ദേവീ മാഹാത്മ്യം കീലക സ്തോത്രമ്

അസ്യ ശ്രീ കീലക സ്തോത്ര മഹാ മന്ത്രസ്യ । ശിവ ഋഷിഃ । അനുഷ്ടുപ് ഛന്ദഃ । മഹാസരസ്വതീ ദേവതാ । മന്ത്രോദിത ദേവ്യോ ബീജമ് । നവാര്ണോ മന്ത്രശക്തി।ശ്രീ സപ്ത ശതീ മന്ത്ര സ്തത്വം സ്രീ ജഗദമ്ബാ പ്രീത്യര്ഥേ സപ്തശതീ പാഠാങ്ഗത്വഏന ജപേ വിനിയോഗഃ ।
ഓം നമശ്ചണ്ഡികായൈ
മാര്കണ്ഡേയ ഉവാച
ഓം വിശുദ്ധ ജ്ഞാനദേഹായ ത്രിവേദീ ദിവ്യചക്ഷുഷേ ।
ശ്രേയഃ പ്രാപ്തി നിമിത്തായ നമഃ സോമാര്ഥ ധാരിണേ ॥1॥

സര്വമേത ദ്വിജാനീയാന്മന്ത്രാണാപി കീലകമ് ।
സോഽപി ക്ഷേമമവാപ്നോതി സതതം ജാപ്യ തത്പരഃ ॥2॥

സിദ്ധ്യന്തുച്ചാടനാദീനി കര്മാണി സകലാന്യപി ।
ഏതേന സ്തുവതാം ദേവീം സ്തോത്രവൃന്ദേന ഭക്തിതഃ ॥3॥

ന മന്ത്രോ നൌഷധം തസ്യ ന കിഞ്ചി ദപി വിധ്യതേ ।
വിനാ ജാപ്യം ന സിദ്ധ്യേത്തു സര്വ മുച്ചാടനാദികമ് ॥4॥

സമഗ്രാണ്യപി സേത്സ്യന്തി ലോകശജ്ഞ്കാ മിമാം ഹരഃ ।
കൃത്വാ നിമന്ത്രയാമാസ സര്വ മേവ മിദം ശുഭമ് ॥5॥

സ്തോത്രംവൈ ചണ്ഡികായാസ്തു തച്ച ഗുഹ്യം ചകാര സഃ ।
സമാപ്നോതി സപുണ്യേന താം യഥാവന്നിമന്ത്രണാം ॥6॥
സോപിഽക്ഷേമ മവാപ്നോതി സര്വ മേവ ന സംശയഃ ।
കൃഷ്ണായാം വാ ചതുര്ദശ്യാം അഷ്ടമ്യാം വാ സമാഹിതഃ॥6॥
ദദാതി പ്രതിഗൃഹ്ണാതി നാന്യ ഥൈഷാ പ്രസീദതി ।
ഇത്ഥം രൂപേണ കീലേന മഹാദേവേന കീലിതമ്। ॥8॥
യോ നിഷ്കീലാം വിധായൈനാം ചണ്ഡീം ജപതി നിത്യ ശഃ ।
സ സിദ്ധഃ സ ഗണഃ സോഽഥ ഗന്ധര്വോ ജായതേ ധ്രുവമ് ॥9॥
ന ചൈവാ പാടവം തസ്യ ഭയം ക്വാപി ന ജായതേ ।
നാപ മൃത്യു വശം യാതി മൃതേച മോക്ഷമാപ്നുയാത്॥10॥
ജ്ഞാത്വാപ്രാരഭ്യ കുര്വീത ഹ്യകുര്വാണോ വിനശ്യതി ।
തതോ ജ്ഞാത്വൈവ സമ്പൂര്നം ഇദം പ്രാരഭ്യതേ ബുധൈഃ ॥11॥
സൌഭാഗ്യാദിച യത്കിഞ്ചിദ് ദൃശ്യതേ ലലനാജനേ ।
തത്സര്വം തത്പ്രസാദേന തേന ജപ്യമിദം ശുഭം ॥12॥
ശനൈസ്തു ജപ്യമാനേഽസ്മിന് സ്തോത്രേ സമ്പത്തിരുച്ചകൈഃ।
ഭവത്യേവ സമഗ്രാപി തതഃ പ്രാരഭ്യമേവതത് ॥13॥
ഐശ്വര്യം തത്പ്രസാദേന സൌഭാഗ്യാരോഗ്യമേവചഃ ।
ശത്രുഹാനിഃ പരോ മോക്ഷഃ സ്തൂയതേ സാന കിം ജനൈ ॥14॥
ചണ്ദികാം ഹൃദയേനാപി യഃ സ്മരേത് സതതം നരഃ ।
ഹൃദ്യം കാമമവാപ്നോതി ഹൃദി ദേവീ സദാ വസേത് ॥15॥
അഗ്രതോഽമും മഹാദേവ കൃതം കീലകവാരണമ് ।
നിഷ്കീലഞ്ച തഥാ കൃത്വാ പഠിതവ്യം സമാഹിതൈഃ ॥16॥