ଶ୍ରୀ କାମାଖ୍ଯା ସ୍ତୋତ୍ରଂ

ଜଯ କାମେଶି ଚାମୁଣ୍ଡେ ଜଯ ଭୂତାପହାରିଣି ।
ଜଯ ସର୍ଵଗତେ ଦେଵି କାମେଶ୍ଵରି ନମୋଽସ୍ତୁ ତେ ॥ 1 ॥

ଵିଶ୍ଵମୂର୍ତେ ଶୁଭେ ଶୁଦ୍ଧେ ଵିରୂପାକ୍ଷି ତ୍ରିଲୋଚନେ ।
ଭୀମରୂପେ ଶିଵେ ଵିଦ୍ଯେ କାମେଶ୍ଵରି ନମୋଽସ୍ତୁ ତେ ॥ 2 ॥

ମାଲାଜଯେ ଜଯେ ଜମ୍ଭେ ଭୂତାକ୍ଷି କ୍ଷୁଭିତେଽକ୍ଷଯେ ।
ମହାମାଯେ ମହେଶାନି କାମେଶ୍ଵରି ନମୋଽସ୍ତୁ ତେ ॥ 3 ॥
ଭୀମାକ୍ଷି ଭୀଷଣେ ଦେଵି ସର୍ଵଭୂତକ୍ଷଯଙ୍କରି ।
କାଲି ଚ ଵିକରାଲି ଚ କାମେଶ୍ଵରି ନମୋଽସ୍ତୁ ତେ ॥ 3 ॥
କାଲି କରାଲଵିକ୍ରାନ୍ତେ କାମେଶ୍ଵରି ହରପ୍ରିଯେ ।
ସର୍ଵଶାସ୍ତ୍ରସାରଭୂତେ କାମେଶ୍ଵରି ନମୋଽସ୍ତୁ ତେ ॥ 4 ॥
କାମରୂପପ୍ରଦୀପେ ଚ ନୀଲକୂଟନିଵାସିନି ।
ନିଶୁମ୍ଭଶୁମ୍ଭମଥନି କାମେଶ୍ଵରି ନମୋଽସ୍ତୁ ତେ ॥ 5 ॥
କାମାଖ୍ଯେ କାମରୂପସ୍ଥେ କାମେଶ୍ଵରି ହରିପ୍ରିଯେ ।
କାମନାଂ ଦେହି ମେ ନିତ୍ଯଂ କାମେଶ୍ଵରି ନମୋଽସ୍ତୁ ତେ ॥ 6 ॥
ଵପାନାଢ୍ଯମହାଵକ୍ତ୍ରେ ତଥା ତ୍ରିଭୁଵନେଶ୍ଵରି ।
ମହିଷାସୁରଵଧେ ଦେଵି କାମେଶ୍ଵରି ନମୋଽସ୍ତୁ ତେ ॥ 7 ॥
ଛାଗତୁଷ୍ଟେ ମହାଭୀମେ କାମାଖ୍ଯେ ସୁରଵନ୍ଦିତେ ।
ଜଯ କାମପ୍ରଦେ ତୁଷ୍ଟେ କାମେଶ୍ଵରି ନମୋଽସ୍ତୁ ତେ ॥ 8 ॥
ଭ୍ରଷ୍ଟରାଜ୍ଯୋ ଯଦା ରାଜା ନଵମ୍ଯାଂ ନିଯତଃ ଶୁଚିଃ ।
ଅଷ୍ଟମ୍ଯାଂ ଚ ଚତୁର୍ଦଶ୍ଯାମୁପଵାସୀ ନରୋତ୍ତମଃ ॥ 9 ॥
ସଂଵତ୍ସରେଣ ଲଭତେ ରାଜ୍ଯଂ ନିଷ୍କଣ୍ଟକଂ ପୁନଃ ।
ଯ ଇଦଂ ଶୃଣୁଯାଦ୍ଭକ୍ତ୍ଯା ତଵ ଦେଵି ସମୁଦ୍ଭଵମ୍ ।
ସର୍ଵପାପଵିନିର୍ମୁକ୍ତଃ ପରଂ ନିର୍ଵାଣମୃଚ୍ଛତି ॥ 10 ॥
ଶ୍ରୀକାମରୂପେଶ୍ଵରି ଭାସ୍କରପ୍ରଭେପ୍ରକାଶିତାମ୍ଭୋଜନିଭାଯତାନନେ ।
ସୁରାରିରକ୍ଷଃସ୍ତୁତିପାତନୋତ୍ସୁକେତ୍ରଯୀମଯେ ଦେଵନୁତେ ନମାମି ॥ 11 ॥
ସିତାସିତେ ରକ୍ତପିଶଙ୍ଗଵିଗ୍ରହେରୂପାଣି ଯସ୍ଯାଃ ପ୍ରତିଭାନ୍ତି ତାନି ।
ଵିକାରରୂପା ଚ ଵିକଲ୍ପିତାନିଶୁଭାଶୁଭାନାମପି ତାଂ ନମାମି ॥ 12 ॥
କାମରୂପସମୁଦ୍ଭୂତେ କାମପୀଠାଵତଂସକେ ।
ଵିଶ୍ଵାଧାରେ ମହାମାଯେ କାମେଶ୍ଵରି ନମୋଽସ୍ତୁ ତେ ॥ 13 ॥
ଅଵ୍ଯକ୍ତଵିଗ୍ରହେ ଶାନ୍ତେ ସନ୍ତତେ କାମରୂପିଣି ।
କାଲଗମ୍ଯେ ପରେ ଶାନ୍ତେ କାମେଶ୍ଵରି ନମୋଽସ୍ତୁ ତେ ॥ 14 ॥
ଯା ସୁଷୁମ୍ନାନ୍ତରାଲସ୍ଥା ଚିନ୍ତ୍ଯତେ ଜ୍ଯୋତିରୂପିଣୀ ।
ପ୍ରଣତୋଽସ୍ମି ପରାଂ ଵୀରାଂ କାମେଶ୍ଵରି ନମୋଽସ୍ତୁ ତେ ॥ 15 ॥
ଦଂଷ୍ଟ୍ରାକରାଲଵଦନେ ମୁଣ୍ଡମାଲୋପଶୋଭିତେ ।
ସର୍ଵତଃ ସର୍ଵଗେ ଦେଵି କାମେଶ୍ଵରି ନମୋଽସ୍ତୁ ତେ ॥ 16 ॥
ଚାମୁଣ୍ଡେ ଚ ମହାକାଲି କାଲି କପାଲହାରିଣୀ ।
ପାଶହସ୍ତେ ଦଣ୍ଡହସ୍ତେ କାମେଶ୍ଵରି ନମୋଽସ୍ତୁ ତେ ॥ 17 ॥
ଚାମୁଣ୍ଡେ କୁଲମାଲାସ୍ଯେ ତୀକ୍ଷ୍ଣଦଂଷ୍ଟ୍ରେ ମହାବଲେ ।
ଶଵଯାନସ୍ଥିତେ ଦେଵି କାମେଶ୍ଵରି ନମୋଽସ୍ତୁ ତେ ॥ 18 ॥