ଶ୍ରୀ ସିଦ୍ଧଲକ୍ଷ୍ମୀ ସ୍ତୋତ୍ରମ୍

ଅସ୍ଯ ଶ୍ରୀସିଦ୍ଧଲକ୍ଷ୍ମୀସ୍ତୋତ୍ରମନ୍ତ୍ରସ୍ଯ ହିରଣ୍ଯଗର୍ଭ ଋଷିଃ ଅନୁଷ୍ଟୁପ୍ ଛନ୍ଦଃ, ଶ୍ରୀମହାକାଲୀମହାଲକ୍ଷ୍ମୀମହାସରସ୍ଵତ୍ଯୋ ଦେଵତାଃ ଶ୍ରୀଂ ବୀଜଂ ହ୍ରୀଂ ଶକ୍ତିଃ କ୍ଲୀଂ କୀଲକଂ ମମ ସର୍ଵକ୍ଲେଶପୀଡାପରିହାରାର୍ଥଂ ସର୍ଵଦୁଃଖଦାରିଦ୍ର୍ଯନାଶନାର୍ଥଂ ସର୍ଵକାର୍ଯସିଦ୍ଧ୍ଯର୍ଥଂ ଶ୍ରୀସିଦ୍ଧିଲକ୍ଷ୍ମୀସ୍ତୋତ୍ର ପାଠେ ଵିନିଯୋଗଃ ॥
ଋଷ୍ଯାଦିନ୍ଯାସଃ
ଓଁ ହିରଣ୍ଯଗର୍ଭ ଋଷଯେ ନମଃ ଶିରସି ।
ଅନୁଷ୍ଟୁପ୍ଛନ୍ଦସେ ନମୋ ମୁଖେ ।
ଶ୍ରୀମହାକାଲୀମହାଲକ୍ଷ୍ମୀମହାସରସ୍ଵତୀଦେଵତାଭ୍ଯୋ ନମୋ ହୃଦିଃ ।
ଶ୍ରୀଂ ବୀଜାଯ ନମୋ ଗୁହ୍ଯେ ।
ହ୍ରୀଂ ଶକ୍ତଯେ ନମଃ ପାଦଯୋଃ ।
କ୍ଲୀଂ କୀଲକାଯ ନମୋ ନାଭୌ ।
ଵିନିଯୋଗାଯ ନମଃ ସର୍ଵାଙ୍ଗେଷୁ ॥
କରନ୍ଯାସଃ
ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ଅଙ୍ଗୁଷ୍ଠାଭ୍ଯାଂ ନମଃ ।
ଓଁ ହ୍ରୀଂ ଵିଷ୍ଣୁତେଜସେ ତର୍ଜନୀଭ୍ଯାଂ ନମଃ ।
ଓଁ କ୍ଲୀଂ ଅମୃତାନନ୍ଦାଯୈ ମଧ୍ଯମାଭ୍ଯାଂ ନମଃ ।
ଓଁ ଶ୍ରୀଂ ଦୈତ୍ଯମାଲିନ୍ଯୈ ଅନାମିକାଭ୍ଯାଂ ନମଃ ।
ଓଁ ହ୍ରୀଂ ତେଜଃ ପ୍ରକାଶିନ୍ଯୈ କନିଷ୍ଠିକାଭ୍ଯାଂ ନମଃ ।
ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ କରତଲ କରପୃଷ୍ଠାଭ୍ଯାଂ ନମଃ ॥
ଅଙ୍ଗନ୍ଯାସଃ
ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ହୃଦଯାଯ ନମଃ ।
ଓଁ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।
ଓଁ କ୍ଲୀଂ ଅମୃତାନନ୍ଦାଯୈ ଶିଖାଯୈ ଵଷଟ୍ ।
ଓଁ ଶ୍ରୀଂ ଦୈତ୍ଯମାଲିନ୍ଯୈ କଵଚାଯ ହୁମ୍ ।
ଓଁ ହ୍ରୀଂ ତେଜଃ ପ୍ରକାଶିନ୍ଯୈ ନେତ୍ରତ୍ରଯାଯ ଵୌଷଟ୍ ।
ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ ଅସ୍ତ୍ରାଯ ଫଟ୍ ॥
ଓଁ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ଯୈ ନମଃ ଇତି ଦିଗ୍ବନ୍ଧଃ ॥
ଅଥ ଧ୍ଯାନମ୍
ବ୍ରାହ୍ମୀଂ ଚ ଵୈଷ୍ଣଵୀଂ ଭଦ୍ରାଂ ଷଡ୍ଭୁଜାଂ ଚ ଚତୁର୍ମୁଖୀମ୍ ।
ତ୍ରିନେତ୍ରାଂ ଖଡ୍ଗତ୍ରିଶୂଲପଦ୍ମଚକ୍ରଗଦାଧରାମ୍ ॥ 1 ॥

ପୀତାମ୍ବରଧରାଂ ଦେଵୀଂ ନାନାଲଙ୍କାରଭୂଷିତାମ୍ ।
ତେଜଃପୁଞ୍ଜଧରୀଂ ଶ୍ରେଷ୍ଠାଂ ଧ୍ଯାଯେଦ୍ବାଲକୁମାରିକାମ୍ ॥ 2 ॥

ଅଥ ସ୍ତୋତ୍ରମ୍
ଓଙ୍କାରଂ ଲକ୍ଷ୍ମୀରୂପଂ ତୁ ଵିଷ୍ଣୁଂ ଵାଗ୍ଭଵମଵ୍ଯଯମ୍ ।
ଵିଷ୍ଣୁମାନନ୍ଦମଵ୍ଯକ୍ତଂ ହ୍ରୀଙ୍କାରଂ ବୀଜରୂପିଣୀମ୍ ॥ 3 ॥

କ୍ଲୀଂ ଅମୃତାନନ୍ଦିନୀଂ ଭଦ୍ରାଂ ସତ୍ଯାନନ୍ଦଦାଯିନୀମ୍ ।
ଶ୍ରୀଂ ଦୈତ୍ଯଶମନୀଂ ଶକ୍ତିଂ ମାଲିନୀଂ ଶତ୍ରୁମର୍ଦିନୀମ୍ ॥ 4 ॥

ତେଜଃ ପ୍ରକାଶିନୀଂ ଦେଵୀଂ ଵରଦାଂ ଶୁଭକାରିଣୀମ୍ ।
ବ୍ରାହ୍ମୀଂ ଚ ଵୈଷ୍ଣଵୀଂ ରୌଦ୍ରୀଂ କାଲିକାରୂପଶୋଭିନୀମ୍ ॥ 5 ॥

ଅକାରେ ଲକ୍ଷ୍ମୀରୂପଂ ତୁ ଉକାରେ ଵିଷ୍ଣୁମଵ୍ଯଯମ୍ ।
ମକାରଃ ପୁରୁଷୋଽଵ୍ଯକ୍ତୋ ଦେଵୀ ପ୍ରଣଵ ଉଚ୍ଯତେ ॥ 6 ॥

ସୂର୍ଯକୋଟିପ୍ରତୀକାଶଂ ଚନ୍ଦ୍ରକୋଟିସମପ୍ରଭମ୍ ।
ତନ୍ମଧ୍ଯେ ନିକରଂ ସୂକ୍ଷ୍ମଂ ବ୍ରହ୍ମରୁପଂ ଵ୍ଯଵସ୍ଥିତମ୍ ॥ 7 ॥

ଓଙ୍କାରଂ ପରମାନନ୍ଦଂ ସଦୈଵ ସୁରସୁନ୍ଦରୀମ୍ ।
ସିଦ୍ଧଲକ୍ଷ୍ମୀ ମୋକ୍ଷଲକ୍ଷ୍ମୀ ଆଦ୍ଯଲକ୍ଷ୍ମୀ ନମୋଽସ୍ତୁ ତେ ॥ 8 ॥

ଶ୍ରୀଙ୍କାରଂ ପରମଂ ସିଦ୍ଧଂ ସର୍ଵବୁଦ୍ଧିପ୍ରଦାଯକମ୍ ।
ସୌଭାଗ୍ଯାଽମୃତା କମଲା ସତ୍ଯଲକ୍ଷ୍ମୀ ନମୋଽସ୍ତୁ ତେ ॥ 9 ॥

ହ୍ରୀଙ୍କାରଂ ପରମଂ ଶୁଦ୍ଧଂ ପରମୈଶ୍ଵର୍ଯଦାଯକମ୍ ।
କମଲା ଧନଦା ଲକ୍ଷ୍ମୀ ଭୋଗଲକ୍ଷ୍ମୀ ନମୋଽସ୍ତୁ ତେ ॥ 10 ॥

କ୍ଲୀଙ୍କାରଂ କାମରୂପିଣ୍ଯଂ କାମନାପରିପୂର୍ତିଦମ୍ ।
ଚପଲା ଚଞ୍ଚଲା ଲକ୍ଷ୍ମୀ କାତ୍ଯାଯନୀ ନମୋଽସ୍ତୁ ତେ ॥ 11 ॥

ଶ୍ରୀଙ୍କାରଂ ସିଦ୍ଧିରୂପିଣ୍ଯଂ ସର୍ଵସିଦ୍ଧିପ୍ରଦାଯକମ୍ ।
ପଦ୍ମାନନାଂ ଜଗନ୍ମାତ୍ରେ ଅଷ୍ଟଲକ୍ଷ୍ମୀଂ ନମୋଽସ୍ତୁ ତେ ॥ 12 ॥

ସର୍ଵମଙ୍ଗଲମାଙ୍ଗଲ୍ଯେ ଶିଵେ ସର୍ଵାର୍ଥସାଧିକେ ।
ଶରଣ୍ଯେ ତ୍ର୍ଯମ୍ବକେ ଗୌରି ନାରାଯଣୀ ନମୋଽସ୍ତୁ ତେ ॥ 13 ॥

ପ୍ରଥମଂ ତ୍ର୍ଯମ୍ବକା ଗୌରୀ ଦ୍ଵିତୀଯଂ ଵୈଷ୍ଣଵୀ ତଥା ।
ତୃତୀଯଂ କମଲା ପ୍ରୋକ୍ତା ଚତୁର୍ଥଂ ସୁନ୍ଦରୀ ତଥା ॥ 14 ॥

ପଞ୍ଚମଂ ଵିଷ୍ଣୁଶକ୍ତିଶ୍ଚ ଷଷ୍ଠଂ କାତ୍ଯାଯନୀ ତଥା ।
ଵାରାହୀ ସପ୍ତମଂ ଚୈଵ ହ୍ଯଷ୍ଟମଂ ହରିଵଲ୍ଲଭା ॥ 15 ॥

ନଵମଂ ଖଡ୍ଗିନୀ ପ୍ରୋକ୍ତା ଦଶମଂ ଚୈଵ ଦେଵିକା ।
ଏକାଦଶଂ ସିଦ୍ଧଲକ୍ଷ୍ମୀର୍ଦ୍ଵାଦଶଂ ହଂସଵାହିନୀ ॥ 16 ॥

ଉତ୍ତରନ୍ଯାସଃ
ଓଁ ଶ୍ରୀଂ ସିଦ୍ଧଲକ୍ଷ୍ମ୍ଯୈ ହୃଦଯାଯ ନମଃ ।
ଓଁ ହ୍ରୀଂ ଵିଷ୍ଣୁତେଜସେ ଶିରସେ ସ୍ଵାହା ।
ଓଁ କ୍ଲୀଂ ଅମୃତାନନ୍ଦାଯୈ ଶିଖାଯୈ ଵଷଟ୍ ।
ଓଁ ଶ୍ରୀଂ ଦୈତ୍ଯମାଲିନ୍ଯୈ କଵଚାଯ ହୁମ୍ ।
ଓଁ ହ୍ରୀଂ ତେଜଃ ପ୍ରକାଶିନ୍ଯୈ ନେତ୍ରତ୍ରଯାଯ ଵୌଷଟ୍ ।
ଓଁ କ୍ଲୀଂ ବ୍ରାହ୍ମ୍ଯୈ ଵୈଷ୍ଣଵ୍ଯୈ ରୁଦ୍ରାଣ୍ଯୈ ଅସ୍ତ୍ରାଯ ଫଟ୍ ॥
ଓଁ ଶ୍ରୀଂ ହ୍ରୀଂ କ୍ଲୀଂ ଶ୍ରୀଂ ସିଦ୍ଧଲକ୍ଷ୍ମ୍ଯୈ ନମଃ ଇତି ଦିଗ୍ଵିମୋକଃ ॥
ଅଥ ଫଲଶୃତିଃ
ଏତତ୍ ସ୍ତୋତ୍ରଵରଂ ଦେଵ୍ଯା ଯେ ପଠନ୍ତି ସଦା ନରାଃ ।
ସର୍ଵାପଦ୍ଭ୍ଯୋ ଵିମୁଚ୍ଯନ୍ତେ ନାତ୍ର କାର୍ଯା ଵିଚାରଣା ॥ 17 ॥

ଏକମାସଂ ଦ୍ଵିମାସଂ ଚ ତ୍ରିମାସଂ ଚ ଚତୁସ୍ଥଥା ।
ପଞ୍ଚମାସଂ ଚ ଷଣ୍ମାସଂ ତ୍ରିକାଲଂ ଯଃ ସଦା ପଠେତ୍ ॥ 18 ॥

ବ୍ରାହ୍ମଣଃ କ୍ଲେଶିତୋ ଦୁଃଖୀ ଦାରିଦ୍ର୍ଯଭଯପୀଡିତଃ ।
ଜନ୍ମାନ୍ତର ସହସ୍ରୋତ୍ଥୈର୍ମୁଚ୍ଯତେ ସର୍ଵକିଲ୍ବଷୈଃ ॥ 19 ॥

ଦରିଦ୍ରୋ ଲଭତେ ଲକ୍ଷ୍ମୀମପୁତ୍ରଃ ପୁତ୍ରଵାନ୍ ଭଵେତ୍ ।
ଧନ୍ଯୋ ଯଶସ୍ଵୀ ଶତ୍ରୁଘ୍ନୋ ଵହ୍ନିଚୌରଭଯେଷୁ ଚ ॥ 20 ॥

ଶାକିନୀ ଭୂତ ଵେତାଲ ସର୍ପ ଵ୍ଯାଘ୍ର ନିପାତନେ ।
ରାଜଦ୍ଵାରେ ସଭାସ୍ଥାନେ କାରାଗୃହନିବନ୍ଧନେ ॥ 21 ॥

ଈଶ୍ଵରେଣ କୃତଂ ସ୍ତୋତ୍ରଂ ପ୍ରାଣିନାଂ ହିତକାରକମ୍ ।
ସ୍ତୁଵନ୍ତୁ ବ୍ରାହ୍ମଣାଃ ନିତ୍ଯଂ ଦାରିଦ୍ର୍ଯଂ ନ ଚ ବାଧତେ ॥ 22 ॥

ସର୍ଵପାପହରା ଲକ୍ଷ୍ମୀଃ ସର୍ଵସିଦ୍ଧିପ୍ରଦାଯିନୀମ୍ ।
ସାଧକାଃ ଲଭତେ ସର୍ଵଂ ପଠେତ୍ ସ୍ତୋତ୍ରଂ ନିରନ୍ତରମ୍ ॥ 23 ॥
ପ୍ରାର୍ଥନା
ଯା ଶ୍ରୀଃ ପଦ୍ମଵନେ କଦମ୍ବଶିଖରେ ରାଜଗୃହେ କୁଞ୍ଜରେ
ଶ୍ଵେତେ ଚାଶ୍ଵଯୁତେ ଵୃଷେ ଚ ଯୁଗଲେ ଯଜ୍ଞେ ଚ ଯୂପସ୍ଥିତେ ।
ଶଙ୍ଖେ ଦୈଵକୁଲେ ନରେନ୍ଦ୍ରଭଵନେ ଗଙ୍ଗାତଟେ ଗୋକୁଲେ
ସା ଶ୍ରୀସ୍ତିଷ୍ଠତୁ ସର୍ଵଦା ମମ ଗୃହେ ଭୂଯାତ୍ ସଦା ନିଶ୍ଚଲା ॥
ଯା ସା ପଦ୍ମାସନସ୍ଥା ଵିପୁଲକଟିତଟୀ ପଦ୍ମପତ୍ରାଯତାକ୍ଷୀ
ଗମ୍ଭୀରାଵର୍ତନାଭିଃ ସ୍ତନଭରନମିତା ଶୁଦ୍ଧଵସ୍ତ୍ରୋତ୍ତରୀଯା ।
ଲକ୍ଷ୍ମୀର୍ଦିଵ୍ଯୈର୍ଗଜେନ୍ଦ୍ରୈର୍ମଣିଗଣଖଚିତୈଃ ସ୍ନାପିତା ହେମକୁମ୍ଭୈଃ
ନିତ୍ଯଂ ସା ପଦ୍ମହସ୍ତା ମମ ଵସତୁ ଗୃହେ ସର୍ଵମାଙ୍ଗଲ୍ଯଯୁକ୍ତା ॥