વિરાટનગરં રમ્યં ગચ્છમાનો યુધિષ્ઠિરઃ ।
અસ્તુવન્મનસા દેવીં દુર્ગાં ત્રિભુવનેશ્વરીમ્ ॥ 1 ॥
અસ્તુવન્મનસા દેવીં દુર્ગાં ત્રિભુવનેશ્વરીમ્ ॥ 1 ॥
યશોદાગર્ભસમ્ભૂતાં નારાયણવરપ્રિયામ્ ।
નન્દગોપકુલે જાતાં મઙ્ગલ્યાં કુલવર્ધિનીમ્ ॥ 2 ॥
નન્દગોપકુલે જાતાં મઙ્ગલ્યાં કુલવર્ધિનીમ્ ॥ 2 ॥
કંસવિદ્રાવણકરીમસુરાણાં ક્ષયઙ્કરીમ્ ।
શિલાતટવિનિક્ષિપ્તામાકાશં પ્રતિ ગામિનીમ્ ॥ 3 ॥
શિલાતટવિનિક્ષિપ્તામાકાશં પ્રતિ ગામિનીમ્ ॥ 3 ॥
વાસુદેવસ્ય ભગિનીં દિવ્યમાલ્યવિભૂષિતામ્ ।
દિવ્યામ્બરધરાં દેવીં ખડ્ગખેટકધારિણીમ્ ॥ 4 ॥
દિવ્યામ્બરધરાં દેવીં ખડ્ગખેટકધારિણીમ્ ॥ 4 ॥
ભારાવતરણે પુણ્યે યે સ્મરન્તિ સદાશિવામ્ ।
તાન્ વૈ તારયતે પાપાત્ પઙ્કે ગામિવ દુર્બલામ્ ॥ 5 ॥
તાન્ વૈ તારયતે પાપાત્ પઙ્કે ગામિવ દુર્બલામ્ ॥ 5 ॥
સ્તોતું પ્રચક્રમે ભૂયો વિવિધૈઃ સ્તોત્રસમ્ભવૈઃ ।
આમન્ત્ર્ય દર્શનાકાઙ્ક્ષી રાજા દેવીં સહાનુજઃ ॥ 6 ॥
આમન્ત્ર્ય દર્શનાકાઙ્ક્ષી રાજા દેવીં સહાનુજઃ ॥ 6 ॥
નમોઽસ્તુ વરદે કૃષ્ણે કુમારિ બ્રહ્મચારિણિ ।
બાલાર્કસદૃશાકારે પૂર્ણચન્દ્રનિભાનને ॥ 7 ॥
બાલાર્કસદૃશાકારે પૂર્ણચન્દ્રનિભાનને ॥ 7 ॥
ચતુર્ભુજે ચતુર્વક્ત્રે પીનશ્રોણિપયોધરે ।
મયૂરપિચ્છવલયે કેયૂરાઙ્ગદધારિણિ ॥ 8 ॥
મયૂરપિચ્છવલયે કેયૂરાઙ્ગદધારિણિ ॥ 8 ॥
ભાસિ દેવિ યથા પદ્મા નારાયણપરિગ્રહઃ ।
સ્વરૂપં બ્રહ્મચર્યં ચ વિશદં તવ ખેચરિ ॥ 9 ॥
સ્વરૂપં બ્રહ્મચર્યં ચ વિશદં તવ ખેચરિ ॥ 9 ॥
કૃષ્ણચ્છવિસમા કૃષ્ણા સઙ્કર્ષણસમાનના ।
બિભ્રતી વિપુલૌ બાહૂ શક્રધ્વજસમુચ્છ્રયૌ ॥ 10 ॥
બિભ્રતી વિપુલૌ બાહૂ શક્રધ્વજસમુચ્છ્રયૌ ॥ 10 ॥
પાત્રી ચ પઙ્કજી ઘણ્ટી સ્ત્રીવિશુદ્ધા ચ યા ભુવિ ।
પાશં ધનુર્મહાચક્રં વિવિધાન્યાયુધાનિ ચ ॥ 11 ॥
પાશં ધનુર્મહાચક્રં વિવિધાન્યાયુધાનિ ચ ॥ 11 ॥
કુણ્ડલાભ્યાં સુપૂર્ણાભ્યાં કર્ણાભ્યાં ચ વિભૂષિતા ।
ચન્દ્રવિસ્પર્ધિના દેવિ મુખેન ત્વં વિરાજસે ॥ 12 ॥
ચન્દ્રવિસ્પર્ધિના દેવિ મુખેન ત્વં વિરાજસે ॥ 12 ॥
મુકુટેન વિચિત્રેણ કેશબન્ધેન શોભિના ।
ભુજઙ્ગાભોગવાસેન શ્રોણિસૂત્રેણ રાજતા ॥ 13 ॥
ભુજઙ્ગાભોગવાસેન શ્રોણિસૂત્રેણ રાજતા ॥ 13 ॥
વિભ્રાજસે ચાબદ્ધેન ભોગેનેવેહ મન્દરઃ ।
ધ્વજેન શિખિપિચ્છાનામુચ્છ્રિતેન વિરાજસે ॥ 14 ॥
ધ્વજેન શિખિપિચ્છાનામુચ્છ્રિતેન વિરાજસે ॥ 14 ॥
કૌમારં વ્રતમાસ્થાય ત્રિદિવં પાવિતં ત્વયા ।
તેન ત્વં સ્તૂયસે દેવિ ત્રિદશૈઃ પૂજ્યસેઽપિ ચ ॥ 15 ॥
તેન ત્વં સ્તૂયસે દેવિ ત્રિદશૈઃ પૂજ્યસેઽપિ ચ ॥ 15 ॥
ત્રૈલોક્યરક્ષણાર્થાય મહિષાસુરનાશિનિ ।
પ્રસન્ના મે સુરશ્રેષ્ઠે દયાં કુરુ શિવા ભવ ॥ 16 ॥
પ્રસન્ના મે સુરશ્રેષ્ઠે દયાં કુરુ શિવા ભવ ॥ 16 ॥
જયા ત્વં વિજયા ચૈવ સઙ્ગ્રામે ચ જયપ્રદા ।
મમાપિ વિજયં દેહિ વરદા ત્વં ચ સામ્પ્રતમ્ ॥ 17 ॥
મમાપિ વિજયં દેહિ વરદા ત્વં ચ સામ્પ્રતમ્ ॥ 17 ॥
વિન્ધ્યે ચૈવ નગશ્રેષ્ઠે તવ સ્થાનં હિ શાશ્વતમ્ ।
કાલિ કાલિ મહાકાલિ શીધુમાંસપશુપ્રિયે ॥ 18 ॥
કાલિ કાલિ મહાકાલિ શીધુમાંસપશુપ્રિયે ॥ 18 ॥
કૃતાનુયાત્રા ભૂતૈસ્ત્વં વરદા કામચારિણી ।
ભારાવતારે યે ચ ત્વાં સંસ્મરિષ્યન્તિ માનવાઃ ॥ 19 ॥
ભારાવતારે યે ચ ત્વાં સંસ્મરિષ્યન્તિ માનવાઃ ॥ 19 ॥
પ્રણમન્તિ ચ યે ત્વાં હિ પ્રભાતે તુ નરા ભુવિ ।
ન તેષાં દુર્લભં કિઞ્ચિત્ પુત્રતો ધનતોઽપિ વા ॥ 20 ॥
ન તેષાં દુર્લભં કિઞ્ચિત્ પુત્રતો ધનતોઽપિ વા ॥ 20 ॥
દુર્ગાત્ તારયસે દુર્ગે તત્ ત્વં દુર્ગા સ્મૃતા જનૈઃ ।
કાન્તારેષ્વવસન્નાનાં મગ્નાનાં ચ મહાર્ણવે ।
દસ્યુભિર્વા નિરુદ્ધાનાં ત્વં ગતિઃ પરમા નૃણામ્ ॥ 21 ॥
કાન્તારેષ્વવસન્નાનાં મગ્નાનાં ચ મહાર્ણવે ।
દસ્યુભિર્વા નિરુદ્ધાનાં ત્વં ગતિઃ પરમા નૃણામ્ ॥ 21 ॥
જલપ્રતરણે ચૈવ કાન્તારેષ્વટવીષુ ચ ।
યે સ્મરન્તિ મહાદેવિ ન ચ સીદન્તિ તે નરાઃ ॥ 22 ॥
યે સ્મરન્તિ મહાદેવિ ન ચ સીદન્તિ તે નરાઃ ॥ 22 ॥
ત્વં કીર્તિઃ શ્રીર્ધૃતિઃ સિદ્ધિર્હ્રીર્વિદ્યા સન્તતિર્મતિઃ ।
સન્ધ્યા રાત્રિઃ પ્રભા નિદ્રા જ્યોત્સ્ના કાન્તિઃ ક્ષમા દયા ॥ 23 ॥
સન્ધ્યા રાત્રિઃ પ્રભા નિદ્રા જ્યોત્સ્ના કાન્તિઃ ક્ષમા દયા ॥ 23 ॥
નૃણાં ચ બન્ધનં મોહં પુત્રનાશં ધનક્ષયમ્ ।
વ્યાધિં મૃત્યું ભયં ચૈવ પૂજિતા નાશયિષ્યસિ ॥ 24 ॥
વ્યાધિં મૃત્યું ભયં ચૈવ પૂજિતા નાશયિષ્યસિ ॥ 24 ॥
સોઽહં રાજ્યાત્પરિભ્રષ્ટઃ શરણં ત્વાં પ્રપન્નવાન્ ।
પ્રણતશ્ચ યથા મૂર્ધ્ના તવ દેવિ સુરેશ્વરિ ॥ 25 ॥
પ્રણતશ્ચ યથા મૂર્ધ્ના તવ દેવિ સુરેશ્વરિ ॥ 25 ॥
ત્રાહિ માં પદ્મપત્રાક્ષિ સત્યે સત્યા ભવસ્વ નઃ ।
શરણં ભવ મે દુર્ગે શરણ્યે ભક્તવત્સલે ॥ 26 ॥
શરણં ભવ મે દુર્ગે શરણ્યે ભક્તવત્સલે ॥ 26 ॥
એવં સ્તુતા હિ સા દેવી દર્શયામાસ પાણ્ડવમ્ ।
ઉપગમ્ય તુ રાજાનામિદં વચનમબ્રવીત્ ॥ 27 ॥
ઉપગમ્ય તુ રાજાનામિદં વચનમબ્રવીત્ ॥ 27 ॥
દેવ્યુવાચ।
શૃણુ રાજન્ મહાબાહો મદીયં વચનં પ્રભો ।
ભવિષ્યત્યચિરાદેવ સઙ્ગ્રામે વિજયસ્તવ ॥ 28 ॥
શૃણુ રાજન્ મહાબાહો મદીયં વચનં પ્રભો ।
ભવિષ્યત્યચિરાદેવ સઙ્ગ્રામે વિજયસ્તવ ॥ 28 ॥
મમ પ્રસાદાન્નિર્જિત્ય હત્વા કૌરવવાહિનીમ્ ।
રાજ્યં નિષ્કણ્ટકં કૃત્વા ભોક્ષ્યસે મેદિનીં પુનઃ ॥ 29 ॥
રાજ્યં નિષ્કણ્ટકં કૃત્વા ભોક્ષ્યસે મેદિનીં પુનઃ ॥ 29 ॥
ભાત્રૃભિઃ સહિતો રાજન્ પ્રીતિં પ્રાપ્સ્યસિ પુષ્કલામ્ ।
મત્પ્રસાદાચ્ચ તે સૌખ્યમારોગ્યં ચ ભવિષ્યતિ ॥ 30 ॥
મત્પ્રસાદાચ્ચ તે સૌખ્યમારોગ્યં ચ ભવિષ્યતિ ॥ 30 ॥
યે ચ સઙ્કીર્તયિષ્યન્તિ લોકે વિગતકલ્મષાઃ ।
તેષાં તુષ્ટા પ્રદાસ્યામિ રાજ્યમાયુર્વપુઃ સુતમ્ ॥ 31 ॥
તેષાં તુષ્ટા પ્રદાસ્યામિ રાજ્યમાયુર્વપુઃ સુતમ્ ॥ 31 ॥
પ્રવાસે નગરે ચાપિ સઙ્ગ્રામે શત્રુસઙ્કટે ।
અટવ્યાં દુર્ગકાન્તારે સાગરે ગહને ગિરૌ ॥ 32 ॥
અટવ્યાં દુર્ગકાન્તારે સાગરે ગહને ગિરૌ ॥ 32 ॥
યે સ્મરિષ્યન્તિ માં રાજન્ યથાઽહં ભવતા સ્મૃતા ।
ન તેષાં દુર્લભં કિઞ્ચિદસ્મિલ્લોકે ભવિષ્યતિ ॥ 33 ॥
ન તેષાં દુર્લભં કિઞ્ચિદસ્મિલ્લોકે ભવિષ્યતિ ॥ 33 ॥
ઇદં સ્તોત્રવરં ભક્ત્યા શૃણુયાદ્વા પઠેત વા ।
તસ્ય સર્વાણિ કાર્યાણિ સિદ્ધિં યાસ્યન્તિ પાણ્ડવાઃ ॥ 34 ॥
તસ્ય સર્વાણિ કાર્યાણિ સિદ્ધિં યાસ્યન્તિ પાણ્ડવાઃ ॥ 34 ॥
મત્પ્રસાદાચ્ચ વઃ સર્વાન્વિરાટનગરે સ્થિતાન્ ।
ન પ્રજ્ઞાસ્યન્તિ કુરવો નરા વા તન્નિવાસિનઃ ॥ 35 ॥
ન પ્રજ્ઞાસ્યન્તિ કુરવો નરા વા તન્નિવાસિનઃ ॥ 35 ॥
ઇત્યુક્ત્વા વરદા દેવી યુધિષ્ઠિરમરિન્દમમ્ ।
રક્ષાં કૃત્વા ચ પાણ્ડૂનાં તત્રૈવાન્તરધીયત ॥ 36 ॥
રક્ષાં કૃત્વા ચ પાણ્ડૂનાં તત્રૈવાન્તરધીયત ॥ 36 ॥
ઇતિ શ્રીમન્મહાભારતે વિરાટપર્વણિ અષ્ટમોઽધ્યાયે યુધિષ્ઠિર કૃત શ્રી દુર્ગા સ્તોત્રમ્ ।