દકારાદિ શ્રી દુર્ગા સહસ્ર નામ સ્તોત્રમ્

મમ નામ સહસ્રં ચ શિવ પૂર્વવિનિર્મિતમ્ ।
તત્પઠ્યતાં વિધાનેન તથા સર્વં ભવિષ્યતિ ॥
ઇત્યુક્ત્વા પાર્વતી દેવિ શ્રાવયામાસ તચ્ચતાન્ ।
તદેવ નામસાહસ્રં દકારાદિ વરાનને ॥
રોગદારિદ્ર્યદૌર્ભાગ્યશોકદુઃખવિનાશકમ્ ।
સર્વાસાં પૂજિતં નામ શ્રીદુર્ગાદેવતા મતા ॥
નિજબીજં ભવેદ્બીજં મન્ત્રં કીલકમુચ્યતે ।
સર્વાશાપૂરણે દેવી વિનિયોગઃ પ્રકીર્તિતઃ ॥
ૐ અસ્ય શ્રીદકારાદિ દુર્ગાસહસ્રનામ સ્તોત્રસ્ય શિવ ઋષિઃ અનુષ્ટુપ્છન્દઃ શ્રીદુર્ગા દેવતા દું બીજં દું કીલકં દુઃખદારિદ્ર્યરોગશોક નિવૃત્ત્યર્થં પાઠે વિનિયોગઃ ।
ધ્યાનમ્
વિદ્યુદ્દામસમપ્રભાં મૃગપતિ સ્કન્ધસ્થિતાં ભીષણાં
કન્યાભિઃ કરવાલખેટવિલદ્દસ્તાભિરાસેવિતામ્ ।
હસૈશ્ચક્રગદાસિખેટ વિશિખાંશ્ચાપં ગુણં તર્જનીં
બિભ્રાણામનલાત્મિકાં શશિધરાં દુર્ગાં ત્રિનેત્રાં ભજે ॥
સ્તોત્રમ્
દું દુર્ગા દુર્ગતિહરા દુર્ગાચલનિવાસિની ।
દુર્ગમાર્ગાનુસઞ્ચારા દુર્ગમાર્ગનિવાસિની ॥ 1 ॥

દુર્ગમાર્ગપ્રવિષ્ટા ચ દુર્ગમાર્ગપ્રવેશિની ।
દુર્ગમાર્ગકૃતાવાસા દુર્ગમાર્ગજયપ્રિયા ॥ 2 ॥

દુર્ગમાર્ગગૃહીતાર્ચા દુર્ગમાર્ગસ્થિતાત્મિકા ।
દુર્ગમાર્ગસ્તુતિપરા દુર્ગમાર્ગસ્મૃતિઃ પરા ॥ 3 ॥

દુર્ગમાર્ગસદાસ્થાત્રી દુર્ગમાર્ગરતિપ્રિયા ।
દુર્ગમાર્ગસ્થલસ્થાના દુર્ગમાર્ગવિલાસિની ॥ 4 ॥

દુર્ગમાર્ગત્યક્તવસ્ત્રા દુર્ગમાર્ગપ્રવર્તિની ।
દુર્ગાસુરનિહન્ત્રી ચ દુર્ગાસુરનિષૂદિની ॥ 5 ॥

દુર્ગાસુરહરા દૂતી દુર્ગાસુરવિનાશિની ।
દુર્ગાસુરવધોન્મત્તા દુર્ગાસુરવધોત્સુકા ॥ 6 ॥

દુર્ગાસુરવધોત્સાહા દુર્ગાસુરવધોદ્યતા ।
દુર્ગાસુરવધપ્રેપ્સુઃ દુર્ગાસુરમુખાન્તકૃત્ ॥ 7 ॥

દુર્ગાસુરધ્વંસતોષા દુર્ગદાનવદારિણી ।
દુર્ગવિદ્રાવણકરી દુર્ગવિદ્રાવણી સદા ॥ 8 ॥

દુર્ગવિક્ષોભણકરી દુર્ગશીર્ષનિકૃન્તની ।
દુર્ગવિધ્વંસનકરી દુર્ગદૈત્યનિકૃન્તની ॥ 9 ॥

દુર્ગદૈત્યપ્રાણહરા દુર્ગદૈત્યાન્તકારિણી ।
દુર્ગદૈત્યહરત્રાતા દુર્ગદૈત્યાસૃગુન્મદા ॥ 10 ॥

દુર્ગદૈત્યાશનકરી દુર્ગચર્મામ્બરાવૃતા ।
દુર્ગયુદ્ધોત્સવકરી દુર્ગયુદ્ધવિશારદા ॥ 11 ॥

દુર્ગયુદ્ધાસવરતા દુર્ગયુદ્ધવિમર્દિની ।
દુર્ગયુદ્ધહાસ્યરતા દુર્ગયુદ્ધાટ્ટહાસિની ॥ 12 ॥

દુર્ગયુદ્ધમહામત્તા દુર્ગયુદ્ધાનુસારિણી ।
દુર્ગયુદ્ધોત્સવોત્સાહા દુર્ગદેશનિષેવિણી ॥ 13 ॥

દુર્ગદેશવાસરતા દુર્ગદેશવિલાસિની ।
દુર્ગદેશાર્ચનરતા દુર્ગદેશજનપ્રિયા ॥ 14 ॥

દુર્ગમસ્થાનસંસ્થાના દુર્ગમધ્યાનુસાધના ।
દુર્ગમા દુર્ગમધ્યાના દુર્ગમાત્મસ્વરૂપિણી ॥ 15 ॥

દુર્ગમાગમસન્ધાના દુર્ગમાગમસંસ્તુતા ।
દુર્ગમાગમદુર્જ્ઞેયા દુર્ગમશ્રુતિસમ્મતા ॥ 16 ॥

દુર્ગમશ્રુતિમાન્યા ચ દુર્ગમશ્રુતિપૂજિતા ।
દુર્ગમશ્રુતિસુપ્રીતા દુર્ગમશ્રુતિહર્ષદા ॥ 17 ॥

દુર્ગમશ્રુતિસંસ્થાના દુર્ગમશ્રુતિમાનિતા ।
દુર્ગમાચારસન્તુષ્ટા દુર્ગમાચારતોષિતા ॥ 18 ॥

દુર્ગમાચારનિર્વૃત્તા દુર્ગમાચારપૂજિતા ।
દુર્ગમાચારકલિતા દુર્ગમસ્થાનદાયિની ॥ 19 ॥

દુર્ગમપ્રેમનિરતા દુર્ગમદ્રવિણપ્રદા ।
દુર્ગમામ્બુજમધ્યસ્થા દુર્ગમામ્બુજવાસિની ॥ 20 ॥

દુર્ગનાડીમાર્ગગતિર્દુર્ગનાડીપ્રચારિણી ।
દુર્ગનાડીપદ્મરતા દુર્ગનાડ્યમ્બુજસ્થિતા ॥ 21 ॥

દુર્ગનાડીગતાયાતા દુર્ગનાડીકૃતાસ્પદા ।
દુર્ગનાડીરતરતા દુર્ગનાડીશસંસ્તુતા ॥ 22 ॥

દુર્ગનાડીશ્વરરતા દુર્ગનાડીશચુમ્બિતા ।
દુર્ગનાડીશક્રોડસ્થા દુર્ગનાડ્યત્થિતોત્સુકા ॥ 23 ॥

દુર્ગનાડ્યારોહણા ચ દુર્ગનાડીનિષેવિતા ।
દરિસ્થાના દરિસ્થાનવાસિની દનુજાન્તકૃત્ ॥ 24 ॥

દરીકૃતતપસ્યા ચ દરીકૃતહરાર્ચના ।
દરીજાપિતદિષ્ટા ચ દરીકૃતરતિપ્રિયા ॥ 25 ॥

દરીકૃતહરાર્હા ચ દરીક્રીડિતપુત્રિકા ।
દરીસન્દર્શનરતા દરીરોપિતવૃશ્ચિકા ॥ 26 ॥

દરીગુપ્તિકૌતુકાઢ્યા દરીભ્રમણતત્પરા ।
દનુજાન્તકરી દીના દનુસન્તાનદારિણી ॥ 27 ॥

દનુજધ્વંસિની દૂના દનુજેન્દ્રવિનાશિની ।
દાનવધ્વંસિની દેવી દાનવાનાં ભયઙ્કરી ॥ 28 ॥

દાનવી દાનવારાધ્યા દાનવેન્દ્રવરપ્રદા ।
દાનવેન્દ્રનિહન્ત્રી ચ દાનવદ્વેષિણીસતી ॥ 29 ॥

દાનવારિપ્રેમરતા દાનવારિપ્રપૂજિતા ।
દાનવારિકૃતાર્ચા ચ દાનવારિવિભૂતિદા ॥ 30 ॥

દાનવારિમહાનન્દા દાનવારિરતિપ્રિયા ।
દાનવારિદાનરતા દાનવારિકૃતાસ્પદા ॥ 31 ॥

દાનવારિસ્તુતિરતા દાનવારિસ્મૃતિપ્રિયા ।
દાનવાર્યાહારરતા દાનવારિપ્રબોધિની ॥ 32 ॥

દાનવારિધૃતપ્રેમા દુઃખશોકવિમોચની ।
દુઃખહન્ત્રી દુઃખદાત્રી દુઃખનિર્મૂલકારિણી ॥ 33 ॥

દુઃખનિર્મૂલનકરી દુઃખદારિદ્ર્યનાશિની । [દાર્યરિનાશિની]
દુઃખહરા દુઃખનાશા દુઃખગ્રામા દુરાસદા ॥ 34 ॥

દુઃખહીના દુઃખદૂરા દ્રવિણાચારદાયિની ।
દ્રવિણોત્સર્ગસન્તુષ્ટા દ્રવિણત્યાગતોષિતા ॥ 35 ॥

દ્રવિણસ્પર્શસન્તુષ્ટા દ્રવિણસ્પર્શમાનદા ।
દ્રવિણસ્પર્શહર્ષાઢ્યા દ્રવિણસ્પર્શતુષ્ટિદા ॥ 36 ॥

દ્રવિણસ્પર્શનકરી દ્રવિણસ્પર્શનાતુરા ।
દ્રવિણસ્પર્શનોત્સાહા દ્રવિણસ્પર્શસાધિતા ॥ 37 ॥

દ્રવિણસ્પર્શનમતા દ્રવિણસ્પર્શપુત્રિકા ।
દ્રવિણસ્પર્શરક્ષિણી દ્રવિણસ્તોમદાયિની ॥ 38 ॥

દ્રવિણાકર્ષણકરી દ્રવિણૌઘવિસર્જની ।
દ્રવિણાચલદાનાઢ્યા દ્રવિણાચલવાસિની ॥ 39 ॥

દીનમાતા દીનબન્ધુર્દીનવિઘ્નવિનાશિની ।
દીનસેવ્યા દીનસિદ્ધા દીનસાધ્યા દિગમ્બરી ॥ 40 ॥

દીનગેહકૃતાનન્દા દીનગેહવિલાસિની ।
દીનભાવપ્રેમરતા દીનભાવવિનોદિની ॥ 41 ॥

દીનમાનવચેતઃસ્થા દીનમાનવહર્ષદા ।
દીનદૈન્યવિઘાતેચ્છુર્દીનદ્રવિણદાયિની ॥ 42 ॥

દીનસાધનસન્તુષ્ટા દીનદર્શનદાયિની ।
દીનપુત્રાદિદાત્રી ચ દીનસમ્યગ્વિધાયિની ॥ 43 ॥

દત્તાત્રેયધ્યાનરતા દત્તાત્રેયપ્રપૂજિતા ।
દત્તાત્રેયર્ષિસંસિદ્ધા દત્તાત્રેયવિભાવિતા ॥ 44 ॥

દત્તાત્રેયકૃતાર્હા ચ દત્તાત્રેયપ્રસાદિતા ।
દત્તાત્રેયહર્ષદાત્રી દત્તાત્રેયસુખપ્રદા ॥ 45 ॥

દત્તાત્રેયસ્તુતા ચૈવ દત્તાત્રેયનુતાસદા ।
દત્તાત્રેયપ્રેમરતા દત્તાત્રેયાનુમાનિતા ॥ 46 ॥

દત્તાત્રેયસમુદ્ગીતા દત્તાત્રેયકુટુમ્બિની ।
દત્તાત્રેયપ્રાણતુલ્યા દત્તાત્રેયશરીરિણી ॥ 47 ॥

દત્તાત્રેયકૃતાનન્દા દત્તાત્રેયાંશસમ્ભવા ।
દત્તાત્રેયવિભૂતિસ્થા દત્તાત્રેયાનુસારિણી ॥ 48 ॥

દત્તાત્રેયગીતિરતા દત્તાત્રેયધનપ્રદા ।
દત્તાત્રેયદુઃખહરા દત્તાત્રેયવરપ્રદા ॥ 49 ॥

દત્તાત્રેયજ્ઞાનદાત્રી દત્તાત્રેયભયાપહા ।
દેવકન્યા દેવમાન્યા દેવદુઃખવિનાશિની ॥ 50 ॥

દેવસિદ્ધા દેવપૂજ્યા દેવેજ્યા દેવવન્દિતા ।
દેવમાન્યા દેવધન્યા દેવવિઘ્નવિનાશિની ॥ 51 ॥

દેવરમ્યા દેવરતા દેવકૌતુકતત્પરા ।
દેવક્રીડા દેવવ્રીડા દેવવૈરિવિનાશિની ॥ 52 ॥

દેવકામા દેવરામા દેવદ્વિષવિનાશિની ।
દેવદેવપ્રિયા દેવી દેવદાનવવન્દિતા ॥ 53 ॥

દેવદેવરતાનન્દા દેવદેવવરોત્સુકા ।
દેવદેવપ્રેમરતા દેવદેવપ્રિયંવદા ॥ 54 ॥

દેવદેવપ્રાણતુલ્યા દેવદેવનિતમ્બિની ।
દેવદેવહૃતમના દેવદેવસુખાવહા ॥ 55 ॥

દેવદેવક્રોડરતા દેવદેવસુખપ્રદા ।
દેવદેવમહાનન્દા દેવદેવપ્રચુમ્બિતા ॥ 56 ॥

દેવદેવોપભુક્તા ચ દેવદેવાનુસેવિતા ।
દેવદેવગતપ્રાણા દેવદેવગતાત્મિકા ॥ 57 ॥

દેવદેવહર્ષદાત્રી દેવદેવસુખપ્રદા ।
દેવદેવમહાનન્દા દેવદેવવિલાસિની ॥ 58 ॥

દેવદેવધર્મપત્ની દેવદેવમનોગતા ।
દેવદેવવધૂર્દેવી દેવદેવાર્ચનપ્રિયા ॥ 59 ॥

દેવદેવાઙ્ગનિલયા દેવદેવાઙ્ગશાયિની ।
દેવદેવાઙ્ગસુખિની દેવદેવાઙ્ગવાસિની ॥ 60 ॥

દેવદેવાઙ્ગભૂષા ચ દેવદેવાઙ્ગભૂષણા ।
દેવદેવપ્રિયકરી દેવદેવાપ્રિયાન્તકૃત્ ॥ 61 ॥

દેવદેવપ્રિયપ્રાણા દેવદેવપ્રિયાત્મિકા ।
દેવદેવાર્ચકપ્રાણા દેવદેવાર્ચકપ્રિયા ॥ 62 ॥

દેવદેવાર્ચકોત્સાહા દેવદેવાર્ચકાશ્રયા ।
દેવદેવાર્ચકાવિઘ્ના દેવદેવપ્રસૂરપિ ॥ 63 ॥

દેવદેવસ્ય જનની દેવદેવવિધાયિની ।
દેવદેવસ્ય રમણી દેવદેવહૃદાશ્રયા ॥ 64 ॥

દેવદેવેષ્ટદેવી ચ દેવતાપવિપાતિની । [તાપસપાલિની]
દેવતાભાવસન્તુષ્ટા દેવતાભાવતોષિતા ॥ 65 ॥

દેવતાભાવવરદા દેવતાભાવસિદ્ધિદા ।
દેવતાભાવસંસિદ્ધા દેવતાભાવસમ્ભવા ॥ 66 ॥

દેવતાભાવસુખિની દેવતાભાવવન્દિતા ।
દેવતાભાવસુપ્રીતા દેવતાભાવહર્ષદા ॥ 67 ॥

દેવતાવિઘ્નહન્ત્રી ચ દેવતાદ્વિષનાશિની ।
દેવતાપૂજિતપદા દેવતાપ્રેમતોષિતા ॥ 68 ॥

દેવતાગારનિલયા દેવતાસૌખ્યદાયિની ।
દેવતાનિજભાવા ચ દેવતાહૃતમાનસા ॥ 69 ॥

દેવતાકૃતપાદાર્ચા દેવતાહૃતભક્તિકા ।
દેવતાગર્વમધ્યસ્થા દેવતાદેવતાતનુઃ ॥ 70 ॥

દું‍દુર્ગાયૈ નમો નામ્ની દું‍ષણ્મન્ત્રસ્વરૂપિણી ।
દૂન્નમોમન્ત્રરૂપા ચ દૂન્નમોમૂર્તિકાત્મિકા ॥ 71 ॥

દૂરદર્શિપ્રિયા દુષ્ટા દુષ્ટભૂતનિષેવિતા ।
દૂરદર્શિપ્રેમરતા દૂરદર્શિપ્રિયંવદા ॥ 72 ॥

દૂરદર્શિસિદ્ધિદાત્રી દૂરદર્શિપ્રતોષિતા ।
દૂરદર્શિકણ્ઠસંસ્થા દૂરદર્શિપ્રહર્ષિતા ॥ 73 ॥

દૂરદર્શિગૃહીતાર્ચા દૂરદર્શિપ્રતર્પિતા ।
દૂરદર્શિપ્રાણતુલ્યા દૂરદર્શિસુખપ્રદા ॥ 74 ॥

દૂરદર્શિભ્રાન્તિહરા દૂરદર્શિહૃદાસ્પદા ।
દૂરદર્શ્યરિવિદ્ભાવા દીર્ઘદર્શિપ્રમોદિની ॥ 75 ॥

દીર્ઘદર્શિપ્રાણતુલ્યા દીર્ઘદર્શિવરપ્રદા ।
દીર્ઘદર્શિહર્ષદાત્રી દીર્ઘદર્શિપ્રહર્ષિતા ॥ 76 ॥

દીર્ઘદર્શિમહાનન્દા દીર્ઘદર્શિગૃહાલયા ।
દીર્ઘદર્શિગૃહીતાર્ચા દીર્ઘદર્શિહૃતાર્હણા ॥ 77 ॥

દયા દાનવતી દાત્રી દયાલુર્દીનવત્સલા ।
દયાર્દ્રા ચ દયાશીલા દયાઢ્યા ચ દયાત્મિકા ॥ 78 ॥

દયામ્બુધિર્દયાસારા દયાસાગરપારગા ।
દયાસિન્ધુર્દયાભારા દયાવત્કરુણાકરી ॥ 80 ॥

દયાવદ્વત્સલાદેવી દયાદાનરતાસદા ।
દયાવદ્ભક્તિસુખિની દયાવત્પરિતોષિતા ॥ 81 ॥

દયાવત્સ્નેહનિરતા દયાવત્પ્રતિપાદિકા ।
દયાવત્પ્રાણકર્ત્રી ચ દયાવન્મુક્તિદાયિની ॥ 82 ॥

દયાવદ્ભાવસન્તુષ્ટા દયાવત્પરિતોષિતા ।
દયાવત્તારણપરા દયાવત્સિદ્ધિદાયિની ॥ 83 ॥

દયાવત્પુત્રવદ્ભાવા દયાવત્પુત્રરૂપિણી ।
દયાવદ્દેહનિલયા દયાબન્ધુર્દયાશ્રયા ॥ 84 ॥

દયાલુવાત્સલ્યકરી દયાલુસિદ્ધિદાયિની ।
દયાલુશરણાસક્તા દયાલુર્દેહમન્દિરા ॥ 85 ॥

દયાલુભક્તિભાવસ્થા દયાલુપ્રાણરૂપિણી ।
દયાલુસુખદા દમ્ભા દયાલુપ્રેમવર્ષિણી ॥ 86 ॥

દયાલુવશગા દીર્ઘા દીર્ઘાઙ્ગી દીર્ઘલોચના ।
દીર્ઘનેત્રા દીર્ઘચક્ષુર્દીર્ઘબાહુલતાત્મિકા ॥ 87 ॥

દીર્ઘકેશી દીર્ઘમુખી દીર્ઘઘોણા ચ દારુણા ।
દારુણાસુરહન્ત્રી ચ દારુણાસુરદારિણી ॥ 88 ॥

દારુણાહવકર્ત્રી ચ દારુણાહવહર્ષિતા ।
દારુણાહવહોમાઢ્યા દારુણાચલનાશિની ॥ 89 ॥

દારુણાચારનિરતા દારુણોત્સવહર્ષિતા ।
દારુણોદ્યતરૂપા ચ દારુણારિનિવારિણી ॥ 90 ॥

દારુણેક્ષણસંયુક્તા દોશ્ચતુષ્કવિરાજિતા ।
દશદોષ્કા દશભુજા દશબાહુવિરાજિતા ॥ 91 ॥

દશાસ્ત્રધારિણી દેવી દશદિક્ખ્યાતવિક્રમા ।
દશરથાર્ચિતપદા દાશરથિપ્રિયા સદા ॥ 92 ॥

દાશરથિપ્રેમતુષ્ટા દાશરથિરતિપ્રિયા ।
દાશરથિપ્રિયકરી દાશરથિપ્રિયંવદા ॥ 93 ॥

દાશરથીષ્ટસન્દાત્રી દાશરથીષ્ટદેવતા ।
દાશરથિદ્વેષિનાશા દાશરથ્યાનુકૂલ્યદા ॥ 94 ॥

દાશરથિપ્રિયતમા દાશરથિપ્રપૂજિતા ।
દશાનનારિસમ્પૂજ્યા દશાનનારિદેવતા ॥ 95 ॥

દશાનનારિપ્રમદા દશાનનારિજન્મભૂઃ ।
દશાનનારિરતિદા દશાનનારિસેવિતા ॥ 96 ॥

દશાનનારિસુખદા દશાનનારિવૈરિહૃત્ ।
દશાનનારીષ્ટદેવી દશગ્રીવારિવન્દિતા ॥ 97 ॥

દશગ્રીવારિજનની દશગ્રીવારિભાવિની ।
દશગ્રીવારિસહિતા દશગ્રીવસભાજિતા ॥ 98 ॥

દશગ્રીવારિરમણી દશગ્રીવવધૂરપિ ।
દશગ્રીવનાશકર્ત્રી દશગ્રીવવરપ્રદા ॥ 99 ॥

દશગ્રીવપુરસ્થા ચ દશગ્રીવવધોત્સુકા ।
દશગ્રીવપ્રીતિદાત્રી દશગ્રીવવિનાશિની ॥ 100 ॥

દશગ્રીવાહવકરી દશગ્રીવાનપાયિની ।
દશગ્રીવપ્રિયાવન્દ્યા દશગ્રીવાહૃતા તથા ॥ 101 ॥

દશગ્રીવાહિતકરી દશગ્રીવેશ્વરપ્રિયા ।
દશગ્રીવેશ્વરપ્રાણા દશગ્રીવવરપ્રદા ॥ 102 ॥

દશગ્રીવેશ્વરરતા દશવર્ષીયકન્યકા ।
દશવર્ષીયબાલા ચ દશવર્ષીયવાસિની ॥ 103 ॥

દશપાપહરા દમ્યા દશહસ્તવિભૂષિતા ।
દશશસ્ત્રલસદ્દોષ્કા દશદિક્પાલવન્દિતા ॥ 104 ॥

દશાવતારરૂપા ચ દશાવતારરૂપિણી ।
દશવિદ્યાભિન્નદેવી દશપ્રાણસ્વરૂપિણી ॥ 105 ॥

દશવિદ્યાસ્વરૂપા ચ દશવિદ્યામયી તથા ।
દૃક્સ્વરૂપા દૃક્પ્રદાત્રી દૃગ્રૂપા દૃક્પ્રકાશિની ॥ 106 ॥

દિગન્તરા દિગન્તસ્થા દિગમ્બરવિલાસિની ।
દિગમ્બરસમાજસ્થા દિગમ્બરપ્રપૂજિતા ॥ 107 ॥

દિગમ્બરસહચરી દિગમ્બરકૃતાસ્પદા ।
દિગમ્બરહૃતાચિત્તા દિગમ્બરકથાપ્રિયા ॥ 108 ॥

દિગમ્બરગુણરતા દિગમ્બરસ્વરૂપિણી ।
દિગમ્બરશિરોધાર્યા દિગમ્બરહૃતાશ્રયા ॥ 109 ॥

દિગમ્બરપ્રેમરતા દિગમ્બરરતાતુરા ।
દિગમ્બરીસ્વરૂપા ચ દિગમ્બરીગણાર્ચિતા ॥ 110 ॥

દિગમ્બરીગણપ્રાણા દિગમ્બરીગણપ્રિયા ।
દિગમ્બરીગણારાધ્યા દિગમ્બરગણેશ્વરા ॥ 111 ॥

દિગમ્બરગણસ્પર્શામદિરાપાનવિહ્વલા ।
દિગમ્બરીકોટિવૃતા દિગમ્બરીગણાવૃતા ॥ 112 ॥

દુરન્તા દુષ્કૃતિહરા દુર્ધ્યેયા દુરતિક્રમા ।
દુરન્તદાનવદ્વેષ્ટી દુરન્તદનુજાન્તકૃત્ ॥ 113 ॥

દુરન્તપાપહન્ત્રી ચ દસ્રનિસ્તારકારિણી ।
દસ્રમાનસસંસ્થાના દસ્રજ્ઞાનવિવર્ધિની ॥ 114 ॥

દસ્રસમ્ભોગજનની દસ્રસમ્ભોગદાયિની ।
દસ્રસમ્ભોગભવના દસ્રવિદ્યાવિધાયિની ॥ 115 ॥

દસ્રોદ્વેગહરા દસ્રજનની દસ્રસુન્દરી ।
દસ્રભક્તિવિધાજ્ઞાના દસ્રદ્વિષવિનાશિની ॥ 116 ॥

દસ્રાપકારદમની દસ્રસિદ્ધિવિધાયિની ।
દસ્રતારારાધિતા ચ દસ્રમાતૃપ્રપૂજિતા ॥ 117 ॥

દસ્રદૈન્યહરા ચૈવ દસ્રતાતનિષેવિતા ।
દસ્રપિતૃશતજ્યોતિર્દસ્રકૌશલદાયિની ॥ 118 ॥

દશશીર્ષારિસહિતા દશશીર્ષારિકામિની ।
દશશીર્ષપુરી દેવી દશશીર્ષસભાજિતા ॥ 119 ॥

દશશીર્ષારિસુપ્રીતા દશશીર્ષવધૂપ્રિયા ।
દશશીર્ષશિરશ્છેત્રી દશશીર્ષનિતમ્બિની ॥ 120 ॥

દશશીર્ષહરપ્રાણા દશશીર્ષહરાત્મિકા ।
દશશીર્ષહરારાધ્યા દશશીર્ષારિવન્દિતા ॥ 121 ॥

દશશીર્ષારિસુખદા દશશીર્ષકપાલિની ।
દશશીર્ષજ્ઞાનદાત્રી દશશીર્ષારિદેહિની ॥ 122 ॥

દશશીર્ષવધોપાત્તશ્રીરામચન્દ્રરૂપતા ।
દશશીર્ષરાષ્ટ્રદેવી દશશીર્ષારિસારિણી ॥ 123 ॥

દશશીર્ષભ્રાતૃતુષ્ટા દશશીર્ષવધૂપ્રિયા ।
દશશીર્ષવધૂપ્રાણા દશશીર્ષવધૂરતા ॥ 124 ॥

દૈત્યગુરુરતા સાધ્વી દૈત્યગુરુપ્રપૂજિતા ।
દૈત્યગુરૂપદેષ્ટ્રી ચ દૈત્યગુરુનિષેવિતા ॥ 125 ॥

દૈત્યગુરુગતપ્રાણા દૈત્યગુરુતાપનાશિની ।
દુરન્તદુઃખશમની દુરન્તદમનીતમી ॥ 126 ॥

દુરન્તશોકશમની દુરન્તરોગનાશિની ।
દુરન્તવૈરિદમની દુરન્તદૈત્યનાશિની ॥ 127 ॥

દુરન્તકલુષઘ્ની ચ દુષ્કૃતિસ્તોમનાશિની ।
દુરાશયા દુરાધારા દુર્જયા દુષ્ટકામિની ॥ 128 ॥

દર્શનીયા ચ દૃશ્યા ચ દૃષ્ટ્વા ચ દૃષ્ટિગોચરા ।
દૂતીયાગપ્રિયા દૂતી દૂતીયાગકરપ્રિયા ॥ 129 ॥

દૂતીયાગકરાનન્દા દૂતીયાગસુખપ્રદા ।
દૂતીયાગકરાયાતા દૂતીયાગપ્રમોદિની ॥ 130 ॥

દુર્વાસઃપૂજિતા ચૈવ દુર્વાસોમુનિભાવિતા ।
દુર્વાસોઽર્ચિતપાદા ચ દુર્વાસોમુનિભાવિતા ॥ 131 ॥

દુર્વાસોમુનિવન્દ્યા ચ દુર્વાસોમુનિદેવતા ।
દુર્વાસોમુનિમાતા ચ દુર્વાસોમુનિસિદ્ધિદા ॥ 132 ॥

દુર્વાસોમુનિભાવસ્થા દુર્વાસોમુનિસેવિતા ।
દુર્વાસોમુનિચિત્તસ્થા દુર્વાસોમુનિમણ્ડિતા ॥ 133 ॥

દુર્વાસોમુનિસઞ્ચારા દુર્વાસોહૃદયઙ્ગમા ।
દુર્વાસોહૃદયારાધ્યા દુર્વાસોહૃત્સરોજગા ॥ 134 ॥

દુર્વાસસ્તાપસારાધ્યા દુર્વાસસ્તાપસાશ્રયા ।
દુર્વાસસ્તાપસરતા દુર્વાસસ્તાપસેશ્વરી ॥ 135 ॥

દુર્વાસોમુનિકન્યા ચ દુર્વાસોઽદ્ભુતસિદ્ધિદા ।
દરરાત્રી દરહરા દરયુક્તા દરાપહા ॥ 136 ॥

દરઘ્ની દરહન્ત્રી ચ દરયુક્તા દરાશ્રયા ।
દરસ્મેરા દરાપાઙ્ગી દયાદાત્રી દયાશ્રયા ।
દસ્રપૂજ્યા દસ્રમાતા દસ્રદેવી દરોન્મદા ॥ 137 ॥

દસ્રસિદ્ધા દસ્રસંસ્થા દસ્રતાપવિમોચની ।
દસ્રક્ષોભહરા નિત્યા દસ્રલોકગતાત્મિકા ॥ 138 ॥

દૈત્યગુર્વઙ્ગનાવન્દ્યા દૈત્યગુર્વઙ્ગનાપ્રિયા ।
દૈત્યગુર્વઙ્ગનાસિદ્ધા દૈત્યગુર્વઙ્ગનોત્સુકા ॥ 139 ॥

દૈત્યગુરુપ્રિયતમા દેવગુરુનિષેવિતા ।
દેવગુરુપ્રસૂરૂપા દેવગુરુકૃતાર્હણા ॥ 140 ॥

દેવગુરુપ્રેમયુતા દેવગુર્વનુમાનિતા ।
દેવગુરુપ્રભાવજ્ઞા દેવગુરુસુખપ્રદા ॥ 141 ॥

દેવગુરુજ્ઞાનદાત્રી દેવગુરુપ્રમોદિની ।
દૈત્યસ્ત્રીગણસમ્પૂજ્યા દૈત્યસ્ત્રીગણપૂજિતા ॥ 142 ॥

દૈત્યસ્ત્રીગણરૂપા ચ દૈત્યસ્ત્રીચિત્તહારિણી ।
દેવસ્ત્રીગણપૂજ્યા ચ દેવસ્ત્રીગણવન્દિતા ॥ 143 ॥

દેવસ્ત્રીગણચિત્તસ્થા દેવસ્ત્રીગણભૂષિતા ।
દેવસ્ત્રીગણસંસિદ્ધા દેવસ્ત્રીગણતોષિતા ॥ 144 ॥

દેવસ્ત્રીગણહસ્તસ્થચારુચામરવીજિતા ।
દેવસ્ત્રીગણહસ્તસ્થચારુગન્ધવિલેપિતા ॥ 145 ॥

દેવાઙ્ગનાધૃતાદર્શદૃષ્ટ્યર્થમુખચન્દ્રમા ।
દેવાઙ્ગનોત્સૃષ્ટનાગવલ્લીદલકૃતોત્સુકા ॥ 146 ॥

દેવસ્ત્રીગણહસ્તસ્થધૂપાઘ્રાણવિનોદિની ।
દેવસ્ત્રીગણહસ્તસ્થદીપમાલાવિલોકના ॥ 147 ॥

દેવનારીકરગતવાસકાસવપાયિની ।
દેવનારીકઙ્કતિકાકૃતકેશનિમાર્જના ॥ 148 ॥

દેવનારીસેવ્યગાત્રા દેવનારીકૃતોત્સુકા ।
દેવનારીવિરચિતપુષ્પમાલાવિરાજિતા ॥ 149 ॥

દેવનારીવિચિત્રાઙ્ગી દેવસ્ત્રીદત્તભોજના ।
દેવસ્ત્રીગણગીતા ચ દેવસ્ત્રીગીતસોત્સુકા ॥ 150 ॥

દેવસ્ત્રીનૃત્યસુખિની દેવસ્ત્રીનૃત્યદર્શિની ।
દેવસ્ત્રીયોજિતલસદ્રત્નપાદપદામ્બુજા ॥ 151 ॥

દેવસ્ત્રીગણવિસ્તીર્ણચારુતલ્પનિષેદુષી ।
દેવનારીચારુકરાકલિતાઙ્ઘ્ર્યાદિદેહિકા ॥ 152 ॥

દેવનારીકરવ્યગ્રતાલવૃન્તમરુત્સકા ।
દેવનારીવેણુવીણાનાદસોત્કણ્ઠમાનસા ॥ 153 ॥

દેવકોટિસ્તુતિનુતા દેવકોટિકૃતાર્હણા ।
દેવકોટિગીતગુણા દેવકોટિકૃતસ્તુતિઃ ॥ 154 ॥

દન્તદાષ્ટ્યોદ્વેગફલા દેવકોલાહલાકુલા ।
દ્વેષરાગપરિત્યક્તા દ્વેષરાગવિવર્જિતા ॥ 155 ॥

દામપૂજ્યા દામભૂષા દામોદરવિલાસિની ।
દામોદરપ્રેમરતા દામોદરભગિન્યપિ ॥ 156 ॥

દામોદરપ્રસૂર્દામોદરપત્નીપતિવ્રતા ।
દામોદરાઽભિન્નદેહા દામોદરરતિપ્રિયા ॥ 157 ॥

દામોદરાભિન્નતનુર્દામોદરકૃતાસ્પદા ।
દામોદરકૃતપ્રાણા દામોદરગતાત્મિકા ॥ 158 ॥

દામોદરકૌતુકાઢ્યા દામોદરકલાકલા ।
દામોદરાલિઙ્ગિતાઙ્ગી દામોદરકુતૂહલા ॥ 159 ॥

દામોદરકૃતાહ્લાદા દામોદરસુચુમ્બિતા ।
દામોદરસુતાકૃષ્ટા દામોદરસુખપ્રદા ॥ 160 ॥

દામોદરસહાઢ્યા ચ દામોદરસહાયિની ।
દામોદરગુણજ્ઞા ચ દામોદરવરપ્રદા ॥ 161 ॥

દામોદરાનુકૂલા ચ દામોદરનિતમ્બિની ।
દામોદરજલક્રીડાકુશલા દર્શનપ્રિયા ॥ 162 ॥

દામોદરજલક્રીડાત્યક્તસ્વજનસૌહૃદા ।
દામોદરલસદ્રાસકેલિકૌતુકિની તથા ॥ 163 ॥

દામોદરભ્રાતૃકા ચ દામોદરપરાયણા ।
દામોદરધરા દામોદરવૈરિવિનાશિની ॥ 164 ॥

દામોદરોપજાયા ચ દામોદરનિમન્ત્રિતા ।
દામોદરપરાભૂતા દામોદરપરાજિતા ॥ 165 ॥

દામોદરસમાક્રાન્તા દામોદરહતાશુભા ।
દામોદરોત્સવરતા દામોદરોત્સવાવહા ॥ 166 ॥

દામોદરસ્તન્યદાત્રી દામોદરગવેષિતા ।
દમયન્તીસિદ્ધિદાત્રી દમયન્તીપ્રસાદિતા ॥ 167 ॥

દમયન્તીષ્ટદેવી ચ દમયન્તીસ્વરૂપિણી ।
દમયન્તીકૃતાર્ચા ચ દમનર્ષિવિભાવિતા ॥ 168 ॥

દમનર્ષિપ્રાણતુલ્યા દમનર્ષિસ્વરૂપિણી ।
દમનર્ષિસ્વરૂપા ચ દમ્ભપૂરિતવિગ્રહા ॥ 169 ॥

દમ્ભહન્ત્રી દમ્ભધાત્રી દમ્ભલોકવિમોહિની ।
દમ્ભશીલા દમ્ભહરા દમ્ભવત્પરિમર્દિની ॥ 170 ॥

દમ્ભરૂપા દમ્ભકરી દમ્ભસન્તાનધારિણી ।
દત્તમોક્ષા દત્તધના દત્તારોગ્યા ચ દામ્ભિકા ॥ 171 ॥

દત્તપુત્રા દત્તદારા દત્તહારા ચ દારિકા ।
દત્તભોગા દત્તશોકા દત્તહસ્ત્યાદિવાહના ॥ 172 ॥

દત્તમતિર્દત્તભાર્યા દત્તશાસ્ત્રાવબોધિકા ।
દત્તપાના દત્તદાના દત્તદારિદ્ર્યનાશિની ॥ 173 ॥

દત્તસૌધાવનીવાસા દત્તસ્વર્ગા ચ દાસદા ।
દાસ્યતુષ્ટા દાસ્યહરા દાસદાસીશતપ્રદા ॥ 174 ॥

દારરૂપા દારવાસા દારવાસિહૃદાસ્પદા ।
દારવાસિજનારાધ્યા દારવાસિજનપ્રિયા ॥ 175 ॥

દારવાસિવિનિર્ણીતા દારવાસિસમર્ચિતા ।
દારવાસ્યાહૃતપ્રાણા દારવાસ્યારિનાશિની ॥ 176 ॥

દારવાસિવિઘ્નહરા દારવાસિવિમુક્તિદા ।
દારાગ્નિરૂપિણી દારા દારકાર્યરિનાશિની ॥ 177 ॥

દમ્પતી દમ્પતીષ્ટા ચ દમ્પતીપ્રાણરૂપિકા ।
દમ્પતીસ્નેહનિરતા દામ્પત્યસાધનપ્રિયા ॥ 178 ॥

દામ્પત્યસુખસેવા ચ દામ્પત્યસુખદાયિની ।
દામ્પત્યાચારનિરતા દામ્પત્યામોદમોદિતા ॥ 179 ॥

દામ્પત્યામોદસુખિની દામ્પત્યાહ્લાદકારિણી ।
દમ્પતીષ્ટપાદપદ્મા દામ્પત્યપ્રેમરૂપિણી ॥ 180 ॥

દામ્પત્યભોગભવના દાડિમીફલભોજિની ।
દાડિમીફલસન્તુષ્ટા દાડિમીફલમાનસા ॥ 181 ॥

દાડિમીવૃક્ષસંસ્થાના દાડિમીવૃક્ષવાસિની ।
દાડિમીવૃક્ષરૂપા ચ દાડિમીવનવાસિની ॥ 182 ॥

દાડિમીફલસામ્યોરુપયોધરહૃદાયુતા । [સમન્વિતા]
દક્ષિણા દક્ષિણારૂપા દક્ષિણારૂપધારિણી ॥ 183 ॥

દક્ષકન્યા દક્ષપુત્રી દક્ષમાતા ચ દક્ષસૂઃ ।
દક્ષગોત્રા દક્ષસુતા દક્ષયજ્ઞવિનાશિની ॥ 184 ॥

દક્ષયજ્ઞનાશકર્ત્રી દક્ષયજ્ઞાન્તકારિણી ।
દક્ષપ્રસૂતિર્દક્ષેજ્યા દક્ષવંશૈકપાવની ॥ 185 ॥

દક્ષાત્મજા દક્ષસૂનુર્દક્ષજા દક્ષજાતિકા ।
દક્ષજન્મા દક્ષજનુર્દક્ષદેહસમુદ્ભવા ॥ 186 ॥

દક્ષજનિર્દક્ષયાગધ્વંસિની દક્ષકન્યકા ।
દક્ષિણાચારનિરતા દક્ષિણાચારતુષ્ટિદા ॥ 187 ॥

દક્ષિણાચારસંસિદ્ધા દક્ષિણાચારભાવિતા ।
દક્ષિણાચારસુખિની દક્ષિણાચારસાધિતા ॥ 188 ॥

દક્ષિણાચારમોક્ષાપ્તિર્દક્ષિણાચારવન્દિતા ।
દક્ષિણાચારશરણા દક્ષિણાચારહર્ષિતા ॥ 189 ॥

દ્વારપાલપ્રિયા દ્વારવાસિની દ્વારસંસ્થિતા ।
દ્વારરૂપા દ્વારસંસ્થા દ્વારદેશનિવાસિની ॥ 190 ॥

દ્વારકરી દ્વારધાત્રી દોષમાત્રવિવર્જિતા ।
દોષકરા દોષહરા દોષરાશિવિનાશિની ॥ 191 ॥

દોષાકરવિભૂષાઢ્યા દોષાકરકપાલિની ।
દોષાકરસહસ્રાભા દોષાકરસમાનના ॥ 192 ॥

દોષાકરમુખી દિવ્યા દોષાકરકરાગ્રજા ।
દોષાકરસમજ્યોતિર્દોષાકરસુશીતલા ॥ 193 ॥

દોષાકરશ્રેણી દોષસદૃશાપાઙ્ગવીક્ષણા ।
દોષાકરેષ્ટદેવી ચ દોષાકરનિષેવિતા ॥ 194 ॥

દોષાકરપ્રાણરૂપા દોષાકરમરીચિકા ।
દોષાકરોલ્લસત્ફાલા દોષાકરસુહર્ષિણી ॥ 195 ॥

દોષાકરશિરોભૂષા દોષાકરવધૂપ્રિયા ।
દોષાકરવધૂપ્રાણા દોષાકરવધૂર્મતા ॥ 196 ॥

દોષાકરવધૂપ્રીતા દોષાકરવધૂરપિ ।
દોષાપૂજ્યા તથા દોષાપૂજિતા દોષહારિણી ॥ 197 ॥

દોષાજાપમહાનન્દા દોષાજપપરાયણા ।
દોષાપુરશ્ચારરતા દોષાપૂજકપુત્રિકા ॥ 198 ॥

દોષાપૂજકવાત્સલ્યકારિણીજગદમ્બિકા ।
દોષાપૂજકવૈરિઘ્ની દોષાપૂજકવિઘ્નહૃત્ ॥ 199 ॥

દોષાપૂજકસન્તુષ્ટા દોષાપૂજકમુક્તિદા ।
દમપ્રસૂનસમ્પૂજ્યા દમપુષ્પપ્રિયા સદા ॥ 200 ॥

દુર્યોધનપ્રપૂજ્યા ચ દુશ્શાસનસમર્ચિતા ।
દણ્ડપાણિપ્રિયા દણ્ડપાણિમાતા દયાનિધિઃ ॥ 201 ॥

દણ્ડપાણિસમારાધ્યા દણ્ડપાણિપ્રપૂજિતા ।
દણ્ડપાણિગૃહાસક્તા દણ્ડપાણિપ્રિયંવદા ॥ 202 ॥

દણ્ડપાણિપ્રિયતમા દણ્ડપાણિમનોહરા ।
દણ્ડપાણિહૃતપ્રાણા દણ્ડપાણિસુસિદ્ધિદા ॥ 203 ॥

દણ્ડપાણિપરામૃષ્ટા દણ્ડપાણિપ્રહર્ષિતા ।
દણ્ડપાણિવિઘ્નહરા દણ્ડપાણિશિરોધૃતા ॥ 204 ॥

દણ્ડપાણિપ્રાપ્તચર્ચા દણ્ડપાણ્યુન્મુખી સદા ।
દણ્ડપાણિપ્રાપ્તપદા દણ્ડપાણિપરાઙ્મુખી ॥ 205 ॥

દણ્ડહસ્તા દણ્ડપાણિર્દણ્ડબાહુર્દરાન્તકૃત્ ।
દણ્ડદોષ્કા દણ્ડકરા દણ્ડચિત્તકૃતાસ્પદા ॥ 206 ॥

દણ્ડિવિદ્યા દણ્ડિમાતા દણ્ડિખણ્ડકનાશિની ।
દણ્ડિપ્રિયા દણ્ડિપૂજ્યા દણ્ડિસન્તોષદાયિની ॥ 207 ॥

દસ્યુપૂજા દસ્યુરતા દસ્યુદ્રવિણદાયિની ।
દસ્યુવર્ગકૃતાર્હા ચ દસ્યુવર્ગવિનાશિની ॥ 208 ॥

દસ્યુનિર્નાશિની દસ્યુકુલનિર્નાશિની તથા ।
દસ્યુપ્રિયકરી દસ્યુનૃત્યદર્શનતત્પરા ॥ 209 ॥

દુષ્ટદણ્ડકરી દુષ્ટવર્ગવિદ્રાવિણી તથા ।
દુષ્ટવર્ગનિગ્રહાર્હા દૂષકપ્રાણનાશિની ॥ 210 ॥

દૂષકોત્તાપજનની દૂષકારિષ્ટકારિણી ।
દૂષકદ્વેષણકરી દાહિકા દહનાત્મિકા ॥ 211 ॥

દારુકારિનિહન્ત્રી ચ દારુકેશ્વરપૂજિતા ।
દારુકેશ્વરમાતા ચ દારુકેશ્વરવન્દિતા ॥ 212 ॥

દર્ભહસ્તા દર્ભયુતા દર્ભકર્મવિવર્જિતા ।
દર્ભમયી દર્ભતનુર્દર્ભસર્વસ્વરૂપિણી ॥ 213 ॥

દર્ભકર્માચારરતા દર્ભહસ્તકૃતાર્હણા ।
દર્ભાનુકૂલા દાર્ભર્યા દર્વીપાત્રાનુદામિની ॥ 214 ॥

દમઘોષપ્રપૂજ્યા ચ દમઘોષવરપ્રદા ।
દમઘોષસમારાધ્યા દાવાગ્નિરૂપિણી તથા ॥ 215 ॥

દાવાગ્નિરૂપા દાવાગ્નિનિર્નાશિતમહાબલા ।
દન્તદંષ્ટ્રાસુરકલા દન્તચર્ચિતહસ્તિકા ॥ 216 ॥

દન્તદંષ્ટ્રસ્યન્દના ચ દન્તનિર્નાશિતાસુરા ।
દધિપૂજ્યા દધિપ્રીતા દધીચિવરદાયિની ॥ 217 ॥

દધીચીષ્ટદેવતા ચ દધીચિમોક્ષદાયિની ।
દધીચિદૈન્યહન્ત્રી ચ દધીચિદરધારિણી ॥ 218 ॥

દધીચિભક્તિસુખિની દધીચિમુનિસેવિતા ।
દધીચિજ્ઞાનદાત્રી ચ દધીચિગુણદાયિની ॥ 219 ॥

દધીચિકુલસમ્ભૂષા દધીચિભુક્તિમુક્તિદા ।
દધીચિકુલદેવી ચ દધીચિકુલદેવતા ॥ 220 ॥

દધીચિકુલગમ્યા ચ દધીચિકુલપૂજિતા ।
દધીચિસુખદાત્રી ચ દધીચિદૈન્યહારિણી ॥ 221 ॥

દધીચિદુઃખહન્ત્રી ચ દધીચિકુલસુન્દરી ।
દધીચિકુલસમ્ભૂતા દધીચિકુલપાલિની ॥ 222 ॥

દધીચિદાનગમ્યા ચ દધીચિદાનમાનિની ।
દધીચિદાનસન્તુષ્ટા દધીચિદાનદેવતા ॥ 223 ॥

દધીચિજયસમ્પ્રીતા દધીચિજપમાનસા ।
દધીચિજપપૂજાઢ્યા દધીચિજપમાલિકા ॥ 224 ॥

દધીચિજપસન્તુષ્ટા દધીચિજપતોષિણી ।
દધીચિતાપસારાધ્યા દધીચિશુભદાયિની ॥ 225 ॥

દૂર્વા દૂર્વાદલશ્યામા દૂર્વાદલસમદ્યુતિઃ ।
નામ્નાં સહસ્રં દુર્ગાયા દાદીનામિતિ કીર્તિતમ્ ॥ 226 ॥

ફલશૃતિઃ
યઃ પઠેત્સાધકાધીશઃ સર્વસિદ્ધિર્લભેત્તુ સઃ ।
પ્રાતર્મધ્યાહ્નકાલે ચ સન્ધ્યાયાં નિયતઃ શુચિઃ ॥ 227 ॥

તથાઽર્ધરાત્રસમયે સ મહેશ ઇવાપરઃ ।
શક્તિયુક્તા મહારાત્રૌ મહાવીરઃ પ્રપૂજયેત્ ॥ 228 ॥

મહાદેવીં મકારાદ્યૈઃ પઞ્ચભિર્દ્રવ્ય સત્તમૈઃ ।
તત્પઠેત્ સ્તુતિમિમાં યઃ સ ચ સિદ્ધિસ્વરૂપધૃક્ ॥ 229 ॥

દેવાલયે શ્મશાને ચ ગઙ્ગાતીરે નિજેગૃહે ।
વારાઙ્ગનાગૃહે ચૈવ શ્રીગુરોઃ સન્નિધાનપિ ॥ 230 ॥

પર્વતે પ્રાન્તરે ઘોરે સ્તોત્રમેતત્સદા પઠેત્ ।
દુર્ગાનામસહસ્રેણ દુર્ગાં પશ્યતિ ચક્ષુષા ॥ 231 ॥

શતાવર્તનમેતસ્ય પુરશ્ચરણમુચ્યતે ।
સ્તુતિસારો નિગદિતઃ કિં ભૂયઃ શ્રોતુમિચ્છસિ ॥ 232 ॥