ಅಗ್ರೇ ಕುರೂಣಾಮಥ ಪಾಣ್ಡವಾನಾಂ ದುಃಶಾಸನೇನಾಹೃತವಸ್ತ್ರಕೇಶಾ ।
ಕೃಷ್ಣಾ ತದಾಕ್ರೋಶದನನ್ಯನಾಥಾ ಗೋವಿನ್ದ ದಾಮೋದರ ಮಾಧವೇತಿ ॥ ೧॥
ಕೃಷ್ಣಾ ತದಾಕ್ರೋಶದನನ್ಯನಾಥಾ ಗೋವಿನ್ದ ದಾಮೋದರ ಮಾಧವೇತಿ ॥ ೧॥
ಶ್ರೀಕೃಷ್ಣ ವಿಷ್ಣೋ ಮಧುಕೈಟಭಾರೇ ಭಕ್ತಾನುಕಮ್ಪಿನ್ ಭಗವನ್ ಮುರಾರೇ ।
ತ್ರಾಯಸ್ವ ಮಾಂ ಕೇಶವ ಲೋಕನಾಥ ಗೋವಿನ್ದ ದಾಮೋದರ ಮಾಧವೇತಿ ॥ ೨॥
ತ್ರಾಯಸ್ವ ಮಾಂ ಕೇಶವ ಲೋಕನಾಥ ಗೋವಿನ್ದ ದಾಮೋದರ ಮಾಧವೇತಿ ॥ ೨॥
ವಿಕ್ರೇತುಕಾಮಾ ಕಿಲ ಗೋಪಕನ್ಯಾ ಮುರಾರಿಪಾದಾರ್ಪಿತಚಿತ್ತವೃತ್ತಿಃ ।
ದಧ್ಯಾದಿಕಂ ಮೋಹವಶಾದವೋಚದ್ ಗೋವಿನ್ದ ದಾಮೋದರ ಮಾಧವೇತಿ ॥ ೩॥
ದಧ್ಯಾದಿಕಂ ಮೋಹವಶಾದವೋಚದ್ ಗೋವಿನ್ದ ದಾಮೋದರ ಮಾಧವೇತಿ ॥ ೩॥
ಉಲೂಖಲೇ ಸಮ್ಭೃತತಣ್ಡುಲಾಂಶ್ಚ ಸಙ್ಘಟ್ಟಯನ್ತ್ಯೋ ಮುಸಲೈಃ ಪ್ರಮುಗ್ಧಾಃ ।
ಗಾಯನ್ತಿ ಗೋಪ್ಯೋ ಜನಿತಾನುರಾಗಾ ಗೋವಿನ್ದ ದಾಮೋದರ ಮಾಧವೇತಿ ॥ ೪॥
ಗಾಯನ್ತಿ ಗೋಪ್ಯೋ ಜನಿತಾನುರಾಗಾ ಗೋವಿನ್ದ ದಾಮೋದರ ಮಾಧವೇತಿ ॥ ೪॥
ಕಾಚಿತ್ಕರಾಮ್ಭೋಜಪುಟೇ ನಿಷಣ್ಣಂ ಕ್ರೀಡಾಶುಕಂ ಕಿಂಶುಕರಕ್ತತುಣ್ಡಮ್ ।
ಅಧ್ಯಾಪಯಾಮಾಸ ಸರೋರುಹಾಕ್ಷೀ ಗೋವಿನ್ದ ದಾಮೋದರ ಮಾಧವೇತಿ ॥ ೫॥
ಅಧ್ಯಾಪಯಾಮಾಸ ಸರೋರುಹಾಕ್ಷೀ ಗೋವಿನ್ದ ದಾಮೋದರ ಮಾಧವೇತಿ ॥ ೫॥
ಗೃಹೇ ಗೃಹೇ ಗೋಪವಧೂಸಮೂಹಃ ಪ್ರತಿಕ್ಷಣಂ ಪಿಞ್ಜರಸಾರಿಕಾಣಾಮ್ ।
ಸ್ಖಲದ್ಗಿರಾಂ ವಾಚಯಿತುಂ ಪ್ರವೃತ್ತೋ ಗೋವಿನ್ದ ದಾಮೋದರ ಮಾಧವೇತಿ ॥ ೬॥
ಸ್ಖಲದ್ಗಿರಾಂ ವಾಚಯಿತುಂ ಪ್ರವೃತ್ತೋ ಗೋವಿನ್ದ ದಾಮೋದರ ಮಾಧವೇತಿ ॥ ೬॥
ಪರ್ಯ್ಯಙ್ಕಿಕಾಭಾಜಮಲಂ ಕುಮಾರಂ ಪ್ರಸ್ವಾಪಯನ್ತ್ಯೋಽಖಿಲಗೋಪಕನ್ಯಾಃ ।
ಜಗುಃ ಪ್ರಬನ್ಧಂ ಸ್ವರತಾಲಬನ್ಧಂ ಗೋವಿನ್ದ ದಾಮೋದರ ಮಾಧವೇತಿ ॥ ೭॥
ಜಗುಃ ಪ್ರಬನ್ಧಂ ಸ್ವರತಾಲಬನ್ಧಂ ಗೋವಿನ್ದ ದಾಮೋದರ ಮಾಧವೇತಿ ॥ ೭॥
ರಾಮಾನುಜಂ ವೀಕ್ಷಣಕೇಲಿಲೋಲಂ ಗೋಪೀ ಗೃಹೀತ್ವಾ ನವನೀತಗೋಲಮ್ ।
ಆಬಾಲಕಂ ಬಾಲಕಮಾಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೮॥
ಆಬಾಲಕಂ ಬಾಲಕಮಾಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೮॥
ವಿಚಿತ್ರವರ್ಣಾಭರಣಾಭಿರಾಮೇಽಭಿಧೇಹಿ ವಕ್ತ್ರಾಮ್ಬುಜರಾಜಹಂಸಿ ।
ಸದಾ ಮದೀಯೇ ರಸನೇಽಗ್ರರಙ್ಗೇ ಗೋವಿನ್ದ ದಾಮೋದರ ಮಾಧವೇತಿ ॥ ೯॥
ಸದಾ ಮದೀಯೇ ರಸನೇಽಗ್ರರಙ್ಗೇ ಗೋವಿನ್ದ ದಾಮೋದರ ಮಾಧವೇತಿ ॥ ೯॥
ಅಙ್ಕಾಧಿರೂಢಂ ಶಿಶುಗೋಪಗೂಢಂ ಸ್ತನಂ ಧಯನ್ತಂ ಕಮಲೈಕಕಾನ್ತಮ್ ।
ಸಮ್ಬೋಧಯಾಮಾಸ ಮುದಾ ಯಶೋದಾ ಗೋವಿನ್ದ ದಾಮೋದರ ಮಾಧವೇತಿ ॥ ೧೦॥
ಸಮ್ಬೋಧಯಾಮಾಸ ಮುದಾ ಯಶೋದಾ ಗೋವಿನ್ದ ದಾಮೋದರ ಮಾಧವೇತಿ ॥ ೧೦॥
ಕ್ರೀಡನ್ತಮನ್ತರ್ವ್ರಜಮಾತ್ಮಜಂ ಸ್ವಂ ಸಮಂ ವಯಸ್ಯೈಃ ಪಶುಪಾಲಬಾಲೈಃ ।
ಪ್ರೇಮ್ಣಾ ಯಶೋದಾ ಪ್ರಜುಹಾವ ಕೃಷ್ಣಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೧॥
ಪ್ರೇಮ್ಣಾ ಯಶೋದಾ ಪ್ರಜುಹಾವ ಕೃಷ್ಣಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೧॥
ಯಶೋದಯಾ ಗಾಢಮುಲೂಖಲೇನ ಗೋಕಣ್ಠಪಾಶೇನ ನಿಬಧ್ಯಮಾನಃ ।
ರುರೋದ ಮನ್ದಂ ನವನೀತಭೋಜೀ ಗೋವಿನ್ದ ದಾಮೋದರ ಮಾಧವೇತಿ ॥ ೧೨॥
ರುರೋದ ಮನ್ದಂ ನವನೀತಭೋಜೀ ಗೋವಿನ್ದ ದಾಮೋದರ ಮಾಧವೇತಿ ॥ ೧೨॥
ನಿಜಾಙ್ಗಣೇ ಕಙ್ಕಣಕೇಲಿಲೋಲಂ ಗೋಪೀ ಗೃಹೀತ್ವಾ ನವನೀತಗೋಲಮ್ ।
ಆಮರ್ದಯತ್ಪಾಣಿತಲೇನ ನೇತ್ರೇ ಗೋವಿನ್ದ ದಾಮೋದರ ಮಾಧವೇತಿ ॥ ೧೩॥
ಆಮರ್ದಯತ್ಪಾಣಿತಲೇನ ನೇತ್ರೇ ಗೋವಿನ್ದ ದಾಮೋದರ ಮಾಧವೇತಿ ॥ ೧೩॥
ಗೃಹೇ ಗೃಹೇ ಗೋಪವಧೂಕದಮ್ಬಾಃ ಸರ್ವೇ ಮಿಲಿತ್ವಾ ಸಮವಾಯಯೋಗೇ ।
ಪುಣ್ಯಾನಿ ನಾಮಾನಿ ಪಠನ್ತಿ ನಿತ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೪॥
ಪುಣ್ಯಾನಿ ನಾಮಾನಿ ಪಠನ್ತಿ ನಿತ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೪॥
ಮನ್ದಾರಮೂಲೇ ವದನಾಭಿರಾಮಂ ಬಿಮ್ಬಾಧರೇ ಪೂರಿತವೇಣುನಾದಮ್ ।
ಗೋಗೋಪಗೋಪೀಜನಮಧ್ಯಸಂಸ್ಥಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೫॥
ಗೋಗೋಪಗೋಪೀಜನಮಧ್ಯಸಂಸ್ಥಂ ಗೋವಿನ್ದ ದಾಮೋದರ ಮಾಧವೇತಿ ॥ ೧೫॥
ಉತ್ಥಾಯ ಗೋಪ್ಯೋಽಪರರಾತ್ರಭಾಗೇ ಸ್ಮೃತ್ವಾ ಯಶೋದಾಸುತಬಾಲಕೇಲಿಮ್ ।
ಗಾಯನ್ತಿ ಪ್ರೋಚ್ಚೈರ್ದಧಿ ಮನ್ಥಯನ್ತ್ಯೋ ಗೋವಿನ್ದ ದಾಮೋದರ ಮಾಧವೇತಿ ॥ ೧೬॥
ಗಾಯನ್ತಿ ಪ್ರೋಚ್ಚೈರ್ದಧಿ ಮನ್ಥಯನ್ತ್ಯೋ ಗೋವಿನ್ದ ದಾಮೋದರ ಮಾಧವೇತಿ ॥ ೧೬॥
ಜಗ್ಧೋಽಥ ದತ್ತೋ ನವನೀತಪಿಣ್ಡೋ ಗೃಹೇ ಯಶೋದಾ ವಿಚಿಕಿತ್ಸಯನ್ತೀ ।
ಉವಾಚಸತ್ಯಂ ವದ ಹೇ ಮುರಾರೇ ಗೋವಿನ್ದ ದಾಮೋದರ ಮಾಧವೇತಿ ॥ ೧೭॥
ಉವಾಚಸತ್ಯಂ ವದ ಹೇ ಮುರಾರೇ ಗೋವಿನ್ದ ದಾಮೋದರ ಮಾಧವೇತಿ ॥ ೧೭॥
ಅಭ್ಯರ್ಚ್ಯ ಗೇಹಂ ಯುವತಿಃ ಪ್ರವೃದ್ಧಪ್ರೇಮಪ್ರವಾಹಾ ದಧಿ ನಿರ್ಮಮನ್ಥ ।
ಗಾಯನ್ತಿ ಗೋಪ್ಯೋಽಥ ಸಖೀಸಮೇತಾ ಗೋವಿನ್ದ ದಾಮೋದರ ಮಾಧವೇತಿ ॥ ೧೮॥
ಗಾಯನ್ತಿ ಗೋಪ್ಯೋಽಥ ಸಖೀಸಮೇತಾ ಗೋವಿನ್ದ ದಾಮೋದರ ಮಾಧವೇತಿ ॥ ೧೮॥
ಕ್ವಚಿತ್ ಪ್ರಭಾತೇ ದಧಿಪೂರ್ಣಪಾತ್ರೇ ನಿಕ್ಷಿಪ್ಯ ಮನ್ಥಂ ಯುವತೀ ಮುಕುನ್ದಮ್ ।
ಆಲೋಕ್ಯ ಗಾನಂ ವಿವಿಧಂ ಕರೋತಿ ಗೋವಿನ್ದ ದಾಮೋದರ ಮಾಧವೇತಿ ॥ ೧೯॥
ಆಲೋಕ್ಯ ಗಾನಂ ವಿವಿಧಂ ಕರೋತಿ ಗೋವಿನ್ದ ದಾಮೋದರ ಮಾಧವೇತಿ ॥ ೧೯॥
ಕ್ರೀಡಾಪರಂ ಭೋಜನಮಜ್ಜನಾರ್ಥಂ ಹಿತೈಷಿಣೀ ಸ್ತ್ರೀ ತನುಜಂ ಯಶೋದಾ ।
ಆಜೂಹವತ್ ಪ್ರೇಮಪರಿಪ್ಲುತಾಕ್ಷೀ ಗೋವಿನ್ದ ದಾಮೋದರ ಮಾಧವೇತಿ ॥ ೨೦॥
ಆಜೂಹವತ್ ಪ್ರೇಮಪರಿಪ್ಲುತಾಕ್ಷೀ ಗೋವಿನ್ದ ದಾಮೋದರ ಮಾಧವೇತಿ ॥ ೨೦॥
ಸುಖಂ ಶಯಾನಂ ನಿಲಯೇ ಚ ವಿಷ್ಣುಂ ದೇವರ್ಷಿಮುಖ್ಯಾ ಮುನಯಃ ಪ್ರಪನ್ನಾಃ ।
ತೇನಾಚ್ಯುತೇ ತನ್ಮಯತಾಂ ವ್ರಜನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೨೧॥
ತೇನಾಚ್ಯುತೇ ತನ್ಮಯತಾಂ ವ್ರಜನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೨೧॥
ವಿಹಾಯ ನಿದ್ರಾಮರುಣೋದಯೇ ಚ ವಿಧಾಯ ಕೃತ್ಯಾನಿ ಚ ವಿಪ್ರಮುಖ್ಯಾಃ ।
ವೇದಾವಸಾನೇ ಪ್ರಪಠನ್ತಿ ನಿತ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೨॥
ವೇದಾವಸಾನೇ ಪ್ರಪಠನ್ತಿ ನಿತ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೨॥
ವೃನ್ದಾವನೇ ಗೋಪಗಣಾಶ್ಚ ಗೋಪ್ಯೋ ವಿಲೋಕ್ಯ ಗೋವಿನ್ದವಿಯೋಗಖಿನ್ನಾಮ್ ।
ರಾಧಾಂ ಜಗುಃ ಸಾಶ್ರುವಿಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೩॥
ರಾಧಾಂ ಜಗುಃ ಸಾಶ್ರುವಿಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೩॥
ಪ್ರಭಾತಸಞ್ಚಾರಗತಾ ನು ಗಾವಸ್ತದ್ರಕ್ಷಣಾರ್ಥಂ ತನಯಂ ಯಶೋದಾ ।
ಪ್ರಾಬೋಧಯತ್ ಪಾಣಿತಲೇನ ಮನ್ದಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೪॥
ಪ್ರಾಬೋಧಯತ್ ಪಾಣಿತಲೇನ ಮನ್ದಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೪॥
ಪ್ರವಾಲಶೋಭಾ ಇವ ದೀರ್ಘಕೇಶಾ ವಾತಾಮ್ಬುಪರ್ಣಾಶನಪೂತದೇಹಾಃ ।
ಮೂಲೇ ತರೂಣಾಂ ಮುನಯಃ ಪಠನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೨೫॥
ಮೂಲೇ ತರೂಣಾಂ ಮುನಯಃ ಪಠನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೨೫॥
ಏವಂ ಬ್ರುವಾಣಾ ವಿರಹಾತುರಾ ಭೃಶಂ ವ್ರಜಸ್ತ್ರಿಯಃ ಕೃಷ್ಣವಿಷಕ್ತಮಾನಸಾಃ ।
ವಿಸೃಜ್ಯ ಲಜ್ಜಾಂ ರುರುದುಃ ಸ್ಮ ಸುಸ್ವರಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೬॥
ವಿಸೃಜ್ಯ ಲಜ್ಜಾಂ ರುರುದುಃ ಸ್ಮ ಸುಸ್ವರಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೬॥
ಗೋಪೀ ಕದಾಚಿನ್ಮಣಿಪಞ್ಜರಸ್ಥಂ ಶುಕಂ ವಚೋ ವಾಚಯಿತುಂ ಪ್ರವೃತ್ತಾ ।
ಆನನ್ದಕನ್ದ ವ್ರಜಚನ್ದ್ರ ಕೃಷ್ಣ ಗೋವಿನ್ದ ದಾಮೋದರ ಮಾಧವೇತಿ ॥ ೨೭॥
ಆನನ್ದಕನ್ದ ವ್ರಜಚನ್ದ್ರ ಕೃಷ್ಣ ಗೋವಿನ್ದ ದಾಮೋದರ ಮಾಧವೇತಿ ॥ ೨೭॥
ಗೋವತ್ಸಬಾಲೈಃ ಶಿಶುಕಾಕಪಕ್ಷಂ ಬಧ್ನನ್ತಮಮ್ಭೋಜದಲಾಯತಾಕ್ಷಮ್ ।
ಉವಾಚಮಾತಾ ಚಿಬುಕಂ ಗೃಹೀತ್ವಾ ಗೋವಿನ್ದ ದಾಮೋದರ ಮಾಧವೇತಿ ॥ ೨೮॥
ಉವಾಚಮಾತಾ ಚಿಬುಕಂ ಗೃಹೀತ್ವಾ ಗೋವಿನ್ದ ದಾಮೋದರ ಮಾಧವೇತಿ ॥ ೨೮॥
ಪ್ರಭಾತಕಾಲೇ ವರವಲ್ಲವೌಘಾ ಗೋರಕ್ಷಣಾರ್ಥಂ ಧೃತವೇತ್ರದಣ್ಡಾಃ ।
ಆಕಾರಯಾಮಾಸುರನನ್ತಮಾದ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೯॥
ಆಕಾರಯಾಮಾಸುರನನ್ತಮಾದ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೨೯॥
ಜಲಾಶಯೇ ಕಾಲಿಯಮರ್ದನಾಯ ಯದಾ ಕದಮ್ಬಾದಪತನ್ಮುರಾರಿಃ ।
ಗೋಪಾಙ್ಗನಾಶ್ಚುಕ್ರುಶುರೇತ್ಯ ಗೋಪಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೦॥
ಗೋಪಾಙ್ಗನಾಶ್ಚುಕ್ರುಶುರೇತ್ಯ ಗೋಪಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೦॥
ಅಕ್ರೂರಮಾಸಾದ್ಯ ಯದಾ ಮುಕುನ್ದಶ್ಚಾಪೋತ್ಸವಾರ್ಥಂ ಮಥುರಾಂ ಪ್ರವಿಷ್ಟಃ ।
ತದಾ ಸ ಪೌರೈರ್ಜಯಸೀತ್ಯಭಾಷಿ ಗೋವಿನ್ದ ದಾಮೋದರ ಮಾಧವೇತಿ ॥ ೩೧॥
ತದಾ ಸ ಪೌರೈರ್ಜಯಸೀತ್ಯಭಾಷಿ ಗೋವಿನ್ದ ದಾಮೋದರ ಮಾಧವೇತಿ ॥ ೩೧॥
ಕಂಸಸ್ಯ ದೂತೇನ ಯದೈವ ನೀತೌ ವೃನ್ದಾವನಾನ್ತಾದ್ ವಸುದೇವಸೂನೂ ।
ರುರೋದ ಗೋಪೀ ಭವನಸ್ಯ ಮಧ್ಯೇ ಗೋವಿನ್ದ ದಾಮೋದರ ಮಾಧವೇತಿ ॥ ೩೨॥
ರುರೋದ ಗೋಪೀ ಭವನಸ್ಯ ಮಧ್ಯೇ ಗೋವಿನ್ದ ದಾಮೋದರ ಮಾಧವೇತಿ ॥ ೩೨॥
ಸರೋವರೇ ಕಾಲಿಯನಾಗಬದ್ಧಂ ಶಿಶುಂ ಯಶೋದಾತನಯಂ ನಿಶಮ್ಯ ।
ಚಕ್ರುರ್ಲುಠನ್ತ್ಯಃ ಪಥಿ ಗೋಪಬಾಲಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೩॥
ಚಕ್ರುರ್ಲುಠನ್ತ್ಯಃ ಪಥಿ ಗೋಪಬಾಲಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೩॥
ಅಕ್ರೂರಯಾನೇ ಯದುವಂಶನಾಥಂ ಸಙ್ಗಚ್ಛಮಾನಂ ಮಥುರಾಂ ನಿರೀಕ್ಷ್ಯ ।
ಊಚುರ್ವಿಯೋಗತ್ ಕಿಲ ಗೋಪಬಾಲಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೪॥
ಊಚುರ್ವಿಯೋಗತ್ ಕಿಲ ಗೋಪಬಾಲಾ ಗೋವಿನ್ದ ದಾಮೋದರ ಮಾಧವೇತಿ ॥ ೩೪॥
ಚಕ್ರನ್ದ ಗೋಪೀ ನಲಿನೀವನಾನ್ತೇ ಕೃಷ್ಣೇನ ಹೀನಾ ಕುಸುಮೇ ಶಯಾನಾ ।
ಪ್ರಫುಲ್ಲನೀಲೋತ್ಪಲಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೩೫॥
ಪ್ರಫುಲ್ಲನೀಲೋತ್ಪಲಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೩೫॥
ಮಾತಾಪಿತೃಭ್ಯಾಂ ಪರಿವಾರ್ಯಮಾಣಾ ಗೇಹಂ ಪ್ರವಿಷ್ಟಾ ವಿಲಲಾಪ ಗೋಪೀ ।
ಆಗತ್ಯ ಮಾಂ ಪಾಲಯ ವಿಶ್ವನಾಥ ಗೋವಿನ್ದ ದಾಮೋದರ ಮಾಧವೇತಿ ॥ ೩೬॥
ಆಗತ್ಯ ಮಾಂ ಪಾಲಯ ವಿಶ್ವನಾಥ ಗೋವಿನ್ದ ದಾಮೋದರ ಮಾಧವೇತಿ ॥ ೩೬॥
ವೃನ್ದಾವನಸ್ಥಂ ಹರಿಮಾಶು ಬುದ್ಧ್ವಾ ಗೋಪೀ ಗತಾ ಕಾಪಿ ವನಂ ನಿಶಾಯಾಮ್ ।
ತತ್ರಾಪ್ಯದೃಷ್ಟ್ವಾಽತಿಭಯಾದವೋಚದ್ ಗೋವಿನ್ದ ದಾಮೋದರ ಮಾಧವೇತಿ ॥ ೩೭॥
ತತ್ರಾಪ್ಯದೃಷ್ಟ್ವಾಽತಿಭಯಾದವೋಚದ್ ಗೋವಿನ್ದ ದಾಮೋದರ ಮಾಧವೇತಿ ॥ ೩೭॥
ಸುಖಂ ಶಯಾನಾ ನಿಲಯೇ ನಿಜೇಽಪಿ ನಾಮಾನಿ ವಿಷ್ಣೋಃ ಪ್ರವದನ್ತಿ ಮರ್ತ್ಯಾಃ ।
ತೇ ನಿಶ್ಚಿತಂ ತನ್ಮಯತಾಂ ವ್ರಜನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೩೮॥
ತೇ ನಿಶ್ಚಿತಂ ತನ್ಮಯತಾಂ ವ್ರಜನ್ತಿ ಗೋವಿನ್ದ ದಾಮೋದರ ಮಾಧವೇತಿ ॥ ೩೮॥
ಸಾ ನೀರಜಾಕ್ಷೀಮವಲೋಕ್ಯ ರಾಧಾಂ ರುರೋದ ಗೋವಿನ್ದವಿಯೋಗಖಿನ್ನಾಮ್ ।
ಸಖೀ ಪ್ರಫುಲ್ಲೋತ್ಪಲಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೩೯॥
ಸಖೀ ಪ್ರಫುಲ್ಲೋತ್ಪಲಲೋಚನಾಭ್ಯಾಂ ಗೋವಿನ್ದ ದಾಮೋದರ ಮಾಧವೇತಿ ॥ ೩೯॥
ಜಿಹ್ವೇ ರಸಜ್ಞೇ ಮಧುರಪ್ರಿಯಾ ತ್ವಂ ಸತ್ಯಂ ಹಿತಂ ತ್ವಾಂ ಪರಮಂ ವದಾಮಿ ।
ಆವರ್ಣಯೇಥಾ ಮಧುರಾಕ್ಷರಾಣಿ ಗೋವಿನ್ದ ದಾಮೋದರ ಮಾಧವೇತಿ ॥ ೪೦॥
ಆವರ್ಣಯೇಥಾ ಮಧುರಾಕ್ಷರಾಣಿ ಗೋವಿನ್ದ ದಾಮೋದರ ಮಾಧವೇತಿ ॥ ೪೦॥
ಆತ್ಯನ್ತಿಕವ್ಯಾಧಿಹರಂ ಜನಾನಾಂ ಚಿಕಿತ್ಸಕಂ ವೇದವಿದೋ ವದನ್ತಿ ।
ಸಂಸಾರತಾಪತ್ರಯನಾಶಬೀಜಂ ಗೋವಿನ್ದ ದಾಮೋದರ ಮಾಧವೇತಿ ॥ ೪೧॥
ಸಂಸಾರತಾಪತ್ರಯನಾಶಬೀಜಂ ಗೋವಿನ್ದ ದಾಮೋದರ ಮಾಧವೇತಿ ॥ ೪೧॥
ತಾತಾಜ್ಞಯಾ ಗಚ್ಛತಿ ರಾಮಚನ್ದ್ರೇ ಸಲಕ್ಷ್ಮಣೇಽರಣ್ಯಚಯೇ ಸಸೀತೇ ।
ಚಕ್ರನ್ದ ರಾಮಸ್ಯ ನಿಜಾ ಜನಿತ್ರೀ ಗೋವಿನ್ದ ದಾಮೋದರ ಮಾಧವೇತಿ ॥ ೪೨॥
ಚಕ್ರನ್ದ ರಾಮಸ್ಯ ನಿಜಾ ಜನಿತ್ರೀ ಗೋವಿನ್ದ ದಾಮೋದರ ಮಾಧವೇತಿ ॥ ೪೨॥
ಏಕಾಕಿನೀ ದಣ್ಡಕಕಾನನಾನ್ತಾತ್ ಸಾ ನೀಯಮಾನಾ ದಶಕನ್ಧರೇಣ ।
ಸೀತಾ ತದಾಕ್ರನ್ದದನನ್ಯನಾಥಾ ಗೋವಿನ್ದ ದಾಮೋದರ ಮಾಧವೇತಿ ॥ ೪೩॥
ಸೀತಾ ತದಾಕ್ರನ್ದದನನ್ಯನಾಥಾ ಗೋವಿನ್ದ ದಾಮೋದರ ಮಾಧವೇತಿ ॥ ೪೩॥
ರಾಮಾದ್ವಿಯುಕ್ತಾ ಜನಕಾತ್ಮಜಾ ಸಾ ವಿಚಿನ್ತಯನ್ತೀ ಹೃದಿ ರಾಮರೂಪಮ್ ।
ರುರೋದ ಸೀತಾ ರಘುನಾಥ ಪಾಹಿ ಗೋವಿನ್ದ ದಾಮೋದರ ಮಾಧವೇತಿ ॥ ೪೪॥
ರುರೋದ ಸೀತಾ ರಘುನಾಥ ಪಾಹಿ ಗೋವಿನ್ದ ದಾಮೋದರ ಮಾಧವೇತಿ ॥ ೪೪॥
ಪ್ರಸೀದ ವಿಷ್ಣೋ ರಘುವಂಶನಾಥ ಸುರಾಸುರಾಣಾಂ ಸುಖದುಃಖಹೇತೋ ।
ರುರೋದ ಸೀತಾ ತು ಸಮುದ್ರಮಧ್ಯೇ ಗೋವಿನ್ದ ದಾಮೋದರ ಮಾಧವೇತಿ ॥ ೪೫॥
ರುರೋದ ಸೀತಾ ತು ಸಮುದ್ರಮಧ್ಯೇ ಗೋವಿನ್ದ ದಾಮೋದರ ಮಾಧವೇತಿ ॥ ೪೫॥
ಅನ್ತರ್ಜಲೇ ಗ್ರಾಹಗೃಹೀತಪಾದೋ ವಿಸೃಷ್ಟವಿಕ್ಲಿಷ್ಟಸಮಸ್ತಬನ್ಧುಃ ।
ತದಾ ಗಜೇನ್ದ್ರೋ ನಿತರಾಂ ಜಗಾದ ಗೋವಿನ್ದ ದಾಮೋದರ ಮಾಧವೇತಿ ॥ ೪೬॥
ತದಾ ಗಜೇನ್ದ್ರೋ ನಿತರಾಂ ಜಗಾದ ಗೋವಿನ್ದ ದಾಮೋದರ ಮಾಧವೇತಿ ॥ ೪೬॥
ಹಂಸಧ್ವಜಃ ಶಙ್ಖಯುತೋ ದದರ್ಶ ಪುತ್ರಂ ಕಟಾಹೇ ಪ್ರತಪನ್ತಮೇನಮ್ ।
ಪುಣ್ಯಾನಿ ನಾಮಾನಿ ಹರೇರ್ಜಪನ್ತಂ ಗೋವಿನ್ದ ದಾಮೋದರ ಮಾಧವೇತಿ ॥ ೪೭॥
ಪುಣ್ಯಾನಿ ನಾಮಾನಿ ಹರೇರ್ಜಪನ್ತಂ ಗೋವಿನ್ದ ದಾಮೋದರ ಮಾಧವೇತಿ ॥ ೪೭॥
ದುರ್ವಾಸಸೋ ವಾಕ್ಯಮುಪೇತ್ಯ ಕೃಷ್ಣಾ ಸಾ ಚಾಬ್ರವೀತ್ ಕಾನನವಾಸಿನೀಶಮ್ ।
ಅನ್ತಃ ಪ್ರವಿಷ್ಟಂ ಮನಸಾ ಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೪೮॥
ಅನ್ತಃ ಪ್ರವಿಷ್ಟಂ ಮನಸಾ ಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೪೮॥
ಧ್ಯೇಯಃ ಸದಾ ಯೋಗಿಭಿರಪ್ರಮೇಯಃ ಚಿನ್ತಾಹರಶ್ಚಿನ್ತಿತಪಾರಿಜಾತಃ ।
ಕಸ್ತೂರಿಕಾಕಲ್ಪಿತನೀಲವರ್ಣೋ ಗೋವಿನ್ದ ದಾಮೋದರ ಮಾಧವೇತಿ ॥ ೪೯॥
ಕಸ್ತೂರಿಕಾಕಲ್ಪಿತನೀಲವರ್ಣೋ ಗೋವಿನ್ದ ದಾಮೋದರ ಮಾಧವೇತಿ ॥ ೪೯॥
ಸಂಸಾರಕೂಪೇ ಪತಿತೋಽತ್ಯಗಾಧೇ ಮೋಹಾನ್ಧಪೂರ್ಣೇ ವಿಷಯಾಭಿತಪ್ತೇ ।
ಕರಾವಲಮ್ಬಂ ಮಮ ದೇಹಿ ವಿಷ್ಣೋ ಗೋವಿನ್ದ ದಾಮೋದರ ಮಾಧವೇತಿ ॥ ೫೦॥
ಕರಾವಲಮ್ಬಂ ಮಮ ದೇಹಿ ವಿಷ್ಣೋ ಗೋವಿನ್ದ ದಾಮೋದರ ಮಾಧವೇತಿ ॥ ೫೦॥
ಭಜಸ್ವ ಮನ್ತ್ರಂ ಭವಬನ್ಧಮುಕ್ತ್ಯೈ ಜಿಹ್ವೇ ರಸಜ್ಞೇ ಸುಲಭಂ ಮನೋಜ್ಞಮ್ ।
ದ್ವೈಪಾಯನಾದ್ಯೈರ್ಮುನಿಭಿಃ ಪ್ರಜಪ್ತಂ ಗೋವಿನ್ದ ದಾಮೋದರ ಮಾಧವೇತಿ ॥ ೫೧॥
ದ್ವೈಪಾಯನಾದ್ಯೈರ್ಮುನಿಭಿಃ ಪ್ರಜಪ್ತಂ ಗೋವಿನ್ದ ದಾಮೋದರ ಮಾಧವೇತಿ ॥ ೫೧॥
ತ್ವಾಮೇವ ಯಾಚೇ ಮಮ ದೇಹಿ ಜಿಹ್ವೇ ಸಮಾಗತೇ ದಣ್ಡಧರೇ ಕೃತಾನ್ತೇ ।
ವಕ್ತವ್ಯಮೇವಂ ಮಧುರಂ ಸುಭಕ್ತ್ಯಾ ಗೋವಿನ್ದ ದಾಮೋದರ ಮಾಧವೇತಿ ॥ ೫೨॥
ವಕ್ತವ್ಯಮೇವಂ ಮಧುರಂ ಸುಭಕ್ತ್ಯಾ ಗೋವಿನ್ದ ದಾಮೋದರ ಮಾಧವೇತಿ ॥ ೫೨॥
ಗೋಪಾಲ ವಂಶೀಧರ ರೂಪಸಿನ್ಧೋ ಲೋಕೇಶ ನಾರಾಯಣ ದೀನಬನ್ಧೋ ।
ಉಚ್ಚಸ್ವರೈಸ್ತ್ವಂ ವದ ಸರ್ವದೈವ ಗೋವಿನ್ದ ದಾಮೋದರ ಮಾಧವೇತಿ ॥ ೫೩॥
ಉಚ್ಚಸ್ವರೈಸ್ತ್ವಂ ವದ ಸರ್ವದೈವ ಗೋವಿನ್ದ ದಾಮೋದರ ಮಾಧವೇತಿ ॥ ೫೩॥
ಜಿಹ್ವೇ ಸದೈವಂ ಭಜ ಸುನ್ದರಾಣಿ ನಾಮಾನಿ ಕೃಷ್ಣಸ್ಯ ಮನೋಹರಾಣಿ ।
ಸಮಸ್ತಭಕ್ತಾರ್ತಿವಿನಾಶನಾನಿ ಗೋವಿನ್ದ ದಾಮೋದರ ಮಾಧವೇತಿ ॥ ೫೪॥
ಸಮಸ್ತಭಕ್ತಾರ್ತಿವಿನಾಶನಾನಿ ಗೋವಿನ್ದ ದಾಮೋದರ ಮಾಧವೇತಿ ॥ ೫೪॥
ಗೋವಿನ್ದ ಗೋವಿನ್ದ ಹರೇ ಮುರಾರೇ ಗೋವಿನ್ದ ಗೋವಿನ್ದ ಮುಕುನ್ದ ಕೃಷ್ಣ ।
ಗೋವಿನ್ದ ಗೋವಿನ್ದ ರಥಾಙ್ಗಪಾಣೇ ಗೋವಿನ್ದ ದಾಮೋದರ ಮಾಧವೇತಿ ॥ ೫೫॥
ಗೋವಿನ್ದ ಗೋವಿನ್ದ ರಥಾಙ್ಗಪಾಣೇ ಗೋವಿನ್ದ ದಾಮೋದರ ಮಾಧವೇತಿ ॥ ೫೫॥
ಸುಖಾವಸಾನೇ ತ್ವಿದಮೇವ ಸಾರಂ ದುಃಖಾವಸಾನೇ ತ್ವಿದಮೇವ ಗೇಯಮ್ ।
ದೇಹಾವಸಾನೇ ತ್ವಿದಮೇವ ಜಾಪ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೫೬॥
ದೇಹಾವಸಾನೇ ತ್ವಿದಮೇವ ಜಾಪ್ಯಂ ಗೋವಿನ್ದ ದಾಮೋದರ ಮಾಧವೇತಿ ॥ ೫೬॥
ದುರ್ವಾರವಾಕ್ಯಂ ಪರಿಗೃಹ್ಯ ಕೃಷ್ಣಾ ಮೃಗೀವ ಭೀತಾ ತು ಕಥಂ ಕಥಞ್ಚಿತ್ ।
ಸಭಾಂ ಪ್ರವಿಷ್ಟಾ ಮನಸಾ ಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೫೭॥
ಸಭಾಂ ಪ್ರವಿಷ್ಟಾ ಮನಸಾ ಜುಹಾವ ಗೋವಿನ್ದ ದಾಮೋದರ ಮಾಧವೇತಿ ॥ ೫೭॥
ಶ್ರೀಕೃಷ್ಣ ರಾಧಾವರ ಗೋಕುಲೇಶ ಗೋಪಾಲ ಗೋವರ್ಧನ ನಾಥ ವಿಷ್ಣೋ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೫೮॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೫೮॥
ಶ್ರೀನಾಥ ವಿಶ್ವೇಶ್ವರ ವಿಶ್ವಮೂರ್ತೇ ಶ್ರೀದೇವಕೀನನ್ದನ ದೈತ್ಯಶತ್ರೋ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೫೯॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೫೯॥
ಗೋಪೀಪತೇ ಕಂಸರಿಪೋ ಮುಕುನ್ದ ಲಕ್ಷ್ಮೀಪತೇ ಕೇಶವ ವಾಸುದೇವ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೦॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೦॥
ಗೋಪೀಜನಾಹ್ಲಾದಕರ ವ್ರಜೇಶ ಗೋಚಾರಣಾರಣ್ಯಕೃತಪ್ರವೇಶ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೧॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೧॥
ಪ್ರಾಣೇಶ ವಿಶ್ವಮ್ಭರ ಕೈಟಭಾರೇ ವೈಕುಣ್ಠ ನಾರಾಯಣ ಚಕ್ರಪಾಣೇ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೨॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೨॥
ಹರೇ ಮುರಾರೇ ಮಧುಸೂದನಾದ್ಯ ಶ್ರೀರಾಮ ಸೀತಾವರ ರಾವಣಾರೇ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೩॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೩॥
ಶ್ರೀಯಾದವೇನ್ದ್ರಾದ್ರಿಧರಾಮ್ಬುಜಾಕ್ಷ ಗೋಗೋಪಗೋಪೀಸುಖದಾನದಕ್ಷ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೪॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೪॥
ಧರಾಭರೋತ್ತಾರಣಗೋಪವೇಷ ವಿಹಾರಲೀಲಾಕೃತಬನ್ಧುಶೇಷ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೫॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೫॥
ಬಕೀಬಕಾಘಾಸುರಧೇನುಕಾರೇ ಕೇಶೀತೃಣಾವರ್ತವಿಘಾತದಕ್ಷ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೬॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೬॥
ಶ್ರೀಜಾನಕೀಜೀವನ ರಾಮಚನ್ದ್ರ ನಿಶಾಚರಾರೇ ಭರತಾಗ್ರಜೇಶ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೭॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೭॥
ನಾರಾಯಣಾನನ್ತ ಹರೇ ನೃಸಿಂಹ ಪ್ರಹ್ಲಾದಬಾಧಾಹರ ಹೇ ಕೃಪಾಲೋ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೮॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೮॥
ಲೀಲಾಮನುಷ್ಯಾಕೃತಿರಾಮರೂಪ ಪ್ರತಾಪದಾಸೀಕೃತಸರ್ವಭೂಪ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೯॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೬೯॥
ಶ್ರೀಕೃಷ್ಣ ಗೋವಿನ್ದ ಹರೇ ಮುರಾರೇ ಹೇ ನಾಥ ನಾರಾಯಣ ವಾಸುದೇವ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೭೦॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೭೦॥
ವಕ್ತುಂ ಸಮರ್ಥೋಽಪಿ ನ ವಕ್ತಿ ಕಶ್ಚಿದಹೋ ಜನಾನಾಂ ವ್ಯಸನಾಭಿಮುಖ್ಯಮ್ ।
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೭೧॥
ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿನ್ದ ದಾಮೋದರ ಮಾಧವೇತಿ ॥ ೭೧॥
ಇತಿ ಶ್ರೀಬಿಲ್ವಮಙ್ಗಲಾಚಾರ್ಯವಿರಚಿತಂ ಶ್ರೀಗೋವಿನ್ದದಾಮೋದರಸ್ತೋತ್ರಂ ಸಮ್ಪೂರ್ಣಮ್ ।