ଶ୍ରୀ ଵେଙ୍କଟେଶ୍ଵର ସହସ୍ରନାମ ସ୍ତୋତ୍ରମ୍

ଇତି କଵଚଂ ଚକ୍ରଗଦାଧର ଇତ୍ଯସ୍ତ୍ରଂ ସାମଗାନମିତି ହୃଦଯଂ ଓଁ ନମୋ ଵେଙ୍କଟେଶାଯେତ୍ଯାଦିର୍ମନ୍ତ୍ରଃ ଶ୍ରୀ ଵେଙ୍କଟେଶ ପ୍ରୀତ୍ଯର୍ଥେ ଜପେ ଵିନିଯୋଗଃ ॥ ଧ୍ଯାନମ୍ ଭାସ୍ଵଚ୍ଚନ୍ଦ୍ରମସୌ ଯଦୀଯନଯନେ ଭାର୍ଯା ଯଦୀଯା ରମା ଯସ୍ମାଦ୍ଵିଶ୍ଵସୃଡପ୍ଯଭୂଦ୍ଯମିକୁଲଂ ଯଦ୍ଧ୍ଯାନଯୁକ୍ତଂ ସଦା ନାଥୋ ଯୋ ଜଗତାଂ ନଗେନ୍ଦ୍ରଦୁହିତୁର୍ନାଥୋଽପି ଯଦ୍ଭକ୍ତିମାନ୍ ତାତୋ ଯୋ ମଦନସ୍ଯ ଯୋ ଦୁରିତହା ତଂ ଵେଙ୍କଟେଶଂ ଭଜେ ॥ ଊର୍ଧ୍ଵୌ ହସ୍ତୌ ଯଦୀଯୌ ସୁରରିପୁଦଲନେ ବିଭ୍ରତୌ ଶଙ୍ଖଚକ୍ରେ ସେଵ୍ଯାଵଙ୍ଘ୍ରୀ ସ୍ଵକୀଯାଵଭିଦଧଦଧରୋ ଦକ୍ଷିଣୋ ଯସ୍ଯ ପାଣିଃ । ତାଵନ୍ମାତ୍ରଂ ଭଵାବ୍ଧିଂ ଗମଯତି ଭଜତାମୂରୁଗୋ ଵାମପାଣିଃ ଶ୍ରୀଵତ୍ସାଙ୍କଶ୍ଚ ଲକ୍ଷ୍ମୀର୍ଯଦୁରସି ଲସତସ୍ତଂ ଭଜେ ଵେଙ୍କଟେଶମ୍ ॥ ଇତି ଧ୍ଯାଯନ୍ ଵେଙ୍କଟେଶଂ ଶ୍ରୀଵତ୍ସାଙ୍କଂ ରମାପତିମ୍ । ଵେଙ୍କଟେଶୋ ଵିରୂପାକ୍ଷ ଇତ୍ଯାରଭ୍ଯ ଜପେତ୍କ୍ରମାତ୍ ॥ ସ୍ତୋତ୍ରଂ ଓଁ ଵେଙ୍କଟେଶୋ ଵିରୂପାକ୍ଷୋ ଵିଶ୍ଵେଶୋ ଵିଶ୍ଵଭାଵନଃ । ଵିଶ୍ଵସୃଡ୍ଵିଶ୍ଵସଂହର୍ତା ଵିଶ୍ଵପ୍ରାଣୋ ଵିରାଡ୍ଵପୁଃ ॥ 1 ॥ ଶେଷାଦ୍ରିନିଲଯୋଽଶେଷଭକ୍ତଦୁଃଖପ୍ରଣାଶନଃ । ଶେଷସ୍ତୁତ୍ଯଃ ଶେଷଶାଯୀ ଵିଶେଷଜ୍ଞୋ ଵିଭୁଃ ସ୍ଵଭୂଃ ॥ 2 ॥ ଵିଷ୍ଣୁର୍ଜିଷ୍ଣୁଶ୍ଚ ଵର୍ଧିଷ୍ଣୁରୁତ୍ସହିଷ୍ଣୁଃ ସହିଷ୍ଣୁକଃ । ଭ୍ରାଜିଷ୍ଣୁଶ୍ଚ ଗ୍ରସିଷ୍ଣୁଶ୍ଚ ଵର୍ତିଷ୍ଣୁଶ୍ଚ ଭରିଷ୍ଣୁକଃ ॥ 3 ॥ କାଲଯନ୍ତା କାଲଗୋପ୍ତା କାଲଃ କାଲାନ୍ତକୋଽଖିଲଃ । କାଲଗମ୍ଯଃ କାଲକଣ୍ଠଵନ୍ଦ୍ଯଃ କାଲକଲେଶ୍ଵରଃ ॥ 4 ॥ ଶମ୍ଭୁଃ ସ୍ଵଯମ୍ଭୂରମ୍ଭୋଜନାଭିଃ ସ୍ତମ୍ଭିତଵାରିଧିଃ । ଅମ୍ଭୋଧିନନ୍ଦିନୀଜାନିଃ ଶୋଣାମ୍ଭୋଜପଦପ୍ରଭଃ ॥ 5 ॥ କମ୍ବୁଗ୍ରୀଵଃ ଶମ୍ବରାରିରୂପଃ ଶମ୍ବରଜେକ୍ଷଣଃ । ବିମ୍ବାଧରୋ ବିମ୍ବରୂପୀ ପ୍ରତିବିମ୍ବକ୍ରିଯାତିଗଃ ॥ 6 ॥ ଗୁଣଵାନ୍ ଗୁଣଗମ୍ଯଶ୍ଚ ଗୁଣାତୀତୋ ଗୁଣପ୍ରିଯଃ । ଦୁର୍ଗୁଣଧ୍ଵଂସକୃତ୍ସର୍ଵସୁଗୁଣୋ ଗୁଣଭାସକଃ ॥ 7 ॥ ପରେଶଃ ପରମାତ୍ମା ଚ ପରଞ୍ଜ୍ଯୋତିଃ ପରା ଗତିଃ । ପରଂ ପଦଂ ଵିଯଦ୍ଵାସାଃ ପାରମ୍ପର୍ଯଶୁଭପ୍ରଦଃ ॥ 8 ॥ ବ୍ରହ୍ମାଣ୍ଡଗର୍ଭୋ ବ୍ରହ୍ମଣ୍ଯୋ ବ୍ରହ୍ମସୃଡ୍ବ୍ରହ୍ମବୋଧିତଃ । ବ୍ରହ୍ମସ୍ତୁତ୍ଯୋ ବ୍ରହ୍ମଵାଦୀ ବ୍ରହ୍ମଚର୍ଯପରାଯଣଃ ॥ 9 ॥ ସତ୍ଯଵ୍ରତାର୍ଥସନ୍ତୁଷ୍ଟଃ ସତ୍ଯରୂପୀ ଝଷାଙ୍ଗଵାନ୍ । ସୋମକପ୍ରାଣହାରୀ ଚାଽଽନୀତାମ୍ନାଯୋଽବ୍ଧିସଞ୍ଚରଃ ॥ 10 ॥ ଦେଵାସୁରଵରସ୍ତୁତ୍ଯଃ ପତନ୍ମନ୍ଦରଧାରକଃ । ଧନ୍ଵନ୍ତରିଃ କଚ୍ଛପାଙ୍ଗଃ ପଯୋନିଧିଵିମନ୍ଥକଃ ॥ 11 ॥ ଅମରାମୃତସନ୍ଧାତା ଧୃତସଂ‍ମୋହିନୀଵପୁଃ । ହରମୋହକମାଯାଵୀ ରକ୍ଷସ୍ସନ୍ଦୋହଭଞ୍ଜନଃ ॥ 12 ॥ ହିରଣ୍ଯାକ୍ଷଵିଦାରୀ ଚ ଯଜ୍ଞୋ ଯଜ୍ଞଵିଭାଵନଃ । ଯଜ୍ଞୀଯୋର୍ଵୀସମୁଦ୍ଧର୍ତା ଲୀଲାକ୍ରୋଡଃ ପ୍ରତାପଵାନ୍ ॥ 13 ॥ ଦଣ୍ଡକାସୁରଵିଧ୍ଵଂସୀ ଵକ୍ରଦଂଷ୍ଟ୍ରଃ କ୍ଷମାଧରଃ । ଗନ୍ଧର୍ଵଶାପହରଣଃ ପୁଣ୍ଯଗନ୍ଧୋ ଵିଚକ୍ଷଣଃ ॥ 14 ॥ କରାଲଵକ୍ତ୍ରଃ ସୋମାର୍କନେତ୍ରଃ ଷଡ୍ଗୁଣଵୈଭଵଃ । ଶ୍ଵେତଘୋଣୀ ଘୂର୍ଣିତଭ୍ରୂର୍ଘୁର୍ଘୁରଧ୍ଵନିଵିଭ୍ରମଃ ॥ 15 ॥ ଦ୍ରାଘୀଯାନ୍ ନୀଲକେଶୀ ଚ ଜାଗ୍ରଦମ୍ବୁଜଲୋଚନଃ । ଘୃଣାଵାନ୍ ଘୃଣିସମ୍ମୋହୋ ମହାକାଲାଗ୍ନିଦୀଧିତିଃ ॥ 16 ॥ ଜ୍ଵାଲାକରାଲଵଦନୋ ମହୋଲ୍କାକୁଲଵୀକ୍ଷଣଃ । ସଟାନିର୍ଭିନ୍ନମେଘୌଘୋ ଦଂଷ୍ଟ୍ରାରୁଗ୍ଵ୍ଯାପ୍ତଦିକ୍ତଟଃ ॥ 17 ॥ ଉଚ୍ଛ୍ଵାସାକୃଷ୍ଟଭୂତେଶୋ ନିଶ୍ଶ୍ଵାସତ୍ଯକ୍ତଵିଶ୍ଵସୃଟ୍ । ଅନ୍ତର୍ଭ୍ରମଜ୍ଜଗଦ୍ଗର୍ଭୋଽନନ୍ତୋ ବ୍ରହ୍ମକପାଲହୃତ୍ ॥ 18 ॥ ଉଗ୍ରୋ ଵୀରୋ ମହାଵିଷ୍ଣୁର୍ଜ୍ଵଲନଃ ସର୍ଵତୋମୁଖଃ । ନୃସିଂହୋ ଭୀଷଣୋ ଭଦ୍ରୋ ମୃତ୍ଯୁମୃତ୍ଯୁଃ ସନାତନଃ ॥ 19 ॥ ସଭାସ୍ତମ୍ଭୋଦ୍ଭଵୋ ଭୀମଃ ଶୀରୋମାଲୀ ମହେଶ୍ଵରଃ । ଦ୍ଵାଦଶାଦିତ୍ଯଚୂଡାଲଃ କଲ୍ପଧୂମସଟାଚ୍ଛଵିଃ ॥ 20 ॥ ହିରଣ୍ଯକୋରଃସ୍ଥଲଭିନ୍ନଖଃ ସିଂହମୁଖୋଽନଘଃ । ପ୍ରହ୍ଲାଦଵରଦୋ ଧୀମାନ୍ ଭକ୍ତସଙ୍ଘପ୍ରତିଷ୍ଠିତଃ ॥ 21 ॥ ବ୍ରହ୍ମରୁଦ୍ରାଦିସଂସେଵ୍ଯଃ ସିଦ୍ଧସାଧ୍ଯପ୍ରପୂଜିତଃ । ଲକ୍ଷ୍ମୀନୃସିଂହୋ ଦେଵେଶୋ ଜ୍ଵାଲାଜିହ୍ଵାନ୍ତ୍ରମାଲିକଃ ॥ 22 ॥ ଖଡ୍ଗୀ ଖେଟୀ ମହେଷ୍ଵାସୀ କପାଲୀ ମୁସଲୀ ହଲୀ । ପାଶୀ ଶୂଲୀ ମହାବାହୁର୍ଜ୍ଵରଘ୍ନୋ ରୋଗଲୁଣ୍ଠକଃ ॥ 23 ॥ ମୌଞ୍ଜୀଯୁକ୍ ଛାତ୍ରକୋ ଦଣ୍ଡୀ କୃଷ୍ଣାଜିନଧରୋ ଵଟୁଃ । ଅଧୀତଵେଦୋ ଵେଦାନ୍ତୋଦ୍ଧାରକୋ ବ୍ରହ୍ମନୈଷ୍ଠିକଃ ॥ 24 ॥ ଅହୀନଶଯନପ୍ରୀତଃ ଆଦିତେଯୋଽନଘୋ ହରିଃ । ସଂଵିତ୍ପ୍ରିଯଃ ସାମଵେଦ୍ଯୋ ବଲିଵେଶ୍ମପ୍ରତିଷ୍ଠିତଃ ॥ 25 ॥ ବଲିକ୍ଷାଲିତପାଦାବ୍ଜୋ ଵିନ୍ଧ୍ଯାଵଲିଵିମାନିତଃ । ତ୍ରିପାଦଭୂମିସ୍ଵୀକର୍ତା ଵିଶ୍ଵରୂପପ୍ରଦର୍ଶକଃ ॥ 26 ॥ ଧୃତତ୍ରିଵିକ୍ରମଃ ସ୍ଵାଙ୍ଘ୍ରିନଖଭିନ୍ନାଣ୍ଡଖର୍ପରଃ । ପଜ୍ଜାତଵାହିନୀଧାରାପଵିତ୍ରିତଜଗତ୍ତ୍ରଯଃ ॥ 27 ॥ ଵିଧିସମ୍ମାନିତଃ ପୁଣ୍ଯୋ ଦୈତ୍ଯଯୋଦ୍ଧା ଜଯୋର୍ଜିତଃ । ସୁରରାଜ୍ଯପ୍ରଦଃ ଶୁକ୍ରମଦହୃତ୍ସୁଗତୀଶ୍ଵରଃ ॥ 28 ॥ ଜାମଦଗ୍ନ୍ଯଃ କୁଠାରୀ ଚ କାର୍ତଵୀର୍ଯଵିଦାରଣଃ । ରେଣୁକାଯାଃ ଶିରୋହାରୀ ଦୁଷ୍ଟକ୍ଷତ୍ରିଯମର୍ଦନଃ ॥ 29 ॥ ଵର୍ଚସ୍ଵୀ ଦାନଶୀଲଶ୍ଚ ଧନୁଷ୍ମାନ୍ ବ୍ରହ୍ମଵିତ୍ତମଃ । ଅତ୍ଯୁଦଗ୍ରଃ ସମଗ୍ରଶ୍ଚ ନ୍ଯଗ୍ରୋଧୋ ଦୁଷ୍ଟନିଗ୍ରହଃ ॥ 30 ॥ ରଵିଵଂଶସମୁଦ୍ଭୂତୋ ରାଘଵୋ ଭରତାଗ୍ରଜଃ । କୌସଲ୍ଯାତନଯୋ ରାମୋ ଵିଶ୍ଵାମିତ୍ରପ୍ରିଯଙ୍କରଃ ॥ 31 ॥ ତାଟକାରିଃ ସୁବାହୁଘ୍ନୋ ବଲାତିବଲମନ୍ତ୍ରଵାନ୍ । ଅହଲ୍ଯାଶାପଵିଚ୍ଛେଦୀ ପ୍ରଵିଷ୍ଟଜନକାଲଯଃ ॥ 32 ॥ ସ୍ଵଯଂଵରସଭାସଂସ୍ଥ ଈଶଚାପପ୍ରଭଞ୍ଜନଃ । ଜାନକୀପରିଣେତା ଚ ଜନକାଧୀଶସଂସ୍ତୁତଃ ॥ 33 ॥ ଜମଦଗ୍ନିତନୂଜାତଯୋଦ୍ଧାଽଯୋଧ୍ଯାଧିପାଗ୍ରଣୀଃ । ପିତୃଵାକ୍ଯପ୍ରତୀପାଲସ୍ତ୍ଯକ୍ତରାଜ୍ଯଃ ସଲକ୍ଷ୍ମଣଃ ॥ 34 ॥ ସସୀତଶ୍ଚିତ୍ରକୂଟସ୍ଥୋ ଭରତାହିତରାଜ୍ଯକଃ । କାକଦର୍ପପ୍ରହର୍ତା ଚ ଦଣ୍ଡକାରଣ୍ଯଵାସକଃ ॥ 35 ॥ ପଞ୍ଚଵଟ୍ଯାଂ ଵିହାରୀ ଚ ସ୍ଵଧର୍ମପରିପୋଷକଃ । ଵିରାଧହାଽଗସ୍ତ୍ଯମୁଖ୍ଯମୁନିସମ୍ମାନିତଃ ପୁମାନ୍ ॥ 36 ॥ ଇନ୍ଦ୍ରଚାପଧରଃ ଖଡ୍ଗଧରଶ୍ଚାକ୍ଷଯସାଯକଃ । ଖରାନ୍ତକୋ ଦୂଷଣାରିସ୍ତ୍ରିଶିରସ୍କରିପୁର୍ଵୃଷଃ ॥ 37 ॥ ତତଃ ଶୂର୍ପଣଖାନାସାଚ୍ଛେତ୍ତା ଵଲ୍କଲଧାରକଃ । ଜଟାଵାନ୍ ପର୍ଣଶାଲାସ୍ଥୋ ମାରୀଚବଲମର୍ଦକଃ ॥ 38 ॥ ପକ୍ଷିରାଟ୍କୃତସଂଵାଦୋ ରଵିତେଜା ମହାବଲଃ । ଶବର୍ଯାନୀତଫଲଭୁକ୍ ହନୂମତ୍ପରିତୋଷିତଃ ॥ 39 ॥ ସୁଗ୍ରୀଵାଽଭଯଦୋ ଦୈତ୍ଯକାଯକ୍ଷେପଣଭାସୁରଃ । ସପ୍ତତାଲସମୁଚ୍ଛେତ୍ତା ଵାଲିହୃତ୍କପିସଂଵୃତଃ ॥ 40 ॥ ଵାଯୁସୂନୁକୃତାସେଵସ୍ତ୍ଯକ୍ତପମ୍ପଃ କୁଶାସନଃ । ଉଦନ୍ଵତ୍ତୀରଗଃ ଶୂରୋ ଵିଭୀଷଣଵରପ୍ରଦଃ ॥ 41 ॥ ସେତୁକୃଦ୍ଦୈତ୍ଯହା ପ୍ରାପ୍ତଲଙ୍କୋଽଲଙ୍କାରଵାନ୍ ସ୍ଵଯମ୍ । ଅତିକାଯଶିରଶ୍ଛେତ୍ତା କୁମ୍ଭକର୍ଣଵିଭେଦନଃ ॥ 42 ॥ ଦଶକଣ୍ଠଶିରୋଧ୍ଵଂସୀ ଜାମ୍ବଵତ୍ପ୍ରମୁଖାଵୃତଃ । ଜାନକୀଶଃ ସୁରାଧ୍ଯକ୍ଷଃ ସାକେତେଶଃ ପୁରାତନଃ ॥ 43 ॥ ପୁଣ୍ଯଶ୍ଲୋକୋ ଵେଦଵେଦ୍ଯଃ ସ୍ଵାମିତୀର୍ଥନିଵାସକଃ । ଲକ୍ଷ୍ମୀସରଃକେଲିଲୋଲୋ ଲକ୍ଷ୍ମୀଶୋ ଲୋକରକ୍ଷକଃ ॥ 44 ॥ ଦେଵକୀଗର୍ଭସମ୍ଭୂତୋ ଯଶୋଦେକ୍ଷଣଲାଲିତଃ । ଵସୁଦେଵକୃତସ୍ତୋତ୍ରୋ ନନ୍ଦଗୋପମନୋହରଃ ॥ 45 ॥ ଚତୁର୍ଭୁଜଃ କୋମଲାଙ୍ଗୋ ଗଦାଵାନ୍ନୀଲକୁନ୍ତଲଃ । ପୂତନାପ୍ରାଣସଂହର୍ତା ତୃଣାଵର୍ତଵିନାଶନଃ ॥ 46 ॥ ଗର୍ଗାରୋପିତନାମାଙ୍କୋ ଵାସୁଦେଵୋ ହ୍ଯଧୋକ୍ଷଜଃ । ଗୋପିକାସ୍ତନ୍ଯପାଯୀ ଚ ବଲଭଦ୍ରାନୁଜୋଽଚ୍ଯୁତଃ ॥ 47 ॥ ଵୈଯାଘ୍ରନଖଭୂଷଶ୍ଚ ଵତ୍ସଜିଦ୍ଵତ୍ସଵର୍ଧନଃ । କ୍ଷୀରସାରାଶନରତୋ ଦଧିଭାଣ୍ଡପ୍ରମର୍ଦନଃ ॥ 48 ॥ ନଵନୀତାପହର୍ତା ଚ ନୀଲନୀରଦଭାସୁରଃ । ଆଭୀରଦୃଷ୍ଟଦୌର୍ଜନ୍ଯୋ ନୀଲପଦ୍ମନିଭାନନଃ ॥ 49 ॥ ମାତୃଦର୍ଶିତଵିଶ୍ଵାଽଽସ୍ଯ ଉଲୂଖଲନିବନ୍ଧନଃ । ନଲକୂବରଶାପାନ୍ତୋ ଗୋଧୂଲିଚ୍ଛୁରିତାଙ୍ଗକଃ ॥ 50 ॥ ଗୋସଙ୍ଘରକ୍ଷକଃ ଶ୍ରୀଶୋ ବୃନ୍ଦାରଣ୍ଯନିଵାସକଃ । ଵତ୍ସାନ୍ତକୋ ବକଦ୍ଵେଷୀ ଦୈତ୍ଯାମ୍ବୁଦମହାନିଲଃ ॥ 51 ॥ ମହାଜଗରଚଣ୍ଡାଗ୍ନିଃ ଶକଟପ୍ରାଣକଣ୍ଟକଃ । ଇନ୍ଦ୍ରସେଵ୍ଯଃ ପୁଣ୍ଯଗାତ୍ରଃ ଖରଜିଚ୍ଚଣ୍ଡଦୀଧିତିଃ ॥ 52 ॥ ତାଲପକ୍ଵଫଲାଶୀ ଚ କାଲୀଯଫଣିଦର୍ପହା । ନାଗପତ୍ନୀସ୍ତୁତିପ୍ରୀତଃ ପ୍ରଲମ୍ବାସୁରଖଣ୍ଡନଃ ॥ 53 ॥ ଦାଵାଗ୍ନିବଲସଂହାରୀ ଫଲାହାରୀ ଗଦାଗ୍ରଜଃ । ଗୋପାଙ୍ଗନାଚେଲଚୋରଃ ପାଥୋଲୀଲାଵିଶାରଦଃ ॥ 54 ॥ ଵଂଶଗାନପ୍ରଵୀଣଶ୍ଚ ଗୋପୀହସ୍ତାମ୍ବୁଜାର୍ଚିତଃ । ମୁନିପତ୍ନ୍ଯାହୃତାହାରୋ ମୁନିଶ୍ରେଷ୍ଠୋ ମୁନିପ୍ରିଯଃ ॥ 55 ॥ ଗୋଵର୍ଧନାଦ୍ରିସନ୍ଧର୍ତା ସଙ୍କ୍ରନ୍ଦନତମୋଽପହଃ । ସଦୁଦ୍ଯାନଵିଲାସୀ ଚ ରାସକ୍ରୀଡାପରାଯଣଃ ॥ 56 ॥ ଵରୁଣାଭ୍ଯର୍ଚିତୋ ଗୋପୀପ୍ରାର୍ଥିତଃ ପୁରୁଷୋତ୍ତମଃ । ଅକ୍ରୂରସ୍ତୁତିସମ୍ପ୍ରୀତଃ କୁବ୍ଜାଯୌଵନଦାଯକଃ ॥ 57 ॥ ମୁଷ୍ଟିକୋରଃପ୍ରହାରୀ ଚ ଚାଣୂରୋଦରଦାରଣଃ । ମଲ୍ଲଯୁଦ୍ଧାଗ୍ରଗଣ୍ଯଶ୍ଚ ପିତୃବନ୍ଧନମୋଚକଃ ॥ 58 ॥ ମତ୍ତମାତଙ୍ଗପଞ୍ଚାସ୍ଯଃ କଂସଗ୍ରୀଵାନିକୃନ୍ତନଃ । ଉଗ୍ରସେନପ୍ରତିଷ୍ଠାତା ରତ୍ନସିଂହାସନସ୍ଥିତଃ ॥ 59 ॥ କାଲନେମିଖଲଦ୍ଵେଷୀ ମୁଚୁକୁନ୍ଦଵରପ୍ରଦଃ । ସାଲ୍ଵସେଵିତଦୁର୍ଧର୍ଷରାଜସ୍ମଯନିଵାରଣଃ ॥ 60 ॥ ରୁକ୍ମିଗର୍ଵାପହାରୀ ଚ ରୁକ୍ମିଣୀନଯନୋତ୍ସଵଃ । ପ୍ରଦ୍ଯୁମ୍ନଜନକଃ କାମୀ ପ୍ରଦ୍ଯୁମ୍ନୋ ଦ୍ଵାରକାଧିପଃ ॥ 61 ॥ ମଣ୍ଯାହର୍ତା ମହାମାଯୋ ଜାମ୍ବଵତ୍କୃତସଙ୍ଗରଃ । ଜାମ୍ବୂନଦାମ୍ବରଧରୋ ଗମ୍ଯୋ ଜାମ୍ବଵତୀଵିଭୁଃ ॥ 62 ॥ କାଲିନ୍ଦୀପ୍ରଥିତାରାମକେଲିର୍ଗୁଞ୍ଜାଵତଂସକଃ । ମନ୍ଦାରସୁମନୋଭାସ୍ଵାନ୍ ଶଚୀଶାଭୀଷ୍ଟଦାଯକଃ ॥ 63 ॥ ସତ୍ରାଜିନ୍ମାନସୋଲ୍ଲାସୀ ସତ୍ଯାଜାନିଃ ଶୁଭାଵହଃ । ଶତଧନ୍ଵହରଃ ସିଦ୍ଧଃ ପାଣ୍ଡଵପ୍ରିଯକୋତ୍ସଵଃ ॥ 64 ॥ ଭଦ୍ରପ୍ରିଯଃ ସୁଭଦ୍ରାଯା ଭ୍ରାତା ନାଗ୍ନାଜିତୀଵିଭୁଃ । କିରୀଟକୁଣ୍ଡଲଧରଃ କଲ୍ପପଲ୍ଲଵଲାଲିତଃ ॥ 65 ॥ ଭୈଷ୍ମୀପ୍ରଣଯଭାଷାଵାନ୍ ମିତ୍ରଵିନ୍ଦାଧିପୋଽଭଯଃ । ସ୍ଵମୂର୍ତିକେଲିସମ୍ପ୍ରୀତୋ ଲକ୍ଷ୍ମଣୋଦାରମାନସଃ ॥ 66 ॥ ପ୍ରାଗ୍ଜ୍ଯୋତିଷାଧିପଧ୍ଵଂସୀ ତତ୍ସୈନ୍ଯାନ୍ତକରୋଽମୃତଃ । ଭୂମିସ୍ତୁତୋ ଭୂରିଭୋଗୋ ଭୂଷଣାମ୍ବରସଂଯୁତଃ ॥ 67 ॥ ବହୁରାମାକୃତାହ୍ଲାଦୋ ଗନ୍ଧମାଲ୍ଯାନୁଲେପନଃ । ନାରଦାଦୃଷ୍ଟଚରିତୋ ଦେଵେଶୋ ଵିଶ୍ଵରାଡ୍ଗୁରୁଃ ॥ 68 ॥ ବାଣବାହୁଵିଦାରଶ୍ଚ ତାପଜ୍ଵରଵିନାଶକଃ । ଉଷୋଦ୍ଧର୍ଷଯିତାଽଵ୍ଯକ୍ତଃ ଶିଵଵାକ୍ତୁଷ୍ଟମାନସଃ ॥ 69 ॥ ମହେଶଜ୍ଵରସଂସ୍ତୁତ୍ଯଃ ଶୀତଜ୍ଵରଭଯାନ୍ତକଃ । ନୃଗରାଜୋଦ୍ଧାରକଶ୍ଚ ପୌଣ୍ଡ୍ରକାଦିଵଧୋଦ୍ଯତଃ ॥ 70 ॥ ଵିଵିଧାରିଚ୍ଛଲୋଦ୍ଵିଗ୍ନବ୍ରାହ୍ମଣେଷୁ ଦଯାପରଃ । ଜରାସନ୍ଧବଲଦ୍ଵେଷୀ କେଶିଦୈତ୍ଯଭଯଙ୍କରଃ ॥ 71 ॥ ଚକ୍ରୀ ଚୈଦ୍ଯାନ୍ତକଃ ସଭ୍ଯୋ ରାଜବନ୍ଧଵିମୋଚକଃ । ରାଜସୂଯହଵିର୍ଭୋକ୍ତା ସ୍ନିଗ୍ଧାଙ୍ଗଃ ଶୁଭଲକ୍ଷଣଃ ॥ 72 ॥ ଧାନାଭକ୍ଷଣସମ୍ପ୍ରୀତଃ କୁଚେଲାଭୀଷ୍ଟଦାଯକଃ । ସତ୍ତ୍ଵାଦିଗୁଣଗମ୍ଭୀରୋ ଦ୍ରୌପଦୀମାନରକ୍ଷକଃ ॥ 73 ॥ ଭୀଷ୍ମଧ୍ଯେଯୋ ଭକ୍ତଵଶ୍ଯୋ ଭୀମପୂଜ୍ଯୋ ଦଯାନିଧିଃ । ଦନ୍ତଵକ୍ତ୍ରଶିରଶ୍ଛେତ୍ତା କୃଷ୍ଣଃ କୃଷ୍ଣାସଖଃ ସ୍ଵରାଟ୍ ॥ 74 ॥ ଵୈଜଯନ୍ତୀପ୍ରମୋଦୀ ଚ ବର୍ହିବର୍ହଵିଭୂଷଣଃ । ପାର୍ଥକୌରଵସନ୍ଧାନକାରୀ ଦୁଶ୍ଶାସନାନ୍ତକଃ ॥ 75 ॥ ବୁଦ୍ଧୋ ଵିଶୁଦ୍ଧଃ ସର୍ଵଜ୍ଞଃ କ୍ରତୁହିଂସାଵିନିନ୍ଦକଃ । ତ୍ରିପୁରସ୍ତ୍ରୀମାନଭଙ୍ଗଃ ସର୍ଵଶାସ୍ତ୍ରଵିଶାରଦଃ ॥ 76 ॥ ନିର୍ଵିକାରୋ ନିର୍ମମଶ୍ଚ ନିରାଭାସୋ ନିରାମଯଃ । ଜଗନ୍ମୋହକଧର୍ମୀ ଚ ଦିଗ୍ଵସ୍ତ୍ରୋ ଦିକ୍ପତୀଶ୍ଵରଃ ॥ 77 ॥ କଲ୍କୀ ମ୍ଲେଚ୍ଛପ୍ରହର୍ତା ଚ ଦୁଷ୍ଟନିଗ୍ରହକାରକଃ । ଧର୍ମପ୍ରତିଷ୍ଟାକାରୀ ଚ ଚାତୁର୍ଵର୍ଣ୍ଯଵିଭାଗକୃତ୍ ॥ 78 ॥ ଯୁଗାନ୍ତକୋ ଯୁଗାକ୍ରାନ୍ତୋ ଯୁଗକୃଦ୍ଯୁଗଭାସକଃ । କାମାରିଃ କାମକାରୀ ଚ ନିଷ୍କାମଃ କାମିତାର୍ଥଦଃ ॥ 79 ॥ ଭର୍ଗୋ ଵରେଣ୍ଯଃ ସଵିତୁଃ ଶାର୍ଙ୍ଗୀ ଵୈକୁଣ୍ଠମନ୍ଦିରଃ । ହଯଗ୍ରୀଵଃ କୈଟଭାରିଃ ଗ୍ରାହଘ୍ନୋ ଗଜରକ୍ଷକଃ ॥ 80 ॥ ସର୍ଵସଂଶଯଵିଚ୍ଛେତ୍ତା ସର୍ଵଭକ୍ତସମୁତ୍ସୁକଃ । କପର୍ଦୀ କାମହାରୀ ଚ କଲା କାଷ୍ଠା ସ୍ମୃତିର୍ଧୃତିଃ ॥ 81 ॥ ଅନାଦିରପ୍ରମେଯୌଜାଃ ପ୍ରଧାନଃ ସନ୍ନିରୂପକଃ । ନିର୍ଲେପୋ ନିଃସ୍ପୃହୋଽସଙ୍ଗୋ ନିର୍ଭଯୋ ନୀତିପାରଗଃ ॥ 82 ॥ ନିଷ୍ପ୍ରେଷ୍ଯୋ ନିଷ୍କ୍ରିଯଃ ଶାନ୍ତୋ ନିଷ୍ପ୍ରପଞ୍ଚୋ ନିଧିର୍ନଯଃ କର୍ମ୍ଯକର୍ମୀ ଵିକର୍ମୀ ଚ କର୍ମେପ୍ସୁଃ କର୍ମଭାଵନଃ ॥ 83 ॥ କର୍ମାଙ୍ଗଃ କର୍ମଵିନ୍ଯାସୋ ମହାକର୍ମୀ ମହାଵ୍ରତୀ । କର୍ମଭୁକ୍କର୍ମଫଲଦଃ କର୍ମେଶଃ କର୍ମନିଗ୍ରହଃ ॥ 84 ॥ ନରୋ ନାରାଯଣୋ ଦାନ୍ତଃ କପିଲଃ କାମଦଃ ଶୁଚିଃ । ତପ୍ତା ଜପ୍ତାଽକ୍ଷମାଲାଵାନ୍ ଗନ୍ତା ନେତା ଲଯୋ ଗତିଃ ॥ 85 ॥ ଶିଷ୍ଟୋ ଦ୍ରଷ୍ଟା ରିପୁଦ୍ଵେଷ୍ଟା ରୋଷ୍ଟା ଵେଷ୍ଟା ମହାନଟଃ । ରୋଦ୍ଧା ବୋଦ୍ଧା ମହାଯୋଦ୍ଧା ଶ୍ରଦ୍ଧାଵାନ୍ ସତ୍ଯଧୀଃ ଶୁଭଃ ॥ 86 ॥ ମନ୍ତ୍ରୀ ମନ୍ତ୍ରୋ ମନ୍ତ୍ରଗମ୍ଯୋ ମନ୍ତ୍ରକୃତ୍ପରମନ୍ତ୍ରହୃତ୍ । ମନ୍ତ୍ରଭୃନ୍ମନ୍ତ୍ରଫଲଦୋ ମନ୍ତ୍ରେଶୋ ମନ୍ତ୍ରଵିଗ୍ରହଃ ॥ 87 ॥ ମନ୍ତ୍ରାଙ୍ଗୋ ମନ୍ତ୍ରଵିନ୍ଯାସୋ ମହାମନ୍ତ୍ରୋ ମହାକ୍ରମଃ । ସ୍ଥିରଧୀଃ ସ୍ଥିରଵିଜ୍ଞାନଃ ସ୍ଥିରପ୍ରଜ୍ଞଃ ସ୍ଥିରାସନଃ ॥ 88 ॥ ସ୍ଥିରଯୋଗଃ ସ୍ଥିରାଧାରଃ ସ୍ଥିରମାର୍ଗଃ ସ୍ଥିରାଗମଃ । ନିଶ୍ଶ୍ରେଯସୋ ନିରୀହୋଽଗ୍ନିର୍ନିରଵଦ୍ଯୋ ନିରଞ୍ଜନଃ ॥ 89 ॥ ନିର୍ଵୈରୋ ନିରହଙ୍କାରୋ ନିର୍ଦମ୍ଭୋ ନିରସୂଯକଃ । ଅନନ୍ତୋଽନନ୍ତବାହୂରୁରନନ୍ତାଙ୍ଘ୍ରିରନନ୍ତଦୃକ୍ ॥ 90 ॥ ଅନନ୍ତଵକ୍ତ୍ରୋଽନନ୍ତାଙ୍ଗୋଽନନ୍ତରୂପୋ ହ୍ଯନନ୍ତକୃତ୍ । ଊର୍ଧ୍ଵରେତା ଊର୍ଧ୍ଵଲିଙ୍ଗୋ ହ୍ଯୂର୍ଧ୍ଵମୂର୍ଧୋର୍ଧ୍ଵଶାଖକଃ ॥ 91 ॥ ଊର୍ଧ୍ଵ ଊର୍ଧ୍ଵାଧ୍ଵରକ୍ଷୀ ଚ ହ୍ଯୂର୍ଧ୍ଵଜ୍ଵାଲୋ ନିରାକୁଲଃ । ବୀଜଂ ବୀଜପ୍ରଦୋ ନିତ୍ଯୋ ନିଦାନଂ ନିଷ୍କୃତିଃ କୃତୀ ॥ 92 ॥ ମହାନଣୀଯନ୍ ଗରିମା ସୁଷମା ଚିତ୍ରମାଲିକଃ । ନଭଃ ସ୍ପୃଙ୍ନଭସୋ ଜ୍ଯୋତିର୍ନଭସ୍ଵାନ୍ନିର୍ନଭା ନଭଃ ॥ 93 ॥ ଅଭୁର୍ଵିଭୁଃ ପ୍ରଭୁଃ ଶମ୍ଭୁର୍ମହୀଯାନ୍ ଭୂର୍ଭୁଵାକୃତିଃ । ମହାନନ୍ଦୋ ମହାଶୂରୋ ମହୋରାଶିର୍ମହୋତ୍ସଵଃ ॥ 94 ॥ ମହାକ୍ରୋଧୋ ମହାଜ୍ଵାଲୋ ମହାଶାନ୍ତୋ ମହାଗୁଣଃ । ସତ୍ଯଵ୍ରତଃ ସତ୍ଯପରଃ ସତ୍ଯସନ୍ଧଃ ସତାଂ ଗତିଃ ॥ 95 ॥ ସତ୍ଯେଶଃ ସତ୍ଯସଙ୍କଲ୍ପଃ ସତ୍ଯଚାରିତ୍ରଲକ୍ଷଣଃ । ଅନ୍ତଶ୍ଚରୋ ହ୍ଯନ୍ତରାତ୍ମା ପରମାତ୍ମା ଚିଦାତ୍ମକଃ ॥ 96 ॥ ରୋଚନୋ ରୋଚମାନଶ୍ଚ ସାକ୍ଷୀ ଶୌରିର୍ଜନାର୍ଦନଃ । ମୁକୁନ୍ଦୋ ନନ୍ଦନିଷ୍ପନ୍ଦଃ ସ୍ଵର୍ଣବିନ୍ଦୁଃ ପୁରନ୍ଦରଃ ॥ 97 ॥ ଅରିନ୍ଦମଃ ସୁମନ୍ଦଶ୍ଚ କୁନ୍ଦମନ୍ଦାରହାସଵାନ୍ । ସ୍ଯନ୍ଦନାରୂଢଚଣ୍ଡାଙ୍ଗୋ ହ୍ଯାନନ୍ଦୀ ନନ୍ଦନନ୍ଦନଃ ॥ 98 ॥ ଅନସୂଯାନନ୍ଦନୋଽତ୍ରିନେତ୍ରାନନ୍ଦଃ ସୁନନ୍ଦଵାନ୍ । ଶଙ୍ଖଵାନ୍ପଙ୍କଜକରଃ କୁଙ୍କୁମାଙ୍କୋ ଜଯାଙ୍କୁଶଃ ॥ 99 ॥ ଅମ୍ଭୋଜମକରନ୍ଦାଢ୍ଯୋ ନିଷ୍ପଙ୍କୋଽଗରୁପଙ୍କିଲଃ । ଇନ୍ଦ୍ରଶ୍ଚନ୍ଦ୍ରରଥଶ୍ଚନ୍ଦ୍ରୋଽତିଚନ୍ଦ୍ରଶ୍ଚନ୍ଦ୍ରଭାସକଃ ॥ 100 ॥ ଉପେନ୍ଦ୍ର ଇନ୍ଦ୍ରରାଜଶ୍ଚ ଵାଗିନ୍ଦ୍ରଶ୍ଚନ୍ଦ୍ରଲୋଚନଃ । ପ୍ରତ୍ଯକ୍ ପରାକ୍ ପରନ୍ଧାମ ପରମାର୍ଥଃ ପରାତ୍ପରଃ ॥ 101 ॥ ଅପାରଵାକ୍ ପାରଗାମୀ ପାରାଵାରଃ ପରାଵରଃ । ସହସ୍ଵାନର୍ଥଦାତା ଚ ସହନଃ ସାହସୀ ଜଯୀ ॥ 102 ॥ ତେଜସ୍ଵୀ ଵାଯୁଵିଶିଖୀ ତପସ୍ଵୀ ତାପସୋତ୍ତମଃ । ଐଶ୍ଵର୍ଯୋଦ୍ଭୂତିକୃଦ୍ଭୂତିରୈଶ୍ଵର୍ଯାଙ୍ଗକଲାପଵାନ୍ ॥ 103 ॥ ଅମ୍ଭୋଧିଶାଯୀ ଭଗଵାନ୍ ସର୍ଵଜ୍ଞଃ ସାମପାରଗଃ । ମହାଯୋଗୀ ମହାଧୀରୋ ମହାଭୋଗୀ ମହାପ୍ରଭୁଃ ॥ 104 ॥ ମହାଵୀରୋ ମହାତୁଷ୍ଟିର୍ମହାପୁଷ୍ଟିର୍ମହାଗୁଣଃ । ମହାଦେଵୋ ମହାବାହୁର୍ମହାଧର୍ମୋ ମହେଶ୍ଵରଃ ॥ 105 ॥ ସମୀପଗୋ ଦୂରଗାମୀ ସ୍ଵର୍ଗମାର୍ଗନିରର୍ଗଲଃ । ନଗୋ ନଗଧରୋ ନାଗୋ ନାଗେଶୋ ନାଗପାଲକଃ ॥ 106 ॥ ହିରଣ୍ମଯଃ ସ୍ଵର୍ଣରେତା ହିରଣ୍ଯାର୍ଚିର୍ହିରଣ୍ଯଦଃ । ଗୁଣଗଣ୍ଯଃ ଶରଣ୍ଯଶ୍ଚ ପୁଣ୍ଯକୀର୍ତିଃ ପୁରାଣଗଃ ॥ 107 ॥ ଜନ୍ଯଭୃଜ୍ଜନ୍ଯସନ୍ନଦ୍ଧୋ ଦିଵ୍ଯପଞ୍ଚାଯୁଧୋ ଵଶୀ । ଦୌର୍ଜନ୍ଯଭଙ୍ଗଃ ପର୍ଜନ୍ଯଃ ସୌଜନ୍ଯନିଲଯୋଽଲଯଃ ॥ 108 ॥ ଜଲନ୍ଧରାନ୍ତକୋ ଭସ୍ମଦୈତ୍ଯନାଶୀ ମହାମନାଃ । ଶ୍ରେଷ୍ଠଃ ଶ୍ରଵିଷ୍ଠୋ ଦ୍ରାଘିଷ୍ଠୋ ଗରିଷ୍ଠୋ ଗରୁଡଧ୍ଵଜଃ ॥ 109 ॥ ଜ୍ଯେଷ୍ଠୋ ଦ୍ରଢିଷ୍ଠୋ ଵର୍ଷିଷ୍ଠୋ ଦ୍ରାଘୀଯାନ୍ ପ୍ରଣଵଃ ଫଣୀ । ସମ୍ପ୍ରଦାଯକରଃ ସ୍ଵାମୀ ସୁରେଶୋ ମାଧଵୋ ମଧୁଃ ॥ 110 ॥ ନିର୍ନିମେଷୋ ଵିଧିର୍ଵେଧା ବଲଵାନ୍ ଜୀଵନଂ ବଲୀ । ସ୍ମର୍ତା ଶ୍ରୋତା ଵିକର୍ତା ଚ ଧ୍ଯାତା ନେତା ସମୋଽସମଃ ॥ 111 ॥ ହୋତା ପୋତା ମହାଵକ୍ତା ରନ୍ତା ମନ୍ତା ଖଲାନ୍ତକଃ । ଦାତା ଗ୍ରାହଯିତା ମାତା ନିଯନ୍ତାଽନନ୍ତଵୈଭଵଃ ॥ 112 ॥ ଗୋପ୍ତା ଗୋପଯିତା ହନ୍ତା ଧର୍ମଜାଗରିତା ଧଵଃ । କର୍ତା କ୍ଷେତ୍ରକରଃ କ୍ଷେତ୍ରପ୍ରଦଃ କ୍ଷେତ୍ରଜ୍ଞ ଆତ୍ମଵିତ୍ ॥ 113 ॥ କ୍ଷେତ୍ରୀ କ୍ଷେତ୍ରହରଃ କ୍ଷେତ୍ରପ୍ରିଯଃ କ୍ଷେମକରୋ ମରୁତ୍ । ଭକ୍ତିପ୍ରଦୋ ମୁକ୍ତିଦାଯୀ ଶକ୍ତିଦୋ ଯୁକ୍ତିଦାଯକଃ ॥ 114 ॥ ଶକ୍ତିଯୁଙ୍ମୌକ୍ତିକସ୍ରଗ୍ଵୀ ସୂକ୍ତିରାମ୍ନାଯସୂକ୍ତିଗଃ । ଧନଞ୍ଜଯୋ ଧନାଧ୍ଯକ୍ଷୋ ଧନିକୋ ଧନଦାଧିପଃ ॥ 115 ॥ ମହାଧନୋ ମହାମାନୀ ଦୁର୍ଯୋଧନଵିମାନିତଃ । ରତ୍ନାକରୋ ରତ୍ନରୋଚୀ ରତ୍ନଗର୍ଭାଶ୍ରଯଃ ଶୁଚିଃ ॥ 116 ॥ ରତ୍ନସାନୁନିଧିର୍ମୌଲିରତ୍ନଭା ରତ୍ନକଙ୍କଣଃ । ଅନ୍ତର୍ଲକ୍ଷ୍ଯୋଽନ୍ତରଭ୍ଯାସୀ ଚାନ୍ତର୍ଧ୍ଯେଯୋ ଜିତାସନଃ ॥ 117 ॥ ଅନ୍ତରଙ୍ଗୋ ଦଯାଵାଂଶ୍ଚ ହ୍ଯନ୍ତର୍ମାଯୋ ମହାର୍ଣଵଃ । ସରସଃ ସିଦ୍ଧରସିକଃ ସିଦ୍ଧିଃ ସାଧ୍ଯଃ ସଦାଗତିଃ ॥ 118 ॥ ଆଯୁଃପ୍ରଦୋ ମହାଯୁଷ୍ମାନର୍ଚିଷ୍ମାନୋଷଧୀପତିଃ । ଅଷ୍ଟଶ୍ରୀରଷ୍ଟଭାଗୋଽଷ୍ଟକକୁବ୍ଵ୍ଯାପ୍ତଯଶୋ ଵ୍ରତୀ ॥ 119 ॥ ଅଷ୍ଟାପଦଃ ସୁଵର୍ଣାଭୋ ହ୍ଯଷ୍ଟମୂର୍ତିସ୍ତ୍ରିମୂର୍ତିମାନ୍ । ଅସ୍ଵପ୍ନଃ ସ୍ଵପ୍ନଗଃ ସ୍ଵପ୍ନଃ ସୁସ୍ଵପ୍ନଫଲଦାଯକଃ ॥ 120 ॥ ଦୁଃସ୍ଵପ୍ନଧ୍ଵଂସକୋ ଧ୍ଵସ୍ତଦୁର୍ନିମିତ୍ତଃ ଶିଵଙ୍କରଃ । ସୁଵର୍ଣଵର୍ଣଃ ସମ୍ଭାଵ୍ଯୋ ଵର୍ଣିତୋ ଵର୍ଣସମ୍ମୁଖଃ ॥ 121 ॥ ସୁଵର୍ଣମୁଖରୀତୀରଶିଵଧ୍ଯାତପଦାମ୍ବୁଜଃ । ଦାକ୍ଷାଯଣୀଵଚସ୍ତୁଷ୍ଟୋ ଦୂର୍ଵାସୋଦୃଷ୍ଟିଗୋଚରଃ ॥ 122 ॥ ଅମ୍ବରୀଷଵ୍ରତପ୍ରୀତୋ ମହାକୃତ୍ତିଵିଭଞ୍ଜନଃ । ମହାଭିଚାରକଧ୍ଵଂସୀ କାଲସର୍ପଭଯାନ୍ତକଃ ॥ 123 ॥ ସୁଦର୍ଶନଃ କାଲମେଘଶ୍ଯାମଃ ଶ୍ରୀମନ୍ତ୍ରଭାଵିତଃ । ହେମାମ୍ବୁଜସରଃସ୍ନାଯୀ ଶ୍ରୀମନୋଭାଵିତାକୃତିଃ ॥ 124 ॥ ଶ୍ରୀପ୍ରଦତ୍ତାମ୍ବୁଜସ୍ରଗ୍ଵୀ ଶ୍ରୀକେଲିଃ ଶ୍ରୀନିଧିର୍ଭଵଃ । ଶ୍ରୀପ୍ରଦୋ ଵାମନୋ ଲକ୍ଷ୍ମୀନାଯକଶ୍ଚ ଚତୁର୍ଭୁଜଃ ॥ 125 ॥ ସନ୍ତୃପ୍ତସ୍ତର୍ପିତସ୍ତୀର୍ଥସ୍ନାତୃସୌଖ୍ଯପ୍ରଦର୍ଶକଃ । ଅଗସ୍ତ୍ଯସ୍ତୁତିସଂହୃଷ୍ଟୋ ଦର୍ଶିତାଵ୍ଯକ୍ତଭାଵନଃ ॥ 126 ॥ କପିଲାର୍ଚିଃ କପିଲଵାନ୍ ସୁସ୍ନାତାଘଵିପାଟନଃ । ଵୃଷାକପିଃ କପିସ୍ଵାମିମନୋଽନ୍ତଃସ୍ଥିତଵିଗ୍ରହଃ ॥ 127 ॥ ଵହ୍ନିପ୍ରିଯୋଽର୍ଥସମ୍ଭାଵ୍ଯୋ ଜନଲୋକଵିଧାଯକଃ । ଵହ୍ନିପ୍ରଭୋ ଵହ୍ନିତେଜାଃ ଶୁଭାଭୀଷ୍ଟପ୍ରଦୋ ଯମୀ ॥ 128 ॥ ଵାରୁଣକ୍ଷେତ୍ରନିଲଯୋ ଵରୁଣୋ ଵାରଣାର୍ଚିତଃ । ଵାଯୁସ୍ଥାନକୃତାଵାସୋ ଵାଯୁଗୋ ଵାଯୁସମ୍ଭୃତଃ ॥ 129 ॥ ଯମାନ୍ତକୋଽଭିଜନନୋ ଯମଲୋକନିଵାରଣଃ । ଯମିନାମଗ୍ରଗଣ୍ଯଶ୍ଚ ସଂଯମୀ ଯମଭାଵିତଃ ॥ 130 ॥ ଇନ୍ଦ୍ରୋଦ୍ଯାନସମୀପସ୍ଥଃ ଇନ୍ଦ୍ରଦୃଗ୍ଵିଷଯଃ ପ୍ରଭୁଃ । ଯକ୍ଷରାଟ୍ ସରସୀଵାସୋ ହ୍ଯକ୍ଷଯ୍ଯନିଧିକୋଶକୃତ୍ ॥ 131 ॥ ସ୍ଵାମିତୀର୍ଥକୃତାଵାସଃ ସ୍ଵାମିଧ୍ଯେଯୋ ହ୍ଯଧୋକ୍ଷଜଃ । ଵରାହାଦ୍ଯଷ୍ଟତୀର୍ଥାଭିସେଵିତାଙ୍ଘ୍ରିସରୋରୁହଃ ॥ 132 ॥ ପାଣ୍ଡୁତୀର୍ଥାଭିଷିକ୍ତାଙ୍ଗୋ ଯୁଧିଷ୍ଠିରଵରପ୍ରଦଃ । ଭୀମାନ୍ତଃକରଣାରୂଢଃ ଶ୍ଵେତଵାହନସଖ୍ଯଵାନ୍ ॥ 133 ॥ ନକୁଲାଭଯଦୋ ମାଦ୍ରୀସହଦେଵାଭିଵନ୍ଦିତଃ । କୃଷ୍ଣାଶପଥସନ୍ଧାତା କୁନ୍ତୀସ୍ତୁତିରତୋ ଦମୀ ॥ 134 ॥ ନାରଦାଦିମୁନିସ୍ତୁତ୍ଯୋ ନିତ୍ଯକର୍ମପରାଯଣଃ । ଦର୍ଶିତାଵ୍ଯକ୍ତରୂପଶ୍ଚ ଵୀଣାନାଦପ୍ରମୋଦିତଃ ॥ 135 ॥ ଷଟ୍କୋଟିତୀର୍ଥଚର୍ଯାଵାନ୍ ଦେଵତୀର୍ଥକୃତାଶ୍ରମଃ । ବିଲ୍ଵାମଲଜଲସ୍ନାଯୀ ସରସ୍ଵତ୍ଯମ୍ବୁସେଵିତଃ ॥ 136 ॥ ତୁମ୍ବୁରୂଦକସଂସ୍ପର୍ଶଜନଚିତ୍ତତମୋଽପହଃ । ମତ୍ସ୍ଯଵାମନକୂର୍ମାଦିତୀର୍ଥରାଜଃ ପୁରାଣଭୃତ୍ ॥ 137 ॥ ଚକ୍ରଧ୍ଯେଯପଦାମ୍ଭୋଜଃ ଶଙ୍ଖପୂଜିତପାଦୁକଃ । ରାମତୀର୍ଥଵିହାରୀ ଚ ବଲଭଦ୍ରପ୍ରତିଷ୍ଠିତଃ ॥ 138 ॥ ଜାମଦଗ୍ନ୍ଯସରସ୍ତୀର୍ଥଜଲସେଚନତର୍ପିତଃ । ପାପାପହାରିକୀଲାଲସୁସ୍ନାତାଘଵିନାଶନଃ ॥ 139 ॥ ନଭୋଗଙ୍ଗାଭିଷିକ୍ତଶ୍ଚ ନାଗତୀର୍ଥାଭିଷେକଵାନ୍ । କୁମାରଧାରାତୀର୍ଥସ୍ଥୋ ଵଟୁଵେଷଃ ସୁମେଖଲଃ ॥ 140 ॥ ଵୃଦ୍ଧସ୍ଯ ସୁକୁମାରତ୍ଵପ୍ରଦଃ ସୌନ୍ଦର୍ଯଵାନ୍ ସୁଖୀ । ପ୍ରିଯଂଵଦୋ ମହାକୁକ୍ଷିରିକ୍ଷ୍ଵାକୁକୁଲନନ୍ଦନଃ ॥ 141 ॥ ନୀଲଗୋକ୍ଷୀରଧାରାଭୂର୍ଵରାହାଚଲନାଯକଃ । ଭରଦ୍ଵାଜପ୍ରତିଷ୍ଠାଵାନ୍ ବୃହସ୍ପତିଵିଭାଵିତଃ ॥ 142 ॥ ଅଞ୍ଜନାକୃତପୂଜାଵାନ୍ ଆଞ୍ଜନେଯକରାର୍ଚିତଃ । ଅଞ୍ଜନାଦ୍ରିନିଵାସଶ୍ଚ ମୁଞ୍ଜକେଶଃ ପୁରନ୍ଦରଃ ॥ 143 ॥ କିନ୍ନରଦ୍ଵଯସମ୍ବନ୍ଧିବନ୍ଧମୋକ୍ଷପ୍ରଦାଯକଃ । ଵୈଖାନସମଖାରମ୍ଭୋ ଵୃଷଜ୍ଞେଯୋ ଵୃଷାଚଲଃ ॥ 144 ॥ ଵୃଷକାଯପ୍ରଭେତ୍ତା ଚ କ୍ରୀଡନାଚାରସମ୍ଭ୍ରମଃ । ସୌଵର୍ଚଲେଯଵିନ୍ଯସ୍ତରାଜ୍ଯୋ ନାରାଯଣଃ ପ୍ରିଯଃ ॥ 145 ॥ ଦୁର୍ମେଧୋଭଞ୍ଜକଃ ପ୍ରାଜ୍ଞୋ ବ୍ରହ୍ମୋତ୍ସଵମହୋତ୍ସୁକଃ । ଭଦ୍ରାସୁରଶିରଶ୍ଛେତ୍ତା ଭଦ୍ରକ୍ଷେତ୍ରୀ ସୁଭଦ୍ରଵାନ୍ ॥ 146 ॥ ମୃଗଯାଽକ୍ଷୀଣସନ୍ନାହଃ ଶଙ୍ଖରାଜନ୍ଯତୁଷ୍ଟିଦଃ । ସ୍ଥାଣୁସ୍ଥୋ ଵୈନତେଯାଙ୍ଗଭାଵିତୋ ହ୍ଯଶରୀରଵାନ୍ ॥ 147 ॥ ଭୋଗୀନ୍ଦ୍ରଭୋଗସଂସ୍ଥାନୋ ବ୍ରହ୍ମାଦିଗଣସେଵିତଃ । ସହସ୍ରାର୍କଚ୍ଛଟାଭାସ୍ଵଦ୍ଵିମାନାନ୍ତଃସ୍ଥିତୋ ଗୁଣୀ ॥ 148 ॥ ଵିଷ୍ଵକ୍ସେନକୃତସ୍ତୋତ୍ରଃ ସନନ୍ଦନଵରୀଵୃତଃ । ଜାହ୍ନଵ୍ଯାଦିନଦୀସେଵ୍ଯଃ ସୁରେଶାଦ୍ଯଭିଵନ୍ଦିତଃ ॥ 149 ॥ ସୁରାଙ୍ଗନାନୃତ୍ଯପରୋ ଗନ୍ଧର୍ଵୋଦ୍ଗାଯନପ୍ରିଯଃ । ରାକେନ୍ଦୁସଙ୍କାଶନଖଃ କୋମଲାଙ୍ଘ୍ରିସରୋରୁହଃ ॥ 150 ॥ କଚ୍ଛପପ୍ରପଦଃ କୁନ୍ଦଗୁଲ୍ଫକଃ ସ୍ଵଚ୍ଛକୂର୍ପରଃ । ମେଦୁରସ୍ଵର୍ଣଵସ୍ତ୍ରାଢ୍ଯକଟିଦେଶସ୍ଥମେଖଲଃ ॥ 151 ॥ ପ୍ରୋଲ୍ଲସଚ୍ଛୁରିକାଭାସ୍ଵତ୍କଟିଦେଶଃ ଶୁଭଙ୍କରଃ । ଅନନ୍ତପଦ୍ମଜସ୍ଥାନନାଭିର୍ମୌକ୍ତିକମାଲିକଃ ॥ 152 ॥ ମନ୍ଦାରଚାମ୍ପେଯମାଲୀ ରତ୍ନାଭରଣସମ୍ଭୃତଃ । ଲମ୍ବଯଜ୍ଞୋପଵୀତୀ ଚ ଚନ୍ଦ୍ରଶ୍ରୀଖଣ୍ଡଲେପଵାନ୍ ॥ 153 ॥ ଵରଦୋଽଭଯଦଶ୍ଚକ୍ରୀ ଶଙ୍ଖୀ କୌସ୍ତୁଭଦୀପ୍ତିମାନ୍ । ଶ୍ରୀଵତ୍ସାଙ୍କିତଵକ୍ଷସ୍କୋ ଲକ୍ଷ୍ମୀସଂଶ୍ରିତହୃତ୍ତଟଃ ॥ 154 ॥ ନୀଲୋତ୍ପଲନିଭାକାରଃ ଶୋଣାମ୍ଭୋଜସମାନନଃ । କୋଟିମନ୍ମଥଲାଵଣ୍ଯଶ୍ଚନ୍ଦ୍ରିକାସ୍ମିତପୂରିତଃ ॥ 155 ॥ ସୁଧାସ୍ଵଚ୍ଛୋର୍ଧ୍ଵପୁଣ୍ଡ୍ରଶ୍ଚ କସ୍ତୂରୀତିଲକାଞ୍ଚିତଃ । ପୁଣ୍ଡରୀକେକ୍ଷଣଃ ସ୍ଵଚ୍ଛୋ ମୌଲିଶୋଭାଵିରାଜିତଃ ॥ 156 ॥ ପଦ୍ମସ୍ଥଃ ପଦ୍ମନାଭଶ୍ଚ ସୋମମଣ୍ଡଲଗୋ ବୁଧଃ । ଵହ୍ନିମଣ୍ଡଲଗଃ ସୂର୍ଯଃ ସୂର୍ଯମଣ୍ଡଲସଂସ୍ଥିତଃ ॥ 157 ॥ ଶ୍ରୀପତିର୍ଭୂମିଜାନିଶ୍ଚ ଵିମଲାଦ୍ଯଭିସଂଵୃତଃ । ଜଗତ୍କୁଟୁମ୍ବଜନିତା ରକ୍ଷକଃ କାମିତପ୍ରଦଃ ॥ 158 ॥ ଅଵସ୍ଥାତ୍ରଯଯନ୍ତା ଚ ଵିଶ୍ଵତେଜସ୍ସ୍ଵରୂପଵାନ୍ । ଜ୍ଞପ୍ତିର୍ଜ୍ଞେଯୋ ଜ୍ଞାନଗମ୍ଯୋ ଜ୍ଞାନାତୀତଃ ସୁରାତିଗଃ ॥ 159 ॥ ବ୍ରହ୍ମାଣ୍ଡାନ୍ତର୍ବହିର୍ଵ୍ଯାପ୍ତୋ ଵେଙ୍କଟାଦ୍ରିଗଦାଧରଃ । ଵେଙ୍କଟାଦ୍ରିଗଦାଧର ଓଁ ନମଃ ଇତି ॥ ଏଵଂ ଶ୍ରୀଵେଙ୍କଟେଶସ୍ଯ କୀର୍ତିତଂ ପରମାଦ୍ଭୁତମ୍ ॥ 160 ॥ ନାମ୍ନାଂ ସହସ୍ରଂ ସଂଶ୍ରାଵ୍ଯଂ ପଵିତ୍ରଂ ପୁଣ୍ଯଵର୍ଧନମ୍ । ଶ୍ରଵଣାତ୍ସର୍ଵଦୋଷଘ୍ନଂ ରୋଗଘ୍ନଂ ମୃତ୍ଯୁନାଶନମ୍ ॥ 1 ॥ ଦାରିଦ୍ର୍ଯଭେଦନଂ ଧର୍ମ୍ଯଂ ସର୍ଵୈଶ୍ଵର୍ଯଫଲପ୍ରଦମ୍ । କାଲାହିଵିଷଵିଚ୍ଛେଦି ଜ୍ଵରାପସ୍ମାରଭଞ୍ଜନମ୍ ॥ 2 ॥ [ଶତ୍ରୁକ୍ଷଯକରଂ ରାଜଗ୍ରହପୀଡାନିଵାରଣମ୍ । ବ୍ରହ୍ମରାକ୍ଷସକୂଷ୍ମାଣ୍ଡଭେତାଲଭଯଭଞ୍ଜନମ୍ ॥] ଵିଦ୍ଯାଭିଲାଷୀ ଵିଦ୍ଯାଵାନ୍ ଧନାର୍ଥୀ ଧନଵାନ୍ ଭଵେତ୍ । ଅନନ୍ତକଲ୍ପଜୀଵୀ ସ୍ଯାଦାଯୁଷ୍କାମୋ ମହାଯଶାଃ ॥ 3 ॥ ପୁତ୍ରାର୍ଥୀ ସୁଗୁଣାନ୍ପୁତ୍ରାନ୍ ଲଭେତାଽଽଯୁଷ୍ମତସ୍ତତଃ । ସଙ୍ଗ୍ରାମେ ଶତ୍ରୁଵିଜଯୀ ସଭାଯାଂ ପ୍ରତିଵାଦିଜିତ୍ ॥ 4 ॥ ଦିଵ୍ଯୈର୍ନାମଭିରେଭିସ୍ତୁ ତୁଲସୀପୂଜନାତ୍ସକୃତ୍ । ଵୈକୁଣ୍ଠଵାସୀ ଭଗଵତ୍ସଦୃଶୋ ଵିଷ୍ଣୁସନ୍ନିଧୌ ॥ 5 ॥ କଲ୍ହାରପୂଜନାନ୍ମାସାତ୍ ଦ୍ଵିତୀଯ ଇଵ ଯକ୍ଷରାଟ୍ । ନୀଲୋତ୍ପଲାର୍ଚନାତ୍ସର୍ଵରାଜପୂଜ୍ଯଃ ସଦା ଭଵେତ୍ ॥ 6 ॥ ହୃତ୍ସଂସ୍ଥିତୈର୍ନାମଭିସ୍ତୁ ଭୂଯାଦ୍ଦୃଗ୍ଵିଷଯୋ ହରିଃ । ଵାଞ୍ଛିତାର୍ଥଂ ତଦା ଦତ୍ଵା ଵୈକୁଣ୍ଠଂ ଚ ପ୍ରଯଚ୍ଛତି ॥ 7 ॥ ତ୍ରିସନ୍ଧ୍ଯଂ ଯୋ ଜପେନ୍ନିତ୍ଯଂ ସମ୍ପୂଜ୍ଯ ଵିଧିନା ଵିଭୁମ୍ । ତ୍ରିଵାରଂ ପଞ୍ଚଵାରଂ ଵା ପ୍ରତ୍ଯହଂ କ୍ରମଶୋ ଯମୀ ॥ 8 ॥ ମାସାଦଲକ୍ଷ୍ମୀନାଶଃ ସ୍ଯାତ୍ ଦ୍ଵିମାସାତ୍ ସ୍ଯାନ୍ନରେନ୍ଦ୍ରତା । ତ୍ରିମାସାନ୍ମହଦୈଶ୍ଵର୍ଯଂ ତତଃ ସମ୍ଭାଷଣଂ ଭଵେତ୍ ॥ 9 ॥ ମାସଂ ପଠନ୍ନ୍ଯୂନକର୍ମପୂର୍ତିଂ ଚ ସମଵାପ୍ନୁଯାତ୍ । ମାର୍ଗଭ୍ରଷ୍ଟଶ୍ଚ ସନ୍ମାର୍ଗଂ ଗତସ୍ଵଃ ସ୍ଵଂ ସ୍ଵକୀଯକମ୍ ॥ 10 ॥ ଚାଞ୍ଚଲ୍ଯଚିତ୍ତୋଽଚାଞ୍ଚଲ୍ଯଂ ମନସ୍ସ୍ଵାସ୍ଥ୍ଯଂ ଚ ଗଚ୍ଛତି । ଆଯୁରାରୋଗ୍ଯମୈଶ୍ଵର୍ଯଂ ଜ୍ଞାନଂ ମୋକ୍ଷଂ ଚ ଵିନ୍ଦତି ॥ 11 ॥ ସର୍ଵାନ୍କାମାନଵାପ୍ନୋତି ଶାଶ୍ଵତଂ ଚ ପଦଂ ତଥା । ସତ୍ଯଂ ସତ୍ଯଂ ପୁନସ୍ସତ୍ଯଂ ସତ୍ଯଂ ସତ୍ଯଂ ନ ସଂଶଯଃ ॥ 12 ॥ ଇତି ଶ୍ରୀ ବ୍ରହ୍ମାଣ୍ଡପୁରାଣେ ଵସିଷ୍ଠନାରଦସଂଵାଦେ ଶ୍ରୀଵେଙ୍କଟାଚଲମାହାତ୍ମ୍ଯେ ଶ୍ରୀ ଵେଙ୍କଟେଶ ସହସ୍ରନାମ ସ୍ତୋତ୍ରଂ ସମାପ୍ତମ୍ ।