దేవీ మాహాత్మ్యం కీలక స్తోత్రమ్

అస్య శ్రీ కీలక స్తోత్ర మహా మన్త్రస్య । శివ ఋషిః । అనుష్టుప్ ఛన్దః । మహాసరస్వతీ దేవతా । మన్త్రోదిత దేవ్యో బీజమ్ । నవార్ణో మన్త్రశక్తి।శ్రీ సప్త శతీ మన్త్ర స్తత్వం స్రీ జగదమ్బా ప్రీత్యర్థే సప్తశతీ పాఠాఙ్గత్వఏన జపే వినియోగః ।
ఓం నమశ్చణ్డికాయై
మార్కణ్డేయ ఉవాచ
ఓం విశుద్ధ జ్ఞానదేహాయ త్రివేదీ దివ్యచక్షుషే ।
శ్రేయః ప్రాప్తి నిమిత్తాయ నమః సోమార్థ ధారిణే ॥1॥

సర్వమేత ద్విజానీయాన్మన్త్రాణాపి కీలకమ్ ।
సోఽపి క్షేమమవాప్నోతి సతతం జాప్య తత్పరః ॥2॥

సిద్ధ్యన్తుచ్చాటనాదీని కర్మాణి సకలాన్యపి ।
ఏతేన స్తువతాం దేవీం స్తోత్రవృన్దేన భక్తితః ॥3॥

న మన్త్రో నౌషధం తస్య న కిఞ్చి దపి విధ్యతే ।
వినా జాప్యం న సిద్ధ్యేత్తు సర్వ ముచ్చాటనాదికమ్ ॥4॥

సమగ్రాణ్యపి సేత్స్యన్తి లోకశజ్ఞ్కా మిమాం హరః ।
కృత్వా నిమన్త్రయామాస సర్వ మేవ మిదం శుభమ్ ॥5॥

స్తోత్రంవై చణ్డికాయాస్తు తచ్చ గుహ్యం చకార సః ।
సమాప్నోతి సపుణ్యేన తాం యథావన్నిమన్త్రణాం ॥6॥
సోపిఽక్షేమ మవాప్నోతి సర్వ మేవ న సంశయః ।
కృష్ణాయాం వా చతుర్దశ్యాం అష్టమ్యాం వా సమాహితః॥6॥
దదాతి ప్రతిగృహ్ణాతి నాన్య థైషా ప్రసీదతి ।
ఇత్థం రూపేణ కీలేన మహాదేవేన కీలితమ్। ॥8॥
యో నిష్కీలాం విధాయైనాం చణ్డీం జపతి నిత్య శః ।
స సిద్ధః స గణః సోఽథ గన్ధర్వో జాయతే ధ్రువమ్ ॥9॥
న చైవా పాటవం తస్య భయం క్వాపి న జాయతే ।
నాప మృత్యు వశం యాతి మృతేచ మోక్షమాప్నుయాత్॥10॥
జ్ఞాత్వాప్రారభ్య కుర్వీత హ్యకుర్వాణో వినశ్యతి ।
తతో జ్ఞాత్వైవ సమ్పూర్నం ఇదం ప్రారభ్యతే బుధైః ॥11॥
సౌభాగ్యాదిచ యత్కిఞ్చిద్ దృశ్యతే లలనాజనే ।
తత్సర్వం తత్ప్రసాదేన తేన జప్యమిదం శుభం ॥12॥
శనైస్తు జప్యమానేఽస్మిన్ స్తోత్రే సమ్పత్తిరుచ్చకైః।
భవత్యేవ సమగ్రాపి తతః ప్రారభ్యమేవతత్ ॥13॥
ఐశ్వర్యం తత్ప్రసాదేన సౌభాగ్యారోగ్యమేవచః ।
శత్రుహానిః పరో మోక్షః స్తూయతే సాన కిం జనై ॥14॥
చణ్దికాం హృదయేనాపి యః స్మరేత్ సతతం నరః ।
హృద్యం కామమవాప్నోతి హృది దేవీ సదా వసేత్ ॥15॥
అగ్రతోఽముం మహాదేవ కృతం కీలకవారణమ్ ।
నిష్కీలఞ్చ తథా కృత్వా పఠితవ్యం సమాహితైః ॥16॥