ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ ।
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
ഓം അഥ പുരുഷോ ഹ വൈ നാരായണോ-ഽകാമയത പ്രജാ-സ്സൃ॑ജേയേ॒തി ।
ഓം അഥ പുരുഷോ ഹ വൈ നാരായണോ-ഽകാമയത പ്രജാ-സ്സൃ॑ജേയേ॒തി ।
നാ॒രാ॒യ॒ണാത്പ്രാ॑ണോ ജാ॒യതേ । മന-സ്സര്വേന്ദ്രി॑യാണി॒ ച ।
ഖം-വാഁയുര്ജ്യോതിരാപഃ പൃഥിവീ വിശ്വ॑സ്യ ധാ॒രിണീ ।
നാ॒രാ॒യ॒ണാദ്ബ്ര॑ഹ്മാ ജാ॒യതേ ।
നാ॒രാ॒യ॒ണാദ്രു॑ദ്രോ ജാ॒യതേ ।
നാ॒രാ॒യ॒ണാദി॑ന്ദ്രോ ജാ॒യതേ ।
നാ॒രാ॒യ॒ണാത്പ്രജാപതയഃ പ്ര॑ജായ॒ന്തേ ।
നാ॒രാ॒യ॒ണാദ്ദ്വാദശാദിത്യാ രുദ്രാ വസവസ്സര്വാണി ച ഛ॑ന്ദാഗ്ം॒സി ।
നാ॒രാ॒യ॒ണാദേവ സമു॑ത്പദ്യ॒ന്തേ ।
നാ॒രാ॒യ॒ണേ പ്ര॑വര്ത॒ന്തേ ।
നാ॒രാ॒യ॒ണേ പ്ര॑ലീയ॒ന്തേ ॥
ഓമ് । അഥ നിത്യോ നാ॑രായ॒ണഃ । ബ്ര॒ഹ്മാ നാ॑രായ॒ണഃ ।
ഓമ് । അഥ നിത്യോ നാ॑രായ॒ണഃ । ബ്ര॒ഹ്മാ നാ॑രായ॒ണഃ ।
ശി॒വശ്ച॑ നാരായ॒ണഃ । ശ॒ക്രശ്ച॑ നാരായ॒ണഃ ।
ദ്യാ॒വാ॒പൃ॒ഥി॒വ്യൌ ച॑ നാരായ॒ണഃ । കാ॒ലശ്ച॑ നാരായ॒ണഃ ।
ദി॒ശശ്ച॑ നാരായ॒ണഃ । ഊ॒ര്ധ്വശ്ച॑ നാരായ॒ണഃ ।
അ॒ധശ്ച॑ നാരായ॒ണഃ । അ॒ന്ത॒ര്ബ॒ഹിശ്ച॑ നാരായ॒ണഃ ।
നാരായണ ഏവേ॑ദഗ്ം സ॒ര്വമ് ।
യദ്ഭൂ॒തം-യഁച്ച॒ ഭവ്യമ്᳚ ।
നിഷ്കലോ നിരഞ്ജനോ നിര്വികല്പോ നിരാഖ്യാത-ശ്ശുദ്ധോ ദേവ
ഏകോ॑ നാരായ॒ണഃ । ന ദ്വി॒തീയോ᳚സ്തി॒ കശ്ചി॑ത് ।
യ ഏ॑വം-വേഁ॒ദ ।
സ വിഷ്ണുരേവ ഭവതി സ വിഷ്ണുരേ॑വ ഭ॒വതി ॥
ഓമിത്യ॑ഗ്രേ വ്യാ॒ഹരേത് । നമ ഇ॑തി പ॒ശ്ചാത് ।
ഓമിത്യ॑ഗ്രേ വ്യാ॒ഹരേത് । നമ ഇ॑തി പ॒ശ്ചാത് ।
നാ॒രാ॒യ॒ണായേത്യു॑പരി॒ഷ്ടാത് ।
ഓമി॑ത്യേകാ॒ക്ഷരമ് । നമ ഇതി॑ ദ്വേ അ॒ക്ഷരേ ।
നാ॒രാ॒യ॒ണായേതി പഞ്ചാ᳚ക്ഷരാ॒ണി ।
ഏതദ്വൈ നാരായണസ്യാഷ്ടാക്ഷ॑ര-മ്പ॒ദമ് ।
യോ ഹ വൈ നാരായണസ്യാഷ്ടാക്ഷര-മ്പദ॑മധ്യേ॒തി ।
അനപബ്രുവസ്സര്വമാ॑യുരേ॒തി ।
വിന്ദതേ പ്രാ॑ജാപ॒ത്യഗ്ം രായസ്പോഷ॑-ങ്ഗൌപ॒ത്യമ് ।
തതോ-ഽമൃതത്വമശ്നുതേ തതോ-ഽമൃതത്വമശ്നു॑ത ഇ॒തി ।
യ ഏ॑വം-വേഁ॒ദ ॥
പ്രത്യഗാനന്ദ-മ്ബ്രഹ്മ പുരുഷ-മ്പ്രണവ॑സ്വരൂ॒പമ് ।
പ്രത്യഗാനന്ദ-മ്ബ്രഹ്മ പുരുഷ-മ്പ്രണവ॑സ്വരൂ॒പമ് ।
അകാര ഉകാര മകാ॑ര ഇ॒തി ।
താനേകധാ സമഭരത്തദേത॑ദോമി॒തി ।
യമുക്ത്വാ॑ മുച്യ॑തേ യോ॒ഗീ॒ ജ॒ന്മ॒സംസാ॑രബ॒ന്ധനാത് ।
ഓ-ന്നമോ നാരായണായേതി മ॑ന്ത്രോപാ॒സകഃ ।
വൈകുണ്ഠഭുവനലോക॑-ങ്ഗമി॒ഷ്യതി ।
തദിദ-മ്പര-മ്പുണ്ഡരീകം-വിഁ॑ജ്ഞാന॒ഘനമ് ।
തസ്മാത്തദിദാ॑വന്മാ॒ത്രമ് [തടിദാഭമാത്രമ്] ।
ബ്രഹ്മണ്യോ ദേവ॑കീപു॒ത്രോ॒ ബ്രഹ്മണ്യോ മ॑ധുസൂ॒ദനോമ് ।
സര്വഭൂതസ്ഥമേക॑-ന്നാരാ॒യണമ് ।
കാരണരൂപമകാര പ॑രബ്ര॒ഹ്മോമ് ।
ഏതദഥര്വ ശിരോ॑യോ-ഽധീ॒തേ പ്രാ॒തര॑ധീയാ॒നോ॒ രാത്രികൃത-മ്പാപ॑-ന്നാശ॒യതി ।
സാ॒യമ॑ധീയാ॒നോ॒ ദിവസകൃത-മ്പാപ॑-ന്നാശ॒യതി ।
മാധ്യന്ദിനമാദിത്യാഭിമുഖോ॑-ഽധീയാ॒നഃ॒ പഞ്ചപാതകോപപാതകാ᳚ത്പ്രമു॒ച്യതേ ।
സര്വ വേദ പാരായണ പു॑ണ്യം-ലഁ॒ഭതേ ।
നാരായണസായുജ്യമ॑വാപ്നോ॒തി॒ നാരായണ സായുജ്യമ॑വാപ്നോ॒തി ।
യ ഏ॑വം-വേഁ॒ദ । ഇത്യു॑പ॒നിഷ॑ത് ॥
ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ ।
ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ ।
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥