ଦେଵୀ ମାହାତ୍ମ୍ଯଂ କୀଲକ ସ୍ତୋତ୍ରମ୍

ଅସ୍ଯ ଶ୍ରୀ କୀଲକ ସ୍ତୋତ୍ର ମହା ମନ୍ତ୍ରସ୍ଯ । ଶିଵ ଋଷିଃ । ଅନୁଷ୍ଟୁପ୍ ଛନ୍ଦଃ । ମହାସରସ୍ଵତୀ ଦେଵତା । ମନ୍ତ୍ରୋଦିତ ଦେଵ୍ଯୋ ବୀଜମ୍ । ନଵାର୍ଣୋ ମନ୍ତ୍ରଶକ୍ତି।ଶ୍ରୀ ସପ୍ତ ଶତୀ ମନ୍ତ୍ର ସ୍ତତ୍ଵଂ ସ୍ରୀ ଜଗଦମ୍ବା ପ୍ରୀତ୍ଯର୍ଥେ ସପ୍ତଶତୀ ପାଠାଙ୍ଗତ୍ଵଏନ ଜପେ ଵିନିଯୋଗଃ ।
ଓଁ ନମଶ୍ଚଣ୍ଡିକାଯୈ
ମାର୍କଣ୍ଡେଯ ଉଵାଚ
ଓଁ ଵିଶୁଦ୍ଧ ଜ୍ଞାନଦେହାଯ ତ୍ରିଵେଦୀ ଦିଵ୍ଯଚକ୍ଷୁଷେ ।
ଶ୍ରେଯଃ ପ୍ରାପ୍ତି ନିମିତ୍ତାଯ ନମଃ ସୋମାର୍ଥ ଧାରିଣେ ॥1॥

ସର୍ଵମେତ ଦ୍ଵିଜାନୀଯାନ୍ମନ୍ତ୍ରାଣାପି କୀଲକମ୍ ।
ସୋଽପି କ୍ଷେମମଵାପ୍ନୋତି ସତତଂ ଜାପ୍ଯ ତତ୍ପରଃ ॥2॥

ସିଦ୍ଧ୍ଯନ୍ତୁଚ୍ଚାଟନାଦୀନି କର୍ମାଣି ସକଲାନ୍ଯପି ।
ଏତେନ ସ୍ତୁଵତାଂ ଦେଵୀଂ ସ୍ତୋତ୍ରଵୃନ୍ଦେନ ଭକ୍ତିତଃ ॥3॥

ନ ମନ୍ତ୍ରୋ ନୌଷଧଂ ତସ୍ଯ ନ କିଞ୍ଚି ଦପି ଵିଧ୍ଯତେ ।
ଵିନା ଜାପ୍ଯଂ ନ ସିଦ୍ଧ୍ଯେତ୍ତୁ ସର୍ଵ ମୁଚ୍ଚାଟନାଦିକମ୍ ॥4॥

ସମଗ୍ରାଣ୍ଯପି ସେତ୍ସ୍ଯନ୍ତି ଲୋକଶଜ୍ଞ୍କା ମିମାଂ ହରଃ ।
କୃତ୍ଵା ନିମନ୍ତ୍ରଯାମାସ ସର୍ଵ ମେଵ ମିଦଂ ଶୁଭମ୍ ॥5॥

ସ୍ତୋତ୍ରଂଵୈ ଚଣ୍ଡିକାଯାସ୍ତୁ ତଚ୍ଚ ଗୁହ୍ଯଂ ଚକାର ସଃ ।
ସମାପ୍ନୋତି ସପୁଣ୍ଯେନ ତାଂ ଯଥାଵନ୍ନିମନ୍ତ୍ରଣାଂ ॥6॥
ସୋପିଽକ୍ଷେମ ମଵାପ୍ନୋତି ସର୍ଵ ମେଵ ନ ସଂଶଯଃ ।
କୃଷ୍ଣାଯାଂ ଵା ଚତୁର୍ଦଶ୍ଯାଂ ଅଷ୍ଟମ୍ଯାଂ ଵା ସମାହିତଃ॥6॥
ଦଦାତି ପ୍ରତିଗୃହ୍ଣାତି ନାନ୍ଯ ଥୈଷା ପ୍ରସୀଦତି ।
ଇତ୍ଥଂ ରୂପେଣ କୀଲେନ ମହାଦେଵେନ କୀଲିତମ୍। ॥8॥
ଯୋ ନିଷ୍କୀଲାଂ ଵିଧାଯୈନାଂ ଚଣ୍ଡୀଂ ଜପତି ନିତ୍ଯ ଶଃ ।
ସ ସିଦ୍ଧଃ ସ ଗଣଃ ସୋଽଥ ଗନ୍ଧର୍ଵୋ ଜାଯତେ ଧ୍ରୁଵମ୍ ॥9॥
ନ ଚୈଵା ପାଟଵଂ ତସ୍ଯ ଭଯଂ କ୍ଵାପି ନ ଜାଯତେ ।
ନାପ ମୃତ୍ଯୁ ଵଶଂ ଯାତି ମୃତେଚ ମୋକ୍ଷମାପ୍ନୁଯାତ୍॥10॥
ଜ୍ଞାତ୍ଵାପ୍ରାରଭ୍ଯ କୁର୍ଵୀତ ହ୍ଯକୁର୍ଵାଣୋ ଵିନଶ୍ଯତି ।
ତତୋ ଜ୍ଞାତ୍ଵୈଵ ସମ୍ପୂର୍ନଂ ଇଦଂ ପ୍ରାରଭ୍ଯତେ ବୁଧୈଃ ॥11॥
ସୌଭାଗ୍ଯାଦିଚ ଯତ୍କିଞ୍ଚିଦ୍ ଦୃଶ୍ଯତେ ଲଲନାଜନେ ।
ତତ୍ସର୍ଵଂ ତତ୍ପ୍ରସାଦେନ ତେନ ଜପ୍ଯମିଦଂ ଶୁଭଂ ॥12॥
ଶନୈସ୍ତୁ ଜପ୍ଯମାନେଽସ୍ମିନ୍ ସ୍ତୋତ୍ରେ ସମ୍ପତ୍ତିରୁଚ୍ଚକୈଃ।
ଭଵତ୍ଯେଵ ସମଗ୍ରାପି ତତଃ ପ୍ରାରଭ୍ଯମେଵତତ୍ ॥13॥
ଐଶ୍ଵର୍ଯଂ ତତ୍ପ୍ରସାଦେନ ସୌଭାଗ୍ଯାରୋଗ୍ଯମେଵଚଃ ।
ଶତ୍ରୁହାନିଃ ପରୋ ମୋକ୍ଷଃ ସ୍ତୂଯତେ ସାନ କିଂ ଜନୈ ॥14॥
ଚଣ୍ଦିକାଂ ହୃଦଯେନାପି ଯଃ ସ୍ମରେତ୍ ସତତଂ ନରଃ ।
ହୃଦ୍ଯଂ କାମମଵାପ୍ନୋତି ହୃଦି ଦେଵୀ ସଦା ଵସେତ୍ ॥15॥
ଅଗ୍ରତୋଽମୁଂ ମହାଦେଵ କୃତଂ କୀଲକଵାରଣମ୍ ।
ନିଷ୍କୀଲଞ୍ଚ ତଥା କୃତ୍ଵା ପଠିତଵ୍ଯଂ ସମାହିତୈଃ ॥16॥