શ્રીભગવાનુવાચ ।
જ્ઞાનં પરમગુહ્યં મે યદ્વિજ્ઞાનસમન્વિતમ્ ।
સરહસ્યં તદઙ્ગં ચ ગૃહાણ ગદિતં મયા ॥ 1 ॥
સરહસ્યં તદઙ્ગં ચ ગૃહાણ ગદિતં મયા ॥ 1 ॥
યાવાનહં યથાભાવો યદ્રૂપગુણકર્મકઃ ।
તથૈવ તત્ત્વવિજ્ઞાનમસ્તુ તે મદનુગ્રહાત્ ॥ 2 ॥
તથૈવ તત્ત્વવિજ્ઞાનમસ્તુ તે મદનુગ્રહાત્ ॥ 2 ॥
અહમેવાસમેવાગ્રે નાન્યદ્યત્સદસત્પરમ્ ।
પશ્ચાદહં યદેતચ્ચ યોઽવશિષ્યેત સોઽસ્મ્યહમ્ ॥ 3 ॥
પશ્ચાદહં યદેતચ્ચ યોઽવશિષ્યેત સોઽસ્મ્યહમ્ ॥ 3 ॥
ઋતેઽર્થં યત્પ્રતીયેત ન પ્રતીયેત ચાત્મનિ ।
તદ્વિદ્યાદાત્મનો માયાં યથાઽભાસો યથા તમઃ ॥ 4 ॥
તદ્વિદ્યાદાત્મનો માયાં યથાઽભાસો યથા તમઃ ॥ 4 ॥
યથા મહાન્તિ ભૂતાનિ ભૂતેષૂચ્ચાવચેષ્વનુ ।
પ્રવિષ્ટાન્યપ્રવિષ્ટાનિ તથા તેષુ ન તેષ્વહમ્ ॥ 5 ॥
પ્રવિષ્ટાન્યપ્રવિષ્ટાનિ તથા તેષુ ન તેષ્વહમ્ ॥ 5 ॥
એતાવદેવ જિજ્ઞાસ્યં તત્ત્વજિજ્ઞાસુનાઽત્મનઃ ।
અન્વયવ્યતિરેકાભ્યાં યત્સ્યાત્સર્વત્ર સર્વદા ॥ 6 ॥
અન્વયવ્યતિરેકાભ્યાં યત્સ્યાત્સર્વત્ર સર્વદા ॥ 6 ॥
એતન્મતં સમાતિષ્ઠ પરમેણ સમાધિના ।
ભવાન્કલ્પવિકલ્પેષુ ન વિમુહ્યતિ કર્હિચિત્ ॥ 7 ॥
ભવાન્કલ્પવિકલ્પેષુ ન વિમુહ્યતિ કર્હિચિત્ ॥ 7 ॥
ઇતિ શ્રીમદ્ભાગવતે મહાપુરાણેઽષ્ટાદશસાહસ્ર્યાં
સંહિતાયાં વૈયસિક્યાં દ્વિતીયસ્કન્ધે ભગવદ્બ્રહ્મસંવાદે
નવમાધ્યાયાન્તર્ગતં ચતુઃશ્લોકીભાગવતં સમાપ્તમ્ . ।
ભાગવતપુરાણ . અધ્યાય 2/9/30-36 . ।