নবগ্রহ ধ্যান শ্লোকম্
আদিত্যায চ সোমায মঙ্গলায বুধায চ ।
গুরু শুক্র শনিভ্যশ্চ রাহবে কেতবে নমঃ ॥
রবিঃ
রবিঃ
জপাকুসুম সঙ্কাশং কাশ্যপেযং মহাদ্যুতিম্ ।
তমোঽরিং সর্ব পাপঘ্নং প্রণতোস্মি দিবাকরম্ ॥
চন্দ্রঃ
চন্দ্রঃ
দধিশঙ্খ তুষারাভং ক্ষীরার্ণব সমুদ্ভবম্ (ক্ষীরোদার্ণব সম্ভবম্) ।
নমামি শশিনং সোমং শম্ভো-র্মকুট ভূষণম্ ॥
কুজঃ
কুজঃ
ধরণী গর্ভ সম্ভূতং বিদ্যুত্কান্তি সমপ্রভম্ ।
কুমারং শক্তিহস্তং তং কুজং [মঙ্গলং] প্রণমাম্যহম্ ॥
বুধঃ
বুধঃ
প্রিযঙ্গু কলিকাশ্যামং রূপেণা প্রতিমং বুধম্ ।
সৌম্যং সৌম্য (সত্ব) গুণোপেতং তং বুধং প্রণমাম্যহম্ ॥
গুরুঃ
গুরুঃ
দেবানাং চ ঋষীণাং চ গুরুং কাঞ্চনসন্নিভম্ ।
বুদ্ধিমন্তং ত্রিলোকেশং তং নমামি বৃহস্পতিম্ ॥
শুক্রঃ
শুক্রঃ
হিমকুন্দ মৃণালাভং দৈত্যানং পরমং গুরুম্ ।
সর্বশাস্ত্র প্রবক্তারং ভার্গবং প্রণমাম্যহম্ ॥
শনিঃ
শনিঃ
নীলাঞ্জন সমাভাসং রবিপুত্রং যমাগ্রজম্ ।
ছাযা মার্তাণ্ড সম্ভূতং তং নমামি শনৈশ্চরম্ ॥
রাহুঃ
রাহুঃ
অর্ধকাযং মহাবীরং চন্দ্রাদিত্য বিমর্ধনম্ ।
সিংহিকা গর্ভ সম্ভূতং তং রাহুং প্রণমাম্যহম্ ॥
কেতুঃ
কেতুঃ
পলাশ পুষ্প সঙ্কাশং তারকাগ্রহমস্তকম্ ।
রৌদ্রং রৌদ্রাত্মকং ঘোরং তং কেতুং প্রণমাম্যহম্ ॥
ফলশ্রুতিঃ
ফলশ্রুতিঃ
ইতি ব্যাস মুখোদ্গীতং যঃ পঠেত্সু সমাহিতঃ ।
দিবা বা যদি বা রাত্রৌ বিঘ্নশান্তি-র্ভবিষ্যতি ॥
নরনারী-নৃপাণাং চ ভবে-দ্দুঃস্বপ্ন-নাশনম্ ।
নরনারী-নৃপাণাং চ ভবে-দ্দুঃস্বপ্ন-নাশনম্ ।
ঐশ্বর্যমতুলং তেষামারোগ্যং পুষ্টি বর্ধনম্ ॥
গ্রহনক্ষত্রজাঃ পীডাস্তস্করাগ্নি সমুদ্ভবাঃ ।
গ্রহনক্ষত্রজাঃ পীডাস্তস্করাগ্নি সমুদ্ভবাঃ ।
তাস্সর্বাঃ প্রশমং যান্তি ব্যাসো ব্রূতে ন সংশযঃ ॥
ইতি ব্যাস বিরচিতং নবগ্রহ স্তোত্রং সম্পূর্ণম্ ।