কল্যাণবৃষ্টিভিরিবামৃতপূরিতাভি-
-র্লক্ষ্মীস্বযংবরণমঙ্গলদীপিকাভিঃ ।
সেবাভিরম্ব তব পাদসরোজমূলে
নাকারি কিং মনসি ভাগ্যবতাং জনানাম্ ॥ 1 ॥
-র্লক্ষ্মীস্বযংবরণমঙ্গলদীপিকাভিঃ ।
সেবাভিরম্ব তব পাদসরোজমূলে
নাকারি কিং মনসি ভাগ্যবতাং জনানাম্ ॥ 1 ॥
এতাবদেব জননি স্পৃহণীযমাস্তে
ত্বদ্বন্দনেষু সলিলস্থগিতে চ নেত্রে ।
সান্নিধ্যমুদ্যদরুণাযুতসোদরস্য
ত্বদ্বিগ্রহস্য পরযা সুধযাপ্লুতস্য ॥ 2 ॥
ত্বদ্বন্দনেষু সলিলস্থগিতে চ নেত্রে ।
সান্নিধ্যমুদ্যদরুণাযুতসোদরস্য
ত্বদ্বিগ্রহস্য পরযা সুধযাপ্লুতস্য ॥ 2 ॥
ঈশত্বনামকলুষাঃ কতি বা ন সন্তি
ব্রহ্মাদযঃ প্রতিভবং প্রলযাভিভূতাঃ ।
একঃ স এব জননি স্থিরসিদ্ধিরাস্তে
যঃ পাদযোস্তব সকৃত্প্রণতিং করোতি ॥ 3 ॥
ব্রহ্মাদযঃ প্রতিভবং প্রলযাভিভূতাঃ ।
একঃ স এব জননি স্থিরসিদ্ধিরাস্তে
যঃ পাদযোস্তব সকৃত্প্রণতিং করোতি ॥ 3 ॥
লব্ধ্বা সকৃত্ত্রিপুরসুন্দরি তাবকীনং
কারুণ্যকন্দলিতকান্তিভরং কটাক্ষম্ ।
কন্দর্পকোটিসুভগাস্ত্বযি ভক্তিভাজঃ
সম্মোহযন্তি তরুণীর্ভুবনত্রযেঽপি ॥ 4 ॥
কারুণ্যকন্দলিতকান্তিভরং কটাক্ষম্ ।
কন্দর্পকোটিসুভগাস্ত্বযি ভক্তিভাজঃ
সম্মোহযন্তি তরুণীর্ভুবনত্রযেঽপি ॥ 4 ॥
হ্রীংকারমেব তব নাম গৃণন্তি বেদা
মাতস্ত্রিকোণনিলযে ত্রিপুরে ত্রিনেত্রে ।
ত্বত্সংস্মৃতৌ যমভটাভিভবং বিহায
দীব্যন্তি নন্দনবনে সহ লোকপালৈঃ ॥ 5 ॥
মাতস্ত্রিকোণনিলযে ত্রিপুরে ত্রিনেত্রে ।
ত্বত্সংস্মৃতৌ যমভটাভিভবং বিহায
দীব্যন্তি নন্দনবনে সহ লোকপালৈঃ ॥ 5 ॥
হন্তুঃ পুরামধিগলং পরিপীযমানঃ
ক্রূরঃ কথং ন ভবিতা গরলস্য বেগঃ ।
নাশ্বাসনায যদি মাতরিদং তবার্থং
দেহস্য শশ্বদমৃতাপ্লুতশীতলস্য ॥ 6 ॥
ক্রূরঃ কথং ন ভবিতা গরলস্য বেগঃ ।
নাশ্বাসনায যদি মাতরিদং তবার্থং
দেহস্য শশ্বদমৃতাপ্লুতশীতলস্য ॥ 6 ॥
সর্বজ্ঞতাং সদসি বাক্পটুতাং প্রসূতে
দেবি ত্বদঙ্ঘ্রিসরসীরুহযোঃ প্রণামঃ ।
কিং চ স্ফুরন্মকুটমুজ্জ্বলমাতপত্রং
দ্বে চামরে চ মহতীং বসুধাং দদাতি ॥ 7 ॥
দেবি ত্বদঙ্ঘ্রিসরসীরুহযোঃ প্রণামঃ ।
কিং চ স্ফুরন্মকুটমুজ্জ্বলমাতপত্রং
দ্বে চামরে চ মহতীং বসুধাং দদাতি ॥ 7 ॥
কল্পদ্রুমৈরভিমতপ্রতিপাদনেষু
কারুণ্যবারিধিভিরম্ব ভবাত্কটাক্ষৈঃ ।
আলোকয ত্রিপুরসুন্দরি মামনাথং
ত্বয্যেব ভক্তিভরিতং ত্বযি বদ্ধতৃষ্ণম্ ॥ 8 ॥
কারুণ্যবারিধিভিরম্ব ভবাত্কটাক্ষৈঃ ।
আলোকয ত্রিপুরসুন্দরি মামনাথং
ত্বয্যেব ভক্তিভরিতং ত্বযি বদ্ধতৃষ্ণম্ ॥ 8 ॥
হন্তেতরেষ্বপি মনাংসি নিধায চান্যে
ভক্তিং বহন্তি কিল পামরদৈবতেষু ।
ত্বামেব দেবি মনসা সমনুস্মরামি
ত্বামেব নৌমি শরণং জননি ত্বমেব ॥ 9 ॥
ভক্তিং বহন্তি কিল পামরদৈবতেষু ।
ত্বামেব দেবি মনসা সমনুস্মরামি
ত্বামেব নৌমি শরণং জননি ত্বমেব ॥ 9 ॥
লক্ষ্যেষু সত্স্বপি কটাক্ষনিরীক্ষণানা-
-মালোকয ত্রিপুরসুন্দরি মাং কদাচিত্ ।
নূনং মযা তু সদৃশঃ করুণৈকপাত্রং
জাতো জনিষ্যতি জনো ন চ জাযতে বা ॥ 10 ॥
-মালোকয ত্রিপুরসুন্দরি মাং কদাচিত্ ।
নূনং মযা তু সদৃশঃ করুণৈকপাত্রং
জাতো জনিষ্যতি জনো ন চ জাযতে বা ॥ 10 ॥
হ্রীং হ্রীমিতি প্রতিদিনং জপতাং তবাখ্যাং
কিং নাম দুর্লভমিহ ত্রিপুরাধিবাসে ।
মালাকিরীটমদবারণমাননীযা
তান্সেবতে বসুমতী স্বযমেব লক্ষ্মীঃ ॥ 11 ॥
কিং নাম দুর্লভমিহ ত্রিপুরাধিবাসে ।
মালাকিরীটমদবারণমাননীযা
তান্সেবতে বসুমতী স্বযমেব লক্ষ্মীঃ ॥ 11 ॥
সম্পত্করাণি সকলেন্দ্রিযনন্দনানি
সাম্রাজ্যদাননিরতানি সরোরুহাক্ষি ।
ত্বদ্বন্দনানি দুরিতাহরণোদ্যতানি
মামেব মাতরনিশং কলযন্তু নান্যম্ ॥ 12 ॥
সাম্রাজ্যদাননিরতানি সরোরুহাক্ষি ।
ত্বদ্বন্দনানি দুরিতাহরণোদ্যতানি
মামেব মাতরনিশং কলযন্তু নান্যম্ ॥ 12 ॥
কল্পোপসংহৃতিষু কল্পিততাণ্ডবস্য
দেবস্য খণ্ডপরশোঃ পরভৈরবস্য ।
পাশাঙ্কুশৈক্ষবশরাসনপুষ্পবাণা
সা সাক্ষিণী বিজযতে তব মূর্তিরেকা ॥ 13 ॥
দেবস্য খণ্ডপরশোঃ পরভৈরবস্য ।
পাশাঙ্কুশৈক্ষবশরাসনপুষ্পবাণা
সা সাক্ষিণী বিজযতে তব মূর্তিরেকা ॥ 13 ॥
লগ্নং সদা ভবতু মাতরিদং তবার্ধং
তেজঃ পরং বহুলকুঙ্কুমপঙ্কশোণম্ ।
ভাস্বত্কিরীটমমৃতাংশুকলাবতংসং
মধ্যে ত্রিকোণনিলযং পরমামৃতার্দ্রম্ ॥ 14 ॥
তেজঃ পরং বহুলকুঙ্কুমপঙ্কশোণম্ ।
ভাস্বত্কিরীটমমৃতাংশুকলাবতংসং
মধ্যে ত্রিকোণনিলযং পরমামৃতার্দ্রম্ ॥ 14 ॥
হ্রীংকারমেব তব নাম তদেব রূপং
ত্বন্নাম দুর্লভমিহ ত্রিপুরে গৃণন্তি ।
ত্বত্তেজসা পরিণতং বিযদাদিভূতং
সৌখ্যং তনোতি সরসীরুহসম্ভবাদেঃ ॥ 15 ॥
ত্বন্নাম দুর্লভমিহ ত্রিপুরে গৃণন্তি ।
ত্বত্তেজসা পরিণতং বিযদাদিভূতং
সৌখ্যং তনোতি সরসীরুহসম্ভবাদেঃ ॥ 15 ॥
হ্রীংকারত্রযসম্পুটেন মহতা মন্ত্রেণ সন্দীপিতং
স্তোত্রং যঃ প্রতিবাসরং তব পুরো মাতর্জপেন্মন্ত্রবিত্ ।
তস্য ক্ষোণিভুজো ভবন্তি বশগা লক্ষ্মীশ্চিরস্থাযিনী
বাণী নির্মলসূক্তিভারভারিতা জাগর্তি দীর্ঘং বযঃ ॥ 16 ॥
স্তোত্রং যঃ প্রতিবাসরং তব পুরো মাতর্জপেন্মন্ত্রবিত্ ।
তস্য ক্ষোণিভুজো ভবন্তি বশগা লক্ষ্মীশ্চিরস্থাযিনী
বাণী নির্মলসূক্তিভারভারিতা জাগর্তি দীর্ঘং বযঃ ॥ 16 ॥
ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ কল্যাণবৃষ্টি স্তবঃ ।