উদ্ধবগীতা - চতুর্থোঽধ্যাযঃ

যানি যানি ইহ কর্মাণি যৈঃ যৈঃ স্বচ্ছন্দজন্মভিঃ ।
চক্রে করোতি কর্তা বা হরিঃ তানি ব্রুবন্তু নঃ ॥ 1॥

দ্রুমিলঃ উবাচ।
যঃ বা অনন্তস্য গুণান্ অনন্তান্
অনুক্রমিষ্যন্ সঃ তু বালবুদ্ধিঃ ।
রজাংসি ভূমেঃ গণযেত্ কথঞ্চিত্
কালেন ন এব অখিলশক্তিধাম্নঃ ॥ 2॥

ভূতৈঃ যদা পঞ্চভিঃ আত্মসৃষ্টৈঃ
পুরং বিরাজং বিরচয্য তস্মিন্ ।
স্বাংশেন বিষ্টঃ পুরুষাভিধান
মবাপ নারাযণঃ আদিদেবঃ ॥ 3॥

যত্ কাযঃ এষঃ ভুবনত্রযসন্নিবেশঃ
যস্য ইন্দ্রিযৈঃ তনুভৃতাং উভযৈন্দ্রিযাণি ।
জ্ঞানং স্বতঃ শ্বসনতঃ বলং ওজঃ ঈহা
সত্ত্বাদিভিঃ স্থিতিলযৌদ্ভবঃ আদিকর্তা ॥ 4॥

আদৌ অভূত্ শতধৃতী রজস অস্য সর্গে
বিষ্ণু স্থিতৌ ক্রতুপতিঃ দ্বিজধর্মসেতুঃ ।
রুদ্রঃ অপি অযায তমসা পুরুষঃ সঃ আদ্যঃ
ইতি উদ্ভবস্থিতিলযাঃ সততং প্রজাসু ॥ 5॥

ধর্মস্য দক্ষদুহিতর্যজনিষ্টঃ মূর্ত্যা
নারাযণঃ নরঃ ঋষিপ্রবরঃ প্রশান্তঃ ।
নৈষ্কর্ম্যলক্ষণং উবাচচচার কর্ম
যঃ অদ্য অপি চ আস্ত ঋষিবর্যনিষেবিতাঙ্ঘ্রিঃ ॥ 6॥

ইন্দ্রঃ বিশঙ্ক্য মম ধাম জিঘৃক্ষতি ইতি
কামং ন্যযুঙ্ক্ত সগণং সঃ বদরিউপাখ্যম্ ।
গত্বা অপ্সরোগণবসন্তসুমন্দবাতৈঃ
স্ত্রীপ্রেক্ষণ ইষুভিঃ অবিধ্যতত্ মহিজ্ঞঃ ॥ 7॥

বিজ্ঞায শক্রকৃতং অক্রমং আদিদেবঃ
প্রাহ প্রহস্য গতবিস্মযঃ এজমানান্ ।
মা ভৈষ্ট ভো মদন মারুত দেববধ্বঃ
গৃহ্ণীত নঃ বলিং অশূন্যং ইমং কুরুধ্বম্ ॥ 8॥

ইত্থং ব্রুবতি অভযদে নরদেব দেবাঃ
সব্রীডনম্রশিরসঃ সঘৃণং তং ঊচুঃ ।
ন এতত্ বিভো ত্বযি পরে অবিকৃতে বিচিত্রম্
স্বারামধীঃ অনিকরানতপাদপদ্মে ॥ 9॥

ত্বাং সেবতাং সুরকৃতা বহবঃ অন্তরাযাঃ
স্বৌকো বিলঙ্ঘ্য পরমং ব্রজতাং পদং তে ।
ন অন্যস্য বর্হিষি বলীন্ দদতঃ স্বভাগান্
ধত্তে পদং ত্বং অবিতা যদি বিঘ্নমূর্ধ্নি ॥ 10॥

ক্ষুত্ তৃট্ত্রিকালগুণমারুতজৈব্হ্যশৈশ্ন্যান্
অস্মান্ অপারজলধীন্ অতিতীর্য কেচিত্ ।
ক্রোধস্য যান্তি বিফলস্য বশ পদে গোঃ
মজ্জন্তি দুশ্চরতপঃ চ বৃথা উত্সৃজন্তি ॥ 11॥

ইতি প্রগৃণতাং তেষাং স্ত্রিযঃ অতি অদ্ভুতদর্শনাঃ ।
দর্শযামাস শুশ্রূষাং স্বর্চিতাঃ কুর্বতীঃ বিভুঃ ॥ 12॥

তে দেব অনুচরাঃ দৃষ্ট্বা স্ত্রিযঃ শ্রীঃ ইব রূপিণীঃ ।
গন্ধেন মুমুহুঃ তাসাং রূপ ঔদার্যহতশ্রিযঃ ॥ 13॥

তান্ আহ দেবদেব ঈশঃ প্রণতান্ প্রহসন্ ইব ।
আসাং একতমাং বৃঙ্গ্ধ্বং সবর্ণাং স্বর্গভূষণাম্ ॥
14॥

ওঁ ইতি আদেশং আদায নত্বা তং সুরবন্দিনঃ ।
উর্বশীং অপ্সরঃশ্রেষ্ঠাং পুরস্কৃত্য দিবং যযুঃ ॥ 15॥

ইন্দ্রায আনম্য সদসি শ্রুণ্বতাং ত্রিদিবৌকসাম্ ।
ঊচুঃ নারাযণবলং শক্রঃ তত্র আস বিস্মিতঃ ॥ 16॥

হংসস্বরূপী অবদদত্ অচ্যুতঃ আত্মযোগম্
দত্তঃ কুমার ঋষভঃ ভগবান্ পিতা নঃ ।
বিষ্ণুঃ শিবায জগতাং কলযা অবতীর্ণঃ
তেন আহৃতাঃ মধুভিদা শ্রুতযঃ হযাস্যে ॥ 17॥

গুপ্তঃ অপি অযে মনুঃ ইলা ওষধযঃ চ মাত্স্যে
ক্রৌডে হতঃ দিতিজঃ উদ্ধরতা অম্ভসঃ ক্ষ্মাম্ ।
কৌর্মে ধৃতঃ অদ্রিঃ অমৃত উন্মথনে স্বপৃষ্ঠে
গ্রাহাত্ প্রপন্নমিভরাজং অমুঞ্চত্ আর্তম্ ॥ 18॥

সংস্তুন্বতঃ অব্ধিপতিতান্ শ্রমণান্ ঋষীং চ
শক্রং চ বৃত্রবধতঃ তমসি প্রবিষ্টম্ ।
দেবস্ত্রিযঃ অসুরগৃহে পিহিতাঃ অনাথাঃ
জঘ্নে অসুরেন্দ্রং অভযায সতাং নৃসিংহে ॥ 19॥

দেব অসুরে যুধি চ দৈত্যপতীন্ সুরার্থে
হত্বা অন্তরেষু ভুবনানি অদধাত্ কলাভিঃ ।
ভূত্বা অথ বামনঃ ইমাং অহরত্ বলেঃ ক্ষ্মাম্
যাঞ্চাচ্ছলেন সমদাত্ অদিতেঃ সুতেভ্যঃ ॥ 20॥

নিঃক্ষত্রিযাং অকৃত গাং চ ত্রিঃসপ্তকৃত্বঃ
রামঃ তু হৈহযকুল অপি অযভার্গব অগ্নিঃ ।
সঃ অব্ধিং ববন্ধ দশবক্ত্রং অহন্ সলঙ্কম্
সীতাপতিঃ জযতি লোকং অলঘ্নকীর্তিঃ ॥ 21॥

ভূমেঃ ভর অবতরণায যদুষি অজন্মা জাতঃ
করিষ্যতি সুরৈঃ অপি দুষ্করাণি ।
বাদৈঃ বিমোহযতি যজ্ঞকৃতঃ অতদর্হান্
শূদ্রাং কলৌ ক্ষিতিভুজঃ ন্যহনিষ্যদন্তে ॥ 22॥

এবংবিধানি কর্মাণি জন্মানি চ জগত্ পতেঃ ।
ভূরীণি ভূরিযশসঃ বর্ণিতানি মহাভুজ ॥ 23॥