ಆವಶ್ಯಕಾನಿ ವಸ್ತೂನಿ
- ಆಸನಂ
- ದೀಪಃ
- ಗನ್ಧಃ
- ಕುಙ್ಕುಮಂ
- ಅಕ್ಷತಾಃ
- ಪುಷ್ಪಾಣಿ
- ಧೂಪಃ
- ನೈವೇದ್ಯಂ
- ತಾಮ್ಬೂಲಂ
- ಆಚಮನೀಯಂ
- ಪೂಜಾ ಪಾತ್ರಂ
- ಕಲಶಃ
- ಶಙ್ಖಃ [optional]
- ವಿಷ್ಣು ಪ್ರತಿಮಾ ವಾ ಚಿತ್ರಪಟಃ ವಾ
ಪೂರ್ವಾಙ್ಗ ಪೂಜಾ
ಪೂರ್ವಾಙ್ಗ ಪೂಜಾ
ಶ್ರೀಮಹಾಗಣಾಧಿಪತಯೇ ನಮಃ ।
ಶ್ರೀ ಗುರುಭ್ಯೋ ನಮಃ ।
ಹರಿಃ ಓಮ್ ।
ಶುಚಿಃ
ಶುಚಿಃ
ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ ।
ಯಃ ಸ್ಮರೇತ್ ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರಃ ಶುಚಿಃ ॥
ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷಾಯ ನಮಃ ॥
ಪ್ರಾರ್ಥನಾ
ಪ್ರಾರ್ಥನಾ
ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।
ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾನ್ತಯೇ ॥
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ ।
ಅನೇಕದಂ ತಂ ಭಕ್ತಾನಾಂ ಏಕದನ್ತಮುಪಾಸ್ಮಹೇ ॥
ತದೇವ ಲಗ್ನಂ ಸುದಿನಂ ತದೇವ
ತದೇವ ಲಗ್ನಂ ಸುದಿನಂ ತದೇವ
ತಾರಾಬಲಂ ಚನ್ದ್ರಬಲಂ ತದೇವ ।
ವಿದ್ಯಾಬಲಂ ದೈವಬಲಂ ತದೇವ
ಲಕ್ಷ್ಮೀಪತೇ ತೇಽಙ್ಘ್ರಿಯುಗಂ ಸ್ಮರಾಮಿ ॥
ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।
ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥
ಸರ್ವಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಸರ್ವಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥಸಾಧಿಕೇ ।
ಶರಣ್ಯೇ ತ್ರ್ಯಮ್ಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ ।
ಉಮಾಮಹೇಶ್ವರಾಭ್ಯಾಂ ನಮಃ ।
ವಾಣೀಹಿರಣ್ಯಗರ್ಭಾಭ್ಯಾಂ ನಮಃ ।
ಶಚೀಪುರನ್ದರಾಭ್ಯಾಂ ನಮಃ ।
ಅರುನ್ಧತೀವಸಿಷ್ಠಾಭ್ಯಾಂ ನಮಃ ।
ಶ್ರೀಸೀತಾರಾಮಾಭ್ಯಾಂ ನಮಃ ।
ಮಾತಾಪಿತೃಭ್ಯೋ ನಮಃ ।
ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।
ಆಚಮನಂ
ಆಚಮನಂ
ಓಂ ಕೇಶವಾಯ ಸ್ವಾಹಾ ।
ಓಂ ನಾರಾಯಣಾಯ ಸ್ವಾಹಾ ।
ಓಂ ಮಾಧವಾಯ ಸ್ವಾಹಾ ।
ಓಂ ಗೋವಿನ್ದಾಯ ನಮಃ ।
ಓಂ ವಿಷ್ಣವೇ ನಮಃ ।
ಓಂ ಮಧುಸೂದನಾಯ ನಮಃ ।
ಓಂ ತ್ರಿವಿಕ್ರಮಾಯ ನಮಃ ।
ಓಂ ವಾಮನಾಯ ನಮಃ ।
ಓಂ ಶ್ರೀಧರಾಯ ನಮಃ ।
ಓಂ ಹೃಷೀಕೇಶಾಯ ನಮಃ ।
ಓಂ ಪದ್ಮನಾಭಾಯ ನಮಃ ।
ಓಂ ದಾಮೋದರಾಯ ನಮಃ ।
ಓಂ ಸಙ್ಕರ್ಷಣಾಯ ನಮಃ ।
ಓಂ ವಾಸುದೇವಾಯ ನಮಃ ।
ಓಂ ಪ್ರದ್ಯುಮ್ನಾಯ ನಮಃ ।
ಓಂ ಅನಿರುದ್ಧಾಯ ನಮಃ ।
ಓಂ ಪುರುಷೋತ್ತಮಾಯ ನಮಃ ।
ಓಂ ಅಧೋಕ್ಷಜಾಯ ನಮಃ ।
ಓಂ ನಾರಸಿಂಹಾಯ ನಮಃ ।
ಓಂ ಅಚ್ಯುತಾಯ ನಮಃ ।
ಓಂ ಜನಾರ್ದನಾಯ ನಮಃ ।
ಓಂ ಉಪೇನ್ದ್ರಾಯ ನಮಃ ।
ಓಂ ಹರಯೇ ನಮಃ ।
ಓಂ ಶ್ರೀಕೃಷ್ಣಾಯ ನಮಃ ।
ದೀಪಾರಾಧನಮ್
ದೀಪಾರಾಧನಮ್
ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ ।
ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥
ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ ।
ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥
ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥
ಭೂತೋಚ್ಚಾಟನಮ್
ಭೂತೋಚ್ಚಾಟನಮ್
ಉತ್ತಿಷ್ಠನ್ತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ ।
ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥
ಅಪಸರ್ಪನ್ತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ ।
ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛನ್ತು ಶಿವಾಽಜ್ಞಯಾ ॥
ಪ್ರಾಣಾಯಾಮಃ
ಪ್ರಾಣಾಯಾಮಃ
ಓ-ಮ್ಭೂಃ । ಓ-ಮ್ಭುವಃ॑ । ಓಗ್ಂ ಸುವಃ॑ । ಓ-ಮ್ಮಹಃ॑ । ಓ-ಞ್ಜನಃ॑ । ಓ-ನ್ತಪಃ॑ । ಓಗ್ಂ ಸತ್ಯಮ್ ।
ಓ-ನ್ತತ್ಸ॑ವಿ॒ತುರ್ವರೇ᳚ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ॥
ಓಮಾಪೋ॒ ಜ್ಯೋತೀ॒ ರಸೋ॒-ಽಮೃತ॒-ಮ್ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ॥
ಸಙ್ಕಲ್ಪಃ
ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರ ಪ್ರೀತ್ಯರ್ಥಂ, ಮಮ/ಅಸ್ಮಾಕಂ ಸಹಕುಟುಮ್ಬಸ್ಯ ಕ್ಷೇಮ-ಸ್ಥೈರ್ಯ-ಧೈರ್ಯ-ವೀರ್ಯ-ವಿಜಯ-ಅಭಯ-ಆಯುಃ-ಆರೋಗ್ಯ-ಐಶ್ವರ್ಯ-ಅಭಿವೃದ್ಧ್ಯರ್ಥಂ, ಧರ್ಮಾರ್ಥ-ಕಾಮ-ಮೋಕ್ಷ-ಚತುರ್ವಿಧ-ಪುರುಷಾರ್ಥ-ಫಲ-ಸಿದ್ಧ್ಯರ್ಥಂ, ಸರ್ವಾಭೀಷ್ಟ-ಸಿದ್ಧ್ಯರ್ಥಂ, ಶ್ರೀಮನ್ನಾರಾಯಣ-ಪ್ರೀತ್ಯರ್ಥಂ, ಯಾವಚ್ಛಕ್ತಿ ಧ್ಯಾನ-ಆವಾಹನಾದಿ-ಷೋಡಶೋಪಚಾರ-ಪೂಜಾಂ ಕರಿಷ್ಯೇ ॥
ತದಙ್ಗ ಕಲಶಾರಾಧನಂ ಕರಿಷ್ಯೇ ॥
ಕಲಶಾರಾಧನಮ್
ತದಙ್ಗ ಕಲಶಾರಾಧನಂ ಕರಿಷ್ಯೇ ॥
ಕಲಶಾರಾಧನಮ್
ಕಲಶೇ ಗನ್ಧ ಪುಷ್ಪಾಕ್ಷತೈರಭ್ಯರ್ಚ್ಯ ।
ಕಲಶೇ ಉದಕಂ ಪೂರಯಿತ್ವಾ ।
ಕಲಶಸ್ಯೋಪರಿ ಹಸ್ತಂ ನಿಧಾಯ ।
ಕಲಶಸ್ಯ ಮುಖೇ ವಿಷ್ಣುಃ ಕಣ್ಠೇ ರುದ್ರಃ ಸಮಾಶ್ರಿತಃ ।
ಕಲಶಸ್ಯ ಮುಖೇ ವಿಷ್ಣುಃ ಕಣ್ಠೇ ರುದ್ರಃ ಸಮಾಶ್ರಿತಃ ।
ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾಃ ॥
ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುನ್ಧರಾ ।
ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥
ಅಙ್ಗೈಶ್ಚ ಸಹಿತಾಃ ಸರ್ವೇ ಕಲಶಾಮ್ಬು ಸಮಾಶ್ರಿತಾಃ ॥
ಗಙ್ಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ಗಙ್ಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ ।
ನರ್ಮದೇ ಸಿನ್ಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥
ಕಾವೇರೀ ತುಙ್ಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ ।
ಭಾಗೀರಥೀತಿ ವಿಖ್ಯಾತಾಃ ಪಞ್ಚಗಙ್ಗಾಃ ಪ್ರಕೀರ್ತಿತಾಃ ॥
ಆಯಾನ್ತು ದೇವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಆಯಾನ್ತು ದೇವಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ ।
ಕಲಶೋದಕೇನ ಪೂಜಾ ದ್ರವ್ಯಾಣಿ ಸಮ್ಪ್ರೋಕ್ಷ್ಯ, ದೇವಂ ಸಮ್ಪ್ರೋಕ್ಷ್ಯ, ಆತ್ಮಾನಂ ಚ ಸಮ್ಪ್ರೋಕ್ಷ್ಯ ॥
ಶಙ್ಖಪೂಜಾ
ಶಙ್ಖಪೂಜಾ
ಶಙ್ಖಂ ಚನ್ದ್ರಾರ್ಕ ದೈವತಂ ಮಧ್ಯೇ ವರುಣ ದೇವತಾಮ್ ।
ಪೃಷ್ಠೇ ಪ್ರಜಾಪತಿಂ ವಿನ್ದ್ಯಾದಗ್ರೇ ಗಙ್ಗಾ ಸರಸ್ವತೀಮ್ ॥
ತ್ರೈಲೋಕ್ಯೇ ಯಾನಿ ತೀರ್ಥಾನಿ ವಾಸುದೇವಸ್ಯ ಆಜ್ಞಯಾ ।
ಶಙ್ಖೇ ತಿಷ್ಠನ್ತು ವಿಪ್ರೇನ್ದ್ರಾಃ ತಸ್ಮಾತ್ ಶಙ್ಖಂ ಪ್ರಪೂಜಯೇತ್ ॥
ಓಂ ಶಙ್ಖಾಯ ನಮಃ ।
ಓಂ ಶಙ್ಖಾಯ ನಮಃ ।
ಓಂ ಧವಲಾಯ ನಮಃ ।
ಓಂ ಪಾಞ್ಚಜನ್ಯಾಯ ನಮಃ ।
ಓಂ ಶಙ್ಖದೇವತಾಭ್ಯೋ ನಮಃ ।
ಸಕಲಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥
ಘಣ್ಟಾನಾದಃ
ಘಣ್ಟಾನಾದಃ
ಆಗಮಾರ್ಥಂ ತು ದೇವಾನಾಂ ಗಮನಾರ್ಥಂ ತು ರಾಕ್ಷಸಾಮ್ ।
ಘಣ್ಟಾರವಂ ಕರೋಮ್ಯಾದೌ ದೇವತಾಹ್ವಾನ ಲಾಞ್ಛನಮ್ ॥
ಓಂ ಘಣ್ಟಾದೇವತಾಭ್ಯೋ ನಮಃ ।
ಸಕಲೋಪಚಾರ ಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥
ಶ್ರೀ ಮಹಾಗಣಪತಿ ಪೂಜಾ
ಶ್ರೀ ಮಹಾಗಣಪತಿ ಪೂಜಾ
ಓ-ಙ್ಗ॒ಣಾನಾ᳚-ನ್ತ್ವಾ ಗ॒ಣಪ॑ತಿಗ್ಂ ಹವಾಮಹೇ ಕ॒ವಿ-ಙ್ಕ॑ವೀ॒ನಾಂ ಉಪ॒ಮಶ್ರ॑ವಸ್ತವಮ್ ।
ಜ್ಯೇ॒ಷ್ಠ॒ರಾಜ॒-ಮ್ಬ್ರಹ್ಮ॑ಣಾ-ಮ್ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥
ಸುಮುಖಶ್ಚೈಕದನ್ತಶ್ಚ ಕಪಿಲೋ ಗಜಕರ್ಣಕಃ ।
ಲಮ್ಬೋದರಶ್ಚ ವಿಕಟೋ ವಿಘ್ನರಾಜೋ ಗಣಾಧಿಪಃ ॥
ಧೂಮಕೇತುರ್ಗಣಾಧ್ಯಕ್ಷಃ ಫಾಲಚನ್ದ್ರೋ ಗಜಾನನಃ ।
ವಕ್ರತುಣ್ಡಃ ಶೂರ್ಪಕರ್ಣೋ ಹೇರಮ್ಬಃ ಸ್ಕನ್ದಪೂರ್ವಜಃ ॥
ಓಂ ಶ್ರೀಮಹಾಗಣಪತಯೇ ನಮಃ ।
ಓಂ ಶ್ರೀಮಹಾಗಣಪತಯೇ ನಮಃ ।
ಧ್ಯಾಯಾಮಿ । ಆವಾಹಯಾಮಿ । ಆಸನಂ ಸಮರ್ಪಯಾಮಿ ।
ಪಾದ್ಯಂ ಸಮರ್ಪಯಾಮಿ । ಅರ್ಘ್ಯಂ ಸಮರ್ಪಯಾಮಿ । ಆಚಮನೀಯಂ ಸಮರ್ಪಯಾಮಿ ।
ಸ್ನಾನಂ ಸಮರ್ಪಯಾಮಿ । ವಸ್ತ್ರಂ ಸಮರ್ಪಯಾಮಿ । ಯಜ್ಞೋಪವೀತಂ ಸಮರ್ಪಯಾಮಿ ।
ಗನ್ಧಂ ಸಮರ್ಪಯಾಮಿ । ಪುಷ್ಪಾಣಿ ಸಮರ್ಪಯಾಮಿ ।
ಧೂಪಮಾಘ್ರಾಪಯಾಮಿ । ದೀಪಂ ದರ್ಶಯಾಮಿ ।
ನೈವೇದ್ಯಂ ಸಮರ್ಪಯಾಮಿ । ತಾಮ್ಬೂಲಂ ಸಮರ್ಪಯಾಮಿ ।
ನೀರಾಜನಂ ಸಮರ್ಪಯಾಮಿ । ಮನ್ತ್ರಪುಷ್ಪಂ ಸಮರ್ಪಯಾಮಿ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥
ಷೋಡಶೋಪಚಾರ ಪೂಜಾ
ಷೋಡಶೋಪಚಾರ ಪೂಜಾ
ವಿಷ್ಣು ಧ್ಯಾನಮ್
ಶಾನ್ತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ
ವಿಶ್ವಾಕಾರಂ ಗಗನಸದೃಶಂ ಮೇಘವರ್ಣಂ ಶುಭಾಙ್ಗಮ್ ।
ಲಕ್ಷ್ಮೀಕಾನ್ತಂ ಕಮಲನಯನಂ ಯೋಗಿಹೃದ್ಧ್ಯಾನಗಮ್ಯಂ
ವನ್ದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಮ್ ॥
ಓ-ನ್ನಾ॒ರಾ॒ಯ॒ಣಾಯ॑ ವಿ॒ದ್ಮಹೇ॑ ವಾಸುದೇ॒ವಾಯ॑ ಧೀಮಹಿ ।
ತನ್ನೋ॑ ವಿಷ್ಣುಃ ಪ್ರಚೋ॒ದಯಾ᳚ತ್ ॥
ಓಂ ನಮೋ ನಾರಾಯಣಾಯ ।
ಧ್ಯಾಯಾಮಿ । ಧ್ಯಾನಂ ಸಮರ್ಪಯಾಮಿ ॥
ಆವಾಹನಮ್
ಆವಾಹನಮ್
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಕ್ಷ-ಸ್ಸ॒ಹಸ್ರ॑ಪಾತ್ ।
ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ । ಅತ್ಯ॑ತಿಷ್ಠದ್ದಶಾಙ್ಗು॒ಲಮ್ ॥
ಆವಾಹಯಾಮಿ ಸರ್ವೇಶ ಶ್ರೀನಿವಾಸ ರಮಾಪತೇ ।
ಕೃಪಯಾ ದೇಹಿ ಸಾನ್ನಿಧ್ಯಂ ಶರಣಾಗತವತ್ಸಲ ॥
ಓಂ ನಮೋ ನಾರಾಯಣಾಯ ।
ಆವಾಹಯಾಮಿ । ಸ್ಥಾಪಯಾಮಿ । ಪೂಜಯಾಮಿ ॥
ಆಸನಮ್
ಆಸನಮ್
ದೇವದೇವ ಜಗನ್ನಾಥ ಪ್ರಣತಕ್ಲೇಶನಾಶಕ ।
ರತ್ನಸಿಂಹಾಸನಂ ದಿವ್ಯಂ ಗೃಹಾಣ ಮಧುಸೂದನ ॥
ಓಂ ನಮೋ ನಾರಾಯಣಾಯ ।
ಆಸನಂ ಸಮರ್ಪಯಾಮಿ ॥
ಪಾದ್ಯಮ್
ಪಾದ್ಯಮ್
ವಾಞ್ಛಿತಂ ಕುರು ಮೇ ದೇವ ದುಷ್ಕೃತಂ ಚ ವಿನಾಶಯ ।
ಪಾದ್ಯಂ ಗೃಹಾಣ ಭಗವನ್ ಭಕ್ತಚಿತ್ತಸ್ಥಿರಾಸನ ॥
ಓಂ ನಮೋ ನಾರಾಯಣಾಯ ।
ಪಾದಯೋಃ ಪಾದ್ಯಂ ಸಮರ್ಪಯಾಮಿ ॥
ಅರ್ಘ್ಯಮ್
ಅರ್ಘ್ಯಮ್
ಕುರುಷ್ವ ಮೇ ದಯಾಂ ದೇವ ಸಂಸಾರಾರ್ತಿಭಯಾಪಹ ।
ಕುಸುಮಾಕ್ಷತ ಸಂಯುಕ್ತಂ ಗೃಹಾಣಾರ್ಘ್ಯಂ ನಮೋಽಸ್ತು ತೇ ॥
ಓಂ ನಮೋ ನಾರಾಯಣಾಯ ।
ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ॥
ಆಚಮನೀಯಮ್
ಆಚಮನೀಯಮ್
ನಮಃ ಸತ್ಯಾಯ ಶುದ್ಧಾಯ ನಿತ್ಯಾಯ ಜ್ಞಾನರೂಪಿಣೇ ।
ಗೃಹಾಣಾಚಮನಂ ದೇವ ಸರ್ವಲೋಕೈಕನಾಯಕ ॥
ಓಂ ನಮೋ ನಾರಾಯಣಾಯ ।
ಮುಖೇ ಆಚಮನೀಯಂ ಸಮರ್ಪಯಾಮಿ ॥
ಸ್ನಾನಮ್
ಸ್ನಾನಮ್
ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ ।
ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥
ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ ।
ಉ॒ಶ॒ತೀರಿ॑ವ ಮಾ॒ತ॑ರಃ ॥
ತಸ್ಮಾ॒ ಅರ॑-ಙ್ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।
ಆಪೋ॑ ಜ॒ನಯ॑ಥಾ ಚ ನಃ ॥
ಓಂ ನಮೋ ನಾರಾಯಣಾಯ ।
ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ॥
ಸ್ನಾನಾನನ್ತರಂ ಆಚಮನೀಯಂ ಸಮರ್ಪಯಾಮಿ ॥
ವಸ್ತ್ರಮ್
ವಸ್ತ್ರಮ್
ವಸ್ತ್ರಯುಗ್ಮಂ ಚ ದಿವ್ಯಂ ಚ ಶೋಭನಂ ಪ್ರೀತಿ ವರ್ಧನಮ್ ।
ಓಂ ನಮೋ ನಾರಾಯಣಾಯ ।
ವಸ್ತ್ರಂ ಸಮರ್ಪಯಾಮಿ ॥
ಯಜ್ಞೋಪವೀತಮ್
ಯಜ್ಞೋಪವೀತಮ್
ಯಜ್ಞೋಪವೀತಂ ಪರಮಂ ಪವಿತ್ರಂ ಪ್ರಜಾಪತೇರ್ಯತ್ಸಹಜಂ ಪುರಸ್ತಾತ್ ।
ಆಯುಷ್ಯಮಗ್ರ್ಯಂ ಪ್ರತಿಮುಞ್ಚ ಶುಭ್ರಂ ಯಜ್ಞೋಪವೀತಂ ಬಲಮಸ್ತು ತೇಜಃ ॥
ಓಂ ನಮೋ ನಾರಾಯಣಾಯ ।
ಯಜ್ಞೋಪವೀತಂ ಸಮರ್ಪಯಾಮಿ ॥
ಗನ್ಧಮ್
ಗನ್ಧಮ್
ಶ್ರೀಖಣ್ಡಂ ಚನ್ದನಂ ದಿವ್ಯಂ ಗನ್ಧಾಢ್ಯಂ ಸುಮನೋಹರಮ್ ।
ವಿಲೇಪನಂ ಸುರಶ್ರೇಷ್ಠ ಪ್ರೀತ್ಯರ್ಥಂ ಪ್ರತಿಗೃಹ್ಯತಾಮ್ ॥
ಓಂ ನಮೋ ನಾರಾಯಣಾಯ ।
ಗನ್ಧಂ ಸಮರ್ಪಯಾಮಿ ॥
ಅರ್ಚನ
ಅರ್ಚನ
ಅಕ್ಷತಾನ್ ಧವಲಾನ್ ದಿವ್ಯಾನ್ ಪುಷ್ಪಾಣಿ ಚ ಸುಗನ್ಧೀನಿ ।
ಭಕ್ತ್ಯಾ ದತ್ತಾನಿ ಗೃಹ್ಯನ್ತಾಂ ಸರ್ವದೇವಾಃ ಪ್ರಸೀದತ ॥
ಅಙ್ಗ ಪೂಜಾ
ಅಙ್ಗ ಪೂಜಾ
ಓಂ ವಿಷ್ಣವೇ ನಮಃ - ಪಾದೌ ಪೂಜಯಾಮಿ ।
ಓಂ ನಾರಾಯಣಾಯ ನಮಃ - ಗುಲ್ಫೌ ಪೂಜಯಾಮಿ ।
ಓಂ ಮಾಧವಾಯ ನಮಃ - ಜಾನುನೀ ಪೂಜಯಾಮಿ ।
ಓಂ ಗೋವಿನ್ದಾಯ ನಮಃ - ಊರೂ ಪೂಜಯಾಮಿ ।
ಓಂ ಮಧುಸೂದನಾಯ ನಮಃ - ಕಟಿಂ ಪೂಜಯಾಮಿ ।
ಓಂ ತ್ರಿವಿಕ್ರಮಾಯ ನಮಃ - ಉದರಂ ಪೂಜಯಾಮಿ ।
ಓಂ ವಾಮನಾಯ ನಮಃ - ಹೃದಯಂ ಪೂಜಯಾಮಿ ।
ಓಂ ಶ್ರೀಧರಾಯ ನಮಃ - ಕಣ್ಠಂ ಪೂಜಯಾಮಿ ।
ಓಂ ಹೃಷೀಕೇಶಾಯ ನಮಃ - ಸ್ಕನ್ಧೌ ಪೂಜಯಾಮಿ ।
ಓಂ ಪದ್ಮನಾಭಾಯ ನಮಃ - ಬಾಹೂ ಪೂಜಯಾಮಿ ।
ಓಂ ದಾಮೋದರಾಯ ನಮಃ - ಹಸ್ತೌ ಪೂಜಯಾಮಿ ।
ಓಂ ಪುರುಷೋತ್ತಮಾಯ ನಮಃ - ಮುಖಂ ಪೂಜಯಾಮಿ ।
ಓಂ ಅಚ್ಯುತಾಯ ನಮಃ - ನೇತ್ರೇ ಪೂಜಯಾಮಿ ।
ಓಂ ಜನಾರ್ದನಾಯ ನಮಃ - ಶಿರಃ ಪೂಜಯಾಮಿ ।
ಓಂ ಶ್ರೀಕೃಷ್ಣಾಯ ನಮಃ - ಸರ್ವಾಣ್ಯಙ್ಗಾನಿ ಪೂಜಯಾಮಿ ॥
[Recite the SrI viShNu aShTOttara Sata nAmAvaLI, or at least a few known names of Vishnu. Offer flowers or akshatas with each name.]
[Recite the SrI viShNu aShTOttara Sata nAmAvaLI, or at least a few known names of Vishnu. Offer flowers or akshatas with each name.]
ಶ್ರೀ ವಿಷ್ಣು ಅಷ್ಟೋತ್ತರ ಶತ ನಾಮಾವಲೀ>
ಅಥವಾ ವಿಷ್ಣು ನಾಮಾವಲೀ ಪಠನಮ್ ॥
ಓಂ ನಮೋ ನಾರಾಯಣಾಯ ।
ಓಂ ನಮೋ ನಾರಾಯಣಾಯ ।
ಅಷ್ಟೋತ್ತರ ಶತ ನಾಮಾವಲೀ ಪೂಜಾಂ ಸಮರ್ಪಯಾಮಿ ।
ಅಕ್ಷತಾನ್ ಪುಷ್ಪಾಣಿ ಚ ಸಮರ್ಪಯಾಮಿ ॥
ಧೂಪಮ್
ಧೂಪಮ್
ವನಸ್ಪತ್ಯುದ್ಭವೈರ್ದಿವ್ಯೈಃ ನಾನಾಗನ್ಧೈಃ ಸುಸಂಯುತಃ ।
ಆಘ್ರೇಯಃ ಸರ್ವದೇವಾನಾಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥
ಓಂ ನಮೋ ನಾರಾಯಣಾಯ ।
ಧೂಪಮಾಘ್ರಾಪಯಾಮಿ ॥
ದೀಪಮ್
ದೀಪಮ್
ಸಾಜ್ಯಂ ತ್ರಿವರ್ತಿ ಸಂಯುಕ್ತಂ ವಹ್ನಿನಾ ಯೋಜಿತಂ ಪ್ರಿಯಮ್ ।
ಗೃಹಾಣ ಮಙ್ಗಲಂ ದೀಪಂ ತ್ರೈಲೋಕ್ಯ ತಿಮಿರಾಪಹಮ್ ॥
ಓಂ ನಮೋ ನಾರಾಯಣಾಯ ।
ದೀಪಂ ದರ್ಶಯಾಮಿ ॥
ನೈವೇದ್ಯಮ್
ನೈವೇದ್ಯಮ್
ನೈವೇದ್ಯಂ ಗೃಹ್ಯತಾಂ ದೇವ ಭಕ್ತ್ಯಾ ಸಮ್ಪಾದಿತಂ ಮಯಾ ।
ಇದಂ ಫಲಂ ಚ ಪಾನೀಯಂ ಸರ್ವೋಪಚಾರ ಸಂಯುತಮ್ ॥
ಓ-ಮ್ಭೂರ್ಭುವ॒ಸ್ಸುವಃ॒ । ತತ್ಸ॑ವಿ॒ತುರ್ವರೇ᳚ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿ॒ಯೋ ಯೋ ನಃ॑ ಪ್ರಚೋ॒ದಯಾ᳚ತ್ ॥
ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
ಅಮೃತಮಸ್ತು । ಅಮೃತೋಪಸ್ತರಣಮಸಿ ।
ಓಂ ಪ್ರಾಣಾಯ ಸ್ವಾಹಾ । ಓಂ ಅಪಾನಾಯ ಸ್ವಾಹಾ । ಓಂ ವ್ಯಾನಾಯ ಸ್ವಾಹಾ ।
ಓಂ ಉದಾನಾಯ ಸ್ವಾಹಾ । ಓಂ ಸಮಾನಾಯ ಸ್ವಾಹಾ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅಮೃತಾಪಿಧಾನಮಸಿ ।
ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ॥
ಓಂ ನಮೋ ನಾರಾಯಣಾಯ ।
ಓಂ ನಮೋ ನಾರಾಯಣಾಯ ।
ನೈವೇದ್ಯಂ ಸಮರ್ಪಯಾಮಿ ॥
ತಾಮ್ಬೂಲಮ್
ತಾಮ್ಬೂಲಮ್
ಪೂಗೀಫಲಶ್ಚ ಕರ್ಪೂರೈಃ ನಾಗವಲ್ಲೀದಲೈರ್ಯುತಮ್ ।
ಮುಕ್ತಾಚೂರ್ಣ ಸಂಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ಓಂ ನಮೋ ನಾರಾಯಣಾಯ ।
ತಾಮ್ಬೂಲಂ ಸಮರ್ಪಯಾಮಿ ॥
ನೀರಾಜನಮ್
ನೀರಾಜನಮ್
ವೇದಾ॒ಹಮೇ॒ತ-ಮ್ಪುರು॑ಷ-ಮ್ಮ॒ಹಾನ್ತಮ್᳚ । ಆ॒ದಿ॒ತ್ಯವ॑ರ್ಣ॒-ನ್ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ । ನಾಮಾ॑ನಿ ಕೃ॒ತ್ವಾ-ಽಭಿ॒ವದ॒ನ್॒, ಯದಾ-ಽಽಸ್ತೇ᳚ ॥
ಶ್ರಿಯಃ ಕಾನ್ತಾಯ ಕಲ್ಯಾಣ ನಿಧಯೇ ನಿಧಯೇರ್ಥಿನಾಮ್ ।
ಶ್ರೀನಿವಾಸಾಯ ದೇವಾಯ ನೀರಾಜನಂ ಸಮರ್ಪಯೇ ॥
ಓಂ ನಮೋ ನಾರಾಯಣಾಯ ।
ನೀರಾಜನಂ ಸಮರ್ಪಯಾಮಿ ॥
ಮನ್ತ್ರಪುಷ್ಪಮ್
ಮನ್ತ್ರಪುಷ್ಪಮ್
ತದ್ವಿಷ್ಣೋಃ᳚ ಪರ॒ಮ-ಮ್ಪ॒ದಗ್ಂ ಸದಾ॑ ಪಶ್ಯನ್ತಿ ಸೂ॒ರಯಃ॑ ।
ದಿ॒ವೀವ॒ ಚಕ್ಷು॒ರಾತ॑ತಮ್ ।
ತದ್ವಿಪ್ರಾ॑ಸೋ ವಿಪ॒ನ್ಯವೋ॑ ಜಾಗೃ॒ವಾಗ್ಂ ಸ॒ಸ್ಸಮಿಂ॑ಧತೇ ।
ವಿಷ್ಣೋ॒ರ್ಯತ್ಪ॑ರ॒ಮ-ಮ್ಪ॒ದಮ್ ॥
ಓಂ ನಮೋ ನಾರಾಯಣಾಯ ।
ಮನ್ತ್ರಪುಷ್ಪಂ ಸಮರ್ಪಯಾಮಿ ॥
ಪ್ರದಕ್ಷಿಣಮ್
ಪ್ರದಕ್ಷಿಣಮ್
ಯಾನಿ ಕಾನಿ ಚ ಪಾಪಾನಿ ಜನ್ಮಾನ್ತರ ಕೃತಾನಿ ಚ ।
ತಾನಿ ತಾನಿ ಪ್ರಣಶ್ಯನ್ತಿ ಪ್ರದಕ್ಷಿಣ ಪದೇ ಪದೇ ॥
ಓಂ ನಮೋ ನಾರಾಯಣಾಯ ।
ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ॥
ನಮಸ್ಕಾರಃ
ನಮಸ್ಕಾರಃ
ಉರಸಾ ಶಿರಸಾ ದೃಷ್ಟ್ಯಾ ಮನಸಾ ವಚಸಾ ತಥಾ ।
ಪದ್ಭ್ಯಾಂ ಕರಾಭ್ಯಾಂ ಕರ್ಣಾಭ್ಯಾಂ ಪ್ರಣಾಮೋಽಷ್ಟಾಙ್ಗ ಉಚ್ಯತೇ ॥
ಓಂ ನಮೋ ನಾರಾಯಣಾಯ ।
ನಮಸ್ಕಾರಾನ್ ಸಮರ್ಪಯಾಮಿ ॥
ಸರ್ವೋಪಚಾರಾಃ
ಸರ್ವೋಪಚಾರಾಃ
ಓಂ ನಮೋ ನಾರಾಯಣಾಯ ।
ಛತ್ರಂ ಸಮರ್ಪಯಾಮಿ ।
ಚಾಮರಂ ಸಮರ್ಪಯಾಮಿ ।
ಗೀತಂ ಶ್ರಾವಯಾಮಿ ।
ನೃತ್ಯಂ ದರ್ಶಯಾಮಿ ।
ಸಮಸ್ತ ರಾಜೋಪಚಾರಾನ್ ದೇವೋಪಚಾರಾನ್ ಸಮರ್ಪಯಾಮಿ ॥
ಸ್ತೋತ್ರ/ಸೂಕ್ತ ಪಠನಮ್
ಸ್ತೋತ್ರ/ಸೂಕ್ತ ಪಠನಮ್
ಪುರುಷ ಸೂಕ್ತಮ್>
ನಾರಾಯಣ ಸೂಕ್ತಮ್>
ಶ್ರೀ ವಿಷ್ಣು ಸಹಸ್ರ ನಾಮ ಸ್ತೋತ್ರಮ್>
ಕ್ಷಮಾಪ್ರಾರ್ಥನಾ
ಕ್ಷಮಾಪ್ರಾರ್ಥನಾ
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಜನಾರ್ದನ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ
ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ ।
ಕರೋಮಿ ಯದ್ಯತ್ ಸಕಲಂ ಪರಸ್ಮೈ
ನಾರಾಯಣಾಯೇತಿ ಸಮರ್ಪಯಾಮಿ ॥
ಅನಯಾ ಧ್ಯಾನ-ಆವಾಹನಾದಿ-ಷೋಡಶೋಪಚಾರ ಪೂಜಯಾ ಶ್ರೀಮನ್ನಾರಾಯಣಃ ಸುಪ್ರೀತಃ ಸುಪ್ರಸನ್ನಃ ವರದೋ ಭವತು ॥
ಉದ್ವಾಸನಮ್
ಅನಯಾ ಧ್ಯಾನ-ಆವಾಹನಾದಿ-ಷೋಡಶೋಪಚಾರ ಪೂಜಯಾ ಶ್ರೀಮನ್ನಾರಾಯಣಃ ಸುಪ್ರೀತಃ ಸುಪ್ರಸನ್ನಃ ವರದೋ ಭವತು ॥
ಉದ್ವಾಸನಮ್
ಓಂ ನಮೋ ನಾರಾಯಣಾಯ ।
ಯಥಾಸ್ಥಾನಂ ಉದ್ವಾಸಯಾಮಿ ।
ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ॥
ಪ್ರಸಾದ ಗ್ರಹಣಮ್
ಪ್ರಸಾದ ಗ್ರಹಣಮ್
ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ ।
ಸಮಸ್ತಪಾಪಕ್ಷಯಕರಂ ದೇವತಾ ಪಾದೋದಕಂ ಶುಭಮ್ ॥
ಶ್ರೀಮನ್ನಾರಾಯಣ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
ಓಂ ತತ್ಸತ್ ಬ್ರಹ್ಮಾರ್ಪಣಮಸ್ತು ॥
ಶ್ರೀಮನ್ನಾರಾಯಣ ಪ್ರಸಾದಂ ಶಿರಸಾ ಗೃಹ್ಣಾಮಿ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥
ಓಂ ತತ್ಸತ್ ಬ್ರಹ್ಮಾರ್ಪಣಮಸ್ತು ॥