অগ্রে কুরূণামথ পাণ্ডবানাং দুঃশাসনেনাহৃতবস্ত্রকেশা ।
কৃষ্ণা তদাক্রোশদনন্যনাথা গোবিন্দ দামোদর মাধবেতি ॥ ১॥
কৃষ্ণা তদাক্রোশদনন্যনাথা গোবিন্দ দামোদর মাধবেতি ॥ ১॥
শ্রীকৃষ্ণ বিষ্ণো মধুকৈটভারে ভক্তানুকম্পিন্ ভগবন্ মুরারে ।
ত্রাযস্ব মাং কেশব লোকনাথ গোবিন্দ দামোদর মাধবেতি ॥ ২॥
ত্রাযস্ব মাং কেশব লোকনাথ গোবিন্দ দামোদর মাধবেতি ॥ ২॥
বিক্রেতুকামা কিল গোপকন্যা মুরারিপাদার্পিতচিত্তবৃত্তিঃ ।
দধ্যাদিকং মোহবশাদবোচদ্ গোবিন্দ দামোদর মাধবেতি ॥ ৩॥
দধ্যাদিকং মোহবশাদবোচদ্ গোবিন্দ দামোদর মাধবেতি ॥ ৩॥
উলূখলে সম্ভৃততণ্ডুলাংশ্চ সঙ্ঘট্টযন্ত্যো মুসলৈঃ প্রমুগ্ধাঃ ।
গাযন্তি গোপ্যো জনিতানুরাগা গোবিন্দ দামোদর মাধবেতি ॥ ৪॥
গাযন্তি গোপ্যো জনিতানুরাগা গোবিন্দ দামোদর মাধবেতি ॥ ৪॥
কাচিত্করাম্ভোজপুটে নিষণ্ণং ক্রীডাশুকং কিংশুকরক্ততুণ্ডম্ ।
অধ্যাপযামাস সরোরুহাক্ষী গোবিন্দ দামোদর মাধবেতি ॥ ৫॥
অধ্যাপযামাস সরোরুহাক্ষী গোবিন্দ দামোদর মাধবেতি ॥ ৫॥
গৃহে গৃহে গোপবধূসমূহঃ প্রতিক্ষণং পিঞ্জরসারিকাণাম্ ।
স্খলদ্গিরাং বাচযিতুং প্রবৃত্তো গোবিন্দ দামোদর মাধবেতি ॥ ৬॥
স্খলদ্গিরাং বাচযিতুং প্রবৃত্তো গোবিন্দ দামোদর মাধবেতি ॥ ৬॥
পর্য্যঙ্কিকাভাজমলং কুমারং প্রস্বাপযন্ত্যোঽখিলগোপকন্যাঃ ।
জগুঃ প্রবন্ধং স্বরতালবন্ধং গোবিন্দ দামোদর মাধবেতি ॥ ৭॥
জগুঃ প্রবন্ধং স্বরতালবন্ধং গোবিন্দ দামোদর মাধবেতি ॥ ৭॥
রামানুজং বীক্ষণকেলিলোলং গোপী গৃহীত্বা নবনীতগোলম্ ।
আবালকং বালকমাজুহাব গোবিন্দ দামোদর মাধবেতি ॥ ৮॥
আবালকং বালকমাজুহাব গোবিন্দ দামোদর মাধবেতি ॥ ৮॥
বিচিত্রবর্ণাভরণাভিরামেঽভিধেহি বক্ত্রাম্বুজরাজহংসি ।
সদা মদীযে রসনেঽগ্ররঙ্গে গোবিন্দ দামোদর মাধবেতি ॥ ৯॥
সদা মদীযে রসনেঽগ্ররঙ্গে গোবিন্দ দামোদর মাধবেতি ॥ ৯॥
অঙ্কাধিরূঢং শিশুগোপগূঢং স্তনং ধযন্তং কমলৈককান্তম্ ।
সম্বোধযামাস মুদা যশোদা গোবিন্দ দামোদর মাধবেতি ॥ ১০॥
সম্বোধযামাস মুদা যশোদা গোবিন্দ দামোদর মাধবেতি ॥ ১০॥
ক্রীডন্তমন্তর্ব্রজমাত্মজং স্বং সমং বযস্যৈঃ পশুপালবালৈঃ ।
প্রেম্ণা যশোদা প্রজুহাব কৃষ্ণং গোবিন্দ দামোদর মাধবেতি ॥ ১১॥
প্রেম্ণা যশোদা প্রজুহাব কৃষ্ণং গোবিন্দ দামোদর মাধবেতি ॥ ১১॥
যশোদযা গাঢমুলূখলেন গোকণ্ঠপাশেন নিবধ্যমানঃ ।
রুরোদ মন্দং নবনীতভোজী গোবিন্দ দামোদর মাধবেতি ॥ ১২॥
রুরোদ মন্দং নবনীতভোজী গোবিন্দ দামোদর মাধবেতি ॥ ১২॥
নিজাঙ্গণে কঙ্কণকেলিলোলং গোপী গৃহীত্বা নবনীতগোলম্ ।
আমর্দযত্পাণিতলেন নেত্রে গোবিন্দ দামোদর মাধবেতি ॥ ১৩॥
আমর্দযত্পাণিতলেন নেত্রে গোবিন্দ দামোদর মাধবেতি ॥ ১৩॥
গৃহে গৃহে গোপবধূকদম্বাঃ সর্বে মিলিত্বা সমবাযযোগে ।
পুণ্যানি নামানি পঠন্তি নিত্যং গোবিন্দ দামোদর মাধবেতি ॥ ১৪॥
পুণ্যানি নামানি পঠন্তি নিত্যং গোবিন্দ দামোদর মাধবেতি ॥ ১৪॥
মন্দারমূলে বদনাভিরামং বিম্বাধরে পূরিতবেণুনাদম্ ।
গোগোপগোপীজনমধ্যসংস্থং গোবিন্দ দামোদর মাধবেতি ॥ ১৫॥
গোগোপগোপীজনমধ্যসংস্থং গোবিন্দ দামোদর মাধবেতি ॥ ১৫॥
উত্থায গোপ্যোঽপররাত্রভাগে স্মৃত্বা যশোদাসুতবালকেলিম্ ।
গাযন্তি প্রোচ্চৈর্দধি মন্থযন্ত্যো গোবিন্দ দামোদর মাধবেতি ॥ ১৬॥
গাযন্তি প্রোচ্চৈর্দধি মন্থযন্ত্যো গোবিন্দ দামোদর মাধবেতি ॥ ১৬॥
জগ্ধোঽথ দত্তো নবনীতপিণ্ডো গৃহে যশোদা বিচিকিত্সযন্তী ।
উবাচসত্যং বদ হে মুরারে গোবিন্দ দামোদর মাধবেতি ॥ ১৭॥
উবাচসত্যং বদ হে মুরারে গোবিন্দ দামোদর মাধবেতি ॥ ১৭॥
অভ্যর্চ্য গেহং যুবতিঃ প্রবৃদ্ধপ্রেমপ্রবাহা দধি নির্মমন্থ ।
গাযন্তি গোপ্যোঽথ সখীসমেতা গোবিন্দ দামোদর মাধবেতি ॥ ১৮॥
গাযন্তি গোপ্যোঽথ সখীসমেতা গোবিন্দ দামোদর মাধবেতি ॥ ১৮॥
ক্বচিত্ প্রভাতে দধিপূর্ণপাত্রে নিক্ষিপ্য মন্থং যুবতী মুকুন্দম্ ।
আলোক্য গানং বিবিধং করোতি গোবিন্দ দামোদর মাধবেতি ॥ ১৯॥
আলোক্য গানং বিবিধং করোতি গোবিন্দ দামোদর মাধবেতি ॥ ১৯॥
ক্রীডাপরং ভোজনমজ্জনার্থং হিতৈষিণী স্ত্রী তনুজং যশোদা ।
আজূহবত্ প্রেমপরিপ্লুতাক্ষী গোবিন্দ দামোদর মাধবেতি ॥ ২০॥
আজূহবত্ প্রেমপরিপ্লুতাক্ষী গোবিন্দ দামোদর মাধবেতি ॥ ২০॥
সুখং শযানং নিলযে চ বিষ্ণুং দেবর্ষিমুখ্যা মুনযঃ প্রপন্নাঃ ।
তেনাচ্যুতে তন্মযতাং ব্রজন্তি গোবিন্দ দামোদর মাধবেতি ॥ ২১॥
তেনাচ্যুতে তন্মযতাং ব্রজন্তি গোবিন্দ দামোদর মাধবেতি ॥ ২১॥
বিহায নিদ্রামরুণোদযে চ বিধায কৃত্যানি চ বিপ্রমুখ্যাঃ ।
বেদাবসানে প্রপঠন্তি নিত্যং গোবিন্দ দামোদর মাধবেতি ॥ ২২॥
বেদাবসানে প্রপঠন্তি নিত্যং গোবিন্দ দামোদর মাধবেতি ॥ ২২॥
বৃন্দাবনে গোপগণাশ্চ গোপ্যো বিলোক্য গোবিন্দবিযোগখিন্নাম্ ।
রাধাং জগুঃ সাশ্রুবিলোচনাভ্যাং গোবিন্দ দামোদর মাধবেতি ॥ ২৩॥
রাধাং জগুঃ সাশ্রুবিলোচনাভ্যাং গোবিন্দ দামোদর মাধবেতি ॥ ২৩॥
প্রভাতসঞ্চারগতা নু গাবস্তদ্রক্ষণার্থং তনযং যশোদা ।
প্রাবোধযত্ পাণিতলেন মন্দং গোবিন্দ দামোদর মাধবেতি ॥ ২৪॥
প্রাবোধযত্ পাণিতলেন মন্দং গোবিন্দ দামোদর মাধবেতি ॥ ২৪॥
প্রবালশোভা ইব দীর্ঘকেশা বাতাম্বুপর্ণাশনপূতদেহাঃ ।
মূলে তরূণাং মুনযঃ পঠন্তি গোবিন্দ দামোদর মাধবেতি ॥ ২৫॥
মূলে তরূণাং মুনযঃ পঠন্তি গোবিন্দ দামোদর মাধবেতি ॥ ২৫॥
এবং ব্রুবাণা বিরহাতুরা ভৃশং ব্রজস্ত্রিযঃ কৃষ্ণবিষক্তমানসাঃ ।
বিসৃজ্য লজ্জাং রুরুদুঃ স্ম সুস্বরং গোবিন্দ দামোদর মাধবেতি ॥ ২৬॥
বিসৃজ্য লজ্জাং রুরুদুঃ স্ম সুস্বরং গোবিন্দ দামোদর মাধবেতি ॥ ২৬॥
গোপী কদাচিন্মণিপঞ্জরস্থং শুকং বচো বাচযিতুং প্রবৃত্তা ।
আনন্দকন্দ ব্রজচন্দ্র কৃষ্ণ গোবিন্দ দামোদর মাধবেতি ॥ ২৭॥
আনন্দকন্দ ব্রজচন্দ্র কৃষ্ণ গোবিন্দ দামোদর মাধবেতি ॥ ২৭॥
গোবত্সবালৈঃ শিশুকাকপক্ষং বধ্নন্তমম্ভোজদলাযতাক্ষম্ ।
উবাচমাতা চিবুকং গৃহীত্বা গোবিন্দ দামোদর মাধবেতি ॥ ২৮॥
উবাচমাতা চিবুকং গৃহীত্বা গোবিন্দ দামোদর মাধবেতি ॥ ২৮॥
প্রভাতকালে বরবল্লবৌঘা গোরক্ষণার্থং ধৃতবেত্রদণ্ডাঃ ।
আকারযামাসুরনন্তমাদ্যং গোবিন্দ দামোদর মাধবেতি ॥ ২৯॥
আকারযামাসুরনন্তমাদ্যং গোবিন্দ দামোদর মাধবেতি ॥ ২৯॥
জলাশযে কালিযমর্দনায যদা কদম্বাদপতন্মুরারিঃ ।
গোপাঙ্গনাশ্চুক্রুশুরেত্য গোপা গোবিন্দ দামোদর মাধবেতি ॥ ৩০॥
গোপাঙ্গনাশ্চুক্রুশুরেত্য গোপা গোবিন্দ দামোদর মাধবেতি ॥ ৩০॥
অক্রূরমাসাদ্য যদা মুকুন্দশ্চাপোত্সবার্থং মথুরাং প্রবিষ্টঃ ।
তদা স পৌরৈর্জযসীত্যভাষি গোবিন্দ দামোদর মাধবেতি ॥ ৩১॥
তদা স পৌরৈর্জযসীত্যভাষি গোবিন্দ দামোদর মাধবেতি ॥ ৩১॥
কংসস্য দূতেন যদৈব নীতৌ বৃন্দাবনান্তাদ্ বসুদেবসূনূ ।
রুরোদ গোপী ভবনস্য মধ্যে গোবিন্দ দামোদর মাধবেতি ॥ ৩২॥
রুরোদ গোপী ভবনস্য মধ্যে গোবিন্দ দামোদর মাধবেতি ॥ ৩২॥
সরোবরে কালিযনাগবদ্ধং শিশুং যশোদাতনযং নিশম্য ।
চক্রুর্লুঠন্ত্যঃ পথি গোপবালা গোবিন্দ দামোদর মাধবেতি ॥ ৩৩॥
চক্রুর্লুঠন্ত্যঃ পথি গোপবালা গোবিন্দ দামোদর মাধবেতি ॥ ৩৩॥
অক্রূরযানে যদুবংশনাথং সঙ্গচ্ছমানং মথুরাং নিরীক্ষ্য ।
ঊচুর্বিযোগত্ কিল গোপবালা গোবিন্দ দামোদর মাধবেতি ॥ ৩৪॥
ঊচুর্বিযোগত্ কিল গোপবালা গোবিন্দ দামোদর মাধবেতি ॥ ৩৪॥
চক্রন্দ গোপী নলিনীবনান্তে কৃষ্ণেন হীনা কুসুমে শযানা ।
প্রফুল্লনীলোত্পললোচনাভ্যাং গোবিন্দ দামোদর মাধবেতি ॥ ৩৫॥
প্রফুল্লনীলোত্পললোচনাভ্যাং গোবিন্দ দামোদর মাধবেতি ॥ ৩৫॥
মাতাপিতৃভ্যাং পরিবার্যমাণা গেহং প্রবিষ্টা বিললাপ গোপী ।
আগত্য মাং পালয বিশ্বনাথ গোবিন্দ দামোদর মাধবেতি ॥ ৩৬॥
আগত্য মাং পালয বিশ্বনাথ গোবিন্দ দামোদর মাধবেতি ॥ ৩৬॥
বৃন্দাবনস্থং হরিমাশু বুদ্ধ্বা গোপী গতা কাপি বনং নিশাযাম্ ।
তত্রাপ্যদৃষ্ট্বাঽতিভযাদবোচদ্ গোবিন্দ দামোদর মাধবেতি ॥ ৩৭॥
তত্রাপ্যদৃষ্ট্বাঽতিভযাদবোচদ্ গোবিন্দ দামোদর মাধবেতি ॥ ৩৭॥
সুখং শযানা নিলযে নিজেঽপি নামানি বিষ্ণোঃ প্রবদন্তি মর্ত্যাঃ ।
তে নিশ্চিতং তন্মযতাং ব্রজন্তি গোবিন্দ দামোদর মাধবেতি ॥ ৩৮॥
তে নিশ্চিতং তন্মযতাং ব্রজন্তি গোবিন্দ দামোদর মাধবেতি ॥ ৩৮॥
সা নীরজাক্ষীমবলোক্য রাধাং রুরোদ গোবিন্দবিযোগখিন্নাম্ ।
সখী প্রফুল্লোত্পললোচনাভ্যাং গোবিন্দ দামোদর মাধবেতি ॥ ৩৯॥
সখী প্রফুল্লোত্পললোচনাভ্যাং গোবিন্দ দামোদর মাধবেতি ॥ ৩৯॥
জিহ্বে রসজ্ঞে মধুরপ্রিযা ত্বং সত্যং হিতং ত্বাং পরমং বদামি ।
আবর্ণযেথা মধুরাক্ষরাণি গোবিন্দ দামোদর মাধবেতি ॥ ৪০॥
আবর্ণযেথা মধুরাক্ষরাণি গোবিন্দ দামোদর মাধবেতি ॥ ৪০॥
আত্যন্তিকব্যাধিহরং জনানাং চিকিত্সকং বেদবিদো বদন্তি ।
সংসারতাপত্রযনাশবীজং গোবিন্দ দামোদর মাধবেতি ॥ ৪১॥
সংসারতাপত্রযনাশবীজং গোবিন্দ দামোদর মাধবেতি ॥ ৪১॥
তাতাজ্ঞযা গচ্ছতি রামচন্দ্রে সলক্ষ্মণেঽরণ্যচযে সসীতে ।
চক্রন্দ রামস্য নিজা জনিত্রী গোবিন্দ দামোদর মাধবেতি ॥ ৪২॥
চক্রন্দ রামস্য নিজা জনিত্রী গোবিন্দ দামোদর মাধবেতি ॥ ৪২॥
একাকিনী দণ্ডককাননান্তাত্ সা নীযমানা দশকন্ধরেণ ।
সীতা তদাক্রন্দদনন্যনাথা গোবিন্দ দামোদর মাধবেতি ॥ ৪৩॥
সীতা তদাক্রন্দদনন্যনাথা গোবিন্দ দামোদর মাধবেতি ॥ ৪৩॥
রামাদ্বিযুক্তা জনকাত্মজা সা বিচিন্তযন্তী হৃদি রামরূপম্ ।
রুরোদ সীতা রঘুনাথ পাহি গোবিন্দ দামোদর মাধবেতি ॥ ৪৪॥
রুরোদ সীতা রঘুনাথ পাহি গোবিন্দ দামোদর মাধবেতি ॥ ৪৪॥
প্রসীদ বিষ্ণো রঘুবংশনাথ সুরাসুরাণাং সুখদুঃখহেতো ।
রুরোদ সীতা তু সমুদ্রমধ্যে গোবিন্দ দামোদর মাধবেতি ॥ ৪৫॥
রুরোদ সীতা তু সমুদ্রমধ্যে গোবিন্দ দামোদর মাধবেতি ॥ ৪৫॥
অন্তর্জলে গ্রাহগৃহীতপাদো বিসৃষ্টবিক্লিষ্টসমস্তবন্ধুঃ ।
তদা গজেন্দ্রো নিতরাং জগাদ গোবিন্দ দামোদর মাধবেতি ॥ ৪৬॥
তদা গজেন্দ্রো নিতরাং জগাদ গোবিন্দ দামোদর মাধবেতি ॥ ৪৬॥
হংসধ্বজঃ শঙ্খযুতো দদর্শ পুত্রং কটাহে প্রতপন্তমেনম্ ।
পুণ্যানি নামানি হরের্জপন্তং গোবিন্দ দামোদর মাধবেতি ॥ ৪৭॥
পুণ্যানি নামানি হরের্জপন্তং গোবিন্দ দামোদর মাধবেতি ॥ ৪৭॥
দুর্বাসসো বাক্যমুপেত্য কৃষ্ণা সা চাব্রবীত্ কাননবাসিনীশম্ ।
অন্তঃ প্রবিষ্টং মনসা জুহাব গোবিন্দ দামোদর মাধবেতি ॥ ৪৮॥
অন্তঃ প্রবিষ্টং মনসা জুহাব গোবিন্দ দামোদর মাধবেতি ॥ ৪৮॥
ধ্যেযঃ সদা যোগিভিরপ্রমেযঃ চিন্তাহরশ্চিন্তিতপারিজাতঃ ।
কস্তূরিকাকল্পিতনীলবর্ণো গোবিন্দ দামোদর মাধবেতি ॥ ৪৯॥
কস্তূরিকাকল্পিতনীলবর্ণো গোবিন্দ দামোদর মাধবেতি ॥ ৪৯॥
সংসারকূপে পতিতোঽত্যগাধে মোহান্ধপূর্ণে বিষযাভিতপ্তে ।
করাবলম্বং মম দেহি বিষ্ণো গোবিন্দ দামোদর মাধবেতি ॥ ৫০॥
করাবলম্বং মম দেহি বিষ্ণো গোবিন্দ দামোদর মাধবেতি ॥ ৫০॥
ভজস্ব মন্ত্রং ভববন্ধমুক্ত্যৈ জিহ্বে রসজ্ঞে সুলভং মনোজ্ঞম্ ।
দ্বৈপাযনাদ্যৈর্মুনিভিঃ প্রজপ্তং গোবিন্দ দামোদর মাধবেতি ॥ ৫১॥
দ্বৈপাযনাদ্যৈর্মুনিভিঃ প্রজপ্তং গোবিন্দ দামোদর মাধবেতি ॥ ৫১॥
ত্বামেব যাচে মম দেহি জিহ্বে সমাগতে দণ্ডধরে কৃতান্তে ।
বক্তব্যমেবং মধুরং সুভক্ত্যা গোবিন্দ দামোদর মাধবেতি ॥ ৫২॥
বক্তব্যমেবং মধুরং সুভক্ত্যা গোবিন্দ দামোদর মাধবেতি ॥ ৫২॥
গোপাল বংশীধর রূপসিন্ধো লোকেশ নারাযণ দীনবন্ধো ।
উচ্চস্বরৈস্ত্বং বদ সর্বদৈব গোবিন্দ দামোদর মাধবেতি ॥ ৫৩॥
উচ্চস্বরৈস্ত্বং বদ সর্বদৈব গোবিন্দ দামোদর মাধবেতি ॥ ৫৩॥
জিহ্বে সদৈবং ভজ সুন্দরাণি নামানি কৃষ্ণস্য মনোহরাণি ।
সমস্তভক্তার্তিবিনাশনানি গোবিন্দ দামোদর মাধবেতি ॥ ৫৪॥
সমস্তভক্তার্তিবিনাশনানি গোবিন্দ দামোদর মাধবেতি ॥ ৫৪॥
গোবিন্দ গোবিন্দ হরে মুরারে গোবিন্দ গোবিন্দ মুকুন্দ কৃষ্ণ ।
গোবিন্দ গোবিন্দ রথাঙ্গপাণে গোবিন্দ দামোদর মাধবেতি ॥ ৫৫॥
গোবিন্দ গোবিন্দ রথাঙ্গপাণে গোবিন্দ দামোদর মাধবেতি ॥ ৫৫॥
সুখাবসানে ত্বিদমেব সারং দুঃখাবসানে ত্বিদমেব গেযম্ ।
দেহাবসানে ত্বিদমেব জাপ্যং গোবিন্দ দামোদর মাধবেতি ॥ ৫৬॥
দেহাবসানে ত্বিদমেব জাপ্যং গোবিন্দ দামোদর মাধবেতি ॥ ৫৬॥
দুর্বারবাক্যং পরিগৃহ্য কৃষ্ণা মৃগীব ভীতা তু কথং কথঞ্চিত্ ।
সভাং প্রবিষ্টা মনসা জুহাব গোবিন্দ দামোদর মাধবেতি ॥ ৫৭॥
সভাং প্রবিষ্টা মনসা জুহাব গোবিন্দ দামোদর মাধবেতি ॥ ৫৭॥
শ্রীকৃষ্ণ রাধাবর গোকুলেশ গোপাল গোবর্ধন নাথ বিষ্ণো ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৫৮॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৫৮॥
শ্রীনাথ বিশ্বেশ্বর বিশ্বমূর্তে শ্রীদেবকীনন্দন দৈত্যশত্রো ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৫৯॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৫৯॥
গোপীপতে কংসরিপো মুকুন্দ লক্ষ্মীপতে কেশব বাসুদেব ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬০॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬০॥
গোপীজনাহ্লাদকর ব্রজেশ গোচারণারণ্যকৃতপ্রবেশ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬১॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬১॥
প্রাণেশ বিশ্বম্ভর কৈটভারে বৈকুণ্ঠ নারাযণ চক্রপাণে ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬২॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬২॥
হরে মুরারে মধুসূদনাদ্য শ্রীরাম সীতাবর রাবণারে ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৩॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৩॥
শ্রীযাদবেন্দ্রাদ্রিধরাম্বুজাক্ষ গোগোপগোপীসুখদানদক্ষ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৪॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৪॥
ধরাভরোত্তারণগোপবেষ বিহারলীলাকৃতবন্ধুশেষ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৫॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৫॥
বকীবকাঘাসুরধেনুকারে কেশীতৃণাবর্তবিঘাতদক্ষ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৬॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৬॥
শ্রীজানকীজীবন রামচন্দ্র নিশাচরারে ভরতাগ্রজেশ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৭॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৭॥
নারাযণানন্ত হরে নৃসিংহ প্রহ্লাদবাধাহর হে কৃপালো ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৮॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৮॥
লীলামনুষ্যাকৃতিরামরূপ প্রতাপদাসীকৃতসর্বভূপ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৯॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৬৯॥
শ্রীকৃষ্ণ গোবিন্দ হরে মুরারে হে নাথ নারাযণ বাসুদেব ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৭০॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৭০॥
বক্তুং সমর্থোঽপি ন বক্তি কশ্চিদহো জনানাং ব্যসনাভিমুখ্যম্ ।
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৭১॥
জিহ্বে পিবস্বামৃতমেতদেব গোবিন্দ দামোদর মাধবেতি ॥ ৭১॥
ইতি শ্রীবিল্বমঙ্গলাচার্যবিরচিতং শ্রীগোবিন্দদামোদরস্তোত্রং সম্পূর্ণম্ ।