শ্রীবিদ্যে শিববামভাগনিলযে শ্রীরাজরাজার্চিতে
শ্রীনাথাদিগুরুস্বরূপবিভবে চিন্তামণীপীঠিকে ।
শ্রীবাণীগিরিজানুতাঙ্ঘ্রিকমলে শ্রীশাম্ভবি শ্রীশিবে
মধ্যাহ্নে মলযধ্বজাধিপসুতে মাং পাহি মীনাম্বিকে ॥ 1 ॥
শ্রীনাথাদিগুরুস্বরূপবিভবে চিন্তামণীপীঠিকে ।
শ্রীবাণীগিরিজানুতাঙ্ঘ্রিকমলে শ্রীশাম্ভবি শ্রীশিবে
মধ্যাহ্নে মলযধ্বজাধিপসুতে মাং পাহি মীনাম্বিকে ॥ 1 ॥
চক্রস্থেঽচপলে চরাচরজগন্নাথে জগত্পূজিতে
আর্তালীবরদে নতাভযকরে বক্ষোজভারান্বিতে ।
বিদ্যে বেদকলাপমৌলিবিদিতে বিদ্যুল্লতাবিগ্রহে
মাতঃ পূর্ণসুধারসার্দ্রহৃদযে মাং পাহি মীনাম্বিকে ॥ 2 ॥
আর্তালীবরদে নতাভযকরে বক্ষোজভারান্বিতে ।
বিদ্যে বেদকলাপমৌলিবিদিতে বিদ্যুল্লতাবিগ্রহে
মাতঃ পূর্ণসুধারসার্দ্রহৃদযে মাং পাহি মীনাম্বিকে ॥ 2 ॥
কোটীরাঙ্গদরত্নকুণ্ডলধরে কোদণ্ডবাণাঞ্চিতে
কোকাকারকুচদ্বযোপরিলসত্প্রালম্বহারাঞ্চিতে ।
শিঞ্জন্নূপুরপাদসারসমণীশ্রীপাদুকালঙ্কৃতে
মদ্দারিদ্র্যভুজঙ্গগারুডখগে মাং পাহি মীনাম্বিকে ॥ 3 ॥
কোকাকারকুচদ্বযোপরিলসত্প্রালম্বহারাঞ্চিতে ।
শিঞ্জন্নূপুরপাদসারসমণীশ্রীপাদুকালঙ্কৃতে
মদ্দারিদ্র্যভুজঙ্গগারুডখগে মাং পাহি মীনাম্বিকে ॥ 3 ॥
ব্রহ্মেশাচ্যুতগীযমানচরিতে প্রেতাসনান্তস্থিতে
পাশোদঙ্কুশচাপবাণকলিতে বালেন্দুচূডাঞ্চিতে ।
বালে বালকুরঙ্গলোলনযনে বালার্ককোট্যুজ্জ্বলে
মুদ্রারাধিতদৈবতে মুনিসুতে মাং পাহি মীনাম্বিকে ॥ 4 ॥
পাশোদঙ্কুশচাপবাণকলিতে বালেন্দুচূডাঞ্চিতে ।
বালে বালকুরঙ্গলোলনযনে বালার্ককোট্যুজ্জ্বলে
মুদ্রারাধিতদৈবতে মুনিসুতে মাং পাহি মীনাম্বিকে ॥ 4 ॥
গন্ধর্বামরযক্ষপন্নগনুতে গঙ্গাধরালিঙ্গিতে
গাযত্রীগরুডাসনে কমলজে সুশ্যামলে সুস্থিতে ।
খাতীতে খলদারুপাবকশিখে খদ্যোতকোট্যুজ্জ্বলে
মন্ত্রারাধিতদৈবতে মুনিসুতে মাং পাহী মীনাম্বিকে ॥ 5 ॥
গাযত্রীগরুডাসনে কমলজে সুশ্যামলে সুস্থিতে ।
খাতীতে খলদারুপাবকশিখে খদ্যোতকোট্যুজ্জ্বলে
মন্ত্রারাধিতদৈবতে মুনিসুতে মাং পাহী মীনাম্বিকে ॥ 5 ॥
নাদে নারদতুম্বুরাদ্যবিনুতে নাদান্তনাদাত্মিকে
নিত্যে নীললতাত্মিকে নিরুপমে নীবারশূকোপমে ।
কান্তে কামকলে কদম্বনিলযে কামেশ্বরাঙ্কস্থিতে
মদ্বিদ্যে মদভীষ্টকল্পলতিকে মাং পাহি মীনাম্বিকে ॥ 6 ॥
নিত্যে নীললতাত্মিকে নিরুপমে নীবারশূকোপমে ।
কান্তে কামকলে কদম্বনিলযে কামেশ্বরাঙ্কস্থিতে
মদ্বিদ্যে মদভীষ্টকল্পলতিকে মাং পাহি মীনাম্বিকে ॥ 6 ॥
বীণানাদনিমীলিতার্ধনযনে বিস্রস্তচূলীভরে
তাম্বূলারুণপল্লবাধরযুতে তাটঙ্কহারান্বিতে ।
শ্যামে চন্দ্রকলাবতংসকলিতে কস্তূরিকাফালিকে
পূর্ণে পূর্ণকলাভিরামবদনে মাং পাহি মীনাম্বিকে ॥ 7 ॥
তাম্বূলারুণপল্লবাধরযুতে তাটঙ্কহারান্বিতে ।
শ্যামে চন্দ্রকলাবতংসকলিতে কস্তূরিকাফালিকে
পূর্ণে পূর্ণকলাভিরামবদনে মাং পাহি মীনাম্বিকে ॥ 7 ॥
শব্দব্রহ্মমযী চরাচরমযী জ্যোতির্মযী বাঙ্মযী
নিত্যানন্দমযী নিরঞ্জনমযী তত্ত্বম্মযী চিন্মযী ।
তত্ত্বাতীতমযী পরাত্পরমযী মাযামযী শ্রীমযী
সর্বৈশ্বর্যমযী সদাশিবমযী মাং পাহি মীনাম্বিকে ॥ 8 ॥
নিত্যানন্দমযী নিরঞ্জনমযী তত্ত্বম্মযী চিন্মযী ।
তত্ত্বাতীতমযী পরাত্পরমযী মাযামযী শ্রীমযী
সর্বৈশ্বর্যমযী সদাশিবমযী মাং পাহি মীনাম্বিকে ॥ 8 ॥
ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ মীনাক্ষী স্তোত্রম্ ।