കല്യാണവൃഷ്ടിഭിരിവാമൃതപൂരിതാഭി-
-ര്ലക്ഷ്മീസ്വയംവരണമങ്ഗലദീപികാഭിഃ ।
സേവാഭിരമ്ബ തവ പാദസരോജമൂലേ
നാകാരി കിം മനസി ഭാഗ്യവതാം ജനാനാമ് ॥ 1 ॥
-ര്ലക്ഷ്മീസ്വയംവരണമങ്ഗലദീപികാഭിഃ ।
സേവാഭിരമ്ബ തവ പാദസരോജമൂലേ
നാകാരി കിം മനസി ഭാഗ്യവതാം ജനാനാമ് ॥ 1 ॥
ഏതാവദേവ ജനനി സ്പൃഹണീയമാസ്തേ
ത്വദ്വന്ദനേഷു സലിലസ്ഥഗിതേ ച നേത്രേ ।
സാന്നിധ്യമുദ്യദരുണായുതസോദരസ്യ
ത്വദ്വിഗ്രഹസ്യ പരയാ സുധയാപ്ലുതസ്യ ॥ 2 ॥
ത്വദ്വന്ദനേഷു സലിലസ്ഥഗിതേ ച നേത്രേ ।
സാന്നിധ്യമുദ്യദരുണായുതസോദരസ്യ
ത്വദ്വിഗ്രഹസ്യ പരയാ സുധയാപ്ലുതസ്യ ॥ 2 ॥
ഈശത്വനാമകലുഷാഃ കതി വാ ന സന്തി
ബ്രഹ്മാദയഃ പ്രതിഭവം പ്രലയാഭിഭൂതാഃ ।
ഏകഃ സ ഏവ ജനനി സ്ഥിരസിദ്ധിരാസ്തേ
യഃ പാദയോസ്തവ സകൃത്പ്രണതിം കരോതി ॥ 3 ॥
ബ്രഹ്മാദയഃ പ്രതിഭവം പ്രലയാഭിഭൂതാഃ ।
ഏകഃ സ ഏവ ജനനി സ്ഥിരസിദ്ധിരാസ്തേ
യഃ പാദയോസ്തവ സകൃത്പ്രണതിം കരോതി ॥ 3 ॥
ലബ്ധ്വാ സകൃത്ത്രിപുരസുന്ദരി താവകീനം
കാരുണ്യകന്ദലിതകാന്തിഭരം കടാക്ഷമ് ।
കന്ദര്പകോടിസുഭഗാസ്ത്വയി ഭക്തിഭാജഃ
സമ്മോഹയന്തി തരുണീര്ഭുവനത്രയേഽപി ॥ 4 ॥
കാരുണ്യകന്ദലിതകാന്തിഭരം കടാക്ഷമ് ।
കന്ദര്പകോടിസുഭഗാസ്ത്വയി ഭക്തിഭാജഃ
സമ്മോഹയന്തി തരുണീര്ഭുവനത്രയേഽപി ॥ 4 ॥
ഹ്രീംകാരമേവ തവ നാമ ഗൃണന്തി വേദാ
മാതസ്ത്രികോണനിലയേ ത്രിപുരേ ത്രിനേത്രേ ।
ത്വത്സംസ്മൃതൌ യമഭടാഭിഭവം വിഹായ
ദീവ്യന്തി നന്ദനവനേ സഹ ലോകപാലൈഃ ॥ 5 ॥
മാതസ്ത്രികോണനിലയേ ത്രിപുരേ ത്രിനേത്രേ ।
ത്വത്സംസ്മൃതൌ യമഭടാഭിഭവം വിഹായ
ദീവ്യന്തി നന്ദനവനേ സഹ ലോകപാലൈഃ ॥ 5 ॥
ഹന്തുഃ പുരാമധിഗലം പരിപീയമാനഃ
ക്രൂരഃ കഥം ന ഭവിതാ ഗരലസ്യ വേഗഃ ।
നാശ്വാസനായ യദി മാതരിദം തവാര്ഥം
ദേഹസ്യ ശശ്വദമൃതാപ്ലുതശീതലസ്യ ॥ 6 ॥
ക്രൂരഃ കഥം ന ഭവിതാ ഗരലസ്യ വേഗഃ ।
നാശ്വാസനായ യദി മാതരിദം തവാര്ഥം
ദേഹസ്യ ശശ്വദമൃതാപ്ലുതശീതലസ്യ ॥ 6 ॥
സര്വജ്ഞതാം സദസി വാക്പടുതാം പ്രസൂതേ
ദേവി ത്വദങ്ഘ്രിസരസീരുഹയോഃ പ്രണാമഃ ।
കിം ച സ്ഫുരന്മകുടമുജ്ജ്വലമാതപത്രം
ദ്വേ ചാമരേ ച മഹതീം വസുധാം ദദാതി ॥ 7 ॥
ദേവി ത്വദങ്ഘ്രിസരസീരുഹയോഃ പ്രണാമഃ ।
കിം ച സ്ഫുരന്മകുടമുജ്ജ്വലമാതപത്രം
ദ്വേ ചാമരേ ച മഹതീം വസുധാം ദദാതി ॥ 7 ॥
കല്പദ്രുമൈരഭിമതപ്രതിപാദനേഷു
കാരുണ്യവാരിധിഭിരമ്ബ ഭവാത്കടാക്ഷൈഃ ।
ആലോകയ ത്രിപുരസുന്ദരി മാമനാഥം
ത്വയ്യേവ ഭക്തിഭരിതം ത്വയി ബദ്ധതൃഷ്ണമ് ॥ 8 ॥
കാരുണ്യവാരിധിഭിരമ്ബ ഭവാത്കടാക്ഷൈഃ ।
ആലോകയ ത്രിപുരസുന്ദരി മാമനാഥം
ത്വയ്യേവ ഭക്തിഭരിതം ത്വയി ബദ്ധതൃഷ്ണമ് ॥ 8 ॥
ഹന്തേതരേഷ്വപി മനാംസി നിധായ ചാന്യേ
ഭക്തിം വഹന്തി കില പാമരദൈവതേഷു ।
ത്വാമേവ ദേവി മനസാ സമനുസ്മരാമി
ത്വാമേവ നൌമി ശരണം ജനനി ത്വമേവ ॥ 9 ॥
ഭക്തിം വഹന്തി കില പാമരദൈവതേഷു ।
ത്വാമേവ ദേവി മനസാ സമനുസ്മരാമി
ത്വാമേവ നൌമി ശരണം ജനനി ത്വമേവ ॥ 9 ॥
ലക്ഷ്യേഷു സത്സ്വപി കടാക്ഷനിരീക്ഷണാനാ-
-മാലോകയ ത്രിപുരസുന്ദരി മാം കദാചിത് ।
നൂനം മയാ തു സദൃശഃ കരുണൈകപാത്രം
ജാതോ ജനിഷ്യതി ജനോ ന ച ജായതേ വാ ॥ 10 ॥
-മാലോകയ ത്രിപുരസുന്ദരി മാം കദാചിത് ।
നൂനം മയാ തു സദൃശഃ കരുണൈകപാത്രം
ജാതോ ജനിഷ്യതി ജനോ ന ച ജായതേ വാ ॥ 10 ॥
ഹ്രീം ഹ്രീമിതി പ്രതിദിനം ജപതാം തവാഖ്യാം
കിം നാമ ദുര്ലഭമിഹ ത്രിപുരാധിവാസേ ।
മാലാകിരീടമദവാരണമാനനീയാ
താന്സേവതേ വസുമതീ സ്വയമേവ ലക്ഷ്മീഃ ॥ 11 ॥
കിം നാമ ദുര്ലഭമിഹ ത്രിപുരാധിവാസേ ।
മാലാകിരീടമദവാരണമാനനീയാ
താന്സേവതേ വസുമതീ സ്വയമേവ ലക്ഷ്മീഃ ॥ 11 ॥
സമ്പത്കരാണി സകലേന്ദ്രിയനന്ദനാനി
സാമ്രാജ്യദാനനിരതാനി സരോരുഹാക്ഷി ।
ത്വദ്വന്ദനാനി ദുരിതാഹരണോദ്യതാനി
മാമേവ മാതരനിശം കലയന്തു നാന്യമ് ॥ 12 ॥
സാമ്രാജ്യദാനനിരതാനി സരോരുഹാക്ഷി ।
ത്വദ്വന്ദനാനി ദുരിതാഹരണോദ്യതാനി
മാമേവ മാതരനിശം കലയന്തു നാന്യമ് ॥ 12 ॥
കല്പോപസംഹൃതിഷു കല്പിതതാണ്ഡവസ്യ
ദേവസ്യ ഖണ്ഡപരശോഃ പരഭൈരവസ്യ ।
പാശാങ്കുശൈക്ഷവശരാസനപുഷ്പബാണാ
സാ സാക്ഷിണീ വിജയതേ തവ മൂര്തിരേകാ ॥ 13 ॥
ദേവസ്യ ഖണ്ഡപരശോഃ പരഭൈരവസ്യ ।
പാശാങ്കുശൈക്ഷവശരാസനപുഷ്പബാണാ
സാ സാക്ഷിണീ വിജയതേ തവ മൂര്തിരേകാ ॥ 13 ॥
ലഗ്നം സദാ ഭവതു മാതരിദം തവാര്ധം
തേജഃ പരം ബഹുലകുങ്കുമപങ്കശോണമ് ।
ഭാസ്വത്കിരീടമമൃതാംശുകലാവതംസം
മധ്യേ ത്രികോണനിലയം പരമാമൃതാര്ദ്രമ് ॥ 14 ॥
തേജഃ പരം ബഹുലകുങ്കുമപങ്കശോണമ് ।
ഭാസ്വത്കിരീടമമൃതാംശുകലാവതംസം
മധ്യേ ത്രികോണനിലയം പരമാമൃതാര്ദ്രമ് ॥ 14 ॥
ഹ്രീംകാരമേവ തവ നാമ തദേവ രൂപം
ത്വന്നാമ ദുര്ലഭമിഹ ത്രിപുരേ ഗൃണന്തി ।
ത്വത്തേജസാ പരിണതം വിയദാദിഭൂതം
സൌഖ്യം തനോതി സരസീരുഹസമ്ഭവാദേഃ ॥ 15 ॥
ത്വന്നാമ ദുര്ലഭമിഹ ത്രിപുരേ ഗൃണന്തി ।
ത്വത്തേജസാ പരിണതം വിയദാദിഭൂതം
സൌഖ്യം തനോതി സരസീരുഹസമ്ഭവാദേഃ ॥ 15 ॥
ഹ്രീംകാരത്രയസമ്പുടേന മഹതാ മന്ത്രേണ സന്ദീപിതം
സ്തോത്രം യഃ പ്രതിവാസരം തവ പുരോ മാതര്ജപേന്മന്ത്രവിത് ।
തസ്യ ക്ഷോണിഭുജോ ഭവന്തി വശഗാ ലക്ഷ്മീശ്ചിരസ്ഥായിനീ
വാണീ നിര്മലസൂക്തിഭാരഭാരിതാ ജാഗര്തി ദീര്ഘം വയഃ ॥ 16 ॥
സ്തോത്രം യഃ പ്രതിവാസരം തവ പുരോ മാതര്ജപേന്മന്ത്രവിത് ।
തസ്യ ക്ഷോണിഭുജോ ഭവന്തി വശഗാ ലക്ഷ്മീശ്ചിരസ്ഥായിനീ
വാണീ നിര്മലസൂക്തിഭാരഭാരിതാ ജാഗര്തി ദീര്ഘം വയഃ ॥ 16 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ കല്യാണവൃഷ്ടി സ്തവഃ ।