মহেন্দ্র উবাচ
নমঃ কমলবাসিন্যৈ নারাযণ্যৈ নমো নমঃ ।
কৃষ্ণপ্রিযাযৈ সারাযৈ পদ্মাযৈ চ নমো নমঃ ॥ 1 ॥
কৃষ্ণপ্রিযাযৈ সারাযৈ পদ্মাযৈ চ নমো নমঃ ॥ 1 ॥
পদ্মপত্রেক্ষণাযৈ চ পদ্মাস্যাযৈ নমো নমঃ ।
পদ্মাসনাযৈ পদ্মিন্যৈ বৈষ্ণব্যৈ চ নমো নমঃ ॥ 2 ॥
পদ্মাসনাযৈ পদ্মিন্যৈ বৈষ্ণব্যৈ চ নমো নমঃ ॥ 2 ॥
সর্বসম্পত্স্বরূপাযৈ সর্বদাত্র্যৈ নমো নমঃ ।
সুখদাযৈ মোক্ষদাযৈ সিদ্ধিদাযৈ নমো নমঃ ॥ 3 ॥
সুখদাযৈ মোক্ষদাযৈ সিদ্ধিদাযৈ নমো নমঃ ॥ 3 ॥
হরিভক্তিপ্রদাত্র্যৈ চ হর্ষদাত্র্যৈ নমো নমঃ ।
কৃষ্ণবক্ষঃস্থিতাযৈ চ কৃষ্ণেশাযৈ নমো নমঃ ॥ 4 ॥
কৃষ্ণবক্ষঃস্থিতাযৈ চ কৃষ্ণেশাযৈ নমো নমঃ ॥ 4 ॥
কৃষ্ণশোভাস্বরূপাযৈ রত্নাঢ্যাযৈ নমো নমঃ ।
সম্পত্যধিষ্ঠাতৃদেব্যৈ মহাদেব্যৈ নমো নমঃ ॥ 5 ॥
সম্পত্যধিষ্ঠাতৃদেব্যৈ মহাদেব্যৈ নমো নমঃ ॥ 5 ॥
সস্যাধিষ্ঠাতৃদেব্যৈ চ সস্যলক্ষ্ম্যৈ নমো নমঃ ।
নমো বুদ্ধিস্বরূপাযৈ বুদ্ধিদাযৈ নমো নমঃ ॥ 6 ॥
নমো বুদ্ধিস্বরূপাযৈ বুদ্ধিদাযৈ নমো নমঃ ॥ 6 ॥
বৈকুণ্ঠে চ মহালক্ষ্মীর্লক্ষ্মীঃ ক্ষীরোদসাগরে ।
স্বর্গলক্ষ্মীরিন্দ্রগেহে রাজলক্ষ্মীর্নৃপালযে ॥ 7 ॥
স্বর্গলক্ষ্মীরিন্দ্রগেহে রাজলক্ষ্মীর্নৃপালযে ॥ 7 ॥
গৃহলক্ষ্মীশ্চ গৃহিণাং গেহে চ গৃহদেবতা ।
সুরভিঃ সা গবাং মাতা দক্ষিণা যজ্ঞকামিনী ॥ 8 ॥
সুরভিঃ সা গবাং মাতা দক্ষিণা যজ্ঞকামিনী ॥ 8 ॥
অদিতির্দেবমাতা ত্বং কমলা কমলালযে ।
স্বাহা ত্বং চ হবির্দানে কব্যদানে স্বধা স্মৃতা ॥ 9 ॥
স্বাহা ত্বং চ হবির্দানে কব্যদানে স্বধা স্মৃতা ॥ 9 ॥
ত্বং হি বিষ্ণুস্বরূপা চ সর্বাধারা বসুন্ধরা ।
শুদ্ধসত্ত্বস্বরূপা ত্বং নারাযণপরাযাণা ॥ 10 ॥
শুদ্ধসত্ত্বস্বরূপা ত্বং নারাযণপরাযাণা ॥ 10 ॥
ক্রোধহিংসাবর্জিতা চ বরদা চ শুভাননা ।
পরমার্থপ্রদা ত্বং চ হরিদাস্যপ্রদা পরা ॥ 11 ॥
পরমার্থপ্রদা ত্বং চ হরিদাস্যপ্রদা পরা ॥ 11 ॥
যযা বিনা জগত্সর্বং ভস্মীভূতমসারকম্ ।
জীবন্মৃতং চ বিশ্বং চ শবতুল্যং যযা বিনা ॥ 12 ॥
জীবন্মৃতং চ বিশ্বং চ শবতুল্যং যযা বিনা ॥ 12 ॥
সর্বেষাং চ পরা ত্বং হি সর্ববান্ধবরূপিণী ।
যযা বিনা ন সম্ভাষ্যো বান্ধবৈর্বান্ধবঃ সদা ॥ 13 ॥
যযা বিনা ন সম্ভাষ্যো বান্ধবৈর্বান্ধবঃ সদা ॥ 13 ॥
ত্বযা হীনো বন্ধুহীনস্ত্বযা যুক্তঃ সবান্ধবঃ ।
ধর্মার্থকামমোক্ষাণাং ত্বং চ কারণরূপিণী ॥ 14 ॥
ধর্মার্থকামমোক্ষাণাং ত্বং চ কারণরূপিণী ॥ 14 ॥
স্তনন্ধযানাং ত্বং মাতা শিশূনাং শৈশবে যথা ।
তথা ত্বং সর্বদা মাতা সর্বেষাং সর্ববিশ্বতঃ ॥ 15 ॥
তথা ত্বং সর্বদা মাতা সর্বেষাং সর্ববিশ্বতঃ ॥ 15 ॥
ত্যক্তস্তনো মাতৃহীনঃ স চেজ্জীবতি দৈবতঃ ।
ত্বযা হীনো জনঃ কোঽপি ন জীবত্যেব নিশ্চিতম্ ॥ 16 ॥
ত্বযা হীনো জনঃ কোঽপি ন জীবত্যেব নিশ্চিতম্ ॥ 16 ॥
সুপ্রসন্নস্বরূপা ত্বং মে প্রসন্না ভবাম্বিকে ।
বৈরিগ্রস্তং চ বিষযং দেহি মহ্যং সনাতনি ॥ 17 ॥
বৈরিগ্রস্তং চ বিষযং দেহি মহ্যং সনাতনি ॥ 17 ॥
বযং যাবত্ত্বযা হীনা বন্ধুহীনাশ্চ ভিক্ষুকাঃ ।
সর্বসম্পদ্বিহীনাশ্চ তাবদেব হরিপ্রিযে ॥ 18 ॥
সর্বসম্পদ্বিহীনাশ্চ তাবদেব হরিপ্রিযে ॥ 18 ॥
রাজ্যং দেহি শ্রিযং দেহি বলং দেহি সুরেশ্বরি ।
কীর্তিং দেহি ধনং দেহি পুত্রান্মহ্যং চ দেহি বৈ ॥ 19 ॥
কীর্তিং দেহি ধনং দেহি পুত্রান্মহ্যং চ দেহি বৈ ॥ 19 ॥
কামং দেহি মতিং দেহি ভোগান্ দেহি হরিপ্রিযে ।
জ্ঞানং দেহি চ ধর্মং চ সর্বসৌভাগ্যমীপ্সিতম্ ॥ 20 ॥
জ্ঞানং দেহি চ ধর্মং চ সর্বসৌভাগ্যমীপ্সিতম্ ॥ 20 ॥
সর্বাধিকারমেবং বৈ প্রভাবাং চ প্রতাপকম্ ।
জযং পরাক্রমং যুদ্ধে পরমৈশ্বর্যমৈব চ ॥ 21 ॥
জযং পরাক্রমং যুদ্ধে পরমৈশ্বর্যমৈব চ ॥ 21 ॥
ইত্যুক্ত্বা তু মহেন্দ্রশ্চ সর্বৈঃ সুরগণৈঃ সহ ।
ননাম সাশ্রুনেত্রোঽযং মূর্ধ্না চৈব পুনঃ পুনঃ ॥ 22 ॥
ননাম সাশ্রুনেত্রোঽযং মূর্ধ্না চৈব পুনঃ পুনঃ ॥ 22 ॥
ব্রহ্মা চ শঙ্করশ্চৈব শেষো ধর্মশ্চ কেশবঃ ।
সর্বে চক্রুঃ পরীহারং সুরার্থে চ পুনঃ পুনঃ ॥ 23 ॥
সর্বে চক্রুঃ পরীহারং সুরার্থে চ পুনঃ পুনঃ ॥ 23 ॥
দেবেভ্যশ্চ বরং দত্ত্বা পুষ্পমালাং মনোহরাম্ ।
কেশবায দদৌ লক্ষ্মীঃ সন্তুষ্টা সুরসংসদি ॥ 24 ॥
কেশবায দদৌ লক্ষ্মীঃ সন্তুষ্টা সুরসংসদি ॥ 24 ॥
যযুর্দৈবাশ্চ সন্তুষ্টাঃ স্বং স্বং স্থানং চ নারদ ।
দেবী যযৌ হরেঃ ক্রোডং হৃষ্টা ক্ষীরোদশাযিনঃ ॥ 25 ॥
দেবী যযৌ হরেঃ ক্রোডং হৃষ্টা ক্ষীরোদশাযিনঃ ॥ 25 ॥
যযতুস্তৌ স্বস্বগৃহং ব্রহ্মেশানৌ চ নারদ ।
দত্ত্বা শুভাশিষং তৌ চ দেবেভ্যঃ প্রীতিপূর্বকম্ ॥ 26 ॥
দত্ত্বা শুভাশিষং তৌ চ দেবেভ্যঃ প্রীতিপূর্বকম্ ॥ 26 ॥
ইদং স্তোত্রং মহাপুণ্যং ত্রিসন্ধ্যং যঃ পঠেন্নরঃ ।
কুবেরতুল্যঃ স ভবেদ্রাজরাজেশ্বরো মহান্ ॥ 27 ॥
কুবেরতুল্যঃ স ভবেদ্রাজরাজেশ্বরো মহান্ ॥ 27 ॥
সিদ্ধস্তোত্রং যদি পঠেত্ সোঽপি কল্পতরুর্নরঃ ।
পঞ্চলক্ষজপেনৈব স্তোত্রসিদ্ধির্ভবেন্নৃণাম্ ॥ 28 ॥
পঞ্চলক্ষজপেনৈব স্তোত্রসিদ্ধির্ভবেন্নৃণাম্ ॥ 28 ॥
সিদ্ধস্তোত্রং যদি পঠেন্মাসমেকং চ সংযতঃ ।
মহাসুখী চ রাজেন্দ্রো ভবিষ্যতি ন সংশযঃ ॥ 29 ॥
মহাসুখী চ রাজেন্দ্রো ভবিষ্যতি ন সংশযঃ ॥ 29 ॥
ইতি শ্রীব্রহ্মবৈবর্তে মহাপুরাণে দ্বিতীযে প্রকৃতিখণ্ডে নারদনারাযণসংবাদে একোনচত্বারিংশত্তমোঽধ্যাযে মহেন্দ্র কৃত শ্রী মহালক্ষ্মী স্তোত্রম্ ।