అథ దశమస్తోత్రమ్ అవ నః శ్రీపతిరప్రతిరధికేశాదిభవాదే ।
కరుణాపూర్ణవరప్రదచరితం జ్ఞాపయ మే తే ॥ 1॥
సురవన్ద్యాధిప సద్వరభరితాశేషగుణాలమ్ ।
కరుణాపూర్ణవరప్రదచరితం జ్ఞాపయ మే తే ॥ 2॥
కరుణాపూర్ణవరప్రదచరితం జ్ఞాపయ మే తే ॥ 2॥
సకలధ్వాన్తవినాశన (వినాశక) పరమానన్దసుధాహో ।
కరుణాపూర్ణవరప్రదచరితం జ్ఞాపయ మే తే ॥ 3॥
కరుణాపూర్ణవరప్రదచరితం జ్ఞాపయ మే తే ॥ 3॥
త్రిజగత్పోత సదార్చితచరణాశాపతిధాతో ।
కరుణాపూర్ణవరప్రదచరితం జ్ఞాపయ మే తే ॥ 4॥
కరుణాపూర్ణవరప్రదచరితం జ్ఞాపయ మే తే ॥ 4॥
త్రిగుణాతీతవిధారక పరితో దేహి సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ 5॥
కరుణాపూర్ణవరప్రదచరితం జ్ఞాపయ మే తే ॥ 5॥
శరణం కారణభావన భవ మే తాత సదాఽలమ్ ।
కరుణాపూర్ణవరప్రదచరితం జ్ఞాపయ మే తే ॥ 6॥
కరుణాపూర్ణవరప్రదచరితం జ్ఞాపయ మే తే ॥ 6॥
మరణప్రాణద పాలక జగదీశావ సుభక్తిమ్ ।
కరుణాపూర్ణవరప్రదచరితం జ్ఞాపయ మే తే ॥ 7॥
కరుణాపూర్ణవరప్రదచరితం జ్ఞాపయ మే తే ॥ 7॥
తరుణాదిత్యసవర్ణకచరణాబ్జామల కీర్తే ।
కరుణాపూర్ణవరప్రదచరితం జ్ఞాపయ మే తే ॥ 8॥
కరుణాపూర్ణవరప్రదచరితం జ్ఞాపయ మే తే ॥ 8॥
సలిలప్రోత్థసరాగకమణివర్ణోచ్చనఖాదే ।
కరుణాపూర్ణవరప్రదచరితం జ్ఞాపయ మే తే ॥ 9॥
కరుణాపూర్ణవరప్రదచరితం జ్ఞాపయ మే తే ॥ 9॥
కజ (ఖజ) తూణీనిభపావనవరజఙ్ఘామితశక్తే ।
కరుణాపూర్ణవరప్రదచరితం జ్ఞాపయ మే తే ॥ 10॥
కరుణాపూర్ణవరప్రదచరితం జ్ఞాపయ మే తే ॥ 10॥
ఇబహస్తప్రభశోభనపరమోరుస్థరమాలే ।
కరుణాపూర్ణవరప్రదచరితం జ్ఞాపయ మే తే ॥ 11॥
కరుణాపూర్ణవరప్రదచరితం జ్ఞాపయ మే తే ॥ 11॥
అసనోత్ఫుల్లసుపుష్పకసమవర్ణావరణాన్తే ।
కరుణాపూర్ణవరప్రదచరితం జ్ఞాపయ మే తే ॥ 12॥
కరుణాపూర్ణవరప్రదచరితం జ్ఞాపయ మే తే ॥ 12॥
శతమోదోద్భవసున్దరివరపద్మోత్థితనాభే ।
కరుణాపూర్ణవరప్రదచరితం జ్ఞాపయ మే తే ॥ 13॥
కరుణాపూర్ణవరప్రదచరితం జ్ఞాపయ మే తే ॥ 13॥
జగదాగూహకపల్లవసమకుక్షే శరణాదే ।
కరుణాపూర్ణవరప్రదచరితం జ్ఞాపయ మే తే ॥ 14॥
కరుణాపూర్ణవరప్రదచరితం జ్ఞాపయ మే తే ॥ 14॥
జగదమ్బామలసున్దరిగృహవక్షోవర యోగిన్ ।
కరుణాపూర్ణవరప్రదచరితం జ్ఞాపయ మే తే ॥ 15॥
కరుణాపూర్ణవరప్రదచరితం జ్ఞాపయ మే తే ॥ 15॥
దితిజాన్తప్రద చక్రధరగదాయుగ్వరబాహో ।
కరుణాపూర్ణవరప్రదచరితం జ్ఞాపయ మే తే ॥ 16॥
కరుణాపూర్ణవరప్రదచరితం జ్ఞాపయ మే తే ॥ 16॥
పరమజ్ఞానమహానిధివదన శ్రీరమణేన్దో ।
కరుణాపూర్ణవరప్రదచరితం జ్ఞాపయ మే తే ॥ 17॥
కరుణాపూర్ణవరప్రదచరితం జ్ఞాపయ మే తే ॥ 17॥
నిఖిలాఘౌఘవినాశన (వినాశక) పరసౌఖ్యప్రదదృష్టే ।
కరుణాపూర్ణవరప్రదచరితం జ్ఞాపయ మే తే ॥ 18॥
కరుణాపూర్ణవరప్రదచరితం జ్ఞాపయ మే తే ॥ 18॥
పరమానన్దసుతీర్థసుమునిరాజో హరిగాథామ్ ।
కృతవాన్నిత్యసుపూర్ణకపరమానన్దపదైషిన్ ॥ 19॥
కృతవాన్నిత్యసుపూర్ణకపరమానన్దపదైషిన్ ॥ 19॥
ఇతి శ్రీమదానన్దతీర్థభగవత్పాదాచార్య విరచితం
ద్వాదశస్తోత్రేషు దశమస్తోత్రం సమ్పూర్ణమ్