శ్రీ కామాఖ్యా స్తోత్రం

జయ కామేశి చాముణ్డే జయ భూతాపహారిణి ।
జయ సర్వగతే దేవి కామేశ్వరి నమోఽస్తు తే ॥ 1 ॥

విశ్వమూర్తే శుభే శుద్ధే విరూపాక్షి త్రిలోచనే ।
భీమరూపే శివే విద్యే కామేశ్వరి నమోఽస్తు తే ॥ 2 ॥

మాలాజయే జయే జమ్భే భూతాక్షి క్షుభితేఽక్షయే ।
మహామాయే మహేశాని కామేశ్వరి నమోఽస్తు తే ॥ 3 ॥
భీమాక్షి భీషణే దేవి సర్వభూతక్షయఙ్కరి ।
కాలి చ వికరాలి చ కామేశ్వరి నమోఽస్తు తే ॥ 3 ॥
కాలి కరాలవిక్రాన్తే కామేశ్వరి హరప్రియే ।
సర్వశాస్త్రసారభూతే కామేశ్వరి నమోఽస్తు తే ॥ 4 ॥
కామరూపప్రదీపే చ నీలకూటనివాసిని ।
నిశుమ్భశుమ్భమథని కామేశ్వరి నమోఽస్తు తే ॥ 5 ॥
కామాఖ్యే కామరూపస్థే కామేశ్వరి హరిప్రియే ।
కామనాం దేహి మే నిత్యం కామేశ్వరి నమోఽస్తు తే ॥ 6 ॥
వపానాఢ్యమహావక్త్రే తథా త్రిభువనేశ్వరి ।
మహిషాసురవధే దేవి కామేశ్వరి నమోఽస్తు తే ॥ 7 ॥
ఛాగతుష్టే మహాభీమే కామాఖ్యే సురవన్దితే ।
జయ కామప్రదే తుష్టే కామేశ్వరి నమోఽస్తు తే ॥ 8 ॥
భ్రష్టరాజ్యో యదా రాజా నవమ్యాం నియతః శుచిః ।
అష్టమ్యాం చ చతుర్దశ్యాముపవాసీ నరోత్తమః ॥ 9 ॥
సంవత్సరేణ లభతే రాజ్యం నిష్కణ్టకం పునః ।
య ఇదం శృణుయాద్భక్త్యా తవ దేవి సముద్భవమ్ ।
సర్వపాపవినిర్ముక్తః పరం నిర్వాణమృచ్ఛతి ॥ 10 ॥
శ్రీకామరూపేశ్వరి భాస్కరప్రభేప్రకాశితామ్భోజనిభాయతాననే ।
సురారిరక్షఃస్తుతిపాతనోత్సుకేత్రయీమయే దేవనుతే నమామి ॥ 11 ॥
సితాసితే రక్తపిశఙ్గవిగ్రహేరూపాణి యస్యాః ప్రతిభాన్తి తాని ।
వికారరూపా చ వికల్పితానిశుభాశుభానామపి తాం నమామి ॥ 12 ॥
కామరూపసముద్భూతే కామపీఠావతంసకే ।
విశ్వాధారే మహామాయే కామేశ్వరి నమోఽస్తు తే ॥ 13 ॥
అవ్యక్తవిగ్రహే శాన్తే సన్తతే కామరూపిణి ।
కాలగమ్యే పరే శాన్తే కామేశ్వరి నమోఽస్తు తే ॥ 14 ॥
యా సుషుమ్నాన్తరాలస్థా చిన్త్యతే జ్యోతిరూపిణీ ।
ప్రణతోఽస్మి పరాం వీరాం కామేశ్వరి నమోఽస్తు తే ॥ 15 ॥
దంష్ట్రాకరాలవదనే ముణ్డమాలోపశోభితే ।
సర్వతః సర్వగే దేవి కామేశ్వరి నమోఽస్తు తే ॥ 16 ॥
చాముణ్డే చ మహాకాలి కాలి కపాలహారిణీ ।
పాశహస్తే దణ్డహస్తే కామేశ్వరి నమోఽస్తు తే ॥ 17 ॥
చాముణ్డే కులమాలాస్యే తీక్ష్ణదంష్ట్రే మహాబలే ।
శవయానస్థితే దేవి కామేశ్వరి నమోఽస్తు తే ॥ 18 ॥