്ഞാത്വേത്ഥം ന പുനഃ സ്പൃശന്തി ജനനീഗര്ഭേഽര്ഭകത്വം നരാഃ ॥ 2 ॥
ദൃഷ്ട്വാ സമ്ഭ്രമകാരി വസ്തു സഹസാ ഐ ഐ ഇതി വ്യാഹൃതം
യേനാകൂതവശാദപീഹ വരദേ ബിന്ദും വിനാപ്യക്ഷരമ് ।
തസ്യാപി ധ്രുവമേവ ദേവി തരസാ ജാതേ തവാനുഗ്രഹേ
വാചഃസൂക്തിസുധാരസദ്രവമുചോ നിര്യാന്തി വക്ത്രാമ്ബുജാത് ॥ 3 ॥
യേനാകൂതവശാദപീഹ വരദേ ബിന്ദും വിനാപ്യക്ഷരമ് ।
തസ്യാപി ധ്രുവമേവ ദേവി തരസാ ജാതേ തവാനുഗ്രഹേ
വാചഃസൂക്തിസുധാരസദ്രവമുചോ നിര്യാന്തി വക്ത്രാമ്ബുജാത് ॥ 3 ॥
യന്നിത്യേ തവ കാമരാജമപരം മന്ത്രാക്ഷരം നിഷ്കലം
തത്സാരസ്വതമിത്യവൈതി വിരലഃ കശ്ചിദ്ബുധശ്ചേദ്ഭുവി ।
ആഖ്യാനം പ്രതിപര്വ സത്യതപസോ യത്കീര്തയന്തോ ദ്വിജാഃ
പ്രാരമ്ഭേ പ്രണവാസ്പദപ്രണയിതാം നീത്വോച്ചരന്തി സ്ഫുടമ് ॥ 4 ॥
തത്സാരസ്വതമിത്യവൈതി വിരലഃ കശ്ചിദ്ബുധശ്ചേദ്ഭുവി ।
ആഖ്യാനം പ്രതിപര്വ സത്യതപസോ യത്കീര്തയന്തോ ദ്വിജാഃ
പ്രാരമ്ഭേ പ്രണവാസ്പദപ്രണയിതാം നീത്വോച്ചരന്തി സ്ഫുടമ് ॥ 4 ॥
യത്സദ്യോ വചസാം പ്രവൃത്തികരണേ ദൃഷ്ടപ്രഭാവം ബുധൈഃ
താര്തീയം തദഹം നമാമി മനസാ ത്വദ്ബീജമിന്ദുപ്രഭമ് ।
അസ്ത്യൌര്വോഽപി സരസ്വതീമനുഗതോ ജാഡ്യാമ്ബുവിച്ഛിത്തയേ
ഗോശബ്ദോ ഗിരി വര്തതേ സനിയതം യോഗം വിനാ സിദ്ധിദഃ ॥ 5 ॥
താര്തീയം തദഹം നമാമി മനസാ ത്വദ്ബീജമിന്ദുപ്രഭമ് ।
അസ്ത്യൌര്വോഽപി സരസ്വതീമനുഗതോ ജാഡ്യാമ്ബുവിച്ഛിത്തയേ
ഗോശബ്ദോ ഗിരി വര്തതേ സനിയതം യോഗം വിനാ സിദ്ധിദഃ ॥ 5 ॥
ഏകൈകം തവ ദേവി ബീജമനഘം സവ്യഞ്ജനാവ്യഞ്ജനം
കൂടസ്ഥം യദി വാ പൃഥക് ക്രമഗതം യദ്വാ സ്ഥിതം വ്യുത്ക്രമാത് ।
യം യം കാമമപേക്ഷ്യ യേന വിധിനാ കേനാപി വാ ചിന്തിതം
ജപ്തം വാ സഫലീകരോതി സതതം തം തം സമസ്തം നൃണാമ് ॥ 6 ॥
കൂടസ്ഥം യദി വാ പൃഥക് ക്രമഗതം യദ്വാ സ്ഥിതം വ്യുത്ക്രമാത് ।
യം യം കാമമപേക്ഷ്യ യേന വിധിനാ കേനാപി വാ ചിന്തിതം
ജപ്തം വാ സഫലീകരോതി സതതം തം തം സമസ്തം നൃണാമ് ॥ 6 ॥
വാമേ പുസ്തകധാരിണീമഭയദാം സാക്ഷസ്രജം ദക്ഷിണേ
ഭക്തേഭ്യോ വരദാനപേശലകരാം കര്പൂരകുന്ദോജ്ജ്വലാമ് ।
ഉജ്ജൃമ്ഭാമ്ബുജപത്രകാന്തിനയനസ്നിഗ്ധപ്രഭാലോകിനീം
യേ ത്വാമമ്ബ ന ശീലയന്തി മനസാ തേഷാം കവിത്വം കുതഃ ॥ 7 ॥
ഭക്തേഭ്യോ വരദാനപേശലകരാം കര്പൂരകുന്ദോജ്ജ്വലാമ് ।
ഉജ്ജൃമ്ഭാമ്ബുജപത്രകാന്തിനയനസ്നിഗ്ധപ്രഭാലോകിനീം
യേ ത്വാമമ്ബ ന ശീലയന്തി മനസാ തേഷാം കവിത്വം കുതഃ ॥ 7 ॥
യേ ത്വാം പാണ്ഡുരപുണ്ഡരീകപടലസ്പഷ്ടാഭിരാമപ്രഭാം
സിഞ്ചന്തീമമൃതദ്രവൈരിവ ശിരോ ധ്യായന്തി മൂര്ധ്നി സ്ഥിതാമ് ।
അശ്രാന്താ വികടസ്ഫുടാക്ഷരപദാ നിര്യാതി വക്ത്രാമ്ബുജാത്
തേഷാം ഭാരതി ഭാരതീ സുരസരിത്കല്ലോലലോലോര്മിവത് ॥ 8 ॥
സിഞ്ചന്തീമമൃതദ്രവൈരിവ ശിരോ ധ്യായന്തി മൂര്ധ്നി സ്ഥിതാമ് ।
അശ്രാന്താ വികടസ്ഫുടാക്ഷരപദാ നിര്യാതി വക്ത്രാമ്ബുജാത്
തേഷാം ഭാരതി ഭാരതീ സുരസരിത്കല്ലോലലോലോര്മിവത് ॥ 8 ॥
യേ സിന്ദൂരപരാഗപിഞ്ജപിഹിതാം ത്വത്തേജസാദ്യാമിമാം
ഉര്വീം ചാപി വിലീനയാവകരസപ്രസ്താരമഗ്നാമിവ ।
പശ്യന്തി ക്ഷണമപ്യനന്യമനസസ്തേഷാമനങ്ഗജ്വര-
-ക്ലാന്തസ്രസ്തകുരങ്ഗശാബകദൃശോ വശ്യാ ഭവന്തി സ്ഫുടമ് ॥ 9 ॥
ഉര്വീം ചാപി വിലീനയാവകരസപ്രസ്താരമഗ്നാമിവ ।
പശ്യന്തി ക്ഷണമപ്യനന്യമനസസ്തേഷാമനങ്ഗജ്വര-
-ക്ലാന്തസ്രസ്തകുരങ്ഗശാബകദൃശോ വശ്യാ ഭവന്തി സ്ഫുടമ് ॥ 9 ॥
ചഞ്ചത്കാഞ്ചനകുണ്ഡലാങ്ഗദധരാമാബദ്ധകാഞ്ചീസ്രജം
യേ ത്വാം ചേതസി തദ്ഗതേ ക്ഷണമപി ധ്യായന്തി കൃത്വാ സ്ഥിരാമ് ।
തേഷാം വേശ്മസു വിഭ്രമാദഹരഹഃ സ്ഫാരീഭവന്ത്യശ്ചിരം
മാദ്യത്കുഞ്ജരകര്ണതാലതരലാഃ സ്ഥൈര്യം ഭജന്തേ ശ്രിയഃ ॥ 10 ॥
യേ ത്വാം ചേതസി തദ്ഗതേ ക്ഷണമപി ധ്യായന്തി കൃത്വാ സ്ഥിരാമ് ।
തേഷാം വേശ്മസു വിഭ്രമാദഹരഹഃ സ്ഫാരീഭവന്ത്യശ്ചിരം
മാദ്യത്കുഞ്ജരകര്ണതാലതരലാഃ സ്ഥൈര്യം ഭജന്തേ ശ്രിയഃ ॥ 10 ॥
ആര്ഭട്യാ ശശിഖണ്ഡമണ്ഡിതജടാജൂടാം നൃമുണ്ഡസ്രജം
ബന്ധൂകപ്രസവാരുണാമ്ബരധരാം പ്രേതാസനാധ്യാസിനീമ് ।
ത്വാം ധ്യായന്തി ചതുര്ഭുജാം ത്രിനയനാമാപീനതുങ്ഗസ്തനീം
മധ്യേ നിമ്നവലിത്രയാങ്കിതതനും ത്വദ്രൂപസംവിത്തയേ ॥ 11 ॥
ബന്ധൂകപ്രസവാരുണാമ്ബരധരാം പ്രേതാസനാധ്യാസിനീമ് ।
ത്വാം ധ്യായന്തി ചതുര്ഭുജാം ത്രിനയനാമാപീനതുങ്ഗസ്തനീം
മധ്യേ നിമ്നവലിത്രയാങ്കിതതനും ത്വദ്രൂപസംവിത്തയേ ॥ 11 ॥
ജാതോഽപ്യല്പപരിച്ഛദേ ക്ഷിതിഭുജാം സാമാന്യമാത്രേ കുലേ
നിഃശേഷാവനിചക്രവര്തിപദവീം ലബ്ധ്വാ പ്രതാപോന്നതഃ ।
യദ്വിദ്യാധര ബൃന്ദവന്ദിതപദഃ ശ്രീവത്സരാജോഽഭവത്
ദേവി ത്വച്ചരണാമ്ബുജ പ്രണതിജഃ സോഽയം പ്രസാദോദയഃ ॥ 12 ॥
നിഃശേഷാവനിചക്രവര്തിപദവീം ലബ്ധ്വാ പ്രതാപോന്നതഃ ।
യദ്വിദ്യാധര ബൃന്ദവന്ദിതപദഃ ശ്രീവത്സരാജോഽഭവത്
ദേവി ത്വച്ചരണാമ്ബുജ പ്രണതിജഃ സോഽയം പ്രസാദോദയഃ ॥ 12 ॥
ചണ്ഡി ത്വച്ചരണാമ്ബുജാര്ചനകൃതേ ബില്വാദിലോല്ലുണ്ഠന-
-ത്രുട്യത്കണ്ടകകോടിഭിഃ പരിചയം യേഷാം ന ജഗ്മുഃ കരാഃ ।
തേ ദണ്ഡാങ്കുശചക്രചാപകുലിശശ്രീവത്സമത്സ്യാങ്കിതൈഃ
ജായന്തേ പൃഥിവീഭുജഃ കഥമിവാമ്ഭോജപ്രഭൈഃ പാണിഭിഃ ॥ 13 ॥
-ത്രുട്യത്കണ്ടകകോടിഭിഃ പരിചയം യേഷാം ന ജഗ്മുഃ കരാഃ ।
തേ ദണ്ഡാങ്കുശചക്രചാപകുലിശശ്രീവത്സമത്സ്യാങ്കിതൈഃ
ജായന്തേ പൃഥിവീഭുജഃ കഥമിവാമ്ഭോജപ്രഭൈഃ പാണിഭിഃ ॥ 13 ॥
വിപ്രാഃ ക്ഷോണിഭുജോ വിശസ്തദിതരേ ക്ഷീരാജ്യമധ്വാസവൈഃ ।
ത്വാം ദേവി ത്രിപുരേ പരാപരമയീം സന്തര്പ്യ പൂജാവിധൌ ।
യാം യാം പ്രാര്ഥയതേ മനഃ സ്ഥിരധിയാം തേഷാം ത ഏവ ധ്രുവം
താം താം സിദ്ധിമവാപ്നുവന്തി തരസാ വിഘ്നൈരവിഘ്നീകൃതാഃ ॥ 14 ॥
ത്വാം ദേവി ത്രിപുരേ പരാപരമയീം സന്തര്പ്യ പൂജാവിധൌ ।
യാം യാം പ്രാര്ഥയതേ മനഃ സ്ഥിരധിയാം തേഷാം ത ഏവ ധ്രുവം
താം താം സിദ്ധിമവാപ്നുവന്തി തരസാ വിഘ്നൈരവിഘ്നീകൃതാഃ ॥ 14 ॥
ശബ്ദാനാം ജനനീ ത്വമത്ര ഭുവനേ വാഗ്വാദിനീത്യുച്യസേ
ത്വത്തഃ കേശവവാസവ പ്രഭൃതയോഽപ്യാവിര്ഭവന്തി സ്ഫുടമ് ।
ലീയന്തേ ഖലു യത്ര കല്പവിരമേ ബ്രഹ്മാദയസ്തേഽപ്യമീ
സാ ത്വം കാചിദചിന്ത്യരൂപമഹിമാ ശക്തിഃ പരാ ഗീയസേ ॥ 15 ॥
ത്വത്തഃ കേശവവാസവ പ്രഭൃതയോഽപ്യാവിര്ഭവന്തി സ്ഫുടമ് ।
ലീയന്തേ ഖലു യത്ര കല്പവിരമേ ബ്രഹ്മാദയസ്തേഽപ്യമീ
സാ ത്വം കാചിദചിന്ത്യരൂപമഹിമാ ശക്തിഃ പരാ ഗീയസേ ॥ 15 ॥
ദേവാനാം ത്രിതയം ത്രയീ ഹുതഭുജാം ശക്തിത്രയം ത്രിഃ സ്വരാഃ
ത്രൈലോക്യം ത്രിപദീ ത്രിപുഷ്കരമഥോ ത്രിബ്രഹ്മ വര്ണാസ്ത്രയഃ ।
യത്കിഞ്ചിജ്ജഗതി ത്രിധാ നിയമിതം വസ്തു ത്രിവര്ഗാദികം
തത്സര്വം ത്രിപുരേതി നാമ ഭഗവത്യന്വേതി തേ തത്ത്വതഃ ॥ 16 ॥
ത്രൈലോക്യം ത്രിപദീ ത്രിപുഷ്കരമഥോ ത്രിബ്രഹ്മ വര്ണാസ്ത്രയഃ ।
യത്കിഞ്ചിജ്ജഗതി ത്രിധാ നിയമിതം വസ്തു ത്രിവര്ഗാദികം
തത്സര്വം ത്രിപുരേതി നാമ ഭഗവത്യന്വേതി തേ തത്ത്വതഃ ॥ 16 ॥
ലക്ഷ്മീം രാജകുലേ ജയാം രണഭുവി ക്ഷേമങ്കരീമധ്വനി
ക്രവ്യാദദ്വിപസര്പഭാജി ശബരീം കാന്താരദുര്ഗേ ഗിരൌ ।
ഭൂതപ്രേതപിശാചജമ്ബുകഭയേ സ്മൃത്വാ മഹാഭൈരവീം
വ്യാമോഹേ ത്രിപുരാം തരന്തി വിപദസ്താരാം ച തോയപ്ലവേ ॥ 17 ॥
ക്രവ്യാദദ്വിപസര്പഭാജി ശബരീം കാന്താരദുര്ഗേ ഗിരൌ ।
ഭൂതപ്രേതപിശാചജമ്ബുകഭയേ സ്മൃത്വാ മഹാഭൈരവീം
വ്യാമോഹേ ത്രിപുരാം തരന്തി വിപദസ്താരാം ച തോയപ്ലവേ ॥ 17 ॥
മായാ കുണ്ഡലിനീ ക്രിയാ മധുമതീ കാലീ കലാമാലിനീ
മാതങ്ഗീ വിജയാ ജയാ ഭഗവതീ ദേവീ ശിവാ ശാമ്ഭവീ ।
ശക്തിഃ ശങ്കരവല്ലഭാ ത്രിനയനാ വാഗ്വാദിനീ ഭൈരവീ
ഹ്രീങ്കാരീ ത്രിപുരാ പരാപരമയീ മാതാ കുമാരീത്യസി ॥ 18 ॥
മാതങ്ഗീ വിജയാ ജയാ ഭഗവതീ ദേവീ ശിവാ ശാമ്ഭവീ ।
ശക്തിഃ ശങ്കരവല്ലഭാ ത്രിനയനാ വാഗ്വാദിനീ ഭൈരവീ
ഹ്രീങ്കാരീ ത്രിപുരാ പരാപരമയീ മാതാ കുമാരീത്യസി ॥ 18 ॥
ആഈപല്ലവിതൈഃ പരസ്പരയുതൈര്ദ്വിത്രിക്രമാദ്യക്ഷരൈ
കാദ്യൈഃ ക്ഷാന്തഗതൈഃ സ്വരാദിഭിരഥ ക്ഷാന്തൈശ്ച തൈഃ സസ്വരൈഃ ।
നാമാനി ത്രിപുരേ ഭവന്തി ഖലു യാന്യത്യന്തഗുഹ്യാനി തേ
തേഭ്യോ ഭൈരവപത്നി വിംശതിസഹസ്രേഭ്യഃ പരേഭ്യോ നമഃ ॥ 19 ॥
കാദ്യൈഃ ക്ഷാന്തഗതൈഃ സ്വരാദിഭിരഥ ക്ഷാന്തൈശ്ച തൈഃ സസ്വരൈഃ ।
നാമാനി ത്രിപുരേ ഭവന്തി ഖലു യാന്യത്യന്തഗുഹ്യാനി തേ
തേഭ്യോ ഭൈരവപത്നി വിംശതിസഹസ്രേഭ്യഃ പരേഭ്യോ നമഃ ॥ 19 ॥
ബോദ്ധവ്യാ നിപുണം ബുധൈഃ സ്തുതിരിയം കൃത്വാ മനസ്തദ്ഗതം
ഭാരത്യാസ്ത്രിപുരേത്യനന്യമനസാ യത്രാദ്യവൃത്തേ സ്ഫുടമ് ।
ഏകദ്വിത്രിപദക്രമേണ കഥിതസ്തത്പാദസങ്ഖ്യാക്ഷരൈഃ
മന്ത്രോദ്ധാര വിധിര്വിശേഷസഹിതഃ സത്സമ്പ്രദായാന്വിതഃ ॥ 20 ॥
ഭാരത്യാസ്ത്രിപുരേത്യനന്യമനസാ യത്രാദ്യവൃത്തേ സ്ഫുടമ് ।
ഏകദ്വിത്രിപദക്രമേണ കഥിതസ്തത്പാദസങ്ഖ്യാക്ഷരൈഃ
മന്ത്രോദ്ധാര വിധിര്വിശേഷസഹിതഃ സത്സമ്പ്രദായാന്വിതഃ ॥ 20 ॥
സാവദ്യം നിരവദ്യമസ്തു യദി വാ കിം വാനയാ ചിന്തയാ
നൂനം സ്തോത്രമിദം പഠിഷ്യതി ജനോ യസ്യാസ്തി ഭക്തിസ്ത്വയി ।
സഞ്ചിന്ത്യാപി ലഘുത്വമാത്മനി ദൃഢം സഞ്ജായമാനം ഹഠാത്
ത്വദ്ഭക്ത്യാ മുഖരീകൃതേന രചിതം യസ്മാന്മയാപി ധൃവമ് ॥ 21 ॥
നൂനം സ്തോത്രമിദം പഠിഷ്യതി ജനോ യസ്യാസ്തി ഭക്തിസ്ത്വയി ।
സഞ്ചിന്ത്യാപി ലഘുത്വമാത്മനി ദൃഢം സഞ്ജായമാനം ഹഠാത്
ത്വദ്ഭക്ത്യാ മുഖരീകൃതേന രചിതം യസ്മാന്മയാപി ധൃവമ് ॥ 21 ॥
ഇതി ശ്രീകാലിദാസ വിരചിത പഞ്ചസ്തവ്യാം പ്രഥമഃ ലഘുസ്തവഃ ।