സകൃച്ഛ്രവണമാത്രേണ ബ്രഹ്മജ്ഞാനം യതോ ഭവേത് ।
ബ്രഹ്മജ്ഞാനാവലീമാലാ സര്വേഷാം മോക്ഷസിദ്ധയേ ॥ 1॥
ബ്രഹ്മജ്ഞാനാവലീമാലാ സര്വേഷാം മോക്ഷസിദ്ധയേ ॥ 1॥
അസങ്ഗോഽഹമസങ്ഗോഽഹമസങ്ഗോഽഹം പുനഃ പുനഃ ।
സച്ചിദാനന്ദരൂപോഽഹമഹമേവാഹമവ്യയഃ ॥ 2॥
സച്ചിദാനന്ദരൂപോഽഹമഹമേവാഹമവ്യയഃ ॥ 2॥
നിത്യശുദ്ധവിമുക്തോഽഹം നിരാകാരോഽഹമവ്യയഃ ।
ഭൂമാനന്ദസ്വരൂപോഽഹമഹമേവാഹമവ്യയഃ ॥ 3॥
ഭൂമാനന്ദസ്വരൂപോഽഹമഹമേവാഹമവ്യയഃ ॥ 3॥
നിത്യോഽഹം നിരവദ്യോഽഹം നിരാകാരോഽഹമുച്യതേ ।
പരമാനന്ദരൂപോഽഹമഹമേവാഹമവ്യയഃ ॥ 4॥
പരമാനന്ദരൂപോഽഹമഹമേവാഹമവ്യയഃ ॥ 4॥
ശുദ്ധചൈതന്യരൂപോഽഹമാത്മാരാമോഽഹമേവ ച ।
അഖണ്ഡാനന്ദരൂപോഽഹമഹമേവാഹമവ്യയഃ ॥ 5॥
അഖണ്ഡാനന്ദരൂപോഽഹമഹമേവാഹമവ്യയഃ ॥ 5॥
പ്രത്യക്ചൈതന്യരൂപോഽഹം ശാന്തോഽഹം പ്രകൃതേഃ പരഃ ।
ശാശ്വതാനന്ദരൂപോഽഹമഹമേവാഹമവ്യയഃ ॥ 6॥
ശാശ്വതാനന്ദരൂപോഽഹമഹമേവാഹമവ്യയഃ ॥ 6॥
തത്ത്വാതീതഃ പരാത്മാഹം മധ്യാതീതഃ പരഃ ശിവഃ ।
മായാതീതഃ പരഞ്ജ്യോതിരഹമേവാഹമവ്യയഃ ॥ 7॥
മായാതീതഃ പരഞ്ജ്യോതിരഹമേവാഹമവ്യയഃ ॥ 7॥
നാനാരൂപവ്യതീതോഽഹം ചിദാകാരോഽഹമച്യുതഃ ।
സുഖരൂപസ്വരൂപോഽഹമഹമേവാഹമവ്യയഃ ॥ 8॥
സുഖരൂപസ്വരൂപോഽഹമഹമേവാഹമവ്യയഃ ॥ 8॥
മായാതത്കാര്യദേഹാദി മമ നാസ്ത്യേവ സര്വദാ ।
സ്വപ്രകാശൈകരൂപോഽഹമഹമേവാഹമവ്യയഃ ॥ 9॥
സ്വപ്രകാശൈകരൂപോഽഹമഹമേവാഹമവ്യയഃ ॥ 9॥
ഗുണത്രയവ്യതീതോഽഹം ബ്രഹ്മാദീനാം ച സാക്ഷ്യഹമ് ।
അനന്താനന്തരൂപോഽഹമഹമേവാഹമവ്യയഃ ॥ 10॥
അനന്താനന്തരൂപോഽഹമഹമേവാഹമവ്യയഃ ॥ 10॥
അന്തര്യാമിസ്വരൂപോഽഹം കൂടസ്ഥഃ സര്വഗോഽസ്മ്യഹമ് ।
പരമാത്മസ്വരൂപോഽഹമഹമേവാഹമവ്യയഃ ॥ 11॥
പരമാത്മസ്വരൂപോഽഹമഹമേവാഹമവ്യയഃ ॥ 11॥
നിഷ്കലോഽഹം നിഷ്ക്രിയോഽഹം സര്വാത്മാദ്യഃ സനാതനഃ ।
അപരോക്ഷസ്വരൂപോഽഹമഹമേവാഹമവ്യയഃ ॥ 12॥
അപരോക്ഷസ്വരൂപോഽഹമഹമേവാഹമവ്യയഃ ॥ 12॥
ദ്വന്ദ്വാദിസാക്ഷിരൂപോഽഹമചലോഽഹം സനാതനഃ ।
സര്വസാക്ഷിസ്വരൂപോഽഹമഹമേവാഹമവ്യയഃ ॥ 13॥
സര്വസാക്ഷിസ്വരൂപോഽഹമഹമേവാഹമവ്യയഃ ॥ 13॥
പ്രജ്ഞാനഘന ഏവാഹം വിജ്ഞാനഘന ഏവ ച ।
അകര്താഹമഭോക്താഹമഹമേവാഹമവ്യയഃ ॥ 14॥
അകര്താഹമഭോക്താഹമഹമേവാഹമവ്യയഃ ॥ 14॥
നിരാധാരസ്വരൂപോഽഹം സര്വാധാരോഽഹമേവ ച ।
ആപ്തകാമസ്വരൂപോഽഹമഹമേവാഹമവ്യയഃ ॥ 15॥
ആപ്തകാമസ്വരൂപോഽഹമഹമേവാഹമവ്യയഃ ॥ 15॥
താപത്രയവിനിര്മുക്തോ ദേഹത്രയവിലക്ഷണഃ ।
അവസ്ഥാത്രയസാക്ഷ്യസ്മി ചാഹമേവാഹമവ്യയഃ ॥ 16॥
അവസ്ഥാത്രയസാക്ഷ്യസ്മി ചാഹമേവാഹമവ്യയഃ ॥ 16॥
ദൃഗ്ദൃശ്യൌ ദ്വൌ പദാര്ഥൌ സ്തഃ പരസ്പരവിലക്ഷണൌ ।
ദൃഗ്ബ്രഹ്മ ദൃശ്യം മായേതി സര്വവേദാന്തഡിണ്ഡിമഃ ॥ 17॥
ദൃഗ്ബ്രഹ്മ ദൃശ്യം മായേതി സര്വവേദാന്തഡിണ്ഡിമഃ ॥ 17॥
അഹം സാക്ഷീതി യോ വിദ്യാദ്വിവിച്യൈവം പുനഃ പുനഃ ।
സ ഏവ മുക്തഃ സോ വിദ്വാനിതി വേദാന്തഡിണ്ഡിമഃ ॥ 18॥
സ ഏവ മുക്തഃ സോ വിദ്വാനിതി വേദാന്തഡിണ്ഡിമഃ ॥ 18॥
ഘടകുഡ്യാദികം സര്വം മൃത്തികാമാത്രമേവ ച ।
തദ്വദ്ബ്രഹ്മ ജഗത്സര്വമിതി വേദാന്തഡിണ്ഡിമഃ ॥ 19॥
തദ്വദ്ബ്രഹ്മ ജഗത്സര്വമിതി വേദാന്തഡിണ്ഡിമഃ ॥ 19॥
ബ്രഹ്മ സത്യം ജഗന്മിഥ്യാ ജീവോ ബ്രഹ്മൈവ നാപരഃ ।
അനേന വേദ്യം സച്ഛാസ്ത്രമിതി വേദാന്തഡിണ്ഡിമഃ ॥ 20॥
അനേന വേദ്യം സച്ഛാസ്ത്രമിതി വേദാന്തഡിണ്ഡിമഃ ॥ 20॥
അന്തര്ജ്യോതിര്ബഹിര്ജ്യോതിഃ പ്രത്യഗ്ജ്യോതിഃ പരാത്പരഃ ।
ജ്യോതിര്ജ്യോതിഃ സ്വയഞ്ജ്യോതിരാത്മജ്യോതിഃ ശിവോഽസ്മ്യഹമ് ॥ 21॥
ജ്യോതിര്ജ്യോതിഃ സ്വയഞ്ജ്യോതിരാത്മജ്യോതിഃ ശിവോഽസ്മ്യഹമ് ॥ 21॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
ബ്രഹ്മജ്ഞാനാവലീമാലാ സമ്പൂര്ണാ ॥