॥ ഷഷ്ഠഃ സര്ഗഃ ॥
॥ കുണ്ഠവൈകുണ്ഠഃ ॥
അഥ താം ഗന്തുമശക്താം ചിരമനുരക്താം ലതാഗൃഹേ ദൃഷ്ട്വാ ।
തച്ചരിതം ഗോവിന്ദേ മനസിജമന്ദേ സഖീ പ്രാഹ ॥ 37 ॥
॥ ഗീതം 12 ॥
പശ്യതി ദിശി ദിശി രഹസി ഭവന്തമ് ।
തദധരമധുരമധൂനി പിബന്തമ് ॥
നാഥ ഹരേ ജഗന്നാഥ ഹരേ സീദതി രാധാ വാസഗൃഹേ - ധ്രുവമ് ॥ 1 ॥
ത്വദഭിസരണരഭസേന വലന്തീ ।
പതതി പദാനി കിയന്തി ചലന്തീ ॥ 2 ॥
വിഹിതവിശദബിസകിസലയവലയാ ।
ജീവതി പരമിഹ തവ രതികലയാ ॥ 3 ॥
മുഹുരവലോകിതമണ്ഡനലീലാ ।
മധുരിപുരഹമിതി ഭാവനശീലാ ॥ 4 ॥
ത്വരിതമുപൈതി ന കഥമഭിസാരമ് ।
ഹരിരിതി വദതി സഖീമനുവാരമ് ॥ 5 ॥
ശ്ലിഷ്യതി ചുമ്ബതി ജലധരകല്പമ് ।
ഹരിരുപഗത
അഥ താം ഗന്തുമശക്താം ചിരമനുരക്താം ലതാഗൃഹേ ദൃഷ്ട്വാ ।
തച്ചരിതം ഗോവിന്ദേ മനസിജമന്ദേ സഖീ പ്രാഹ ॥ 37 ॥
॥ ഗീതം 12 ॥
പശ്യതി ദിശി ദിശി രഹസി ഭവന്തമ് ।
തദധരമധുരമധൂനി പിബന്തമ് ॥
നാഥ ഹരേ ജഗന്നാഥ ഹരേ സീദതി രാധാ വാസഗൃഹേ - ധ്രുവമ് ॥ 1 ॥
ത്വദഭിസരണരഭസേന വലന്തീ ।
പതതി പദാനി കിയന്തി ചലന്തീ ॥ 2 ॥
വിഹിതവിശദബിസകിസലയവലയാ ।
ജീവതി പരമിഹ തവ രതികലയാ ॥ 3 ॥
മുഹുരവലോകിതമണ്ഡനലീലാ ।
മധുരിപുരഹമിതി ഭാവനശീലാ ॥ 4 ॥
ത്വരിതമുപൈതി ന കഥമഭിസാരമ് ।
ഹരിരിതി വദതി സഖീമനുവാരമ് ॥ 5 ॥
ശ്ലിഷ്യതി ചുമ്ബതി ജലധരകല്പമ് ।
ഹരിരുപഗത
ഇതി തിമിരമനല്പമ് ॥ 6 ॥
ഭവതി വിലമ്ബിനി വിഗലിതലജ്ജാ ।
വിലപതി രോദിതി വാസകസജ്ജാ ॥ 7 ॥
ശ്രീജയദേവകവേരിദമുദിതമ് ।
രസികജനം തനുതാമതിമുദിതമ് ॥ 8 ॥
വിപുലപുലകപാലിഃ സ്ഫീതസീത്കാരമന്ത-ര്ജനിതജഡിമകാകുവ്യാകുലം വ്യാഹരന്തീ ।
തവ കിതവ വിധത്തേഽമന്ദകന്ദര്പചിന്താം രസജലധിനിമഗ്നാ ധ്യാനലഗ്നാ മൃഗാക്ഷീ ॥ 38 ॥
അങ്ഗേഷ്വാഭരണം കരോതി ബഹുശഃ പത്രേഽപി സഞ്ചാരിണി പ്രാപ്തം ത്വാം പരിശങ്കതേ വിതനുതേ ശയ്യാം ചിരം ധ്യായതി ।
ഇത്യാകല്പവികല്പതല്പരചനാസങ്കല്പലീലാശത-വ്യാസക്താപി വിനാ ത്വയാ വരതനുര്നൈഷാ നിശാം നേഷ്യതി ॥ 39 ॥
കിം വിശ്രാമ്യസി കൃഷ്ണഭോഗിഭവനേ ഭാണ്ഡീരഭൂമീരുഹി ഭ്രാത ര്യാഹി നദൃഷ്ടിഗോചരമിതസ്സാനന്ദനന്ദാസ്പദമ്।
രധായാവചനം തദധ്വഗമുഖാന്നന്ദാന്തികേഗോപതോ ഗോവിന്ദസ്യജയന്തി സായമതിഥിപ്രാശസ്ത്യഗര്ഭാഗിരഃ॥ 40 ॥
॥ ഇതി ഗീതഗോവിന്ദേ വാസകസജ്ജാവര്ണനേ കുണ്ഠവൈകുണ്ഠോ നാമ ഷഷ്ഠഃ സര്ഗഃ ॥