పశుపతీన్దుపతిం ధరణీపతిం భుజగలోకపతిం చ సతీపతిమ్ ।
ప్రణతభక్తజనార్తిహరం పరం భజత రే మనుజా గిరిజాపతిమ్ ॥1॥
ప్రణతభక్తజనార్తిహరం పరం భజత రే మనుజా గిరిజాపతిమ్ ॥1॥
న జనకో జననీ న చ సోదరో న తనయో న చ భూరిబలం కులమ్ ।
అవతి కోఽపి న కాలవశం గతం భజత రే మనుజా గిరిజాపతిమ్ ॥2॥
అవతి కోఽపి న కాలవశం గతం భజత రే మనుజా గిరిజాపతిమ్ ॥2॥
మురజడిణ్డిమవాద్యవిలక్షణం మధురపఞ్చమనాదవిశారదమ్ ।
ప్రమథభూతగణైరపి సేవితం భజత రే మనుజా గిరిజాపతిమ్ ॥3॥
ప్రమథభూతగణైరపి సేవితం భజత రే మనుజా గిరిజాపతిమ్ ॥3॥
శరణదం సుఖదం శరణాన్వితం శివ శివేతి శివేతి నతం నృణామ్ ।
అభయదం కరుణావరుణాలయం భజత రే మనుజా గిరిజాపతిమ్ ॥4॥
అభయదం కరుణావరుణాలయం భజత రే మనుజా గిరిజాపతిమ్ ॥4॥
నరశిరోరచితం మణికుణ్డలం భుజగహారముదం వృషభధ్వజమ్ ।
చితిరజోధవలీకృతవిగ్రహం భజత రే మనుజా గిరిజాపతిమ్ ॥5॥
చితిరజోధవలీకృతవిగ్రహం భజత రే మనుజా గిరిజాపతిమ్ ॥5॥
మఖవినాశకరం శశిశేఖరం సతతమధ్వరభాజిఫలప్రదమ్ ।
ప్రలయదగ్ధసురాసురమానవం భజత రే మనుజా గిరిజాపతిమ్ ॥6॥
ప్రలయదగ్ధసురాసురమానవం భజత రే మనుజా గిరిజాపతిమ్ ॥6॥
మదమపాస్య చిరం హృది సంస్థితం మరణజన్మజరామయపీడితమ్ ।
జగదుదీక్ష్య సమీపభయాకులం భజత రే మనుజా గిరిజాపతిమ్ ॥7॥
జగదుదీక్ష్య సమీపభయాకులం భజత రే మనుజా గిరిజాపతిమ్ ॥7॥
హరివిరఞ్చిసురాధిపపూజితం యమజనేశధనేశనమస్కౄతమ్ ।
త్రినయనం భువనత్రితయాధిపం భజత రే మనుజా గిరిజాపతిమ్ ॥8॥
త్రినయనం భువనత్రితయాధిపం భజత రే మనుజా గిరిజాపతిమ్ ॥8॥
పశుపతేరిదమష్టకమద్భుతం విరచితం పృథివీపతిసూరిణా ।
పఠతి సంశఋణుతే మనుజః సదా శివపురీం వసతే లభతే ముదమ్ ॥9॥
పఠతి సంశఋణుతే మనుజః సదా శివపురీం వసతే లభతే ముదమ్ ॥9॥
ఇతి శ్రీపశుపత్యష్టకం సమ్పూర్ణమ్ ॥