അവിനയമപനയ വിഷ്ണോ ദമയ മനഃ ശമയ വിഷയമൃഗതൃഷ്ണാമ് ।
ഭൂതദയാം വിസ്താരയ താരയ സംസാരസാഗരതഃ ॥ 1 ॥
ഭൂതദയാം വിസ്താരയ താരയ സംസാരസാഗരതഃ ॥ 1 ॥
ദിവ്യധുനീമകരന്ദേ പരിമലപരിഭോഗസച്ചിദാനന്ദേ ।
ശ്രീപതിപദാരവിന്ദേ ഭവഭയഖേദച്ഛിദേ വന്ദേ ॥ 2 ॥
ശ്രീപതിപദാരവിന്ദേ ഭവഭയഖേദച്ഛിദേ വന്ദേ ॥ 2 ॥
സത്യപി ഭേദാപഗമേ നാഥ തവാഽഹം ന മാമകീനസ്ത്വമ് ।
സാമുദ്രോ ഹി തരങ്ഗഃ ക്വചന സമുദ്രോ ന താരങ്ഗഃ ॥ 3 ॥
സാമുദ്രോ ഹി തരങ്ഗഃ ക്വചന സമുദ്രോ ന താരങ്ഗഃ ॥ 3 ॥
ഉദ്ധൃതനഗ നഗഭിദനുജ ദനുജകുലാമിത്ര മിത്രശശിദൃഷ്ടേ ।
ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ ॥ 4 ॥
ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ ॥ 4 ॥
മത്സ്യാദിഭിരവതാരൈരവതാരവതാഽവതാ സദാ വസുധാമ് ।
പരമേശ്വര പരിപാല്യോ ഭവതാ ഭവതാപഭീതോഽഹമ് ॥ 5 ॥
പരമേശ്വര പരിപാല്യോ ഭവതാ ഭവതാപഭീതോഽഹമ് ॥ 5 ॥
ദാമോദര ഗുണമന്ദിര സുന്ദരവദനാരവിന്ദ ഗോവിന്ദ ।
ഭവജലധിമഥനമന്ദര പരമം ദരമപനയ ത്വം മേ ॥ 6 ॥
നാരായണ കരുണാമയ ശരണം കരവാണി താവകൌ ചരണൌ ।
ഭവജലധിമഥനമന്ദര പരമം ദരമപനയ ത്വം മേ ॥ 6 ॥
നാരായണ കരുണാമയ ശരണം കരവാണി താവകൌ ചരണൌ ।
ഇതി ഷട്പദീ മദീയേ വദനസരോജേ സദാ വസതു ॥
ഇതി ശ്രീമച്ചങ്കരാചാര്യ വിരചിതം ശ്രീ വിഷ്ണു ഷട്പദീ സ്തോത്രം സമ്പൂര്ണമ്