ଦକାରାଦି ଶ୍ରୀ ଦୁର୍ଗା ସହସ୍ର ନାମ ସ୍ତୋତ୍ରମ୍

ମମ ନାମ ସହସ୍ରଂ ଚ ଶିଵ ପୂର୍ଵଵିନିର୍ମିତମ୍ ।
ତତ୍ପଠ୍ଯତାଂ ଵିଧାନେନ ତଥା ସର୍ଵଂ ଭଵିଷ୍ଯତି ॥
ଇତ୍ଯୁକ୍ତ୍ଵା ପାର୍ଵତୀ ଦେଵି ଶ୍ରାଵଯାମାସ ତଚ୍ଚତାନ୍ ।
ତଦେଵ ନାମସାହସ୍ରଂ ଦକାରାଦି ଵରାନନେ ॥
ରୋଗଦାରିଦ୍ର୍ଯଦୌର୍ଭାଗ୍ଯଶୋକଦୁଃଖଵିନାଶକମ୍ ।
ସର୍ଵାସାଂ ପୂଜିତଂ ନାମ ଶ୍ରୀଦୁର୍ଗାଦେଵତା ମତା ॥
ନିଜବୀଜଂ ଭଵେଦ୍ବୀଜଂ ମନ୍ତ୍ରଂ କୀଲକମୁଚ୍ଯତେ ।
ସର୍ଵାଶାପୂରଣେ ଦେଵୀ ଵିନିଯୋଗଃ ପ୍ରକୀର୍ତିତଃ ॥
ଓଁ ଅସ୍ଯ ଶ୍ରୀଦକାରାଦି ଦୁର୍ଗାସହସ୍ରନାମ ସ୍ତୋତ୍ରସ୍ଯ ଶିଵ ଋଷିଃ ଅନୁଷ୍ଟୁପ୍ଛନ୍ଦଃ ଶ୍ରୀଦୁର୍ଗା ଦେଵତା ଦୁଂ ବୀଜଂ ଦୁଂ କୀଲକଂ ଦୁଃଖଦାରିଦ୍ର୍ଯରୋଗଶୋକ ନିଵୃତ୍ତ୍ଯର୍ଥଂ ପାଠେ ଵିନିଯୋଗଃ ।
ଧ୍ଯାନମ୍
ଵିଦ୍ଯୁଦ୍ଦାମସମପ୍ରଭାଂ ମୃଗପତି ସ୍କନ୍ଧସ୍ଥିତାଂ ଭୀଷଣାଂ
କନ୍ଯାଭିଃ କରଵାଲଖେଟଵିଲଦ୍ଦସ୍ତାଭିରାସେଵିତାମ୍ ।
ହସୈଶ୍ଚକ୍ରଗଦାସିଖେଟ ଵିଶିଖାଂଶ୍ଚାପଂ ଗୁଣଂ ତର୍ଜନୀଂ
ବିଭ୍ରାଣାମନଲାତ୍ମିକାଂ ଶଶିଧରାଂ ଦୁର୍ଗାଂ ତ୍ରିନେତ୍ରାଂ ଭଜେ ॥
ସ୍ତୋତ୍ରମ୍
ଦୁଂ ଦୁର୍ଗା ଦୁର୍ଗତିହରା ଦୁର୍ଗାଚଲନିଵାସିନୀ ।
ଦୁର୍ଗମାର୍ଗାନୁସଞ୍ଚାରା ଦୁର୍ଗମାର୍ଗନିଵାସିନୀ ॥ 1 ॥

ଦୁର୍ଗମାର୍ଗପ୍ରଵିଷ୍ଟା ଚ ଦୁର୍ଗମାର୍ଗପ୍ରଵେଶିନୀ ।
ଦୁର୍ଗମାର୍ଗକୃତାଵାସା ଦୁର୍ଗମାର୍ଗଜଯପ୍ରିଯା ॥ 2 ॥

ଦୁର୍ଗମାର୍ଗଗୃହୀତାର୍ଚା ଦୁର୍ଗମାର୍ଗସ୍ଥିତାତ୍ମିକା ।
ଦୁର୍ଗମାର୍ଗସ୍ତୁତିପରା ଦୁର୍ଗମାର୍ଗସ୍ମୃତିଃ ପରା ॥ 3 ॥

ଦୁର୍ଗମାର୍ଗସଦାସ୍ଥାତ୍ରୀ ଦୁର୍ଗମାର୍ଗରତିପ୍ରିଯା ।
ଦୁର୍ଗମାର୍ଗସ୍ଥଲସ୍ଥାନା ଦୁର୍ଗମାର୍ଗଵିଲାସିନୀ ॥ 4 ॥

ଦୁର୍ଗମାର୍ଗତ୍ଯକ୍ତଵସ୍ତ୍ରା ଦୁର୍ଗମାର୍ଗପ୍ରଵର୍ତିନୀ ।
ଦୁର୍ଗାସୁରନିହନ୍ତ୍ରୀ ଚ ଦୁର୍ଗାସୁରନିଷୂଦିନୀ ॥ 5 ॥

ଦୁର୍ଗାସୁରହରା ଦୂତୀ ଦୁର୍ଗାସୁରଵିନାଶିନୀ ।
ଦୁର୍ଗାସୁରଵଧୋନ୍ମତ୍ତା ଦୁର୍ଗାସୁରଵଧୋତ୍ସୁକା ॥ 6 ॥

ଦୁର୍ଗାସୁରଵଧୋତ୍ସାହା ଦୁର୍ଗାସୁରଵଧୋଦ୍ଯତା ।
ଦୁର୍ଗାସୁରଵଧପ୍ରେପ୍ସୁଃ ଦୁର୍ଗାସୁରମୁଖାନ୍ତକୃତ୍ ॥ 7 ॥

ଦୁର୍ଗାସୁରଧ୍ଵଂସତୋଷା ଦୁର୍ଗଦାନଵଦାରିଣୀ ।
ଦୁର୍ଗଵିଦ୍ରାଵଣକରୀ ଦୁର୍ଗଵିଦ୍ରାଵଣୀ ସଦା ॥ 8 ॥

ଦୁର୍ଗଵିକ୍ଷୋଭଣକରୀ ଦୁର୍ଗଶୀର୍ଷନିକୃନ୍ତନୀ ।
ଦୁର୍ଗଵିଧ୍ଵଂସନକରୀ ଦୁର୍ଗଦୈତ୍ଯନିକୃନ୍ତନୀ ॥ 9 ॥

ଦୁର୍ଗଦୈତ୍ଯପ୍ରାଣହରା ଦୁର୍ଗଦୈତ୍ଯାନ୍ତକାରିଣୀ ।
ଦୁର୍ଗଦୈତ୍ଯହରତ୍ରାତା ଦୁର୍ଗଦୈତ୍ଯାସୃଗୁନ୍ମଦା ॥ 10 ॥

ଦୁର୍ଗଦୈତ୍ଯାଶନକରୀ ଦୁର୍ଗଚର୍ମାମ୍ବରାଵୃତା ।
ଦୁର୍ଗଯୁଦ୍ଧୋତ୍ସଵକରୀ ଦୁର୍ଗଯୁଦ୍ଧଵିଶାରଦା ॥ 11 ॥

ଦୁର୍ଗଯୁଦ୍ଧାସଵରତା ଦୁର୍ଗଯୁଦ୍ଧଵିମର୍ଦିନୀ ।
ଦୁର୍ଗଯୁଦ୍ଧହାସ୍ଯରତା ଦୁର୍ଗଯୁଦ୍ଧାଟ୍ଟହାସିନୀ ॥ 12 ॥

ଦୁର୍ଗଯୁଦ୍ଧମହାମତ୍ତା ଦୁର୍ଗଯୁଦ୍ଧାନୁସାରିଣୀ ।
ଦୁର୍ଗଯୁଦ୍ଧୋତ୍ସଵୋତ୍ସାହା ଦୁର୍ଗଦେଶନିଷେଵିଣୀ ॥ 13 ॥

ଦୁର୍ଗଦେଶଵାସରତା ଦୁର୍ଗଦେଶଵିଲାସିନୀ ।
ଦୁର୍ଗଦେଶାର୍ଚନରତା ଦୁର୍ଗଦେଶଜନପ୍ରିଯା ॥ 14 ॥

ଦୁର୍ଗମସ୍ଥାନସଂସ୍ଥାନା ଦୁର୍ଗମଧ୍ଯାନୁସାଧନା ।
ଦୁର୍ଗମା ଦୁର୍ଗମଧ୍ଯାନା ଦୁର୍ଗମାତ୍ମସ୍ଵରୂପିଣୀ ॥ 15 ॥

ଦୁର୍ଗମାଗମସନ୍ଧାନା ଦୁର୍ଗମାଗମସଂସ୍ତୁତା ।
ଦୁର୍ଗମାଗମଦୁର୍ଜ୍ଞେଯା ଦୁର୍ଗମଶ୍ରୁତିସମ୍ମତା ॥ 16 ॥

ଦୁର୍ଗମଶ୍ରୁତିମାନ୍ଯା ଚ ଦୁର୍ଗମଶ୍ରୁତିପୂଜିତା ।
ଦୁର୍ଗମଶ୍ରୁତିସୁପ୍ରୀତା ଦୁର୍ଗମଶ୍ରୁତିହର୍ଷଦା ॥ 17 ॥

ଦୁର୍ଗମଶ୍ରୁତିସଂସ୍ଥାନା ଦୁର୍ଗମଶ୍ରୁତିମାନିତା ।
ଦୁର୍ଗମାଚାରସନ୍ତୁଷ୍ଟା ଦୁର୍ଗମାଚାରତୋଷିତା ॥ 18 ॥

ଦୁର୍ଗମାଚାରନିର୍ଵୃତ୍ତା ଦୁର୍ଗମାଚାରପୂଜିତା ।
ଦୁର୍ଗମାଚାରକଲିତା ଦୁର୍ଗମସ୍ଥାନଦାଯିନୀ ॥ 19 ॥

ଦୁର୍ଗମପ୍ରେମନିରତା ଦୁର୍ଗମଦ୍ରଵିଣପ୍ରଦା ।
ଦୁର୍ଗମାମ୍ବୁଜମଧ୍ଯସ୍ଥା ଦୁର୍ଗମାମ୍ବୁଜଵାସିନୀ ॥ 20 ॥

ଦୁର୍ଗନାଡୀମାର୍ଗଗତିର୍ଦୁର୍ଗନାଡୀପ୍ରଚାରିଣୀ ।
ଦୁର୍ଗନାଡୀପଦ୍ମରତା ଦୁର୍ଗନାଡ୍ଯମ୍ବୁଜସ୍ଥିତା ॥ 21 ॥

ଦୁର୍ଗନାଡୀଗତାଯାତା ଦୁର୍ଗନାଡୀକୃତାସ୍ପଦା ।
ଦୁର୍ଗନାଡୀରତରତା ଦୁର୍ଗନାଡୀଶସଂସ୍ତୁତା ॥ 22 ॥

ଦୁର୍ଗନାଡୀଶ୍ଵରରତା ଦୁର୍ଗନାଡୀଶଚୁମ୍ବିତା ।
ଦୁର୍ଗନାଡୀଶକ୍ରୋଡସ୍ଥା ଦୁର୍ଗନାଡ୍ଯତ୍ଥିତୋତ୍ସୁକା ॥ 23 ॥

ଦୁର୍ଗନାଡ୍ଯାରୋହଣା ଚ ଦୁର୍ଗନାଡୀନିଷେଵିତା ।
ଦରିସ୍ଥାନା ଦରିସ୍ଥାନଵାସିନୀ ଦନୁଜାନ୍ତକୃତ୍ ॥ 24 ॥

ଦରୀକୃତତପସ୍ଯା ଚ ଦରୀକୃତହରାର୍ଚନା ।
ଦରୀଜାପିତଦିଷ୍ଟା ଚ ଦରୀକୃତରତିପ୍ରିଯା ॥ 25 ॥

ଦରୀକୃତହରାର୍ହା ଚ ଦରୀକ୍ରୀଡିତପୁତ୍ରିକା ।
ଦରୀସନ୍ଦର୍ଶନରତା ଦରୀରୋପିତଵୃଶ୍ଚିକା ॥ 26 ॥

ଦରୀଗୁପ୍ତିକୌତୁକାଢ୍ଯା ଦରୀଭ୍ରମଣତତ୍ପରା ।
ଦନୁଜାନ୍ତକରୀ ଦୀନା ଦନୁସନ୍ତାନଦାରିଣୀ ॥ 27 ॥

ଦନୁଜଧ୍ଵଂସିନୀ ଦୂନା ଦନୁଜେନ୍ଦ୍ରଵିନାଶିନୀ ।
ଦାନଵଧ୍ଵଂସିନୀ ଦେଵୀ ଦାନଵାନାଂ ଭଯଙ୍କରୀ ॥ 28 ॥

ଦାନଵୀ ଦାନଵାରାଧ୍ଯା ଦାନଵେନ୍ଦ୍ରଵରପ୍ରଦା ।
ଦାନଵେନ୍ଦ୍ରନିହନ୍ତ୍ରୀ ଚ ଦାନଵଦ୍ଵେଷିଣୀସତୀ ॥ 29 ॥

ଦାନଵାରିପ୍ରେମରତା ଦାନଵାରିପ୍ରପୂଜିତା ।
ଦାନଵାରିକୃତାର୍ଚା ଚ ଦାନଵାରିଵିଭୂତିଦା ॥ 30 ॥

ଦାନଵାରିମହାନନ୍ଦା ଦାନଵାରିରତିପ୍ରିଯା ।
ଦାନଵାରିଦାନରତା ଦାନଵାରିକୃତାସ୍ପଦା ॥ 31 ॥

ଦାନଵାରିସ୍ତୁତିରତା ଦାନଵାରିସ୍ମୃତିପ୍ରିଯା ।
ଦାନଵାର୍ଯାହାରରତା ଦାନଵାରିପ୍ରବୋଧିନୀ ॥ 32 ॥

ଦାନଵାରିଧୃତପ୍ରେମା ଦୁଃଖଶୋକଵିମୋଚନୀ ।
ଦୁଃଖହନ୍ତ୍ରୀ ଦୁଃଖଦାତ୍ରୀ ଦୁଃଖନିର୍ମୂଲକାରିଣୀ ॥ 33 ॥

ଦୁଃଖନିର୍ମୂଲନକରୀ ଦୁଃଖଦାରିଦ୍ର୍ଯନାଶିନୀ । [ଦାର୍ଯରିନାଶିନୀ]
ଦୁଃଖହରା ଦୁଃଖନାଶା ଦୁଃଖଗ୍ରାମା ଦୁରାସଦା ॥ 34 ॥

ଦୁଃଖହୀନା ଦୁଃଖଦୂରା ଦ୍ରଵିଣାଚାରଦାଯିନୀ ।
ଦ୍ରଵିଣୋତ୍ସର୍ଗସନ୍ତୁଷ୍ଟା ଦ୍ରଵିଣତ୍ଯାଗତୋଷିତା ॥ 35 ॥

ଦ୍ରଵିଣସ୍ପର୍ଶସନ୍ତୁଷ୍ଟା ଦ୍ରଵିଣସ୍ପର୍ଶମାନଦା ।
ଦ୍ରଵିଣସ୍ପର୍ଶହର୍ଷାଢ୍ଯା ଦ୍ରଵିଣସ୍ପର୍ଶତୁଷ୍ଟିଦା ॥ 36 ॥

ଦ୍ରଵିଣସ୍ପର୍ଶନକରୀ ଦ୍ରଵିଣସ୍ପର୍ଶନାତୁରା ।
ଦ୍ରଵିଣସ୍ପର୍ଶନୋତ୍ସାହା ଦ୍ରଵିଣସ୍ପର୍ଶସାଧିତା ॥ 37 ॥

ଦ୍ରଵିଣସ୍ପର୍ଶନମତା ଦ୍ରଵିଣସ୍ପର୍ଶପୁତ୍ରିକା ।
ଦ୍ରଵିଣସ୍ପର୍ଶରକ୍ଷିଣୀ ଦ୍ରଵିଣସ୍ତୋମଦାଯିନୀ ॥ 38 ॥

ଦ୍ରଵିଣାକର୍ଷଣକରୀ ଦ୍ରଵିଣୌଘଵିସର୍ଜନୀ ।
ଦ୍ରଵିଣାଚଲଦାନାଢ୍ଯା ଦ୍ରଵିଣାଚଲଵାସିନୀ ॥ 39 ॥

ଦୀନମାତା ଦୀନବନ୍ଧୁର୍ଦୀନଵିଘ୍ନଵିନାଶିନୀ ।
ଦୀନସେଵ୍ଯା ଦୀନସିଦ୍ଧା ଦୀନସାଧ୍ଯା ଦିଗମ୍ବରୀ ॥ 40 ॥

ଦୀନଗେହକୃତାନନ୍ଦା ଦୀନଗେହଵିଲାସିନୀ ।
ଦୀନଭାଵପ୍ରେମରତା ଦୀନଭାଵଵିନୋଦିନୀ ॥ 41 ॥

ଦୀନମାନଵଚେତଃସ୍ଥା ଦୀନମାନଵହର୍ଷଦା ।
ଦୀନଦୈନ୍ଯଵିଘାତେଚ୍ଛୁର୍ଦୀନଦ୍ରଵିଣଦାଯିନୀ ॥ 42 ॥

ଦୀନସାଧନସନ୍ତୁଷ୍ଟା ଦୀନଦର୍ଶନଦାଯିନୀ ।
ଦୀନପୁତ୍ରାଦିଦାତ୍ରୀ ଚ ଦୀନସମ୍ଯଗ୍ଵିଧାଯିନୀ ॥ 43 ॥

ଦତ୍ତାତ୍ରେଯଧ୍ଯାନରତା ଦତ୍ତାତ୍ରେଯପ୍ରପୂଜିତା ।
ଦତ୍ତାତ୍ରେଯର୍ଷିସଂସିଦ୍ଧା ଦତ୍ତାତ୍ରେଯଵିଭାଵିତା ॥ 44 ॥

ଦତ୍ତାତ୍ରେଯକୃତାର୍ହା ଚ ଦତ୍ତାତ୍ରେଯପ୍ରସାଦିତା ।
ଦତ୍ତାତ୍ରେଯହର୍ଷଦାତ୍ରୀ ଦତ୍ତାତ୍ରେଯସୁଖପ୍ରଦା ॥ 45 ॥

ଦତ୍ତାତ୍ରେଯସ୍ତୁତା ଚୈଵ ଦତ୍ତାତ୍ରେଯନୁତାସଦା ।
ଦତ୍ତାତ୍ରେଯପ୍ରେମରତା ଦତ୍ତାତ୍ରେଯାନୁମାନିତା ॥ 46 ॥

ଦତ୍ତାତ୍ରେଯସମୁଦ୍ଗୀତା ଦତ୍ତାତ୍ରେଯକୁଟୁମ୍ବିନୀ ।
ଦତ୍ତାତ୍ରେଯପ୍ରାଣତୁଲ୍ଯା ଦତ୍ତାତ୍ରେଯଶରୀରିଣୀ ॥ 47 ॥

ଦତ୍ତାତ୍ରେଯକୃତାନନ୍ଦା ଦତ୍ତାତ୍ରେଯାଂଶସମ୍ଭଵା ।
ଦତ୍ତାତ୍ରେଯଵିଭୂତିସ୍ଥା ଦତ୍ତାତ୍ରେଯାନୁସାରିଣୀ ॥ 48 ॥

ଦତ୍ତାତ୍ରେଯଗୀତିରତା ଦତ୍ତାତ୍ରେଯଧନପ୍ରଦା ।
ଦତ୍ତାତ୍ରେଯଦୁଃଖହରା ଦତ୍ତାତ୍ରେଯଵରପ୍ରଦା ॥ 49 ॥

ଦତ୍ତାତ୍ରେଯଜ୍ଞାନଦାତ୍ରୀ ଦତ୍ତାତ୍ରେଯଭଯାପହା ।
ଦେଵକନ୍ଯା ଦେଵମାନ୍ଯା ଦେଵଦୁଃଖଵିନାଶିନୀ ॥ 50 ॥

ଦେଵସିଦ୍ଧା ଦେଵପୂଜ୍ଯା ଦେଵେଜ୍ଯା ଦେଵଵନ୍ଦିତା ।
ଦେଵମାନ୍ଯା ଦେଵଧନ୍ଯା ଦେଵଵିଘ୍ନଵିନାଶିନୀ ॥ 51 ॥

ଦେଵରମ୍ଯା ଦେଵରତା ଦେଵକୌତୁକତତ୍ପରା ।
ଦେଵକ୍ରୀଡା ଦେଵଵ୍ରୀଡା ଦେଵଵୈରିଵିନାଶିନୀ ॥ 52 ॥

ଦେଵକାମା ଦେଵରାମା ଦେଵଦ୍ଵିଷଵିନାଶିନୀ ।
ଦେଵଦେଵପ୍ରିଯା ଦେଵୀ ଦେଵଦାନଵଵନ୍ଦିତା ॥ 53 ॥

ଦେଵଦେଵରତାନନ୍ଦା ଦେଵଦେଵଵରୋତ୍ସୁକା ।
ଦେଵଦେଵପ୍ରେମରତା ଦେଵଦେଵପ୍ରିଯଂଵଦା ॥ 54 ॥

ଦେଵଦେଵପ୍ରାଣତୁଲ୍ଯା ଦେଵଦେଵନିତମ୍ବିନୀ ।
ଦେଵଦେଵହୃତମନା ଦେଵଦେଵସୁଖାଵହା ॥ 55 ॥

ଦେଵଦେଵକ୍ରୋଡରତା ଦେଵଦେଵସୁଖପ୍ରଦା ।
ଦେଵଦେଵମହାନନ୍ଦା ଦେଵଦେଵପ୍ରଚୁମ୍ବିତା ॥ 56 ॥

ଦେଵଦେଵୋପଭୁକ୍ତା ଚ ଦେଵଦେଵାନୁସେଵିତା ।
ଦେଵଦେଵଗତପ୍ରାଣା ଦେଵଦେଵଗତାତ୍ମିକା ॥ 57 ॥

ଦେଵଦେଵହର୍ଷଦାତ୍ରୀ ଦେଵଦେଵସୁଖପ୍ରଦା ।
ଦେଵଦେଵମହାନନ୍ଦା ଦେଵଦେଵଵିଲାସିନୀ ॥ 58 ॥

ଦେଵଦେଵଧର୍ମପତ୍ନୀ ଦେଵଦେଵମନୋଗତା ।
ଦେଵଦେଵଵଧୂର୍ଦେଵୀ ଦେଵଦେଵାର୍ଚନପ୍ରିଯା ॥ 59 ॥

ଦେଵଦେଵାଙ୍ଗନିଲଯା ଦେଵଦେଵାଙ୍ଗଶାଯିନୀ ।
ଦେଵଦେଵାଙ୍ଗସୁଖିନୀ ଦେଵଦେଵାଙ୍ଗଵାସିନୀ ॥ 60 ॥

ଦେଵଦେଵାଙ୍ଗଭୂଷା ଚ ଦେଵଦେଵାଙ୍ଗଭୂଷଣା ।
ଦେଵଦେଵପ୍ରିଯକରୀ ଦେଵଦେଵାପ୍ରିଯାନ୍ତକୃତ୍ ॥ 61 ॥

ଦେଵଦେଵପ୍ରିଯପ୍ରାଣା ଦେଵଦେଵପ୍ରିଯାତ୍ମିକା ।
ଦେଵଦେଵାର୍ଚକପ୍ରାଣା ଦେଵଦେଵାର୍ଚକପ୍ରିଯା ॥ 62 ॥

ଦେଵଦେଵାର୍ଚକୋତ୍ସାହା ଦେଵଦେଵାର୍ଚକାଶ୍ରଯା ।
ଦେଵଦେଵାର୍ଚକାଵିଘ୍ନା ଦେଵଦେଵପ୍ରସୂରପି ॥ 63 ॥

ଦେଵଦେଵସ୍ଯ ଜନନୀ ଦେଵଦେଵଵିଧାଯିନୀ ।
ଦେଵଦେଵସ୍ଯ ରମଣୀ ଦେଵଦେଵହୃଦାଶ୍ରଯା ॥ 64 ॥

ଦେଵଦେଵେଷ୍ଟଦେଵୀ ଚ ଦେଵତାପଵିପାତିନୀ । [ତାପସପାଲିନୀ]
ଦେଵତାଭାଵସନ୍ତୁଷ୍ଟା ଦେଵତାଭାଵତୋଷିତା ॥ 65 ॥

ଦେଵତାଭାଵଵରଦା ଦେଵତାଭାଵସିଦ୍ଧିଦା ।
ଦେଵତାଭାଵସଂସିଦ୍ଧା ଦେଵତାଭାଵସମ୍ଭଵା ॥ 66 ॥

ଦେଵତାଭାଵସୁଖିନୀ ଦେଵତାଭାଵଵନ୍ଦିତା ।
ଦେଵତାଭାଵସୁପ୍ରୀତା ଦେଵତାଭାଵହର୍ଷଦା ॥ 67 ॥

ଦେଵତାଵିଘ୍ନହନ୍ତ୍ରୀ ଚ ଦେଵତାଦ୍ଵିଷନାଶିନୀ ।
ଦେଵତାପୂଜିତପଦା ଦେଵତାପ୍ରେମତୋଷିତା ॥ 68 ॥

ଦେଵତାଗାରନିଲଯା ଦେଵତାସୌଖ୍ଯଦାଯିନୀ ।
ଦେଵତାନିଜଭାଵା ଚ ଦେଵତାହୃତମାନସା ॥ 69 ॥

ଦେଵତାକୃତପାଦାର୍ଚା ଦେଵତାହୃତଭକ୍ତିକା ।
ଦେଵତାଗର୍ଵମଧ୍ଯସ୍ଥା ଦେଵତାଦେଵତାତନୁଃ ॥ 70 ॥

ଦୁଂ‍ଦୁର୍ଗାଯୈ ନମୋ ନାମ୍ନୀ ଦୁଂ‍ଷଣ୍ମନ୍ତ୍ରସ୍ଵରୂପିଣୀ ।
ଦୂନ୍ନମୋମନ୍ତ୍ରରୂପା ଚ ଦୂନ୍ନମୋମୂର୍ତିକାତ୍ମିକା ॥ 71 ॥

ଦୂରଦର୍ଶିପ୍ରିଯା ଦୁଷ୍ଟା ଦୁଷ୍ଟଭୂତନିଷେଵିତା ।
ଦୂରଦର୍ଶିପ୍ରେମରତା ଦୂରଦର୍ଶିପ୍ରିଯଂଵଦା ॥ 72 ॥

ଦୂରଦର୍ଶିସିଦ୍ଧିଦାତ୍ରୀ ଦୂରଦର୍ଶିପ୍ରତୋଷିତା ।
ଦୂରଦର୍ଶିକଣ୍ଠସଂସ୍ଥା ଦୂରଦର୍ଶିପ୍ରହର୍ଷିତା ॥ 73 ॥

ଦୂରଦର୍ଶିଗୃହୀତାର୍ଚା ଦୂରଦର୍ଶିପ୍ରତର୍ପିତା ।
ଦୂରଦର୍ଶିପ୍ରାଣତୁଲ୍ଯା ଦୂରଦର୍ଶିସୁଖପ୍ରଦା ॥ 74 ॥

ଦୂରଦର୍ଶିଭ୍ରାନ୍ତିହରା ଦୂରଦର୍ଶିହୃଦାସ୍ପଦା ।
ଦୂରଦର୍ଶ୍ଯରିଵିଦ୍ଭାଵା ଦୀର୍ଘଦର୍ଶିପ୍ରମୋଦିନୀ ॥ 75 ॥

ଦୀର୍ଘଦର୍ଶିପ୍ରାଣତୁଲ୍ଯା ଦୀର୍ଘଦର୍ଶିଵରପ୍ରଦା ।
ଦୀର୍ଘଦର୍ଶିହର୍ଷଦାତ୍ରୀ ଦୀର୍ଘଦର୍ଶିପ୍ରହର୍ଷିତା ॥ 76 ॥

ଦୀର୍ଘଦର୍ଶିମହାନନ୍ଦା ଦୀର୍ଘଦର୍ଶିଗୃହାଲଯା ।
ଦୀର୍ଘଦର୍ଶିଗୃହୀତାର୍ଚା ଦୀର୍ଘଦର୍ଶିହୃତାର୍ହଣା ॥ 77 ॥

ଦଯା ଦାନଵତୀ ଦାତ୍ରୀ ଦଯାଲୁର୍ଦୀନଵତ୍ସଲା ।
ଦଯାର୍ଦ୍ରା ଚ ଦଯାଶୀଲା ଦଯାଢ୍ଯା ଚ ଦଯାତ୍ମିକା ॥ 78 ॥

ଦଯାମ୍ବୁଧିର୍ଦଯାସାରା ଦଯାସାଗରପାରଗା ।
ଦଯାସିନ୍ଧୁର୍ଦଯାଭାରା ଦଯାଵତ୍କରୁଣାକରୀ ॥ 80 ॥

ଦଯାଵଦ୍ଵତ୍ସଲାଦେଵୀ ଦଯାଦାନରତାସଦା ।
ଦଯାଵଦ୍ଭକ୍ତିସୁଖିନୀ ଦଯାଵତ୍ପରିତୋଷିତା ॥ 81 ॥

ଦଯାଵତ୍ସ୍ନେହନିରତା ଦଯାଵତ୍ପ୍ରତିପାଦିକା ।
ଦଯାଵତ୍ପ୍ରାଣକର୍ତ୍ରୀ ଚ ଦଯାଵନ୍ମୁକ୍ତିଦାଯିନୀ ॥ 82 ॥

ଦଯାଵଦ୍ଭାଵସନ୍ତୁଷ୍ଟା ଦଯାଵତ୍ପରିତୋଷିତା ।
ଦଯାଵତ୍ତାରଣପରା ଦଯାଵତ୍ସିଦ୍ଧିଦାଯିନୀ ॥ 83 ॥

ଦଯାଵତ୍ପୁତ୍ରଵଦ୍ଭାଵା ଦଯାଵତ୍ପୁତ୍ରରୂପିଣୀ ।
ଦଯାଵଦ୍ଦେହନିଲଯା ଦଯାବନ୍ଧୁର୍ଦଯାଶ୍ରଯା ॥ 84 ॥

ଦଯାଲୁଵାତ୍ସଲ୍ଯକରୀ ଦଯାଲୁସିଦ୍ଧିଦାଯିନୀ ।
ଦଯାଲୁଶରଣାସକ୍ତା ଦଯାଲୁର୍ଦେହମନ୍ଦିରା ॥ 85 ॥

ଦଯାଲୁଭକ୍ତିଭାଵସ୍ଥା ଦଯାଲୁପ୍ରାଣରୂପିଣୀ ।
ଦଯାଲୁସୁଖଦା ଦମ୍ଭା ଦଯାଲୁପ୍ରେମଵର୍ଷିଣୀ ॥ 86 ॥

ଦଯାଲୁଵଶଗା ଦୀର୍ଘା ଦୀର୍ଘାଙ୍ଗୀ ଦୀର୍ଘଲୋଚନା ।
ଦୀର୍ଘନେତ୍ରା ଦୀର୍ଘଚକ୍ଷୁର୍ଦୀର୍ଘବାହୁଲତାତ୍ମିକା ॥ 87 ॥

ଦୀର୍ଘକେଶୀ ଦୀର୍ଘମୁଖୀ ଦୀର୍ଘଘୋଣା ଚ ଦାରୁଣା ।
ଦାରୁଣାସୁରହନ୍ତ୍ରୀ ଚ ଦାରୁଣାସୁରଦାରିଣୀ ॥ 88 ॥

ଦାରୁଣାହଵକର୍ତ୍ରୀ ଚ ଦାରୁଣାହଵହର୍ଷିତା ।
ଦାରୁଣାହଵହୋମାଢ୍ଯା ଦାରୁଣାଚଲନାଶିନୀ ॥ 89 ॥

ଦାରୁଣାଚାରନିରତା ଦାରୁଣୋତ୍ସଵହର୍ଷିତା ।
ଦାରୁଣୋଦ୍ଯତରୂପା ଚ ଦାରୁଣାରିନିଵାରିଣୀ ॥ 90 ॥

ଦାରୁଣେକ୍ଷଣସଂଯୁକ୍ତା ଦୋଶ୍ଚତୁଷ୍କଵିରାଜିତା ।
ଦଶଦୋଷ୍କା ଦଶଭୁଜା ଦଶବାହୁଵିରାଜିତା ॥ 91 ॥

ଦଶାସ୍ତ୍ରଧାରିଣୀ ଦେଵୀ ଦଶଦିକ୍ଖ୍ଯାତଵିକ୍ରମା ।
ଦଶରଥାର୍ଚିତପଦା ଦାଶରଥିପ୍ରିଯା ସଦା ॥ 92 ॥

ଦାଶରଥିପ୍ରେମତୁଷ୍ଟା ଦାଶରଥିରତିପ୍ରିଯା ।
ଦାଶରଥିପ୍ରିଯକରୀ ଦାଶରଥିପ୍ରିଯଂଵଦା ॥ 93 ॥

ଦାଶରଥୀଷ୍ଟସନ୍ଦାତ୍ରୀ ଦାଶରଥୀଷ୍ଟଦେଵତା ।
ଦାଶରଥିଦ୍ଵେଷିନାଶା ଦାଶରଥ୍ଯାନୁକୂଲ୍ଯଦା ॥ 94 ॥

ଦାଶରଥିପ୍ରିଯତମା ଦାଶରଥିପ୍ରପୂଜିତା ।
ଦଶାନନାରିସମ୍ପୂଜ୍ଯା ଦଶାନନାରିଦେଵତା ॥ 95 ॥

ଦଶାନନାରିପ୍ରମଦା ଦଶାନନାରିଜନ୍ମଭୂଃ ।
ଦଶାନନାରିରତିଦା ଦଶାନନାରିସେଵିତା ॥ 96 ॥

ଦଶାନନାରିସୁଖଦା ଦଶାନନାରିଵୈରିହୃତ୍ ।
ଦଶାନନାରୀଷ୍ଟଦେଵୀ ଦଶଗ୍ରୀଵାରିଵନ୍ଦିତା ॥ 97 ॥

ଦଶଗ୍ରୀଵାରିଜନନୀ ଦଶଗ୍ରୀଵାରିଭାଵିନୀ ।
ଦଶଗ୍ରୀଵାରିସହିତା ଦଶଗ୍ରୀଵସଭାଜିତା ॥ 98 ॥

ଦଶଗ୍ରୀଵାରିରମଣୀ ଦଶଗ୍ରୀଵଵଧୂରପି ।
ଦଶଗ୍ରୀଵନାଶକର୍ତ୍ରୀ ଦଶଗ୍ରୀଵଵରପ୍ରଦା ॥ 99 ॥

ଦଶଗ୍ରୀଵପୁରସ୍ଥା ଚ ଦଶଗ୍ରୀଵଵଧୋତ୍ସୁକା ।
ଦଶଗ୍ରୀଵପ୍ରୀତିଦାତ୍ରୀ ଦଶଗ୍ରୀଵଵିନାଶିନୀ ॥ 100 ॥

ଦଶଗ୍ରୀଵାହଵକରୀ ଦଶଗ୍ରୀଵାନପାଯିନୀ ।
ଦଶଗ୍ରୀଵପ୍ରିଯାଵନ୍ଦ୍ଯା ଦଶଗ୍ରୀଵାହୃତା ତଥା ॥ 101 ॥

ଦଶଗ୍ରୀଵାହିତକରୀ ଦଶଗ୍ରୀଵେଶ୍ଵରପ୍ରିଯା ।
ଦଶଗ୍ରୀଵେଶ୍ଵରପ୍ରାଣା ଦଶଗ୍ରୀଵଵରପ୍ରଦା ॥ 102 ॥

ଦଶଗ୍ରୀଵେଶ୍ଵରରତା ଦଶଵର୍ଷୀଯକନ୍ଯକା ।
ଦଶଵର୍ଷୀଯବାଲା ଚ ଦଶଵର୍ଷୀଯଵାସିନୀ ॥ 103 ॥

ଦଶପାପହରା ଦମ୍ଯା ଦଶହସ୍ତଵିଭୂଷିତା ।
ଦଶଶସ୍ତ୍ରଲସଦ୍ଦୋଷ୍କା ଦଶଦିକ୍ପାଲଵନ୍ଦିତା ॥ 104 ॥

ଦଶାଵତାରରୂପା ଚ ଦଶାଵତାରରୂପିଣୀ ।
ଦଶଵିଦ୍ଯାଭିନ୍ନଦେଵୀ ଦଶପ୍ରାଣସ୍ଵରୂପିଣୀ ॥ 105 ॥

ଦଶଵିଦ୍ଯାସ୍ଵରୂପା ଚ ଦଶଵିଦ୍ଯାମଯୀ ତଥା ।
ଦୃକ୍ସ୍ଵରୂପା ଦୃକ୍ପ୍ରଦାତ୍ରୀ ଦୃଗ୍ରୂପା ଦୃକ୍ପ୍ରକାଶିନୀ ॥ 106 ॥

ଦିଗନ୍ତରା ଦିଗନ୍ତସ୍ଥା ଦିଗମ୍ବରଵିଲାସିନୀ ।
ଦିଗମ୍ବରସମାଜସ୍ଥା ଦିଗମ୍ବରପ୍ରପୂଜିତା ॥ 107 ॥

ଦିଗମ୍ବରସହଚରୀ ଦିଗମ୍ବରକୃତାସ୍ପଦା ।
ଦିଗମ୍ବରହୃତାଚିତ୍ତା ଦିଗମ୍ବରକଥାପ୍ରିଯା ॥ 108 ॥

ଦିଗମ୍ବରଗୁଣରତା ଦିଗମ୍ବରସ୍ଵରୂପିଣୀ ।
ଦିଗମ୍ବରଶିରୋଧାର୍ଯା ଦିଗମ୍ବରହୃତାଶ୍ରଯା ॥ 109 ॥

ଦିଗମ୍ବରପ୍ରେମରତା ଦିଗମ୍ବରରତାତୁରା ।
ଦିଗମ୍ବରୀସ୍ଵରୂପା ଚ ଦିଗମ୍ବରୀଗଣାର୍ଚିତା ॥ 110 ॥

ଦିଗମ୍ବରୀଗଣପ୍ରାଣା ଦିଗମ୍ବରୀଗଣପ୍ରିଯା ।
ଦିଗମ୍ବରୀଗଣାରାଧ୍ଯା ଦିଗମ୍ବରଗଣେଶ୍ଵରା ॥ 111 ॥

ଦିଗମ୍ବରଗଣସ୍ପର୍ଶାମଦିରାପାନଵିହ୍ଵଲା ।
ଦିଗମ୍ବରୀକୋଟିଵୃତା ଦିଗମ୍ବରୀଗଣାଵୃତା ॥ 112 ॥

ଦୁରନ୍ତା ଦୁଷ୍କୃତିହରା ଦୁର୍ଧ୍ଯେଯା ଦୁରତିକ୍ରମା ।
ଦୁରନ୍ତଦାନଵଦ୍ଵେଷ୍ଟୀ ଦୁରନ୍ତଦନୁଜାନ୍ତକୃତ୍ ॥ 113 ॥

ଦୁରନ୍ତପାପହନ୍ତ୍ରୀ ଚ ଦସ୍ରନିସ୍ତାରକାରିଣୀ ।
ଦସ୍ରମାନସସଂସ୍ଥାନା ଦସ୍ରଜ୍ଞାନଵିଵର୍ଧିନୀ ॥ 114 ॥

ଦସ୍ରସମ୍ଭୋଗଜନନୀ ଦସ୍ରସମ୍ଭୋଗଦାଯିନୀ ।
ଦସ୍ରସମ୍ଭୋଗଭଵନା ଦସ୍ରଵିଦ୍ଯାଵିଧାଯିନୀ ॥ 115 ॥

ଦସ୍ରୋଦ୍ଵେଗହରା ଦସ୍ରଜନନୀ ଦସ୍ରସୁନ୍ଦରୀ ।
ଦସ୍ରଭକ୍ତିଵିଧାଜ୍ଞାନା ଦସ୍ରଦ୍ଵିଷଵିନାଶିନୀ ॥ 116 ॥

ଦସ୍ରାପକାରଦମନୀ ଦସ୍ରସିଦ୍ଧିଵିଧାଯିନୀ ।
ଦସ୍ରତାରାରାଧିତା ଚ ଦସ୍ରମାତୃପ୍ରପୂଜିତା ॥ 117 ॥

ଦସ୍ରଦୈନ୍ଯହରା ଚୈଵ ଦସ୍ରତାତନିଷେଵିତା ।
ଦସ୍ରପିତୃଶତଜ୍ଯୋତିର୍ଦସ୍ରକୌଶଲଦାଯିନୀ ॥ 118 ॥

ଦଶଶୀର୍ଷାରିସହିତା ଦଶଶୀର୍ଷାରିକାମିନୀ ।
ଦଶଶୀର୍ଷପୁରୀ ଦେଵୀ ଦଶଶୀର୍ଷସଭାଜିତା ॥ 119 ॥

ଦଶଶୀର୍ଷାରିସୁପ୍ରୀତା ଦଶଶୀର୍ଷଵଧୂପ୍ରିଯା ।
ଦଶଶୀର୍ଷଶିରଶ୍ଛେତ୍ରୀ ଦଶଶୀର୍ଷନିତମ୍ବିନୀ ॥ 120 ॥

ଦଶଶୀର୍ଷହରପ୍ରାଣା ଦଶଶୀର୍ଷହରାତ୍ମିକା ।
ଦଶଶୀର୍ଷହରାରାଧ୍ଯା ଦଶଶୀର୍ଷାରିଵନ୍ଦିତା ॥ 121 ॥

ଦଶଶୀର୍ଷାରିସୁଖଦା ଦଶଶୀର୍ଷକପାଲିନୀ ।
ଦଶଶୀର୍ଷଜ୍ଞାନଦାତ୍ରୀ ଦଶଶୀର୍ଷାରିଦେହିନୀ ॥ 122 ॥

ଦଶଶୀର୍ଷଵଧୋପାତ୍ତଶ୍ରୀରାମଚନ୍ଦ୍ରରୂପତା ।
ଦଶଶୀର୍ଷରାଷ୍ଟ୍ରଦେଵୀ ଦଶଶୀର୍ଷାରିସାରିଣୀ ॥ 123 ॥

ଦଶଶୀର୍ଷଭ୍ରାତୃତୁଷ୍ଟା ଦଶଶୀର୍ଷଵଧୂପ୍ରିଯା ।
ଦଶଶୀର୍ଷଵଧୂପ୍ରାଣା ଦଶଶୀର୍ଷଵଧୂରତା ॥ 124 ॥

ଦୈତ୍ଯଗୁରୁରତା ସାଧ୍ଵୀ ଦୈତ୍ଯଗୁରୁପ୍ରପୂଜିତା ।
ଦୈତ୍ଯଗୁରୂପଦେଷ୍ଟ୍ରୀ ଚ ଦୈତ୍ଯଗୁରୁନିଷେଵିତା ॥ 125 ॥

ଦୈତ୍ଯଗୁରୁଗତପ୍ରାଣା ଦୈତ୍ଯଗୁରୁତାପନାଶିନୀ ।
ଦୁରନ୍ତଦୁଃଖଶମନୀ ଦୁରନ୍ତଦମନୀତମୀ ॥ 126 ॥

ଦୁରନ୍ତଶୋକଶମନୀ ଦୁରନ୍ତରୋଗନାଶିନୀ ।
ଦୁରନ୍ତଵୈରିଦମନୀ ଦୁରନ୍ତଦୈତ୍ଯନାଶିନୀ ॥ 127 ॥

ଦୁରନ୍ତକଲୁଷଘ୍ନୀ ଚ ଦୁଷ୍କୃତିସ୍ତୋମନାଶିନୀ ।
ଦୁରାଶଯା ଦୁରାଧାରା ଦୁର୍ଜଯା ଦୁଷ୍ଟକାମିନୀ ॥ 128 ॥

ଦର୍ଶନୀଯା ଚ ଦୃଶ୍ଯା ଚ ଦୃଷ୍ଟ୍ଵା ଚ ଦୃଷ୍ଟିଗୋଚରା ।
ଦୂତୀଯାଗପ୍ରିଯା ଦୂତୀ ଦୂତୀଯାଗକରପ୍ରିଯା ॥ 129 ॥

ଦୂତୀଯାଗକରାନନ୍ଦା ଦୂତୀଯାଗସୁଖପ୍ରଦା ।
ଦୂତୀଯାଗକରାଯାତା ଦୂତୀଯାଗପ୍ରମୋଦିନୀ ॥ 130 ॥

ଦୁର୍ଵାସଃପୂଜିତା ଚୈଵ ଦୁର୍ଵାସୋମୁନିଭାଵିତା ।
ଦୁର୍ଵାସୋଽର୍ଚିତପାଦା ଚ ଦୁର୍ଵାସୋମୁନିଭାଵିତା ॥ 131 ॥

ଦୁର୍ଵାସୋମୁନିଵନ୍ଦ୍ଯା ଚ ଦୁର୍ଵାସୋମୁନିଦେଵତା ।
ଦୁର୍ଵାସୋମୁନିମାତା ଚ ଦୁର୍ଵାସୋମୁନିସିଦ୍ଧିଦା ॥ 132 ॥

ଦୁର୍ଵାସୋମୁନିଭାଵସ୍ଥା ଦୁର୍ଵାସୋମୁନିସେଵିତା ।
ଦୁର୍ଵାସୋମୁନିଚିତ୍ତସ୍ଥା ଦୁର୍ଵାସୋମୁନିମଣ୍ଡିତା ॥ 133 ॥

ଦୁର୍ଵାସୋମୁନିସଞ୍ଚାରା ଦୁର୍ଵାସୋହୃଦଯଙ୍ଗମା ।
ଦୁର୍ଵାସୋହୃଦଯାରାଧ୍ଯା ଦୁର୍ଵାସୋହୃତ୍ସରୋଜଗା ॥ 134 ॥

ଦୁର୍ଵାସସ୍ତାପସାରାଧ୍ଯା ଦୁର୍ଵାସସ୍ତାପସାଶ୍ରଯା ।
ଦୁର୍ଵାସସ୍ତାପସରତା ଦୁର୍ଵାସସ୍ତାପସେଶ୍ଵରୀ ॥ 135 ॥

ଦୁର୍ଵାସୋମୁନିକନ୍ଯା ଚ ଦୁର୍ଵାସୋଽଦ୍ଭୁତସିଦ୍ଧିଦା ।
ଦରରାତ୍ରୀ ଦରହରା ଦରଯୁକ୍ତା ଦରାପହା ॥ 136 ॥

ଦରଘ୍ନୀ ଦରହନ୍ତ୍ରୀ ଚ ଦରଯୁକ୍ତା ଦରାଶ୍ରଯା ।
ଦରସ୍ମେରା ଦରାପାଙ୍ଗୀ ଦଯାଦାତ୍ରୀ ଦଯାଶ୍ରଯା ।
ଦସ୍ରପୂଜ୍ଯା ଦସ୍ରମାତା ଦସ୍ରଦେଵୀ ଦରୋନ୍ମଦା ॥ 137 ॥

ଦସ୍ରସିଦ୍ଧା ଦସ୍ରସଂସ୍ଥା ଦସ୍ରତାପଵିମୋଚନୀ ।
ଦସ୍ରକ୍ଷୋଭହରା ନିତ୍ଯା ଦସ୍ରଲୋକଗତାତ୍ମିକା ॥ 138 ॥

ଦୈତ୍ଯଗୁର୍ଵଙ୍ଗନାଵନ୍ଦ୍ଯା ଦୈତ୍ଯଗୁର୍ଵଙ୍ଗନାପ୍ରିଯା ।
ଦୈତ୍ଯଗୁର୍ଵଙ୍ଗନାସିଦ୍ଧା ଦୈତ୍ଯଗୁର୍ଵଙ୍ଗନୋତ୍ସୁକା ॥ 139 ॥

ଦୈତ୍ଯଗୁରୁପ୍ରିଯତମା ଦେଵଗୁରୁନିଷେଵିତା ।
ଦେଵଗୁରୁପ୍ରସୂରୂପା ଦେଵଗୁରୁକୃତାର୍ହଣା ॥ 140 ॥

ଦେଵଗୁରୁପ୍ରେମଯୁତା ଦେଵଗୁର୍ଵନୁମାନିତା ।
ଦେଵଗୁରୁପ୍ରଭାଵଜ୍ଞା ଦେଵଗୁରୁସୁଖପ୍ରଦା ॥ 141 ॥

ଦେଵଗୁରୁଜ୍ଞାନଦାତ୍ରୀ ଦେଵଗୁରୁପ୍ରମୋଦିନୀ ।
ଦୈତ୍ଯସ୍ତ୍ରୀଗଣସମ୍ପୂଜ୍ଯା ଦୈତ୍ଯସ୍ତ୍ରୀଗଣପୂଜିତା ॥ 142 ॥

ଦୈତ୍ଯସ୍ତ୍ରୀଗଣରୂପା ଚ ଦୈତ୍ଯସ୍ତ୍ରୀଚିତ୍ତହାରିଣୀ ।
ଦେଵସ୍ତ୍ରୀଗଣପୂଜ୍ଯା ଚ ଦେଵସ୍ତ୍ରୀଗଣଵନ୍ଦିତା ॥ 143 ॥

ଦେଵସ୍ତ୍ରୀଗଣଚିତ୍ତସ୍ଥା ଦେଵସ୍ତ୍ରୀଗଣଭୂଷିତା ।
ଦେଵସ୍ତ୍ରୀଗଣସଂସିଦ୍ଧା ଦେଵସ୍ତ୍ରୀଗଣତୋଷିତା ॥ 144 ॥

ଦେଵସ୍ତ୍ରୀଗଣହସ୍ତସ୍ଥଚାରୁଚାମରଵୀଜିତା ।
ଦେଵସ୍ତ୍ରୀଗଣହସ୍ତସ୍ଥଚାରୁଗନ୍ଧଵିଲେପିତା ॥ 145 ॥

ଦେଵାଙ୍ଗନାଧୃତାଦର୍ଶଦୃଷ୍ଟ୍ଯର୍ଥମୁଖଚନ୍ଦ୍ରମା ।
ଦେଵାଙ୍ଗନୋତ୍ସୃଷ୍ଟନାଗଵଲ୍ଲୀଦଲକୃତୋତ୍ସୁକା ॥ 146 ॥

ଦେଵସ୍ତ୍ରୀଗଣହସ୍ତସ୍ଥଧୂପାଘ୍ରାଣଵିନୋଦିନୀ ।
ଦେଵସ୍ତ୍ରୀଗଣହସ୍ତସ୍ଥଦୀପମାଲାଵିଲୋକନା ॥ 147 ॥

ଦେଵନାରୀକରଗତଵାସକାସଵପାଯିନୀ ।
ଦେଵନାରୀକଙ୍କତିକାକୃତକେଶନିମାର୍ଜନା ॥ 148 ॥

ଦେଵନାରୀସେଵ୍ଯଗାତ୍ରା ଦେଵନାରୀକୃତୋତ୍ସୁକା ।
ଦେଵନାରୀଵିରଚିତପୁଷ୍ପମାଲାଵିରାଜିତା ॥ 149 ॥

ଦେଵନାରୀଵିଚିତ୍ରାଙ୍ଗୀ ଦେଵସ୍ତ୍ରୀଦତ୍ତଭୋଜନା ।
ଦେଵସ୍ତ୍ରୀଗଣଗୀତା ଚ ଦେଵସ୍ତ୍ରୀଗୀତସୋତ୍ସୁକା ॥ 150 ॥

ଦେଵସ୍ତ୍ରୀନୃତ୍ଯସୁଖିନୀ ଦେଵସ୍ତ୍ରୀନୃତ୍ଯଦର୍ଶିନୀ ।
ଦେଵସ୍ତ୍ରୀଯୋଜିତଲସଦ୍ରତ୍ନପାଦପଦାମ୍ବୁଜା ॥ 151 ॥

ଦେଵସ୍ତ୍ରୀଗଣଵିସ୍ତୀର୍ଣଚାରୁତଲ୍ପନିଷେଦୁଷୀ ।
ଦେଵନାରୀଚାରୁକରାକଲିତାଙ୍ଘ୍ର୍ଯାଦିଦେହିକା ॥ 152 ॥

ଦେଵନାରୀକରଵ୍ଯଗ୍ରତାଲଵୃନ୍ତମରୁତ୍ସକା ।
ଦେଵନାରୀଵେଣୁଵୀଣାନାଦସୋତ୍କଣ୍ଠମାନସା ॥ 153 ॥

ଦେଵକୋଟିସ୍ତୁତିନୁତା ଦେଵକୋଟିକୃତାର୍ହଣା ।
ଦେଵକୋଟିଗୀତଗୁଣା ଦେଵକୋଟିକୃତସ୍ତୁତିଃ ॥ 154 ॥

ଦନ୍ତଦାଷ୍ଟ୍ଯୋଦ୍ଵେଗଫଲା ଦେଵକୋଲାହଲାକୁଲା ।
ଦ୍ଵେଷରାଗପରିତ୍ଯକ୍ତା ଦ୍ଵେଷରାଗଵିଵର୍ଜିତା ॥ 155 ॥

ଦାମପୂଜ୍ଯା ଦାମଭୂଷା ଦାମୋଦରଵିଲାସିନୀ ।
ଦାମୋଦରପ୍ରେମରତା ଦାମୋଦରଭଗିନ୍ଯପି ॥ 156 ॥

ଦାମୋଦରପ୍ରସୂର୍ଦାମୋଦରପତ୍ନୀପତିଵ୍ରତା ।
ଦାମୋଦରାଽଭିନ୍ନଦେହା ଦାମୋଦରରତିପ୍ରିଯା ॥ 157 ॥

ଦାମୋଦରାଭିନ୍ନତନୁର୍ଦାମୋଦରକୃତାସ୍ପଦା ।
ଦାମୋଦରକୃତପ୍ରାଣା ଦାମୋଦରଗତାତ୍ମିକା ॥ 158 ॥

ଦାମୋଦରକୌତୁକାଢ୍ଯା ଦାମୋଦରକଲାକଲା ।
ଦାମୋଦରାଲିଙ୍ଗିତାଙ୍ଗୀ ଦାମୋଦରକୁତୂହଲା ॥ 159 ॥

ଦାମୋଦରକୃତାହ୍ଲାଦା ଦାମୋଦରସୁଚୁମ୍ବିତା ।
ଦାମୋଦରସୁତାକୃଷ୍ଟା ଦାମୋଦରସୁଖପ୍ରଦା ॥ 160 ॥

ଦାମୋଦରସହାଢ୍ଯା ଚ ଦାମୋଦରସହାଯିନୀ ।
ଦାମୋଦରଗୁଣଜ୍ଞା ଚ ଦାମୋଦରଵରପ୍ରଦା ॥ 161 ॥

ଦାମୋଦରାନୁକୂଲା ଚ ଦାମୋଦରନିତମ୍ବିନୀ ।
ଦାମୋଦରଜଲକ୍ରୀଡାକୁଶଲା ଦର୍ଶନପ୍ରିଯା ॥ 162 ॥

ଦାମୋଦରଜଲକ୍ରୀଡାତ୍ଯକ୍ତସ୍ଵଜନସୌହୃଦା ।
ଦାମୋଦରଲସଦ୍ରାସକେଲିକୌତୁକିନୀ ତଥା ॥ 163 ॥

ଦାମୋଦରଭ୍ରାତୃକା ଚ ଦାମୋଦରପରାଯଣା ।
ଦାମୋଦରଧରା ଦାମୋଦରଵୈରିଵିନାଶିନୀ ॥ 164 ॥

ଦାମୋଦରୋପଜାଯା ଚ ଦାମୋଦରନିମନ୍ତ୍ରିତା ।
ଦାମୋଦରପରାଭୂତା ଦାମୋଦରପରାଜିତା ॥ 165 ॥

ଦାମୋଦରସମାକ୍ରାନ୍ତା ଦାମୋଦରହତାଶୁଭା ।
ଦାମୋଦରୋତ୍ସଵରତା ଦାମୋଦରୋତ୍ସଵାଵହା ॥ 166 ॥

ଦାମୋଦରସ୍ତନ୍ଯଦାତ୍ରୀ ଦାମୋଦରଗଵେଷିତା ।
ଦମଯନ୍ତୀସିଦ୍ଧିଦାତ୍ରୀ ଦମଯନ୍ତୀପ୍ରସାଦିତା ॥ 167 ॥

ଦମଯନ୍ତୀଷ୍ଟଦେଵୀ ଚ ଦମଯନ୍ତୀସ୍ଵରୂପିଣୀ ।
ଦମଯନ୍ତୀକୃତାର୍ଚା ଚ ଦମନର୍ଷିଵିଭାଵିତା ॥ 168 ॥

ଦମନର୍ଷିପ୍ରାଣତୁଲ୍ଯା ଦମନର୍ଷିସ୍ଵରୂପିଣୀ ।
ଦମନର୍ଷିସ୍ଵରୂପା ଚ ଦମ୍ଭପୂରିତଵିଗ୍ରହା ॥ 169 ॥

ଦମ୍ଭହନ୍ତ୍ରୀ ଦମ୍ଭଧାତ୍ରୀ ଦମ୍ଭଲୋକଵିମୋହିନୀ ।
ଦମ୍ଭଶୀଲା ଦମ୍ଭହରା ଦମ୍ଭଵତ୍ପରିମର୍ଦିନୀ ॥ 170 ॥

ଦମ୍ଭରୂପା ଦମ୍ଭକରୀ ଦମ୍ଭସନ୍ତାନଧାରିଣୀ ।
ଦତ୍ତମୋକ୍ଷା ଦତ୍ତଧନା ଦତ୍ତାରୋଗ୍ଯା ଚ ଦାମ୍ଭିକା ॥ 171 ॥

ଦତ୍ତପୁତ୍ରା ଦତ୍ତଦାରା ଦତ୍ତହାରା ଚ ଦାରିକା ।
ଦତ୍ତଭୋଗା ଦତ୍ତଶୋକା ଦତ୍ତହସ୍ତ୍ଯାଦିଵାହନା ॥ 172 ॥

ଦତ୍ତମତିର୍ଦତ୍ତଭାର୍ଯା ଦତ୍ତଶାସ୍ତ୍ରାଵବୋଧିକା ।
ଦତ୍ତପାନା ଦତ୍ତଦାନା ଦତ୍ତଦାରିଦ୍ର୍ଯନାଶିନୀ ॥ 173 ॥

ଦତ୍ତସୌଧାଵନୀଵାସା ଦତ୍ତସ୍ଵର୍ଗା ଚ ଦାସଦା ।
ଦାସ୍ଯତୁଷ୍ଟା ଦାସ୍ଯହରା ଦାସଦାସୀଶତପ୍ରଦା ॥ 174 ॥

ଦାରରୂପା ଦାରଵାସା ଦାରଵାସିହୃଦାସ୍ପଦା ।
ଦାରଵାସିଜନାରାଧ୍ଯା ଦାରଵାସିଜନପ୍ରିଯା ॥ 175 ॥

ଦାରଵାସିଵିନିର୍ଣୀତା ଦାରଵାସିସମର୍ଚିତା ।
ଦାରଵାସ୍ଯାହୃତପ୍ରାଣା ଦାରଵାସ୍ଯାରିନାଶିନୀ ॥ 176 ॥

ଦାରଵାସିଵିଘ୍ନହରା ଦାରଵାସିଵିମୁକ୍ତିଦା ।
ଦାରାଗ୍ନିରୂପିଣୀ ଦାରା ଦାରକାର୍ଯରିନାଶିନୀ ॥ 177 ॥

ଦମ୍ପତୀ ଦମ୍ପତୀଷ୍ଟା ଚ ଦମ୍ପତୀପ୍ରାଣରୂପିକା ।
ଦମ୍ପତୀସ୍ନେହନିରତା ଦାମ୍ପତ୍ଯସାଧନପ୍ରିଯା ॥ 178 ॥

ଦାମ୍ପତ୍ଯସୁଖସେଵା ଚ ଦାମ୍ପତ୍ଯସୁଖଦାଯିନୀ ।
ଦାମ୍ପତ୍ଯାଚାରନିରତା ଦାମ୍ପତ୍ଯାମୋଦମୋଦିତା ॥ 179 ॥

ଦାମ୍ପତ୍ଯାମୋଦସୁଖିନୀ ଦାମ୍ପତ୍ଯାହ୍ଲାଦକାରିଣୀ ।
ଦମ୍ପତୀଷ୍ଟପାଦପଦ୍ମା ଦାମ୍ପତ୍ଯପ୍ରେମରୂପିଣୀ ॥ 180 ॥

ଦାମ୍ପତ୍ଯଭୋଗଭଵନା ଦାଡିମୀଫଲଭୋଜିନୀ ।
ଦାଡିମୀଫଲସନ୍ତୁଷ୍ଟା ଦାଡିମୀଫଲମାନସା ॥ 181 ॥

ଦାଡିମୀଵୃକ୍ଷସଂସ୍ଥାନା ଦାଡିମୀଵୃକ୍ଷଵାସିନୀ ।
ଦାଡିମୀଵୃକ୍ଷରୂପା ଚ ଦାଡିମୀଵନଵାସିନୀ ॥ 182 ॥

ଦାଡିମୀଫଲସାମ୍ଯୋରୁପଯୋଧରହୃଦାଯୁତା । [ସମନ୍ଵିତା]
ଦକ୍ଷିଣା ଦକ୍ଷିଣାରୂପା ଦକ୍ଷିଣାରୂପଧାରିଣୀ ॥ 183 ॥

ଦକ୍ଷକନ୍ଯା ଦକ୍ଷପୁତ୍ରୀ ଦକ୍ଷମାତା ଚ ଦକ୍ଷସୂଃ ।
ଦକ୍ଷଗୋତ୍ରା ଦକ୍ଷସୁତା ଦକ୍ଷଯଜ୍ଞଵିନାଶିନୀ ॥ 184 ॥

ଦକ୍ଷଯଜ୍ଞନାଶକର୍ତ୍ରୀ ଦକ୍ଷଯଜ୍ଞାନ୍ତକାରିଣୀ ।
ଦକ୍ଷପ୍ରସୂତିର୍ଦକ୍ଷେଜ୍ଯା ଦକ୍ଷଵଂଶୈକପାଵନୀ ॥ 185 ॥

ଦକ୍ଷାତ୍ମଜା ଦକ୍ଷସୂନୁର୍ଦକ୍ଷଜା ଦକ୍ଷଜାତିକା ।
ଦକ୍ଷଜନ୍ମା ଦକ୍ଷଜନୁର୍ଦକ୍ଷଦେହସମୁଦ୍ଭଵା ॥ 186 ॥

ଦକ୍ଷଜନିର୍ଦକ୍ଷଯାଗଧ୍ଵଂସିନୀ ଦକ୍ଷକନ୍ଯକା ।
ଦକ୍ଷିଣାଚାରନିରତା ଦକ୍ଷିଣାଚାରତୁଷ୍ଟିଦା ॥ 187 ॥

ଦକ୍ଷିଣାଚାରସଂସିଦ୍ଧା ଦକ୍ଷିଣାଚାରଭାଵିତା ।
ଦକ୍ଷିଣାଚାରସୁଖିନୀ ଦକ୍ଷିଣାଚାରସାଧିତା ॥ 188 ॥

ଦକ୍ଷିଣାଚାରମୋକ୍ଷାପ୍ତିର୍ଦକ୍ଷିଣାଚାରଵନ୍ଦିତା ।
ଦକ୍ଷିଣାଚାରଶରଣା ଦକ୍ଷିଣାଚାରହର୍ଷିତା ॥ 189 ॥

ଦ୍ଵାରପାଲପ୍ରିଯା ଦ୍ଵାରଵାସିନୀ ଦ୍ଵାରସଂସ୍ଥିତା ।
ଦ୍ଵାରରୂପା ଦ୍ଵାରସଂସ୍ଥା ଦ୍ଵାରଦେଶନିଵାସିନୀ ॥ 190 ॥

ଦ୍ଵାରକରୀ ଦ୍ଵାରଧାତ୍ରୀ ଦୋଷମାତ୍ରଵିଵର୍ଜିତା ।
ଦୋଷକରା ଦୋଷହରା ଦୋଷରାଶିଵିନାଶିନୀ ॥ 191 ॥

ଦୋଷାକରଵିଭୂଷାଢ୍ଯା ଦୋଷାକରକପାଲିନୀ ।
ଦୋଷାକରସହସ୍ରାଭା ଦୋଷାକରସମାନନା ॥ 192 ॥

ଦୋଷାକରମୁଖୀ ଦିଵ୍ଯା ଦୋଷାକରକରାଗ୍ରଜା ।
ଦୋଷାକରସମଜ୍ଯୋତିର୍ଦୋଷାକରସୁଶୀତଲା ॥ 193 ॥

ଦୋଷାକରଶ୍ରେଣୀ ଦୋଷସଦୃଶାପାଙ୍ଗଵୀକ୍ଷଣା ।
ଦୋଷାକରେଷ୍ଟଦେଵୀ ଚ ଦୋଷାକରନିଷେଵିତା ॥ 194 ॥

ଦୋଷାକରପ୍ରାଣରୂପା ଦୋଷାକରମରୀଚିକା ।
ଦୋଷାକରୋଲ୍ଲସତ୍ଫାଲା ଦୋଷାକରସୁହର୍ଷିଣୀ ॥ 195 ॥

ଦୋଷାକରଶିରୋଭୂଷା ଦୋଷାକରଵଧୂପ୍ରିଯା ।
ଦୋଷାକରଵଧୂପ୍ରାଣା ଦୋଷାକରଵଧୂର୍ମତା ॥ 196 ॥

ଦୋଷାକରଵଧୂପ୍ରୀତା ଦୋଷାକରଵଧୂରପି ।
ଦୋଷାପୂଜ୍ଯା ତଥା ଦୋଷାପୂଜିତା ଦୋଷହାରିଣୀ ॥ 197 ॥

ଦୋଷାଜାପମହାନନ୍ଦା ଦୋଷାଜପପରାଯଣା ।
ଦୋଷାପୁରଶ୍ଚାରରତା ଦୋଷାପୂଜକପୁତ୍ରିକା ॥ 198 ॥

ଦୋଷାପୂଜକଵାତ୍ସଲ୍ଯକାରିଣୀଜଗଦମ୍ବିକା ।
ଦୋଷାପୂଜକଵୈରିଘ୍ନୀ ଦୋଷାପୂଜକଵିଘ୍ନହୃତ୍ ॥ 199 ॥

ଦୋଷାପୂଜକସନ୍ତୁଷ୍ଟା ଦୋଷାପୂଜକମୁକ୍ତିଦା ।
ଦମପ୍ରସୂନସମ୍ପୂଜ୍ଯା ଦମପୁଷ୍ପପ୍ରିଯା ସଦା ॥ 200 ॥

ଦୁର୍ଯୋଧନପ୍ରପୂଜ୍ଯା ଚ ଦୁଶ୍ଶାସନସମର୍ଚିତା ।
ଦଣ୍ଡପାଣିପ୍ରିଯା ଦଣ୍ଡପାଣିମାତା ଦଯାନିଧିଃ ॥ 201 ॥

ଦଣ୍ଡପାଣିସମାରାଧ୍ଯା ଦଣ୍ଡପାଣିପ୍ରପୂଜିତା ।
ଦଣ୍ଡପାଣିଗୃହାସକ୍ତା ଦଣ୍ଡପାଣିପ୍ରିଯଂଵଦା ॥ 202 ॥

ଦଣ୍ଡପାଣିପ୍ରିଯତମା ଦଣ୍ଡପାଣିମନୋହରା ।
ଦଣ୍ଡପାଣିହୃତପ୍ରାଣା ଦଣ୍ଡପାଣିସୁସିଦ୍ଧିଦା ॥ 203 ॥

ଦଣ୍ଡପାଣିପରାମୃଷ୍ଟା ଦଣ୍ଡପାଣିପ୍ରହର୍ଷିତା ।
ଦଣ୍ଡପାଣିଵିଘ୍ନହରା ଦଣ୍ଡପାଣିଶିରୋଧୃତା ॥ 204 ॥

ଦଣ୍ଡପାଣିପ୍ରାପ୍ତଚର୍ଚା ଦଣ୍ଡପାଣ୍ଯୁନ୍ମୁଖୀ ସଦା ।
ଦଣ୍ଡପାଣିପ୍ରାପ୍ତପଦା ଦଣ୍ଡପାଣିପରାଙ୍ମୁଖୀ ॥ 205 ॥

ଦଣ୍ଡହସ୍ତା ଦଣ୍ଡପାଣିର୍ଦଣ୍ଡବାହୁର୍ଦରାନ୍ତକୃତ୍ ।
ଦଣ୍ଡଦୋଷ୍କା ଦଣ୍ଡକରା ଦଣ୍ଡଚିତ୍ତକୃତାସ୍ପଦା ॥ 206 ॥

ଦଣ୍ଡିଵିଦ୍ଯା ଦଣ୍ଡିମାତା ଦଣ୍ଡିଖଣ୍ଡକନାଶିନୀ ।
ଦଣ୍ଡିପ୍ରିଯା ଦଣ୍ଡିପୂଜ୍ଯା ଦଣ୍ଡିସନ୍ତୋଷଦାଯିନୀ ॥ 207 ॥

ଦସ୍ଯୁପୂଜା ଦସ୍ଯୁରତା ଦସ୍ଯୁଦ୍ରଵିଣଦାଯିନୀ ।
ଦସ୍ଯୁଵର୍ଗକୃତାର୍ହା ଚ ଦସ୍ଯୁଵର୍ଗଵିନାଶିନୀ ॥ 208 ॥

ଦସ୍ଯୁନିର୍ନାଶିନୀ ଦସ୍ଯୁକୁଲନିର୍ନାଶିନୀ ତଥା ।
ଦସ୍ଯୁପ୍ରିଯକରୀ ଦସ୍ଯୁନୃତ୍ଯଦର୍ଶନତତ୍ପରା ॥ 209 ॥

ଦୁଷ୍ଟଦଣ୍ଡକରୀ ଦୁଷ୍ଟଵର୍ଗଵିଦ୍ରାଵିଣୀ ତଥା ।
ଦୁଷ୍ଟଵର୍ଗନିଗ୍ରହାର୍ହା ଦୂଷକପ୍ରାଣନାଶିନୀ ॥ 210 ॥

ଦୂଷକୋତ୍ତାପଜନନୀ ଦୂଷକାରିଷ୍ଟକାରିଣୀ ।
ଦୂଷକଦ୍ଵେଷଣକରୀ ଦାହିକା ଦହନାତ୍ମିକା ॥ 211 ॥

ଦାରୁକାରିନିହନ୍ତ୍ରୀ ଚ ଦାରୁକେଶ୍ଵରପୂଜିତା ।
ଦାରୁକେଶ୍ଵରମାତା ଚ ଦାରୁକେଶ୍ଵରଵନ୍ଦିତା ॥ 212 ॥

ଦର୍ଭହସ୍ତା ଦର୍ଭଯୁତା ଦର୍ଭକର୍ମଵିଵର୍ଜିତା ।
ଦର୍ଭମଯୀ ଦର୍ଭତନୁର୍ଦର୍ଭସର୍ଵସ୍ଵରୂପିଣୀ ॥ 213 ॥

ଦର୍ଭକର୍ମାଚାରରତା ଦର୍ଭହସ୍ତକୃତାର୍ହଣା ।
ଦର୍ଭାନୁକୂଲା ଦାର୍ଭର୍ଯା ଦର୍ଵୀପାତ୍ରାନୁଦାମିନୀ ॥ 214 ॥

ଦମଘୋଷପ୍ରପୂଜ୍ଯା ଚ ଦମଘୋଷଵରପ୍ରଦା ।
ଦମଘୋଷସମାରାଧ୍ଯା ଦାଵାଗ୍ନିରୂପିଣୀ ତଥା ॥ 215 ॥

ଦାଵାଗ୍ନିରୂପା ଦାଵାଗ୍ନିନିର୍ନାଶିତମହାବଲା ।
ଦନ୍ତଦଂଷ୍ଟ୍ରାସୁରକଲା ଦନ୍ତଚର୍ଚିତହସ୍ତିକା ॥ 216 ॥

ଦନ୍ତଦଂଷ୍ଟ୍ରସ୍ଯନ୍ଦନା ଚ ଦନ୍ତନିର୍ନାଶିତାସୁରା ।
ଦଧିପୂଜ୍ଯା ଦଧିପ୍ରୀତା ଦଧୀଚିଵରଦାଯିନୀ ॥ 217 ॥

ଦଧୀଚୀଷ୍ଟଦେଵତା ଚ ଦଧୀଚିମୋକ୍ଷଦାଯିନୀ ।
ଦଧୀଚିଦୈନ୍ଯହନ୍ତ୍ରୀ ଚ ଦଧୀଚିଦରଧାରିଣୀ ॥ 218 ॥

ଦଧୀଚିଭକ୍ତିସୁଖିନୀ ଦଧୀଚିମୁନିସେଵିତା ।
ଦଧୀଚିଜ୍ଞାନଦାତ୍ରୀ ଚ ଦଧୀଚିଗୁଣଦାଯିନୀ ॥ 219 ॥

ଦଧୀଚିକୁଲସମ୍ଭୂଷା ଦଧୀଚିଭୁକ୍ତିମୁକ୍ତିଦା ।
ଦଧୀଚିକୁଲଦେଵୀ ଚ ଦଧୀଚିକୁଲଦେଵତା ॥ 220 ॥

ଦଧୀଚିକୁଲଗମ୍ଯା ଚ ଦଧୀଚିକୁଲପୂଜିତା ।
ଦଧୀଚିସୁଖଦାତ୍ରୀ ଚ ଦଧୀଚିଦୈନ୍ଯହାରିଣୀ ॥ 221 ॥

ଦଧୀଚିଦୁଃଖହନ୍ତ୍ରୀ ଚ ଦଧୀଚିକୁଲସୁନ୍ଦରୀ ।
ଦଧୀଚିକୁଲସମ୍ଭୂତା ଦଧୀଚିକୁଲପାଲିନୀ ॥ 222 ॥

ଦଧୀଚିଦାନଗମ୍ଯା ଚ ଦଧୀଚିଦାନମାନିନୀ ।
ଦଧୀଚିଦାନସନ୍ତୁଷ୍ଟା ଦଧୀଚିଦାନଦେଵତା ॥ 223 ॥

ଦଧୀଚିଜଯସମ୍ପ୍ରୀତା ଦଧୀଚିଜପମାନସା ।
ଦଧୀଚିଜପପୂଜାଢ୍ଯା ଦଧୀଚିଜପମାଲିକା ॥ 224 ॥

ଦଧୀଚିଜପସନ୍ତୁଷ୍ଟା ଦଧୀଚିଜପତୋଷିଣୀ ।
ଦଧୀଚିତାପସାରାଧ୍ଯା ଦଧୀଚିଶୁଭଦାଯିନୀ ॥ 225 ॥

ଦୂର୍ଵା ଦୂର୍ଵାଦଲଶ୍ଯାମା ଦୂର୍ଵାଦଲସମଦ୍ଯୁତିଃ ।
ନାମ୍ନାଂ ସହସ୍ରଂ ଦୁର୍ଗାଯା ଦାଦୀନାମିତି କୀର୍ତିତମ୍ ॥ 226 ॥

ଫଲଶୃତିଃ
ଯଃ ପଠେତ୍ସାଧକାଧୀଶଃ ସର୍ଵସିଦ୍ଧିର୍ଲଭେତ୍ତୁ ସଃ ।
ପ୍ରାତର୍ମଧ୍ଯାହ୍ନକାଲେ ଚ ସନ୍ଧ୍ଯାଯାଂ ନିଯତଃ ଶୁଚିଃ ॥ 227 ॥

ତଥାଽର୍ଧରାତ୍ରସମଯେ ସ ମହେଶ ଇଵାପରଃ ।
ଶକ୍ତିଯୁକ୍ତା ମହାରାତ୍ରୌ ମହାଵୀରଃ ପ୍ରପୂଜଯେତ୍ ॥ 228 ॥

ମହାଦେଵୀଂ ମକାରାଦ୍ଯୈଃ ପଞ୍ଚଭିର୍ଦ୍ରଵ୍ଯ ସତ୍ତମୈଃ ।
ତତ୍ପଠେତ୍ ସ୍ତୁତିମିମାଂ ଯଃ ସ ଚ ସିଦ୍ଧିସ୍ଵରୂପଧୃକ୍ ॥ 229 ॥

ଦେଵାଲଯେ ଶ୍ମଶାନେ ଚ ଗଙ୍ଗାତୀରେ ନିଜେଗୃହେ ।
ଵାରାଙ୍ଗନାଗୃହେ ଚୈଵ ଶ୍ରୀଗୁରୋଃ ସନ୍ନିଧାନପି ॥ 230 ॥

ପର୍ଵତେ ପ୍ରାନ୍ତରେ ଘୋରେ ସ୍ତୋତ୍ରମେତତ୍ସଦା ପଠେତ୍ ।
ଦୁର୍ଗାନାମସହସ୍ରେଣ ଦୁର୍ଗାଂ ପଶ୍ଯତି ଚକ୍ଷୁଷା ॥ 231 ॥

ଶତାଵର୍ତନମେତସ୍ଯ ପୁରଶ୍ଚରଣମୁଚ୍ଯତେ ।
ସ୍ତୁତିସାରୋ ନିଗଦିତଃ କିଂ ଭୂଯଃ ଶ୍ରୋତୁମିଚ୍ଛସି ॥ 232 ॥